4466
🧙🏻♀️Китептер, жашоо-турмуш жөнүндө жана пайдасыз нерселерди жазам. #Күндөлүк 🪄Жасалмасыз 🪞Боёксуз ✨Биздин дүйнөбүзгө кош келдиң, окурман!
Бүгүн Нуризанын баракчасынан “Жөндөмдөрдү кантип өнүктүрөбүз? Ойлорубузду кантип иреттейбиз? Эмне үчүн блог жүргүзүү керек?”деген подкастты уктум.
Бир канча суроолорума Аллах Таала бирөөнүн ойлору менен жоопту билүүмө себеп кылды.
Соңку күндөрү жазууга эч көңүлүм жок болуп, ичимди кемирген (ушул сөздү жакында үйрөндүм) ойлорумду жутуп, жутуп жаттым эле, бирок бул нерселер мээмди хаус кылып жатканын эске албаптырмын.
✍🏻 Блогдон сиздер окуп, а мен жазып пайда алам.
Кантип?
Иретсиз ойлорумду жазуу менен иреттүүлүк пайда болот да, башка нерселерге убакыт бөлө баштайм. Сиздерде кандай билбейм, бирок мен өтө бат жана көп нерсе ойлоном. Кээде жазчу темалар жөнүндө ойлонуп, “Ээ койчу, ушул элементарный эле нерсени жазып” деп өзүмдү жемелесем, а кээде ошол элементарный нерседен эле күлкүлүү же кайгылуу окуянын образын түзөм.
Кызык ээ?
Ооба, мага да кызык.
✨ Аллах Таала ар кимге ар түрдүү жөндөмдөрдү берген. Бирөөнө жакшы ырдашты, бирөөнө тигишти, бирөөнө токушту, кээсине чуркашты, оюн түшүнүктүү кылып айта алууну, мукам үндү, а кээ бирине жазышты ж.б. Мындай жөндөмдөрдү чекесинен санап кете берсең бүтпөйсүң. Билгендерим канча болсо, билбегеним дагы ошончо.
Мына ошол жөндөмдөр менен динибизге жана өзүбүзгө пайда алып келсек болот.
❓ Кантип?
Өзүмө жооп берейин.
Мисалы, жазып. Ооба, жазып.
Укмуш көркөм жаза албасам да, уйкашып, куюлушуп ойлорум чыкпаса да, жөнөкөй бир тил менен жаза алам.
Бул дегени өзүмө окшогон адамдар түшүнүүгө жеңил болот дегени.
Балким бир-эки китептин түшүндүрмөсүнөн кийин кызыгып окуган чыгарсыздар же жазган окуядан пайда алып жашоодо колдонгонсуздар, айтор билбейм.
Бирок ошол жазган нерселер бирөөнүн зыян алып келүүсүнө же өз тагдырына нааразы болуусуна алып келбөө керектигин түшүндүм.
Ошондуктан пайдалуу нерселерди жазганга аракетимди күчөтүп жаткан кербезим. А мурункудай кызыктуу окуялар же жашоомдогу көз ирмемдерди башка (өзүм үчүн гана) баракчама жазып, мээмди тазалап жатам.
✍🏻 Жазуу бул менин жөндөмүм. Калемди ары-бери чайпоо менен жакшы нерсе да же эки дүйнөгө зыян берген нерсе да жазылып калат. (Адам маймылдан жаралды деген сындуу)
Бирок адамда тандоо бар. Бизге берилген жөндөм менен жакшы иштерди жасообузга Аллах Таала насип кылсын🤲🏻
🌷Ассаламу алейкум!
Ыйык Жума маарек болсун!
“Күн чыккан эң кайырлуу күн – жума. Адам ушул күнү жаратылып, ушул күнү бейишке киргизилди жана ушул күнү бейиштен чыгарылды. Кыямат да жума күнү болот» (Муслим, Тирмизи)
🌷Бул күндү Пайгамбарыбыздын (саллаллаху алейхи васаллам) сүннөттөрүн аткаруу менен көркүнө чыгаралы☺️🕌
🌙• Көп-көп дуба кылуу;
Абу Хурайра (Аллах андан ыраазы болсун) жума күнүнүн пазилети тууралуу Аллахтын Элчисинин (Аллахтын ага салам-салаваттары болсун) мындай дегенин кабарлайт:
“Исламды карманган жана Аллахка такай дуба кылып жүргөн пенде жума күнүнүн ичинде (Аллахтан) эмнени сураса, Аллах ошону бере турган бир (саамдык куттуу) убакыт бар” (Аль-Бухари, Муслим)
🌙• Пайгамбарыбызга (Алланын тынчтыгы жана саламы болсун) көп-көп салават айтуу.
Аус бин Аус (Аллах андан ыраазы болсун) Аллахтын Элчисинин (Аллахтын ага салам-салаваттары болсун) мындай дегенин кабарлайт:
“Чындыгында, жума — силердин эң мыкты күндөрүңөрдүн бири. Ошондуктан бул күнү мага (көп-көп) салам-салаваттарды жолдогула. Анткени, чындыгында, силердин салават-саламдарыңар тууралуу мага (периштелер сөзсүз) кабарлашат!” (Абу Дауд)
🌙• Кахф сүрөсүн окуу, угуу;
Бул тууралуу Абу Саид ал-Худри (ага Аллах ыраазы болсун) айтып калтырган хадисте, Пайгамбарыбыз (ага Аллахтын тынчтыгы жана мактоо дубасы болсун) минтип айткан:
“Ким Жума күнү “Кахф” сүрөсүн окуса, ага кийинки жумага чейин нур болот” (Ад-Дарами; Сахих ал-Жаами, 6471).
🌙• Гусул алуу
🌙• Тырмак алуу, денедеги ашыкча түктөрдү кетирүү сыяктуу тулку бой тазалыгы;
🌙• Мисвак же тиш щеткасы менен тишти тазалоо;
🌙• Жаңы жана таза кийим кийүү;
Ар Жума планыбызда ушул иштер турсун🌷
Жаз дебе, айтчу да, жазчу да эч нерсе жок…
Читать полностью…
-Нурзат, мен деңизди ушунчалык жакшы көрөм.
Кайрадан жаралууга мұмкүн болсо деңиз болмокмун.
-Эмнеге?
-Мен деңизди жакшы көрөм.
Шамал бол десе деңизди сылап өтүп, булут бол десе карарып, карарып келип деңизге тийип, жамгыр бол десе, деңизди өөп, жээк бол десе деңизди күндө кучагыма алмакмын.
-Досум, философ болуп кетипсиң…
Бул убаданы унута элекмин.
Китеп санын айткандардын бирөөсү гана жеке катка отчет катары сүрөт жиберди.
Башка жазгандар жөнөтөсүздөрбү же 1-жөнөткөн адамга бере берейинби?
Адилеттүүлүк болсун🤝
КЫРГЫЗ деп келгем дүйнөгө,
КЫРГЫЗ деп өтөм дүйнөдөн!
Мекеним, Кыргызстаным, Туулган, киндик каным тамган ааламдан издесең табылгыс алтын жерим.
Эгемендүүлүгүң куттуу болсун!
Сага болгон сүйүү башка жакта эки эсе артып, эки эсе кусага батырат экен.
Сагындым!
Эгемендүү мамлекетим бар экенине сыймыктанам, мактанам!
“Кайдан болосуң?” десе уялбай КЫРГЫЗСТАНДАН деп айта алам.
Мейли сени өзгөлөр тааныбасын, билишпесин, бирок сен ар бир кыргыздын жүрөгүндөсүн!
Мекеним, башка жерде жүрсөк да, жүрөгүбүз сенде!
⤴️
Бул китепти соңку күндөрдөгү эң бат окуп бүткөн китебим деп айта алам.
Электрондук китептерди окугандан тажаган көрүнөм.
Барактап, сызып, жазып окугандан ырахат алдым.
📖 жөнүндө айтардан мурун бир аз кеңеш менен бөлүшүүнү туура көрдүм.
Мусулман аял заты болобу же мырзасы болобу үй-бүлө темасындагы китептерди диний китептерден баштаганы оң. Батыш адабияттары биздин динибизге, каада-салтыбызга туура келбей калат. (Баары эмес, албетте!)
Мусулман аял заты өрнөктү өзүбүздүн улуу энелерибизден алуусу керек. (Хадижа р.а, Аиша р.а, Фатима р.а ж.б)
А мырзалар болсо Пайгамбарыбыз Мухаммад (с.а.в) дан.
Үй-бүлө темасы тууралуу көп жазууну каалабайм.
Анткени оорунун кадырын соо билбейт дегендей азыр баары жеңилдей сезиле бериши мүмкүн. Убагы келгенде, жашалып өткөндө анан тартынбай жазып калсам керек😅
Окей, китеп жөнүндө айтайын.
Бул китепти үй-бүлө курууну каалаган ар бир адамга окууну сунуштайм.
Андан соң үй-бүлөлүү эже-байкелерим үчүн да.
Жакшы бир идеяларга бай китеп экен. Менимче ушул китептеги нерселерди аткарсаң эле чындап бактылуу болуп кетчүүдөйсүң, чын айтам. Ошондуктан да аты “Дүйнөдөгү эң бактылуу жубайлар” деп бекеринен аталбаса керек.
Аллахым алган пайдаларды жугуштуу кылган болсун🤲🏻
Баалоо: 10/10
Дил маек
Жаңы каналымдын (кыздар үчүн гана) ссылкасын 29-август күнү өчүрүп, андан соң жабык аккаунт кылам.
5 күндүн ичинде 244 кыз катталды. Негизи мынчага жетет деп ойлогон эмесмин. Телеграм баракчалардын үнү көбүндө өчүрүлгөн болот. Бул каналдын статистикасында 47% катталуучуда үнү өчүрүлгөн. Ошондуктан аз эле кыз катталса керек дегем.
Ии баса, жалаң кыздар болсо актив сонун болот турбайбы🐝☺️
Реакция кой, комментарий калтыр деп баш оорутмай жок.
/channel/dilmayek
Ошо, катталабыз!
/channel/dilmayek
(Жаңы каналымдын ссылкасы)
📢 Канал кыздар үчүн гана!
Ссылка 1 жума бул жакта турат. Андан соң каналды жабык кылам.
🌸 Дил маек деген ат аябай жакты. Сунуштоолор үчүн ыраазычылык билдирем🐝
Ас-саляму алейкум, кандайсыздар?
Кабыргам менен кеңешип жатып бул каналды өчүрбөйүн деп чечтим.
Болгону кичине өзгөрөт. Болушунча бир гана окуган китептерим жана пайдалуу подкасттарды жиберип турууга аракет жасайм.
Окуган китептеримдеги учкул сөздөрдү да, албетте!
Өзүм тууралуу көп нерсе жазбаганга аракет кылам.
А кыздар үчүн жакшы жаңылык!
Аллах насип этсе бүгүн кеч же эртең жаңы каналдын ссылкасын жиберем.
Ал жакта формат бул каналдыкынан бир аз башкача жана эркин болот.
Түшүнүү менен кабыл аласыздар деген үмүттөмүн!
Эң көп китеби бар адамга мага жаккан бир китеп белек кылайын.
+ кат менен😊
Жөн эле, мага да жуксун деп ниет кылып))
Чатка жаза берсеңер болот.
Эмне кылып болсо да сөзсүз катталып алгыла, кыздар)
Силердин дагы окушуңарды аябай каалайм.
😂😂
Акча төлөнгөн жарнамаларды дагы мынчалык сунуштабайм.
Оюма кофе ичүү ушунча көп келип жатат, бирок азыр ичип алсам түнкү 1-2ге чейин уктай албашымды сезип жатам.
Аааааа, 😤😤😤
Уйку же кофе?
Болор-болбос иш үчүн,
Баш оорутуп жүктөлбө.
Чекиттей болгон нерсеге,
Үтүрдөй болуп бүктөлбө!
✍🏻Идирис Айтбаев.
Бир күнү күндөлүгүмө:
“Күтүүнүн аягы” деген тема менен башталган баянды жазам.🤍
СӨЗСҮЗ ОКУНУЗ❗️
Кыздарды окутуп бекер акча...
Бүгүн бир жерде олтурсак. Сөздөн сөз чыгып бирөө айтат.
- кыздарды ВУЗ га, берген болбойт баары бир күйөөгө тийип кетет. 5 жыл окутуп акчасын төлөп, анан бирөө алып алат да же карьерасы жок же иштеген иши жок, же дипломунун пайдасы жок калат, - дейт. Аны дагы бирөө коштоп атат.
- сен туура айтып жатасың, азыр контракт эле канча акча турат. 5 жыл төлөп бүткүчө мал да түгөнөт деп.
Аны угуп олтурган биздин жигит, соонун жооп берди. - окубаган эч нерсе билбеген кыз алсаң. Ал эч нерсе билбесе. Философия искуство, билим илим, кино, музыка, тарыхты, математика, капитал ж.б.у.с нерселерди. Ал аял болгондон кийин. Кошуналарын чогултуп алып ушакты берсе, эртеден кечке, жалаң бирөөлөрдүн жашоосун телефондон сүйлөшүп, жаман жагын айтып жыргап, жакшы жагына ичи түтөп билип билбей анализ кылбай эле ызы чуу чыгара берген болот да. Анан ушундай аял балдарга кандай тарбия берет? Кантип сенин балдарыңа акыл үйрөтөт? Сен аны менен эмне жөнүндө сүйлөшөсүң? Мына КЫЗДАРГА көбүрөөк билим көбүрөөк окуу керек. Макул карьера болбосо да үйдө акылдуу балдар чоңойот. Ал балдар кыргыздын тукумун улаган балдар болот.
Кыздарды сөссүз окутуш зарыл. Мен үйгө келгенде деле кээде жалпак тамаша сүйлөп алган да өзүм уялып кетем )))). Дөөрүбөчү дегенсип карап койгондо ))))). Балдар дөөрүп калбаш үчүн айымдардын салымы керек))." Деп жигит татыктуу жооп берди
______
Уулдары татыктуу билим алып, мекенине татыктуу кызмат кылып иштөө менен биргеликте, татыктуу үй-бүлөсүн каржылап турса. Ал эми, кыздары татыктуу билим алып, кыргыздын келечеги болгон уул-кыздарын татыктуу тарбиялап, сүйгөн жарын баардык жактан татыктуу колдоочусу, хандын вазири сымал татыктуу кеңешчиси болуп колдоп турса жаманбы?👍.
Салиха аял.❤️🧕
Күз келди🍂
🍂Мезгилдердин өзгөчөсү, коозу, жагымдуусу, сулуусу.
Сага болгон сүйүүм оо балалыкта эле ойгонгон. А балким апамдын курсагында эле сени күтүп, сен келген убагыңда курсагын жара тээп сыртка чыккандыгым ошол себептендир…
🍂Күзүм, башка мезгилдерге окшобогонум.
Сен сырдуусуң да, табышмаксың. Кээде сени түшүнбөй жарк-журк болуп кетем. Таңкы убак шүүдүрүм, түштө ысык, кеч салкын да, түн суук… Хм..
Дал эле менин мүнөзүмдөй.
🍂Күзүм, мен сени жактыргандай сен да мени жактыра аласыңбы?
Жамгырың менен сүйүүмдү жуубастан, шамалың менен кубанычымды айдабастан, нөшөрүң менен сезимдеримди өлтүрбөстөн,
сапырылган сары жалбырагың менен жүрөк отун өчүрбөйсүңбү?
Жоо-оок, өчүрбөйсүң, сенден түшкөн жалбырак жүрөк отун кайрадан тутантып, кайрадан алоолонтот.
🍂Күзүм, өмүрдө канча жолу сени көрөм, канча жолу жалбырагыңды сапырылта ойноп, канча жолу жамгырыңа жуулам?
Сен билбейсиң…
Мен да билбейм, бирок быйыл да сени көрүп жатканыма, сага жеткениме кубанам…
Билемин десең өчөсүң,
Билейин десең өсөсүң.
Асмандагы айды максат кыл,
Булутка ошондо жетесиң.
✍🏻Аалы Туткучев
Баарыңарды жаңы окуу жылынын башталышы менен куттуктайм!
Аллахым алган илим-билимибизди жугуштуу кылсын!
📍Пайдалуу кино-сериалдар топтомдору
1. Пайгамбарыбыз (саллаллаху алейхи вассалам) туурасында кинолор бул жакта.
2. Аң-сезимди ойготкон сериалдар топтому
3. Эң мыкты исламий тасмалар топтому
📍Конкреттүү сунуштар:
1. Умар ибн аль-Хаттаб (радиаллаху анху) тууралуу сериал. Кыска, 30 эле серия. Исламдын жаралуу тарыхы эң башынан бери бар.
2. Жусуп (Юсуф алейхи салам) пайгамбар тууралуу сериал. 36 эле серия, 45 минутадан. Аллахтын жалгыздыгына ишенүү - таухид туурасында өтө жакшы көрсөтүлгөн.
3. Юнус Эмре - Путь Любви. Жакында эле бир эженин сунушу менен көрүп баштадым. Өтө терең маанилүү, бир да ашыкча нерсеси жок сериал экен. Эң башкысы, кыска)) Тасаввуф, напсини тарбиялоо темаларына сонун даяр сабак эле экен. Көрүңүздөр сөзсүз.
3. Чөл арстаны Умар Аль-Мухтар - фильм, Африканы колониалдаштыруу жөнүндө билип аласыздар. Сөзсүз көрүңүздөр
4. Эркин адам. Аалым Бадиуззаман Саид Нурсинин өмүр баяны тууралуу фильм
5. Даниялык келин. Исламды кабыл алган даниялык кыздын мусулмандар жашаган өлкөдөгү көргөндөрү.. коомдогу бири-бирине каршы келген көрүнүштөрдү байкап, динди толук карманууга болгон аракетин көрүп, уяласың… Бул кинону көргөнүмдө өзүбүздү, кыргыздарды, көргөндөй болгом.
6. Макул, сүйүү жөнүндө да кино болсун ээ))) Bizim hikaye - эң жакшы көргөн, тажабай көрө берчү кинолордун бири💘 Түркчө, бирок орусча субтитри менен көрсө да болот. Тарбиялык мааниси чоң, кайгылуу, ошол эле учурда бактылуу кылат) Чынчылдык, адилеттүүлүк үчүн күрөш, максатына берилүү, кооз адеп-ахлак, аруу сезимдер - бул кинонун сүрөттөп бере алчу сөздөрдүн чети гана.
📍Бул кино-сериалдардын баарын өзүм көргөнүм үчүн сиздерге да ишенимдүү сунуштай алам. Корей, түрк бирин-бири туураган, “банальный” сюжеттери бар сериалдарга баа жеткис убактыбызды короткондон көрө, руханий азык берчү кинолорду көрөлү.
📍Баш казан, рух казаныбызды эмнелер менен толтуруп жатканыбызга кылдат көңүл буралы. Жообу бар…
Мырзалар үчүн ойлонууга:
🔸 Иштеген аялды тандаар алдында, ал үй жумуштарынын баарын аткарууга үлгүрбөй турганын кабыл алуу керек.
🔹 Үй кожойкеси болуусун эңсеген, сизге, балдарыңызга, ата-энеңизге кам көрө турган жана чарбаны толугу менен колго ала турган аялды тандаарда ал акча таппаганын кабыл алышыңыз керек.
🔸 Тил алчаак аялды тандап жатканда, бардык нерсе сизге гана көз каранды болорун жана сиз ага нормалдуу жашоону камсыз кылууңузду билишиңиз керек.
🔹 Күчтүү аялды аял катары тандаар алдында анын мүнөзү жана пикири күчтүү экенине чыдашыңыз керек.
🔸 Жашоо стандарттары жогору, жакшынакай аялды аял кылып тандаар алдында, чоң чыгымдарга чыдай алууңуз керек.
🔹 Ийгиликтүү аялды тандаар алдында анын өз максаттары жана амбициялары бар экенин түшүнүү керек.
Идеалдуу адамдар жок. Ар бири биздин өзүбүздүн өзгөчөлүктөрүбүз бар жана алар бизди уникалдуу кылат. Бул жөн гана өзүңүзгө реалдуу баа берүү жана "туура" жашоону түшүнүү менен адамды өзгөртүүгө аракет кылбастан, жашооңузду ким менен өткөргүңүз келерин жакшылап ойлонуу.
“Напсибизге жаккан нерселердин дээрлик баары бул жашоодо да, акыретте да зыян алып келет.”
✍🏻 Айжан Акылбекова
Каналга эмне деп ат койсом деп башым катып жатат🥲.
Варианттар барбы сиздерде?
Же Аскарова деп эле койсомбу?
Мммм🤔?
Бүгүн телеграм баракчамды өчүрүп салуу оюма келди.
Билбейм, ушунча адамды топтой алганым менен пайдасыз эле нерселерди берип жаткандай болдум.
Кийин силер үчүн кантип Алланын астында жооп берүүнү ойлогондо жүрөгүм зырпдей түшөт.
Азырынча ойлонуп жатам…
Балким жабык аккаунт кылып башка эч кимди кошпойм же кыздар үчүн башка канал ачам.
Бул жакта мырзалар да болгону үчүн кээде кээ бир темаларда ачык жаза албайм.
Убакыт менен жалаң кыздар менен гана чөйрө түзүү оюмда бар.
Бүгүн бир китеп блогеринен: “Жеке китепканаңарда канча китеп бар?” деген суроону окуп калдым.
Ойлоп көрсөм ар жерге көчкөн сайын сата берип же бирөөлөргө бере берип колго аларлык б.а санай турган деле китебим жок экен. Жаман болуп кеттим.
А силердечи? Китеп текчеңерде канча китеп бар?
Силерге азыр чын жүрөктөн бир телеграм баракча сунуштайын.
Тилекке каршы ал канал бир гана кыздар үчүн.
Мен пайдалуу нерселерди көп жазбайм, бирок дайыма пайдалуу нерселерди жазган кыз менен тааныштыргым келди.
Каналдын админинин уруксатысыз бөлүшүп жатам.
Ар бир жакшылыкты сурап жайылтуу керек эмес го деп ойлойм.
/channel/nurastudy
(Жалгыз эч бир постун калтырбай окуган кыргызча канал)
Сөзсүз катталып алыңыздар.
Диний, жеке өнүгүү боюнча жазат.
Мектепте окугандан бери тааныйм жана эч кандай күмөнсүз силерге сунуштайм. Чындап пайда аласыңар.
Жазганы, оюн жеткирип берүү жөндөмдүүлүгү жогору.
Көркөм чыгармаларды окуган өзгөчө жагат.
Анткени адам бир жашоону гана жашайт. А чыгармаларда ар адамдын ар түрдүүчө жашоосу бар. Алар менен бирге алар сезген сезимди, кайгы-капаны, кубанычты, жыргалчылыкты сезип отуруп бир канча дүйнөдө жашап коёсуң.
Бир китеп менен 1 күндө же 1 айда башка аалам ачылат.
Сонун эмеспи ээ?