4466
🧙🏻♀️Китептер, жашоо-турмуш жөнүндө жана пайдасыз нерселерди жазам. #Күндөлүк 🪄Жасалмасыз 🪞Боёксуз ✨Биздин дүйнөбүзгө кош келдиң, окурман!
Саида устазанын ушул интервьюсун уктум. Ма ша Аллах. Пайдалуу жана жүрөк өйкөгөн суроолорго жооп таба ала турган берүү болуптур. Аллахым, ушундай илимдүү-билимдүү, дин үчүн кызмат кылып жана аны жеткирип жаткан кулуңду эки дүйнө бактылуу кыл🤲🏻
Негизинен бир канча сабактарын көрүп чыккам. (Акылуу да, бекер да)
Түшүнүктүү жеткиргенин өзгөчө баалайм жана аялдардан чыгып, аялдар тууралуу маселелерди көтөрүп жүргөнү өзгөчө жүрөк жылытат.
Эркек устаздардан караганда, аялга баары бир аял жакшы жеткирет.
Бала тарбиясы, дин, күйөө, намаз, хижаб сыяктуу темаларда сөз козголуптур.
Ар бир кыз жана аялдарга угуп коюуну сунуш кылар элем. Албетте, дароо иш жүзүнө ашыра албайсың, бирок уга берсең, уга берсең акылга, андан соң жүрөккө сиңип бир күнү сөзсүз амал кылынып башталат.
(Бир канча катталуучу кыздар диний темада да пост жазуумду өтүнүшөт, бирок мен бул темада жазуудан айбыгам. Жазуудан алдын амал кылуу керек. Ошондо гана окуган адамга жугат, таасир берет.)
Бүгүн китеп алып келдим.
(Силерге айттым эле го. Бекер алып окусаң болот. Кайра алып барып коюп коёсуң деп. )
Албетте, сүйүү жөнүндө😅
(Китепте: “Мен сени сүйөм” деп жазылуу турат. Мазмунун окусам кызыктуу экен)
Берилүү менен окуп, бүтүрүп салайын деген үмүттөр менен алдым)
Тил үйрөнүп жатканда жаш балдардын китептеринен окуп баштаган эң жакшысы, бирок жомок окуган көп жакпагандыктан окулбай эле калып кетип жатат.
(4-5-класска чейин мектептин китепканасындагы жомокторду дээрлик баарын окугам. “Кожожаш”, “Карагул ботом” сыяктуу эпосторду да)
Окей, түшүнүү кыйын болсо да, кызыктуу болсо жакшы го деп окуп көрүүнү чечтим.
Укмуш түшүнүп кетсем силер менен бөлүшөм.
”Сөздүн да, жазуунун да аурасы болот. Сөздөр да күлөт, ыйлайт, муунат, асынып өлөт…”
📖 Көк дептер
⬆️⬆️⬆️
Азыр силерге ушул сүрөттөрдү тарткан байкенин телеграм каналы менен бөлүшөм. Реклама эмес.
Чынында өтө кооз жана сапаттуу тартат. Мурда эле телеграм канал ачыңыз, сүрөт, видеолорду жүктөңүз дечү элем. Акыры канал ачыптыр. (Көбүнчө шаарларды, жаратылыш, тоолорду тартат)
Кирип катталып алыңыздар.
Мага окшоп фонго сүрөт издегендер үчүн жакшы болду да😅.
/channel/travelthenature
Нурзат, руханий жашоонду кантип байытасын?
Бүгүн досум ушундай суроо менен кайрылыптыр.
Жоопту ушул жакка жазууну туура көрдүм.
Адамдын ыйманы эч убакта бир калыпта болбойт. Же көтөрүлөт, же төмөндөйт.
Бул адамдын өзүнө тиешелүү.
Кудайга шүгүр, чет жакка чыгардан алдын аз да болсо диний илимим бар эле.
Намаз окуп, дин менен жашаган кыздардын арасында жашадым. Кээде бири-бирибизге эскертүү берип, кээде эскертүүнү башкалардан алчубуз, бирок Германияда таптакыр башка.
Сен жалгызсың! Сага эскерткен, “Жүр, чогуу намаз окуйбуз” деген эч ким жок. Баарын өзүң кылышың керек. Айланаң ар түрдүү диндегилерге жык. Мисалы, сабакта 2 эле мусулман кызы, калгандары башка диндегилер экен. (Диндин агымы мынчалык көп экенин билчү эмесмин)
Айтканда оозум ачылып эле отурду. Окей, бул жөнүндө башка күнү сүйлөшөбүз.
Айткым келгени сыртка чыгардан алдын биринчи динге көңүл коюп, ыйманыңды күчтөндүрүүгө басым жасоо керек экен.
Менин да руханий дүйнөм кээде ач калып жатканын байкайм. Курсак тоюп, бирок башка жерим ачтай сезилет. Ошол убакта устазалардын сабактарын онлайн көрөм, диний китеп окуйм, бирок булар менимче жетишсиз.
Учурда руханиятты байытуу үчүн дагы башка нерселерди кылуу менен алекмин.
Аллахым өзү жардам берсин🤲🏻
Колдосун, коргосун, зээнимди ачсын🤲🏻.
Бул жакта бир канча кыз менен сүйлөшүп көрдүм. Тилекке каршы, Европа жакшы эле таасирин тийгизиптир. Эгерде аракетти өз убагында баштасам, алардын ордуна өзүм болуп калуум тез эле экен…
Жалгыздык сени Аллах Таалага жакындатат же алыстатат турбайбы.
Адам жалгыз калганда ыйманынын деңгээлин, руханиятынын бай же ачкалыгын сезе алат экен)
Аллахым, Аллахты эскерткен кыздар менен достошуумду насип кыл!🤲🏻
А силер руханиятыңарды кантип байытасыңар?
Ас-саляму алейкум, кандайсыздар?
Кимде ”Азхария 1,2” (Куран алиппе) китептеринин электрондук варианты бар?
Болсо жөнөтүп койсоңуздар аябай сонун болмок.
Кээ бир ойлорго силер да жооп берип, критикалык ой жүгүртүп, кээсин сындап, кээсин кабыл кылып жатканыңар мени өзгөчө кубантат.
Акырындан өнүгүү жолундабыз.
Бул баракчанын негизги максаты да ушул.
Биз өзүбүздүн ийгилигибизге өзүбүз тоскоол болобуз…
Читать полностью…
1-максат коюу керек.
Андан соң аны айлык/жылдык кылып пландоо зарыл.
Анан аракетти баштоо керек.
Болбосо кыйын экен деп жүрө берсем кесел болуп калчуудаймын…
Жакшы эс алгыла!
Кыргызстанда саат 02:50 болуп калыптыр.
Эгер кимдир бирөө сага: “Сен жасай албайсың, колуңдан келбейт”,- деп айтса, балким, сен гениалдуу нерсе ойлоп тапкандырсың…☁️
🌚
🖊️ Нуриза Алимбаева
22:40
28.05.2023
⬆️
Сүрөттөгү силер көргөн жер Ч.Айтматовдун “Тоолор кулаганда” романында аты аталган Гейдельберг деген жер.
Мындан 1 жарым жыл мурун бул китепти кайра кайталап окуп, бул шаарды чыгармадан кездештиргем. Кооз, тарыхый шаар экенин билчүүмүн, бирок өтө маани берген эмес экен элем. Аллах насип кылып бүгүн өз көзүм менен көрүүгө мүмкүнчүлүк болду.
Чексиз ыраазымын.
Билесиңерби?
Айтматов дүйнөгө көпүрө салыптыр. Жазуучунун китептерин издедим, окуган бирөөнү кездештирип, алардын оюн угуп көрүү кыялым болуп жатат. Атайын китеп саткан жерге кирип:
-Чингиз Айтматовдун китептери барбы? (Немисче айтылышы “и” менен) Ал кыргыз жазуучусу.
-Күтө туруңуз. деп компьютерин көздөй басты.
Аты кандай жазылат, тамгалап айтып бере аласызбы?
-Келиңиз, мен өзүм эле жазайын.
-Макул.
Ошентип авторлорду издеген бөлүмдөн издедик. Аллах насип кылып жазуучунун китептери чыкты. Ма ша Аллах, бирок сатыкта калбаптыр.
-Биз заказ берсек болот.
-Кечиресиз, мен бул шаарда жашабайм. дедим да жолумду уланттым. Китеби болгондо сатып алмакмын. Кайра немисче окууга аракет кылып көрмөкмүн.
Сөзсүз силер дагы чыгармаларын окугула. Мектепте мугалим эле айтып берген нерселерди эстеп жүрө бербей, Айтматов ааламы менен таанышуу керек. Сыртта жүргөндө Айтматов менен сыймыктанып, дагы да сыйлап калат экенсиң.
Кийин бул темага кайра кайрылам.
”Балалыкта иним Марат экөөбүз үйдөгү жумуштун баарын бир карыш болгон майда кагаздарга жазып чыкчубуз, анан аларды бүктөп тумакка салып, аралаштырып жерге төгөбүз. Калганы бактыңан: жеңили кимге тиет, оору кимге тиет, кагаздарды бурчка алып барып алып ачасың да, өкүнмөй жок, чырдамай жок деп аларды аткарганга киришесиң.”
📚 Көк дептер
Ушуну окуп алып эле дароо силерге бөлүшкүм келди. Бир туугандарыңар менен кылсаңар болот экен. Урушуп иш кылдырткандын ордуна, оюн менен сүйдүрүп😌
Апамды куттуктап, жүрөктөн чыккан сөздөрүмдү жаздым.
Балким бир ыйлап алгандыр…
Сурап жазганыңыздар үчүн ыраазычылык билдирем.
Менде баары жакшы жана баары жакшы болот!
Кээ бир нерселер купуя бойдон калганы жакшы.
Тыйындын эки бети болот. Аллахыма көз жаш бергени үчүн да шүгүр келтирем. Эгерде баары бир калыпта, окшош кете берсе жашоо кызыксыз болуп калмак.
Азыркы окуп жаткан китебиңердин атын атабай, 3 сөздү колдонуп айтып көргүлөчү.
Мисалы; Акча, доллар, автобиография.
”Күн-булуттарга жараша кээде алсыз, кээде күчтүү тиет. Бирок эч качан жасалма тийбейт. Мамилебиз да ошондой болсун. Чын болсун! Тунук болсун! А “булуттарга” айла жок. Шамалга айдалып келет, шамалга айдалып кетет.”
📖 Көк дептер
Германияда ушундай китеп текчелери бар.
Каалаган китебиңди алып окуп турсаң болот.
Окуп бүтүп кайра коюп коёсуң же башка китеп ордуна алып келесиң.
Кандай сонун көрүнүш ээ?
Кээде ойлонуп менде мотивация берген талант жакшы өнүккөнгө окшоп кетет.
Ишенсеңер ким мени менен чогуу жүрсөм 2-3 сааттын ичинде блог алып баргысы келип калат😅
Бүгүн бирөө жазыптыр:
“Акыры телеграм канал ачтым, эми ал жакка сүрөт, видео жүктөйм” деп. Жаратылышты, шаарларды өтө кооз тартат. Буйруса силерге да бөлүшөм.
Ал аны дагы да жакшыраак түшүнүү үчүн анын окуган китептерин окууну чечиптир…
Читать полностью…
“Кандайча?”
Чечмелеп берүүгө аракет кылайын.
Инсан өз ийгилигине өзү тоскоол болот. Кантип андай болуусу мүмкүн?
Биз ар убак өзүбүзгө “Мен чет өлкөдө окуй албайм, мен тил билбейм, менде эске тутуу жөндөмдүүлүгү жакшы эмес, эрте тура албайм, жакшы окуй албайм, акча жок, намаз билбейм, арабча окуй албайм” ж.б.у.с деп айтабыз. Мындай чырмоок ойлорду мээге кылбай туруп эле сиңирип койгонбуз.
Бул дегени ийгилигибизге өзүбүз бут тособуз дегени…
Ошол ойлордун ордуна “Мен муну кыла алам! Оңой эле” дегенибизде баары башкача болмок.
Бул сөздөр өзүмө насаат. Силерге оюмду таңуулабайм.
Жүрөгүңө себилген кыялдарыңды, дуба менен сугарып тур.
Насибиңде болуп бир күнү сөзсүз өсүп чыгат.
🪴🪴🪴🪴🪴🪴🪴🪴
22:13
Түн. Ошого карабай эшик жарык. Ай менен тиктешип терезенин жанында отурам.
Германиянын жашоосуна бир топ көнүп калдым, бирок бул жакта окууну улантуу үчүн бир канча тепкичтерден басып өтүү керек экен.
Мен ойлогондой оңой эмес тура. Тажрыйбалуу эжелер менен сүйлөшүп, кайра санаага батып отурам.
“Германияда окуйм” десең бүт нерсеге даяр болуш керек экен. 1-тилди өнүктүрүп, ошол эле учурда 5-6 ай мурункуну азыр пландап, резюмелерди жөнөтүп дегендей…
Бул жакта окуу жөнүндө сурап жатып эле Кыргызстанда жыргап эле жүргөн турбаймынбы деп жатам. Ооба, окубаптырмын деле көрсө🥲🤧
“Колуңдан келбейт!” деген сөздү көп уга баштадым. “Уху, тил үйрөнүшүң керек! Ал убакка чейин, ой эч ким андай кыла алган эмес.” Айтор, ушундай сөздөр…
Ушул мезгилге чейин мындай сөздөрдү укпагандыгым үчүн катуу эле тийип жатат.
Бирок булардын айтканын кабыл кылам. Себеби, билген үчүн жашаган үчүн айтып жатат да)
Реалдуулуктан качпоо керек.
Германия Кыргызстан эмес!
Эгерде кесибим кыргыз тили жана адабияты мугалими болбогондо дагы мүмкүнчүлүктөр көп болот экен эле.
А азыр баарын 0 дөн баштоо керек окшойт.
Кайрадан бакалавр, кайрадан магистратура…
Же күлүштү, же ыйлашты билбей отурам.
01.06.2023-ж
Дюссельдорф🇩🇪
https://www.instagram.com/reel/Cs0-NhzuF7A/?igshid=MzRlODBiNWFlZA==
Хайдельбергди бул видеодон көрсөңүздөр болот.
Телеграм баракчама киргизүү бир аз ыңгайсыз.
Андыктан инстаграмдан көрүңүздөр🫶🏻
“Ой санаасы, руханий дүйнөсү, табигый дүйнөсү шай келген адамды жолуктуруудан ашкан бакыт жок…”
🖊️Ч.Айтматов
Урматтуу бүтүрүүчүлөр!
Силерди бүгүнкү окууну аяктап жатышыңар менен чын жүрөктөн куттуктайм.
Аллахым ЖРТдан өзүңөр каалаган баллды алып, өзүңөр каалаган университетке жана окууга тапшырууну насип этсин🤲🏻
Жакында “студент” атка конуп, университетти бүткөндөр болсо адис болуп чыга келесиңер. Кандай сонун ээ?
Албетте, кыйынчылык, ыйлап-сыктаган күндөр болот. Ошол күндөр силерди дагы да күчтүү жана кайраттуу кылат.
Мен силерге ишенем! Билим-илимге умтулган үчүн бул каналда барсыңар. Окууну сүйөсүңөр. Демек, баары жакшы болот, алтындарым десе)
Алдыга гана умтулгула!
Кеп-кеңеш сурасаңар ачыкмын🤗
25.05.2023
📍Германия
Уйкусуз түн - бул жөн эле сен уктабаган түн эмес. Бул сенин көңүл ачкан, бир нерсе жеп-ичкен, издеген, үмүт кылган же кыялыңды ишке ашырган түн эмес. Бул сүйлөшүү, талаш-тартыш менен же жакын досуң менен терең жана мазмундуу маек кылган түн эмес. Бул түн - сүйүктүүң менен өткөргөн түн эмес. Бул үй-бүлөлүк чыр-чатактын түнү эмес.
Бул оорулунун кыйналган түнү эмес.
Бул…?
Эртең Энелер күнү.
Немистердин бул майрамга өзгөчө көңүл бөлүп жана даярданганы жүрөгүмдү жылытты.
Колдон жасаган нерселерди өтө баалашат экен. Чын да)
Көңүлүң, оюң бүт жасап жаткан белекте болот. Убактыңды сен үчүн эң баалуу болгон адамга арнайсың. Кантип берип, кантип сүйүнгөнүн элестетесиң. Белекке сүйүү аралашканда кооздугу, көркү дагы да ачылат.
Эң өкүнүчтүүсү, мен апама качан соңку белекти бергендигим эсимди жок…
Каналымдагы окуучу, студент кыздар, балдар, эртең апаңарды сөзсүз куттуктагыла!
🥟балким жакшы көргөн тамагын жасайсыңар.
🖼️Чогуу түшкөн сүрөтүңөрдү чыгарып, бөлмөсүнө илип койсоңор болот.
💌Жүрөктөн чыккан сөзүңөрдү арнап жазып бергиле ж.б
Сүрөткө тартып комментке жөнөтсөңөр да болот. Башкаларга идея да болмок жана мен дагы аябай сүйүнмөк элем.
Апа-бул жашоодогу жалгыз сенин кубанычыңды да, кайгыңды да тең бөлүшкөн адам.
Болду, дагы улантып кете берсем ыйлап жиберчүүдөй болуп турам…
Германия. Сен менин көз жашыма татыксызсың…
Читать полностью…