4466
🧙🏻♀️Китептер, жашоо-турмуш жөнүндө жана пайдасыз нерселерди жазам. #Күндөлүк 🪄Жасалмасыз 🪞Боёксуз ✨Биздин дүйнөбүзгө кош келдиң, окурман!
Бул сүрөттөрдү китепти окуп жатып жасагам. (Ушул китептен алынган)
Анткени автордун сөздөрү башыма таш тийгендей эле “кыңк” эттирген.
Жакшы эс алгыла. Мен дагы уктадым. Китеп окуп бүтүп жазбай калсам түшүмдө “Китеп дүйнөсүнө саякат” уктатпайт. Оор жүктөй сезилет😂
Ошого 10 барактуу китеп бүтүрсөм да жазып турушум керек. Уйкум тынч болот.
Бир үй көрдүм Жумгалдан,
Бир топ үйдүн алды экен.
Карап эле тургудай,
Кандай уста салды экен.
Килемге бай, а бирок
Китеп жактан жарды экен.
Жалпалактап үй ээси,
Жай сурашып олтурду.
Кагып-силкип балдарын,
Каалашпайт деп окууну.
Китептери жок болсо,
Килемдерин окуйбу…
~ Б.Сарногоев
📘 “Иниме кат” чыгармасынан.
Кээде бир смске жооп берүү ушунча оор түйшүк болуп алат.
13-майда келген катка жооп берип коюп, бул текстке кириштим. Катты алганымдан бери 9 күн өтүптүр. Эч нерсе болбогондой "Жакшы. Кандайсың?" деп башталган катымды көрүп алып эмне дейт болду экен. Кеч жооп бергениме кечирим сурадым дечи. Кечиреби, жокпу ишим деле жок дечи.
Менин да сааттар мурун, күндөр мурун, жума мурун жазган каттарыма жооп бербегендер бар. Жооп бербей эле коюшса дейм. Алардын жообуна жооп жазам деп жүрүп өмүрүм өтүп кетсе...
Кат алышуу - баарлашуунун асинхрондук түрү. Өткөн кылымда бир ак киши радио толкундарды тизгиндөөнү үйрөнүп алганы үчүн эле мен жапа чеге бергим келбейт. Музыкага балкып сейилдеп, же жаздыкты кучактап сасып жаткан жериңден эле бирөө чыга калып желкеден алса - кимге жаксын. Капыстан келген билдирүү - чакырылбай эле үстүңө бастырып келген конок да. Мен андай "конокторго" күндөп, жумалап эшик ача албай кайга тарта берем. Кантейин анан. Оор да, түйшүк да. (жазбагылачы)
Ойгонуп, душ алып келип, телефондун интернетин көзүмдү бүрүштүрүп атып ачам. Кат келбесе - күн жакшы башталды. Кат келсе, каттар келсе...
“Жаштык табигаттын эң кымбат белеги жана ал элдин энчиси, кенчи. Ошондуктан бул жаштыкты бекер өткөрүп коротууга эч кимдин акысы жок, бул коомдук мүлктү ысыраптык менен түгөткөндүккө барабар”.
- Ч.Айтматов
Жазгандан зериктим, бирок белгиленген жерди сөзсүз окуп койгула ээ?
Читать полностью…
Турмушка өчпөс из калтыр,
Туягың бүтүн чагында.
- Байдылда Сарногоев
Шашылсаң да,
самолет менен учсаң да,
таш бака менен жүрсөң да,
жөрмөлөп тоодон түшсөң да,
жетчү нерсеге убакыт келмей сайын жетпейсиң, насибиңе жазылган нерсеге тийбей туруп өтпөйсүң🕊️
Жашырылган көөдөндөгү ниеттерим,
Жалгап бир күн орундалса тилектерим.
Катарлашып тизилсе дейм бир текчеге,
Сен топтогон, анан менин китептерим.
— Куткелди Шабданбеков
(Себиң бир сандык китеп болсун😄)
- Адам качан түңүлөт?
- Көл деп жүргөн адамдардын көлчүк экенин билгенде…
Кээ бир адамдарга иши түшкөндө гана зарыл жансың.
Кээ бир адамга эрмексиң да, а кээ бирине чын эле керексиң.
Эрмек болуп эмес, керек болуп жашайлы 🕊...
💌упомянул(-а) вас в своем ду’а
Ушундай билдирүү келе турган болсо кана…
Аллахым кийинки Рамазанга жеткирсин! 🤲🏻
Айтыбыз маарек болсун!🕊️
🕊️
Үмүт үзбө Кудайдан, үмүт үзбө,
Үймөктөшөт түйшүгү үмүтсүзгө.
- К. Ш.
Советбек Байгазиевдин “Иниме катын” кечээ окуп бүтүргөм. Аз эле барак болгону менен 1 жумадан ашык убакыт кетти.
Мектеп убагында бул китепти окуган менен эч нерсе түшүнбөптүрмүн деле. А азыр агам кеңешин берип жаткандай өзгөчө берилүү, тартылуу менен окудум. Албетте, 10дон 10 деп баалай албайм, бирок өзгөчө таасир берди деп айта алам. Айрыкча акыркы главаларында биздин классикага айланган чыгармаларыбызды автордун талдоосу менен окуганда көп жеринде кошулдум. Билесиңер, кесибим мугалим. Көп чыгармаларды (кыргызча) университет кезинде окуп бүтүргөм. Окууну бүтүргөн соң окуганда башкача түшүнүк алат экенсиң.
Классикага айланган чыгармалар кайсы убакытта болбосун өз актуалдуулугун жоготпойт, канча кылым өтсө да кайра окусаң, ошол кылымды сүрөттөп тургандай сезилет.
А бул китеп өзгөчө жанрда (публицистика) жазылганы менен ичинде автор көтөрүп чыккан маселелердин айрымдары эскирген.
Эмнегедир ар бир сүйлөмүндө орустарды мактап, аларга жагынуу максаты бардай сезилди.
Окуп жатканда эле дароо талдап силерге айтып берүүнү каалагам, бирок чыгарманы сындай турган даражада эмес экенимди түшүндүм.
Китепте автор айтып кеткендей ар ким өзүнүн деңгээлине, ой чабытына, коомду түшүнүүсүнө карата кабылдайт. Бирөө үчүн эң сонун чыгарма, бирөө үчүн эч нерсеге татыбайт.
Ошондуктан өзүңөр окуп чыксаңар болот🫰🏻
Кайгынын каран түнүн жарык кылар,
Каралдым, жашоодо көп жакшылык бар.
Сен азыр эмнени ойлоп турдуң экен?
Айдалып баратканда ак булуттар...
6-күндү аябай күтүп жатам.
Анткени Германияда “Поэзия кечеси” болот.
Элестетсеңер?
Сонуууун даааа.
Акбар Кубанычбеков,
Кубат Тукешов,
Өзгөрүш Абакиров,
Баян Акматов келет.
Эң кызыгы айтышта Кубат Тукешовдун күйөрманымын.
Акбар Кубанычбековдун ырларын сүйүп окуйм. Анан да биздин университетте окуган. Баян Акматовдун устат-шакирт айтыштарын жактырам.
А Өзгөрүш деген мырзаны эми эле көрүп баштадым. Ырларды жан дүйнөңө жеткире, жеткире окуйт экен.
Ошоооооо. Буюрса бөлүшөйүн ээ силер менен дагы?
Тил үйрөнүүгө шыгым жок…
⬇️
https://www.instagram.com/p/C66fbsTNAOF/?igsh=YnN0dTlvdHduM2g1
⬆️
Ушул китептен таасирленип пост кылып чыгарып койдум.
Поездде болгон окуя:
Бир кыз экөөбүз башка шаардан чогуу келе жатканбыз. Экөөбүз кыргызча анан ар темада кобураштык.
Бир убакта жаныбызда отурган бирөө:
- Кайсы мамлекеттен келдиңер?
- Кыргызстандан.
- Ошо, силерди ошол жактан деп ойлодум. Анткени мен Ысык-Көлгө, Ошко анан көчмөндөр оюнуна баргам.
- Мен: Оо, сонун го. Ошто төрөлгөм.
-Кечиргиле, бирок мен азыр түшүшүм керек.
- Жакшы барыңыз.
- Жакшы калгыла!
Немис же башка улуттун өкүлүбү биле албадык. Анткени сураганга да үлгүрбөдүк. Бирок англисче эне тилиндей угулду. Немисчеси да эне тилиндей экен.
Айткым келгени Кыргызстанды жакшы көргөнү билинип турду. Көчмөндөр оюнун айтканда өзгөчө тон жана кубанычы сезилди. Мен дагы тилибизди угуп тааныган биринчи адамды кезиктирдим. Сүйүндүм.
Баягыдай түнү менен уктабай, отурсам-турсам китептеги каармандарды ойлоп, бошой калсам уланткым келип, окуганда уйкум качкан китеп көксөп турам.
Азыр китеп уктабай көргөн инстаграм, YouTube га алмашылып бара жатат.
(Өкүнүчтүү)
Кызыктуу китеп кааалап жатам. Аябаааай🤍
Сураныч, сунуштасаңар болот. Дароо пдф форматы бар китептерди гана ээ?
Сага жетип баш кошуунун өзү эле,
Өлүп кайра тирилгенге барабар.
— Тургунбай Эргешов
Абышка-кемпир жашаган экен...
Алар уй саап, сары май кылып, күнүнө бир 1кг сары май сатып жан багышкан болот... Бир күнү сары май алган дүкөнчү байкаса сары май 1кг'га жетпейт. Жинденген дүкөнчү абышка келгенде өлчөмүнөн аз экенин айтат, ошондо абышка, "Бизде тараза жок, сизден алган 1 кг кум шекер менен таяктын эки тарабына илип өлчөчүбүз" дейт...
Демек, кимде ката?
Аз берип, көп талап кылба…
Канча берсең, ошончо аласың…🌱
#избранныйлардантаапалдымкимжазганэсимдежок
“Адам башкалардан алыстап, жалгыз калууну эңсеген учурда Аллахка жакындайт. Бирок мен (напси) муну каалачу эмесмин. Себеби адам Аллах Таалага жакындаган сайын, менден алыстайт.”
📚 ”Мен” Фатих Думан
Түндө ойлорум мээни жейт,
Мээни бүтүп, мени жейт…
🕊️
Жараткан кылган дуба-тилектериңди жакшылыгынан кабыл кылсын.
“Бардык күнөөлөрдүн башы-напсини ыраазы кылуу аракети.”
📘Умтул китебинен