254
Кино және соның төңірегі: ойлар, рецензиялар, шолулар, т.б.
«Дэдпул 3» түсірілімінен кадрлар тарап жатыр. Райан Рейнольдс ешкім жете алмаған мәмілеге қол жеткізіп отыр: Логан/Құну рөлімен қош айтысқан Хью Джекманды рөлге оралуға көндіріп қоймай, комикстегі классикалық костюмді кигізіп қойыпты. Хью бұл костюмді «Х-адамдар» франшизасының ешбір фильмінде кимеген бұған дейін :)
Читать полностью…
"Қара айна" бұрынғы маусымдарда футуристік атмосфера қалыптастыруға тырысса, осы жолы керісінше - оқиғалар локациясы өтіп кеткен онжылдықтарға ұқсайды.
"Гильермо дель Тороның сирек заттар бөлмесін" көріп пе едіңіз?
"Қара айна" антологиясының 6 маусымы маған сол мини-сериалды еске түсірді: монстрлар мен қанды қылмыстар құпияның негізгі өзегіне айналыпты.
"Қара айнаға" тоймай қаласың - жаңа маусым 2-3 жылда бір шығады, оның өзі азғантай серия.
"Футбол деген өмір" деуші ме еді?
"Тед Лассо" сериалынан кейін "Футбол деген психотерапия" деуге болады :)
Бұнда протагонист пен антагонистің айқын текетіресі жоқ, бұнда әр серия сайын көрерменді тақым қысуға мәжбүрлейтін футбол шиеленісі жоқ, бұнда футбол сыртындағы құпиялар ашылмайды.
Сериалдағы футбол — кейіпкерлерді байланыстыратын, бір-біріне бауыр басып, жанашыр болғызатын, ғашық болып, сезім оятатын дәнекерлеуші күш рөлінде.
Сериал аяқталды, қимастық бар. Бірақ кейбір ұзақ ойнайтын жобалардан айырмасы - рейтинг қуып, созғыламай, бас кейіпкердің аркасын жабумен оқиғаны аяқтады. Артық сұрақ туғызбады, бұл қалай деп теориялар ойлап табуға итермелемеді.
Әдемі басталды, әдемі аяқталды.
Орта жолдан тастап кеткен сериалдарымды тізіп қояйыншы:
- Біртүрлі оқиғалар / Stranger Things: 2 маусымның соңы
- Жігіттер (бола ма?) / The Boys: 2 маусымның соңы
- Мандалор / The Mandalorian: 3 маусымның басы
- Шекер: 1 маусымның соңы
- Қайрат болма: 2 маусымның соңы
- 5:32: маусымның жартысы
Бәріне ортақ 1 себеп бар: тупо қызық емес. Бәрінде уақыт өте келе сюжет тоқырап, көрерменге ұсынатын ештеңесі қалмайды, кейіпкерлер дамымай қалады.
Ал сендер қандай сериалды аяқтамай тастап кеттіңдер, коменттей отырыңдар.
P.S. Тізім толығуы мүмкін.
"Кезбе өліктер" (The Walking Dead) сериалында Стивен Ён ойнаған персонаж өлгеннен кейін актердің бағы ашылған сияқты.
Сол сериалдан кеткеннен кейін Стивен — Каннда жүлде алған "Жану" (Burning) картинасына, "Санденс" пен "Алтын глобус" жүлдегері "Минари" (Minari) драмасына түсті. Екінші аталған фильмдегі рөлі үшін тіпті "Оскар" номинанты болып үлгерді.
Енді міне Netflix-тің "Beef" мини-сериалындағы басты рөлімен көзге түсіп отыр.
Қысқасы Азия актерлері трендте қазір. Екінші планда жүрген біраз азиялық актерлер мен режиссерлерді жаңа қырынан тани бастаймыз енді.
Түрлі фильмдерден бірдей кадрлар байқап қалған сәт өзіме ұнайды :)
"The Last of Us" сериалын бастауға бір жағынан уақыт болмай, бір жағынан бата алмай жүргем. Қазақша әуесқой дыбысталған нұсқасы шықты деген соң бастап кеттім.
Қазақша нұсқасын hdrezka сайттардан іздеңіз 😉
Даррен Аронофскиге көзқарасым бір жақты емес. "Реквием", "Қарақу" үшін қалпағыңды шешіп, "Нұх" пен "мамасы" үшін бас шайқауға болады.
"Кит" бүкіл жұмыстарының ішінде не әрі емес, не бері емес - ортасында қалған сияқты. Беретін эмоциясы үшін, көтерген тақырыптары үшін алғыс айтасың, құдай мен інжілді тағы араластырып, сюжеттің нәрін кетіріп жібергенде оқиғаға қаныңқырамай қалғаныңды ұғасың.
Басты рөлдегі Брендан Фрейзер бұл кінә мен сыннан тысқары жатыр. Ол кемеңгер актер.
Әйтсе де кемшіліктеріне қарамастан бір қарауға әбден лайық туынды деп санаймын.
Қызық тенденция негізі...
Осыдан бірнеше жыл бұрын бірден стримингке шыққан фильмдер киноакадемиялардың сыйлығына ұсынылмайтын. Олар ұсынғысы келеді-ау, академиктер қабылдамайтын, тіпті мойындамайтын.
Енді қараңыз - Ремарктың "Батыс майданда өзгеріс жоқ" шығармасының желісімен түсіріліп, Netflix платформасына шыққан неміс картинасы Еуропа киноакадемиясында екі номинацияда жеңімпаз болды. Ал (осы жерде бар назарыңызды толығымен маған бұрыңыз) Британ академиясында 7 номинацияның үздігі болды.
Екі емес, үш емес, төрт емес, бес емес... Жеті, жетііііі.
Достар, менің 7 деген сөзіме мән бермей отырсыңдар. ЖЕТІ деп отырмын.
Жалпы түсініп тұрсыңдар ма? Ж.Е.Т.І. номинацияның жеңімпазы, білдіңіз бе?!
Алда "Алтын глобус" пен "Оскардың" 9 номинациясы күтіп тұр. Т.О.Ғ.Ы.З.
Қалай ойлайсыңдар, осынша сыйлыққа лайық фильм бе?
Америкадағы Супербоул - матч, музыка қойылымдарынан бөлек, жаңа трейлерлердің де мейрамы.
2023 жылғы Супербоул кезінде көрсетілген трейлерлер: https://www.youtube.com/watch?v=0r2MK7sto4A
Қысқаша: "Флеш", "Галактика сақшылары 3", "Форсаж 10", "Крид 3", т.б. фильмдердің анонс/роликтері бар.
M3GAN - абьюзер қуыршақ туралы хоррор :)
Әзілді былай ысырып қойып айтсақ, фильмнің моралі мынау - балаңа ата-ана бол, әйтпесе компьютер (планшет, телефон, ақылды ойыншық) келіп сенің рөліңді өзіне алады.
Ал енді бұл фильмді жасаушылар туралы жаңалық: Blumhouse пен Atomic Monster біріккелі жатыр. Blumhouse "Паранормал құбылыстан" бастап, "Окулус", "Астрал", "Синистер", "Аулақ" т.б. атақты картиналар шығарды.
Ал Atomic Monster "Ара", "The Conjuring", "Астрал" сияқты фильмдерді түсірген Джеймс Ванның студиясы. Екі студия хоррор фильмдер жасау жолында бірлесіп жұмыс істеп жүр онсыз да.
Былайша айтқанда соңғы жылдардың ең табысты хоррор-продюсері мен соңғы жылдардың ең талантты хоррор-режиссері бірігіп жатыр.
"Апта киносы" деген айдармен әр апта соңында бір фильм ұсынып тұрсам қалай қарайсыңдар?
Мысалы осы жолы поляк режиссері Ежи Сколимовскийдің "Ио" фильмін ұсынар едім. Ешқандай жанрға жатқызуға келмейтін, сөзінен қимылы көбірек картина 2022 жылы Канн кинофестивалінде Қазылар сыйлығын алды.
Қысқаша: Адамдар табиғатын, болмысын есектің көзімен зерттеу. Біз жануарлар үшін қандаймыз?
"Дос-Мұқасан" жанға жылу беретін картина екен.
Иә, ұсақ-түйек деталдеріне мін артуға болады. Бірақ байопик екен деп биографиялық факт-деректермен, хронологиялық реттілікпен миға артық жүк салмайды. Тіпті кейбір сахналарды музыкалық клип түрінде береді, сонысымен қызық секілді. Осындай тұстары "Богема рапсодиясы", "Рокетмен" картиналарын еске салады (жақсы мағынада).
Совет киносы үшін стереотип болып қалған кейбір элементтерді қосу арқылы режиссер сол заманның атмосферасын жақсы береді.
Үйдің үлкені де, жасы да оңай қабылдайтын картина деп ойлаймын. Өйткені "Дос-Мұқасан" аға буынның кумирі, ал жастарға фильмнің баяндау стилі жат емес.
Инди-хоррор шеберлері Аарон Мурхед пен Джастин Бенсон Марвелдің «Ай серісі» сериалынан кейін өздерін танымал қылған тематикаға, инди бағытқа қайта оралған екен. «Something in the Dirt» бастапқы жұмыстарымен үндес, ұқсас картина. Аталған екі фильммейкерді танысаңыз міндетті түрде көру керек.
Читать полностью…
Жеміс Камерон екінші "Аватарын" майын тамызып тұрып баяндауға күш салған екен.
Фильмнің көкжиегін кеңейтіп, жаңа әлеммен - Пандораның суда тіршілік ететін жаңа пенделерімен таныстырады. Ол әлемге бірден қойып кетпей, көрерменді де, кейіпкерлерді де асықпай ендіріп, егжей-тегжейін түсіндіреді. Сондықтан хронометражға уақыт аямапты.
Сюжеттің бірізділігінен жаңылмауды да ойлаған: бірінші бөлімнің соңында не болғанын еске салып, кадр сыртындағы кейбір деталдерін айтады-көрсетеді.
Десек те сәл уақытқа орнаған бейқам тіршіліктің алдамшы екенін музыкасымен сездіртіп тұрады. Сен де ішкі құрылысыңды бүріп ұстап, әй, қазір бірдеңе болады-ау деп отырасың.
Бірінші картина колонизацияны басты назарда ұстап, отарлау мен жоғары цивилизация астамшылығы қандай қайғыға әкелетінін айтса, екінші бөлімнің моралі тым қарапайым, бірақ өте өзекті - отбасыңа деген шексіз сүйіспеншілік.
Ал енді, Доминик Торетто, былай ығыс - отбасыны сенен артық қадірлейтін адам табылды. Ол - Джейк Салли.
P.S. Фильмнің қазақшасына барыңдар :)
Marvel алжиын деді.
Екінші "Кек алушыларда" Сынапты ойнаған Аарон Тейлор-Джонсон сол киноғаламға қайтып келді. Енді ол Аңшы Крейвенді аттас фильмде ойнайды. Фильм Sony-ға тиесілі ғой, бірақ Sony-дің киноғаламы Өрмекші-адам арқылы Marvel-ге де ортақ.
"Аңшы Крейвенде" Рассел Кроу да бар. Актер Marvel-дің басқа фильмінде - төртінші "Торда" Зевсті ойнағанын бәрі біледі.
Қысқасы, сұраққа жауап күтемін :)
Биыл Қазақ мультипликациясының атасы Әмен Қайдаровтың туғанына 100 жыл.
Тоқсаныншы жылдардың басында, 1-2 телеарна ғана көрсететін заманда кілең орысша жүретін бағдарламалардың арасында — қалай екенін білмеймін — Қайдаровтың "Қарлығаштың құйрығы неге айыр?", "Ақсақ құлан" мультфильмдері кіріп кететін. Қазақша телеконтентпен таныстығымыз да осы мультфильмдерден басталған шығар.
Сюжетті диалогсыз көрсетсе де балаларға қызық еді. Шиеленіс, қақтығыс, эмоция музыкамен ғана беріледі. Шеберлік деп осындайды айтса керек.
https://www.youtube.com/watch?v=ZkBfEFv34mo
Галактика сақшылары 3 - ғарыштағы түрлі-түсті экшнға жануарлар құқығын, психология мен өзін іздеу (сәлем, Тор 4), өткен шақтың травмалары әкелетін салдар туралы өзекті тақырыптарды тұздық қылыпты.
Сюжеті бүкіл трилогияның, жалпы 2014 жылдан бері келе жатқан Сақшылар хикаясын қорытады.
Фильм сонымен қатар режиссердің де көрермендермен сырласуы дер едім. «Осыған дейінгі бөлімдерде акцентті басқаға қойып келіппін ғой, негізгі айтпағым үшіншіде толық қалыптасты», - дейтін секілді режиссер.
Қазақстан киносыншылар қауымдастығы кеше 2022 жылдың үздіктерін жариялады.
Сөз жоқ, бұндай индикаторлар аса қажет. Анағұрлым объектив шешім қабылдайтын, сыни пайымы қалыптасқан адамдардың ұйымы. Құрамында өзім құрметтейтін сыншылар да баршылық.
Алайда шараның өзі 80% орысша өтті. Экрандағы мәтін толығымен орысша. Сахнадағы екі жүргізушінің қазақша бөлігіне жауапты актер Санұржан Сүлейменовтың өзін қазақ тілін жетік біледі деп айтпас едім. Бұл бір. Екіншіден Санұржанның өзі сөйлеген кезде орыс тіліне жиі ауысып кете берді.
Қысқасы Ресей киносыншыларының Қазақстандағы өкілі сипатындағы шара көрдім кеше.
Абылай деген бір жігіт бар. Саяхатты ұнатады. Әлгі тур сатып алып, бәрі төленген, бәрі дайын саяхат емес. Кәдімгі жабайы, қауіп пен қатерден сақтанбаған саяхат. Осындай тақырып қызық болса каналын оқыңыз: /channel/saparmuraty
Читать полностью…
«Шазам! 2»-ден кейінгі ой.
Темір адам, Тор, Супермен, Бетмен, басқа да қаһармандар Әділет лигасына немесе Кек алушыларға бірікпей тұрғанда жаумен жалғыз шайқасуы әлдеқайды қисынды көрінетін.
Алайда суперлер жасағы құрылып болған соң оларға жеке жобалар жасауды жалғастыру ақылға қонбай бара жатыр.
Шазамның мысалын алайық. Бұл киноғаламда Әділет лигасы бар. Әйтсе де ақыл-ойы жасөспірім деңгейіндегі суперқаһарман үш құдайға бір өзі төтеп береді. Былайша айтқанда тұтас жер планетасының тағдыры бір топ жасөспірімнің әрекетіне қарап қалады екен. Ал осы кезде Флеш, Бетмендер қайда және не істеп жүрді деген сұрақ бастан кетпей қояды.
Қысқасы суперқаһармандар тақырыбы мен үшін өзекті болмай бара жатыр.
«Оскардың» басты триумфаторы құрметіне менің сол фильм туралы пікірімді тағы бір еске алып қоялық 😉
Читать полностью…
#АптаКиносы
ХОТЯ БЫ В КИНО
Фильмнің өзегі - коррупция.
Антикордың қолына түспеу үшін жемқор шенеунік небір қызық та күлкілі оқиғаларды бастан өткізеді.
Роуд муви элементтері бар жеңіл комедия.
Иә, кінә қояр тұстары көп, тіпті сюжетінде үнді киносы секілді аңғалдық та бар.
Бірақ "күлдіртіп отырып жылатады" деуші ме еді халық? Сондай фильм.
Атауы неге былай дегендерге: енді жемқорларды кинода жазаламағанда басқа қай жерде жазалаймыз? - дейді авторлары.
https://www.youtube.com/watch?v=ELOyh2zwALQ
Харли Куин образындағы Леди Гага.
Оны 2024 жылы "Джокер 2" фильмінен көреміз. Басты рөлде - Хоакин Феникс.
The Banshees of Inisherin
"Үш билбордты" түсірген Макдонаның жаңа картинасы өзіңмен өзің болу құқығы үшін өмірін қиюға даяр адам туралы баяндайды.
Колм (Брендан Глисон) - жасы келген қария, өмірі аралдағы бейқам ауылда өткен. Өзгелер секілді күнделікті өмірін пабта өткізеді, жексенбіде шіркеуге барады, досы Падриктің (Колин Фаррелл) мағынасыз бос әңгімесін тыңдайды. Бір-біріне ұқсаған күндер. Сөйтіп жүргенде өмірінің көбі өтіп, азы қалыпты. Бос тірліктің бәрін доғарып, қалған өмірін музыкаға арнасам, сөйтіп артымда бір із қалдырсам дейді. Алайда досы кенеттен өзгеріп шыға келген Колмды түсіне алмайды. Енді маған жолама деген өтінішін қорлау деп қабылдайды.
Осы конфликтінің түрлі себептері мен салдарын екі кейіпкердің көзімен көреміз. Әр көрермен жанына жақын түйінге келеді деп ойлаймын. Өйткені екі кейіпкердің өзі ғана түсінетін уәжі бар, екеуінің де әрекетін теріске шығара алмаймыз.
p.s. Аталған екі актердің "In Bruges" (2007) фильміндегі тамаша тандемін бәрі біледі. Оны да Мартин Макдона түсірген еді.
Апта Киносы
Шрек мультғаламының фанаттарына бұл жақсы дүние болды. Етік киген мысық туралы спин-оффтың екінші бөлімі франшизаның үздіктерінің бірі деуге болады.
Анимация болғанымен оқиғасы вестерн стиліндегі экшн-драмадан кем емес.
Отбасы болып көруге әбден лайық.
Хоррорда зерттелмеген құбыжық, көрсетілмеген жын-пері қалмады ғой қазір. Сондықтан да жанр өте таптаурын, бір-бірін қайталап жатады.
«Варвар» хоррорға детектив элементтерін қосып, баяндау тәсілін, визуал келбетті жаңа ракурспен беруге тырысады. Сюжетті сегменттеу арқылы бір оқиғаға бірнеше кейіпкердің көзімен қарауға болады. Фильм алғашқы минутынан соңына дейін саспенс эффектісімен ұстап тұрады.
2022 жылдың басты хорроры дегендер бар. Бәлкім рас та шығар.
Аарон Мурхед пен Джастин Бенсонның шығармашылығындағы ең шок сахнаның бірі (деп есептеймін)
https://www.youtube.com/watch?v=IHeTvKNvATM
Достар, айтуға ұмытып кете берем: QAZAQ KINOSY: TOP-10 FILM деген жоба жүріп жатыр. Киносүйер қауым оффлайн бас қосып, қазақ киносындағы үздік туындыларды қарайды, талқылайды, кейіпкерлерге психоанализ жасайды, сюжеттің артына жасырылған астыртын ойларды табады.
Әр аптаның сейсенбісінде 1 фильм талқыланады. Осыған дейін "Қыз Жібек", "Менің атым Қожа", "Тұлпардың ізі" сияқты картиналар көрілді және талқыланды.
Анонстар мен ақпаратты мына жерден қарай жүріңіз: https://www.instagram.com/oner.portal/
Ана жер, мына жерден жылтыңдап видеолары шыға берген соң Тим Бертонның "Сәрсенбісін" бастадым.
Басты рөлде ойнаған Дженна Ортега сондай тартымды. Қара юморды, готика атмосфераны қабылдап, оны өзгеге бере алатын қыз екен өзі.
Сосын... аздап Хелена Бонем Картерге ұқсастығы бар ма деп қалдым. Тимекең де сағынатын шығар, қәйтсін енді.
Ал тиктокерлердің жаңа трендіне айналған әлгі би таза импровизация болды дейді. Өтірік-расына куәлік ете алмаймын.