1502
https://t.me/joinchat/UF5AXGXBiSOFDjfP خادم الحسين ش.عبدالزهراء الركابي. @Alhosene7
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
قصيده للنبي محمد صل الله عليه واله وسلم
على طور ملا باسم كومن بنات النبي خيطن خيمجن عبي
=================
الليله وفاة النبي
والصوت ضل يعتلي
الزهره تنوح وتنادي
وصيح وينك أبي
🔊🔊🔊🔊🔊🔊🔊
هليله كلش طويله
وحشه علينه ورهيبه
يتوادعون الحبايب
كلمن يودع حبيبه
حيدر يقبل جبينه
علنبي زايد نحيبه
وصرخ يبويه يغالي
كلبي شيطفي لهيبه
بكلبي لهيب وجمر 💠
مايطفه طول العمر 💠
ابجي ونوح بحزن
وصيح وينك أبي
🔊🔊🔊🔊🔊🔊🔊
أكضي العمر بلمناحه
مانبطل من بجينه
عصابه سوده على راسي
والروح بيكم حزينه
كالو بجيها يأذي
نغص العيشه علينه
حتى من وني امنعوني
وطلعوني بره المدينه
بيت الاحزان انبنه 💠
يومي يمر ابسنه 💠
ليلي اخلصه مناحه
وصيح وينك أبي
🔊🔊🔊🔊🔊🔊🔊
يابويه وياك اخذني
فركاك مابيه حيله
الطم ونوح بغيابك
والروح مني نحيله
غير الدمع والبواجي
ماعندي غيره وسيله
وروحي خلافك تعاني
والهدم مابيه اشيله
خلصن سنين العمر 💠
وكلبي خلص بلقهر 💠
والغالي راح وتركني
وصيح وينك أبي
🔊🔊🔊🔊🔊🔊🔊
بويه من نامت عيونك
هجمو يبويه على بتك
بين علينه حقدهم
مارعو بويه حرمتك
واغصبو كامل حقوقي
حتى ميراثي بفدك
رد وضربني على عيني
شحجي يابويه وشكلك
ما عنده ذرة عقل 💠
رد وضربني النذل 💠
وضلوعي اتكسرن
وصيح وينك أبي
🔊🔊🔊🔊🔊🔊🔊
بحيله عصرني على بابي
البسمار كسر ظلوعي
وجنيني طايح نضرته
يجرن بحركه دموعي
شبو النار بحقدهم
مارحم دمعي ولوعي
مارعو حرمة نبيهم
طفو سنيني وشموعي
وتهجم علينه الكفر 💠
ومني ضلع ينكسر 💠
ويسكط يبويه جنيني
وصيح وينك أبي
=================
الى شرف النبي واله الطاهرين بنية تعجيل الفرج
الفاتحه لروح والديه وارواح المؤمنين نسألكم الدعاء خادمة ال البيت وخادمتكم الحجيه ام علي البصره
الشاعرة العلويه ام غيث الذبحاوي:
مربعه للنبي صل الله عليه واله وسلم
مسموم النبي ويعالج الليله
اويم راسه الوصي ايون او يتجيله
يم راسه الولي ودموعه هماله
يتجيله ابحزن ماتنوصف حاله
من شافه تعب اوكل الهضم جاله
ون اعل النبي المولا او مداليله
ون اعله النبي حته الملك جبريل
اوخيم بالحزن ارض وسمه ياويل
ياهو الما بجاله او ما دموعه اتسيل
هليوم الحزن خيم اعله العيله
خيم هالحزن عالكون حين الشال
والزهرة بقت تبجي ابدمع همال
من ونها او حزنها اتفطرت الجبال
تصيح ابصوت بويه لوين هالشيله
تصيح ابصوت بويه وين هالسفرة
غيابك يامهجتي ابگلبي حط جمرة
ماتطفه تضل للموت متوجرة
ارجع اه يروحي اهيه. تناديله
ارجع يالحنين اتريدك ابنيتك
مشتاگه الكلامك بويه والجيتك
بابي محزنه مشتاگه دگ جفك
اوروحي اتحن عليك اودمعتي امسيله
@@@@@@@@@@@@@@
(نعي للنبي ص )
@@@@@@@@@@@@@@
يبويه اعيوني ماينشف دمعها
مشتاگه تشوفك يااملها
يبويه انه البواجي مااملها
لاترحل يمن عندك ابنيه
تعيش اخلافك ابهم او اذيه
يمن شوفتك عنت عليه
ارجع اوخل افرش امصلاك
اوخل اگعد اسولف انه وياك
يلي الترب عن عيني ضماك
اگعد يمن كلك محنه
او لاتبتعد يابويه عنه
يل بالگلب خليت ونه
يابويه بعدك مااحمله
نايم صدگ نايم اسم الله
وطشرت اخلافك المه
تمت الحمد لله
بقلم ام غيث الذبحاوي
ليلة استشهاد النبي الاكرم صلى الله عليه واله حوار بين رقية وجدتها الزهراء سلام الله عليها:
رقية تخاطب جدتها الزهراء ليلة وفاة النبي:
انه ياجده رقية .. شوفتج عنت عليه
فاگده الوالد يزهره
راح اجيج وكلي عبره
وللعزا نگعد سويه
.....
احنه كل وحده محزنه .. الليله مشتاكه لبوها
بس فرق بين اللي عدها .. حيدره لمن لفوها
عن يتيمه بدار غربه .. وتنخى اَهلها الضيعوها
وبگلبها تنعى سكته .. بالنواعي الما نعوها
طفله ياجده وسبيه .. والحبل أثّر بديه
امن البواچي عيوني حمره .. راح اجيج وكلي عبره
....١.....
بيت حزنچ والبواچي .. عمتي عنهن حچتلي
تصورت شكله يشابه .. للخرابه من اوصفتلي
تخيلت من حالي أهون .. حالتچ من سولفتلي
لأن آنه من بچيت .. الضربه مدري منين اجتلي
طفله وبديره اجنبيه .. ومن ابوها تريد جيه
من المشي رجليه جمره .. راح أجيج وكلي عبره
....٢......
وارثه حزني وعذابي .. من عذابچ من ونينچ
لكن تگول الروايه .. انتي من سقطوا جنيچ
رجعوا قنفذ عليچ .. وضريه ضرباچ اعله عينچ
ونضربتي بسوط واحد .. ضربه تشگفها ادينچ
زورگتني اسياط اميه .. وصارت مخالف عصيه
وانسطر سطره اعله سطره .. راح اجيچ وكلي عبره
......٣.....
جواب الزهراء:
.............
كلفت زينب تبوسج .. عني بوسه بالإنابة
وروحي كل ليله تگصدچ .. زايره اطوف الخرابه
اجيبلچ وياها غيمه .. خاطر ترش الترابه
وانصب بگبرچ عزيه .. آه يحسين ومصابه
آ يسبي الفاطميه .. وياعُظم ذيچ الرزيه
والأطفال التمشي أسره .. راح اجيچ وكلي عبره
......٤......
آه ياجده رقيه .. آه يا سبية خواتچ
آه يا حرگة خيمكم .. آه يا جرة عباتج
آيزينب من نختني .. لحگي يازهره لبناتچ
يالتشبهيني بمصابي.. يالتشبهيني بصفاتج
كون نجسمها الأذيه .. شويه الچ والباقي اليه
للعطش كون انه گطره .. راح أجيچ وكلي عبرهن
.....٥......
من ذهب گبة ضريحج .. ضاويه ليوم القيامه
تحچي للعالم محنتچ .. شاهد لذيچ الظُلامه
وانه گبري مضيعينه .. حتى ما ظلت علامه
الكسروا ضعلي سبوكم .. كلهم أعداء الامامه
والأيام الفاطميه .. شاهدات اعله القضيه
وضلعي والدفعه التسمره .. راح اجيچ وكلي عبره
......٦.....
سيد نعيم آل مسافر
قصيدة نزلة ... في رثاء رسول الله محمد صلى الله عليه واله
فاطمة تنادي .. بويه يالهادي .. مصيبه
لا تضيّعني .. من تودّعني .. مصيبه
***
بويه لا تـغـمـض عيونك ابقـه ويّـاي
انت شمس الدنيه بعدك ظلمه دنياي
لا فـكـر يبقـــــالي تدري لا يظل راي
والله ما ترحمني بويه عگبك اعـداي
تكثر جروحي .. وتنفجع روحي .. مصيبه
بويه تسمعني .. من تودّعني .. مصيبه
***
فاطمه الزهره الزچيه گلبي مجروح
ياحبيبـي يامُـحـمّـــد بويه لتـروح
بويه اخذ ويّاك فدوه عمري والروح
بعـدك السـلوه بحياتي الونّه والنوح
يانـظـر عينـي .. لا تخلّيني. .. مصيبه
والله تفجعني .. من تودّعني .. مصيبه
***
ياحبيب اللّه حبيبي تسمع الصوت
ما اريد الدنيه بعدك راحتي الموت
خايفه تـتـأذّه انعـه وبچي بسكوت
مو الك ياريت جـابـوا ليّـه تـابـوت
غمضن عيونك .. ونخطف لونك .. مصيبه
لا تروّعني .. من تودّعني .. مصيبه
***
آنـه يابـويـه العــزيــزه فاطمة وياك
احچي بدموعي دجاوب روحي تنعاك
حيلي طاح وگلبي ذاب بـهـذا فـرگـاك
راحوا يظلموني بويه تدري بجفاك
لا تجافيني .. من يحاميني .. مصيبه
دهري لوّعني .. من تودّعني .. مصيبه
***
يارسول الله بغيابك ضلعي ينصاب
من يهجمون عله داري شرّ الاصحاب
الثاني هوه برجله بويه يرفس الباب
ينكسر ضلعي وطيحن فوگ لتراب
ينكسر ضلعي .. دم يهل دمعي .. مصيبه
بيده يصفعني .. من تودّعني. .. مصيبه
سيد زيد الفحام
__________________________________
لوفاة الرسول عن لسان الزهراء
.............................
ادي نوح المصايب دوم لاوين
ومثل نوح الحمام اعليك لاوين
صحت جبريل تاني علي لاوين
ماشي ابهل النعش مبعد عليه
.......................
علي الحاج الصبيحاوي
انه الزهره وثكل همي وراحل
ابوي ابهالمسه غايب وراحل
اوصي اعيوني خل يبجن وراحل
اودعه اشلون اودعه ابهالمسيه
..........
الليالي هموم تشمرلي ورامات
واحس كلبي وراه خزن ورامات
احس من سيرو نعشه ورامات
روحي والجسم وايدي سويه
...............
انكطع يابويه كلبي اعليك وتراه
وصفن وترين وتر بنوح وتراه
عجيبه شلون عندي عيون وتراه
محمد تاخذه جفوف المنيه
........
يشيال النعش لاوين وانه
مرد كلبي عذاب وهدم وانه
انه الزهره حليفت نوح وانه
اودع المصطفه ابدمعه سخيه
.............
انه الحسرات دلالي اباهه
ابيه ومانفع للهم اباهه
ذليله البت لون فكدت اباهه
ونه الزهره وابي خير البريه
..........
علي الحاج الصبيحاوي
نعي
....
بويه ثاري البيت ظلمه بغير وليان
وياهو الي يسد وحشت الخلان
ظلت بس صور تحظن الحيطان
وين امشي واعاين الك نيشان
انه بلياك اعيش شلون ماكان
جنت خيمه وعلي بالشده صيوان
.....
انه الزهره يبويه وفك العيون
حاجيني اعيش بدونك شلون
انه بياحال لونعشك يشيلون
ورادوا جسمك الطاهر يدفنون
خيعون اليموت وياك خيعون
....
بويه وصيت بيه لوعفتني
يريت بعينك خلافك شفتني
تعت بيه المصايب جتفتني
انه الزهره يبويه معرفتني
....
تعالي هنا ييمه وخل احاجيج
واريد انعه عله مصابي وبجيج
هليله ابواجي انجيب طاريج
مخنوكه ونخيت وعيني اعليج
.......
بويه خلافك صفت ظلمه المدينه
تجينه لوبعد ماظن تجينه
شفت نعشك يبويه شايلينه
صحت يمه خديجه شلون بينه
من عدنه مشه غفله نبينه
ابوي وجان هيبتنه اولينه
......
بويه عله ياباب اكعد حته اتانيك
واتلكاك من تجبل واحييك
واسولفلك عله جروحي واحاجيك
يريت الموت بينه ولايمر بيك
صفت بتك يبويه محسره عليك
شفتك منطرح ومسبل ايديك
اعاين ماتحرك شعجب رجليك
اثاريك ميت بويه اثاريك
.........
علي الحاج الصبيحاوي
الف ويلاه الف ويلاه
....
رحل سيد البريه
نودعه ابهالمسيه
عمت عين المنيه
التسم حشاه...الف ويلاه
......
فلانحمل وداعه
رحل بحر الشفاعه
يولي شلون ساعه
كظت بحاه...الف ويلاه
.....
الف ويلي علينه
رحل منه نبينه
اله تنوح المدينه
بدمع تنعاه....الف ويلاه
.....
يبو القاسم هظيمه
تره الزهره يتيمه
تنادي ياظليمه
بقت تنخاه....الف ويلاه
.....
جريناله دمعنا
مصايبنا وفجعنا
ولايخلص جزعنا
ولاننساه..الف ويلاه
....
اويلي شلون حاله
رحل تاج الرساله
الكلب دمه بجاله
يريد وياه..الف ويلاه
.....
علي الحاج الصبيحاوي
وداع الزهراء ع لرسول الله ص
خل اشوفه ياعلي واشتم عبيره
هذا ابوي وسيدي وشيخ العشيره
ما اودعنه بدمع
لازم اكسرلي ظلع
هذا ابوي وسيدي وشيخ العشيره
%%%%%%%%%%%%%%%&
ياعلي خليني ساعه بس اشمه
اني ادري بدمعتي كلش تهمه
بلكي يگعد من منامه وحته اظمه
هوه ابوي وانه بنته وانه امه
گلبي حتما ينصدع
لازم اكسرلي ظلع
بعده مهمومه صرت انه الاميره
هذا ابوي وسيدي وشيخ العشيره
&%%%%%%%%%%%%%%%
ياعلي ابماي الغسل امزج دمعتي
وگبل لتشيعه المقامه ايطب غرفتي
ارد اندبنه وانوحن يا حسرتي
ما يحاچيني ويگلي كافي بنتي
صوتي اله ما ينسمع
لازم اكسرلي ظلع
كون ادفنه ابمهجتي مو بالحفيره
هذا ابوي وسيدي وشيخ العشيره
%%%%%%%&&&&&&&&&&
ياعلي بداعة علي عاين عليه
من تهيل تراب ابوي بهل مسيه
خفف اعليه الترب شابع اذيه
گله بنتك فاطمه الزهره الزچيه
بيش بعدك تنفجع
لازم اكسرلي ظلع
بالفجر لو بالظهر لو بل اسيره
هذا ابوي وسيدي وشيخ العشيره
%%%%%%%%%%%%%%%
ياعلي ابنيلي بيت ايوازي وني
حته اون الوحدي ويعمن هذني
شلي بالشوف ورحل غالينه عني
چان ساكن مهجتي والون سكني
شلون هل ون يرتفع
لازم اكسرلي ظلع
انحب اعليه ابالم ونه چبيره
هذا ابوي وسيدي وشيخ العشيره
%%%%%%%%%%%&&&&&&&
ياعلي اطلب طلب وانه الحبيبه
گمت اشوفن موتتي كلش قريبه
تدري اذتني وعلي هاي المصيبه
والجرح ما يشتفي اله ابطبيبه
ساعه البيهه اندفع
لازم اكسرلي ظلع
اليدفع الباب اتعرف ميت ظميره
هذا ابوي وسيدي وشيخ العشيره
%%%%%%%%%%%%%%%%
فاضل الغريباوي
نواسيج يالزهره ...نواسيج يالزهره
.....
هليله بدموع العين نواسيج يالزهره نواسيج
يمج تنوح الصوبين نواسيج يالزهره نواسيج
نتكابل وياج ونين نواسيج يالزهره نواسيج
حسبينه كلنه امعزين نواسيج يالزهره نواسيج
نعزيج يالزهره نعزيج يالزهره
نعزيك ياحيدر نعزيك ياحيدر نعزيك
......
بكلوب مدمع نازفه نعزيك ياحيدر نعزيك
هليله شال المصطفى نعزيك ياحيدر نعزيك
بينه المدامع جارفه نعزيك ياحيدر نعزيك
ياهو الدمعنه ينشفه نعزيك ياحيدر نعزيك
نواسيك ياحيدر نواسيك ياحيدر
نواسيك يالمجتبى نواسيك يالمجتبى
.....
كون الله لمصابه حزن نواسيك يالمجتبى نواسيك
هاي التعازي للحسن نواسيك يالمجتبى نواسيك
وي جدك نعيش المحن نواسيك يالمجتبى نواسيك
لفتنه اهات الزمن نواسيك يالمجتبى نواسيك
نعزيك يالمجتبى نعزيك يالمجتبى
نعزيك يابو علي نعزيك يابو علي
.....
يحسين هاي التعزيه نعزيك يابو علي نعزيك
للهادي هاي الامسيه نعزيك يابو علي نعزيك
بينه المدامع راويه نعزيك يابو علي نعزيك
كل عين لجله باكيه نعزيك يابو علي نعزيك
نواسيك يابو علي نواسيك يابو علي
نواسيج يازينب نواسيج يازينب
...
جدج يزينب بالكبر نواسيج يازينب نواسيج
مكسور كلبج بالزغر نواسيج يازينب نواسيج
متحزمه من هسه بصبر نواسيج يازينب نواسيج
اول مصيبه بالعمر نواسيج يازينب نواسيج
نعزيج يازينب نعزيج يازينب
نعزيك يالمهدي نعزيك يالمهدي نعزيك
......
يالغايب تندب شيعتك نعزيك يالمهدي نعزيك
لجل الرسول مصيبتك نعزيك يالمهدي نعزيك
للهادي نزلت دمعتك نعزيك يالمهدي نعزيك
كلنه نعزي المحنتك نعزيك يالمهدي نعزيك
.....
علي الحاج الصبيحاوي
تدري سمونه الروافض يانبينه
وذبحو الدمعه اعله خدنه ومابجينه
فوك التراب...عفنه جم شاب
يانبينه
........
يارسول الله بحزن نشرح قضيه
جينه نشكيلك ظلم من ال اميه
بينه عادو كل معاناة الرزيه
بين جرحين وجرح وكفت منيه
عاين بعينك علينه مارعونه
فوك اجتاف الوسيعه ذبحونه
بلايا اسباب ...عفنه جم شاب
يانبينه
........
جابو احقاد المظت واهل الظلاله
ورادو ايموت التشيع والرساله
لاكن ابدمنه كتبناهه ابساله
مايهمنه الموت واصحاب الجلاله
ندفع ابدمنه ظريبه لنهايه
وجانت احكام السيقفه بالبدايه
هذا المصاب...عفنه جم شاب
يانبينه
.....
لن نحب كرارحيدرنه الصميده
كالو الشيعي نموت ومانريده
واحنه يوميه بطفوف اتمر جديده
وثبتينه اخلاصنه بحكم العقيده
تدري بولاد الصميده ذبحوهم
وشيعة الكرارغفله فجروهم
دمهم خضاب..عفنه جم شاب
يانبينه
.....
من خميسك يانبي جرح الموالي
جم رزيه اتمرعله جرح اليالي
شرخصه دم الشيعي لعيون الغوالي
واحنه نصرخ عالمنيه هنا تعالي
نحمل هموم الاوائل والاواخر
وكمنه نتوادع اذا صبحنه باجر
نحسب حساب ..عفنه جم شاب
يانبينه
.........
يذكر التاريخ بحداثه العظيمه
واحنه بس حبك علينه اصبح جريمه
الليله نرفعلك خطاب بهالظليمه
تبجي جم طفله صفت عدنه يتيمه
امسح الدمعات من خد اليتامه
ردنه بس انعيش يالهادي بسلامه
كل كلب ذاب ...عفنه جم شاب
يانبينه
.......
ثورت حسين الرظعنه من الولاده
نكتب ابدمنه الك هاي الافاده
عدنه صار الموت تعويد وعباده
نتاني الكم باجر اتعود القياده
يظهرالموعود بجفوفه علمنه
وترفع الرايات من جفه زلمنه
ويقره الكتاب...عفنه جم شاب
يانبينه
......
علي الحاج الصبيحاوي
عظم الله اجرج فاطمه .....صعدت الروح يم رب السمه
يارسول الله ...ياحبيب الله ...يامحمد
...........
الله ايصبر دليلج من رحل طه الرسول
صبرج اجبال الرواسي بالمصايب ماتزول
شلون يتحمل دليلج والخبر هز العقول
هذا حيدر شوفي حاله ماكدر جلمه يكول
الدمع غرك عيونه .. وانخطف يالزهره لونه
ينحب وروحه ابمصابه امهدمه
............
شفتي بعيونج مصايب لوعت افراك الحبيب
والجرح خزن مأسي بيش يداوه ويطيب
ودعيتي اليوم طه وكلبج اجتاحه النحيب
دمعج ادموع اليتامه من رحل طه النجيب
شلون صبرج يالزجيه ....من رحل سيد البريه
وانتي بالونات صرتي امحزمه
.........
احنه انواسي ابدمعنه الليله فاطمة الزجيه
انكلهه ايعظم مصابج يم حسن هاي المسيه
احنه بمصابج يتامه ونجري دمعات الرزيه
يتم الدين ابغيابه وانكسر ظهر المنيه
كلهه تصرخ فاجعه .... والكلوب امصدعه
والعرش هلليله روحه امثلمه
................
هاي الكلوب الحياره اليوم يم بابج تون
شاركيناج المصيبه ونلبس اهدوم الحزن
كل محب حضر دمعته يواسي بيه ام الحسن
الله يتقبل عزانه ويقبل ادموع الجرن
صبرج ابحيدر صبح ..كلبج ابشوفه انشرح
وانتي عاللوعات صرتي امعلمه
..............
سلوت عيونج دمعتج طاحت بيوم الرحيل
عمرج الخلص مناحه ياحزن بعده يشيل
هذا طوفان الموده بالمدامع هل يسيل
شلون كلبج شنهي صبره ايودع الليله الخليل
هايه منج مقدره ........ينام ابوج اعلع الثره
وجان جبريل ايتعنه ايكلمه
..........
علي الحاج الصبيحاوي
قصيده لأستشهاد الرسول محمد ص
على لحن دمك ودم اسماعيل للملا باسم الكربلائي
يا بويه عگبك جبريل ما ينزل اعله دياري
ريت الملك عزرائيل يجمعنه عند البــــاري
ــــــــــــــــــ ❁ ❁ ❁ ــــــــــــــــــ
ريت العمر عگبك تقل ايــــــــــامه
من متت لوّن شيبــــــي كل الهامه
والسممك بعيـــــــونه حط اسهامه
يخزرنــــي ما چن بنت نبي گدامه
بالعتره وصيت اعداك واعداك شبوا ناري
ريت الملك عزرائيل يجمعنه عند البــاري
ــــــــــــــــــ ❁ ❁ ❁ ــــــــــــــــــ
يا بويه المن عگبك امخلينــــــــي
مسحات چفك چـــــــانت تسليني
هسه النذل زورگلي خدي وعينـي
وبس باقي عــــزرائيل بينك بيني
ارد اشتكيلك عالصار وتشوف اثر بسماري
ريت الملك عزرائيل يجمعنه عند البــــاري
ــــــــــــــــــ ❁ ❁ ❁ ــــــــــــــــــ
ما شفت گبلك واحـــــد امشيعينه
چتــــــــــاله بالتشييع اخذ تعيينه
صار الخليفه اليــــــــــأمر وينهينه
ويوم الغـــدير البي حصل ناسينه
چن شلت چف الصديق مو چف ابو الفقاري
ريت الملك عزرائيل يجمعنه عند البـــــــاري
ــــــــــــــــــ ❁ ❁ ❁ ــــــــــــــــــ
دارك البملاك السمه محــــــــروسه
هسه الكفر واهل الضـــلال ادوسه
مو صحبه ذول الوادم المدسوسه
زرعوا ابيتك مو مره جاســـــوسه
تنقل لأبوها الاخبــــار حتى اليمر بالطاري
ريت الملك عزرائيل يجمعنه عند البــــاري
ــــــــــــــــــ ❁ ❁ ❁ ــــــــــــــــــ
البـــاري وصى بحيدر اهوه الوالي
يحكم الغالـــي من يموت الغالـــي
وهـــــــاي السلاله تستمر للتالــــي
بيهه 12 معصــــوم چفهم عالـــي
يا بويه حيدر مجتوف ومتونه دمهن جاري
ريت الملك عزرائيل يجمعنه عند البــــــاري
ــــــــــــــــــ ❁ ❁ ❁ ــــــــــــــــــ
الشاعر سجاد الاسدي
نزله... في رثاء النبي وفاطمه عليهم السلام
فاطمة انواسيها. بالنبي انعزّيــها
بساعة الحضرت وفاته ومتثل هادينـه
كل عـلامـات المصـايـب بيّنت بجبينــه
ودع الزهره الزچيه ويلي غمضت عينه
والزچيــه تصيـح يمّـه بـويـه لتخلّينـــه
شيعه ونوافيها. بالنبي انعزّيـها
ناحـت الأكـوان كلــها للنبـي ولمصابه
مات والزهره الزچيه تبچي دم لغيابه
هيه نـور عيـونه هيه هيه اعـزّ حبـابه
ميّت وتبچي عله جسمه غرّگتها ثيابه
والدمع يچويها. بالنبي انعزّيـها
حيدر بتابـوت شاله بالحـزن واللـوعه
والزچيه تسير خلفه تنحب ومفجوعه
نـزّل المختــار بيــده للـگبـر بـدمــوعه
يشـعـر بدلّاله نـار وتستـعــر بضلـوعـه
ودعت واليها. بالنبي انعزّيـها
عالگبر طاحت تنادي والدي يالغالي
يالرحت عني وعفتني عذّبت دلّالي
يارسول الله حبيبي مادريت بحالي
لا تظن العيش بعـدك والدي يحلالي
تنحب مخلّيها. بالنبي انعزّيـها
من رحـل عنـها ابـوها فاطـمـه ظلمـوها
هجموا عليها العصابه والله ما رحمـوها
دارها دار الرســـالـة بالحطـب حـرگـوها
هيه خلف الباب لاذت فاطمه وعصروها
تنعصر تاليها. بالنبي انعزّيـها
واحنه شيعتها وخدمها للحشر ويّاها
نبقه نذكرها بدمعنـه والله ما ننساها
كل صبـاح وكل مسيــه نلعـن الاذّاها
رابـح الواله الزچيــه خـاسـر العاداها
نفعل اليرضيها. بالنبي انعزّيـها
خادم رسول الله محمد صلى الله عليه واله
سيد زيد الفحام
________________________________
وداعاً وداعا. يا رسول الله
وداعاً وداعا. يا حبيب الله
٠٠٠٠٠
غايب الهادي محمد جسمه هاليوم اندفن
مات مسموم وتواره بيد ابو حسين وحسن
ناحت الأرض وسماها مو دمع من دم جرن
كل نبي ناح لمصابه والوحي عيونه بچن
نبينه نبينه. حاشا ما ننساه
وداعاً وداعا. يا حبيب الله
٠٠٠٠٠
آه واويلي عله فگده هذا سيد الكائنات
هوه نور الله ورحمته ظلمه بغيابه الحياة
يارسول الله ونبينه نعرف اسباب الوفات
والله سمّوك بحقدهم يارسول الله الجناة
غدرهم غدرهم. چم گلب اذّاه
وداعاً وداعا. يا حبيب الله
٠٠٠٠٠
ونفجع گلب الزچيه فاطمه وظلت تنوح
من كثر ماتبچي ذابت فاطمه مابيها روح
تبچي وتنوح عله ابوها ظلت ابّين الجروح
ساعه يم محرابه تمشي ساعه يم گبره تروح
تندبه تندبه. بالدمع والآه
وداعاً وداعا. يا حبيب الله
٠٠٠٠٠
تگله يالمختار بويه آنه بنتك فاطمه
يالرحت عني وعفتني بالمصيبه المؤلمه
باچر يحرگون داري هالعصابه المجرمه
بويه ويكسرون ظلعي وبچي بغيابك دمه
حزينه حزينه. ماتت ابفرگاه
وداعاً وداعا. يا حبيب الله
٠٠٠٠٠
والوصي الكرار يبچي عالرسول وغيبته
ونفجع گلبه بغيابه عافه وحده ابمحنته
ظلمت الكرار حيدر بالسقيفه امّته
تآمروا ضده الصحابه والله نكروا بيعته
خليله خليله. بالصبر وصّاه
وداعاً وداعا. يا حبيب الله
٠٠٠٠٠
احنه هاليوم اعتنينه يانبينه برايتك
يارسول الله نواسي بالمدامع عترتك
ظلموا الزهره الشريفه من عفتها امّتك
جينه يم حيدر ولينه حته نقره مصيبتك
ولينه ولينه. يخسر العاداه
وداعاً وداعا. يا حبيب الله
سيد زيد الفحام
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
بسم الله الرحمن الرحيم
ياحبيب الباري دمعي بعدك جاري يامحمد(صلى الله عليه وآله)
*
يارســـــــول الله يــــــاخــــيرالـــــبريـــه
اليوم اطـــــــــوف ابعـالم احزان الرزيـه
ابعيني دمعه ابگلبي حسره اعله الزچيه
انتـــحب وذكربــچي حـــامي الـــــحميه
ياخليله وروحه اليوم لجلك نوحه يامحمد(صلى الله عليه وآله)
*
اليوم يم جسمك ينوح الوصــــي حيدر
حيله مهدوم القلـــــــعهه الــباب خيبر
اشماأوصف حزنه لجلك حزنه اكــــبر
لون وجهه امن الحزن يالهادي اصفر
حزنه غيرلونه تجري دم اعيونه يامحمد(صلى الله عليه وآله)
*
حيدره يالهادي تجري ادموع عينـه
وآية الأحــزان مرســومه ابـــجبيــنه
أنــتـه قرآن وتوســـد بيــــن اديـــنه
وماأشك تسمــــع يبوالقـــاســم أنينه
ايقبلك ويشمك يلهج ابذكراسمك يامحمد(صلى الله عليه وآله)
*
والزچيه يالنبــي محنتهــه مــــحنه
روحهه أنته وچنت للـــــزهره جنه
وماأظن عگبك البضعه ابدنيه تهنه
أم أبيـــهه الزاچيـــه وأم الـــمحـنّه
اتقبل ابچفينك بلهفه تنظرعينك يامحمد(صلى الله عليه وآله)
*
يانبي الرحمــه ينبـــــراس ابكماله
يالحــملت ابهمـــــه أعباء الرســاله
صدگ راحل ياشمس رب الـــجلاله
يالجمـــــالك فاق يوســـفنه ابجماله (عليه السلام)
حن يشوفك موسى يانبينه وعيسى يامحمد(صلى الله عليه وآله)
*
حگه لوحيدرجره دمـــعاته من دم
لأن چنت الكل جروح الوصي بلسم
وحگهه بنتك لوولاهه بـــعدك الهم
لأن حزن اغيابك اعله الكون خـيـم
حزنك ابكل نسمه يارسول الرحمه يامحمد(صلى الله عليه وآله)
****
تمت بعون الله وتوفيقه والحمدلله رب العالمين وصلى الله على محمدٍوآله الطاهرين
حيدركريم جارالله الكربلائي
لاستشهاد النبي الاكرم محمد صلى الله عليه واله وسلم
يبو الزهره على الاثنين ابحسره غمضت العين
على العتره والكتاب خايف من الاصحاب
ابحسره غمضت العين
*****************
شكثر عانيت من عدهم باول يوم للهجره
وشفت الويل بعد الويل امر الباري تنتظره
ابعزم دين الله ثبتّه توضح اكتابه وتفسره
نشرت العلم بين الناس الناتج معرفه وعتره
بمعنى ثاني وصيت بقران واهل بيت
بكلبك مية اصواب خايف من الاصحاب
ابحسره غمضت العين
**************
فكدت ام فاطمة الجانت سند بلصعبه والشده
وابو طالب سند ظهرك عذاب الدنيا من بعده
وحمزه الهد سيول الجيش هدّاك المرد جبده
مصايب ياما مرن بيك وحده اشد من وحده
تهجر كالوا اعليك توصي من يخليك
دسايس كلها واحزاب خايف من الاصحاب
ابحسره غمضت العين
*************************
كالوا ساحرومجنون رغم كل هذا تتصبر
كالوا شاعر وسجّاع وكالوا عنك الابتر
وكالوا من ردت تكتب من كثرالالم يهجر
عرفوا ياهو من بعدك بيهم طفح كيل الشر
نسوا كل المضه ابساع خذاهم روج الاطماع
كل حق وعدل غاب خايف من الاصحاب
ابحسره غمضت العين
*********************
تدري بعدك الاصحاب تخون كلوبها وتغدر
تنحاك الخدع والجور بغفله ينطبر حيدر
الزهره ينغصب حقها وضلعها اباب يتكسر
ومخذول الحسن مسموم عليه الناس تتغير
وبو اليمه اسف منحور بيوم العاشر بعاشور
تدري وحاسب احساب خايف من الاصحاب
ابحسره غمضت العين
*****************
يلي رحت مامرتاح بكلبك نارماتطفه
دخايلهم دغش كلها اصحاب الجور مختلفه
طبع من الجذر بيهم ابد ماجان عن صدفه
واقع حال صحبتهم رغم كل واحد اتعرفه
اثياب الصحبه غطتهم اعداك وهذي حالتهم
دمعك يجري سجاب خايف من الاصحاب
ابحسره غمضت العين
الشاعر حسن لعيبي الحريشاوي
للخاتم محمد ( ص )
يمن دله على ذاته بذاته
بس محمد يعرف حچايته
،،،،.
انته الك سبحانه باسط أيده
طه التريده انته الله يريده
الما شهد بسمك نقص توحيدة
مثل نقص البسملة بآياته
بس محمد يعرف حچاياته
...........
يا مقام الهوه يا لذاتك فرد
انتو واحد والفرق انك عبد
انته بس التعرج بروح وجسد
طابع بساق العرش بصماته
.........
داست جدامك بساط القل هوه
فرق عن النزع نعليه بطوى
الما يشمك ما عرف طعم الهوى
ترس ريته من شذى نسماته
.........
انته تصعد للوحي كل عادة
كلك اقرء شلون ونته أستاذه
العبد لا ما يعلى فوگ اسيادة
راد يعرف من حچة ما لاته
..........
گلك اقرء باسم ربك ما قريت
انته اقرء يلي مني تعلميت
جبريل لو مانوري بالذر ما اجيت
رفع أيده اوّگف اجناحاته
،،،،،،،،،،
چان يعرف بيك صح ما تنعرف
شنهي جبرائيل ويعلمك حرف
لو صدگ حاچيها چا اشگد صلف
شي اكيد احمد عرف غاياته
.......
معرفة ذات الله حددها الخبير
فقط الله وطه احمد والأمير
قسمة الواحد على ثلاثة شيصير
يعني واحد همه بحساباته
..........
،،،،،،،،
كريم الدراجي
عشرتنه انتهت صاح ويودع خليله
صار بسرعه الاوداع للعشره الطويله
حيدر يودع بالنبي ودمعاته بالعين
وبصفه زينب فاطمه والحسن وحسين
........................................................
ليلة اوداع ومناحه ومنكسر ظهره علي
من بعد عشره طويله يرحل الليله النبي
حيدر يكول لخليله حين ترحل ياهو الي
داري ضلمه اصير بعدك وانته شمعة منزلي
ضلمه الدنيه بجفاك والمدمع نصيبي
لضن بعدك ارتاح اسمع يا حبيبي
رايح حبيبي بدنيتي مثله الكه انه وين
حيدر يودع بالنبي ودمعاته بالعين
.........................................................
حيدر يسولف يكله لهايه ابد ما حسبت
ترحل وتتركني وحدي كون وي موتك متت
مو فقط فاطم يتيمه ايتام كل احنه عفت
فراك وجهك ما اكدره بليلي ابجي وما نمت
كلنه ابفكدك ايتام رايح مترجع
اكعد رادك حسين اسمع ونه اسمع
وهذا الحسن يمك كعد ما بطل اونين
حيدر يودع بالنبي ودمعاته بالعين
......................................................
هاي زينب يالتحبهه اسمع شكاعد تكول
ها يجدي ارجع النه وشابكهه امهه البتول
وحدي لا تتركني وحدي للمصايب يالرسول
وياي تحضر كون بالطف شوف شسوي الخيول
تحضر كونك وياي بالطف يجدي
ما ترحمني دنياي وابقه انه وحدي
حرك الخيم بيدي تره تخلي نياشين
حيدر يودع بالنبي ودمعاته بالعين
.......................................................
فاطمه دكلك يبويه حيل اذاني المصاب
بعد ساعه راح اشوفك تندفن جوه التراب
وارد اخبرنك يغالي حين وجهك عني غاب
هجمو اصحابك عليه ودفعو اعله اضلوعي باب
ضلعي ابابي مكسور محسن على الكاع
بجفهم خدي مصطور من صار الاوداع
ما اكدر امشي وبالضلع يا بويه كسرين
حيدر يودع بالنبي ودمعاته بالعين
.......................................................
شلون ادفنك يا خليلي تراب فوكك انه اهل
راح اعيش بدنيه وحدي وللعذاب انه اضل
للكبر يوميه احضر ابجي دمعي وما امل
وكون باحلامي انت تحضر ليه ما تكطع وصل
يمعودني ملكاك خلصت عشرتك
ما نتلاكه هيهات بيدي دفنتك
راح ابقه اتاني موتتي ولجيت البين
حيدر يودع بالنبي ودمعاته بالعين
خادمكم حسين ابو عباس الكعبي
الوداع يارسول الله الوداع
........
موحشه الليله صفت كل المدينه
ظلمه دارك يارسول الله ونبينه
تلطم الزهره يبو القاسم حزينه
شالت الاملاك نعشك ياولينه
........
بالعرش يالهادي نصبولك عزيه
عجبه مثل الناس تلفيك المنيه
الليله بالمعراج ونجوم الثريه
تنحب الاملاك كل صبح ومسيه
........
الليله صوت الدنيا ناده بلهفته
وحته جبرائل تنزف دمعته
واكف اسرافيل تنحب عبرته
نزلت املاك السماء اتلكته
.......
صاحت الزهره يبويه اموجره
ترظه يالهادي اظل امكدره
ريت اموت ولاتنام ابمكبره
بعدك الزهره تظل امحيره
.......
الليله يالهادي شمسنه مظلمه
تنحب الاملاك تصرخ بالسمه
نصبت الليله العزيه فاطمه
يجرن اعليك المحاجرمن دمه
..........
لبست الزهره حزنهه ونادتك
شالو اعله الروس بويه جنازتك
الليله وحشه من تنام بحفرتك
رايح وبعيوني تبقه صورتك
........
ياحبيب الله وفرحتي وسلوتي
ياهو بغيابك ينشف دمعتي
تكسر الخاطر يطاهه حالتي
وحشه من بعدك عليه دنيتي
......
راح اودعك بالدموع مجتفه
وياهو بغيابك دمعنه اينشفه
جرحي يالهادي اكيدا تعرفه
ياخليل الله وحبيبه المصطفه
.......
ياكلب يكدريودعك لوغبت
وانه للجناز تانيني صحت
اركظت للباب ملهوفه وطحت
بويه ماكتلي اروحن من رحت
........
علي الحاج الصبيحاوي
بهيده وي النبي لمن تشيلوه
هواي احباب عده وعيب ينسوه
......
بهيده ويه ابو الزهره الحنينه
مختنگه صفة لجله المدينه
عليه امكدره ابنيته وحزينه
الزهره اتصيح خليهم يودعوه
.......
هونك لاتنزل جثته بالگاع
رجيج الحيل مايتحمل اوداع
وياه العمر لمن رحل ضاع
مسموم وبجيكم بيه تأذوه
........
شيلوها الجنازه فوگ الجتوف
ياوسفه بجفن هليله ملفوف
خليها الزجيه اتودعه وتشوف
ملحگ للكبر لمن تودوه
........
بهيده وي حبيب الله ورسوله
خلي اتودعه ابدمعه البتوله
صارلها الدمع والونه سوله
گبره ابنص دليلي اهنا احفروه
......
تريد اتشبگه وتسولف هظمها
ابوها راح منها وگبله امها
ياهو يساعد الزهره بالمها
بس حيدر علي مهموم تلگوه
.......
محتار الوصي ومجتف ابنوح
من عده حبيبه رايد ايروح
لاظل الگلب لاظلت الروح
من شاف النبي للگبر زتوه
.......
الشاعر علي الحاج الصبيحاوي
نعي الرسول الاكرم
الزهراء تقول حينما حملو نعش النبي
.......
يل شلتو النعش ريضو عليه
ابوي وراح غفله من اديه
يريت اليوم مرتني المنيه
واموت وياك يابويه سويه
عمت عيني يبويه وهاي هيه
الوذ ابياكتر من تجفي بيه
ابوذيه
يهل شيال نعش الزين خله
عزيز وفرگته بالروح خله
بيه جم جرح من راح خله
اصبر اجروحي لو فرگاك إليه
.......
الضعيفة حال تبقه من يشدها
وجثيره اجروح گلبي من يشدها
حرت ششكي بمصابي من يشدها
غيابك لو شماتت ناس بيه
........
الشاعر علي الحاج الصبيحاوي
نودع هالمسه للباري هادينه
نودعك يالنبي بدمعتنه والاحزان
تنوح اصطفت الليله الانس والجان
ينوح اعليك كام امهدل القرأن
ياكسرت مصابك بيه تأذينه
.........
مكسوره الظهور ابفركت الهادي
من صاح المخبر بالسمه اينادي
ضجت بالبواجي السهل والوادي
نزل دمع الجبال وترس وادينه
.......
يبو القاسم فركتك تشعب الدلال
حبيب الله جثته اعله الجتف تنشال
يريت الموت لفني ولااشوف الحال
رسول الله ابنص الكبر خلينه
..........
نعزي فاطمه وحيدر نعزيهم
ومثل سيل المدامع دمعه نبجيهم
الاهي انصيح نزل صبرك اعليهم
ودمه الدمعات لجل الهادي صبينه
.......
نجريهه الدموع ابحركه لمصابك
اجت ناس التعزي اليوم يم بابك
حبيب الباري واحنه الليله احبابك
نعزيك بدكعنه وبيه تعزينه
.........
علي الحاج الصبيحاوي
نواسيك ياعلي ... نعزيك ياعلي
ياعلي مصابك جبير وبيش واسيت الرسول
من تفيض الروح بيدك وانته ماتدري شتكول
انته تنحب واحنه ننحب كامت اتنوح البتول
ياعلي صارت مناحه دمعك ايشابه سيول
نجي ليك ياعلي ... نواسيك ياعلي
.........
الليله يامحنة مصابك روحي جت امهدمه
كعدت ابهم النوايب بالونين امحزمه
صرخت وصخت حزنهه صعدت الرب السمه
انه يابويه الزجيه انه بتك فاطمه
اخليك ياعلي ..... اواسيك ياعلي
.......
نزلت الليله الملايك واست اصحاب المصاب
واعتله صوت البواجي والدمع صاير خضاب
يارسول الله مصابك احنه شوفنه العذاب
ياعلي وحشح المنازل ماترد النه جواب
نحاجيك ياعلي ..... نواسيك ياعلي
...........
تبجي الدنيا ابمصابك واعتنت كلها عليك
ياحبيب الله يغالي هذا يم راسك عليك
ينحب ودمعه يتجاره وبيده ايفرج بديك
يارسول الله يطه شلون كاع التحتويك
شنوا لبيك ياعلي ..... نواسيك ياعلي
..........
ياحبيب الزهره هايه يمك تنوح وتون
تدري ماتحمل فركتك نصبت خلافك حزن
كوم فك عينك عليهه كله كافي يم حسن
نوحج ايمرد دليلي وانه كلبي المنطحن
تناغيك ياعلي .... نواسيك ياعلي
.............
اه يا طه وحسرتي ويادمعتي النازله
بويه موانه الزجيه البيك جنت مدلله
ياهو اليصبح عليه ياهو اليكلي هله
ياهو التموت اعله شوفه بويه كلهه العايله
اباريك ياعلي .... نواسيك ياعلي
........
علي الحاج الصبيحاوي
كلَ مخلوقٌ على البطحاءُ فان...وبقاءَ اللهُ في كل أوان
ماذا يقول ...فحل الفحول..مات الرسول
.........
طلع ودموعه تتناثرعلي حامي الحمه الكرار
تحس انفاسه مخنوكه ينادي وبدليله النار
يبلغ امة الهادي ناعي اعله الجره والصار
يناس الليله ابلغكم رحل من عدكم المختار
هكذا كانَ نداءٍ بنحيب..لحبيبٌ ينعا للناس حبيب
ماذا يقول..فحل الفحول...مات الرسول
............
يصدح حيدرابصوته وينادي الليله اسمعوني
ياأمة محمد عاد بس هليله افهموني
المايقبل محمد مات خله ايشاهد اعيوني
ظيف ابحظرت الرحمن رسول الله تواسوني
انما اليومَ محمد قد رحل..وبقا في الكونِ ربً للازل
ماذا يقول..فحل الفحول...مات الرسول
.........
ذهن مايقبل الفكره حكهه الناس مكسوره
صوره للنبي ميموت جانت تحمل الصوره
منازل بيهه وحي الله غدت هليله مهجوره
ساعه مرت الاسلام جانت حيل مخطوره
ونداء الحق يعلوبالنداء..كلنا لجلك ياطه فداء
ماذا يقول ..فحل الفحول..مات الرسول
.......
حبيب الباري هليله يودع ربعه واصحابه
مصاب الكون يتلايم لون بس نذكرمصابه
يعين الفكدت الغالي تظل هليله سجابه
رسول الله ونبي الرحمه اليوم اتوسد اترابه
ليتنا كنا تراباً ورمال..وبقايا من رماداً وظلال
ماذا يقول ..فحل الفحول...مات الرسول
...........
وحشه امكدره الدنيه ومصابك فجع ادم
مجموعه الرسل تنعاك ودموع المحاجردم
مابين اليعزي الروح ومابين الحزن يرسم
صوره خطة الوجدان بيهه حيدره املثم
لم يزل ينعا بعقلٍ وفؤاد..وذهولَ القومَ زادَ والعباد
ماذايقول...فحل الفحول..مات الرسول
...........
علي الحاج الصبيحاوي
• وين ارحلت .... عني وغبت
بعدك شلي .....اه يالنبي
..........
يبو القاسم مصاب الكون كله ايزاحم ايامي
ودعتك انه ورديت خطوه اتسابك اجدامي
مكتوب الحزن وياي امشي ويمشي كدامي
حيدر والمحن والاه شدت طبكت احزامي
دمعي النزل ..... يوم الاجل
انه وهلي ..... اه يالنبي
.............
وسدتك وأنه الحسرات مابين الظلع جمره
يجويني لظى الاهات تاكل بالكلب حسره
اصبر روحي واحبابك شصبر فاطمه الزهره
يطه وداعت اعيونك ظلام الدنيه ومغبره
شفتك جرح ....ليل وصبح
اسمه علي .... اه يالنبي
........
وحك ذيج الليالي وياك كلهه اتحزمت ظدي
خانو عهدك المعهود وانباع ورحل عهدي
وانه ابطرك الوصيه اوياك وفيت وصنت وعدي
واحس شماغرفت احزان يترس دهري ويبدي
ليل المصاب ... نوح وعذاب
ماينجلي ......اه يالنبي
.........
صور منك عله الحيطان ذكره ابكل شبر منك
ليليه صدى الاحزان يسولفلي شكثر عنك
واموت ابحسرت الدلال واعيش ومارحت جنك
واكسر خاطري بجلمات واشابك وني وي ونك
دمع العيون .....فوك الظنون
ضل يعتلي ...... اه يالنبي
.................
علي الحاج الصبيحاوي
مقدمه للرسول الاعظم محمد (ص)
يـا محـمد يـا نبيـــنه ــ يصعب امصابك علينه
يا حبيب الله مصابك حيل أذانه وفجعنه
لجلك انقـيم المئـاتم ونلطم ونهمل دمعنه
ابمجلسك يابوالزچيه الله وفقنه وجمعنه
مانعوفك تدري بينه ــ يصعب امصابك علينه
العـالـــم بأســره ينــادي لا تســـافر يـا محمد
جمرة اغيابك چوتنه سيـدي ومالحضه تخمد
بعدك اجروح المصيبه بالگلب ماضنهه تضمد
اصبحت ظلمه المدينه ــ يصعب امصابك علينه
حضرت الزهره ابعزائك تلطم ومحني ظهرهه
اهـواي أذاهـه مصـابك اشـد من لوعة كَسرْهه
ليلة اوداعك مئاسي ابكل وكت يسعر جمرهه
ليلتك وحشه وحزينه ــ يصعب امصابك علينه
حيدر ابدمعاته ناده يارسول الله افجعتنه
غمضت عيـنك يغــالي جنه انتـه وفارگتنه
يالچنت منبع ترافه سافرت وسفه وعفتنه
يا محمد مـو بديـنه ــ يصعب امصابك عليمه
يارسول الله مصابك موسهل والباري يشهد
حتـى عزرائيك اجالك مستحي وعنك تردد
والاذان انسمعه ناده اشـهدُ قد غاب احمــد
بعـدك اشينفع بچينه ــ يصعب امصابك علينه
الخادم
كامل السعيدي 2018
قصيدة في رثاء رسول الله محمد صلى الله عليه واله
عالمصطفه وامصابه. ظلت تنوح احبابه
تبچي البضعه. وحيدر ينعه
عالمصطفه وامصابه
مات الرسول المصطفـه وتـغيّــر الكون
حيدر علي وي فاطمه عالهادي يبچون
بنته الوديعــه بفـرگتـه تـتـصبّـر شلون
والمرتضه گبل النبـي يتـمـنّـه مدفــون
ما تنوصف حالتهم. مات النبي وفارگهم
هاي الزهره. تجري العبره
عالمصطفه وامصابه
سيد الرسل اشـرف بشـر گربت منيته
اصحابه ضده اتحشّدوا نكروا وصيته
تحت السقيفــه تآمـروا ضد اهـل بيته
هـذا الرسـول المصطفه جهلوا قضيته
وبطاها حيدر مشغول. بتجهيزه هوه المسؤول
يغسل جسمه. ينحب يمه
عالمصطفه وامصابه
هاي الصحابه بلا خجل عافت نبيها
لجل الخلافه تجمّعت نـكـرت وليـها
بس عترته ظلت تون محّد يجيـــها
عالهادي تبچي فاطمة هيه وبنيــــها
ام الحسن مفجوعه. وحيدر تسيل دموعه
من ودّعهم. صب مدمعهم
عالمصطفه وامصابه
مصاب الرسول المصطفه اصل المصايب
بغيــابه ظلمــوا عتـرته اهـل المـنـاصــب
چانـوا صحـابه بدنيتـه صـاروا نـواصـب
بعترته وصّه المصطفــه وباچـر يحاسـب
النكرت علي يطلبها. بالمحشر يحاسبها
خل تتحضّر. الماتـتأثر
عالمصطفه وامصابه
محّد بقـه يم النبـي بيـوم المنيــــه
بس الإمام المرتضه حامي الحميـه
غسّله ولفّاه بالكفـن ذيـچ المسيـــه
ظلت تنوح عله الجسم بنته الزچيه
نعش الرسول اتشيّع. بالنايحه وبالمدمع
تبچي العتره. تجذب حسره
عالمصطفه وامصابه
عگب الرسول المصطفه وحشه المدينه
والعتـره ظلّـت بالأسَـه تبچـي وحزينـه
عالعتره اعظم فاجعـه مصيبـة نبينــــه
شافت مصايب مؤلمه من غمض عينـه
بالعتره وصّه المختار نكرت وصيته الاشرار
جهلوا فضله. ظلموا اهله
عالمصطفه وامصابه
خادم رسول الله محمد صلى الله عليه واله
سيد زيد الفحام
\\\\\\\\\\\\\\\\\\\\\\\\\\\\\\\\\\\\\\\\\\
قصيدة في رثاء رسول الله محمد صلى الله عليه واله
عله مصاب النبي بحسره. نشارك فاطمه الزهره
نهل دمعتنه وياها. فگد هادينه أذّاها
٠٠٠٠٠
بفگد المصطفه الهادي بحزنها العترة مفجوعه
حيدر والزچية بنوح والحسنين باللوعه
وجبريل اليواسيهم من دم نزفت ادموعه
يم راس النبي حيدر ينوح وناره بظلوعه
الجليل يساعد البضعه. أنين الوالد تسمعه
ابد ماگطعت ابچاها. فگد هادينه أذاها
٠٠٠٠٠٠٠٠
بگلب مملي قهر وحزان الزهره تحاچي والدها
يبويه انت خيمتنه وآنه العايشه بسدها
مُحمّد بويه بغيابك نوايب دهري شيردها
الامان وراحتي وعمري يبويه بفگدك افگدها
يريته الموت يلفيني. گبل عينك يضي عيني
دهرها الضيم راواها. فگد هادينه أذاها
٠٠٠٠٠٠٠٠٠
الزهره والحسن وحسين يم المصطفه المختار
يودعونه ويودعهم اويوصي المرتضه الكرار
ساعه ولن غمض جفنه وصعدت روحه للجبار
صوت الحق خفه بصوته وردت عالجهل اشرار
بغيابه الزهره ظلموها. بمسيل الدمعه خلوها
دمعها اليجري واساها. فگد هادينه أذاها
٠٠٠٠٠٠٠
هاشم بالحزن طلعت يم دار النبي التمت
يودعون النبي بعبرات ويلي وفاطمه انهضمت
اعلام الحزن كل دار غطّت يثرب وعمّت
حياة المصطفه الهادي بسمّ الناصبي نختمت
رسول الباري فارگهم. وناعي مصابه افجعهم
هاشم فگدت الواها. فگد هادينه أذاها
٠٠٠٠٠٠٠
احنا الليله يا مولاي نواسي بنتك البضعه
نشارك فاطمه الآلام نبچي ونسچب الدمعه
شملكم من عگب عينك منهو سيدي يجمعه
مصابك خله بينه جروح نون يالمصطفه وننعه
لون مانوصل ونحضر. نعزي المرتضه حيدر
نواسي الزهره مبچاها. فگد هادينه أذاها
سيد زيد الفحام