4466
🧙🏻♀️Китептер, жашоо-турмуш жөнүндө жана пайдасыз нерселерди жазам. #Күндөлүк 🪄Жасалмасыз 🪞Боёксуз ✨Биздин дүйнөбүзгө кош келдиң, окурман!
Качан турмушка чыгасын?
Убактын келди,сени менен тендер ннннн…
Азыр менде кадам сайын ушул суроолор…
Туура убактым келди,бирок менин адамым келе элек😁
Бирөөнүн тамагын жасап,жакасын агартуу, бүлөөсүнө бүлө болуу баарынын колунан келет!
Бирок ысык-суукта,жакшы-жаманда бирге болуп,жетелешип “балансты” сактоо,балдарга жөн эле эне болуу эмес,эн мыкты эне болуу колдон келеби?
Эн биринчи “өзүн” менен мамилен кандай?
Күзгүдөн коркпой өзүндү карай аласынбы, ишенимдүүсүнбү?
Өзүндү колдоп-коргой аласынбы?
Жашоонун түрдү кырдаалына туруштук берип барга көөп,жокко чөкпөйсүнбү?
Бирөөнү сая көрсөтүп күнөөлөбөй жоопкерчилик ала аласынбы?
Ата-энең,бир тууганың менен мамилен кандай?
Алар менен кандай маанай,кандай тембрде сүйлөшөсүң?
Өткөн-кеткен таарынычтардын,заарын башкага чачпайсынбы?
Ооба, мен келдим.
Ас-саляму алейкум🌹
Ин ша Аллах аябай көпкө жоголуп кеткеним үчүн жинденбейсиздер деген ойдомун.
“Мен көпкө жок болдум, ии иштер көп болду” ж.б.у.с сөздөрдү айтып отмаска кылгым келбей эле…
Каналыма жазууга көп аракет кылдым. Сиздерге учурдагы нерселер тууралуу жазууну, бөлүшүүнү самадым, бирок, бирок, билбейм, айтор эч нерсе жаза албадым.
Инстаграмды өчүргөнүмдө ар убак бул жакта активдүү болор элем.
Өчүргөнүмө эки жумадан ашты.
Өзгөрүү жок…
Менин каналымды бирөө баракчасына реклама кылган өңдөнөт. Катталуучулар көбөйө баштаптыр.
Ким болсо да Аллах ыраазы болсун🤎
Макул, каналымдын аты өз аталышы менен калды🥰
Китепке өтө байланышпай жатканы үчүн алмаштырып койсомбу дегем…
Сиздердин добушуңуздарды кабыл алдым✅
Бүгүн үйдөмүн.
Кечээ үч ата-эненин үйүнө барып, энергиям лимонду сыгып алгандай эле түгөнүп калган. Бирок ата-энелер менен жакындан таанышуу өтө сонун жыйынтык берет экен. Анткени баланы жакындан таанып, үйүндө эмне кылат, бош убактысында эмне кылат, бөлмөсү кандай у.с суроолорго жооп алып, балага болгон көз караш өзгөрөт экен.
Баласы жөнүндө мектепте өздөрүн кандай алып жүргөнү жөнүндө айтып берсем ыраазы эле болуп калышты окшойт. Кетип жатканда: Эже, кыргызчылык болуп кетип дасторкон жайып албаңыздар. Барып эле айтчу нерселеримди айтып дароо кетем. деген элем. Кайдан? Тамагын жасап, дасторконун жайып алып күтүп жатышыптыр.
“Ии, кичинекей эле кыз экенсиң го.” дешсе керек деп ойлогом. Кудайга шүгүр. Андай болбоду. Улуу адам келгендей эле тосуп алышып, ошондой эле сый көрсөтүштү.
Жашырганда эмне? 1-жылым, 1-окуучуларым, окууну быйыл бүттүм деп айтып койдум.
Ошо, болочок мугалимдер, класс жетекчилер, ата-энелер менен жолугуп сүйлөшсөңөр ишиңер жеңилдейт экен. Ин ша Аллах кийинки жума калган окуучуларымдын үйүнө барам.
“Сен дагы мендей,
Өз оюңду бербей,
Көп нерседен шек санайсың,
Оңой мн келбейт.
Желпинип желдей,
Көздөгөнүн бербей,
Сен да бир жан мага окшогон,
А мен болсо сендей…” (с)
Анна Егояндын поэзия кечесине баргым келип жатат🪞🎤
Тааныйсыздарбы?
Мектепте психология жумалыгы болуп жатат.
Бүгүн арт техника болду. Сүрөт тарттык.
Сүрөт жакшы тарта албайм, бирок анализ кылганда жакшы эле жыйынтык болду🙂
Биз билимсиздигибиз үчүн акы төлөйбүз.
Билимибиз жок болгондуктан, дарыгерге барабыз, акы төлөйбүз.
Билимибиз жок болгондуктан, кошумча сабакка барабыз, акы төлөйбүз.
Билимибиз жок болгондуктан, аны толукташ үчүн китеп алууга да акча беребиз…
жана башка ушул сыяктуу…
А бирок, билимсиздигибиз үчүн акча төлөгөн жеңил эле… эң жаманы, ал үчүн каталар, кайтарылгыс убакыттар, өкүнүчтөр менен кечигип төлөө.
Билимде кечикпейли… артта калбайлы…💡🕯
-Нурзат, биринчи балдардын эмнесине карап баа бересиң?
-Туура жазганына
-Эмне, тамгалары сени багабы?
-………. .
22:16
Дагы деле кофейняда отурам.
Сабакка даярданышым үчүн аябай көп убакыт кетет.
Идея тапканга чейин бир-эки саат, анан сүрөттү жасап чыкканча дагы ошончо убакыт сарпталат.
Кээде ушунча даярданып,
сабагым максатына жетпей калганда күйүп кетем да))
Ошо, эми үйгө кетиш керек…
Жасаган сүрөтүм менен азыр бөлүшүп коём🤎🍂
Жолдо 60 жаштардагы бир эжеге:
-Эже, гүлдөрүңүз соонун экен.
-Бүгүн кызымдын туулган күнү, атайын ага арнап алып барсам, сиздин төрөгөн күнүңүз менен деп кайра берди
-Аии, Ма ша Аллах
🍂🍂🍂🍂🍂🍂🍂🍂🍂🍂🍂
Театрдан чыктым.
Аябай сонун болду. “Курманжан Датка” драмасын окуганым үчүн “Сынган кылычтын” сюжетин билген үчүн түшүнүү жеңил болду.
Мусулманкул, Нүзүп аталык, Кудаяр хан, айтор аты атала электе эле түшүнүп, көз алдыма тартып отурдум. Кандай керемет ээ? Окуган чыгармаңды жандуу бир көрүп, өмүр бою эстен чыкпачуудай кылып бышыктап алган.
Аткаруучуларга алкыш! Баралына жеткире аткарып, бирде Курманжан менен Алымбектин романтикасын жаратса, бирде Нүзүп аталыктын башын алганын аткарып элди ыйлатышты.
Китепти окуп жатканда да ыйлаган элем. Кызыгы, Нүзүптүн башы алынганда эл дуу эттире кол чаап жиберишти. Тескерисинче бул жерде кайгыруу керек эле. Нүзүп Шералыны Шералы кылып, курч акылы менен алысты аңдап билип турган.
Мына ошондуктан сөзсүз бул чыгармаларды окуп койгула. Мен дагы окуп чыгышым керек.
Силерге бир нерсе айтайынбы?
Баракчамда 2-3 китепти гана катуу сынга алып, такыр сунуштаган эмесмин. Эң кызыктуусу эң көп суралган китептер ошолор болуп чыккан.
Кызык… Эмнеге?
Ушунча убакыттан бери чыгып кетпей, жазышымды күткөн катталуучуларым, силерди эмне кармады болду экен?
Кызык…
Ошол үмүттү актап, эми активдүү болор бекем…
Өзүңдүн “башталышыңды” бирөөнүн “аягы” менен салыштырба🌱
Сенин жолуң башка, аныкы башка🌱
Сенин тагдырың, ырыскың эчак эле жазылган жана сеники болгон нерсе сага гана насип болот, эч кимге кетип калбайт🌱
Müşterih ol🌱
#өзүмөэскертүү
Ас-саляму алейкум, кандайсыздар?
Жок болуп кеттимби?
Кудай буйруса эртең 2-саат ачык сабагым болот. Аябай коркуп жатам. Өзүбүздүн мектептин завуч, директору киргенде мынчалык корккон эмесмин. А эртең болсо башка жактан келишет.
Андан да жаманы мен ачык саат өтө турган класстагы балдар ооруп, бүгүн 12 эле окуучу келишти. Эртең канча келет болду экен? Мм… А балким башка класска жылдырып салсачы?
Эмнеси болсо да жакшы өтүп алсам экен.
Дуба кылып коюңуздарды өтүнөм 🤲🏻
Колдон келишинче даярдандым. Акылым жетип, ойлонуп жатканым менен көп нерсени кылып салганы энергиям жетпей жатат.
Жетпей жатат…
Гүл - ыргытуу үчүн берилбейт!🤎
Гүлдү сүйүш керек. Гүл берген адамды сүйбөсөңөр да, гүлдү сүйүш керек…
Жөн гана❤️
Баса, гүл меники эмес. Болгону жумуштан келе жатып бул гүлдөрдү таап алдым.
Ма ша Аллах🤎
Сиздерди жакшы көрөм да)
Дагы барбы ушундайлар?
Бүгүн окуучуларыма футбол турнири болмок. Сабактан чыгып эле спорт залга чуркап бардым. Балдарымды колдоп, дем-күч берүү максатында.
Кирип эле барсам бир окуучум жыгылып ыйлап жатыптыр. Кудай өзү алып келген экен деп дароо мектептин дарыгерлерине алып келдим. А калган окуучуларым футболдон жеңилип, чыгып кетип жатып ыйлап жиберсе болобу?
Баары бир балдардын ыйлаганын көрүү башкача да.
Аларга мээримим түшүп, өз балдарымдай эле көрүп калдым.
Мугалимдик улуу кесип экенине секунд сайын ынанып бара жатам.
Ин ша Аллах эртең 3 окуучумдун ата-энесине жолукканы барам.
Кандай окуучу болсо, ата-энеси дал ошондой болот экен.
Жакшы окуган, жоопкерчиликтүү, бир ишти тапшырсаң аткара алган баланын ата-энеси да өзүндөй болот тура. Себеби класс жетекчи болгондон бери ата-энелер менен иштеше баштадык.
Мындай балдардын ата-энеси жазсаң дароо жооп берет, бир документ керек болсо бүтүрөт.
Ма ша Аллах деп коём да, баланын тарбиялоодон мурда өзүбүздү тарбиялоо керек экенин түшүнүп жеттим. Мурда деле бул маалыматтарды окуган менен иш жүзүндө көрө элек элем. Эми окуган нерселер практика менен бышыкталып жатат.
А калган майда-чүйдөсүн бала тарбиялаганда билебиз👌
Менин жакшы көргөн түрк кафем бар. Кээде маанайым жокто, кээде оор жумуш күнүнөн кийин же сабакка даярданышым керек болгондо барып турам.
Кызматкерлер жаңы экени билинип турат. Ар дайым жалгыз отурган жериме экиден чыны, экиден табак алып келди.
-Байке, кечиресиз, мен жалгыз элемин.
-Ааа…
Ошо, качан өзүм жалгыз болгондо ичимдеги кичинекей Нурзат менен сүйлөшөм. Бетме бет келем.
Түшүнүүгө аракет жасайм. Акылымды угуп, жүрөгүмдү тыңшайм.
Өзүңөр менен тез-тез жолугууга чыгып тургула.
“Өзүнүн напсисин тарбиялай албаган, башкаларын да тарбиялай албайт.
Андай болсо өз напсимден баштаймын” деген экен.
Мен дагы напсимди тарбиялашым керек. “Эртең план түзөм, эртең кылайын, эртең баштайын” деп жүрүп ушул күнгө келип жеттим.
Мага жаккан, комфорт нерселер напсимди каалоолору деп билем.
Напсимди кечке семирте бербей тарбиялашым керек болуп калды🥲
Силер менен эмнеден баштаарымды бөлүшүп турам🤎
Кантип эле 8-9 ишке жетишип жүрөсүңөр?
Мен мектеп менен окуума араң жетишип жатам.
Кечки 2-3кө чейин иштеп, күндүзү окуп, бала-чака, үй-бүлөсүнө жетишип жаткандардын жанында менин көйгөйүм суу кечпей калды)
Сырларынан мага деле бөлүшүңүздөрчү. 😌
Тообо, бүгүн уктап калыптырмын😂
Туруп эле сабакка кеч калбадымбы деп саатты карасам 07:42 дейт)
😱деген бойдон акыркы калган акчама такси заказ кылдым да, 8:30га келип калдым. Бизде сабак 09:00дө башталат, бирок классым болгону үчүн 08:20га келип калышым керек.
Апам көп айтат: “Кызым, жумушуңдан кечикпе. Жоопкерчиликтүү мамиле жаса.” деп. Өзү дагы жумушунан бир дагы кечиккен эмес.
Таалим бербей көрсөтүшкөн чоркогун,
Чындыгында күнөөлүү да орто муун.
Кыргыз тилин түшүнбөгөн жаш көрсөм,
Туман баскан келечектен коркомун!
©️Боскеев Темирлан
Тээ драм театрдан вефага чейин жөө басып келдим. Сыртта себелеп акырындан жаан жаайт. Аба-ырайы суук тартып, бирок үшүтпөйт. Баскыңды эле келтирип, жан дүйнөңдү бакытка балкытат.
Өзүм менен өзүм баарлашып, бактылуу болуп келе жатам.
Бир жагынан алып караганда баракчам бар экенине, окурмандарым бар экенине Аллага рахмат айткым келди. Силер жазбасаңар деле окууруңарды, жазгандарымды бирөө окуурун билем. Ошон үчүн жазгым эле, жазгым эле келе берет…
Билем, өтө жакшы жаза албайм. Ошентсе да бул күндөрүм тарых. Кийин өзүм окуйм, балдарым окуйт, жолдошум окуйт.
Эмнеге кызыгарымды, эмне жактырып, эмне жаман көрөрүмдү ушул жактан билет.
Ошоо, окурмандарым. Азыр телефон өчөт. А мен жөө басууну улантып кете берем, кете берем…
Ошо, 1 айдан бери театрга бара элек элем. Негизги баасы: 300с
Студенттер көп барсак 100с экен. Силер да бош болсоңор келгиле🤎
Сулайман Рысбаевдин “Тагдырдын мугалими” китебин окуп бүттүм. Качан эле башталган китеп бүгүн окулуп бүттү✔️
Чынын айтсам бүтүрүп коёюн, бүтүрүп коёюн деп эле окудум.
Кээ бир чыгармаларды бүтпөсүн деп ашыксаң, бул чыгарманы бүтүрүүгө ашыктым…
Албетте, ичинде жакшы цитаталар, мугалимдик тууралуу сонун ойлор бар экен. Бирок мен кантип ушундай болсун деген ойлор өтө көп келди. Башкы каармандын бирөөсү Таттуу бир карасаң Бишкек шаарындагы гимназия мектепте, бир карасаң кайра эле эски мектепте окуп калат. Бирде Адилага телефон чалып: “Сизди апа дейм” десе, кийинчерээк жолукканда: “Сизди апа дегим келет” деп мурда айтпагандай айтат.
Ушундай. Кээ бир жерлерге ынана албадым. Кыскасы сунуштайм, сөзсүз окугула дебейм.
Баалоо: 10/3
Кээ бир нерселерди чечмелеп, түшүндүрүп берүүгө убакыт болбой жатат.
А сиз бул китепти окугансызбы?