17039
◾پێگەی هونەری و زمانپارێزیی کوردینووس کوردینووس لە تۆڕەکۆمەڵایەتییەکاندا: https://campsite.bio/kurdinus
🖥 وێنەی تایبەتیی کوردینووس وێڕای ڕۆژژمێری مانگی ڕێبەندان، بۆ کامپیوتێر و لەپتاپ (ژماره ٣).
➿ @Kurdinus
🖥 وێنەی تایبەتیی کوردینووس وێڕای ڕۆژژمێری مانگی ڕێبەندان، بۆ کامپیوتێر و لەپتاپ (ژماره ١).
➿ @Kurdinus
بۆچ دەمکوژی بە عیشوەی چاوی بازت؟
بەینێکە من بوومە مەحرەمی ڕازت
قەسەم بەو چاوانەی نێرگزی نازت
ئای ئەمان ئەمان، نەیکەی ئەمان
دەردی بێ دەرمان ئەمان
لەسەر چی های لێمان زیزی شیرین گیان؟
➿ @Kurdinus
گۆرانیی کوردیی کۆچەر بیرکار و هاوسەر و کوڕەکەی لە زانکۆی نێونەتەوەیی شین‌هوا.
➿ @Kurdinus
🎼 #شەوموزیک (ژماره 714) بە دەنگی لەیلا فەریقی.
➿ @Kurdinus
سەر کە جۆشێکی نەبێ، من زرکەتاڵم بۆ چییە؟
دڵ کە هۆشێکی نەبێ، شووشەی بەتاڵم بۆ چییه؟
➿ @Kurdinus
«مەحوی»
📚 #کورتەچیرۆک: مارلین
نووسەر: شێرزاد حەسەن
خوێندنەوە: فائیزە مەحموودی
➿ @Kurdinus
کۆچی کوردان وا بە کاروان دێ لە ڕێی شارانەوە
ڕۆژ بە باری قورس و برسی، شەو لە بەر بارانەوە
نیشتمانی خۆمە دەیپێوم، پێم دەڵێن ئاوارەیە
گەرچی بێ ڕەشماڵ و پێخواس، سەر بە کۆسارانەوە
رێگە دوور و خێڵ ماندوو و لێوبەبار و پێ‌پەتی
چاو بە ئەسرین دێنە پیری کۆچەکەی یارانەوە
نایە سۆزی دەنگی گۆرانی، هەوارە و کۆچی سوور
کاروان گوێی داوە بە ناڵەی بریندارانەوە
بۆ مناڵێ تەرمی دایکی خۆی بەجێ دێڵێ و ئەچێ
ئاسمان دەگری، مەلان دەگرین بە سەر دارانەوە
دەنگی تۆپ و تیری دوژمن دێ لە شوێنی کۆچەوە
جێ‌هەواران وا بە دەستی سووری زۆردارانەوە
@Kurdinus
«شەریف»
چاوت ئەستێرەی شەوێ
کوڵمت دەندووکی کەوێ
باسکم بۆ بکە بە سەرین
بەجووت خەومان لێ بکەوێ
لە خودا دەکەم تەمەننا
مەرگم وەپێشت کەوێ...
➿ @Kurdinus
🎼 #شەوموزیک (ژماره 712) بە دەنگی عەزیز شاڕوخ.
➿ @Kurdinus
➿ @Kurdinus
ئەگەر دیسان
خوا لاویمان بداتەوە
وەک خەڵاتێکی ئاسمانی؛
ئەگەر سروشت
پڕاوپڕمان بکاتەوە
لە کڵپە و گڕ، شێتی و جوانی؛
ئەمجارەیان لە پێناوتا
کام بەر حەرامە، ئەو دەخۆم
کامە یاسا ئاسمانییە، ئەو دەشکێنم
ئەمجارەیان
لم‌ولیتەی بنی دەریاش حەشارت دا
وەک مرواری دەرتدێنم
خۆم ڕادەستی قەدەر ناکەم
دنیاش دەستم لێ بەربدا
هەرگیز دەستت لێ بەرنادەم
ئەمجارەیان
نیوەشەوێک
کە تاریکی تیخ نەیبڕێ و
سروشت هەمووی بە پێوە بێ
بەفر تا چۆکان کەوتبێ
با و بۆران و کڕێوە بێ
بە هەسپێکی برووسکەیی هەڵتدەگرم
کەژ بە کەژ و
یاڵ بە یاڵ و
نەواڵ نەواڵ دەتڕفێنم
هەر شەوێک و لە کونجێکا قۆناخ دەگرین
تا وڵاتێک بۆ خۆم و خۆت دەئەفرێنم
لەوێندەرێ
قەت ناهێڵم
شوێنێک هەبێ لە لانەکەی ئێمە کڕتر
قەت ناهێڵم
کەسێک هەبێ لە تۆ شاد و تەڕوبڕتر
لە من شێت و ئەڤیندار و بەرزەفڕتر
هەموو ڕۆژێ
بە لوێچی دەست
شیلەی هەورت لە دەم دەکەم
شێعر لە سەر قەدی داران دەنەخشێنم
هەر برووسکێک چەخماخە دا
ڕێی لێ دەگرم
گڕی پەتیی لێ دەستێنم
هەزار خۆزگە
دیسان لاوی
ئارایشتی دەداینەوە
وەک خەڵاتێکی ئاسمانی
هەزار بریا
دیسان تژی دەبووینەوە
لە کڵپە و گڕ، شێتی و جوانی...
➿ @Kurdinus
«پەشێو»
زولفت شەوگاری درێژە
شەهیدی عیشقم لەمێژە
وەرە لە سینەت بمنێژە
🎶 فواد یاره
➿ @Kurdinus
تکایە بە بڵاوکردنەوەیان یارمەتیی کوردینووس بدەن بۆ پەرەپێدانی بەکارهێنانی زمانی دایک 🌻
Читать полностью…
📱 وێنەی تایبەتیی کوردینووس وێڕای ڕۆژژمێری مانگی سەرماوەز، بۆ موبایل (ژماره ٨).
➿ @Kurdinus
🖥 وێنەی تایبەتیی کوردینووس وێڕای ڕۆژژمێری مانگی ڕێبەندان، بۆ کامپیوتێر و لەپتاپ (ژماره ٢).
➿ @Kurdinus
زمانم شەق دەبا یەک دەم ئەگەر بێت و نەبا ناوت
بە کوێری دادەنیشم گەر لە بەر چاوم نەبێ چاوت
لەبەر تەشریفی ڕێگەی تۆ نەبێ، بۆ چیمە نووری چاو؟
سەرم لازم نییە لازم نەکا بینێمە پێناوت
لە داوی زولفتا وەک دانەیێکی جازیبە خاڵت
کە دڵ وا ڕادەکێشێ تا دەگاتە حەڵقەیی داوت
وەکوو مەجمەر سەری کوڵمت بە ئاهم هەڵدەگیرسێنم
بسووتێ با وەکوو عەنبەر سەراسەر پەرچەمی خاوت
تەبیبی دەردی هیجرانی، منیش بیمار و مەهجوورم
کە هاتی، دێتە دەر ڕۆحم لەباتی ئەجری هەنگاوت
کە بۆ نەخچیری دڵ چاوت غەزالانە دەگێڕی تۆ
لە پارێزام منیش جانا، وەکوو سەییادێ بۆ ڕاوت
وەکوو خەڵقی دەڵێن بێ‌قەولە، ئەمما هەر لە ئیڵتافا
لە جەورا حەمدی تەنها شاهیدە بۆ عەهدی نەشکاوت
@Kurdinus
«حەمدی»
مرۆڤ دایکی لەبەر ئەوە خۆش ناوێ و ڕێزی لێ ناگرێ چون بۆ نموونە زانایەکی بەناوبانگه، نووسەرێکی گەورەیە، ژنێکی ناودار و جیهانییە، چالاکێکی مەدەنیی ناسراوە و هتد. خۆشی دەوێ چون دایکی خۆیەتی، تەنانەت ئەگەر ژنێکی لادێیی بێ کە توانای خوێندنەوەی ڕستەیەکی نەبێ و لە ژیانیدا لە گوند یا شارەکەی خۆیان نەچووبێتە دەرەوە.
زمانی دایکیش هەر وایە؛ پێویست نییە بە دوای شتێکدا بگەڕێی تا بتوانی شانازیی پێوە بکەی و لەگەڵ زمانەکانی دیکەدا هەڵیسەنگێنی و ئەوکات خۆشت بوێ، یا بە سەریدا هەڵبڵێی کە زمانەکەم لە فڵان پلەی زمانەکانی جیهاندایە. دیارە بەختەوەرانە کوردی زمانێکی دەوڵەمەندە، بەڵام جیا لەمە، هەرچییەک بێ زمانی تۆیە، ئەگەر تەنانەت سادەترین و سەرەتاییترین زمانی جیهانیش بووایە، هەر دەبووایە ڕێزی بگری، بیپارێزی و پێی بدوێی و بنووسی. سەدان زمان هەن کە نیوەی زمانی کوردیش دەوڵەمەند و بەپیت نین، بەڵام بێژەرانی بەوپەڕی ئاسوودەیی و دڵخۆشییەوە پێی دەدوێن و پێی دەنووسن. دەیان زمان هەن کە ڕێژەی بێژەرانی لە یەک دوو ملیۆنیش کەمترن، بەڵام پێی دەدوێن و دەنووسن و دەیپارێزن.
بە زمانی خۆت بدوێ، بە زمانی خۆت بنووسە.
➿ @Kurdinus
بێکەس ئەیوت:
هەر خۆشییەک لە بەر ئەکەم
یان قۆڵەکانی درێژە
یاخود کورتە
یاخود فشە
یاخود تەنگە
بە بەری من
هەر خەمێکیش لە بەر ئەکەم
ڕێک ئەڵێی بۆ من کراوە
لە هەر کوێ بم!
➿ @Kurdinus
لە بـاغـا بـەرگـی گـوڵ چـووبـوو بـە تـاراجـی خـەزان؛ بــۆ مــن
قەڵەم چوو، نامە چوو، تەبعی ڕەوان چوو، دەفتەریشم چوو
عەجایب پـاییزێ بـوو، شەخـتەکـەی جـەرگ و دڵـی بـردم
دڵ و جەرگ و هەناو و ماڵ و حاڵ و هەم سەریشم چـوو
➿ @Kurdinus
«ئاوات»
🎼 #شەوموزیک (ژماره 713) بە دەنگی ئیسماعیل پیرخدری.
➿ @Kurdinus
وەرە جوانێ، وەرە نازت بکێشم
وەرە وەک دەستەگوڵ داتنێم لە پێشم
وەرە با دەست لە باڵاکەت وەرێنم
وەرە کوڵمەم لە کوڵمەی تۆ خشێنم
➿ @Kurdinus
«هێمن»
خۆزگە لەم دنیا ئەی هاوار
تۆیان ئەدا پێم
چش با لەو دنیا ئەی هاوار
دۆزەخ بووایە جێم
➿ @Kurdinus
پەیامی نیچە بۆ ئێمە ئەمە بوو: بە شێوەیەک بژیین کە بخوازین تاهەتایە هەمان ژیان دووپاتە بکەینەوە.
➿ @Kurdinus
«ئیرڤین دی یاڵۆم»
دایکم هەمیشە دەیوت مرۆڤ هەرچەندیش چارەڕەش بێ، هێشتا شتێک هەیە پێزانی هەبوونێ بێ و هەموو بەیانییان کە ئاسمان دەدرەوشایەوە و ژوورەکەم لە گرتووخانە نوقمی ڕووناکی دەبوو، هەستم بە دروستیی قسەکەی دەکرد.
➿ @Kurdinus
«ئاڵبێر کامو - بێگانە»
دەمـبینی کـە خـەمـبـار و کــز و دامـاوم
وا بیر مەکەوە لە مەرگ و کەس ترساوم
مردن کـە لە ڕێمە، هـەر دەبـێ، نـاترسـم
ژاکـــاوی ئـەوەم بـە ئــارەزوو نـەژیــاوم
➿ @Kurdinus
«خەییام/هەژار»
شێوەی «هەڵۆ»ی چارەڕەش کاتێک دەبینێ کوردێکی سەقەتنووس پێی دەڵێ «هلو»
بە تەختەکلیلی کوردی بنووسە چاوەکەم!
➿ @Kurdinus
📱 وێنەی تایبەتیی کوردینووس وێڕای ڕۆژژمێری مانگی سەرماوەز، بۆ موبایل (ژماره ٩).
➿ @Kurdinus
📱 وێنەی تایبەتیی کوردینووس وێڕای ڕۆژژمێری مانگی سەرماوەز، بۆ موبایل (ژماره ٧).
➿ @Kurdinus