4466
🧙🏻♀️Китептер, жашоо-турмуш жөнүндө жана пайдасыз нерселерди жазам. #Күндөлүк 🪄Жасалмасыз 🪞Боёксуз ✨Биздин дүйнөбүзгө кош келдиң, окурман!
https://www.youtube.com/watch?v=565fIH0cpzQ&t=2s
Читать полностью…
Жакшы жарыя экен.
Силерге да кереги тиет деген ойдомун.
Ырдын маанисине жетүү үчүн кайсы убакта жаралганына маани берүү керек. Болбосо түшүнүү оор.
Читать полностью…
“Көк дептерди” окуп жатканда сөзсүз Калмурат Рыскуловдун чыгармачылыгы кызыктырбай койбойт.
30 жашында өзүн өзүнө өзү кол салганы менен бир канча обондун жана ырлардын автору экен.
Ырларын окуп жана угуп чыктым. Арасынан “Күтүү” деген ырынын обону жакты.
Ош шаарындагылар Баалуу китеп дүкөнүнөн алсаңар болот экен.
Дареги: Масалиев 11
Баасы: 1000
Байланышуу үчүн 0221714529
(Мен алганда деле 1000с болчу)
Көк дептер
Автору: Жеңишбек Эдигеев
Бети: 657
Чыгарма публицистика стилинде жазылган.
📘Китептин ар бир бөлүмү өзүнчө бир сезимдерге жетелеп, өзгөчө эмоцияларды тартуу кылды. Арасынан тандай келгенде студенттик күндөрүндөгү окуялар ары кызыктуу жана таасирдүү болду. Себеби автор экөөбүздү бир университет, бир окуу корпусу жана мугалимдер байланыштырып турат эле.
А эң эле оор бөлүм: “Сен али жазыла элексиң. Мен окула элекмин.”, “Сени күтүп, ак баш болду ышкындар” болду.
Анткени ал жерде жакындарынан (апасы, эжеси, досу ж.б) айрылган убактарын жазган.
Автор сезгенди сезип окуу, дене боюмду дүркүрөтүп, дүүлүктүрүп, чымыратты.
Алар менен өлдүм жана автордун күйүтүн сездим. Эң өкүттө калтырганын айтайынбы?
Өлүм, айрылуу ар башта бар экенин, бир күнү шамал сымал мени да буйтап өтөрүн акылым айтып турду. Балким асыл инсандарымдан айрылгым келбегениненби же башка себептенби, айтор ошол бөлүмдөрдү батыраак окуп, батыраак бүтүрүп салганга шаштым.
📌Эгерде автор өзү сезгенди сездире алса, окурманды бирде ыйлатып, бирде күлдүрө алса, жазганынан сабак берип, окурмандын жүрөгүнө таштай катып, муздай ээрий алса, менимче максаты орундалды. Китеп максатка жетти.
📘 “Көк дептерде” тээ балалыктан баштап, азыркы кездеги убакка чейинки окуялар жазылган. Жаш кезинде автор күндөлүк жазып жатып бир кездерде ушунча адам окуурун сезбесе деле керек.
Күндөлүктөгү жазуулар, ошол элестер, ошол ирмем бул китепти дагы да көркүнө чыгарды деп эсептейм.
Мага жаккан жанр, мен сүйгөн стиль.
Күндөлүк жазууга дагы да шык берген мотивация болду.
📌Эмнеге жеткен сүйүү бааланбай, жетпей калган сүйүү тарыхка айланат?
📘Жеңишбек Эдигеев учурда Швецарияда жашайт экен. Анын эмне болуп, кантип барып калганын китептен билсеңер болот. Автордун номерин таптым. Аллах насип кылса китеп тууралуу ой-пикиримди билдирип жазайын деп жатам.
Ии баса, түз эфир кылуу да оюма келип кетти. Силер катышсаңар мен бул пикирим жөнүндө да автор менен кеңешмекмин.
📌Китептерди автордун тирүүсүндө окуган кандай жакшы. Канча китептерди автор көз жумган соң окудук. Канча суроо, канча ой-пикир калып кетти.
📘Китепте өтө таамай жана жеткире жазылган цитаталар көп экен. Баракчама бөлүшкөнүм 1 болсо, жазбай калтырганым 1000 болду.
Кечке силерди тажатып албайын деп киргизбедим.
Өзүңөрдүн окушуңарды сунуштар элем.
Бул китептин аудиосун эмес, өзүн окушуңар керек демекмин. Анткени көркөм чыгарма эмес. Окуялар бири-бирин кээде уласа, кээде улабайт.
📌Баалоо: 10/10
Бут кийимди чечпей, тебелеп-тепсеп өтүү башында мага да өөн учураган.
Германияда эле эле эмес, көрсө Швецарияда деле ушундай экен.
Андай десе ойлобогула бут кийимдин таманы кир боюнча келет деп. Кээде бут кийим полдон караганда тазараак болот😅
Ушул видеону 2020-жылы 3-сентябрда киргизген экен элем.
2023-жылы 19-июль күнү ушул китепканага бардым.
Бул видеону киргизгенде ушул жерге барышымды жана Германияда экенин билбесем деле керек.
Китеп окууну кантип адатка айлантса болот?
✨ 1. Өзүнө жаккан жанрдан баштоо керек.
50 бет эрежесин колдонсоңуз жакшы болот.
Мисалы бир китепти баштаганда 50-бетке чейин өзүнө тартпаса, кызыктырбаса кайра улантуу кереги жок.
Китеп жакпаса ал бир айга же 1 жылга узарып кете берет. Бүтпөйт жана кечке ойлондурат.
✨ 2. Китеп окууга кызыкпай, бирок эми окууну план кылып жатсаңыз романдан баштабаңыз. Китепти көрүп эле, беттерин карап эле чочуп баштайсыз.
Андан көрө аңгеме, повесттерден баштаганыңыз оң. Бир китепти бүтсөңүз, мотивация болуп кайра экинчисин өзүңүз эле баштайсыз.
✨ 3. Такай окуу.
Бул дегени күндө калтырбай окуп туруу дегендик. Эң азы бир бет.
✨ 4. Бош убакытта эмес, китеп окуу үчүн өзүнчө убакыт болсун. Жок дегенде кечинде жатардын астында окуп жатыңыз.
✨ 5. Эгерде убактыңыз такыр жок болсо аудио китепке алмаштырсаңыз болот.
✨ 6. Учурдагы абалыңызга карап китеп тандаңыз.
Мисалы, балалуу-чакалуу болсоңуздар бала тарбиясы кызыктуу болот.
Турмушка чыгардын астында турсаңыз үй бүлө темасы кызыктуу болот.
Рухту азыктандыруу үчүн диний китептер ж.б.
Бул менин жеке тажрыйбаларымдан.
Шон Байтелл өз күндөлүгүндө (“Дневник книготорговца”)
инсандардын кандай экенин окуган китептеринен билсе болорун жазыптыр.
Анткени китеп дүкөнү болгон үчүн көз жумган же алыска көчүп жаткан адамдардын үйүнө барып китептерин сатып алат.
Бир эмес, эки эмес, тонна-тонналап.
Чогулткан китептерине карап эмнеге кызыгарын, кандай адам экенин жазып калган жайы да бар.
Бул жерде автор менен бир пикирдемин.
Башында досторум же жакын тааныштарым: “Нурзат, мына китепти окудуң беле? А мунучу? Детектив жагабы? Фэнтезичи?” деп сурап калганда алар айткан китепти окубаганыма жаман болор элем. А азыр оюм өзгөрдү.
Бирөөнүн бут кийими бирөөгө туура келбегендей, бирөөнүн сүйүп окуган жанры бирөөгө туура келбейт. Андыктан ал айтканы, бул айтканы эмес, көңүлүңөргө жаккан китепти окугула. (Сабакта милдеттүү түрдө окутулгандардан башка!)
Бирок кызыгып окуган жанрыңарды тапканга чейин ар тармактан окуп көрүү керек. Мотивация, өзүн-өзү өнүктүрүү, фэнтези, детектив, роман, новелла, документалдуу (автобиография, эссе, биография) ж.б.у.с
А диний китептерди сөзсүз окуу керек.
“Любовь-это не чувство, а действие” дегенди окуп алып, гүл саткан дүкөнгө жөнөгөн күндөр көп болду.”
📘Көк дептер
Чыманов Жеңиш агайдын 2-3 сабагына гана катышып калгам. Анда да өзүмдөн бир жаш кичүүлөргө сабак өтүп жатканда кирип отурган элем.
Карантин деген аттуу-баштуу агайлардан билим албай калганыбызга себеп болду.
Себеби зуум, миит сыяктуу программаларды түшүнүү улгайган мугалимдер үчүн оордук кылды.
Ошентсе да бул агайды жакшы көрөм. Баалайм!
4-курста агайдын бир сабагын өтмөкчү болуп канча даярданганыма карабай өтө алган эмесмин.
Түшүндүрүү да, жеткирүү да, өзүм да түшүнүү оор болгон…
Сызып койгон жерге маани бергиле ээ?
Шылтоо айтпоону 1 абзацта эле түшүндүрүп салыптыр.
Бул бир чыгармага гана тиешелүү эмес экенин түшүнөлү ⚡️
Кеме келбейт деп деңиздин соолуганын көрдүң беле?
✍🏻Белгисиз.
Келбей жаткан болсо анда жакшы😊.
Себеби башка каналдарга телеграм өзү автоматтык түрдө рекламаларды жөнөтүп жатат.
А админдерге көрүнбөйт экен.
P.s. Бир канча ай мурун акылуу да, акысыз да рекламаларды алууну токтотком.
Кайнаган ичте ырларым,
Китепке түшүп муздадың...
✍🏻 Э.Иманалиев
Көп окудум, бирок азды түшүндүм.
Көп иш баштап азын гана бүтүрдүм.
Тардыгы эмес убакыттын жөн гана,
Аздыгы го акылымдын, күчүмдүн.
✍🏻 Аалы Туткучев
Жүрөк каалаганын сурайт,
Аллах биз үчүн эң жакшы боло тургандай кылып жооп берет.
✨🕊️
“Көк дептерди” окуп бүткөндөн кийин сөзсүз ой-пикириңерди авторго жазып коюушуңарды сунуштар элем.
Фейсбук жана инстаграм баракчалары бар экен. (Менде жок, бирок сурап бул жакка жазып коём)
(P.s. автордун канчалык кубанганын билгениңерде күндө ой-пикир жазмаксыңар😅)
А мен бул кылык-жоорукка дагы деле көнө элекмин.
Кыргыз эле маданияттын туу чокусунда болбосок да, айрым учурларда салт-санаабыз булардын маданиятынан алда канча алдыда турат.
”Өмүр-бул ширеңкенин кутусундай, ага төшөлүп көңүл буруу-келесоолук, кол шилтеп коюу-коркунучтуу”
📘Көк дептер
Алтын саат
⠀
Чарли Чаплин бир жолу Нью-Йоркто метрого тушуп калыптыр.
Үйүнө келип чөнтөгүнөн алтын саат таап алат.
"Кандайча менин чөнтөгүмдө болуп калды?,- деп ойлонуп отуруп, анан полицияга тапшырууну чечет.
⠀
Эртеси ага мындай кат келет:-
"Урматтуу Чаплин Мырза! Сизге бул катты дасыккан профессионал чөнтөкчү жазып атат, кечээ метродо бир мырзанын алтын саатын уурдадым, капыстан Сизди көрүп калып, Сизге белек кылгым келди, анан чөнөтөгүңүзгө салып койдум".
⠀
Арадан бир жыл өтөт. Полиция ууруну таппайт, сааттын ээси да табылбайт, кайра Чаплиндин өзүнө жөнөтүшөт. Гезиттерге бул окуя тууралуу да жазышат.
Бир топ убакыттан кийин Чаплин дагы башка кат алат.
⠀
"Кымбаттуу Чаплин Мырза! Бир жыл мурун метродо алтын саатымы уурдап кетишти. Гезиттерден окуп калдым, чөнтөкчү аны менден уурдап, сизге белекке бериптир. Саатты өзүңүздө калтырыңыз, Чаплин Мырза, Мен сиздин талантыңызды сыйлагандардын биримин, ошондуктан уурудан айырмаланып, сиздин саатыңызга алтын чынжырчасын белекке жөнөтөм!"
—————————————————————-
P.s Чынында, “чын сүйлөгөн Кудайга жагыптыр”, деген чын. Жалган жашоодо ар кандай сыноо менен сыналабыз. Кандай учур болбосун Кудай бар экенин, ал ар дайым бизди көрүп, билип турарын унутпасак! Чынчыл адам эч качан жамандык көрбөйт.
⠀
Р. Култай,
атайын @formulasy үчүн
Кыргыз тили жоголобу же оңолобу?
Сөзсүз угуңуздар!!!
Көк дептерди ойгонгондон баштап окуп отурам. Жалаң коштошуулар жазылган жерине келдим.
Эмнегедир жайдары маанай суз боло түштү. Улантайын дейм, батына албайм.
Чогуу университетке тапшыргандай болуп сүйүнүп окугам. А азыр коштошо албай жан дүйнөм тызылдайт.
Университет мейли го. Ойлондурганы башка каарман, башка окуя болду.
Бул жолку иш-жүрөгүнүн колунан келди, а бирок колунан келбеди…
“Оор тагдыр адамдарды бактысыз кылса, акын менен жазуучуну атактуу кылат.”
📘Көк дептер
📌 Кайра эле “Көк дептерди” ачып алып акмалап отурам.
Бул китепти досум окуганы алып кетип, кечээ гана кайра алдым.
Адатта кечинде китепти телефонго алаксыбай укташ үчүн окуйм. А көк дептер уйкуну келтирбей эле кайра качырып, бир канча бет окугам. Кызыктын баары башталгандай сезилди. Мен окуган университет, андагы агайлар, аудиториялар, Белинский көчөсү, айтор автор баяндап жазган жерлерде канча бутумдун изи калды. Жатаканага Нарындык группалаштарыма барып эт, чучук жеген күндөрдү көз алдыма элестеттим.
Автордун КУУда жана 5-корпуста окуганы дагы да жакындатты.
Арасынан бул жакка жаза турган цитаталарды сызып даярдап койдум. Акырындан киргизип турам го…
✍🏻 Негизи бул күндөлүк өтө деле таасир калтырып, укмуштуудай ааламга сүңгүтпөйт. Каармандар менен кошо өлүп, кошо тирилбейсиң. Жөн гана кыргыз тилинде, көркөм тилде, күндөлүк болгону үчүн да өзүнө тартат. Алыстатпайт.
Мага ушул жанр өзгөчө жагат.
Пайда алуу үчүн эмес, ырахат алуу үчүн окуган жанрым десем болот.
✨ Шон Байтеллдин “Дневник книготорговца” деген китебин окуп жатам. Ал дагы “Көк дептер” сымал, бирок бир аз башкачараак жазылган.
Т.а китеп дүкөнгө келген кардарларды, канча китеп сатып, кандай иш-чараларды уюштурганы жөнүндө. Автор 1 жыл бою (жекшемби күндөн башка) 6 күндө эмне болгонун жазат. Элестетсеңер? 1-2-3-4-5-6-күн, апрель, май, июнь… март…
Бул китеп тууралуу өзүнчө пост болот.
Китеп саткандар, же китеп дүкөнү барлар, же китеп дүкөн ачууну каалагандар үчүн сунуштала турган китеп.
📖 Ооба, бул мен. Көк дептерден баштап башка нерсе менен бүтүрүп койгон😂
Кээ бир китептер гүл катыруу үчүн гана кызмат кылат.😅
Биринчи гүлдү катырып анан китептердин ортосуна салыш керек. Болбосо китеп булганып калат.
Идирис Айтбаевди айтыш ааламынан тааныгам. Ага чейин билчү эмесмин.
Кийин бир канча айтыштарына барып да көрүп, угуп, сабактарына катышып калдым.
Учурдагы баалап уккан, ар бир интервьюсун калтырбаган инсандарымдын сап башында турат.
Колуңуздар бош болгондо ушул маегин сөзсүз угуп коюуңуздарды сунуштайм.