188
آدرس کانال: https://t.me/KOOHZADNAMAH مِ دلگیر مَنمه دِ زیـــــر بارو تو سرمَسی دِ مینِ جَمِ یارو ✍ڪهزادلرستانےچگنے_ڪیّ‌یار آدرس وبلاگ: http://kohzad53lorestani.blogfa.com
#غبار_غم
هِـــرورم دل‌تنگتــــم که میایی
وِ تنگ نیـما دلت ، دِ ای جگایی
کجـا ســرگرمی و سر دِ هوایی
وا تونم چَش‌قشنگِ مي حنایی
نِروکَه کــرده غم دِ چهار سِخُنم
تمومِه وقت نومت ها سَر زِؤنم
شؤه روزم شیـوس دل ناگِرؤنم
بیـــــا زیتـــــر بیــــا آرومِ جونم
دما تو بی چمر سیم عیدِ نوروز
بیــا معنــــا غمــــن دِ مِ بیآموز
شــؤیا میای دِ خیالم تا زلِ روز
چوغن زِیه وِ جات پاییز پُر توز
خَزؤ زیه وِ بآؤ ، دی دلِ پُر سوز
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH
#خدای_عاشق
ونه کــه دِ آوهِ شـــؤمَه حذر کرد
عاشق بی دِ سیاهی شؤ گذر کرد
نشــــس رازِ دل وا مــاهِ قَمر گُت
قصــه منصـــور حــلاجِ دِ بَر گُت
دِ یاری کــه جا کرده دِ درین گُت
دِ فرهادی‌فدا بی‌سی شیرین گُت
دِ قئقاج سواری رِی قاچ‌ِ زین گُت
دِ عشـــــقِ پاکِ یَــلِ بیستین گُت
نشس گز کرد وِ ره دِ غمِ یار گُت
دِ لیل‌آ لیلِ خوش دِ شؤه تار گُت
وِ زیر لؤ گُت چی‌تیرِ سَرگؤآر رَت
او یاری که بیکش وا ایلِ بار رَت
دما یار غم اُما هِئل وَن وِ دُؤرش
تا بَمونه دِ خــاطر رنجِ و جؤرش
دِ عشق‌ِعاشقی کَس‌نئیم دِ تؤرش
بمیرم سی غــریوی سنگِ قؤرش
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH
روز نکوداشت شهر خرم‌آباد ۲۰ اردیبهشت
با صدای نازنین استاد
#علیرضا_چنگیزیان
آدرس تلگرامی ما:
🆔 @KOOHZADNAMAH
#آخر
دِ ای دو روزه عمر دل‌ناگرؤنیم
همــــه مســـافریا یه کاروّؤنیم
روزی که چـو خطِ عمر پُر موه
همه مهمونِ خـــاکِ قؤرسونیم
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH
#تنها
مِ کــه می‌گـردم دِ آسو چی کَلِ پیر
کاش شکارچی نزنم وا تیرِ نخجیر
بادِ شــــــوگار میـــزنه وِ شاخِ بلگم
وِ یادت مــــویه میـکم تا روزِ مرگم
تـکِ تنیـــــا مَنمه دی مُلـــکِ دلگیر
مــی‌شینم خاطره‌یاته میارم وا ویر
عشــق تـــو موج میزنه دِ خینِ رگم
بیــقوشِ غم لونه کــرد دِ زینِ برگم
مِ بیمـــــــارم لـــوخنه‌ت داریِ درده
عاشقــی و غــــم و غصه مالِ مرده
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH
#نوای_درد
اگر تو بیایی گِری وا دیارم
وِ چشیات بئینی تو ای حال زارم
ژیل بکی خو گوشت وِ حرف درینم
میفهمی که بی تو چنی غصه دارم
چنی بی تو شویا چی لیوه بیارم
میشینم شو تا صو اّساره میشمارم
درد دل میکم سیت دِ خاوه خیالم
وِ یادت میخنم هر چن غم دِ بارم
دِ غمِ دیری تو چی دارِ پیتارم
چی کردی که سی بی چنی روزگارم
تو که دس قلمت رئنینه عزیزم
بنیس که بی‌کَس بیم ری سنگ مزارم
بی‌کسین وِ خوم دیم دِ اوجِ هیاهو
یه تاله سوختم بی نشسی وِ آسو
اگر عشق چی تشه که دل دش میسوزیه
تش بیره باغِ دل که ها بو هلارو
زمین و زمو سیم سیاه چی دِواره
دِ هجرونِ تونه مجنونت بیماره
نمیایی ، دنیا سیم وِ سردی مزاره
خدا جا بارو دِت گریوه بواره
دِ ای شهرِ غمبار وِ کی پَل بیآرم
هاجِ واج منمه خوم دِ کارِ بارم
میشینم گِز میکم وِ جاده که بیایی
نمیایی مِ هم وا بغض دل میوارم
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH
#خدای_عاشق
وا تونم اِ لیوه‌یِ سر دِ هوا
عشقِ پاک ها دِ اسارتِ خدا
مِ که بیمه عاشقی بی جُلِ جا
وِ دَسِ خوم هردمه تیره خطا
هوش دِ سرم برد وِ غارت بیوفا
بی حواسم کرده او چشیا سیا
وا چَشِ کال چرپه دِ جونم زیه
تّش دِ دل و دین و ایمونم زیه
وا یَه دونم وِ فناه میره دلم
چی فرشته مرگ میاره اجلم
دل نِمئله کم بوه تِهم خاطرش
چونکه گُم بیمه دِ عشقِ باطلش
عاشق دِ لیوه‌گری خوش راضیه
دونه که تاسِ قماره بازیه
عاقبت ای کار بیابو گردیه
مجنونِ دوره شهر و آبادیه
هیچ حکیمی درد عشق نکرد دوا
هیچ فرق ناره که شاه بوی یا گدا
چاره‌یه عشق موه مرگِ بی صدا
چونکه تَشِ عشق بلیزه ته خدا
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH
نازارم
🎙️ ایرج رحمانپور
توز سر ره گُت ... نازارم ... ها میری د دسم
چنو برز... چنو دیر... عزیزم... وه تو نمیرسم
خاو خوش و خیالم... نازارم... بون دیر دنیام
گُتم هیسی و هیسم... عزیزم... وات موئم د دردیام
تا چَش بسم وا كردم... عزیزم... نه تو بیئی و نه دنیا مه تَنیا
توز سر ریا گُت... نازارم ...و پاپتی می مونم و ریا
شویا بی اساره چشیاته ناره
به خاطر نداشتن نورچشمانت ...شبها بی ستاره و تاریک شده است
تیریكی و ظلمات ره یا نادیاره
نه تاو گُتنم هی نه سر اشاره
نه دلی كه بسوزیه خوری بیاره
چی زمین هُشكی كه بیه فراموش
نمیایه اوری كه نمی باواره
داره وه آرم آرم قسم موهوره ایوار
وه خین گرم اَفتاو، دنیا نَمَنه واكَس
👇👇👇👇
@lor_mediia
خاکِ آن راهِ غریب جا مانده است بر شانه‌ام
تو که میدانی چه کردی با دله دیوانه ام
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH
بوار بارو بـوار جـــونم دِ تی‌یات
تا چِک‌چِک شُر بِئیره آو دِ می‌یات
دلــم لؤ تشنه چی خاکَه، بوار خو
تا کـــه دِ گِل وریسه بو هِــوّیرات
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH
#بگو_ای_دوست
بگو ای دوست
هنوزم یادی از ما میکنی یا نه؟
براستی که عجب اوفتاده در کارم
گره پشت گره ، بدجور گرفتارم
به حق مستی مستان
ز یلدا گشت سیه‌تر این شبستانم
چنان تنهای تنهایم که گویی کنج زندانم
نمیدانم تو میدانی که دنیا گشته زندانم
مثال قیصِ دیوانه ، پریشانم
از این مبهم سرایِ بی‌کسیِ خویش
از این خلق و از این عالم گریزانم
دلم با بخت و اقبالم به جنگ تن به تن رفته
خیالم چون قناری به تماشای چمن رفته
نمیدانم تو میدانی؟
تمام آرزوی من به یوم بی یمن رفته
#ڪهزادلرستانےچگنی(ڪی‌یار
آدرس تلگرامی ما:
🆔 @KOOHZADNAMAH
#پایان_خزان
چَن سَرِ سیزنی مَنه سیم دِ پاییزِ قشنگ
زمِـسـو ها دِ کمینم بکــوشم وا دله تنگ
هیچکَه چی مِ دل‌نَواخته وِخرونِ بیوفا
سردِی سرمانه نِئیینه دؤو زمسونه سیا
ایسه که وِ دَسِ غم رته وِ تاراج باغِ دل
دِ سیکی مویه‌میارم همه‌شؤ وا داغِ دل
دردِ ئی دل اوج گرته ، رَتــه بالا ته خدا
عینِ زلِ روز نشسه،دؤو فلک وِ لِف ماه
نشسه رازِ گِله‌‌ای میـکه دِ دســه روزگار
که شکایت آورده‌مه تِه خدا دِ دسـه یار
اگر دل بَشکیه، زنه‌ای موه وِ دارِ بی‌ثمر
اِ خدا کاش نمیساختی دله دِ سینه بشر
هر کَـه یاری نگرت زونی غمه میره بغل
چـش وِ ره باید بشینه ، تا بیا روزه ازل
کاش وا رتنه پاییـز غمه دل میوی سِرؤ
تا زمسو سخونم ســـی نکه وا دردِ گِرؤ
#ڪهزادلرستانے_ڪی‌یار
آدرس تلگرامی ما:
🆔 @KOOHZADNAMAH
قسم وِ تو ، وِ عشقِ پاکت قسم
وِ گُلزاره سوخته ، شقایق قسم
شعر از
#ڪهزادلرستانے_ڪی‌یار
خواننده
#مهرشاد_بازگیر
آدرس تلگرامی ما:
🆔 @KOOHZADNAMAH
چی سیگار سیم ضرر داری و
اَمــــــــــــــــــــا
نمیتونم د تو دل بکنم یار
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH
#عطر_عطار
گِلی میکـــی وا نوعه دارو نیسم
چَنی چش وِ رَت زیره بارو بِئسم
مِ ڪـــه لیوه ، شیدا ، پریشونتم
چوِیره خوش عطر عطارو گیسم
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH
چه زیبا نشستی به جان و دلم
از عشــقِ تو آتش شده حاصلم
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH
#اندوه_عاشق
دؤریشـی دَر کتاؤه عشقِ وا دَه
ورقـــــه عاشوقی‌مِ کَن هوا دَه
فالِ بختــم هنــی معنای بد دَه
وِ گمـــونم که یار جؤآوه رّد دَه
چاره نویس چِنوهه وِش دیاره
اَجــلن کِـــــل کِنه ریشه‌م دِرآره
کجا رَت که بی او شؤگارم تاره
بزمــه غمش دِ جــونم بر قراره
خـومم دونم رهِ عشقش غِلعته
خوشحـاله وَه تــوره پاشِ بلدَه
گرچــــه پاییزِ عاشق پُر دِ درده
امید دارم کــــــه یارم وِربِگَرده
الٰهــی کــــم مَشقت بؤ دِ جونم
دِ زیـــــره بارِ دردیــات ناتوؤنم
همه رَتــن کســــی نَمَن وِ دؤرم
رفیــقِ شــــؤه روزیا قؤرسونم
دما یار آهِه خـوش نیما دِ کارم
وِ گَپــی کوهه یافته غصه دارم
مِ یِه‌سر چَش وِ رِه دیداره یارم
گیاه سوز کرد دِ زیر پا انتظارم
تنیـا مالگِــه که مَنَــــه دِ دیارش
منم که‌کَس نمیشنوعه حِوّارش
عاشقی که کسی نمیکرد رامش
چی‌شیری رَت وِپا دارِ اعدامش
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH
🍃🦋🍃🦋🍃
ویدیو
"ترانه خُرماوَه وکوه یافته"
خواننده #بهمن_اسکینی
شاعر #استادرمضان_پرورده
تار #ساسان_بازگیر
#حمیدسلیمانی
کمانچه #فرشادسیفی
تنبک #بابک_پیمانی
#کانال_تخصصی_نوستالژی_سوزسیل
🆔 @ramezanparvardeh
💐🍃💐🍃💐🍃
آدرس تلگرامی ما:
🆔 @KOOHZADNAMAH
ترانه #چش_سیاه
شعر #ڪهزادلرستانےچگنی_ڪی‌یار
خواننده #مهرشاد_بازگیر
آدرس تلگرامی ما:
🆔 @KOOHZADNAMAH
خواننده
#بهمنیار_ذهابی
شعر با الهام از شعر شب عید قدیمی خرم‌ابادیها
از بنده حقیر
#ڪهزادلرستانےچگنی_ڪی‌یار
یادی میکنیم از بزرگان موسیقی لرستان
#شعر_لری_خرم_آبادی
آدرس تلگرامی ما:
🆔 @KOOHZADNAMAH
#جشنی
وا تونم اِ گلاره
دِ چشیات خی میواره
روشنا کو شوه تارم
چَن ماهیی دوست دارم
ناز کو که ناز کشتم
لیوه لیپه تشتم
هیمه بریز بلیز کو
برمیاته پُر دِ غیز کو
قمار بزه بازی کو
وا عشقم طنازی کو
هیچکنه ناری چی مِ
تو هم قرپ ناری بی مِ
مِ او اُوره بهارم
تونه مئینم میوارم
موعم که دوست دارم
دِ هیچکه باکی نارم
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH
#سرگردان
دِ روزی که تو رتیه ، آشفته حالِ حِئرونم
بیا بارِ بونئت جمع کو ، دِ ای خیالِ ویرونم
بیمه وِ موجی سرگردو، دِ ری دریای بی‌پایو
نِمئینه ساحلی وِ چَش ، بِلم رُو وا حالِ وّئلو
تو باور کو حرفِ دله که دل لیوه چشِ سیتَه
مگرگوش نو که میمیرم اوسه دَ وقتِ وِ وِتَه
بیا وا یک عوض بکیم ای رسمِ کهنه دلدارین
بیا تا سر بکیم وا یَک ای شویا بی پرستارین
منِ‌تو معجزه عشقیم یه‌چن ساله ستم‌مینیم
دِ چاره‌مو نوشتنه،که آخر دس دِ یَک مِئیریم
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH
سخت میره اَما میره شُوگار موه روز
دِما زمسوُ وعده‌مو دوو عیدهِ نوروز
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH
خوم دونم کارِ کی بی برد از سرم هوش
آن که رفت و بی جهت کردم فراموش
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH
#حکیم_دل
دردی‌که درمونش تونی لرزش قشئنه
او دردی کـــــه درمو ناره زخمه پلئنه
حونکـی دست نازارت بـرفِ کوهرئنه
تؤو وّنمه بَــرس بیـا ، عرصه وّم تئنه
غمِه خیـــالت کشتمه ، هـــونه آبادم
درد وَنمه وِ ســـره جا ، بَـرس وِ دادم
وختیکه سیلِ نازارت، موفته وِ یادم
چی حکیمی درمو میکه، دله ناشادم
اَزگلِ ســرخِ عشـــــقِ تــو دِ مِقِلم نی
زلفِ سیات چـــی مارِ دیم دِ بغلم نی
ساقی بیا کــــه دیر دِ تو آز دِ دلم نی
هیچ که دِ ای دنیا به‌جز تو وِ دلم نی
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH
#گلزار_سوخته
قسم وِ تو ، وِ عشقِ پاکت قسم
وِ گُلزاره سوخته ، شقایق قسم
مِ امشؤ سرخوشم،وا حالِ گَنم
خـــــــدایا نُؤ مِنه دِ تش جهنم
چنو مجنونِ حیرونِ تونم ڪه
وِ ئـی حاله خرآؤِه خُم می‌خَنم
شعر از
#ڪهزادلرستانے_ڪی‌یار
خواننده
#مهرشاد_بازگیر
آدرس تلگرامی ما:
🆔 @KOOHZADNAMAH
#تلخ‌تر_از_پاییز
ایواره‌کُن‌یا پاییزی،
وِ ویرم میان او روزیا دیر
غمِ درد یکاگیر میکن،
میکشن مینِ سینه‌م تیر
بیداد میکرد هوا اوسه،
گِرد گیژ بای توز میما
دلم تنگ بی چی دنگ تال،
دِ او دَم‌دَم ایواره‌یا
هــــوا دوهلِ غم میزه ،
زِمی سازِ چَمر میزه
بازِ پیر دُؤ تنگِ مَرؤ ،
ویرِ بالا هه پَر میزه
ولاتی کِز کور بیکش،
نمیما دنگه یاری دِش
تژگاه‌یا سردِ نا امید ،
وِر نِمیسآ حواری دِش
یهو عمرٍ گِرؤ طِه بی،
غمناک بی، چی دنگِ نِه بی
وِ زیره بارِ خــــاطره ،
سر تا پا آرزوم لِه بی
فلک وا کارِ بد وِردش،
بریشتم وا تَشِ دِغش
نزا میکم دِ بونِ دل،
وِ زمی بیا چرخِ گِردش
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH
#عاشق_نیفه_جان
رتی هیشتیم دِ مالگه چی رته رؤ
ڪُــله باغـــم دما تو بی هلارؤ
ورگرد سیل‌کو وِ مالگه سوخته‌زارم
دما تو کس نیآؤرد سر وا دیارم
چنو تیچسه بتختکه نیفه جونم
ڪه دِ زارِ زمی دل ناگرونم
مِ خرمه سوخته‌که صحرای عشقم
دِ جال تو هرده وِ غم تیره پشکم
چنو باختمه که ری زونی نشسم
تَلی نورس بییِم که زی اشکسم
خدا سیت آسو نکه سرنوشت هه
زخمیم کردی دِ راهی بی روشت هه
مری درده بی درمو تاتزامه
نگرد اِ چرخ که وِ مرگ هم رضامه
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH
دگر خیال نمی‌بَرد
مرا به جستجویِ تو
چه کرده‌ای تو با دلم
خون شده از عدویِ تو
#ڪهزادلرستانےچگنی_ڪی‌یار
آدرس تلگرامی ما:
🆔 @KOOHZADNAMAH