4466
🧙🏻♀️Китептер, жашоо-турмуш жөнүндө жана пайдасыз нерселерди жазам. #Күндөлүк 🪄Жасалмасыз 🪞Боёксуз ✨Биздин дүйнөбүзгө кош келдиң, окурман!
🇰🇬🇰🇬
Эгемендүүлүк күнүң куттуу болсун-КЫРГЫЗСТАН!
Сенде туулуп, сенин жараның болуп, сенде жашаганыма сыймыктанам!
Ар убак жүрөгүмдө кайгы болгондо дароо сага бара аларыма, сен мени мендей кабыл аларыңа сүйүнөм!
Келечекте дүйнөдөгү болуп жаткан ачылыштар бизде болоруна, жаштар билим-илим, маданият менен таанылып, мекеним жаратылышы менен туристтердин чордону болуп, экономикабыз болуп көрбөгөндөй өнүгүүсүнө ишенем! Үмүт кылам!
Сенде билем миллион мендей жан бар,
Эхх, Кыргызстан, сен менде жапжалгызсың!
Баарыңарга салам, достор!
Биз сиздерге сонун жаңылык менен келдик 🤩
Биздин 2 күндүк марафонубузга каттоо ачык деп жарыялайбыз! Бул марафондо силер окуучуларга арналган сонун мүмкүнчүлүктөр жөнүндө маалымат ала аласыздар🔥
📌 Бул бекер каржылануучу мүмкүнчүлүктөр жөнүндө биздин спикерлер өз тажрыйбасы менен бөлүшүп, сиздерге кеңештерин беришет.
📌 Марафон онлайн түрүндө, Google Meet платформасында өтмөкчү, демек Кыргызстандын кайсы бурчунда жашасаңыз дагы, марафонго катыша аласыз.
🗓️ Марафондун даталары: 29-30 август
📌 Марафондо талкуулануучу темалар:
•FLEX программасы (АКШ🇺🇸)
•NGA программасы (АУЦА, БААУ)
•US-CAEF программасы (АУЦА, БААУ)
•YYGS программасы (АКШ🇺🇸)
•Ыктыярчылык
•Tech Girls (АКШ🇺🇸)
•Talking club (англис тилин практика кылуу)
✅Катышуу үчүн шарттарды бул жерден окуу ⬇️
https://www.instagram.com/p/C_FfoBAormp/?igsh=amcxbmcxY2ZwMGg0
📌13 жаштан баштап катыша аласыз
✅Катталуунун акыркы мөөнөтү: 28 август, кечки саат 19:00.
forms.gle/BMEu3vLHsPNVfkfo8
Баарыңыздарды күтөбүз💕
– Сиз кофеге эмне кошуп ичкенди жакшы көрөсүз? Шекерби, сүтпү, корицабы?
– Эң жакшы көргөнүм... хм…китеп телефон менен.
😢
Инстаграмды өчүргөнүмө 1,5 ай болду.
Эч нерсе деле укмуш болуп өзгөрүп кеткен жок))
Бирок тарыхча көрүп жатып бирөөнүн жашоосу “мәззә да”, “жыргал ушуга эле” деген сындуу сөздөр жабык сандыкта катылуу бойдон калды.
Дагы канча ай инстагаргам баракчам өчүк болот билбейм, бирок мага азыр ансыз жашоо кызыктуу болуп жатат. Телеграмды да жок дегенде 1 айга өчүрүп туруу идеясы келди, бирок эң көп маалымат алган булагым-телеграм.
Канчалаган китептер, пайдалуу нерселер ушул жакта топтолгон.
“Тарс” этип эле өчүрүп туруу оор болуп жатат.
Силер өчүрүп көрдүңөр беле?
Башка азырынча жаңылык деле жок. Пытыр-пытыр болуп өзүм менен өзүм жүрөм. Жылгыздыкка күн өткөн сайын көнүп баратам, бирок муну каалабай элемин.
Соц тармак бул менин адамдар менен байланышуудагы жалгыз гана куралым. Бара-бара бул тармак да кызыгуумду арттырбай калды.
Бакытты башкаларга бөлүшүп эмес, жашап, сезип, сүрөтсүз даамын таткым келип баратат.
Каарып баратамбы?
🇰🇬
Кыргызды дүйнөгө таанытып жаткан спортчуларыбызга Аллахым жеңилдик берсин🤲🏻
Мартин Иден— америкалык жазуучу Жек Лондондун 1909-жылы жарык көргөн романы. Бул автордун эң белгилүү жана сүйүктүү чыгармаларынын бири жана америкалык адабияттын классикасына айланган. А азыр дүйнөлүк классикага кирет.
Кыскача мазмуну
Роман жакыр деңизчи Мартин Идендин окуясын баяндайт. Ал жазуучу болуп байдын кызы Руфь Морздун жүрөгүн багындырып, жогорку коомго кошулууга аракет кылат. Кыялдарын ишке ашырууга аракет кылып жатканда Мартин көптөгөн кыйынчылыктарга жана ийгиликсиздиктерге туш болот. Акыры ал болуп көрбөгөндөй атактуулукка жетишет, бирок бул ага бактылуулукту алып келбейт жана ал өзү умтулган идеалдардан көңүлү калат.
Темалар жана идеялар
Романдын негизги темаларынын бири — буржуазиялык коом жана анын баалуулуктарынын сынчылдыгы. Лондон Мартинди төмөнкү катмардан чыккан адам катары көрсөтүп, жогорку класстагы адамдардын акыл-эс деңгээлине жана жек көрүүсүнө туш келтирет. Ошондой эле роман өзүн-өзү таануу жана жеке амбициялар маселесин көтөрүп, адам максаттарына жетип, бирок өзүнөн алыстап кетсе эмне болорун изилдейт.
Дагы бир маанилүү тема — сүйүү жана анын адамга тийгизген таасири. Мартиндин Руфька болгон сүйүүсү аны башында шыктандырат, бирок окуянын өнүгүшү менен бул сүйүү ага чыныгы ырахат бере албасын түшүнөт.
Адабий өзгөчөлүктөр
Лондондун "Мартин Иден" чыгармасынын стили жандуу жана таасирдүү, ал реализм менен философиялык ой жүгүртүүлөрдү чеберчилик менен айкалыштырат. Автор автобиографиялык элементтерди колдонуп, чыгарманы өзгөчө чынчыл жана терең кылып жараткан. Чыгарманын тили бай, бирок ошол эле учурда окурмандар үчүн жеткиликтүү, бул аны кеңири аудитория үчүн жагымдуу кылат.
Жыйынтык
"Мартин Иден" — бул терең жана көп катмарлуу роман, ал ийгилик, коом жана өзүн-өзү таануу жөнүндө маанилүү суроолорду көтөрөт. Бул чыгарма адамга өз максаттары жана баалуулуктары жөнүндө ой жүгүртүүгө түрткү берет.
Баалоо: 10/10
#китепжөнүндө
Соц тармактар кантип бизди манипуляция кылып, кандай зыянын тийгизип, кантип иштегендерин көрсөткөн документалдуу драма көрүп жатам.
Мени инстаграм, тикток, Facebook өңдүү соц тармактарым жок болсо да, күнүмдүк колдонуу убактым
азайбай жатканы өкүндүрдү.
Бир-эки тажрыйба ойлонуп койдум. Аткаруу колумдан келсе сөзсүз силер менен бөлүшөм.
Айтып жаткан видеонун ссылкасын комментарийге калтырам. (Нетфликстен көрдүм)
Куу турмуш дары берчи,
Кусалык дартын баскан.
🖊️ Баян Акматов
Себепсиз сүйүү жана себепсиз сүйүлүү кандай болот болду экен?
Читать полностью…
Тоого барып ушинтип эс алып келгим жатат.
Өзүм баргандан корком, бирок каалоочулар болсо уюштуруп барып келсек сонун болмоооок.
Кыздарды ушундай гүлдөр деле бактылуу кылат 🩰🫶🏻
Читать полностью…
Түнү саат 2ге чейин кара жорго бийин үйрөнүп чыккам.
Ишенсеңер “сынып-сынып” бийлеген бий болгону үчүн денем ооруп чыкты.
Бүгүн өлкөбүздү презентация кылдым.
Өзүнчө толкунданып мекенибизди башкаларга тааныштырып жатканыма сүйүнүп, бир жагынан немисче адашпай, сүрдөбөй сүйлөйүн деп ичтен бышып жаттым.
Презентация бүткөндөн кийин элес калтыруу үчүн анан Кара жорго бийин бийледим.
КРда мектепте район-район, кийин университетте область болуп бөлүнөт элек.
А бирок сыртта КЫРГЫЗСТАН болуп өлкөңдү коргоп, өлкөң жөнүндө эң сонун нерселерди айтып калат экенсиң.
Айтып жатып демократиялуу өлкө болгонубузга миң ирет шүгүр кылып кеттим.
Азыр паузадабыз. Кыздар келип бийди кантип үйрөнсө болорун сурап кетишти.
Менимче өзгөчө бийди жактырышты го дейм…
Ии баса, кыз куумай оюнун айтып берсем баары “шок”😂
Андан соң “беш бармакты” айтып, азыр кашык-вилка колдонобуз дедим✨
Соолубас гүлдөр- бул бизге дүйнөдөгү бардык кооз нерселер өткөн-кеткен эмес, түбөлүктүү экенин эске салат.
✨✨✨✨✨✨✨✨
Эрте менен жумушка келип эле маанайым көтөрүлдү.
Бизге 10-класстагы бир кыз 1 жумага практикага келген.
Германияда мектепте окуган окуучулар жайкы эс алууда 2 жума ар түрдүү жерлерде практика өтөшөт экен.
Кийин кесип тандоосуна, бул иш ага ырахат тартуулайбы же жокпу, ушул кесип чындап эле ага жагабы сыяктуу суроолорго өзү-өзүнө жооп берип, окууну бүткөндө бир чечимде болот деп ойлойм.
Мисалы бир жерде 2 жума, кийин дагы башка жерде 2 жума болуп бир топ тажрыйба топтоп, жок дегенде ошол жашоо ритмге түшүп, аз болсо да өзүнө сабак алат.
Кечээ кечинде ал кызга кат жазып, кичинекей белек даярдадым эле.
Бүгүн ал да мага кат жазып, белегин көтөрүп келип коштошуп кетти.
Жүрөгүм аябай жылыды.
… Түндөй кара көздөрүңдүн ичинде,
Кирпигиңди жамынгача уктайын.
Сен аман бол, эсендигиң чоң бакыт!
Маанилүү эмес, сага жетсем, жетпесем…
🖊️ Нурсултан Абдикаримов
🪞🎀
Махабат — бул бирөөгө китеп белек кылып, анын ичине ага арнап жазылган эскерүүнү калтыруу.
📖
Кыргызча (орусча деле боло берет) влог алып барган YouTube да блогерлерди билесиңерби?
Ссылкаларын жөнөтүп койсоңор сонун болмок.
Кыргыз, кыргыздан гана мотивация аларын түшүнүп жеттим.
Кызыктуу каналдар болсо катталып көрүп турмакмын.
Көздүү мончок эч качан,
Көмүлүп жерде калбаган💍.
Олимпиада оюндарын калтырбай көргөнгө аракет кылып жатам.
Ар көргөн сайын көзүмө жаш айланып жатат.
Кечээ Сыймык Бейшекеевдин спортчуларыбызга арналган ырын угуп алып аябай ыйладым.
Көргөн болсоңор кээ бир спортчулар намыстанып ыйлашты. Мекендин туусун башка өлкөдө көтөрүп, башкаларга “КЫРГЫЗСТАН” деген мамлекетти таанытып, кыргыз улутунун намысына жароо дагы чоң ЭРДИК!
Мекеним бар экенине, мекенимди дүйнөгө жакшы жагынан тааныткан мекендештерим бар экенине, колдоо көрсөтүп ар мамлекеттин бурчунан Францияга чогулган патриот жаштары бар экенине, түнү менен уктабай, 4 саат аралыкка карабай күтүп, дуба кылып колдогон кыргызым бар экенине чынында сыймыктанам!
🇰🇬 Алга, Кыргызстан!
Атың дүйнөгө спортчулары алтын алган эң көп мамлекет катары дүңгүрөсүн!
🎬 Мартин Идендин киносу дагы бар экен. Китепти аяктап калганымда киносун дагы көрүүнү чечтим, ачыгын айтканда китеби алда канча таасирдүү жана кызыктуу экен.
Жарымына чейин зорго көрүп андан ары улантпадым.
Кино автордун жеткирер оюн, Мартиндин кандай кыйналып, кандай жашоо өткөргөнүн, Морз үй-бүлөсүнүн ага кылган мамилесин ж.б эпизоддорду жакшы ачып бере алган эмес.
🎧 Китептин орусча/кыргызча электрондук варианттары бул каналда бар. Көчүрүп алып окусаңар болот.
Сиңирүүгө оор болгон китептердин бири болду.
Бекеринен классика эмес экенин түшүндүм. Дагы да китеп тууралуу көбүрөөк жазууну каалагам, бирок жаза берсем ачыкталып кете берет экен. Ошого токтоттум🫶🏻✨
#китепжөнүндө
🌿📗
"Чын эле, анан да кызык, китепти бир нече жолу окуганда ал калың болуп калат, байкайсыңбы?
Кайталап окуган сайын барактарынын арасында бир нерсе калып калгандай сезилет. Сезимдер, ойлор, үндөр, жыттар…
Көп жылдан соң ошол китепти кайра барактап көрсөң өзүңдү табасың — болгону бир аз жашыраак, азыркыңдан бир аз башкача.
Китеп сени барактарынын арасына кургатылган гүл сыяктуу кылып сактап алгандай — бир эле учурда тааныш да, анан да жат."
🖊️Корнелия Функе
📕Сыя кан
— Сен эмнеге кызыгасың?
— Китептерге, а сенчи?
— Китепке кызыккандарга.
Кичинемде айылда кой кайтарып жүрүп самолет көргөндө:
“Самолет, мени ала кетчиииии, алыс-алыстарга ала кетчии” деп кыйкырат элем.
Ысыкта кой кайтарган жанга баткан окшойт ошондо.
А азыр асмандан самолет көргөндө, Кыргызстан, тоолор эске түшөт.
Балалыкты эске салат.
Самолет…
Самолет…
Мени ала кет.
Кат жазуу өзүнчө ырахат,
окуган адам жооп жазса андан да ырахат✨📜💌
«Как хорошо летним вечером сидеть на веранде;
как легко и спокойно; вот если бы этот вечер никогда не кончался!»
📘 Вино из одуванчиков 🌼
Сен деле жол таппайсың...
Жандүйнөңдүн
издеп үтүр, чекитин,
Казып окуп ээ, баяндооч, этишин,
Сен жөнүндө илим жактап акыры,
Керек, - дейсиң, - мен бакытка жетишим.
Балким жашап
бир селсаяк билинбей,
Жүргөн болсо баш калкалап дилиңде эй,
Дароо кызыл сыя менен өчүрүп,
Жолдон алып салам, - дейсиң, - тигиндей...
Мени окуп
бүтө албайсың, карагым,
Барактаган сайын арбып барагым,
Жада калса өзүм дагы өзүмдү,
Окуганга жетише албай барамын...
Мейли канча
кара жанды сабагын,
Жүрөгүңдү миң азапка саламын.
Канча жумшак болгон менен мүнөзүм,
Кайра ошончо ташмын, сары санаамын.
Кээде шокмун,
оюнкараак баламын,
Кээде 100 жыл жашагансып аламын.
Мени издесең кээде бармын, кээде жок,
Кээде өзүмдү бир сап ырдан табамын...
Бекер эле
мени изилдеп жаттайсың,
Дүйнөм кенен, кечир, бирок батпайсың.
Ара жолдо канчалары адашкан,
Журөгүмө сен деле жол таппайсың...
🖋️ Жыпар Исабаева
Кооз жерге келдиң, бирок кооз жерге көрк берген инсандар жок…
Көзүң сулуулукту көрөт, бирок көөдөнүңдүн көзү жумук…
Айланаңда адамдар көп, бирок сен өзүңдү жалгыз сезесиң…
-Кызым,
-Оуу, апоуу
-Ысык нан менен тамакты салып койдум. Мына коңшунун (атын айтып) үйүнө алып барып берип келчи.
-Макул, апа!
Коңшунун үйүндө:
-Эже, апам мынаны сиздерге берип жиберди.
Бүгүн нан жаптык эле.
-Ии алдыгана кетейин, азыр гана эмне тамак кылсам деп ойлонуп отурдум эле.
Токтой тур, азыр табакты бошотуп берейин.
5 мүнөттөн кийин:
-Кызым, мына таттуулар сага. Балам Москвадан салып жиберди эле. Сактап баарын жебей отургам.
-Рахмааат, эже.
-А мынаны апаңа ала бар, менден салам айт.
Кеч өтөм.
-Макул.
Кичинемдеги айылдагы ушул окуя эсиме түштү. Бизде деле белек берүү салты бар экен эле.
Чоңойгондо акыркы жолу коңшунун үйүнө барганымды эстей албайм…
“Үстөлүмдүн үстүндө ар дайым гүл болуусун каалайм. Көргөн сайын көңүл көтөрүлөт. Маанайыма таасир берет.” деп жазганым эсимде.
Андан кийин эле соолубас, вазадагы гүл белекке алгам. Үстөлүмдүн үстүндө түндүр-күндүр жарыгын чачыратып турду. Кийин көчкөндө дагы ала кеттим.
Көргөн сайын чынында маанайым көтөрүлчү.
Ооба, өткөн чак менен жазылып жатат….
Кечээ жанымда жашаган кыз кокусунан сындырып алды. Жүрөк бир катуу сокту да, “соолубас эч нерсе болбойт турбайбы,мына соолубас гүл дагы соолуду” дедим…
“Мотивация керек болуп жатат, бирок эмнеден алууну билбей жатам“ деп келген жаш жигитке акылман: “Ата-энеңдин иштеген жерине барып жарым саат аларга көрүнбөгөн жерден карап тур…” деген экен.
😢