1615
#اتـرك_آثـر أنا مش شيخ ولا عالم والله بس أنا مبسوط أني علاقتي بقت حلوة مع ربنا ❤️❤️بعافر ضد ذنوبى بحاول اعمل خير لاخرتى
أنت عمرك ماهتكون مثالي.. عمرك ما هتكون شخص مش بيغلط.. عمرك ما هتضمن إنك ماتضايقش حد
العلاقات مش هتنجح عشان أنت ماشي دايماً صح..
والعلاقات مش هتعيش عشان أنت اختياراتك كلها صح.. والعلاقات مش هتكمل عشان أنت كلامك كله صح
العلاقات بتعيش عشان وقت الغلط بتظهر الرحمة.. ووقت
القرارات الغلط بتظهر الرحمة.. ووقت فرصة انهيار العلاقة بتظهر الرحمة
شيل الرحمة من المعادلة.. مافيش شخصين في الدنيا ممكن يكملوا مع بعض..
رفيق عصام
إزاي تتعامل مع الناس بقلب سليم وتحافظ على علاقتك بيهم؟
1- خليك هادي في تعلُّقك بالناس، ولو احتجت تبعد، ابعد بطريقة راقية ومن غير مشاكل.
2- الناس بتقيمك على أفعالك مش نواياك، فخلي أفعالك دايمًا في أحسن صورة.
3- بلاش تحجز أكتر من معاد في نفس الوقت عشان ما تحطش نفسك في مواقف محرجة.
4- وضّح للناس وقتك وإمكانياتك وحدودك من البداية، عشان يبقى كل حاجة واضحة ومفيش سوء فهم.
5- حسن الظن بالناس مهم، بس متتوقعش إنهم دايمًا هيحسنوا الظن بيك، فوسّع صدرك للأعذار وما تخدش كل حاجة على أعصابك.
6- اختار أصحاب قلبك بعناية، لأن القلب أغلى حاجة عندك، وما تخليش أي حد يدخل حياتك بسهولة.
7- لو غلطت، اعتذر بسرعة، لأن الاعتذار مش ضعف، ده حق لازم يتقدم.
8- عوّد اللي حواليك إن حقك ما يتاخدش ببساطة، عشان محدش يسترخص التعامل معاك.
9- لما تنصح حد، خليك رحيم في كلامك وحببهم في الصح، بدل ما تبقى نبرة كلامك متعالية أو جارحة.
10- الهدايا حتى لو بسيطة بتفرق في القلوب، وتخلق جو من المحبة، وكمان بتاخد عليها أجر من ربنا.
- مقتبس.
انك متحكمش على حد من ماضيه وتديله فرصة جديدة.. محتاج نفسية سوية.
انك متحسدش حد على حاجة انت مش عارف هو دفع تمنها بإيه.. محتاج نفسية سوية.
انك متتريقش على حد قدام الناس عشان بس تبان دمك خفيف.. محتاج نفسية سوية.
انك تفرح لحد أخد فرصة كنت بتحلم بيها، من غير ما تتمنى تضيع منه.. محتاج نفسية سوية.
انك متتجاهلش حد بيتكلم معاك عشان مش هيفيدك بحاجة.. محتاج نفسية سوية.
الناس بقت بتفتكر الطيبة ضعف، والتواضع نفاق، والمساعدة مصلحة،
بس الحقيقة ان الحاجات دي محتاجة نفسية سوية!
صدمنِي مرّةً تصرّفٌ أنانيٌّ من شخصٍ لم أتوقع منهُ أن يكونَ أنانيًّا إلى الحدّ الذي ظهرَ منه؛ ولاحظَ أحدُ من حولي صدمتِي، فقالَ لي بنبرةٍ هادئة:
"لا بأس، نفوسٌ بشريّة.."
كان كلامه في سياقِ إقناعي بتفهم الأمر واستيعابه والتعاملِ معه بسعة صدر، فالنفس البشرية ضعيفة، هشة، وقابلة للسقوط.
منذ ذلك الموقف وإلى الآن؛ كلما واجهتُ ما يكشفُ الجانب السيئ من نفوسِ البشر، تحاشيتُ الصدمةَ باستحضار عبارتهِ التي لم أنسها:
"لا بأس، نفوسٌ بشريّة".
ما تخبيش مشاعرك عن حد ..📌..قول للي بتحبه إنك بتحبه، وللشاطر قد إيه أنت بتتعلم منه، قول لأهلك على حبك ليهم، ولأصحابك على أهميتهم في حياتك، قول للجميل جماله، والجدع جدعنته، والموهوب موهبته
قول للمكسور قوته 💪🏼
والمهمش قيمته المستخبية
قول كانه أخر يوم ليك من غير ما تخاف إيه اللي هيتقال عليك
لو كنت أمين في مشاعرك، المشاعر هتوصل، ولو موصلتش دلوقتي هتتفهم قدام، وساعتها بس، هتكون مبسوط.
"احنا عايشين لبعض، وببعض"
صحح عقيدتك يطمئن قلبك! لا يوجد في الحياة فرص ضائعة،
َ كل ما فاتك لم ُيخلق لك ، وكل ُ ما خُلق َ لك َ لن يفوتك!
إلى المنكسره قلوبهم 💔
هترتاحوا لما تحطوا بينكم وبين الناس حدود في المعاملة والكلام، هترتاحوا لما تستخيروا ربنا في كل حياتكم، هترتاحوا لما تستودعوا ربنا في كل حاجة بتخافوا عليها من الضياع، هترتاحوا لما تكلم ربنا بس عن الـ بتحبوهم، هترتاحوا لما تفضفضوا لربنا مش لغيرة، هترتاحوا لما تصبروا.
Читать полностью…
الدنيا لسه فيها ناس نضيفة وقلوبها حلوة ونقية..
لسه فيها ناس صافية، وبتحب بجد، وتصاحب بجد، وتلاقيها جنبك .. لسه في ناس عندها ودّ وجدعنة وتفرح لك وتتمنى لك الخير من قلبها
محتاجين نعمل إعادة نظر في التعميم والحكم على الكل بشوية تجارب حفرت في قلوبنا جروح ،
الجروح فايدتها تخليك تاخد حذرك من السيئ مش نحكم على الحلو إنه راح وانتهى..
ارجع لفطرتك النقية، وسطّح علاقتك مع (ذوي الوجهين) وارسم دايرة علاقاتك، وتعامل مع اللي ظاهر لك من الناس،، من غير تفتيش في نواياهم، ولا بحث عن الجانب المظلم فيهم، ولا تحليل مالوش أساس في الواقع..
الكركبة واللخبطة دي جوا دماغك أنت، مش موجودة على الحقيقة
ارجع للفطرة وتعامل مع الخير اللي داخل كل إنسان 🤍
ربنا يرزقنا البصيرة ولا يحرمنا صحبة الطيبين 🌸
القبول أغرب حاجة في الدنيا فعلاً! ♥️
تدخل مكان تقول كلمتين، تلاقي حد حبك وحد مش واخد باله منك، وحد تالت مش طايقك اصلا.
تهزر بجملة، تلاقي ناس ضحكت من قلبها وناس شايفك دمك تقيل.
تمشي في مكان، ناس تشوفك صاحب طلة مميزة وناس تانية تشوفك لازم تتطرد برة المكان!
الغريب إن مع كل ده، ييجي واحد فاكر نفسه عبقري ومقتنع إنه يقدر يخلي كل الناس تحبه، وفي نفس الوقت ييجي واحد تاني شايف نفسه مش محبوب خالص ومصدق إنه مفيش حد هيحبه أبداً.
والحقيقة إن الموضوع بسيط جدًا: فيه ناس في حياتك هتقبلك زي ما أنت من غير ما تعمل أي حاجة، وناس تانية مش هتقبلك مهما عملت ، فرفش كدا وما تحسبهاش كتير
-
محتاجين ندرّب نفسنا ونجتهد لحد ما نوصل لمرحلة (عدم ذكر أي شخص بسوء) لو مش هنذكر حد بخير ، فبلاش نجيب سيرته إطلاقًا!
خلّوا حسناتكم وأعمالكُم الصالِحة لِنفسكم بدل ما اللي تغتابوهم ياخدوها منكم يوم القيامة بمقدار ما أغتبتوهم وجيبتوا سيرتهم بـِ سوء ، متخيّلين!!
الموضوع مُرعب وﷲ ومحتاج قرار وتوبة ومجىاهدة نفس قويّة جدًا..
غفر ﷲ لنا ولهُم.💗
"البَار بأُمه، لا يَضيع ولا يَخيب ولا يَخسر."
البر بالأم باب من أبواب الجنة، ومفتاح للخير في الدنيا والآخرة. الأم هي الدعوة اللي بتفتح كل أبواب الرزق، وهي الحنان اللي مهما دارت الأيام مش هنلاقي زيه.
البار بأمه عمره ما هيشوف ضيق طويل أو خسارة حقيقية، لأن دعوة واحدة منها ممكن تغير مجرى حياته. الحب والبر ليها مش واجب بس، ده شرف ومصدر للبركة في كل حاجة بنعملها.
فلو لسه أمك جنبك، استغل اللحظات معاها، وعبّر عن حبك ليها بكل الطرق الممكنة. ولو فقدتها، فما زال البر ليها بالدعاء والصدقات ليها خير دليل على حبك.
اللى يزعلك ويعمل نفسه مش واخد بالُه... مش لازم أنت كمان تديلُه إعتبار وتفكّر تعاتبُه لأنّه لا يستحقّ عتابك ولا وجُوده فى حياتك من الأساس ،، ده نوع من الناس بيحبّ يستنصح وفاكر إن الأمُور يَجُوز تتصلَّح من غير مايشغل تفكيره فى تصليحها وده فى حدّ ذاته إهانة لا تقل عن -التجاهل والبجاحة- وأنت نفسك عزيزه عليك وماينفعش ترخصها بالالتِفات لشيء لا يستحقّ الوُجُود أصلًا!
آحمد إبراهيم
بالنوايا والله يا جماعة؛ ما بتجيش بالمكر مهما اتشقلبنا!
بالنوايا وربنا بيدّي كل واحد على قدر نيته مش أكتر.. فما تتعجبش لما تلاقي ربنا بينجيك من أي أزمة بتقابلك وبيقدر لك دايمًا اللي فيه الخير حتى لو كان ضد إرادتك.
طول ما انت قلبك نضيف ونيتك صافية وبتعامل الناس باللي في قلبك ومش شايل كره لحد؛ هتلاقي ربنا بيكرمك دايمًا من غير أي سبب واضح.
اللهم إنا نسألك سلامة القلب والنيّة ♥️
الانفتاح بيزيد يوم عن يوم ، الانفلات بيزيد يوم عن يوم ، الدنيا بتتزين يوم عن يوم ، اهل الدنيا واعوان الشيطان شغالين شغل نار جايبين اخرهم فى التزين والفتن ..! اهل الحق موجودين ولكن قله قليله على الحق وسط كل ما تراه ،، التبريرات زادت وكل معاصى ربنا مُستباحه ومن اهل الاسلام للاسف ، سباق بين مين يظهر مفاتنه اكثر ويكون سبب فى اثاره وفتنه ناس !
الدنيا كذبه وصبر عليها محتاج توفيق وعصمه من رب العالمين
اثبتوا ! اثبتوا ! اثبتوا ! هى لحظه والموضع الجنه باذن الله
اللهم نجنا من الفتن ما ظهر منها وما بطن
ونجنا من فتن الدين وشهرته ومظهره وماله واعوانه يارب !!!
في حد تعملّه كوباية شاي يقولك "شكرًا، تسلم إيديك" وحد تاني يقولك "الشاي ناقص سكر ليه"
حد تجيبله ساعة هدية يقولك "تسلم أنك افتكرتني" وحد تاني يقولك "عندي ساعات أحلى من كده بكتير"
حد في كل خناقة يقولك "عمري ما شوفت يوم حلو معاك" وحد تاني يقولك "ها نحل الموضوع عشان كل الحلو اللي شوفته معاك"
الناس نوعين، نوع عينه بتعرف تشوف الحلو اللي في كل موقف بيحصل ويقدره، فغصب عنك تبقى عاوز دايمًا تسعده ولو تطول تجيبله نجمة من السما.
ونوع لو تقيدله صوابعك العشرة شمع بردو يشوفك مقصر، وعينه ما تشوفش إلا الوحش من كل حلو بيحصل
نعمة كبيرة إنك تكون بتعرف تختار "الصمت" كخيار مهم في ردك على بعض المواقف.. مش كل تصرفات الناس تستحق مواجهتها بردود خصوصاً لما تكون قلة ذوقهم، وخذلانهم، وغلطاتهم واضحين وضوح الشمس...
الفكرة إنك حتى لو بتتكلم في الحق، والصح، واللي مفيش عليه خلاف فأنت ما تضمنش اللي هتدخل في نقاش معاه ده هل عقله هیستوعب اللي بتقوله، ولا الغباوة هي اللي سايقاه.. ده لو ماكنش بيستعبط وفاهم وعارف بس سايق العبط...
ليه أحياناً بنختار الصمت ... الأديب "ماركيز" قال: (هناك من يصمت حتى لا يجرح غيره، وهناك من يصمت لأنه يتألم وكلامه سيزيده ألماً، وهناك من يعلم أن الكلام لن يفيد إذا تحدث، وهناك من يصمت وقت غضبه حتى لا يخسر أحداً)...
أوقات كتير عدم الرد بيبقى أفضل رد، والصمت بيبقى صمت النضاف مش الضعاف.
جسم الرجل يمرض بالراحة، وجسم المرأة يمرض بالكدح..
فالأول خُلق ليكدح راحةً للثانية، والثانية خُلقت لأُنسِ وراحةِ الكادح..
فإذا اختلطت الأدوار..
ضاعت البشرية كما هو حاصل الآن.!
والله ياجماعه اعرف واحد مرتبه ف حدود ٣٧٠٠ ج وعنده ٤ ولاد ..
ع طول كان بيشتكي من غلاء المعيشة والديون ،
وفجأة الأحوال اتبدلت فسألته هو انت بقي عندك مصدر دخل اكبر ؟ قالي اه ، روحت لولدتي يشتكي من قلة ذات اليد قالتلي طلع جزء من مرتبك صدقه ، فقولتلها اذا كان انا احق بالصدقه بس كرامتي اللى منعاني ..
قالتله تصدق وهتشوف
" وما أنفقتم من شئ فهو يخلفه " ..
بيقول سمعت كلامها واقسم بالله حسيت بالبركة ف كل حاجه ف حياتي ،
الاكل تحسه زيادة
والولاد مبيتعبوش حتي خناقاتي مع مراتي انتهت ..
ومرة وقعت ف ازمة واضطريت استلف ..
وفي نفس اليوم جاتلي أسره في حاله صعبة جدا ،
محستش بنفسي إلا وانا مديهم اللي معايا كله ..
و أقسم بالله من بعدها دخلي تضاعف عشرات المرات
وشطبت شقتي ف غضون ٦ شهور ..
امي قالتلي ربنا قال
" من قبل ان يأتي احدكم الموت فيقول رب لولا اخرتني الي اجل قريب فأصدق "
عارف اختار الصدقه ليه مش الصلاه أو الصوم أو الحج ؟
لأنه من كتر مابيشوف ثوابها بيتمناها ، زي النبي ما قال " الصدقه تظل صاحبها يوم القيامه "
يا ربِّ..
أنت الذي غلبت مشيئتك المشيئات كلها، وغلب قضاؤك الحيل كلها، ولو اجتمع إنس وجان وأنهار وأوتاد ستظل فاعلًا ما تشاء.
عليك توكلنا، وبك نظن الظن الجميل
فتولّنا، واكتب لنا قدرًا جميلًا، وخيرًا يتبعه الرضا.
اشيروا بأصابعكم إلى قلوبكم،
قولوا له : يا الله إن الجرح هنا ، فداونا!
ثم امسحوا دموعكم، واخرجوا إلى الناس أقوياء،
كأنه ما مسكم من سوءٍ ، ولا أصابكم جرح.
إلى المنكسره قلوبهم 💔
إنك مأجورٌ على أحزان قلبك، على دموعك في خلوتك، حتى على ابتسامتك المزيفة التي ترسمها لأهلك كي لا يحزنوا لحزنك ….
أتحسب أن الأجور كلها في ركعة تصليها أو صدقة تعطيها؟ كلا
بل قد يكون أجرك في طول الانتظار، أو مرارة الفقد، أو قسوة الفراق، أو مشقة الحياة، أو شدة الكرب، أو سَريرِ المَرضِ، أو طول المعاناة أو غيرها … فاحتسب همك عند ربك، واصبر وصابر فأنت مأجور.
في ذكرها لأحد أسباب سعادتها تقول:
لديّ شخصٌ كلما هزمتني الحياةُ ؛ أذهبُ إليه ..
أسأله هل أستحقُّ هذا !
فـ يُخبرني أني لا أستحق إلا أفضل شيء ، بل إن الأفضل قليل عليّ ~
و أن الحياةَ تنعمُ بـ وجودي فيها .
تقول:
كل مرة أذهبُ إليه مُحمَّلةً بالخيباتِ ، فـ أعودُ حاملةً للنجومِ في يديّ .
نحتاج دوما شخصًا واحدًا على الأقل يرفعُنا لنلمسَ السماءَ ..
في الوقتِ الذي يُشير فيه كل شيء حولنا أننا نهوي الى الأرضِ !
حقا..
"نحن نحب من نحب أنفسنا معه"
كنت هتتجوز ومظبط كل حاجه وفجأه الموضوع اتفركش !!
كان نفسك تشتغل في مكان معين واترفضت!!
كان نفسك تشتري حاجه وبسبب الأسعار اللي غليت مره واحده مش هتقدر تشتري !!
ماتزعلش لو حصلك اي موقف زي دول و بلاش تبص لحد جاتله الحاجه اللي كان نفسك فيها ..
قال ابن مسعود رضي الله عنه : " إن العبد لَيَهمّ بالأمر من التجارة والإمارة ، حتى ييسر له ، فينظر الله إليه فيقول للملائكة : اصرفوه عنه ، فإني إن يسرته له أدخلته النار ، فيصرفه الله عنه ، فيظل يتطيّر ( أي يتشاءم ) ، يقول : سبقني فلان ، دهاني فلان ، وما هو إلا فضل الله عز وجل "
قال تعالى “فَعَسَى أَنْ تَكْرَهُوا شَيْئاً وَيَجْعَلَ اللَّهُ فِيهِ خَيْراً كَثِيراً”.. مش خير وبس !! ده “خَيْراً كَثِيراً”❤️
اللي يخسر قلبي صعب يلاقي زيه تاني
كل يوم بكتشف إن قلبي مش حاجة سهلة تتعوض، يمكن مش شخصية كاملة، ولا مثالية، بس على الأقل، عمري ما كنت مزيف، أنا حد بسيط، عفوي، ومشاعري دايمًا طالعة من جوه قلبي من غير أي تمثيل أو تصنع، لما بحب، بحب بجد، ولما أدي، بدي بإخلاص، حتى لو كان اللي بقدمه بسيط، فدايمًا بيكون نابع عن صدق.
مكنتش يومًا واحد بتقرب من الناس علشان مصلحة، ولا بعرف ألبس وشوش مزيفة علشان أكسب رضا حد، اللي بياخد مني حاجة، بياخدها بصدق، واللي بياخد حبي، بياخده من غير شروط، علشان كده، اللي يخسرني، بيخسر حاجة صعب يلاقي زيها تاني، مش لأني أحسن حد، بس لأني حقيقية في عالم مليان زيف.
أنا ممتن لربنا على القلب اللي اداهولي، حتى لو وجعني كتير، بس فضل طيب وبيحب بجد، وأعرف كويس إن اللي يقدّرني ويعرف قيمتي، عمره ما هيفرط فيا، واللي يستهون بيا .. خسارته هو مش خسارتي!
فيه حد يستاهل إنك تسلم عليه.. بس..
فيه حد يستاهل إنك تقعد تتكلم معاه، في حدود السياق.. فقط..
فيه حد يستاهل إنك تقعد وتهزر وتبقى بسيط ومتواضع.. وده آخره..
حد تاني تديله من وقتك وإحساسك وتفاعلك وتفكيرك.. بدرجة ما..
فيه حد تشاركه وتفضفض معاه..
وحد تتونس بيه وتسمح له إنه يتونس بيك..
وحد تمنحه اهتمامك.. وانتباهك.. وكثير من مشاعرك..
وفيه بقى حد.. يستحق إنك تبقى معاه نفسك.. ويستاهل إنه يشوفك كلك.. أنت كما أنت.. بنورك وظلامك.. بجمالك وقبحك.. بحيرتك ولخبطتك.. بسماءك وأرضك..
دور حضرتك بقى.. إنك تحدد وتختار.. تدي مين منك إيه..
وتبقى كام فى المية من نفسك، مع مين..
وتورى مين.. منك.. قد إيه..
لأن مش كل الناس تستاهلك كلك.
- د/ محمد طه
لو مُستعدّ هتلاقي السِكك بتتفتح..
خلّيك مُتأكد إن اللي بتسعى له، وبتفكّر فيه، وعندك نيّة حقيقية صادقة على الوصول له هتلاقي السِكك بتتفتح وهتوصل..
في مقولة جميلة لـ ابن_سينا بيقول فيها :
" المُستعد للشيء تكفيه أضعف أسبابه "
سيدنا يوسف لما خرج من السجن بعد سنين وعزيز مصر طلب منه يفسر الرؤيا وقاله
(إِنَّكَ الْيَوْمَ لَدَيْنَا مَكِينٌ أَمِينٌ) سورة_يوسف
سيدنا يوسف قاله علطول ( اجْعَلْنِي عَلَىٰ خَزَائِنِ الْأَرْضِ ۖ إِنِّي حَفِيظٌ عَلِيمٌ) سورة_يوسف
وعمل خطّة سياسية، إقتصادية قدر ينقذ بيها البلاد، وده يأكدلك إن سيدنا يوسف فضل يعدّ نفسه لسنين، فلما جت الفُرصة قدامه قدر يستفيد منها لإنه كان مُستعدّ فعاش التمكين..
(وَكَذَٰلِكَ مَكَّنَّا لِيُوسُفَ فِي الْأَرْضِ يَتَبَوَّأُ مِنْهَا حَيْثُ يَشَاءُ ۚ نُصِيبُ بِرَحْمَتِنَا مَن نَّشَاءُ ۖ وَلَا نُضِيعُ أَجْرَ الْمُحْسِنِينَ) سورة_يوسف
عندي إيمان تام إن الإنسان لما بيكون قلبه موصول بربّه، عارف هو غايته إيه من الحياة؟!
و عايز يسيب أثر فأنهي إتجاه؟
في رابطة استسلام بتحصل بتجذب له كل حاجة من بعدها والعالم كله بيتسخّرله..
هتجيلك في وقتها المُناسب أنت بس استعد، وركّز على إصلاح نفسك، صدّقني هتلاقي سِكّة_السَّلامة ..
د/نهي زهرة
عارف يعني ايه " وَمَا أَمْرُنَا إِلَّا وَاحِدَةٌ كَلَمْحٍ بِالْبَصَرِ "
يعني في لحظة هتلاقي مكالمة لشغل ، وإنت أصلا قاعد مهموم عمال تحسبلها وتفكر وتقول يارب انا مش عارفه هتتحل ازي..
يعني في لحظة هتقوم من النوم تلاقي لحظة غيرت حياتك خالص ، ومش هتبقى فاهم حصلت ليه وإزاي..
يعني في لحظة هتبدأ تفقد الأمل وتيأس ، وبعدين تيجي حاجة من السما تحسسك إن لسة فيها..
ربنا قادر على كل شيء ممكن تتخيله ، اليوم اللي بتعيشه النهاردة صعب ، بكرة مش هيكون كدة وكلها بإيد ربنا..
- عبد الرحمن خميس
في وسط الأدعية اللي سمعتها مبلاقيش غير دعوتين هم الأقرب لقلبي "اللهم اختر لي ولا تخيرني فأنت خير من يختار " ، " واللهم دبرلي أمري فأني لا أحسن التدبير" وبحسهم بيشملوا أي حاجه عايز اقولها اللي هو يارب انت أعلم بحالي ، يارب أنا سايبها عليك عشان أنا مش عارف حاجه وأنت بكل شئ عليم ."🤍
Читать полностью…
اتعلم متتكلمش فى امور انت مش على درايه بيها او عندك مجموع معلومات عنها كافيه وساعتها احكم تتكلم اصلا ولا لان كتير من ال بيتكلموا معندهومش ال صوره واضحه من كل الاتجاهات ... مش كل حاجه تقول رايك فيها ومش كل حاجه حتي لو عندنا معلومات بسيطه عنها يبقي بنفهم فيها... دائما سيب النقاش لاهله واتميز بالصمت دائما وجمع قدر معلومات من صمتك.... اتعلمنا من الناس الحكيمه ان الصمت نجاه وان نحترم بقوه اهل التخصص واهل العلم والدرايه،، مش كل حاجه نفتي فيها او نتحدث عليها.... سيب كل امر لاهل تخصصه...ارمى الكلمه لو متأكد منها وعندك درايه بيها واهل لها...
"من كان يؤمن بالله واليوم الاخر فليقل خيرا او ليصمت "
او كما قال رسول الله صلي الله عليه وسلم *
اليوم رأت عيني عبارة مُريحة جدًا تقول:
"لَا تيأسوا إذا أخر الله ما تُحبون ، ولا تحزنوا إذا أجبرتم على تعايش وضع قد يؤلمكم، بل اصبروا وابتسموا فالله سبحانه قال بكل رحمة
"إنَّ مع العُسر يسرًا"
الله يُدبر لكم في الغيب أمورًا لو علمتموها لبكيتم فرحًا.. فهونًا على قلوبكم وأبشروا ."♥️