اللهم اني اتبرأ من حولي وقوتي وألتجأ الى حولك وقوتك اللهم اعني ولا تعن علي وانصرني ولا تنصر علي واهدني ويسر الهدى لي اللهم ارني الحق حقاً وارزقني اتباعه وارني الباطل باطلاً وارزقني اجتنابه اللهم ياولي نعمتي وياملاذي عند كربتي اجعل ما أخافه واحذره برداً وسلاماً علي كما جعلت النار برداً وسلاماً على ابراهيم ربي أوزعني ان اشكر نعمتك التي انعمت علي وعلى والدي وان اعمل صالحا ترضاه وأصلح لي في ذريتي اني تبت اليك واني من المسلمين اللهم ارفع عني حمل التفكير والترتيب ودبر لي امري فإني لا احسن التدبير
Читать полностью…
اللَّهُمَّ إِنِّي أَسْأَلُكَ فِعْلَ الْخَيْرَاتِ، وَتَرْكَ الْمُنْكَرَاتِ، وَحُبَّ الْمَسَاكِينِ، وَإِذَا أَرَدْتَ بِعِبَادِكَ فِتْنَةً فَاقْبِضْنِي إِلَيْكَ غَيْرَ مَفْتُونٍ
عن عبدالله بن عباس رضي الله عنهما قال:
«أتاني الليلة ربي تبارك وتعالى في أحسن صورة، قال أحسبه قال في المنام فقال: يا محمد هل تدري فيم يختصم الملأ الأعلى؟... وقال يا محمد، إذا صليت فقل: اللهم إني أسألك فعل الخيرات...»
يا ربّ نُريد ونتمنّى ولا نعلم ماهو خير لنا، اللهُمّ استودعناك أمنياتنا فحقّق منها ماهو خير لنا، يا ربّ ايقظنا على خبر يسعدنا دهراً، يا الله عوّضنا بعوضك الجميل الذي إذا أعطيت به أدهشت♥️.
Читать полностью…
اتفقنا وقررنا خلاص على الطـ،ـلاق، والمأذون ميعاده معانا بعد الضهر، ونمت على كنبة الصالة وأنا قلبي شايل منها جبال.. لحد ما صحيت الساعة ٥ إلا تلت الفجر على صوت همس غريب وعياط مكتوم جاي من ورا باب أوضتها الموارب.
الخناقة المرة دي مكنتش زي أي مرة كانت مختلفه .
المرة دي كل واحد فينا قال للتاني الكلام اللي مبيترجعش فيه.. الكلام اللي بيدبـ،،،ـح المودة وبيخلي الوشوش تكـ،،،ـره تبص لبعضها.
قعدنا قدام بعض بليل، وبكل برود الدنيا قولتلها:
— إحنا جيبنا آخرنا، وكفاية بهـ،،،ـدلة لحد كده.. أنا كلمت المأذون وهنخلص كل حاجة بكرة بالمعروف، وكل واحد يروح لحاله
بصتلي يومها بنظرة ناشفة، مفيهاش دمعة واحدة، وقالتلي بنفس الكِبر والعند:
— وأنا معنديش مانع، ياريت تخلّص بدري عشان ألحق ألم حاجتي قبل ما أهلي يجوا.
سحبت مخدتي وبطانيتي، وطلعت نمت على كنبة الصالة.
أو بمعنى أصح، حاولت أنام.
فضلت أتقلب على الكنبة وأنا جوايا نـ،،،ـار بتاكل في صدري، والشيطان قاعد جنبي بيفكرني بكل كلمة وجـ،،،ـعتني منها، وبيقولي شفت باعتك في ثانية إزاي؟ شفت مفرقتش معاها العشرة ولا الأيام الحلوة إزاي؟ إنت لازم تطـ،،،ـلّقها بكرة وتورّيها إنك مبتقفش على حد.
على الساعة ٤ ونص الفجر، الجو كان تلج، والشقة غرقـ،،،ـانة في ضلمة وسكون يشبه سكون المقـ،،،ـابر.
قمت عشان أدخل الحمام وأشرب مية، وأنا معدي في الطرقة، لمحت خط نور خفيف أوي طالع من تحت باب أوضة النوم الموارب، ومعاه صوت نهنهة وشهقة مكتومة كأن حد بيطلّع في الـ،،،ـروح.
وقفت مكاني واتسمرت ومبقتش عارف
هي مش كانت نايمة؟ مش كانت بتكلمني بليل بجبروت وبتقولي ياريت تخلّص بدري.. قربت من الباب حافي من غير ما أعمل صوت، وبصيت من الفتحة الصغيرة.
لقيتها فارشة سجادة الصلاة على الأرض، لابسة إسدالها الأبيض، وساجدة على الأرض بقالها كتير لدرجة إن جسمها كله بيتنفض من كتر البكا.
وفي وسط سجودها، سمعتها بتكلم ربنا بصوت مخـ،،،ـنوق ومكسـ،،،ـور عمرها ما كلمتني بيه، وبتقول:
— يا رب إنت عالم إن قلبي بيحبه ولساني اللي عانده.. يا رب أنا مليش غيره ومش عايزة بيتي يتهد، بس الكِبر لجم لساني والشيطان دخل بينا.. يا رب اهديه ليا واهديني ليه، ونزّل السكينة على قلبه قبل ما يطلع النهار، أنا مقدرش أعيش في الدنيا دي غريبة عنه بعد ما كان أماني وستري.
والله العظيم الكلمات دي نزلت على قلبي زي المية الساقعة على الحديد المنصهر.. رجلي مابقتش شايلاني، وسندت بضهري على حيطة الطرقة ولقيت دموعي نازلة على خدي من غير ما أحس.
يعني اللي كانت من كام ساعة واقفة قدامي عاملة فيها جبل مبيتهزش، وبتقولي طـ،،،ـلّقني بدري، هي نفسها اللي قايمة في تلت الليل الأخير والناس نايمة، تفرش سجادتها وتعيط لربنا وتتحايل عليه إن الصبح ميطلعش غير وإحنا متصالحين؟
في اللحظة دي بس، فهمت إيه اللي كان وصل بيتنا للمرحلة دي.
إحنا مبطلناش نحب بعض.. إحنا بس بطلنا نصلي سوا.
بقالي شهور طويلة بنام عن صلاة الفجر، وهي تنام من تعب البيت، والبركة اتسحبت من شقتنا حتة بحتة، لحد ما الشيطان فرَش في الصالة وقعد بينا، وبقى يكبّر التافهة ويعمي عينينا عن كل حاجة حلوة عملناها لبعض.
مشيت بالراحة دخلت الحمام، فتحت الحنفية واتوضيت وأنا جسمي كله بيترعش.
أول ما خرجت، كان أذان الفجر بيرفع في المسجد اللي جنبنا: الله أكبر.. الله أكبر.
جبت سجادة الصلاة التانية بتاعتي، ودخلت الأوضة بالراحة وهي لسه في سجدتها، وفرشت سجادتي قدام سجادتها بالظبط في اتجاه القبلة.
أول ما رفعت راسها من السجود وسلمت، اتفاجئت بيا واقف قدامها على السجادة وعيوني حمرا من العياط.
اتخضت، وحاولت تمسح دموعها بسرعة بكم الإسدال عشان متبانش ضعيفة قدامي، بس أنا ملحقتهاش.
نزلت على ركبي قدامها، مسكت إيديها الاتنين اللي كانوا متلجين، وبستهم، وقلتلها بصوت مبحوح:
— قومي يا بنت الحلال صلي ورايا الفجر.. ربنا استجاب دعوتك قبل ما ترفعي راسك من السجدة، والبيت اللي يجمعنا فيه أذان الفجر، مستحيل يفرّقه مأذون الضهر.
انفـ،،،ـجرت في العياط، ورمت نفسها في حضني وهي لسه بإسدال الصلاة، وقعدنا نعيط إحنا الاتنين زي طفلين كانوا تايهين في ضلمة ولقوا بعض.
كبرت تكبيرة الإحرام، ووقفت هي ورايا، وأول ما قرأت الفاتحة بصوت مسموع وهي أمنت ورايا بصوتها المخـ،،،ـنوق من البكا، حسيت إن حيطان الشقة نفسها بتتنفس، وإن التقل والغـ،،،ـل اللي كانوا كاتمين على صدورنا دابوا كأنهم مكنوش موجودين أصلاً.
تاني يوم الصبح، كلمت المأذون واعتذرتله، ومن يومها وإحنا واخدين عهد على نفسنا إن مهما اختلفنا ومهما الدنيا ضغّطت علينا، منبه الفجر ميتقفلش، والسجادة متتلمش من الأرض.
يا جماعة.. البيوت مش بتتهد عشان المشاكل كبرت، البيوت بتتهد لما النور بيطفي جواها ومحدش بيقدر ويسمع التاني
ما زاحم القرآن شيء إلا باركه، فكل ما لامس القرآن تغير، كلما أفسحت للقرآن مكانًا في حياتك، بارك الله لك في كل شيء، في وقتك، رزقك، علاقاتك، بل حتى في نظرتك للحياة.
كم مرة ضاق صدرك ثم قرأت شيئًا من القرآن، فشعرت بأنك لم تعد وحدك؟ كأن الآيات تعرفك، تخاطبك باسمك، نزلت لك وحدك، كم من آية حين قرأتها توقفت وكأنك أول مرة تراها مع قرآتك لها الاف المرات من قبل.
القرآن لا يبارك الأشياء فقط، بل يُعيد ترتيبك أنت من الداخل، يعلمك أن السكون لا يأتي من الخارج، بل من امتلاء قلبك بكلام الله. أحيانًا لا تحتاج إلى معجزةٍ تغيّر حياتك، كل ما تحتاجه آياتٌ تلامس قلبك لتضبط وجهتك.
* لو كان ولابد إنك تستحمي بالليفة، ف عشان الأمراض والبكتيريا ما تنتقلش لجسمك بسببها، ياريت تنقعها في مياه سخنة بملح وخل مرة كل أسبوع.
* القولون لو دايمًا بيهيج عليك، أو عندك مشاكل في المعدة أو الهضم، أو مزاجك وحش، هات زيت الخروع، دهان بسيط منه على البطن هيحسّن الهضم، ويطرد الغازات، ويريّح القولون.
* لو مزاجك متقلب من غير سبب، راجع أكلك… نقص فيتامين د بيأثر على النفسية جدًا، واحتمال كبير تكون محتاج شمس مش علاج.
* لما تاكل أو تشرب وحد يقولك: كلت؟ ما تقولش آه وتسكت، ولكن قول: أيوه، الحمد لله.. منها هتكون رديت، ومنها هتاخد أجر.
* العين والحسد ممكن يخلّوا العاقل مجنون، والمستقر متوتر، واللي باله رايق مخنوق ومتعكنن، وعشان تجنّب نفسك العين والحسد، عليك بـ ٣ حاجات:
١- أذكار الصباح والمساء، ولو معندكش وقت تقولهم، اسمعهم.
٢- الستر على روحك، وما تتكلمش عن نفسك غير بالظاهر والمتشاف منك وبس.
٣- وعليك بالصدقة.. ليها مفعول رهيب في صد العين والحسد. وربنا يسلمك ويجنبك كل شر.
* ما تخافش من الأصيل حتى ولو بقى صعب معاك، ولكن خاف من عديم الأصل لما ربنا يعطيه ويبقى صعب.. لأنه لا هيراعي فيك أصل ولا رب.
* لو زعلت من حد، ما تنامش وإنت شايل… مش عشانه، لكن عشان قلبك ما يتقلش، ونومك ما يتعكننش.
* ولما تبطل سكر أبيض، مش بس هتخس… هتلاحظ بشرتك نورت، ومودك اتحسن، ونشاطك رجعلك تاني.
* لو عاوز تبعد عن الحموضة والانتفاخ، امضغ وكل على مهلك.
* اللي بيغفر مش ضعيف، هو بس قرر يريح قلبه بدل ما يفضل شايل نار ما بتولّعش غير فيه.
* وعاوز أقولك: أجمل انتقام في الدنيا إنك تتغير للأحسن، وتكمل طريقك من غير ما تلتفت للي كسروك.
* النية الطيبة ما بتمنعش الأذى، لكنها بتردّه عنك في الوقت اللي تكون فيه أحوج للحماية.
* الزنجبيل مش بس بهارات… ده طبيب منسي، بيدفي الجسم، ويقوي المناعة، ويطرد اللي ما ينفعش يفضل جواك.
* لو يومك كان مرهق، جرّب تدلك رجلك بزيت الزيتون قبل النوم، هتحس براحة ما تتوصفش… كأن كل تعب اليوم بينزل لتحت، ويتسحب من جسمك بهدوء.
#المراهم
أحمد أيمن
هذه الايه رقم 21الى 27 فى سورة ال عمران واتعود دائما تقراها بعد صلاة المغرب والفجر لن تر الفقر ابا واشكر ربنا وطلع صدقها. اطعام فقير شكر لله
Читать полностью…
مين أحسن الناس عند النبي ﷺ؟ الإجابة في البيت… شرح مبسّط للحديث 👇
قال رسول الله ﷺ: «خَيْرُكُمْ خَيْرُكُمْ لِأَهْلِهِ، وَأَنَا خَيْرُكُمْ لِأَهْلِي» [رواه الترمذي 3895، وصححه الألباني]
وسُئلت السيدة عائشة رضي الله عنها: ما كان النبي ﷺ يصنع في بيته؟ قالت: «كَانَ يَكُونُ فِي مِهْنَةِ أَهْلِهِ، فَإِذَا حَضَرَتِ الصَّلَاةُ خَرَجَ إِلَى الصَّلَاةِ» [رواه البخاري 676]
المعيار هنا مش كلام الناس عنك برّه، المعيار معاملتك جوه بيتك: كلمتك، وصبرك، ومساعدتك.
ولما تسأل عن حد للجواز، اسأل عن ده بالذات: بيعامل أهله إزاي؟
📚 الشرح الوافي للحديث من موقع إسلام ويب في أول كومنت 👇
كل يوم الساعة 8 بالليل بننزل موضوع جديد عن الزواج والبيت، فعّل إشعارات الصفحة عشان يوصلك.
جمعة مباركة.
#لتسكنوا
نسأل الله أن تمر علينا الأيام برحمته❤️🩹
.
تدبير ربنا دايمًا أدق من حساباتنا، واختياره أوسع من خيالنا، ولو الدنيا كانت ماشية على مزاجنا بس، كانت حاجات كتير أتلخبطت وباظت.
فالحمد لله على نعمة التسليم، وعلى ربٍّ يُحسن التدبير، وإليه ترجع الأمور كلها.❤️🩹
💢💢 كان يعلم ان وفاته قريبة ولكنه اصر على النجاح والتفوق
وفاة العبقري المصري المهندس عادل شعبان مهندس البرمجيات بشركة امازون في هولندا💔
💢 والذى جسد كل معانى العزم والصمود والطموح فى إن واحد بعد إصابة بالشلل الدماغي وهو صغير وإصابته بالسرطان منذ سنوات قصيرة امس رحل بسلام عن عالمنا بعدما ملأ علمه وابتكاراته الدنيا.
💢 المهندس عادل شعبان، مهندس البرمجيات المصري في شركة أمازون العالمية.. توفى بعد رحلة صعبة بدأت من يوم ولادته.. لما ربنا أراد إنه يتولد بشلل دماغي بسببه مقدرش يمشي من غير ما يسند، ده غير الرعشة اللي كانت ماسكة كل جسمه طول الوقت.
💢 لما تقرأ أو تسمع حكاية المهندس عادل شعبان.. هتلاقي في كل تفصيلة فيها عبرة وحكمة تحتاج إلى تأمل وأنت طول الوقت بتقول سبحان الله والحمد لله على نعمه اللي مبتخلصش..
💢 والده كان مهندس ورغم كده مكنش عاوز يدخل هندسة علشان ظروفه اللي هتكون عائق ليه في أنه يتحرك كتير ويمارس المهنة بشكل مايكونش عبء فيه على حد.. وكان حلمه الأكبر الكمبيوتر وهذا العالم المليء بالبرمجة والتكنولوجيا.
💢 وعشان حلمه وبمذاكرة 14 ساعة يوميا.. قدر عادل رغم ظروفه يحصل على 97% في الثانوية العامة.. ودخل كلية حاسبات ومعلومات جامعة عين شمس.. حلم عادل مانتهاش عند النقطة دي.. لكنها كانت البداية .. وبعد ما اتخرج عمل أكتر من 20 انترفيو.. في 20 شركة مختلفة .. ومفيش شركة كانت بتبعت ليه أي استجابة😔.
💢 ومن الحاجات اللي أثرت في «عادل» كما ذكرت جريدة "الوطن " هي فكرة إنك تكون شاطر فنيا وتترفض علشان ظروف صحية أنت ملكش يد فيها.. وده طبعا كفيل انه يدمر أي إنسان نفسيا ..
💢 لكن بالنسبة لعادل كانت سبب يخليه يكمل سعي وهو عنده يقين بالله أن أكيد ربنا مش هيخذله، وده فعلا اللي حصل مع عادل لما عمل انترفيو في شركة «IT» كبيرة ..
💢 ونجح وتفوق كمان في اختباراتها.. لكن الـ«HR» مرضيش ورفض حتى يكمل معاه الانترفيو بسبب ظروفه الخاصة..
لكن سبحان الله لما عرف المسئول عن الشغل ده..
💢 اتدخل وتعهد أنه مسؤول مسؤولية كاملة عن قرار تعيين عادل شعبان وكان مؤمن بيه جدا ومؤمن أنه يستحق يكون ليه فرصة زيه زي أي إنسان شاطر.
💢 تدرج عادل في الشغل وفي أماكن تانية، وقدر خلال رحلته العملية يكتسب خبرات كبيرة ساهمت في إنه يلتحق بأهم شركة برمجيات في العالم «أمازون»..
💢 وفي وسط هدفه وحلمه الحب كان ليه نصيب من حياة عادل .. لما الصدفة جمعته بزوجته «سارة» اللي كان لها ظروف مشابهة..
واللي حبها حب كبير وقال إنها «بقت صديقتي وتوأم روحي، وعمر ما ظروفنا قدرت تمنعنا اننا نستمتع بحياتنا»❤️
💢 4 سنين فقط هي عمر زواج عادل وسارة.. ففي الوقت اللي اتنقل فيه عادل لشركة «ITWorks » سارة حملت و قدرت مع الحمل أنها تاخد درجة الدكتوراة.. لكن جسمها مقدرش يتحمل حجم الجنين، و بعد غيبوبة 6 ساعات توفت سارة و معاها بنته، وده كان أعظم ابتلاء فى حياة عادل زي ما وصفه😢
💢 وبمساعدة أهل سارة.. قدر يكمل عادل حلمه.. ووصل إلى أنه يكون مهندس برمجيات داخل شركة أمازون.. وهي الأكبر من نوعها في مجال البرمجيات..
📌 ملخص القصه :
🍁🍁 كلمة الظروف هي الشماعة اللي بنعلق عليها الفشل.. أكتر شيء ممكن يعيق الإنسان عن فعل شيء هي الإعاقة..
🍁🍁 ومع ذلك كتير من ذوي الهمم أصبحوا أبطال، والإعاقة كانت ليهم حافز للنجاح والوصول لقمة النجاح.. علشان يأكدوا إن الإعاقة هي إعاقة الإرادة وليست أي شيء اخر.
🍁🍁 يوم 9 مارس.. كتب المهندس عادل على صفحته بوست قال فيه «نفسي بعد نهاية رحلتي في الدنيا الاقي اللي يفتكرني بالخير ويدعيلي بالرحمة، ولما سيرتي تيجي في مكان.. الناس تذكر المحاسن اللي عملتها ويترحموا عليا، ودي هتبقى أحسن حاجة مُمكن يعملوها عشاني.. ربنا يحسن خاتمتنا جميعا ويحنن قلوب الناس علينا.. وما ينسوناش من دعائهم بعد وفاتنا».
📌 فقدنا ملهم لأجيال رحل جسده وبقي عمله.. ربنا يرحم المهندس عادل شعبان💔
من صفحة Goerge Boshra
الله يرحمه 💔
لما تيجي تساعد قريبك أو جارك
من فلوس الزكاة
تلاقي اللي يعترض ويقولك
ده موظف وبيقبض كل شهر!
أو ده عنده عربية شغال عليها..
طب ارجع كدا لسورة الكهف
﴿أَمَّا السَّفِينَةُ فَكَانَتْ لِمَسَاكِينَ يَعْمَلُونَ فِي الْبَحْرِ﴾
خدت بالك ربنا قال عنهم إيه؟
قال ﴿فَكَانَتْ لِمَسَاكِينَ﴾
السفينة ملكهم.. بتاعتهم
وكمان﴿يَعْمَلُونَ فِي الْبَحْرِ﴾
يعني مش عواطلية ولا قاعدين يمدوا إيديهم للناس.. دول صنايعية وشغالين!
ومع إنهم شغالين.. وبيملكوا سفينة بحالها
ربنا سبحانه وتعالى سماهم في القرآن ﴿مَسَاكِينَ﴾.
{يَحْسَبُهُمُ الْجَاهِلُ أَغْنِيَاءَ مِنَ التَّعَفُّفِ}.
«بس أنا محتاجة #فلوس😓»
= بس الاحتياج مش مبرر إننا نجيبه بأي طريق حتى لو حرام 🤌
هو ده اللي النبي ﷺ قالنا عليه:
"ولا يَحمِلَنَّ أحدَكم استبطاءُ الرِّزقِ أن يطلُبَه بمَعصيةِ اللهِ ، فإنَّ اللهَ تعالى لا يُنالُ ما عندَه إلَّا بِطاعَتِهِ"
يعني......
🚫 #مينفعش تستعجلي رزقك لدرجة إنك تطلبيه بطريقة تغضب ربنا
🚫 #مينفعش تطلبيه بإنك تعرضي نفسك في التطبيقات إياها
حتى لو وشك مش ظاهر
حتى لو لابسه نقاب
مينفعش❌
🚫 #مينفعش تشتغلي في أماكن سمعتها مش تمام أو بتقدم مشروبات مش تمام
دي فلوس كده جاية من #حرام
مينفعش تدخليها بيتك أصلا🫷
دوري على شغل مفيهوش حاجة تغضب ربنا✅
اشتغلي أي حاجة تتقنيها من بيتك✅
ابدئي ولو بحاجة بسيطة ربنا هيبارك الحلال ويكتره✅
لكن اوعي اوعي تقولي:
« أنا مضطرة»❌
وتعملي حاجة تغضب ربنا
#رسايل
كنت هخسر إيه يعني لو كنت سيبت التليفون من إيدي شوية، وقومت صليت ركعتين ضحى كل يوم؟!!
..
تخيل الجملة دي👆
ممكن تكون أمنية واحد في قبره، ويكون بيقولها دلوقتي ومتحسّر !!
﴿وَأَنذِرهُم يَومَ الحَسرَةِ إِذ قُضِيَ الأَمرُ وَهُم في غَفلَةٍ﴾
#صلاة_الضحى أثابكم الله.
مفيش حاجة حلوة في حياتنا ينفع نقف قدامها ونقول: أنا وصلت لها بشطارتي لوحدي.
حتى الحاجات اللي تعبنا عشان نوصل لها، كان لازم ربنا يفتح لنا أسبابها، ويقوّي عزيمتنا، ويصرف عننا موانع كتير إحنا أصلًا مش شايفينها.
العقل نعمة، والقدرة على السعي نعمة، والفرصة نعمة، والناس اللي ساعدتنا في الطريق نعمة.
وحتى إنك تعرف تستغل النعمة اللي في إيدك… دي نعمة تانية.
إحنا بنبص أحيانًا للنتيجة وننسى كل الأبواب اللي اتفتحت لحد ما وصلنا لها.
عشان كده الواحد كل ما ينجح، محتاج يفتكر إنه كان فيه توفيق قبل ما يكون فيه مجهود.
اللهم لا تجعلنا نرى فضلنا في النعمة وننسى فضلك فيها.
عارف لما تدي عيل صغير سُلطة على حاجة أكبر من سنّه وعقله؟
غالبًا مش هيحسن التصرف فيها، مش لأنه وحش، لكن لأن الحاجة أكبر من قدرته على إدارتها، ولسه محتاج يكبر ويتعلم عشان يعرف يحافظ عليها.
أهو يمكن دي قصتك مع الدعوة اللي شايف إنها اتأخرت عليك، وزعلان إن ربنا لسه مديهاش لك.
يمكن دعاءك اتقال له: ﴿قَدْ أُوتِيتَ سُؤْلَكَ يَا مُوسَى﴾، لكن العطاء له وقت، وأنت لسه بتتهيأ للحالة اللي تقدر تستقبل فيها النعمة وتحافظ عليها.
وتأمل قول ربنا عن سيدنا يوسف:
﴿وَلَمَّا بَلَغَ أَشُدَّهُ آتَيْنَاهُ حُكْمًا وَعِلْمًا﴾.
كأن في عطايا مشكلتها مش إنك مش مستحقها، لكن إنك لسه محتاج تبقى الشخص اللي يقدر يحملها.
فيمكن ربنا مش مأخر عنك اللي بتطلبه عشان يحرمك منه، لكن بيأخره لحد ما يكبر فيك شيء لو أخدته قبله، مكنتش هتعرف تحافظ عليه.
إنت مستني ربنا يديك الحاجة.. وربنا يمكن بيجهزك عشان لما يديهالك، متبقاش نعمة وصلت لك ففرحت بيها شوية وضاعت من إيدك، لكن نعمة عرفت قيمتها، وحسنت حملها، وعرفت تحافظ عليها.
عشتُ ما عشت ولم أرَ من الله إلا كل خير والله ما رأيتُ الخير إلا من ربنا حتىٰ إن الإنسان ليَستحي أن يحزن علىٰ فَقْد شيء أو يشتكي من كثرة النِّعم التي أنعم الله بها عليّ.
وأظن به سبحانه وأطمع أن يكون القادم أفضل مما مضىٰ وأن يُحسن إليّ وأن يُلهِمني شُكر هذه النِّعم والاستعانة بها علىٰ طاعته.
والله عوَّدك الجميل فَقِسْ علىٰ ما قد مضىٰ الحمد لله رب العالمين.
﴿إِنَّ اللَّهَ مَعَ الصَّابِرِينَ﴾ تذكير بأن الصبر ليس غياب الألم، بل الثبات على الخير والابتعاد عن الظلم حين تشتد الظروف.
Читать полностью…
الشيطان بياخد راحته؛ بيخلي الكلمة البسيطة تبان إهـ،،،ـانة، والنظرة العادية تبان استحقـ،،،ـار، والعِند يركب الدماغ لحد ما كل واحد يكسـ،،،ـر التاني عشان يحس إنه انتصر.
حُصنوا بيوتكم بركعتين في الضلمة.. لأن الحب لوحده مبيحمييش البيوت من العواصف، اللي بيحمي البيوت هي البركة اللي بتنزل من السما وقت ما الناس كلها نايمة.
ربنا يبعد الشيطان عن بيوتنا، ويؤلف بين قلوب كل زوجين، .
﴿وَأَلَّفَ بَيْنَ قُلُوبِهِمْ ۚ لَوْ أَنفَقْتَ مَا فِي الْأَرْضِ جَمِيعًا مَّا أَلَّفْتَ بَيْنَ قُلُوبِهِمْ وَلَٰكِنَّ اللَّهَ أَلَّفَ بينهم ❤️
درر الكلام
خواطر
نصائح وتجارب
الواحد مكسوف من نفسه والله العظيم.. لما تشوف ناس أفنت أعمارها في القرآن، تعرف إننا لسه محتاجين نراجع نفسنا كتير. عمي الشيخ عوض 91 عام مع القران ❤️🩹
Читать полностью…
4 حاجات كان النبي ﷺ بيطلبها من ربنا… واتنين منهم ليهم علاقة بالجواز 👇
عن عبد الله بن مسعود رضي الله عنه أن النبي ﷺ كان يقول: «اللَّهُمَّ إِنِّي أَسْأَلُكَ الْهُدَى وَالتُّقَى، وَالْعَفَافَ وَالْغِنَى» [رواه مسلم 2721]
معنى الأربع كلمات:
• الهدى: إنك تمشي في الطريق الصح، في دينك ودنياك وقراراتك.
• التقى: إنك تخاف ربنا وتبعد عن اللي يغضبه.
• العفاف: إنك تبعد عن الحرام وتكف نفسك عنه.
• الغنى: غنى النفس، إنك تستغنى عن الناس وما تبصّش للي في إيديهم.
وعلاقته بالجواز:
• اللي مستني الجواز محتاج «العفاف» يحفظه لحد ما ربنا يرزقه.
• واللي قلقان من المصاريف محتاج «الغنى» والقناعة.
• والاتنين محتاجين «الهدى» عشان يختاروا صح، و«التقى» عشان يعيشوا صح.
ولو النبي ﷺ نفسه كان بيدعي بالدعاء ده، فإحنا أحوج له.
📚 الشرح الوافي للحديث من موقع إسلام ويب في أول كومنت 👇
اكتب «آمين».
خلّي الدعاء ده من دعاك النهارده في وقت الفجر.
وكل يوم قبل الفجر بننزل دعاء للزواج والبيت، فعّل إشعارات الصفحة عشان ما يفوتكش.
صباح الخير.
#لتسكنوا
{ قُلِ ٱللَّهُمَّ مَـٰلِكَ ٱلۡمُلۡكِ تُؤۡتِی ٱلۡمُلۡكَ مَن تَشَاۤءُ وَتَنزِعُ ٱلۡمُلۡكَ مِمَّن تَشَاۤءُ وَتُعِزُّ مَن تَشَاۤءُ وَتُذِلُّ مَن تَشَاۤءُۖ بِیَدِكَ ٱلۡخَیۡرُۖ إِنَّكَ عَلَىٰ كُلِّ شَیۡءࣲ قَدِیرࣱ ، رحمن الدنيا والآخرة ورحيمهما تعطيهما من تشاء وتمنع منهما مَن تشاء فارحمني رحمة تغنني بها عن رحمة من سواك
Читать полностью…
ربي ابنك على الدين👌
ربيه على إنه مايكذبش😤
ربيه على إن الصلاة أولوية و إنه لازم يصلي✅
عودوهم على العبادات من صغرهم
دربي بنتك على الحجاب✅
إنتوا في أي حاجة هتنفعهم في الدنيا سواء كورسات ،مذاكرة ،تمارين بتعملوا أكتر من كده
بتحفروا في الصخر حرفيا عشان الولاد يتعلموا حاجات كتيييير
مش بتسيبوهم لحريتهم
👈طب ليه في أمر ربنا بتقول سيبه يعيش يومين؟؟!!!
تعيش يومين من غير حجاب
ويعيش يومين من غير مانقوله ده حرام ويغضب ربنا وده يرضيه؟؟!!
طب متسيبه مايذاكرش ولا يروح مدرسة ولا تمارين ويعيش يومين😅
اشمعنى امر ربنا عندنا فيه تراخي وبنقول بلاش نضغط عليهم ؟؟!!!
🚫 خد بالك من اللي بتزرعه في عقلية ابنك كويس
لأنك كده بتوصله من غير ماتحس إن الدين مش أولوية
وهيكبر على كده وهيبقى في ميزانك
فخد بالك👌
#رسايل
يا الله .. مات في الدرس!!
الشيخ أمجد كان ف درس الصخرة بيقول ممكن ملك الموت يكون معانا ف المسجد دلوقتي عادي ويكون مأمور كمان كام ثانيه ياخد حد فينا،وكمل كلامه عن ان الموت بيجي وانت مش متوقعه ف اي وقت
عارفين ايه ال حصل ف الدرس ده‼️
"في حد قُبِض فيهم فعلًا."
أنا بقى استوقفي دلوقتي, شوف الشخص دا مات على إيه؟ في درس علم، قُبض على طاعة وكان يذّكره الله فيمن عنده.
تذكرت كلام الشيخ أمجد في درس بيقول فيه معظم اللي بتعمله في يومك بقانون الإحتمالات بنسبه كبيرة هتموت عليه
يعنى مثلا لو انت يومك بتقضيه 70% على كذا و 20% على كذا و 10% على كذا
بقانون عقلى بحت نسبة إنك تموت على الحاجة الـ 70% دى بنسبة 70%
فلما تكون انت معظم يومك فى الغفلة يبقى نسبة إنك يجيلك الموت فى الغفلة 70%
إذا كان معظم يومك فى العصيان بإختلاف المعاصى مش لازم معصية بعينها فنسبة إنك تموت عالمعصية النسبة الأكبر
فشوف بقى أنت عايز تموت على طاعة ولا معصية
الإنسان النضيف لما بيقع ما بيشتكيش، بيحاسب نفسه عشان يبقى أحسن في دينه ودنياه ويبعد عن الحرام.
Читать полностью…
عمرك سألت نفسك
ليه ربنا هيقتص للحيوانات من بعضها يوم القيامة رغم إنها بلا عقل ؟
في حديث عظيم، قال النبي صلى اللَّه عليه وسلم "لَتُؤَدُّنَّ الْحُقُوقَ إِلَى أَهْلِهَا يَوْمَ الْقِيَامَةِ، حَتَّى يُقَادَ لِلشَّاةِ الْجَلْحَاءِ مِنَ الشَّاةِ الْقَرْنَاءِ".
ومعناه إن الحقوق هتترد لأصحابها يوم القيامة، لدرجة إن الشاة اللي ملهاش قرون، ربنا هيقتص لها حقها من الشاة اللي بقرون ونطحتها في الدنيا.
السؤال هنا إزاي ربنا يحاسب كائنات غير عاقلة وغير مكلفة أصلاً ؟
علماء العقيدة وضحوا المشهد المهيب ده في شرح يخلي القلب يرتجف.
إعلان كمال العدل المطلق، القصاص بين الحيوانات مش قصاص تكليف، يعني مفيش حيوان هيدخل جنة أو نار، ده اسمه قصاص مقابلة، ربنا سبحانه وتعالى بيجمع الخلائق كلها في مشهد واحد في يوم العدل المطلق، مفيش ذرة ظلم هتعدي، حتى لو كانت مجرد نطحة بين بهائم لا تعقل.
بعد ما الحيوانات تاخد حقوقها من بعض، ربنا بيأمرها "كُونِي تُرَاباً"، فتتحول لتراب، وفي اللحظة دي، الكافر والظالم اللي شاف دقة الحساب وعدل ربنا، وشاف مصيره الأسود اللي مستنيه بسبب ظلمه وكفره، بيبص للحيوانات ويتمنى أمنية واحدة لخصها القرآن في ختام سورة النبأ "وَيَقُولُ الْكَافِرُ يَا لَيْتَنِي كُنتُ تُرَابًا"
تخيلوا المشهد بس إذا كان ملك الملوك، الجبار والعدل، لم يترك حق بهيمة نطحت بهيمة بدون وعي، تفتكر حق إنسان عاقل ومدرك ظلم إنسان زيه سيُترك ؟
حق النطحة سيُرد
ما بالكم اللي أكل ورث إخواته ؟
ما بالكم بقى فى المنافق اللى بيولع الدنيا فى بعض
مابالكم فى المغتاب الحاقد الذى يحمل سواد كل القلوب
مابالكم فى اللى بوشين وناقص
مابالكم بالغدار الذى يحمل فى قلبة الوجهين
مابالكم فى ناكرى الجميل والمعروف
مالكم فى صديق السوء
واللي خاض في عرض حد ؟
واللي كسر بخاطر إنسان ؟
واللي دمر حياة إنسان بسحر أو بحسد بوعي وإدراك منه، موقفه هيكون إيه ؟
واللي كذب، واللي اغتاب، واللي اتآمنله وتحاول تساعدة واللى كان نفسك تشوفه حاجة كويس وطلع حاجه تانى ودفن نفسة فى الطين ولسه حسابه امام ربه ؟
المشهد دا أكبر رسالة رعب لكل ظالم، وأعظم رسالة طمأنينة لكل مظلوم.
والحمد للَّه رب العالمين ❤️
كل ما الإنسان يفهم علاقته بربنا أكتر، يبدأ يهتم مش بس بالحسنات اللي بيجمعها، لكن كمان بحقوق الناس اللي ممكن يكون شايلها من غير ما يحس.
ممكن تصلي وتصوم وتعمل خير، وفي نفس الوقت تكون بتظلم إنسان بكلمة، أو بتشوّه سمعته، أو بتاخد من حقه، أو بتبرر لنفسك أذى أنت عمرك ما كنت هتقبل حد يعمله فيك.
وعشان كده النبي ﷺ حذّر من المفلس يوم القيامة؛ اللي يأتي بصلاة وصيام وزكاة، لكنه يأتي وقد ظلم هذا وشتم هذا وأخذ مال هذا، فتؤخذ من حسناته لحقوق الناس
ما ينفعش تبقى حريص على حق ربنا عليك، ومستهين بحقوق الناس عندك؛ لأن من تمام التوبة إنك تصلح ما أفسدته، وتردّ الحقوق لأصحابها بقدر استطاعتك
ليسَ عليكَ إلَّا السَّعي..
وَقد تأتيكَ نَفحةٌ مِنْ تَوفيقِ اللَّهِ تدفَعُكَ للأمامِ بعَشَرَاتِ أَضعَافِ سَعِيك!
من الأدعية اللي محتاجين نكررها كتير: «اللهم إني أعوذ بك من علمٍ لا ينفع».
لأن مشكلتنا مش دايمًا إننا مش عارفين الصح..
إحنا عارفين حاجات كتير جدًا من آيات، أحاديث، مواعظ، تجارب، نصايح، وحِكم.
بس مش كل اللي عرفناه لمسنا بيه حياتنا. لان النفع في اللي ربنا أذن له يوصل لجوانا،
ممكن تسمع كلام يهز الجبال، وتخرج منه زي ما دخلت..
وممكن كلمة بسيطة جدًا تقع في قلبك، فتغيّر فيك حاجة كاملة.
وعشان كده مش كل فضل إنك تعرف اكتر،
الفضل الأكبر إن ربنا يجعل اللي عرفته ينفعك، ويصلحك، وينفع بيك غيرك.
ف دعاء «اللهم إني أعوذ بك من علم لا ينفع»
مش بس خوف من علم بلا فائدة..
دا يمكن كمان خوف من إن تتسع معرفتك، ويضيق انتفاعك بيها
ربنا يرزقنا علمًا نافعًا، وقلبًا ينتفع بالحق لما يسمعه.
فاكرين لما كنا صغيرين وكنا مفكرين إن الوقت بيتاخد مننا؟
أو إن كل الناس اللي بتضحك مبسوطة؟
أدينا كبرنا واكتشفنا إن إحنا اللي بنتاخد منه،
واكتشفنا إن فيه ناس بتضحك وهي شايلة كلام كتير نفسها تقوله، وناس بتقول «أنا تمام» وهي محتاجة حد يسألها بجد.
كل يوم بيعدّي بياخد معاه نسخة مننا، ومرحلة، وناس، وحاجات كنا فاكرينها هتفضل موجودة.
كبرنا وعرفنا إن الوقت مش بيرجع، وإن وش الإنسان مش دايمًا بيحكي اللي جواه.
وعرفنا إن حاجات كتير كنا فاكرينها عادية… كانت في الحقيقة من أجمل حاجات حياتنا.