188
آدرس کانال: https://t.me/KOOHZADNAMAH مِ دلگیر مَنمه دِ زیـــــر بارو تو سرمَسی دِ مینِ جَمِ یارو ✍ڪهزادلرستانےچگنے_ڪیّ‌یار آدرس وبلاگ: http://kohzad53lorestani.blogfa.com
سحــرِ ایرانمان، به قـــولِ سهراب در ره است
برخیز هم‌وطنم، که پاسی از شب مانده است
#ڪهزادلرستانے_ڪی‌یار
آدرس تلگرامی ما:
🆔 @KOOHZADNAMAH
#خواننده
مهرشاد بازگیر
#وضوی‌عاشقی
ترســم روزی بیایـــی ، دِ دیر وِ مِ بخنی
برســی وا نــزیکــم ، چشت دِ ریم بَوَنی
وِ ریشخنه بویی کی،دِ جو بیزارت کرده
مری کــــه بادِ خــــزو ، پیرِ پاتارت کرده
مِ هم وا عجز و ناله،گِلی میکم دِ گِیسِت
موئم وفا ناشتی،یَه چن ساله که نیسِت
خور ناری دِمــا تو ، چه توزونی وِ پا بی
کشتم خزونِ یادت،روحم دِ لَش جگا بی
اشگسم چی درختی ، وا تش‌بریقِ یادت
دِ بیستینِ بپرس‌که،چی وِ م کرد فراغت
بیا سی‌خُت وضو بئیر،دِ خین سُرِ عاشق
چی پروانه بگرد خو ، وِ دورِ تَش عاشق
مِ که رَتم بــــی صدا ، وِه وِ تونو روزگار
بعدِ مِ تنیا مویـــی ، روزت موه شوه تار
اگر اومــای گُلی بـیار ، بکار وِ سر مزارم
شایــــد آروم بئیره ، ئـــی دله بی قرارم
#ڪهزادلرستانےچگنے_ڪی‌یار
📓ڪُهزاد ــ نامه📓
🆔 @KOOHZADNAMAH
آدرس وبلاگ شما:
http://kohzad53lorestani.blogfa.com
#عهدشکن
سال وِ سال وا نو موئه داغ خزونم
گُلِ امید ســــوز نکرد دُؤو باغِ جونم
اِفلک بؤ چی میهای دی بختِ‌سوخته
مِ که روزگار جومه غم دِ وَرم دوخته
اَفتآؤه گـــرمـــی نزه وی هونه مونم
ماهـــه شـــؤ روشنا نکرد تاریڪلونم
اَڪــه دست بــو وِ خاک چاره نویسِه
بزنـــه بَـــنِ سینه‌ت ماره سی پیسه
چاشتی وا مِ ای همه‌غم نیای دِ تؤلم
نیل که بوم رسوا عالم دیم زیرِ قؤلم
#ڪهزادلرستانے_ڪی‌یار
آدرس تلگرامی ما:
🆔 @KOOHZADNAMAH
#زمستان_خاطرات
او چشِ بیـمارت اِ یار
تَشم زیه چــی گنه‌کار
بَردم سَـرِه بَرد بَن نمو
روزم بیه چی شؤه‌تار
تورت دِ هیجا وِجا نی
دنگت مینِ ایلِ بار نی
دَ قالیت وِ سَـرِ دار نی
دما ئـی زمْسو بهار نی
بیا سیل‌کو وِ ئی‌نهاتم
کلــیک نشـــونِه ولاتم
کــجا بَجــورم پـه پاته
هـوکاره جؤر و جفاتم
مِ پیش مرگتم وِ خدا
هر جا میـری وا نهاتم
مِ ســـوداگره ئی رهه
کول‌کَـش و مَـرِوّنیاتم
مِ او منصـــــور حلاجِ
وِ بَـــن کشیه چشیاتم
چطور رد بُوئم دِ تونو
چَشِیا تَــــره خاطراتم
غارت بِرّؤ و هِــه بُرده
امید دِ جـــونِ مِ مرده
دلِ پریشـــونم اِ دوس
جؤرته میکشه وِ گُرده
#ڪهزادلرستانے_ڪی‌یار
آدرس تلگرامی ما:
🆔 @KOOHZADNAMAH
#ماه_دل
ماهِ آسمــــــونِ دل کاملی ایمشو
سیلِ چشت کاری زَم قاتلی ایمشو
نشسه لیســـــک قشنگت لوء بونم
بیا مهـــــرت روقسه دِ دل و جونم
تو چی ماهه شوءچهارده آسمونی
واچشیات خوشگلِ شهرِ عاشقونی
بی تو غم کَل میــزنه دِ هونِ مونم
جُــــلِ جامـــــه وِر وَنه کُلِ کسونم
میتـرسم لیوه بوئم بوفتم وَره هؤ
بیا سیل کــو وِ منو ای ظلمونِ شؤ
#ڪهزادلرستانے_ڪی‌یار
آدرس تلگرامی ما:
🆔 @KOOHZADNAMAH
#شرح_پریشانی_من
اَجل‌‌مو اَسبِ رَشی زینِ‌برگ کرد
دوهلچی پُرسِ‌مرگِ وا خور کرد
چِنو ای ظلمِ بی وَر ها سره دؤر
که بَردِ کـوه میناله دی همه جؤر
دِ آسِـمو میـــــواره جؤر و ظلمو
لُرســـون و هـــزار دردِ بی درمو
نمیـاره کشت زمینِ سردِ بی جؤ
ورگردن کشت‌کارمون چرخ‌گردو
ولاتـی بــی امیـــد و گِر نشینیم
برآؤئر دُشمنـــو بـی اسب زینیم
همــه مـــــلا همـــه استادِ دینیم
گـــرفتار و گـــدا و جیـو پتینیم
بزه ســـــازه چَمر سی سرزمینم
دِ دَسِه ئــــی ولات خینـه درینم
اَجَلِـه بیــــا بکُش نِئس دِ کمینم
وِ جــا منه ســاله شـصت اوینم
#ڪهزادلرستانے_ڪی‌یار
آدرس تلگرامی ما:
🆔 @KOOHZADNAMAH
#بغض
آه حجم‌غمت را نتوانم به‌دلم شرح دهم
آمـــــده‌ام تا به طناب عشق تو سر دهم
لیـلای مجنون کُش این قافله بازار مشو
تا ڪـه به آن باله‌ی پرواز تو شاه‌پر دهم
#ڪهزادلرستانے_ڪی‌یار
آدرس تلگرامی ما:
🆔 @KOOHZADNAMAH
🩸💉؟
جــوّؤنیا شهــــرِ بی والینِ بینیت
جَـثه ئـی خــــاکِ خینالینِ بینیت
چشیاتون وا آؤه غیــرت بشورید
تا خو ئی خینخوریا زالینِ بینیت
#ڪهزادلرستانے_ڪی‌یار
آدرس تلگرامی ما:
🆔 @KOOHZADNAMAH
بنــــــــام میهن
بنــــــــام آزادی
آدرس تلگرامی ما:
🆔 @KOOHZADNAMAH
💗دالکه🌸🌸🌸🌸🌸
دالکه سیقه خنه ، پُــر آوه رئنت دالکه
هنام‌کو تا بوم‌سیقه،دئنِ قشئنت دالکه
وِ خدا خـــــیالِ تو ، ولــم نمیکه دالکه
جزتو،کسی دی دنیا هنام نمیکه دالکه
ای زنه‌یی بی‌نومِ تو ارزشی ناره دالکه
عورَ بارو هـم وِ عشق تو میواره دالکه
مِ میمیرم أر بئینم که غم دِباری دالکه
جونِ‌شیرینم سیقه‌چشیا تَمدارت‌دالکه
گلِ باغــم دالکه ، سَـروّن قشئنم دالکه
بخـــن تـا آروم بئیــره ، دلِ تئنم دالکه
تو بخـن تا روزگار ، دره شادینه وا بکه
بلبلِ سحــر بوهونه ، غمیانه رسوا بکه
وِ خدا عشق تونه مهر خدان زنه میکه
کــه نعمتِ بــی شمار نثارِ ای بنه میکه
#ڪهزادلرستانےچگنے_ڪی‌یار
📓ڪُهزاد ــ نامه📓
🆔 @KOOHZADNAMAH
(جشن سده)🔥🔥🔥
دلِ ما به رســمِ نیاکان خوش است
بمیرد هر آن کس نریمان کُش است
مــه بهمــن آمــــد به دهـــــم رسید
چو آتش کـــه مهرش به عالم رسید
من از نســــل پاکان به جـا مانده‌ام
من اهریمن از خویش بدور رانده‌ام
این آتش ضمیـر و زبان مــــن است
نماد زردتشتِ ایـــــرانِ مـــــن است
سیـــــاووش پـــاک از تبــــار است
همین رســـم نیک ، اعتبارِ من است
#ڪهزادلرستانےچگنے
📓کُهزاد ــ نامه📓
🆔 @KOOHZADNAMAH
#دوبیتی_عاشقانه💥
کجا رَتی خوش خطِ خالِ زنگی
بــــی تــو ناره ، بهارم آوه رنگی
دِ ای زیپــؤو ، وِریسا دُوردِ گَنی
نئیمه چی تو آهو چَـش قشنگی
#ڪهزادلرستانےچگنے_ڪی‌یار
📓ڪُهزاد ــ نامه📓
🆔 @KOOHZADNAMAH
آدرس وبلاگ شما:
http://kohzad53lorestani.blogfa.com
💢قسم وِ دل💥💥💥💥
دلآرومِه ئی دل کـه سوخته،تونی
وَکه رختِ‌غم سی مِ دوخته،تونی
وِری بیــا سیل کو ، وی رَئنِ زردم
تَشـی وّر کـــــو دی ، مُدبَقِ سردم
وَ کـه دل وِ چـشِ تو باخته ، منم
او مَردِ جؤرکشِ خود ساخته،منم
بیـــا إ ستینِ دلـــم ، هـــوم نفس
رهام کو دِ جـــؤر و ، دِ رنج قفس
بیـــا تــا نَسوختمه ، ئی لیپِ گِرؤ
بزه چی زِل روز ، دَمه زوسِرو
ئی کَپر که مئینی ، گِرؤو دش رَته
تو ژیرش کردیه،که لیپ دش رَته
قسم هـــردمه تا روزی که هیسم
وِ پا حرفِ ئــــی دل تا آخر بِئسم
دِ تؤرِ تــو اومام ، کـــــه یِه‌لآ رَتم
چی مجنون دِ ویره، خدا هم رتم
مِ چـــــی لیپِ تشم ، نَشی وِ کَمم
أصــــریات بواره ، وی تشِ ماتمم
#ڪهزادلرستانےچگنے_ڪی‌یار
📓ڪُهزاد ــ نامه📓
🆔 @KOOHZADNAMAH
آدرس وبلاگ شما:
http://kohzad53lorestani.blogfa.com
🌟🌟🌟 #دوبیتی_عاشقانه
خوشا آنکس که با تو همکلام است
رُخت زیبــاتـــــر از دارالسلام است
بدان ای نازنیــن ، گـــل‌برگ عاشق
ثواب هـر نگاهت چون سلام است
#ڪهزادلرستانےچگنے_ڪی‌یار
📓ڪُهزاد ــ نامه📓
🆔 @KOOHZADNAMAH
💥تَشِ عشق🔥🔥🔥
یَه چه تَشی بـی که غـم ، وَن دِ کِلم
شوره شیدایـــی وِ پا کــــــرد دِ دلم
غـم صیادی بـی دِ اوج ، بازن می‌زَه
بــــی خـــطا وَن ، بالِ پـــروازمه زَه
رسمِ منصور کُشـی دی شهر مُد بیه
شاهِه دل وِ دَسِ بــی‌بــی کوت بیه
وا تَـــــکِ دل ، زَن بُـــورین آسِ دلم
ســـازِ درد زَن ، غــم بی رقاصِ دلم
طوقِ غم چی مار، پیچس وِ گردنم
ای فلک واق مَــــن ، دِ غصه هردنم
عشــق پاکن مـــردمــو گـَـــردِه زَنه
سئ دِوآر ســـی مــرگ فرهاد وِرزنه
مِ گــرفتـــار و گــول هَردِه غوروتم
چی قشونِ شَـــکس هَــــردِه شکتم
ناکَســــو دِ مُـــلک خـــــوم بارم زنه
چـــی منصورِ بـــــی گناه دارم زنه
تَـــک درختِ‌کِه آرزوم دُو بخـتِ گَن
دِ زورِ ســـرما زِمُـــســو سَــــر چَمن
یَه چه تَشی بی که غم ، وَن دِ کِلم
که چِنی سوخت ، بالِ پـــروازِ دلم
#ڪهزادلرستانےچگنے_ڪیّ‌یار
📓ڪُهزاد ــ نامه📓
🆔 @KOOHZADNAMAH
آدرس وبلاگ:
http://kohzad53lorestani.blogfa.com
#سوزه_گرمسیری
کشکله شـــیرازینه دِ چشِ کالت دیمه
خومه وا سازِ عشقت چی بازنه بُریمه
حـــاشا نکـــو عزیزم ای رسم دلورینه
پشتِ نقـــآو بو وِ دَر او برمیا قَجرینه
هر روز میام دی گذر تا که تونه بئینم
مِ جؤ میم وِ عشقت نازاره دل ستینم
وِ چو حراجـی زمه دل و ایمونِه دینم
جِوّونیمِ دَم وِ بادِ تو دَ نئیس دِ کمینم
تو کافـری و دلسنگ ناری خور دِ حالم
چطـــور وِ دس بیآرم دله تونه اِ ظالم
دَس به وِ دسـم نازار تا گَز بکیم بناره
زمســونه تِـــه بکیم بئینم فصل بهاره
عاشقی وا تو خوه شیرینِ تک سوآرم
محضِ رضای خدا سری بیار وا دیارم
تیره مِــرژنگت زمه اِ سوزه گرمسیری
طاق‌دِسرم پِر میره‌وختیکه دِ مِ دیری
#ڪهزادلرستانے_ڪی‌یار
آدرس تلگرامی ما:
🆔 @KOOHZADNAMAH
#سیل_چشت
مِ بارؤ تـــو زمینِ تشنه اِ دوس
دله اُؤرم ته تو بار ونـه اِ دوس
سیلِـــت بایِ‌بُؤرو جِمَنه اِ دوس
دِ بیخ‌ریشه درختم کَنه اِ دوس
وِ سر میلِ رضا بي وام زمونی
گُلت رونــــق میده وِ گُل‌ِسُونی
وا لُـــو خنی دل و دینمه بُردی
دِ قؤرسونه بــی نومی سپردی
حــوار زلفت گره هرده وِ لَشت
سِخُنم سی کرده آهه سرکَشت
بئل تا خـو بؤرِژئم حَفاره تَشت
وِ یغما بُــــردمه گردآؤه چَشت
سیلِ‌تو منه سـادَن کرد وِگرگی
دلِ شیدامه کَشـن مینِ دُؤردِی
#ڪهزادلرستانے_ڪی‌یار
آدرس تلگرامی ما:
🆔 @KOOHZADNAMAH
#دوراهی
خنه‌که کنــــجِ لویا ؛ برمیا کمونش
مرغِ بازیگره عشق نیایه وِ شونش
موسمی سیلــم میکرد وِ نارضایی
دل مینیاش وِ سر حساوه دلربایی
او خــــــور ناره دِ حـالِ منه لــیوه
دلسـوزی نارم که سیم بو دِ گریوه
نالِ نال ای دلـــــم ورمیسه شوگار
چـی گلی که ریتکسه پَرِ شـوره‌زار
هر چی گشتم عالمن نِئیم هُم‌زونی
بی نوا چی خُم نمیا دِ هیچ زمونی
شادی و دلخوشی داشتم روزگاری
منمه مین مُلک غم چــی تنیا داری
اَکــه اِ دل تُف دِ ئـــــی اقبال گَنت
خوش وِ حالِ کُری دِسینه می‌کَنت
مِ وا ئـــی دل منمه سره دو راهی
کیچه گز میکــم شویا دِ بی نوایی
تَک تنیـا مـی‌گردم دؤو خلوتِ شؤ
نام وِکُم لا ها مورَئم ئی راهِ غم‌رؤ
#ڪهزادلرستانے(ڪی‌یار)
آدرس تلگرامی ما:
🆔 @KOOHZADNAMAH
#دل_بی_عار
تُف دِ ریت اِ دل چِنی بی عار ننگی دی متا
دینِ ایمونم بُـردی کردیم اُؤرنگی بی خدا
سر سامونم که رَت دِ په او دو چشِ سیاه
بیمه شـــوگردِ کیچه تاریکِ تنگی چی گدا
#ڪهزادلرستانے_ڪی‌یار
آدرس تلگرامی ما:
🆔 @KOOHZADNAMAH
#عزم_عشق
یه روزی وا چَشِ تَر دِ سره شوق
بی‌صـــدا وا آسمو هُمدَس مویی
چی آوه چشمه سِرآزیر که میری
تا که میـرسی وِ دریا مَس مویی
وخـتِ رته خاطریاته چال میکی
وا هِــــر و گاله غمیاته تار میکی
دَم تَقه وا دنگ ســــازِ تال میکی
بغلت ســی مــوجِ دریا وا میکی
وری اِ فرهادِ کــوه رمُــونه عشق
خـــــوته وا غیـــرتِ دل آشنا کو
عزمت جزم کو تیشَته بیر وِ شو
مغــــاریانه بَـــرمــــو ؛ رَن وا کو
اَر میهای دی عُمرِ مَنَه شاد بویی
دل و جــؤ بســـپار وِ بو بادِ بهار
تَش بیــار بــؤ دِ انبـــار خاطرات
تا نمونـــی چـــی غمی وِ یاد یار
وا دل و جؤ حرف دله گوش کو
تا دِ ئـی قلف و قفس آزاد بویی
نِئل کـه خَمت بکه جــؤرِ روزگار
که‌تو هم‌قربونی‌چی‌فرهاد بویی
#ڪهزادلرستانے_ڪی‌یار
آدرس تلگرامی ما:
🆔 @KOOHZADNAMAH
#لر_هزار_درد
لر سی ایرو بالِ پَره
ایرو سی لر کورِ کَره
قومِ دِ ویر رَته لره
توپِ دلش دِ غم پُره
لر رنج و درد ها دِ سرش
رخت‌ِ سی کرده دِ ورش
وا ئی دو چشکی بازی‌تو
غم نشسه دِ باورش
موسمی قی موفته وتو
کی مِئسه پشتِ برنوتو
هنی گـُذره پوسِه‌تو
موفته وِ دباغ‌خونمو
ئی توزِ زیر چارنعلتو
هیچ تؤری دِش نمیمونه
سی ایما مردمونِ لر
چی گُـل‌زِر بـازی بچونه
دنگ تشت رسواییتو
گوشِ فلکِ کَر میکه
لر دِ شؤ تا دَمِ صؤ
زخمیاشِ حُشکِ تَر میکه
لر دِ خینِ سـرخِ خوش
چکر کشییه هم دِ نو
چی رستمِ شاهنامه‌مو
زره پوشییه هم دِ نو
دِ خینِ رخـته بی گناه
وضو گرته سی تقاص
دِ هیچ ضحاک مار وِ شؤ
چی کاوه هیچ ناره هراس
بؤنگِ نعره که ورآؤرد
چی شیر جَئنس‌و کم نیآؤرد
دِ سَر سِرآوه غیرتش
سی خاک امیدواری آورد
ایسه دَ وخت هَنِنِ
آهنگ دایه دایه‌مه
ئی شعر دِ روز رَزم جنگ
هم سوره و هم آیه‌مه
#ڪهزادلرستانے_ڪی‌یار
آدرس تلگرامی ما:
🆔 @KOOHZADNAMAH
سحـرِ ایران من،به‌قولِ سهراب در ره است
باز درفش کاویان،بر قامت این بارگه است
#ڪهزادلرستانے_ڪی‌یار
آدرس تلگرامی ما:
🆔 @KOOHZADNAMAH
#قصه_درد
چند صباحی‌ست درد نمی‌آید سراغم نیمه شب
به گمانم سیلی از درد ، پشتِ این آرامش است
#ڪهزادلرستانے_ڪی‌یار
🆔آدرس کانال تلگرامی ما:
🆔 @KOOHZADNAMAH
#با_من_از_ایران_بگو
یاور از ره رسیده با من از ایران بگو
از فلات غوطه ور در خون بسیاران بگو
باد شبگرد سخن چین پشت گوش پرده هاست
تا جهان آگه شود بی پرده از یاران بگو
شب سیاهی می زند بر خانه های سوگوار
از چراغ روشن اشک سیه پوشان بگو
پرسهءیاس است در آباد این پتیاره گان
از زمین از زندگی از عشق از ایمان بگو
سوختم آتش گرفتم از رفیق و نارفیق
از غریب و آشنا یاران هم پیمان بگو
ضجهءنام آوران زخمی به خاموشی نزد
از خروش نعرهءانبوه گمنامان بگو
قصه های قهرمانان قهر ویرانگر نداشت
از غم وخشم جهانساز تهی دستان بگو
با زمستانی که می تازد به قتل عام باغ
از گل خشمی که می روید در این گلدان بگو
آدرس تلگرامی ما:
🆔 @KOOHZADNAMAH
🌟کجا رَت جوّونیم💥💥💥
کجا رَت جوّونیم ، کجا رَت بهارم
ای چرخ ستمگر ، شوعن شار بارم
نَمن هیـچ نشونی ، دِ او روزگارم
دَ نونم کـــه دادم ، وِ تِه کی بیآرم
اَ دنیاخرآو بای،هِ جا سی مِ ناشتی
تو هِ بذرِ غمت ، دِ مالگه مِ کاشتی
دی هوگه که مئینی،مِ او تنیا دارم
لؤ جَده بـی عابر ، هِ چش انتظارم
چنو وّم اومایه ، دِ خُـم هم بیزارم
مِ بغضی دِ عـورم ، بئلیت تا بوارم
اَکه ای باره غـــم ، دو شونم چَمَنه
سیل وِ هر جا میکم، تؤر پا او مَنه
پُر دِ راز گِــله‌ایم ، دِ ئــی روزگارم
اما نِئشتم کسی ، بشنوعه حوارم
دل‌ســـوزی که نارم ، بوئه لادرآرم
اگـــــر روزی مردم ، بیا سر مزارم
دِ غم ای زمــــونه ، چِنیهه کِزَسمَه
کِلَکی دِ بَرد بیم،که وا درد رِمسمه
دُو نازِ شصِ تو، هَنی زخمه پُشتم
مِ موجِ امید بیم، که غم تو کُشتم
#ڪهزادلرستانےچگنے_ڪی‌یار
📓ڪُهزاد ــ نامه📓
🆔 @KOOHZADNAMAH
آدرس وبلاگ شما:
http://kohzad53lorestani.blogfa.com
دِکوچکی خآویی‌‌دیم،که بی وِ راس
مجنونی شؤ ره گَز میکرد،بی‌هراس
هه می‌ناله‌نو ، وِ لاؤردئن مــی‌گوت
کی دییه عاشقی بوفته ، لالکِ‌هاس
خآویی دیم که ، دَئنِ بلوایی میما
چی خزونی سرد، هوفه بایی میما
خآو تموم‌بی،دیم‌که های‌هایی میما
سوزِ ناله ، طفل بی دایی میما
چی هنـایی ، دَئنِ امدایی میما
کیچه تاریک بی ، رِمه پایی میما
کشکول وِ شُؤ ، مینه سودایی میما
دؤریشِی خینالی ، دِ جایی میما
دیم سر و ریش پُر دِ خاکِ توزونه
رَتم وَرپیریش و زِل بُردمش هونه
آویی هَردو آهه سردی سر کشی
فهمسم که خیلی حالش داغونه
وش گوتم بُو بینم دِ چی حیرونی
کی باعث بیه که چنی ویلونی
وِ کجا مِیری ، تعریفی بک دِ خُت
سی چی دی ره‌‌یا چنـی سَرگردونی
سَر ورداشت گُوت، دلورم طناز بی
گُوت ، او هم چی مِ اهلِ پرواز بی
دوچَشِ سئ داشت که پُر دِ راز بی
آخ که او هم ، چی مِ لیوه باز بی
دَمه صو دیمشِ میحن وِ پا گُلی
ها درآرمت جات بکارم سنبلی
گولم دَ چی بازی یِه غُل دو غُلی
دالی بی ، رَتی دِ پُوسِ بلبلی
بی چه تشی لیپ گرته دِ جونم
تـوزه جَده پـا گرته وِ شونم
یَه دِ تُؤر اونه چِنی سرگردونم
مِ تاله سوخته ئی چرخِ گردونم
#ڪهزادلرستانےچگنے_ڪی‌یار
@KOOHZADNAMA
💢خآوِ خیال💥💥💥
هر شو خیـالِ نازارت ، میا وِ مِ سَر میزنه
چـی کفتــره ره بِلَلی ، دور سرم پَر میزنه
گرمِ قصه وا تو موئم، تاله شَرم در میزنه
دِ شانسِ گَنــم روزگار ، وِ سازِ چَمر میزنه
بیقـوشِ بختِ نَئـسِ مِ، دٍ آسمو جَر میزنه
پیرِ خـــرابات غمم ، نِی وا چشِ تَر میزنه
دِ آســـمونِ تو هر شـــو ، ماهِ منـوّر میزنه
هلالِ شوه تارِ مِ،چی داسیه که سر میزنه
بخت بُلین وِ دورِ تو، چی پاریک پَر میزنه
یادِ خیالِ تو شویا ، سینَه‌مه خنجر میزنه
#ڪهزادلرستانےچگنے_ڪی‌یار
📓ڪُهزاد ــ نامه📓
🆔 @KOOHZADNAMAH
آدرس وبلاگ شما:
http://kohzad53lorestani.blogfa.com
🦜مُـرغِ دل🕊🕊🕊
اِ شمــــــع دل غـافلِ م،
تَش زِئـی دِ کنج دل مِ،
سوختم و دم وانکردم،
عشقت نِـوّی حاصلِ مِ.
مِ مرغی بـــی بالِ پَرم،
مِ دلسـوخته دَر وِ دَرم،
دردم ینآ کـه هِ دی وّل،
کِلئک نشونِ ئی شهرم.
سیل‌کو وِ مرغِ سحرت،
پَر مــــی‌زنم دورِ سرت.
خیالِ دل، هر شُؤ میام،
گُل می‌ریزم دورِ وَرت،
وِ مِ نظـــــر کو بی وفا،
بی‌چه شَری کردی وِ پا،
مُــرغ دلم کِز میکه شؤ،
دِ تو موهونه چَش سیا.
شُــؤگـرد کیچه‌یا منم،
یِه‌دَم وِ خُم نق میزنم،
بُؤ تا که باید ئی غمن،
دی دله سـوخته بَچنم.
📓ڪُهزاد ــ نامه📓
🆔 @KOOHZADNAMAH
💢رُخِ یار🔥🔥🔥
شؤ سیل وِ آسمو میکم، عکسِ رُخِ ماهت رَته
قولی وِ مِ دی بی وفــا، گِمو میکم یادت رَته
وِ هر جا که نظر میـکم ، تاریک و تاره آسمو
نوئنی چـه تَشی دِ دله، ای مجنونِ زارت رَته
#ڪهزادلرستانےچگنے_ڪی‌یار
📓ڪُهزاد ــ نامه📓
🆔 @KOOHZADNAMAH
آدرس وبلاگ شما:
http://kohzad53lorestani.blogfa.com
☁چِته إ ئؤر💧💦💧💦💧
چِته إ ئــؤر یَه ویر وِ کُم ولاتی
نمی‌واری هِـــه دی وِل أئنیلاتی
نِمی نَزئی ، ئــی مالگه مَنه ناره
دِ بی آویی هوماری حُشگه‌زاره
امیدی نی گُولّی سوز سَر دِرآره
دِ ای خاک که ، چنیهه ژلمِ ژاره
خدا ای ئورِ سی چِم چاره ناره
قرار نـــی کـــه نمی بارو بواره
ایل‌یا گِــرد کردنه ، دَ پا وِ بارن
گمــو نکم ، دَمی طاقت بی‌آرن
خدایا ویره خِیــری بَک دِ ریمو
دیه بارو وِ سر ای خاک سئ‌مو
#ڪهزادلرستانےچگنے_ڪی‌یار
📓ڪُهزاد ــ نامه📓
🆔 @KOOHZADNAMAH
آدرس وبلاگ شما:
http://kohzad53lorestani.blogfa.com