1502
https://t.me/joinchat/UF5AXGXBiSOFDjfP خادم الحسين ش.عبدالزهراء الركابي. @Alhosene7
قصيدة: آه يمه الولد
بصوت: كرار الكربلائي
الشاعر: محمد النواس
▪️▪️▪️▪️▪️
اااه .. اااه .. يمه الولد اااه
يبو وچـه الحلو يـل بعدك ازغيـر .. يـل ماكـو بحلاتك
چان احسابي تكبر يبني وتصير .. فـي خيمه الخواتك
رحـت مـا شابـع مـن امـك دللول .. يـاحـيـرت ممـاتـك
كاروكك الضل غاد مگلوب
يوميه اله ياخذني الغروب
ورد متعوبه بس الحيل مو حيـل .. مـن گـد ذكرياتك
اااه .. ااااه .. يمه الولد .. ااااه
———-
اول مره هيجي اوصل لهل الحال .. مدري امك شجاها
التلاگيني بچتفها الشايلـه اوليـد .. عيني اتضل وراها
الموت الأخذ روحك يمـه چـاليش .. روحي ما خذاها
چا هيه كلمن مات ابنها
توصل بواچيها الحضنها
جنت محسبه غير احساب ويـاك .. تجازي امـك رباها
ااااه .. ااااه .. يمه الولد .. اااه
اجاني حسين يبچي وگلبه مشلوع .. وحط ايده اعله عينه
شايل فـوگ متنه اگماط مگطـوع .. وگلت عبدالله وينه
اذا عبدالله جبتـه ويـاك مـذبـوح .. ليش اتضم علينه
جيب الولد يحسين جيبه
عبدالله مـا راضـع حليبه
غـيـر وكـون عينـه تبطل ادمـوع .. تعب من گد ونينه
ااااه .. ااااه .. يمه الولد .. ااااه
مـو تـدري چنت مـا نـام بالليل .. يمه اله اعله صوتك
رحت عني وبعد شيغمض العين .. يل هد حيلي موتك
حـلـم ست اشهر ومنـي تبـديـت .. يا ازغـر اخوتك
يمه شيردها ايامي وياك
من اكعد من النوم ولگاك
تعال ارجع الحضن امك يالزغير .. مناغاتك تفوتك
ااااه .. ااااه… يمه الولد.. اااااه
▪️▪️▪️▪️▪️
#اللهم_عجل_لوليك_الفرج_والنصر_والعافية
آه يمة الولد ..
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
يالفاگده اوليد 00 مثل اوليدي شاب
هاي آنه وياچ 00 شريكه بهالمصاب
راحو من ادينه وكثرو بچينه
يالفاگده اوليد
ــــــــــــــــــــــــــــــــــــــ
ماتحس بحالي اله الراح ابنهه
اعيوني الدفان كون اوياه دفنهه
عگب ابني الدنيه چا شترجه منهه
أمن الفرح حرمتني وانطتني حزنهه
جسام من راح 00 كلشي بعيني مات
واندفت اوياه 00 كل الامنيات
بلياهم صفينه وكثرو بچينه
يالفاگده اوليد
ــــــــــــــــــــــــــــــــــــــ
أهنا يالامضيعه ولد بعده بشبابه
انتي هم مثلي تحنين ابغيابه
هم تشمين وتحضنين بثيابه
امجابله اشموعه وتلطمين المصابه
ولو صار الاغروب 00 هم تتأملين
يرجعلچ بخير 00 وانتي اتهلهلين
الراح مايجينه وكثرو بچينه
يالفاگده اوليد
ــــــــــــــــــــــــــــــــــــــ
يالفگدتي اوليد آنه اوليدي آيه
اعيوني من يطلع وراه يمشن حمايه
اشگد تعبت اوياه بسهري والربايه
تالي مات وانه امشي اوي السبايه
وعيونه الاوساع 00 طماهه التراب
والزفه تشييع 00 والحنه خضاب
الماردو علينه وكثرو بچينه
يالفاگده اوليد
ــــــــــــــــــــــــــــــــــــــ
بس الاتفارگ حنين اتحن عليه
آنه ابني ذبحته اسيوف الـمنيه
مثل باقة ورد چان بمزهريه
هسه فوگ الخاصره مطبوعه اديه
خل يبچن اوياي 00 وين الفاگدات
من بعد الاعزاز 00ماتسوه الحياة
الاگلوبهم حنينه وكثرو بچينه
يالفاگده اوليد
ــــــــــــــــــــــــــــــــــــــ
ماشفت عريس زفوه اعله گبره
من احط راسي عالاوساده اذكره
كون گلبي ابحفرة اوليدي اشمره
شمعه ذوبني الهجر گطره اوي گطره
شيبني الافراگ 00 يوجع بالصفاح
من راح جسام 00 شوف اعيوني راح
بفراگهم عمينه وكثرو بچينه
يالفاگده اوليد
ــــــــــــــــــــــــــــــــــــــ
افراگهم ماينجرع وانه الجرعته
وچم ظلع من لطمتي اعله ابني كسرته
حسره ظلّت بيّه راح وماشبگته
ايصيح يُمه أمن انذبَح بس ماحضرته
ابعمر الورد چان 00 يابدر التمام
گتله بالاتراب 00 ياوسفه تنام
اشگد دمع جرينه 00 وكثرو بچينه
يالفاگده اوليد
محمد الجماسي
#اللهم_عجل_لوليك_الفرج
(موشّح) التراث الأصيل
.الــيـوم رمــلــه اتـودّع الـمـدلـولـهـه
بـعـد سـاعـه ايطيح بين اخـيـولـهه *---------------*---------------*
بـعـد سـاعـه ايـطـيـح مابـيـن العـده
وبـالـطـفـوف ايـصـيـر نـوح الـوالـده
دگـت اجـراس الـحــرب والـهَـم بـده
وكــلــمــة الـيُـمـه بــعــد مـتـگـولـهه *---------------*---------------*
اتودع ابـنـهـه الـيـوم رمـلـه ابـكـربلـه
لابـس اعـمــامـت ابــوه وأتـصـد ألــه
چـنـه زهـره بـعـيـنـهـه جــاسـم حِـلـه
اشيوخ هـاشـم حاطـتـه وشــبـولـهـه
*---------------*---------------*
چـان هـمـهـه ايـصـيـر عرسـه وزفـتـه
خـاب ضـنـهـه وراح كـلـه الـحِـسـبـتـه
كـاشــخ بــزي الــحــرب مـن شـافــتـه
عـرفــتــه امـجـاد الشـهـاده ايـنـولـهـه
*---------------*---------------*
فـجـئـه ضاع احـسابـهـه وهذا الـجـره
اشـلـون تـصـبـر والـگـلـب شـيصــبّـره
يـجـري دمـع الــعـيـن ضـلـت حـايــره
إنـحـنـت يَــمــه وتــقــوّس طــولــهــه
*---------------*---------------*
اتشاهد الـوجـه الـمـثـل نجم الـسـمـه
اتـگـلــه يـمــه ويــاك كـون الـخـاتـمـه
اشـلـون لــو رد الــولـــد يـنـزف دمــه
امـه صعـبـه ابـيـا صــبـر يـحـچـولـهـه
*---------------*---------------*
اتـگـلـه تـعـبـي اشلون انـسـه والـربـه
يُـمـه جــاسـم لـيـش گـلـبـي اتـعـذّبـه
انته بـلـسـم وانته جـرحـي اتـطـيّـبـه
اتـريـد تـمـشـي وأمـك اشمحصولـهـه
✍خادم الحسين (ع)
الشاعر رعد الجريخي
الامام القاسم ابن الحسن ع
...
جاسم ياغصن عمري
برباك انكسر ضهري
يوليدي
ردتك يانظر عيني
من اكبر تباريني
يوليدي
هوَ الولد لوصار زلمه
ايرد الربه وايداري أمه
شيبي كثر چاوين أضمه
يوليدي
...
الفگد ولد حِنه الضهر
وأنه افگدت ضوه ونظر
ربيتك داريتك
خليتك.. بعيوني الاثنين
احلامي بايامي
جسامي..رايح يالحنين
تضحيتك العمك فرض يبن الحسن ماالومك
بس آنه عود امحسبه افرح ييمه بيومك
امحظرتلك الحنه وشمع وامعلگات اهدومك
مزفوف ياكشخه وتجي شمحلاك بين اعمومك
وعماتك يهنّني
مو اسود يلبسني
يالغالي
ماعندي ولد غيرك
هستوني شفت خيرك
يالغالي
طبع الابن ورده ونشمه
ايرد الربه وايداري أمه
شيبي كثر چاوين أضمه
يوليدي
...
حلم وأنه احن إله
الابن وِنس يجي الهَله
تسع اشهر..آنه أنطر
شفت المر.. بايام الحمل
وابطني..امتعبني
امسهرني.. ومنك ماأمل
مرات اسولفلك چنت عن كربله وعن عابس
ومن تسمع بطاري السبي ابطني تضل اترافس
يابوالخدود الضاويه وجفن المليح الناعس
سواك ابوك المجتبى امعزب ييمه وفارس
صورة حل ردت منك
اشلون اتريد اودعنك
بس گلي
كلش فركتك صعبه
منو مثلي دفن گلبه
بس گلي
الغالي تره بالعين ارسمه
ايرد الربه وايداري أمه
شيبي كثر چاوين أضمه
يوليدي
...
ابيتم عشت وره الحسن
واصد الك بلا وطن
يم گبره..اتهل عبره
اتضل تقره..لطمية ورثاء
اتسولفله..واتگله
يامحله..الموته بكربلاء
بهالذكريات وهالصور تارس ييمه اعيونك
صاحب الدمعه الساكبه صدقانك ايسمونك
حَسبت يبني الزفتك ماحاسبه ايشيعونك
يالاحله من شم الهوه موتدري اموت ابدونك
من جاني خبر موتك
وجابو ليه تابوتك
فجعوني
گالو جاسم استشهد
يارمله إلبسي اسود
فجعوني
جا ياهو غيرك آنه احشمه
ايرد الربه وايداري أمه
شيبي كثر چاوين أضمه
يوليدي
...
إلبست درع إرفعت علم
لچن طفه ضوه الخيم
بكل خطوه... اتچوه
وبالگوه..گتلك يمه روح
اتوقع..ماترجع
واتفجع.. ضليت وانوح
(إني أنا أبن) الحسن لمن سمعت بهايه
گمت أبچي وادعي امن الگلب وآنه اعله الامصلايه
احسين اعله وجهه ركزت واحسين وجهه امرايه
شفتك يبمه اعله الرمل شفت الجسد دمايه
واحسينك لطم راسه
ولف انگابه عباسه
وگالولي
يارمله نشف نهرچ
الله يعظم باجرچ
گالولي
راح الاجاچ أمن الله نعمه
ايرد الربه وايداري أمه
شيبي كثر چاوين أضمه
يوليدي
...
چنت مثل نِده الصبح
صدگ صرت عله الرمح
ياروحي.. واجروحي
مذبوحي..صاير يالشباب
ياعيني واسنيني
امخليني.. ابچي ابهالمصاب
احچي اوي رمحك يالرمح انزل اگله إشويه
خلينه نتشابگ سوه مذبوح وي مسبيه
جاسم زغير وماشبع من شبگة الحنيه
مو فاتحه وحده إوعلي ديرة فواتح بيه
المات إلهه ابن حگهه
الدمعه ما تفارگهه
مجبوره
تاكل بالگلب وَنتي
واحط ايدي اعله خاصرتي
مجبوره
راح الذي منطيني كلمه
ايرد الربه وايداري أمه
شيبي كثر چاوين أضمه
يوليدي
محمد الجماسي
#اللهم_عجل_لوليك_الفرج
القاسم بن الحسن المجتبى عليه السلام 2024
اگعد يجسام
بجروحك سهام
لا حِنّه يبني ولا شمع
زفيتك بونّه ودمع
اگعد يجسام
٠٠٠٠٠٠٠٠٠٠٠٠٠٠٠٠٠٠
كل أم يجاسم للولد تتمنّه لو صار
يكبر بديها وللعرس. تتأمل اخبار
ليش اني من دون النِسَه بمصابك انهار
زفوك بسيوف ونبل يا شمعة الدار
شاب ويذبحوك
بالدم يحنّوك
بدال الفرح بيك انفجع
زفيتك بونّه ودمع
اگعد يجسام
٠٠٠٠٠٠٠٠٠٠٠٠٠٠٠٠٠٠
مثل الحسن وجهك يشع يا أحله كل شاب
خدك مثل خد الورد مو مالت تراب
لو ادري يبني بكربله يوليدي تنصاب
ما چنت اجي يبن الحسن وتحمّل مصاب
ياتعبي ورباي
ما حسّبت هاي
بالسيف نحرك ينگطع
زفيتك بونّه ودمع
اگعد يجسام
٠٠٠٠٠٠٠٠٠٠٠٠٠٠٠٠٠٠
اربعطعش عام ورحت. من بين اديه
وياك احس عمري انذبح بالغاضريه
بياذنب تتگطع وذر. بسيوف اميه
ميت وصيح بلا وعي. جاوب عليه
ما ظنت الروح
ترجعلي مذبوح
صوتك بعد ما ينسمع
زفيتك بونّه ودمع
اگعد يجسام
٠٠٠٠٠٠٠٠٠٠٠٠٠٠٠٠٠٠
ياما تعبت وساهرت. بسنينك هواي
ما ريد عرسك والفرح. بس رتّك وياي
جاسم ييُمّه بلا ابن. خلتني دنياي
عطشان ذبحوك العده. وتهنّه بالماي
يا حلو الاطباع
ضاع الامل ضاع
ذاك الشمل ما ينجمع
زفيتك بونّه ودمع
اگعد يجسام
٠٠٠٠٠٠٠٠٠٠٠٠٠٠٠٠٠٠
ما تدري رمله بياوضع امك يجسام
ما اكـدر اتنفس بعــد انفاسي آلام
مثلك يجاسم بالگلب مصيوبه بسهام
لا تغمض عيونك صحت لعيونك احتام
ما ينفع النوح
للتنزف جروح
ما ادري راسك يرتفع
زفيتك بونّه ودمع
اگعد يجسام
٠٠٠٠٠٠٠٠٠٠٠٠٠٠٠٠٠٠
متأذّي گلّي بياجرج ياشمعة البيت
ما ينحصن ياجرح اشد محتاره ظليت
گبلك يجاسم انذبح. ياما تمنّيت
ولا شوفك بهذا الوضع. سلني وتأذّيت
ما احمل فراگ
كل لحظه اشتاگ
ما يشفه جرحك يتّسع
زفيتك بونّه ودمع
اگعد يجسام
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
القاسم بن الحسن المجتبى عليه السلام 2024
عكب التعب ورباي شفتك ضحيه
صوّبني گبلك ريت سهم المنيه
٠٠٠٠٠٠٠٠٠٠٠٠
يبني تعـبـت بربـاك ليلي السهرته
عمري الگضيته وياك لجلك نذرته
تـاليــها مني تروح نـورك فـگـدتّـه
ابني ورحت ياحيف من بين اديـه
٠٠٠٠٠٠٠٠٠٠٠٠٠٠٠٠٠٠٠٠
يوليدي چنت وياي سلوت حياتي
شمعة وتضوّي البيت كل امنيـاتي
رحت وبقت بجفاك بس ذكريــاتي
ظلّيت انـوح عليـك صبح ومسيـه
٠٠٠٠٠٠٠٠٠٠٠٠٠٠٠٠٠٠٠٠٠٠
بعمر الورد ياحيف من فارگتني
ابچي وعميت العين لمن عفتني
بعدك عليّة شصار ريتـك شفتني
بس للـدمــع ظلّيت بس للأذيّـــه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
راح التـعـب وربــاي مــاي وتبدّه
يبني اليخطفه الموت ياهو اليردّه
ريـت انـدفـن ويّـــاك هــذا الأودّه
ابقه وتغيب شلون تحت الوطيــه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هسّه شعرت بجروح رمله وحزنها
من شـاهــدت بالعين ذبَحَت ابنـها
مذهـوله دم ودمـوع ينزف جفنها
جاسم ابنـها انصـاب بالغــاضـريـه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
للخيمه من جـابـوه يتجــاره دمّه
من منحره المذبوح طاحت تشمّه
من تلطم عله الراس معذوره امّه
بس هوه عدها وراح بسيوف اميّه
٠٠٠٠٠٠٠٠٠٠٠٠٠٠٠٠٠٠٠٠٠
عريس ابنها يصير ياما تمنّت
حسبت لبنهه حساب بس ما تهنّت
مو حِنّه تالي الصار بالدم تحنّت
رد للخيم مذبوح روح الزوجيه
٠٠٠٠٠٠٠٠٠٠٠٠٠٠٠٠٠٠٠
مگطع وذر جسام طبره عله طبره
رمله بگلب مفجوع تبچي عله صدره
مذهوله أم وتشوف دم يجري نحره
الاصعب وشد من هاي تطلع سبيه
سيد زيد الفحام
____________________________
رئيسية للقاسم عليه السلام 2023
گلهم بدالك خل يذبحوني
فدوه لجمالك ياضوه عيوني
بچفوفي شمعه
وبعيني دمعه
فدوه لجمالك ياضوه عيوني
...........
يجاسم يمه يا عذب الهوى اليسري
تعبت عليك حدما حدّبت ظهري
رتّـك يالـولَــــد تچّايتـي بكُبـري
وبيدك من اموت تشيلني لگبري
كل ظني تكبر يبني وتهنّه
وحضر زفافك وعجن الحنّه
تاليهه انعه
وبعيني دمعه
فدوه لجمالك ياضوه عيوني
..........
شباب اربعطش عمرك يبعد امك
اموت ولا اشوفن جرحك ودمك
لون بيدي اروح ابدالك لخصمك
يگطعوني ييُمّه وتسلم بجسمك
بعدك زغير عله الحرب يبني
بصواب نحرك لا تصوّبني
ما بيه فَجعه
وبعيني دمعه
فدوه لجمالك ياضوه عيوني
..........
اخاف عليك يُمّه امن اليحسدونك
شلون تريد اصبر من يذبحونك
لون يرضون بية وما يأذّونك
اقدم روحي فدوه وعمري لعيونك
احسبني ميته لو رحت عني
ابقه بعذابي وحسرتي ونّي
نورك اودعه
وبعيني دمعه
فدوه لجمالك ياضوه عيوني
..........
تعال اکعد ينبع المجتبه وعطره
گبل لتروح اودعك وسچب العبره
يجاسم يبني دافع عن ابوالعتره
ابوك الحسن وصّه ونلتزم امره
هاي الوصية نكتبت بقلمه
جاسم يضحّي بكربله لعمّه
لحّد يمنعه
وبعيني دمعه
فدوه لجمالك ياضوه عيوني
..........
لبس درع الحسن وثيابه وتقدّم
ودّع امه بالخيمـه وطلـع مهتم
يدافع عن امامه ويجلي عنّه الهم
لحدما ينگطع نحره ويسيل الدم
قاتل بني سفيان وتصدّر
ذلهم مثل صولة علي الأكبر
عمّه اليشجعه
وبعيني دمعه
فدوه لجمالك ياضوه عيوني
..........
انگطع شسعِ النعل لمن هوه يشدّه
اجاه بالسيف صابه الناصبي بحقده
وگع جاسم مثل ما توگع الورده
مگطّع بالسيوف ودمّه دم جده
راح الحسين لمصرعه وشافه
من گد جروحه مغيّره اوصافه
حيّرني وضعه
وبعيني دمعه
فدوه لجمالك ياضوه عيوني
............
تنزف للخيم جابوك يالغالي
شفتك يالحبيب موذّر اگبالي
طحت عليك اصيح ومنذهل بالي
جاسم يُمّه اگعد ونظر لحالي
ياجرح اشده جروحك هوايه
اكعد يجاسم وحچي ويّايه
ياسهم اطلعه
وبعيني دمعه
فدوه لجمالك ياضوه عيوني
سيد زيد الفحام
___________________________________________
مقدمة مجلس للقاسم ع 2020
من ادين الحسن يبني لأيدك
تنصر حسين بدماك يريدك
هاي الوصية هاي الوصية
..................
يجاسم يبني ياروحي ونظر عيني
وصيّة امن الحسن مابينك وبيني
كتب بيها اريد ابني يوافيني
وينصر بالطفوف حسين يرضيني
والدك وصّه بوصية قراها
يبني جاسم وفتهم معناها
هاي الوصية هاي الوصية
................
وصّاني الحسن يبني وغمض عينه
وصيتي بكربله لجاسم تجهزينه
يقاتل دون ابو الأكبر تشجعينه
يصير ابدالي ابني ولا تمنعينه
هاي ينبي كربله وحان الوعد
گوم ونصر عمك وفّي العهد
هاي الوصية هاي الوصية
.................
يعرّيس الهواشم بالحرب عرسك
مو ثوب العرس ثوب الحرب لبسك
تتحنّه بدماك وتنكسف شمسك
يجاسم گوم قدّم للحسن نفسك
صوت عمك صاح هل من ناصر
صيح لبّيك يعمٌي وحاضر
هاي الوصية هاي الوصية
....................
شباب بأوّل سنينك يبعد امك
يوردة عمري تزهي بروحي وشتمّك
تمنّيت اگضي كل باقي العمر يمّك
لچن واجب تضحّي بكربله لعمّك
روح يبن الحسن انت بداله
لا تعوف حسين يبني بحاله
هاي الوصية هاي الوصية
...............
جاسم گلها يُمّه سمعاً وطاعه
انفّذها الوصيّة وحانت الساعه
اصير بدال ابويه وشايل اطباعه
عمي حسين انصره والزم ذراعه
يُمّه عد عينچ امر امريني
روحي يُمّه ودمي فدوه لديني
هاي الوصية هاي الوصية
.................
لبس درع الحسن وتقلّد بسيفه
نزل من آل امية ياخذ بحيفه
هذا ابن الحسن يامعركة تخيفه
يختار اليريده ويضرب بكيفه
جندل الفرسان وتحدّاها
والنعم ابن الحسن ادّاها
هاي الوصية هاي الوصية
#سيد #زيد #الفحام
__________________________
قصيده حوارية بين الامام الحسن عليهالسلام وولدهُ القاسم عليه السلام
ماينوصف جمالك
ياجاسم وكمالك
ثوب العرس حلالك
ياحبيبي. ياحبيبي
...................
أستشهد بثوب العرس ثوب الشهاده
للجنة جاسم من دخل شاف السعاده
يستقبل وليده الحسن گام بوداده
ميّة هله يالنفّذت افضل عباده
وصّيتك ابمنيتي
يالنـفّـذت وصيتي
بالطف يشمعة بيتي
ياحبيبي ياحبيبي
.................
اتباها بيك وافتخر بدر الليالي
يالنوّرت جنّة عدن اهلاً يغالي
تحلالك ثياب العرس يومك مثالي
عمّك نصرته بكربله انت ابّـدالي
يالقدمت شبابك
والدم صبغ ثيابك
والحنّه من خضابك
ياحبيبي ياحبيبي
..........
اسمع يجاسم قصّتي ارويلك الصار
آنه الحسن چبدي انمرد من سمّ الاشرار
ما تدري يوليدي الجره ما عندك اخبار
مو سم احس بچبدتي مستعره بالنار
سمّوني آل اميّه
وتجرّع الأذيّه
حاضرني بالمنيّه
ياحبيبي ياحبيبي
..........
جاسم تمنّيتك شفت حالي وعذابي
اتقيّه چبدي بالطشت وكتب كتابي
تنظرني زينب عمّتك تبچي لمصابي
عمّك يصبّرها وبچه هوه لغيابي
من غمّضت عيوني
اخواني ودّعوني
بالعبره شيّعوني
ياحبيبي ياحبيبي
.............
يم جدي رادو اندفن شالوني الاخوان
عترضت عليّة ام الجمل ويّاها مروان
يبني ورمو نعشي بنبل صابو الجثمان
نفس الرموني صوّبو عمك العطشان
نفس الرموني كلهم
بطف كربله شفتهم
يوليدي قاتلتهم
ياحبيبي ياحبيبي
........
يوالدي گَلّه وبچه اصعب مصيبه
ريتك شفتها بكربله زينب غريبه
من ذبّحونه عله الثره جثثنه خضيبه
يتمرجل عليها الشمر هاي النجيبه
عكب الگمر خذوها
ياوالــدي وسبوها
مچتوفه عــذّبوها
ياحبيبي ياحبيبي
سيد زيد الفحام
_______________________________________
كربله يعني ركض فوگ التراب
كربله يعني مصاب ابصف مصاب
--------
كربله يعني ألم يگطع الروح
كربله جروح وجروح وبس جروح
كربله يعني مره ثكله تنوح
وعايشه ابلوعه واسى وحرگه وعذاب
---------
كربله يعني طفل خايف اهواي
لايذ ابأمه وهي مشدوه راي
كربله عبد الله ظامي يريد ماي
وتالي يتروه ابدمه نحره المصاب
---------
كربله يعني عرس بين السيوف
والعروس ابعينها المنظر تشوف
جاسم العريس ما بين الصفوف
امحنه من ابدماه وسف خير الشباب
---------
کربله یعني شبیه المصطفى
امگطعه اوصاله وبدر وجها إنطفه
ويمه أبوه ايصيح عالدنيه العفه
بعد عينك يا علي يبن الأطياب
---------
كربله يعني أخوا ماله مثيل
يعني خوة گمر عدنان الچفيل
امگطعه اچفوفه ودمه راسه يسيل
والعيون مصوبه ودلاله ذاب
---------
كربله يعني وفه ماله حدود
يعني غيره ويعني رايه ويعني جود
كربله چفين مگطوعة وزنود
واخو ايصيح عضيده ما يسمع جواب
---------
كربله يعني حُسين الكبرياء
نايم اعله الگاع واتسيل الدماء
مية الف آه لرزية كربلاء
حسين معشوگ الگلب فوگ التراب
---------
كربله يعني أبو اليمه طريح
كربله يعني جريح ابصف جريح
كربله يعني مره تگوم وتطيح
ومن تطيح ايحل على الناس العذاب
---------
كربله يعني أسيره اعله النياگ
اتعوف جسم اعضيدها ويبدي الفراگ
اشكثر رادت تندفن برض العراگ
بیه جسم احسينها وداحي الباب
---------
كربله يعني بنات امدللات
بعد والدهن بگن متحيرات
فاطمة تگل الرقية حسين مات
صوبوه ابسهم بيه اثلاث شعاب
----------
كربله يعني حزن أم البنين
الما بچت لولادها وتبچي لحسين
وتدري بالعباس ﻻ يسره ويمين
وفدوه لبن المصطفى زاچي الأنساب
*للشاعر والخطيب الحسيني الشيخ زمان الحسناوي*
*مكة المكرمة*
برزت من خدرها ليلى تقول
نحرك المقطوعُ أم نحر الرسول
أيها الأكبرُ قم خذ بيدي
أحرقت نارُ المآسي كبدي
لم يطق قلبيَ صبراً ولدي
و إعترى الفكر هيامٌ و ذهول
يا هلالاً غاب في برجِ الدماء
و بكت مصرعهُ عينُ السماء
كيفَ ألقاكَ عفيراً في العراء
لهفَ قلبي كيفَ داستك الخيول
لهفَ قلبي كيف ألقاكَ خضيب
داميَ الوجه على وجهِ الكثيب
يا بعيداً و عن القلبِ قريب
و قريباً مالنا منهُ وصول
أيها الثاوي على وجهِ الرمال
شجَرت أشلائُهُ تلك النبال
جدولُ الدمع دماً فاض و سال
و من الأجفانِ كالغيث هطول
ولدي أبكيكَ بالدمع الغزير
كيف بات الجسم في ذاك الهجير
في لظى البوغاء ملقاً و عفير
شَيعت جسمُكَ أطراف النصول
ميمر / مولاتي زينب عليها السلام
ام الخدر زينب هاي. هيبة علي هيبتهه
٠٠٠
ام الخدر وام الشرف والنوماس
رغم المصايب جبل ما طخت راس
عن يا مرَه انسولف وخوها العباس
ذلّت بني اميه هناك. للشام من دخلتهه
٠٠٠
ورثت شجاعة فاطمه وحامي الجار
ذلّت يزيد ابمجلسه وشاف العار
خورست كل الزلم چن ذولفقّار
رغم المحن والآلام. ما دنّگت هامتهه
٠٠٠
صح عالهزل مسبيه من چتفوها
لكن بقت مثل الجبل شافوها
زينب اميره ولا تظن ذلّوها
بضعة علي للأعداء. ما نزّلت دمعتهه
٠٠٠
يخسه اليگول الشمر زينب ذلهه
كافلهه عباس الگمر كافلهه
يا ناصبي يكدر بعد يوصلهه
لبوة بني هاشم هاي. وتحجّبت بخوتها
٠٠٠
مصرع اخوها حسين اذاها هواي
ما ضعفت گبال العدو زينب هاي
بت هازم الأحزاب وخت الوفاي
وفّت وضحّت لله ما فرحت بدنيتهه
٠٠٠
لآخر نفس تبچي وتونّ عله حسين
حدب ظهرها ونعمت منها العين
ماتت الليلة بهمها وجروح البين
بالغربه ماتت ويلاه. ما حضروا جنازتهه
سيد زيد الفحام
~~~~~~~~~~~~~~~~~~~~~~~~~~~~
قصيدة ابا الفضل العباس عليه السلام
صلّى اللهُ على العباسُ الكفيل
_
هذا ابوالغيره كفيل الهاشميه
طلعت وياه من طلع للغاضريه
هيبته هيبة علي حامي الحميه
قاهر العدوان صگّار آل اميه
اذّاها. وبچّاها. عالشاطي الزلم
بصولاته. وضرباته. يرجمهم رجم
والحومه. بعلومه. صاحت والنعم
عنده الحل بالشدد ماكو مستحيل
صلّى اللهُ على العباسُ الكفيل
_
ابو راس الحار ما يرحم عدوّه
بنار سيفه چم بطل مات وتچوّه
خوّة العباس وكت الشده خوّه
ضامي گبل حسين بالطف ما تروّه
لعضيده سيف ايده. وحزام الظهر
ماعافه. وبچتافه. شال اكبر خطر
صد عينه. لحسينه. من طب النهر
ما أشرب گلّه والقدمته قليل
صلّى اللهُ على العباسُ الكفيل
__
كافل اخته زينب وحارس خدرها
ومن يجنّ الليل يتحوّل گمرها
يخاف حتى الهوى يم زينب يمرها
لاشك يگطعه ابوالغيره بأثرها
دلّلهه. وصار الهه. حمّاي واخو
وي زينب مايتعب. كفّال وكفو
وشحدّه يتعدّه. بوجوده العدو
وصّاه بيها علي حمّاي الدخيل
صلّى اللهُ على العباسُ الكفيل
___
من تنخّت زينب بأسمه وتحزّم
اغضب العباس سل سيفه وتقدّم
سوه من روس آل امية بحر من دم
جيش امية بضربه من سيفه تهدّم
رد صايل. والعايل. داس بجثّته
لخيامه. وايتامه. تارس جربته
فرحانه. ولهفانه. اخته تلگّته
روّه طفال وحرم ماء السلسبيل
صلّى اللهُ على العباسُ الكفيل
___
يبوفاضل احنه خدامك هتفنه
بحبك وبفعالك الحلوه انشغفنه
سيدي خدمتكم وحبكم شرفنه
بهالمجالس نرضي قائمكم هدفنه
ندعيله. بكل ليله. للمهدي الفرج
نشكيله. ونفديله. ارواح ومهج
مهدينه. متانينه. مبعوث الحجج
من يظهر تعتلي اصوات الأصيل
صلّى اللهُ على العباسُ الكفيل
سيد زيد الفحام
________
فزاعية / ابا الفضل العباس عليه السلام 2024
يا عباس وينك يا ضوه العين
وين الجود خويه والعلَم وين
٠٠٠٠٠٠٠٠٠٠٠٠٠٠٠٠٠٠٠٠٠٠
عوف الماي عوف المشرعه وعود
يا عباس وينك يا ضوه العين
گلبي عليك خويه هواي ممرود
يا عباس وينك يا ضوه العين
بس لا طايح ومگطوع الازنود
يا عباس وينك يا ضوه العين
يبجي عليك ظل بخيمته حسين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينب آنه يا عباس ناديت
يا عباس وينك يا ضوه العين
اوصل لشريعه شكد تمنّيت
يا عباس وينك يا ضوه العين
گلبي عليك مثل النار ما جيت
يا عباس وينك يا ضوه العين
منين انجيب كافل مثلك منين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هذا حسين ظهره عليك مكسور
يا عباس وينك يا ضوه العين
ظل بلا عضيد وگلبه مجمور
يا عباس وينك يا ضوه العين
اذا مكطوع جفك خويه معذور
يا عباس وينك يا ضوه العين
لا ناصر ينصره ولا اله امعين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠
منهو اليحمي بعدك هاي الاخيام
يا عباس وينك يا ضوه العين
تبجي عليك هاي اطفال ويتام
يا عباس وينك يا ضوه العين
وتدري بآل أمية هواي ظلّام
يا عباس وينك يا ضوه العين
خويه شلون من يحمي الصواوين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حاطتنه آل اميه سيوف ورماح
يا عباس وينك يا ضوه العين
بين الشامت ومابين ذبّاح
يا عباس وينك يا ضوه العين
تسمع بالخيم لطفالك صياح
يا عباس وينك يا ضوه العين
كالوا طايح ومكطوع چفين
يا عباس وينك يا ضوه العين
٠٠٠٠٠٠٠٠٠٠٠٠٠٠٠٠٠٠٠٠٠٠٠
من يحمي الخيم لو شبّو النار
يا عباس وينك يا ضوه العين
لو ذبحو اخوك حسين نحتار
يا عباس وينك يا ضوه العين
تقبل شمل اخوك يصير طشّار
يا عباس وينك يا ضوه العين
وتقبل اختك اطب لدّواوين
يا عباس وينك يا ضوه العين
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شوط كربلائي ( بحر طويل )
...............
يا حسين البطل تدري
مسلم ثورة منتصرة
بلدم ضحى لعيونك
سفيرك ينطي كل عمرة
............
عن الضلم والطغيان
مسلم گاصد الكوفة
يحجي بلفخر والزود
وگال حسين ماعوفة
ابن عمك شهيد وطاح
وابقى تأمل حروفة
ميم الميدان الصامد
سين السيف لكل حاقد
لام الليث وجا گاصد
يگلك انــــــه ابديها
وبيدة تشتعل ثورة
...................
ضد كل الكفر والجور
مسلم صامد بصبرة
رايد للحسين يكون
ناصر وبقى ينصرة
ضل مثل الورد ذبلان
وللطف صار اول بذرة
صرخة بوجه الضلام
مبدئكم ضد الاسلام
كالوله حكمك اعدام
ضامي ومفطرة شفافه
وعلى امية بقى بحسرة
...................
يبقى منتصر بلحق
تضل للدوم حالاتة
لان راد الظلم ينشال
تبقى هاذي كلماتة
احد من الرمح والسيف
بوجه الاف نضراتة
وانا من بني هاشم
للاصلاح انا قادم
لاجل حسين اضل خادم
سفيرك ذاك المرتب
يگلهم خادم الزهرة
..................
وشنهو الخلد الثورة
وباقي لهسة تتكرر
لان بيها عدالة وحق
وصوت الخير فوك الشر
وللتاريخ يضل اسمه
وبكل سنه نتذكر
الثورة تنكتب باسمه
راح ويبصم بدمة
اجه ناصر لابن عمة
من فوك القصر شمروه
وطاح بجسمه علغبرة
..........................
عرفها بديرة الغربة
هاذي اخر ايامة
يعاين وبحزن يسمع
طريقة بشعة اعدامة
وسفه بكل الم يصرخ
ويشوف الناس گدامة
ماعدكم ناصر للدين
وين الگال ابايع وين
كلكم صرتو ضد حسين
حقدكم هذا ماينفع
طلعتو رجال بلغدرة
.........................
طبع عندة مثل الليث
شجاعة من علي الكرار
من كد الشبه حبوه
واليشوفه صدك يحتار
نعم عدنا رواية تگول
شبيه المصطفى المختار
اخلاق ونهج معروف
بلحگ من اجه موصوف
سفير حسين ابد ميعوف
قصة مسلم نرويها
ومنها ناخذ العبرة
....................
لخادم الحسين عبدالله الحديدي الحويشاوي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
يباوع للنجم يگـللهن حلم
اموت بكربله 00 ويشيعني الحسين
اذا صار الصبح اروحن للذبح
شهيد وبالدمه 00 احنيهه الادين
ــــــــــــــــــــــــــــــــــــــ
آنه جسّام الفدائي
حيدريٌ مجتبائي
لقبوني أمن الزغر
من الحسن عندي الوصيه
التحق بالغاضريه
وافدي لحسين العمر
حلوه الحياة اوي احسين 00 ماتسوه شي من دونه
من گبل عابس ينجوم 00 آنه الصرت مجنونه
عايش چنت أنه اوياه 00 وكل لحظه اشوف اعيونه
بكلامه ونظرته وحنانه ورقته
ملكني وماشفت 00 مثل گلبه الحنين
اذا صار الصبح اروحن للذبح
شهـيد وبالدمه 00 احـنيهه الادين
ــــــــــــــــــــــــــــــــــــــ
مابقت بس ساعه وحده
وللرحيل احزامي أشده
وامي اخافن تنصدم
اشلون اقنعهه بوداعي
وآنه لو يوگع شراعي
كل املهه ينهدم
تحسبلي چانت ايام 00 اكبر واصيرن زلـمه
بس الزمن مدري اشبي 00 ايفرق الولد عن أمه
خايف عليهه آنه اهواي 00 ما تحمل امي الصدمه
اذا جاهه الخبر تموت من القهر
خطيه التنكسر 00 يشيبّهه الونين
اذا صار الصبح اروحن للذبح
شهيد وبالدمه 00 احنيهه الادين
ــــــــــــــــــــــــــــــــــــــ
يانجوم الليل اشهدي
غاليه امي اهواي عندي
بس الاحسين الأهم
سيدي وعمي وأمامي
صعبه اشوفه بلا محامي
حاير اباب الخيم
ماقيمة الدم لو سال 00 يستاهل احسين أكثر
نصرة القـائد تكليف 00 والجندي مايتعذر
خل ينطبر راسي ابسيف 00 واعله الترب اتوذر
يجيني بدمعته واحس بشبگته
ولحد الآخـره 00نظل متشابگين
اذا صار الصبح اروحن للذبح
شهيد وبالدمه 00 احنيهه الادين
ــــــــــــــــــــــــــــــــــــــ
ياعرس يشغلني عنه
إله اسوي بدمي حنّه
وزفتي للمگـبره
بالعرس ماعندي رغبه
وي عمّي الموت احبه
نحري فدوه المنحره
واشموعي الگاهه اهناك 00 يم فاطمه امضوايه
والحسن ناصب ديوان 00 وايگلي احله احچايه
عرس الامبارك جسام 00 عفيه ابني هاي الغايه
دمانه التنتصر عله اعناد الشمر
للاجيال التجــي 00 تخلدنه السنين
اذا صار الصبح اروحن للذبح
شهيد وبالدمه 00 احنيهه الادين
ــــــــــــــــــــــــــــــــــــــ
الدنيه لا تتبع أثرهه
واحذر احذر من مكرهه
كلهه زلات وفتن
الموت باچر لو يمرنه
شناخذ ويانه الگبرنه
غير كافور وچفن
بگاع النجف لو دفنوك 00 والناس كلهه اتودعك
اتصيح ارجعوني وهيهات 00 محد اهناك ايسمعك
لا ولد ينفع لا مال 00 بس الحسين إينفعك
أخذ أعظم درس من العاف العرس
ونصيحه من ذهب 00 ترك للمؤمنين
اذا صار الصبح اروحن للذبح
شهيد وبالدمه 00 احنيهه الادين
محمد الجماسي
#اللهم_عجل_لوليك_الفرج
فزاعيه للقاسم صلوات الله عليه
اليوم صاح العباس
جاسم يبنه
الما ايعزب للضيف
موش امن اهلنه
ــــــــــــــــــــــــــــــــــــــ
والنعم من عودك وتربيته
طلعك زلمه كلف من بيته
كامل امكمل مثل شخصيته
كوم لف اعله المتن جفيته
يبن إخوته والصيت
لليفزعلنه
المايعزب للضيف
موش امن اهلنه
ــــــــــــــــــــــــــــــــــــــ
جان ابوك امعزب بديوانه
انبوس اديه وانكله يامولانه
عاش فتره من الزمان اويانه
وانته ياجاسم صرت قربانه
من كريم اهل البيت
عندك محنه
المايعزب للضيف
موش امن اهلنه
ــــــــــــــــــــــــــــــــــــــ
امعوذك إبخت الحسن يهلاله
شيل سيفك واذبح العياله
الساده همه بالحرب خياله
وآنه اريدن ضربتك كتاله
والحسين يناديك
أنته أملنه
المايعزب للضيف
موش امن اهلنه
ــــــــــــــــــــــــــــــــــــــ
اعيوني مشتهيه تشوف أفعالك
كوم غطي كربله بخيالك
من تريد اتموت اموت ابدالك
وآنه لازم ضهرك وابرالك
المات ويانه ابخيت
وانزفه كلنه
المايعزب للضيف
موش امن اهلنه
ــــــــــــــــــــــــــــــــــــــ
يبن اخوي استوه خظر ياسك
أتدنه ليه وخل ابوسن راسك
لاكن ابكد الخيام احساسك
ويسوه كل الجيش شسع امداسك
اليوم جاسم ردناك
تطلع مثلنه
المايعزب للضيف
موش امن اهلنه
ــــــــــــــــــــــــــــــــــــــ
كله عد عيناك امرك واجب
العين ماتعله ابد عالحاجب
استاذي أنته وآنه اصغر طالب
حالف اسحك بيهم اكبر شارب
الماشرد من جسام
بالحومه فنه
المايعزب للضيف
موش امن اهلنه
محمد الجماسي
#اللهم_عجل_لوليك_الفرج
نزلة للقاسم عليه السلام
رايح يذبحونك من فدوه لعيونك
امك يجسام. امك يجسام
٠٠٠٠٠٠٠٠٠٠٠٠٠
انت الهوى وانت النفس يوليدي يا جاسم
شايل صفــــات المجتبه شمعة بني هاشم
رايح ييُمّه للحــــــــــرب ما ترحــم الوادم
ادعيلك الله بغـــــــربتـي تروح وترد سالم
احذر يغدرونك. من فدوه لعيونك
امك يجسام. امك يجسام
٠٠٠٠٠٠٠٠٠٠٠٠٠
بعدك زغير عله الحرب يا نبضي ونفاسي
طعنة رمح تكسر ظهر جـرح الإبن قاسي
احساسي گلّي تنذبح ما يخطأ احساسي
رغم المصيبة والجرح بيك ارفعت راسي
جاسم يحسدونك. من فدوه لعيونك
امك يجسام. امك يجسام
٠٠٠٠٠٠٠٠٠٠٠٠٠
حـلم العمــــر تكبر الي وبرسومك اتهنّه
من تلبس ثياب العرس وعجـنـلّك الحنّه
ما حسّبت طف كــربله واللـــوعه والونّه
اتمنّه گبلك انـذبــــــح يا جاســــمـ اتمنّه
يا راحه من دونك من فدوه لعيونك
امك يجسام. امك يجسام
٠٠٠٠٠٠٠٠٠٠٠٠٠
رايح يجاسم للحـــرب گلب امك اتگطّع
ما ترحم سيوف العدو اتمنّه لو ترجـــــع
امك وصيـــح بخيمتي يوليدي ما تسمع
گالولي رمـــح الناصبي منّ الظهــر يطلع
غدراً يطعنونك. من فدوه لعيونك
امك يجسام. امك يجسام
٠٠٠٠٠٠٠٠٠٠٠٠٠
احسبني ميته لو شفت نحرك يصب دمه
مو تدري ادعي عله الهوى لو غثّتك نسمه
وشلون اشوفك منـــذبـح جاوبنـي يا يُمّه
يارب اخــذ روحـــي گبل لا ينطعن جسمه
لتظن يرحمونك. من فدوه لعيونك
امك يجسام. امك يجسام
٠٠٠٠٠٠٠٠٠٠٠٠٠
يوليــــدي شيصبر الگلب من ترجـع موذّر
بعيوني اشوفك منـــذبح صدگني ما اگدر
مثل البـدر وجهـك يشــع تاليهـــه يتعفّـــر
مو تدري گلب الأم يحس زاد الألـم أكثــر
نشمي ويعرفونك. من فدوه لعيونك
امك يجسام. امك يجسام
سيد زيد الفحام
محرم ١٤٤٧هـ
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رئيسية/ القاسم بن الامام الحسن المجتبى عليه السلام 2024
جاسم يوليدي وبسمة عيدي. ونور العين
من فدوه لأسمك. ارحم امك. رايح وين
ربّيتك بيدي وعشت وياك
ما ينشف دمعي ولا انساك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ينسخه امن الحسن بوصافه ورسومه
يوارث هيبته واخلاقه وعلومه
يجاسم يبني امك آنه مهضومه
صعب فكدك أخذني وياك للحومه
امك ورحمني. ولاتهضمني بهذا اليوم
ياخوف تذبحك. تلچم جرحك. هاي الگوم
تذبح ما ترحم يبني اعداك
ما ينشف دمعي ولا انساك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
صرت شاب شحلاتك يبني وتمنّه
ازفك بيدي جاسم يُمّه وتهنّه
ألبسك ثوب عرسك وعجن الحِنّه
لچن هاليوم عرسك ايّست منّه
من شفتك عازم. وانت القاسم تفدي الروح
فكّر بالربّت. بيك وتعبت وين تروح
شلون تفارگني بفيض دماك
ما ينشف دمعي ولا انساك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حقچ يُمّه گلهه ودمعته بخده
فراگ الأبن عالأم شده من شده
لچن بس شوفي عمي حسن ظل وحده
غريب وبالحرب غير اهله ما عنده
ألمن يا يُمّه الحيل انضمّه. وعمي وحيد
دمي وكل جسمي فدوه لعمّي. كون يريد
راح ابقه بحزني ودوم انعاك
ما ينشف دمعي ولا انساك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يجاسم شفته عمك يكسر الخاطر
من گَوم آل اميه يطلب الناصر
انهض يُمّه ونصر عمك الطاهر
انت بدال ابوك تضحًي بالعاشر
گوم انصر عمك. وبذل دمك. لجل الدين
اكثر أذّاني. ودم بچّاني حال حسين
وحده بلا ناصر واگف ذاك
ما ينشف دمعي ولا انساك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لبس زَيّ الحسن وتكشّخ بدرعه
وسل سيفه ونزل من يكدر يمنعه
كل فارس يجيله جاسم يصرعه
صبي وزلزل عساكر عجزت توكعه
ارعبهم سيفه وصار بكيفه. يحزّ رگاب
مذهول العسكر. جاسم كرر. داحي الباب
سُبحانه الخالق من سوّاك
ما ينشف دمعي ولا انساك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
آنه بخيمتــك يوليــــدي وتألّم
انتظرك تجيني ودمعي ينزف دم
حيلي بشوفتك ياجاسم اتهدم
بسيوف آل اميه مگطع مخذّم
مگطع يا روحي. ونزف جروحي. بحضني تنام
اگعد حاچيني. ولتخلّيني. يا جسّام
لو رايد روحي وتكعد هاك
ما ينشف دمعي ولا انساك
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رئيسية للقاسم عليه السلام 2023
بالدم حنّتك ما حسّبت هاي
ياروحي وحياتي وتعبي ورباي
جاسم ييُمّه مصابك يأذّيني
ألمن تروح وعدمن تخلّيني
ياروحي وحياتي وتعبي ورباي
.......
جاسم يا ثمر تعبي _وياروحي ويانبض گلبي
اباريك. اداريك
لأن ماعندي يكفيني _ ولد غيرك يضي عيني
اهم بيك. احاميك
گلت تكبر وزفّك بيدي وتهنّه
ابد ما حسّبت من دمك اتحنّه
يبني منين اجتني الفاجعه اليوم
وعليك المنية بكربله تحوم
ظلمه بغيابك ما ردتها سنيني
ألمن تروح وعدمن تخلّيني
ياروحي وحياتي وتعبي ورباي
.......
انت امن الحسن ورده _ وارث هيبته ومجده
بلخيام يجسام
شاب باول سنينك _ تنصر عمك ودينك
الك ضام. خبر هام
وصية امن الحسن تتسلّم بايدك
تنصر عمّك بطف كربله يريدك
ذاخرهن امانه اليكرم الضيف
درعه ولامته وعمامه والسيف
البسهن انت خل تشوفك عيني
ألمن تروح وعدمن تخلّيني
ياروحي وحياتي وتعبي ورباي
.......
جاسم ناده ودعيني _ بايدج يُمّه حزميني
ابو الكون. بلا عون
عمي حسين ابواليمّه _ ضده الناس ملتمه
يغدرون يذبحون
امامي حسين يُمّه وقائدي وعمي
انصره وخل اموت وينسفك دمي
(هَل من ناصر) ينادي اسمعه
ألمن حيلي باقي وما انفعه
جمرة مصابك تسعر وتچويني
ألمن تروح وعدمن تخلّيني
ياروحي وحياتي وتعبي ورباي
.......
طب للمعركة القاسم _ شدّ عله العدو الغاشم
يحيّاه. ومحلاه
چم فارس فنه بسيفه _ يتخيّر غده بكيفه
من اعداه على هواه
فناهم آل امية تعجّبوا منّه
هزم فرسانهم كلها بزغر سنّه
لوما ينگطع شسع النعل چان
يفني العسكر وماتبقه عدوان
بعدك مماتي وفگدك يبچّيني
ألمن تروح وعدمن تخلّيني
ياروحي وحياتي وتعبي ورباي
.......
براسه الناصبي صابه _ طاح بولية ذيابه
يذبحوه. يوذروه
صاح بصوته ياعمي _ صابوني ونزف دمي
يسمعوه. يأذّوه
وصل للقاسم حسين وشبگ جسمه
شاله مگطّع و رد بالولد لَـمّـه
رمله بلا وعي شبگت ابنها
مذهوله وتون وشتد حزنها
صاحت يجاسم اكعد وحاچيني
ألمن تروح وعدمن تخلّيني
ياروحي وحياتي وتعبي ورباي
سيد زيد الفحام
__________________________________________
رئيسية .... للقاسم بن الحسن عليه السلام 2022
ياتعب رباي _ حلمي ودنياي _ جاسم يبني
للموت تروح _ ياروح الروح _ جاسم يبني
امك يانور عيوني
گبلك ريت يذبحوني
........
ربّيت وتعبت هواي حدما حدّبت ظهري
صرت شاب وتسرّ الروح ونّطيتك جهد عمري
يامن للحسن وارث ياتچّايتي بدهري
تالي بكربله رايــد تسلّم للعدو امري
جسمك بالسيف _ يتگطّع حيف _ جاسم يبني
يالبعدك شاب _ مو مال خضاب_ جاسم يبني
شايلتك بين جفوني
گبلك ريت يذبحوني
........
تعال اشبگني يوليدي يجاسم خل اودعنّك
اشمّك ياهوى انفاسي. وشبع بالنظر منّك
تنتظرك بني سفيان. بواترهم يگطعنّك
ليش بياذنب يُمّه يذبحوك بزغر سنّك
عن شوف العين _ ضمّاك حسين _ جاسم يبني
مثلك ما صار _ وجهك انوار _ جاسم يبني
من انفاسك حرموني
گبلك ريت يذبحوني
........
چانت أمنية عمري. ازفك بيدي وتهنّه
بحنّة عرسك تمنّيت ومو من دمك اتحنّه
يزفّوك بنبل وسيوف جاسم ياضوه الجنّه
عرسك بالمدينة يصير مو بالحومه اتمنّه
ميتـه وياريـت _ للطف ما جيت _ جاسم يبني
ولا عيني تشوف _ ذبحك بسيوف _ جاسم يبني
يبني وبعدك يسبوني
گبلك ريت يذبحوني
........
بعدك عالقتال زغير ما تتحمّل الطعنات
وخاف عليك تتوذّر من تتوسط الرميات
بسيوف آل امية تروح تگطع نحرك الشمّات
تموت الأم يجاسم لو. ابنها الغالي طاح ومات
دمك لو سال _ اوگع بالحال _ جاسم يبني
جرحك چتّال _ يفري الدلّال _ جاسم يبني
ميته بجنبك يلگوني
گبلك ريت يذبحوني
........
ودعها وطلع جاسم. مثل وجه البدر يسطع
يهتف يابني سفيان. وكل ذاك الجمع يسمع
آنه ابن الحسن وحسين عمي وبس اله اتبع
لغير حسين منبايع. لا نقبل ولا نخضع
نـاداه حيّـاك _ عمك ويّاك _ جاسم يبني
شاب وضحّيت _ للحق وفّيت _ جاسم يبني
بالدم كلكم تفدوني
گبلك ريت يذبحوني
........
انگطع شسع النعل منه وراد يشدّه بالميدان
لن واحد ضرب راسه. وطاح توسد التربان
صاح بصوت ياعمي. طحت بولية العدوان
وصل لكن لگاه مذبوح حسين الوالد العطشان
تمـدد ويّاه _ يبچي وناداه _ جاسم يبني
جرحك بحشاي _ اذّاني هواي _ جاسم يبني
وبتگطيعك فجعوني
گبلك ريت يذبحوني
........
شاله وللخيم جابه ورمله اتلگته امه
طاحت تبچي مذهوله تعد بجروحه وتشمّه
تصيح بصوت يوليدي لبنهه الگطعوا جسمه
تشوفه مگطّع ومذبوح صبغت راسهه بدمه
شيفيد النوح _ نحرك مذبوح _ جاسم يبني
عمرك ما طال _ جرحك لا زال _ جاسم يبني
خابت يوليدي ضنوني
گبلك ريت يذبحوني
@zaidzai
سيد زيد الفحام
________
قصيدة كعدية في مصاب القاسم عليه السلام 2020
جواب قصيدة( يمه ذكريني)
ياضوه عيوني عمري من بعدك عذاب
لا تـظـن اهنـه ونسه ايّـام المصـــاب
امك يجاسم ما يرحموها
للسبي بعدك اگطع دروب الغياب
لا تـظـن اهنـه ونسه ايّـام المصـــاب
............
اسمعت جاسم وصيتك گطعت گلبي الوصيه
ياحبيب امك يغالي. يعني رايح هاي هيه
ياصبر ينفعني گلي لو رحت يبني امن اديه
جاسم يسبّاح الگلب
مو تدري بفراگك صعب
تتركني بديار الغرب
ما يرحمون ال اميه
هاك اخذ گلبي درعك بسوح القتال
خل يصوبونه وللخيم سالم تعال
فدوتك روحي خل يصوبوبها
للسبي بعدك اگطع دروب الغياب
لا تـظـن اهنـه ونسه ايّـام المصـــاب
..........
لا تظن انساك يبني شما شفت شبان بعدك
يا شباب الما تهنّه وبالعطش ممرود چبدك
منهو مثلك بالبريه واحمد المختار جدك
وارث ابوك المؤتمن
وجهك مثل وجه الحسن
ما انصف وياك الزمن
يمشي يالمحبوب ضدك
شفكّرت بيّة ياثمر تعبـي وربـاي
يابــدر ليلي ظلمه من بعدك سماي
زهرة سنيني لا يگطعوها
للسبي بعدك اگطع دروب الغياب
لا تـظـن اهنـه ونسه ايّـام المصـــاب
..........
حسّبت جاسم ييُمّه للعرس بيدي ازفّك
مو اودعك للمنيه وبالسيوف يصير حتفك
مو بدم چفك يجاسم ردت حنّه تلوح چفك
ياوسفه ماصار الحلم
للموت اشوفك محتزم
بثوب الشهاده مبتسم
حايره بياحال اوصفك
بالحرب عرسك تنزَف ابّين السيوف
يبني مو حنّه بدمك تحنّي الچفوف
انذبح دونك لو يقبلوها
للسبي بعدك اگطع دروب الغياب
لا تـظـن اهنـه ونسه ايّـام المصـــاب
..........
گلها يايُمّه اعــذرينـي ادري ما تنسيني ادري
حسين عمي بلا مناصر. لو تركته شنهو عذري
والحسن وصّه بوصيته افدي للمظلوم عمري
مأجوره يُمّه عله التعب
موقفچ تاريخ انكتب
ربّيتي ورباچ انحسب
يُمّه عند الزهره ابشري
رايـح بدمي انصر حسين الغريب
قدوتي الأكبر ارجـع مـوذّر خضيب
قصتي احچيها لليسمعوها
للسبي بعدك اگطع دروب الغياب
لا تـظـن اهنـه ونسه ايّـام المصـــاب
..........
والنعم منك يجاسم يبني ما امنع جهودك
والحسن وصّاك يبني نفّـذ شما راد عَودك
ضحّي للمظلوم دمك. ونذخر لليوم زودك
مكتوب اشوفك تنذبح
راسك اشوفه عله الرمح
وبجرح نحرك انجرح
روح وفّيله بعهودك
آنه وي زينب انسبي بيد الطغاة
احسب لموتي بعدك شتسوه الحياة
امك تندبك من يضربوها
للسبي بعدك اگطع دروب الغياب
لا تـظـن اهنـه ونسه ايّـام المصـــاب
..........
لا تعوف حسين يبني واجب تنصره وتعينه
عاين وشوف ال امية بالسيوف محاوطينه
روح قاتل دونه يبني ولا تفكّر بعد بينه
گاللهه ابشري وشبگته
للحرب راح بلامته
لحسين ضحّه برگبته
جاسم وماعاف دينه
وذٌروا جسمه دون ابواليمّه الشهيد
للخيم جابه. مخضّب بدم الوريد
امه وتودعه خل يعوفوها
للسبي بعدك اگطع دروب الغياب
لا تـظـن اهنـه ونسه ايّـام المصـــاب
#سيد_زيد_الفحام
______________________________
واويلي على المظلوم_
واويلي على المظلوم ** واويلي على المظلوم
ــــــــــــــــــــــــــــــــــــــــــــــــــ ـــ
زينب نـــادة اللـــيله .. واويلي على المظلوم
ودمع الفاجعه اتسيله.. واويلي على المظلوم
ماظل والـــي تشـكيه.. واويلي على المظلوم
من الفعلته هالگـــوم.. واويلي على المظلوم
ــــــــــــــــــــــــــــــــــــــــــــــــــ ــ
صاحت مـن مصيبـتهه .. واويلي على المظلوم
اشحال الفاگده اخوتهـه .. واويلي على المظلوم
المن تبــدي شـــكوتهه .. واويلي على المظلوم
وذبحو كل زلمها اليوم .. واويلي على المظلوم
ــــــــــــــــــــــــــــــــــــــــــــــــــ ـــــ
حسيـن اتــصيح يالوالي .. واويلي على المظلوم
خويه عـــايــن الحـــالي .. واويلي على المظلوم
والله انصـــاب دلالــــي .. واويلي على المظلوم
وگلب اختك صفه مالوم .. واويلي على المظلوم
ــــــــــــــــــــــــــــــــــــــــــــــــــ ــ
اشحال اختك يواليهه .. واويلي على المظلوم
من الشـــمر يسبــيهه .. واويلي على المظلوم
وبسيـــاطه يــأذيـــهه .. واويلي على المظلوم
وين البالـــخدر ملزوم .. واويلي على المظلوم
ــــــــــــــــــــــــــــــــــــــــــــــــــ ـــــــ
من شــــافت ابــو اليمــه .. واويلي على المظلوم
جســــمه سابــح ابـــدمه .. واويلي على المظلوم
اجت يم نحــره تشـــتمه .. واويلي على المظلوم
اوياي اتگله ريت اتكوم .. واويلي على المظلوم
ــــــــــــــــــــــــــــــــــــــــــــــــــ ـــــــــ
تحـــن ومــا ســـمع حنـــها .. واويلي على المظلوم
نوايـــب فگـــده صـــابنـــها .. واويلي على المظلوم
انگــطع مـن الاخـــو ضنها .. واويلي على المظلوم
وحزنها اعله الوجه مرسوم .. واويلي على المظلوم
ــــــــــــــــــــــــــــــــــــــــــــــــــ ـ
تجري ادموع عيــناها .. واويلي على المظلوم
فـــگــد الاهـــل اذاهـا .. واويلي على المظلوم
عـــالتــربان ولــــياها .. واويلي على المظلوم
وظلت بالخياتم اتحوم .. واويلي على المظلوم
ــــــــــــــــــــــــــــــــــــــــــــــــــ ــــــــ
خادم الحسين حيدر تركي الكربلائي
رقية ليلة العاشر
رقيه أعله الوساده مالگوها
طلعوا بالخيم يتفگدوها
ليل وچن ظلام الغاضريه
ولن ضجه ابحريم الفاطميه
بس لا ضاعت وتاهت رقيه
وأبغربة الهيمه إيضيعوها
§§§§§
عليها إيدورون ابخيمه خيمه
الدنيا مظلمه والگاع هيمه
بعدها امدلله ماهي يتيمه
شلون اتضيع بين الدللوها
§§§§§
سمعوا صوتها ورقة لحنها
تلولي وغافي عبدالله أبحضنها
بلچي إمن الرباب إيدر لبنها
لو مايتحصل وإتروي أخوها
§§§§§
يسمعون الدللول الدللول
عدوك يعبدالله ساكن الچول
يعبدالله يالمسنع يمدلول
ويسمعها أشتگول حسين أبوها
§§§§§
إجاها ومن حضنها الطفل شاله
المهده وشاف رقتها أعله حاله
حضنها وغده إيحاچيها ابدلاله
وأشمحله سوالفها اويه أخوها
§§§§§
أبحضن حسين وشمحله المحاچي
عمر الورد ماتعرف بواچي
وأبو السجاد عينه أعله التراچي
يدري إخلاف عينه إيسلبوها
§§§§§
اهي إتسولف وأهو اعيونه الحسنها
ورده والعطش ذبل غصنها
وراح إيزورگ السوط ابمتنها
ويچتفها الحبل ويعذبوها
§§§§§
گاللها عمامچ وأخوتچ هاي
باچر تنذبح بالمعركه اوياي
وآنه ينذبح راسي من اگفاي
وبالحافر اضلوعي إيكسروها
§§§§§
اريد اتواعديني ابهالوصيه
عينج لاتشوف الصار بيه
لوذي بذرى عمتچ يارقيه
تراهي الحرم كلها إيسروها
§§§§§
يبويه الگوم خوفي يعرفونچ
عزيزة گلب ابوچ ويضربونچ
يابويه العِده ما يرحمونچ
وأغصونچ الترفه إيذبلوها
§§§§§
الزمي ابثوب زينب عمتچ حيل
اخاف اعليچ بويه ادوسج الخيل
يبويه وياخذچ ويضيعچ الليل
وماتلگاچ عمتچ لو خذوها
§§§§§
آخر نومه عندي الليله يبابا
ابحضني اوباچر ابحضن الترابه
فرگه والوعد بآخر خرابه
إجوا بالطشت لاگت راس ابوها
العباس عليه السلام
لا تعتذر حامي الخدر. اسمك يراعي الغيره
يابالفضل. لا ما تذل اختك تظل اميره
يعباس يالوفيت اويايه
يعباس. فزعتك بالرايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ما قصّرت بعيونك امخليني
منّ المدينة لكربله امباريني
جان العهد ما بينك ومابيني
لآخر نفس يابالفضل تحميني
هذا الحصل بالطف ينور سنيني
بگطع الچفوف بكربله توافيني
نعم الاخو. والله وكفو. كافل خدر خواتك
بيك افتخر. سور وستر. ياخويه من صفاتك
يعباس. يالجمالك آيه
يعباس. فزعتك بالرايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وارث علي يمرجّف الخيّاله
حد الخيم محّد كدر يدناله
سيفك مثل يوم الحشر وهواله
هز عسكر يزيد وعبر زلزاله
يحصد رگاب اهل الكفر بفعاله
موت الزلم يالخزرتك چتاله
يوم الحرب اسمك رعب ما يثبت اليسمعه
نار وغضب. تكطع رگب. اكبر عدو تصرعه
يعباس. مو قليل هوايه
يعباس. فزعتك بالرايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لمن رحت والراية فوك امتونك
لماي النهر ما كدروا يمنعونك
كلّ آل اميه شردوا يهابونك
يابالفضل ما ترحم ايعرفونك
وجه لوجه ما كدروا يلاگونك
غير الغدر ما عدهم يصدونك
لوله الغدر. ما ظل شمر. يم النهر تفنيهم
ما تنثني. ولا تنحني نازل غضب عليهم
يعباس. ما خلفت حچايه
يعباس. فزعتك بالرايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينب أنه وكافلني انت بزودك
ما مسنه ضيم ولا ضمه بوجودك
ما نعطش ونروه بفضل مجهودك
حدما طحت نشرب عذب من جودك
اعرف غدر كطعوا يخويه زنودك
عالمشرعه بالدم وفيت عهودك
تارك اثـر. يم النهـر. عهد اختك الوفيته
انتي الوفي. وبيك اكتفي. غيرك فلا نخيته
يعباس. حققتها الغايه
يعباس. فزعتك بالرايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لمن طحت عالمشرعه وطاح الواك
للمشرعه حسين الغريب اتعنّاك
خويه انكسر ظهري ابمصابك ناداك
تمدد على جرف النهر خويه وياك
انت الطلبت عله النهر تبقى هناك
ما قصّرت يابالفضل ما ننساك
مهما حصل. كافل تظل. ميت عدل كفيلي
مثلك ابد ما صح سند. نعم الاخو وخليلي
يعباس. هاشميتك هايه
يعباس. فزعتك بالرايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مسامحتك آني باليصير علية
زينب أنه وما انكسر علوية
لا ما اذل والراضية المرضية
تعرف مقامي والشموخ البية
صح عالهزل متچتّفه ومسبية
ابقى الاميره بكل زمن محمية
رغم السبي. بنت النبي. يكفيني راسي عالي
لبوة علي موقف الي ما ينمحي يغالي
يعباس. مثلك امربايه
يعباس. فزعتك بالرايه
سيد زيد الفحام
محرم ١٤٤٧هـ
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ميمر // شجاعة اباالفضل العباس عليه السلام
زينب اجت للعباس. جابتله جربه ورايه
..........
يابالفضل جيتك يروحي ورجواي
اطلب طلب وعرف بطبعك وفاي
اطفال اخوك حسين محتاجه الماي
شده وصعب حلهه يكون إلا عله ايدك هايه
........
گاللهه امري ادلّلي ودگ صدره
ألماي اجيبه لخيمتج والزهره
ياويله واليمنعني اكسر ظهره
امن العلگمي املي الجود. ورَوي الطفل من مايه
.......
گالتله گدها والنعم يا عباس
انت الكفيل وبالشدد رفعة راس
ساقي العطاشة سقينه يابوالنوماس
راية علي ترفرف دوم بچفوفك امعلّايه
........
سل سيفه عباس وهجم عالعدوان
شردت زلمهه وخيلهه امن الميدان
شي ماتت وشي نامت عله التربان
طب للنهر يملي الجود دگ عالشريعه الثايه
..........
ماي النهر بچفوفه لمن شاله
عطشان وجه حسين يتراواله
ماشرب رد بالجود يروي اطفاله
مو غايته يشرب ماي. يرضي الامام الغايه
.........
رد للخيم عباس والماي وياه
لعبدالله راح الضامي شاله وروّاه
وروّه اليتامه العطشت بچف يمناه
وخته العقيله تحيّيـه ما يخلف الهه حچايه
.........
گال ومثل ما گال سوه الكفّال
بالجربه جاب الماي روّه الاطفال
ذل آل امية عله النهر لمن صال
روس وجثث سوه الجيش عالمشرعه مدمّايه
سيد زيد الفحام
_''''________
قصيده نزلة في رثاء الإمام العباس عليه السلام
تصيح الهاشميه يسبع الغاضريه
نريد الماي نريد الماي
................
زينب تعنت لخوها تصيح يحماي
جابت الجربه بديها بديها تطلب الماي
خويه عطشانه اليتامه والحرم هاي
ماكو غيرك بالكلايف لخته وفاي
يبن حامي الحميه يسبع الغاضريه
نريد الماي نريد الماي
...................
من سمع عباس صوت اخته الجليله
طلع منّ الخيمه مسرع للعقيله
ياهلا بأختي الأبيّة والأصيله
سهله هاي الطلّبه طلبي المستحيله
وفي وكلّك حميه يسبع الغاضريه
نريد الماي نريد الماي
……………………
وسفه بوّجودي اخلّيكم تعطشون
راح اجيب الماي وانه بهاي ممنون
إلّا اگص الرّوس لجلج وفگس عيون
بسيفي راح افنيها كلها ومايظلون
جثثهم عالوطية. يسبع الغاضريه
نريد الماي نريد الماي
……...................
والنّعم گالتله انت بهاي معروف
انت موت الزّلم منك يرجف الخوف
آل اميّة من تشوفك تزحف زحوف
من تجيها صفوف تبقه ادّوس بصفوف
تهابك آل اميه. يسبع الغاضريه
نريد الماي نريد الماي
………………………
اغضب العباس وتعنّه عله مُهره
سيفه يلمع بالشمس والرايه خضره
تعنّه صوب النهر والجربه عله ظهره
سوّه من دم آل اميّه الگاع حمره
عذاب الناصبيه. يسبع الغاضريه
نريد الماي نريد الماي
……………………………
هذا ابوالغيره فزع عالماي فزعه
منهو يگدر يوگف بوجهه ويمنعه
عجزت الفرسان كل فارس يصرعه
لو لزم راس العدو بيده يقلعه
يصگّار المنيه. يسبع الغاضريه
نريد الماي نريد الماي
…………………………
بزوده طب للماي والجربه بيمينه
يملي بيها وماشرب حامي الظعينه
تذكّر حسين وعطاشه امناطرينه
واليتامه تصيح عمنه الراح وينه
تناديلك رقيه. يسبع الغاضريه
نريد الماي نريد الماي
………………………
وفّه بعهوده ورجع يروي الضمايه
زينب تنادي هلا بصاحب الرايه
الماي جابه وشربت الاطفال مايه
گلها خلّيت الزلم تبچي ورايه
كفو گالتله هيه. يسبع الغاضريه
نريد الماي نريد الماي
سيد زيد الفحام
_________
نزلة/ ابا الفضل العباس عليه السلام 2024
ابوفاضل من توجّه للنهر
الموت اجاكم صاحوا وشاع الخبر
يا شمر يدناله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شد على الشگره وهجم/هاشمي وبيده العلم/والغضب بعيونه
هذا ابن فارس مضر /توجّه لصوب النهر /فنهم يلاگونه
رجفت خيول وزلم / طرها ابوالغيره الشهم/والشرد خيعونه
يطگ راس براس گام بسطرته
ترجف گلوب الزلم من خزرته
يرعد بزلزاله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نبط عرگ الهاشمي/وفل حصار العلگمي /ومجزرة سوّاها
طبگ سبع الگنطره / الميمنه عالميسره/تبچي دم خلّاها
صاحت الغوث العده/والذبح حل موعده/عالنهر ذلّاها
خيل تردم خيل خلّاها الكفيل
وگام يذبح بالزلم وين الثگيل
ترجف امن خياله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اخو زينب والنعم/يهزم وما ينهزم /يذبح بفرسانها
صور من ارض الحدث/روس توگع عالجثث/فارگت ابدانها
ابوفاضل بيها طب/يحصد بسيفه الرگب /ونهزم شيطانها
سوه بيهم ملحمه وطب للفرات
ترس جِوِده بماي غصبن عالطغاة
وتجّه لعياله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يترس الجربه حلف/والنهر شافه رجف/ضل يبوس چفوفه
للعساكر من طلع/ والهوى عليها انكطع /الموت هوه تشوفه
ابوفاضل لو زعل / احسب الجيش انقتل/اسوّه بيهم خوفه
مواعد اخته بماي يرجع مستحيل
إلا يملي الجربه ابن حاحي الدخيل
يروي كل طفاله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابوفاضل ماله ند/سحك روس اهل الحقد/ومارحم عدوانه
هاشمي وفّه العهد /رجع بالماي الأسد /لعيلته العطشانه
ما يمس زينب ضمه/ لا وحك رب السمه/ماتظل حيرانه
گال اجيب الماي جابه امن العدو
ورتوه عبدالله من چفه وكفو
والرمح من شاله
شردت الخيّاله
الموت اجاكم صاحوا وشاع الخبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
گدها حامي ختك يخوي/كفو منك يبن ابوي/هلا ياحامينه
بجربتك يابوالبخت/حرم وطفال ارتوت / بچفك اتروّينه
گلهه يختي ادلّلي / آنه بن حيدر علي/ يحصل التردينه
شنهي يختي الماي ويمنعوه عليج
إلا اخلّي النهر يركع بين اديج
بخزرته الچتّاله
شردت الخيّاله
الموت اجاكم صاحوا وشاع الخبر
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠