4466
🧙🏻♀️Китептер, жашоо-турмуш жөнүндө жана пайдасыз нерселерди жазам. #Күндөлүк 🪄Жасалмасыз 🪞Боёксуз ✨Биздин дүйнөбүзгө кош келдиң, окурман!
🍁🍁
Жашың өтүп баратат…
Жашың өтүп баратат, ооба, эмнеси бар экен?
Ушул сөздү айтарда адам эмнени ойлонот болду экен?
Кызык…
Эмнеге, кайда адамдар шашышат?
Эңсегени эмне? Өзүнүн жашоосун шаштырганы аз келгенсип эмнеге бирөөнүн жашоосу да өзүнүкү сымал болгону аракет кылдырат?
Сен шашып жашаган жашооңдо эмнеге жеттиң?
Байлык? Билим? Бакыт? Бала? Эмне?
Балким сенде баары бар, бирок ошол учурлардагы бакыт жок.
Мени да шаштырбагыла.
Мени күткөн өлүмгө тез барсам да, жай барсам да бир күндө жетем. Учурдан таппаган бакытты башка адам келсе эле табам деп эч ойлобойм!
Бирөө: “Сага окшоштурдум” деп жөнөтүптүр.
Башкалардын көзүнө ушундай түнү менен китеп окуган кызга окшоп көрүнөт окшойм.
Бирок андай эмес.
Окуганда окуйм, окубаганда жок.
Окшоштуруу үчүн чоң рахмат!
Бара калып китеп окуй калайын😄
🍁🍁
Жалгыздыкты сүйгөндөр үчүн күз-эң мыкты дос. Ал тынчтыкка чакырып, жүрөккө терең ойлорду алып келет.
🍁🍁
Текст курагым келди. Балким идея келип калат деп ар кайсы блогдорду окудум. Бирөөгө эле окшоштуруп жазып салгым бар, бирок кимге окшошууну биле албадым. Тагыраагы таппадым.
Мөндүрдөй төгүлүп, жамгыр сымал жаап салгым келет. Жазууда чек аранын болушун жактырбайм, бирок менде дайыма чек ара болгон. Бул өлөр өлгүмчө кайталат деп билем.
Көп темада жазгым келет. Күндө болсо күндө, сааттап болсо сааттап…
Өзүмдү тыям, тыюу керек!
Текст жазуу деле кээде машакат. Көп катталуучу болгондун да түйшүгү бар. Бардык адамга жага албайсың, бирок сага катталганы үчүн бир пайдаңды берүүнү көздөйсүң. Изденесиң, изилденесиң, кээде көчүрөсүн, кээде көчүрмө болосуң.
Каналдагы катталган кээ бир адамдардан өтө катуу уялам. Эмне үчүн катталды болду экен деп өтө көп жолу ойлонгом.
#тантырология
Негизи суу көп ичпейм. Ошого иштеген жериме, үйгө, кайсы жерде көп убакыт өткөрсөм ошол жактарга алып барып коюп коём.
Көргөндө автоматтуу түрдө барып ичем.🤓
Бул ыкма күндө сууну нормасында ичүүгө жардам берет.
#Лайфхак
“Кайсы мезгилде өмүр бою жашамаксың?” деген тандоо укугу болсо, ойлонбой туруп күз мезгилин тандамакмын.
#Күзүм🍁
Жатарда ичип алган кофе өз таасирин берип түнкү уйкумду кайдагы нерселерге арнашыма себеп болуп жатат. Ноутбукту ачып бир нерселерди кылымыш болуп отурам. Үйрөнгүм келген тиркемени жүктөдүм, көчүргөндөн кийин оюма кайдагы бир эски таанышым түштү. Былтыркы күздү эстедим. Көп нерсе деле өзгөрбөптүр, баягы бакыттын башында отуруп алып, келечекти башкача кыялданган кыз-азыр реалдуу жашоого көз чаптырып, ар кимдин эле сөздөрүнө ишенбей калыптыр. Бул деле өзгөрүүго ээ?
Ай, ошол тиркемени ачкан бойдон көзүм аны, акылым күздү ойлонуп, айтор баш аламан.
Дос кызым менен эки жума камырдан жасалган нерселер менен таттуу сууларды ичпей турган болуп сүйлөштүк. Кантип чыдайт болдум экен?
“Кыргыз” сөзү менен “нан” сөзүн бөлүп кароо бир топ эле оор менимче.
Ноутбукту жаптым.
Бирок ойлордун эшиги жабылбады…
#тантырология
“Кел эми отуруп өзүбүз чай ичели” деген айылдагы атмосфераны аябай сагындым.
Читать полностью…
🪞🎀
Махабат — бул бирөөгө китеп белек кылып, анын ичине ага арнап жазылган эскерүүнү калтыруу.
📖
Кыргызча (орусча деле боло берет) влог алып барган YouTube да блогерлерди билесиңерби?
Ссылкаларын жөнөтүп койсоңор сонун болмок.
Кыргыз, кыргыздан гана мотивация аларын түшүнүп жеттим.
Кызыктуу каналдар болсо катталып көрүп турмакмын.
Көздүү мончок эч качан,
Көмүлүп жерде калбаган💍.
Олимпиада оюндарын калтырбай көргөнгө аракет кылып жатам.
Ар көргөн сайын көзүмө жаш айланып жатат.
Кечээ Сыймык Бейшекеевдин спортчуларыбызга арналган ырын угуп алып аябай ыйладым.
Көргөн болсоңор кээ бир спортчулар намыстанып ыйлашты. Мекендин туусун башка өлкөдө көтөрүп, башкаларга “КЫРГЫЗСТАН” деген мамлекетти таанытып, кыргыз улутунун намысына жароо дагы чоң ЭРДИК!
Мекеним бар экенине, мекенимди дүйнөгө жакшы жагынан тааныткан мекендештерим бар экенине, колдоо көрсөтүп ар мамлекеттин бурчунан Францияга чогулган патриот жаштары бар экенине, түнү менен уктабай, 4 саат аралыкка карабай күтүп, дуба кылып колдогон кыргызым бар экенине чынында сыймыктанам!
🇰🇬 Алга, Кыргызстан!
Атың дүйнөгө спортчулары алтын алган эң көп мамлекет катары дүңгүрөсүн!
🎬 Мартин Идендин киносу дагы бар экен. Китепти аяктап калганымда киносун дагы көрүүнү чечтим, ачыгын айтканда китеби алда канча таасирдүү жана кызыктуу экен.
Жарымына чейин зорго көрүп андан ары улантпадым.
Кино автордун жеткирер оюн, Мартиндин кандай кыйналып, кандай жашоо өткөргөнүн, Морз үй-бүлөсүнүн ага кылган мамилесин ж.б эпизоддорду жакшы ачып бере алган эмес.
🎧 Китептин орусча/кыргызча электрондук варианттары бул каналда бар. Көчүрүп алып окусаңар болот.
Сиңирүүгө оор болгон китептердин бири болду.
Бекеринен классика эмес экенин түшүндүм. Дагы да китеп тууралуу көбүрөөк жазууну каалагам, бирок жаза берсем ачыкталып кете берет экен. Ошого токтоттум🫶🏻✨
#китепжөнүндө
🌿📗
"Чын эле, анан да кызык, китепти бир нече жолу окуганда ал калың болуп калат, байкайсыңбы?
Кайталап окуган сайын барактарынын арасында бир нерсе калып калгандай сезилет. Сезимдер, ойлор, үндөр, жыттар…
Көп жылдан соң ошол китепти кайра барактап көрсөң өзүңдү табасың — болгону бир аз жашыраак, азыркыңдан бир аз башкача.
Китеп сени барактарынын арасына кургатылган гүл сыяктуу кылып сактап алгандай — бир эле учурда тааныш да, анан да жат."
🖊️Корнелия Функе
📕Сыя кан
— Сен эмнеге кызыгасың?
— Китептерге, а сенчи?
— Китепке кызыккандарга.
Эркек үчүн ыйлап, азап тарткан кыздарга
Тозокко түшүп калууну ойлоп, бир жолу ыйладың беле? Жок дегенде ойлоп койдуңбу бул жөнүндө? Тозокко түшүп калып, жылан, чаянга жем боло турганыңды эстеп, ыйлагандырсың?
"Аллах ыраазы эмес го, бул үммөткө эч нерсе кылган жокмун" деп көз жаш төктүңбү? Куран окуганды, жадагалса араб алфавитин билбегениңди ойлоп, ыйладың беле? Балким, намаз окубайм, же Ыйык Курандын бир да бөлүгүн жатка билбейм деп кайгырган чыгарсың?
Же кабырда периштелердин 3 суроосуна жооп бере албайм деп ыйладыңбы? Жок? Бирок кайдагы бир адам үчүн көз жаш төгүп жатасың го?
Сага Исламды үйрөтпөгөн адам үчүн. Жадагалса күйөөң боло элек адам үчүн. Сага Аллахты эстетпеген адам үчүн ыйлап... Сен дагы эле биринчи орунга Жаратканды эмес, кайдагы бир эркекти коюп, аны ойлонуп жатасың.
Ойлоруңду көзөмөлдөп, диниңди окуй баштоого убакыт келген чыгар?
Мүмкүн, Аллах эмне үчүн сага ал адамды бербей жаткандыгын ойлонушуң керектир? Жашоодо биринчи орунга 99 мыкты ысымдын ээси келмейинче, ыйың, кайгың токтобойт, кантип жашаш керектигин билбей өтүп кетесиң.
Бирок динге бекем болгон сайын, баары ордуна келет. "Эмне үчүн мени эч ким сүйбөйт?" деп ойлобо. Эмне үчүн бардык убакта Исламды биринчи орунга койбогонуңду ойлон.
Котормо
“Окуйм” деген сөз мырзаларды “иштейм” дегендей эле коркутуп калыптыр😅
Же азыр дароо “иштейм” деш керекпи?
🍁🍁
Түн- бул жарык жок, бирок үмүт өчпөгөн убак 💡
🍂🍂
Ага жазылган эскерүүдө мындай дейт:
“Мен бул китепти сага белек кылам, бирок ал сен жана бардык буюмдарың менен бирге менин үйүмө кайра кайтып келет.” 📚🌷
Коллегам менен диалог: (кечээ)
- Магазинден суу көтөрүп келүү оор болуп жатат. Күндө барып 1 же 2 ден алып келип жатам.
- Аа сен жөө барасың да ээ?
- Ооба, велосипед менен барган ченде деле 6 сууну алып келе албайм.
- Нурзат, мен анда сага жардам берейин. Сага эртең ала келем. (Машинасы бар)
Бүгүн:
Келсем эле сүрөттөгү суулар турат. Сүйүнгөнүмдү айтпагыла. Чуркап чыгып издеп баштадым. Келгенде катуу кучактадым да:
- Чооң рахмат, мен аябай кубанычтамын. Сен үчөөнү алып келген турбайсыңбы?
- Ооба да, мындай ысыкта тез эле түгөтөсүң. Түгөнсө кайра айтсаң алып келип берем.
- 🥹🥹
#Жумуштан
🍁🍁
“Күз — бул жаратылыштын терең ойго чөмүлгөн учуру, ар бир жалбырак — өткөн күндөрдүн эстелиги сыяктуу.”
🖊️ Ч.Айтматов
🍁🍁
“Күз — бул жаратылыштын терең ойго чөмүлгөн учуру, ар бир жалбырак — өткөн күндөрдүн эстелиги сыяктуу.”
🖊️ Ч.Айтматов
🇰🇬🇰🇬
Эгемендүүлүк күнүң куттуу болсун-КЫРГЫЗСТАН!
Сенде туулуп, сенин жараның болуп, сенде жашаганыма сыймыктанам!
Ар убак жүрөгүмдө кайгы болгондо дароо сага бара аларыма, сен мени мендей кабыл аларыңа сүйүнөм!
Келечекте дүйнөдөгү болуп жаткан ачылыштар бизде болоруна, жаштар билим-илим, маданият менен таанылып, мекеним жаратылышы менен туристтердин чордону болуп, экономикабыз болуп көрбөгөндөй өнүгүүсүнө ишенем! Үмүт кылам!
Сенде билем миллион мендей жан бар,
Эхх, Кыргызстан, сен менде жапжалгызсың!
Баарыңарга салам, достор!
Биз сиздерге сонун жаңылык менен келдик 🤩
Биздин 2 күндүк марафонубузга каттоо ачык деп жарыялайбыз! Бул марафондо силер окуучуларга арналган сонун мүмкүнчүлүктөр жөнүндө маалымат ала аласыздар🔥
📌 Бул бекер каржылануучу мүмкүнчүлүктөр жөнүндө биздин спикерлер өз тажрыйбасы менен бөлүшүп, сиздерге кеңештерин беришет.
📌 Марафон онлайн түрүндө, Google Meet платформасында өтмөкчү, демек Кыргызстандын кайсы бурчунда жашасаңыз дагы, марафонго катыша аласыз.
🗓️ Марафондун даталары: 29-30 август
📌 Марафондо талкуулануучу темалар:
•FLEX программасы (АКШ🇺🇸)
•NGA программасы (АУЦА, БААУ)
•US-CAEF программасы (АУЦА, БААУ)
•YYGS программасы (АКШ🇺🇸)
•Ыктыярчылык
•Tech Girls (АКШ🇺🇸)
•Talking club (англис тилин практика кылуу)
✅Катышуу үчүн шарттарды бул жерден окуу ⬇️
https://www.instagram.com/p/C_FfoBAormp/?igsh=amcxbmcxY2ZwMGg0
📌13 жаштан баштап катыша аласыз
✅Катталуунун акыркы мөөнөтү: 28 август, кечки саат 19:00.
forms.gle/BMEu3vLHsPNVfkfo8
Баарыңыздарды күтөбүз💕
– Сиз кофеге эмне кошуп ичкенди жакшы көрөсүз? Шекерби, сүтпү, корицабы?
– Эң жакшы көргөнүм... хм…китеп телефон менен.
😢
Инстаграмды өчүргөнүмө 1,5 ай болду.
Эч нерсе деле укмуш болуп өзгөрүп кеткен жок))
Бирок тарыхча көрүп жатып бирөөнүн жашоосу “мәззә да”, “жыргал ушуга эле” деген сындуу сөздөр жабык сандыкта катылуу бойдон калды.
Дагы канча ай инстагаргам баракчам өчүк болот билбейм, бирок мага азыр ансыз жашоо кызыктуу болуп жатат. Телеграмды да жок дегенде 1 айга өчүрүп туруу идеясы келди, бирок эң көп маалымат алган булагым-телеграм.
Канчалаган китептер, пайдалуу нерселер ушул жакта топтолгон.
“Тарс” этип эле өчүрүп туруу оор болуп жатат.
Силер өчүрүп көрдүңөр беле?
Башка азырынча жаңылык деле жок. Пытыр-пытыр болуп өзүм менен өзүм жүрөм. Жылгыздыкка күн өткөн сайын көнүп баратам, бирок муну каалабай элемин.
Соц тармак бул менин адамдар менен байланышуудагы жалгыз гана куралым. Бара-бара бул тармак да кызыгуумду арттырбай калды.
Бакытты башкаларга бөлүшүп эмес, жашап, сезип, сүрөтсүз даамын таткым келип баратат.
Каарып баратамбы?
🇰🇬
Кыргызды дүйнөгө таанытып жаткан спортчуларыбызга Аллахым жеңилдик берсин🤲🏻
Мартин Иден— америкалык жазуучу Жек Лондондун 1909-жылы жарык көргөн романы. Бул автордун эң белгилүү жана сүйүктүү чыгармаларынын бири жана америкалык адабияттын классикасына айланган. А азыр дүйнөлүк классикага кирет.
Кыскача мазмуну
Роман жакыр деңизчи Мартин Идендин окуясын баяндайт. Ал жазуучу болуп байдын кызы Руфь Морздун жүрөгүн багындырып, жогорку коомго кошулууга аракет кылат. Кыялдарын ишке ашырууга аракет кылып жатканда Мартин көптөгөн кыйынчылыктарга жана ийгиликсиздиктерге туш болот. Акыры ал болуп көрбөгөндөй атактуулукка жетишет, бирок бул ага бактылуулукту алып келбейт жана ал өзү умтулган идеалдардан көңүлү калат.
Темалар жана идеялар
Романдын негизги темаларынын бири — буржуазиялык коом жана анын баалуулуктарынын сынчылдыгы. Лондон Мартинди төмөнкү катмардан чыккан адам катары көрсөтүп, жогорку класстагы адамдардын акыл-эс деңгээлине жана жек көрүүсүнө туш келтирет. Ошондой эле роман өзүн-өзү таануу жана жеке амбициялар маселесин көтөрүп, адам максаттарына жетип, бирок өзүнөн алыстап кетсе эмне болорун изилдейт.
Дагы бир маанилүү тема — сүйүү жана анын адамга тийгизген таасири. Мартиндин Руфька болгон сүйүүсү аны башында шыктандырат, бирок окуянын өнүгүшү менен бул сүйүү ага чыныгы ырахат бере албасын түшүнөт.
Адабий өзгөчөлүктөр
Лондондун "Мартин Иден" чыгармасынын стили жандуу жана таасирдүү, ал реализм менен философиялык ой жүгүртүүлөрдү чеберчилик менен айкалыштырат. Автор автобиографиялык элементтерди колдонуп, чыгарманы өзгөчө чынчыл жана терең кылып жараткан. Чыгарманын тили бай, бирок ошол эле учурда окурмандар үчүн жеткиликтүү, бул аны кеңири аудитория үчүн жагымдуу кылат.
Жыйынтык
"Мартин Иден" — бул терең жана көп катмарлуу роман, ал ийгилик, коом жана өзүн-өзү таануу жөнүндө маанилүү суроолорду көтөрөт. Бул чыгарма адамга өз максаттары жана баалуулуктары жөнүндө ой жүгүртүүгө түрткү берет.
Баалоо: 10/10
#китепжөнүндө
Соц тармактар кантип бизди манипуляция кылып, кандай зыянын тийгизип, кантип иштегендерин көрсөткөн документалдуу драма көрүп жатам.
Мени инстаграм, тикток, Facebook өңдүү соц тармактарым жок болсо да, күнүмдүк колдонуу убактым
азайбай жатканы өкүндүрдү.
Бир-эки тажрыйба ойлонуп койдум. Аткаруу колумдан келсе сөзсүз силер менен бөлүшөм.
Айтып жаткан видеонун ссылкасын комментарийге калтырам. (Нетфликстен көрдүм)
Куу турмуш дары берчи,
Кусалык дартын баскан.
🖊️ Баян Акматов