4466
🧙🏻♀️Китептер, жашоо-турмуш жөнүндө жана пайдасыз нерселерди жазам. #Күндөлүк 🪄Жасалмасыз 🪞Боёксуз ✨Биздин дүйнөбүзгө кош келдиң, окурман!
📍Пайдалуу кино-сериалдар топтомдору
1. Пайгамбарыбыз (саллаллаху алейхи вассалам) туурасында кинолор бул жакта.
2. Аң-сезимди ойготкон сериалдар топтому
3. Эң мыкты исламий тасмалар топтому
📍Конкреттүү сунуштар:
1. Умар ибн аль-Хаттаб (радиаллаху анху) тууралуу сериал. Кыска, 30 эле серия. Исламдын жаралуу тарыхы эң башынан бери бар.
2. Жусуп (Юсуф алейхи салам) пайгамбар тууралуу сериал. 36 эле серия, 45 минутадан. Аллахтын жалгыздыгына ишенүү - таухид туурасында өтө жакшы көрсөтүлгөн.
3. Юнус Эмре - Путь Любви. Жакында эле бир эженин сунушу менен көрүп баштадым. Өтө терең маанилүү, бир да ашыкча нерсеси жок сериал экен. Эң башкысы, кыска)) Тасаввуф, напсини тарбиялоо темаларына сонун даяр сабак эле экен. Көрүңүздөр сөзсүз.
3. Чөл арстаны Умар Аль-Мухтар - фильм, Африканы колониалдаштыруу жөнүндө билип аласыздар. Сөзсүз көрүңүздөр
4. Эркин адам. Аалым Бадиуззаман Саид Нурсинин өмүр баяны тууралуу фильм
5. Даниялык келин. Исламды кабыл алган даниялык кыздын мусулмандар жашаган өлкөдөгү көргөндөрү.. коомдогу бири-бирине каршы келген көрүнүштөрдү байкап, динди толук карманууга болгон аракетин көрүп, уяласың… Бул кинону көргөнүмдө өзүбүздү, кыргыздарды, көргөндөй болгом.
6. Макул, сүйүү жөнүндө да кино болсун ээ))) Bizim hikaye - эң жакшы көргөн, тажабай көрө берчү кинолордун бири💘 Түркчө, бирок орусча субтитри менен көрсө да болот. Тарбиялык мааниси чоң, кайгылуу, ошол эле учурда бактылуу кылат) Чынчылдык, адилеттүүлүк үчүн күрөш, максатына берилүү, кооз адеп-ахлак, аруу сезимдер - бул кинонун сүрөттөп бере алчу сөздөрдүн чети гана.
📍Бул кино-сериалдардын баарын өзүм көргөнүм үчүн сиздерге да ишенимдүү сунуштай алам. Корей, түрк бирин-бири туураган, “банальный” сюжеттери бар сериалдарга баа жеткис убактыбызды короткондон көрө, руханий азык берчү кинолорду көрөлү.
📍Баш казан, рух казаныбызды эмнелер менен толтуруп жатканыбызга кылдат көңүл буралы. Жообу бар…
Мырзалар үчүн ойлонууга:
🔸 Иштеген аялды тандаар алдында, ал үй жумуштарынын баарын аткарууга үлгүрбөй турганын кабыл алуу керек.
🔹 Үй кожойкеси болуусун эңсеген, сизге, балдарыңызга, ата-энеңизге кам көрө турган жана чарбаны толугу менен колго ала турган аялды тандаарда ал акча таппаганын кабыл алышыңыз керек.
🔸 Тил алчаак аялды тандап жатканда, бардык нерсе сизге гана көз каранды болорун жана сиз ага нормалдуу жашоону камсыз кылууңузду билишиңиз керек.
🔹 Күчтүү аялды аял катары тандаар алдында анын мүнөзү жана пикири күчтүү экенине чыдашыңыз керек.
🔸 Жашоо стандарттары жогору, жакшынакай аялды аял кылып тандаар алдында, чоң чыгымдарга чыдай алууңуз керек.
🔹 Ийгиликтүү аялды тандаар алдында анын өз максаттары жана амбициялары бар экенин түшүнүү керек.
Идеалдуу адамдар жок. Ар бири биздин өзүбүздүн өзгөчөлүктөрүбүз бар жана алар бизди уникалдуу кылат. Бул жөн гана өзүңүзгө реалдуу баа берүү жана "туура" жашоону түшүнүү менен адамды өзгөртүүгө аракет кылбастан, жашооңузду ким менен өткөргүңүз келерин жакшылап ойлонуу.
“Напсибизге жаккан нерселердин дээрлик баары бул жашоодо да, акыретте да зыян алып келет.”
✍🏻 Айжан Акылбекова
Каналга эмне деп ат койсом деп башым катып жатат🥲.
Варианттар барбы сиздерде?
Же Аскарова деп эле койсомбу?
Мммм🤔?
Бүгүн телеграм баракчамды өчүрүп салуу оюма келди.
Билбейм, ушунча адамды топтой алганым менен пайдасыз эле нерселерди берип жаткандай болдум.
Кийин силер үчүн кантип Алланын астында жооп берүүнү ойлогондо жүрөгүм зырпдей түшөт.
Азырынча ойлонуп жатам…
Балким жабык аккаунт кылып башка эч кимди кошпойм же кыздар үчүн башка канал ачам.
Бул жакта мырзалар да болгону үчүн кээде кээ бир темаларда ачык жаза албайм.
Убакыт менен жалаң кыздар менен гана чөйрө түзүү оюмда бар.
Бүгүн бир китеп блогеринен: “Жеке китепканаңарда канча китеп бар?” деген суроону окуп калдым.
Ойлоп көрсөм ар жерге көчкөн сайын сата берип же бирөөлөргө бере берип колго аларлык б.а санай турган деле китебим жок экен. Жаман болуп кеттим.
А силердечи? Китеп текчеңерде канча китеп бар?
Силерге азыр чын жүрөктөн бир телеграм баракча сунуштайын.
Тилекке каршы ал канал бир гана кыздар үчүн.
Мен пайдалуу нерселерди көп жазбайм, бирок дайыма пайдалуу нерселерди жазган кыз менен тааныштыргым келди.
Каналдын админинин уруксатысыз бөлүшүп жатам.
Ар бир жакшылыкты сурап жайылтуу керек эмес го деп ойлойм.
/channel/nurastudy
(Жалгыз эч бир постун калтырбай окуган кыргызча канал)
Сөзсүз катталып алыңыздар.
Диний, жеке өнүгүү боюнча жазат.
Мектепте окугандан бери тааныйм жана эч кандай күмөнсүз силерге сунуштайм. Чындап пайда аласыңар.
Жазганы, оюн жеткирип берүү жөндөмдүүлүгү жогору.
Көркөм чыгармаларды окуган өзгөчө жагат.
Анткени адам бир жашоону гана жашайт. А чыгармаларда ар адамдын ар түрдүүчө жашоосу бар. Алар менен бирге алар сезген сезимди, кайгы-капаны, кубанычты, жыргалчылыкты сезип отуруп бир канча дүйнөдө жашап коёсуң.
Бир китеп менен 1 күндө же 1 айда башка аалам ачылат.
Сонун эмеспи ээ?
Аккаунтум Парижде деген сүрөт📸
Сайкал, чоң рахмат!🫶🏻
Ии баса, негизинен кат келди башка-башка жазылат.
Бирок аңгемедеги башкы каарман кат ташыган үчүн аны көргөндөр: “Каткелди, Каткелди” деп чакырышат. Бара-бара өз атынан эмес Каткелди деп атап калышкан. Ошол себептүү Каткелди деп бирге жазылган болуусу мүмкүн. (Өзүмүн эле оюм)
Бүгүн “Каткелди” деген аңгемени уктум.
Кээ бир китептер күлкүңдү келтирет, кээ бирине түшүнбөйсүң, кээ бири коркутса, а кээ бири ыйлатат.
Ушул аңгеме 3-4 жолу ыйлатты. Көчөдө укканым үчүн көз жашымы көп төгө албадым. (Күлүп)
Чыгарма жеңил тилде жазылыптыр. Анын үстүнө чакан эле. (1 жарым сааттай)
Аңгеме негизи бир аз башкачараак форматта болот. Авторлор повесть деп атагысы келишпесе да повесть дегим келди.
Автобиографиялык чыгармаларды окуганды жактырам. А кат жазганды андан да) Балким ушул окшоштуктар аңгемени жүрөгүмө жакын кылды.
Китеп Ильгиз Айтматов тууралуу болсо да эмнегедир Айтматовдун “Балалыгым” повестиндей элес калтырды.
Чыгармада башкы каарман Атай согуш учурунда кат ташыгыч болуп иштеген. (Почтальон)
Элестетсеңер? Кандай сонун жумуш. Энелер баласын, балдар атасын, аялдар жолдошун күткөн убакта аларга согуштан келген катты тапшырып, окуй албагандар үчүн окуп берген. Кандай гана эмоцияларды көргөн. Жумушу оор болсо да, муздак сууну кечип бир өйүздөн экинчи өйүзгө өтсө да ошол эмоцияларды тартуу кылган. (14 жашында) Канча дуба-тилектер айтылып, канча көзгө бактылуулуктун жашын төктүргөнү себеп болгон.
Ооба, бул ошо кат ташуучу кызматы.
Мм… Албетте КАРА КАГАЗДЫ тапшырганды эске албаганда.
Эмнегедир чыгарма тууралуу баштан-аяк айтканды жактырбайм. Кыскача түшүндүрмөнү окуяларды ачып бербестен жазгым келет.
Автобиографиялык чыгармаларды окуганды жактыргандар үчүн сөзсүз сунуштайм.
Азыр пдф фоматын да, аудио форматын да жөнөтүп коём.
Баалоо: 9/10
Германиянын китепканаларын сүйдүм🤍
Эгерде китептер кыргызча болгондо сүйүүм эки эсе күчөмөк.
Ии баса, Айтматовдун бир китебин немисче 3-4 барак (“Эрте келген турналар”) окуп көрдүм. Тилим чайналып калды😅
Кыргызчасы татаал сөздөр менен жазылган эле немисче андан да татаал экен. Ошо, али Айтматовду окуганы эртедей…
Кыргызстандын блогерлери жана инфлюенсерлер үчүн буткемп!
#BloggerBol2 буткемпи – бул төрт күндүк окутуу лагери: Бостери айылы менен Ош шаарында өтөт. Убакыт аралыгында анын катышуучулары төмөндө көрсөтүлгөн багыттар боюнча медиа, блогинг жана SMM тармагында контент жаратуу боюнча билим алып, тийиштүү көндүмдөргө үйрөнүшөт.
❓ Ким катыша алат:
👉 18-35 жашка чейинки адамдар;
👉 Кыргыз тилинде эркин сүйлөгөндөр жана кыргыз тилиндеги видеконтентти жаратууга кызыккандар;
👉 “BloggerBol” буткемпине катышууга 5 күнүн бөлө алгандар (4 күн окутуу жана келип-кеткенге бир күн);
👉 Контент жаратуу менен узак мөөнөт алектенгендер;
👉 “BloggerBol’дун” экология, гендердик теңдик, социалдык активизм темалары боюнча мурда жарыяланган бери дегенде 1-3 материалы барлар.
🔥 Дедлайн: 31 август 2023
📌 Толук маалымат: Internews.kg
Кыргыз улуттук кийимдери тууралуу подкаст угуп жатып көп нерсе тууралуу ойлондум.
Жаңы оронгонумда апам: “Кызым, кандай жоолук салынсаң салын, бирок кара салынба” деп айтканы эсиме келди.
Азыркыга чейин кара салынбаганга аракет кылам, бирок кээде кийимдин жарашыгына карап салынган учурларым кездешет.
КАРА түс жамандыктан кабар бергенин билсем да жарашык үчүн салынып алганыма кейидим.
“Кыргыздар мурда оронгон эмес!” деген кептер болгондо дароо Курманжан датканын ак элечек менен түшкөн сүрөтү жана илгерки кыргыз аялдарынын сүрөттөрү эске түшөт жана дароо аларды мисалга алуу менен сүйлөп баштайбыз же жөн эле дым болобуз.
Бирок ошолорду мисал кылып жатканда биздин кийим алардын кийимине дал келеби ошону мааниге албайбыз. Элечек, кептакыя, шөкүлө ж.б баш кийимдердин өзүнчө мааниси бар болуп, өзгөчө философияны камтыган.
“Орондум” деп эле каалагандай кийинип алган менимче туура эмес. Салт-санаа, үрп-адатка да көз салып, төп келишибиз керек.
Улуттук баалуулуктарды сактоо ар бирибиздин милдетибиз.
Бизге чейин жетип келген баалуулуктар бизден кийинкилерге да жетүүсү зарыл.
📹 Джек Лондон. Мартин Иден. Часть вторая. Аудиокнига. →
👤 Старая книга Audiobooks-1">→
⤴️
Бул китепти соңку күндөрдөгү эң бат окуп бүткөн китебим деп айта алам.
Электрондук китептерди окугандан тажаган көрүнөм.
Барактап, сызып, жазып окугандан ырахат алдым.
📖 жөнүндө айтардан мурун бир аз кеңеш менен бөлүшүүнү туура көрдүм.
Мусулман аял заты болобу же мырзасы болобу үй-бүлө темасындагы китептерди диний китептерден баштаганы оң. Батыш адабияттары биздин динибизге, каада-салтыбызга туура келбей калат. (Баары эмес, албетте!)
Мусулман аял заты өрнөктү өзүбүздүн улуу энелерибизден алуусу керек. (Хадижа р.а, Аиша р.а, Фатима р.а ж.б)
А мырзалар болсо Пайгамбарыбыз Мухаммад (с.а.в) дан.
Үй-бүлө темасы тууралуу көп жазууну каалабайм.
Анткени оорунун кадырын соо билбейт дегендей азыр баары жеңилдей сезиле бериши мүмкүн. Убагы келгенде, жашалып өткөндө анан тартынбай жазып калсам керек😅
Окей, китеп жөнүндө айтайын.
Бул китепти үй-бүлө курууну каалаган ар бир адамга окууну сунуштайм.
Андан соң үй-бүлөлүү эже-байкелерим үчүн да.
Жакшы бир идеяларга бай китеп экен. Менимче ушул китептеги нерселерди аткарсаң эле чындап бактылуу болуп кетчүүдөйсүң, чын айтам. Ошондуктан да аты “Дүйнөдөгү эң бактылуу жубайлар” деп бекеринен аталбаса керек.
Аллахым алган пайдаларды жугуштуу кылган болсун🤲🏻
Баалоо: 10/10
Дил маек
Жаңы каналымдын (кыздар үчүн гана) ссылкасын 29-август күнү өчүрүп, андан соң жабык аккаунт кылам.
5 күндүн ичинде 244 кыз катталды. Негизи мынчага жетет деп ойлогон эмесмин. Телеграм баракчалардын үнү көбүндө өчүрүлгөн болот. Бул каналдын статистикасында 47% катталуучуда үнү өчүрүлгөн. Ошондуктан аз эле кыз катталса керек дегем.
Ии баса, жалаң кыздар болсо актив сонун болот турбайбы🐝☺️
Реакция кой, комментарий калтыр деп баш оорутмай жок.
/channel/dilmayek
Ошо, катталабыз!
/channel/dilmayek
(Жаңы каналымдын ссылкасы)
📢 Канал кыздар үчүн гана!
Ссылка 1 жума бул жакта турат. Андан соң каналды жабык кылам.
🌸 Дил маек деген ат аябай жакты. Сунуштоолор үчүн ыраазычылык билдирем🐝
Ас-саляму алейкум, кандайсыздар?
Кабыргам менен кеңешип жатып бул каналды өчүрбөйүн деп чечтим.
Болгону кичине өзгөрөт. Болушунча бир гана окуган китептерим жана пайдалуу подкасттарды жиберип турууга аракет жасайм.
Окуган китептеримдеги учкул сөздөрдү да, албетте!
Өзүм тууралуу көп нерсе жазбаганга аракет кылам.
А кыздар үчүн жакшы жаңылык!
Аллах насип этсе бүгүн кеч же эртең жаңы каналдын ссылкасын жиберем.
Ал жакта формат бул каналдыкынан бир аз башкача жана эркин болот.
Түшүнүү менен кабыл аласыздар деген үмүттөмүн!
Эң көп китеби бар адамга мага жаккан бир китеп белек кылайын.
+ кат менен😊
Жөн эле, мага да жуксун деп ниет кылып))
Чатка жаза берсеңер болот.
Эмне кылып болсо да сөзсүз катталып алгыла, кыздар)
Силердин дагы окушуңарды аябай каалайм.
😂😂
Акча төлөнгөн жарнамаларды дагы мынчалык сунуштабайм.
Оюма кофе ичүү ушунча көп келип жатат, бирок азыр ичип алсам түнкү 1-2ге чейин уктай албашымды сезип жатам.
Аааааа, 😤😤😤
Уйку же кофе?
”Үйлөнүп коюш оңой эле, үй болуп кетиш кыйын.”
✍🏻Идирис Айтибаев.
Китептерге болгон сүйүүм китепканага жетелей берет.
Дюссельдорфто 10дой китепкана бар экен.
Жакшы жери 1 жылга ачтырган картам 10 китепканага жарай бергени.
Каалаганча китепти үйүмө көтөрүп кетсем болот. 😄
Алыкул Осмоновдо (Бишкектеги улуттук китепкана) дагы ушундай мүмкүнчүлүк болгондо далай китептер чаң баскандын ордуна баракталмак…
Бул жакта дагы жакшы жери картаң жок болсо деле кирип каалаган китебиңди окуп, каалашыңча отуруп кетсең болгону.
Бирок бир “➖” бар.
Мен немисче китептерди жакшы түшүнбөй жатканым🫠 Ошентсе деле бош убактымда келе бермей, эсим ооп ар китепти кармалап, сырттарын окуп, нары-бери басмай…
Сүйүү бул себептерге байланбайт. Анын кайсы тилде болгону мааниге ээ эмес. Болгону бар жана сенин жаныңда.
Китептер биздин колубузда эмес, колубуз жетпеген китеп текчелеринде. Алардын барактары бир жолу да ачылбай, эчак эле саргайып, чаң басып калган…
Читать полностью…
“Атаганат! Адамдын жарты өмүрү кыял менен өтөт белем? Өмүр чиркин ошондуктан таттуу белем? Кыялыңдын баары орундала бербегендиктен адам өмүрү кымбат белем?
Ар кимдин өз тагдыры бар. Тигине карга бирде жамынып, күн нуруна бирде жуунуп турган тоонун да бир тарабы жарык, бир тарабы көлөкө. Адам дагы тагдырында бирде кубаныч, бирде кайгы кечирип жүрүп отуруп өмүрү кеч кирет тура. Өмүрдүн кунары да ошондо экен го.”
”Гүлсарат” повестинен
Жакшы жазууну үйрөнүү үчүн окуу керек.
Окуганда кандай?
Жүрөккө жаккандыбы?
Көңүл көксөгөндүбү?
Туш келген тексттиби?
же эмне, барагынын көптүгүнөн биринчи бети ачылбаган тээтиги китептиби?
Хмм…
Көзгө урунган, көңүлгө чалдыккандыбы?
Билбейм, айтор, билбейм…
Имам ал-Газали:
"Элдин калың катмары ыйман келтирип, моюн сунуп, илимди аалымдарга тапшырып ибадат жана тиричилик менен алек болушу керек. Жөнөкөй адам илим жөнүндө сүйлөгөндөн көрө зына кылса же уурдаса ага жакшыраак. Анткени ал Алла жана Анын дини жөнүндө терең билбестен сүйлөгөндө өзү аңдабастан каапырлыкка түшөт".
Ихя улум ад-дин.
Зына жана уурулуктун күнөөсү чоң бирок билбей туруп акыйда же адал арам жөнүндө сүйлөө андан дагы чоң күнөө деген мааниде. Күнөө мусулманды динден чыгарбайт, адашуу динден чыгарат.
إنما حق العوام أن يؤمنوا ويسلموا و يشتغلوا بعبادتهم ومعايشهم ويتركوا العلم للعلماء فالعامي لو يزني ويسرق كان خيرا له من أن يتكلم في العلم فإنه من تكلم في الله وفي دينه من غير إتقان العلم وقع في الكفر من حيث لا يدري كم
📹 Джек Лондон. Мартин Иден. Часть первая. Аудиокнига. →
👤 Старая книга Audiobooks-1">→