وشەی کوردی ☀️

29 Apr 2023 17:55

🔴 مێژوو و چیرۆکی ئەم وێنە بەناوبانگە.

🔺وێنەی کچێکی بچووک کە لە بەردەم تەختەڕەشێک و لەنێو پۆلی قوتابخانەیەک وەستاوە و لەسەر تەختەکە نووسراوە "کورد، کوردی و کوردستان". ئەم وێنەیە بۆ ۴٩ ساڵ پێش ئێستا دەگەڕێتەوە کە لەلایەن ڕۆژنامەنووسی فەرەنسی "کریس کۆچێرا"وە گیراوە. ئەو کچە بچووکە ئێستا تەمەنی ۵۶ ساڵە و لە سلێمانییە.

🔺ئەو کچە بچووکەی لە وێنەکەدا دەبینرێت ناوی "شنە"یە، کچی عەلی عەسکەری، وێنەکە لە ساڵی ١٩٧۴ لە گەڵاڵە، کە شارۆچکەیەکە دەکەوێتە سنووری باڵەکایەتیی قەزای چۆمان گیراوە، شنە عەلی عەسکەری ڕاگەیاند: "کاتێک ئەو وێنەیە گیراوە بە گوێگر دەچووم بۆ قوتابخانە و تەمەنم نزیکەی شەش ساڵ بوو، چونکە دایکم لە قوتابخانەی گەڵاڵە مامۆستا بوو. ئەو کاتە جلی کوردیم لەبەر کردبوو، جگە لەو وێنەیە چەند وێنەیەکی دیکەیان گرتم."

🔺وێنەکە لەسەر سروودی "هەر کورد بووین و هەر کورد ئەبین" لە ڕۆژی جیهانیی زمانی دایک نیشان دەدرێت کە شێعری مامۆستا "ئیبراهیم ئەحمەد"ە.


📍وەرگیراو لە لاپەڕەی بەڕێز "فەرهاد ناسر" لە فەیسبووک.

@wiseykurdi1

وشەی کوردی ☀️

25 Apr 2023 18:31

ئافرەت بەهاری بێ خەزانە قەت لە گوڵ دانابڕێ
لەسەر لووتکەی خەبات قەت بڵێسەی نامرێ
مەزهەری ئەشق و ئەوینە
مەشخەڵی ڕزگــــــــــــــــاریە
نیشتمانی دڵ لە دووری
ساتێ ئارام ناگرێ...!🕊️🦋


/channel/hasty_hafrat

🌺 کەناڵ : 1401/4/21🌺

وشەی کوردی ☀️

24 Apr 2023 21:30

تۆم نەبێ دوو جار بێ نیشتمانم

وشەی کوردی ☀️

22 Apr 2023 22:16

پرسیاری فێرخوازان ⁉️
ــــــــــــــــــــــــــــــــــــــــــــــــ
🟠 (بەهەڵە) یان (بە هەڵە)؟
وەڵام: بەپێی ڕستە هەردووکیان دروستن.

🟧 هەڵە = ناوی واتایییە.

🟪 (بەهەڵە) = هاوەڵکاری چۆنیەتییە.
🟢 بەهەڵە هاتم.
🟢 پیاوێک بەهەڵە هاوژینەکەی خۆی کوشت.

🟪 (بە هەڵە) = ئامراز و تەواوکەری بەیاریدەن. نموونە:
🟢 ئەو دانی بە هەڵە و تاوانی خۆی نا.
ــــــــــــــــــــــــــــــــــــــــــــــــ
🖊 ئیدریس هاشمی

🌻 @renusisaratayi

وشەی کوردی ☀️

22 Apr 2023 20:48

🟥 کاردوو، کاردی، هازەپەلکە، هاز

تیرەیەکە لە گیا، کە ناوە زانستییەکەی ""Arum""ە".
                                          

سوودەکانی خواردنی کاردوو بزانە.

کاردوو بە زمانی عەرەبی پێی دەگوترێت ( اللوف).

کاردوو، بە فارسی پێی ئەڵێن: (گل شیپووری)
.
بە زمانی ئینگلیزیش پێی دەگوترێت  ( Arum ) و ناوە زانستییەکەی بریتییە لە ( Arum Spp )، شوێنی بنچینەیی و بنەڕەتیی کاردوو بریتییە لە ڕۆژهەڵاتی ناوەڕاست و ڕۆژهەڵاتی ئەوروپا.

"کاردوو" ڕووەکێکی زستانییە و لە سەرەتای بەهاردا دەر دەکەوێت.

لە جیهاندا دوو هەزار جۆری هەیە، ئەوەی لە کوردستان هەیە، چوار جۆرن کە پێیان دەگوترێت:

1 - کاردووی شاخی.

2 - کاردووی دەستچین.

3 - کاردووی ڕیشۆک.

4 - کاردووی ڕیخی.



سوودەکانی کاردوو:

1 - لەناو بردنی خانەی شێرپەنجە و وەستاندنی گەشەی خانەکانی ئەم نەخۆشییە.

2 - بۆ نەخۆشییەکانی پێست، بەتایبەت نەخۆشیی ڕێوی (داء الثعلبە).

3 - پاککەرەوەی گەدە و ڕیخۆڵەکانە لە میکرۆب و کرم و ماددە ژەهراوییەکان.

4 - دژە بەکتریا و دژە کەڕووی تێدایە، بەتایبەت هەوکردنی سییەکان.

5 - کاریگەریی پێوەدانی ژەهری مار و دووپشک کەم دەکاتەوە.

6 - ئارامبەخشە بۆ لاشە، بەتایبەت  ژانەسەر.

7 - "کاردوو" سەرچاوەی باشە بۆ ڤیتامین (A)، ڤیتامین (K)، ڤیتامین (C)، ڤیتامین (B6)، و سیلینییەم و کرۆمیۆم و ئاسن و فۆلەیت و مس و گۆگرد و مەنگەنیز.

8 - ڕێگرە لە تووشبوون بە شێرپەنجە، بەتایبەت شێرپەنجەی کۆئەندامی هەرەس و هەناسە و مەمک.

بۆ نەخۆشیی شەکرە.
بۆ قەڵەوی و ڕێژیم.
بۆ تواندنەوەی چەوریی ناو خوێن.
بۆ چارەسەرکردنی هەوکردنی بەکتریای ناوەوەی لەش.
بۆ ژەهراویبوون.

9 - هیندۆسە ئەمەریکییەکان سوودیان لە کاردوو وەرگرتووە، وەکوو بەهارات و زەڵاتە و چێشت و چارەسەری هەڵامەت و سەرما و تەنگەنەفەسی و ئێشانی گوێ و کرمی منداڵ و  بۆ ڕشانەوە و پێوەدانی مێروو.

10 - ڕیخۆڵەکان لە هەموو پاشماوەیەکی کەڵەکەبوو پاک دەکاتەوە.

11 - بۆ غوددە بەسوودە.

12 - وەک بەهێزکەری سێکسیی پیاو و  ئافرەت بەکار دەهێنرێت.

"کاردوو/کاردی/هاز"  بەکاڵی وەک ژەهر وایە پێ ناچێت هیچ گیاندارێک بیخوات، مەگەر بە کوڵێنراوی مرۆڤ بیخوات.

کاردوو یەکێکە لەو ڕووەکانەی لە کۆتاییی وەرزی زستان و سەرەتای بەهاردا پەیدا دەبێت.

کاردوو ڕووەکێکی ژەهراوییە، ئەگەر بە خاوی بخورێت. بەڵام بە کوڵاوی ژەهرەکەی نامێنێت و دەخورێت.

بۆ یەکەمجار زانایانی ئیسلامی (ئیبن نەفیس و زەهراوی) بەکاریان هێناوە بۆ سووتان و نەخۆشیی پێست وەک دەرمان.

سوودی کاردوو چییە؟

کاردوو گیایەکی وەرزییە، گەڵاکانی سەوزی تۆخە، سێ جۆری هەیە لە کوردستان و هەروەها لە جیهانیش جۆری زۆرە.

1 - جۆرێکی گەڵاکەی درێژە و مامناوەندی پانە، کە پێی دەوترێت "کاردووەقوڕە"، ئەم جۆرەیان تووشی سکچوونت دەکات و ڕیخۆڵەکان پێی هەستیاری دەبن.

2 -  جۆرێکی تری گەڵاکانی شێوەی دڵ  دەکا (کاردووی شاخی)، کە پێی دەوترێت "کاردوو گوێ‌بەرخە".

3 - جۆرێکی تری، گەڵاکانی دادڕاوە و پێی دەڵێن: "کاردووەڕیشۆڵە" لاسکەکانی خاڵخاڵیی ڕەنگ‌مۆری پێوەیە.

----------------------------------------------
نووسینی: فاڕووق محەممەد
هەڵەچنی و بڵاوکردنەوەی ئەم بابەتە: کاناڵی وشەی کوردی
🕊@KurdiSoraniWord

وشەی کوردی ☀️

17 Apr 2023 23:11

بارگەی یاران، هەموو بەرهەمی هێمن، بەرگی یەکەم: http://www.yageyziman.com/Bargey_Yaran_Hemin.pdf

وشەی کوردی ☀️

16 Apr 2023 21:08

یادی مامۆستا هێمن لە ساڵیادی کۆچی دواییدا بە درێژەدان بە قەڵەمە کوردییەکەی و لەبەرکردنی شێعرەکانی بەرز ڕابگرین. یادی بەرز و بەڕێز بێت.
گوتم: «کەوا بوو ئاشنا!
بەشی ئێمە لەناوچوونە»
گوتی: «نا نا دوور بنواڕە
دوور بنواڕە …. ئاسۆ ڕوونە»

🕊@KurdiSoraniWord

وشەی کوردی ☀️

12 Apr 2023 18:12

🟥 (إن شاء الله) یان (إنشاء الله) و بێژەی بە کوردی


🟤 نووسینی ئەم دەستەواژەیە هەمیشە چ بە عەرەبی و چ بە کوردی جێگەی پرسیار بووە. لێرە بەکورتی ڕوونکردنەوەیەک دەنووسین:

🟢 دروست: (إن شاء الله = ئین شائـ ئەڵڵاهـ  = ئەگەر خوا بیەوێ).

🔴 هەڵە: (إنشاء الله = بونیادنانی خودا)، واتاکەی تێک چووە و هەڵەیە.

(إن = ئەگەر، شاء = ویستی، الله = خودا).

🟤 ڕێنووسەکەی بە کوردی:

🟡 ١. یان دەبێت وەک خۆی لەناو کەواندا بنووسرێت: (إن شاء الله)

🟡 ٢. یان یەكێک لەمانە کە کوردێنراون، بەپێی پلە:
(ئینشائەڵڵا، ئینشاڵڵا، ئیشاڵا، ئیشەڵڵا، ئیشەڵا).

م. دیاکۆ هاشمی ✍🏼

#کاناڵی_وشەی_کوردی
🕊@KurdiSoraniWord

وشەی کوردی ☀️

11 Apr 2023 22:02

🟥 وشەی "سوێند"

"سوێند"ی کوردیی ناوەندی و "سووند"ی کوردیی باکووری (کە دیارە پێشتر "سۆند" بوون)، و "سۆند"ی زازایی، و هەروەها "سوگند" |سۆگیند=سەوگیند|ی بەلۆچی، و "سوگند" |سەوگەند=سۆوگەند|ی فارسی، و پێشتریش "سۆکەند/سۆگەند"ی پەهلەویی ساسانی و پەهلەویی ئەشکانی (مانای وایە لە کوردیی ناوەڕاست و پارسیی ناوەڕاستدا هەر "سۆگەند" بووە)، هەموویان دەچنەوە سەر "سەوکەنتە-" ئێرانییە کۆنەکە بەگشتی کە بە بیناکردنەوە دەخەمڵێنرێت، و بە واتای 'ئاشکراکردن'ـە بووە (یانی لەناو قسەدا)، کە لە ڕەگێکی ئێرانییە کۆنەکەیە کە ڕەگی "سەوک-" بە واتای 'وتن و 'قسەکردن'، بۆیە واتای ڕیشەیی وشەکە 'بە دەمدا هاتنی قسە (ی ڕاست)'ـە.

بەپێی بیروڕایەکی تر؛ پێشینەی هەموویان "سەۆکەنتە-"ی ئەوێستاییە بە واتای 'گۆگرد' (کە لە ئەوێستاییدا بە شێوەی "سەۆکەنتەڤەنت" هاتووە لە وەسفی ئاوی 'گۆگرداوی'ـدا) [ئەمەیان لە ڕەگی "سەوک-"ـە بە واتای 'سووتان'، و ڕیشەی ـ بۆ نموونە ـ هەمان "سووتان"ی کوردی و "سوختن"ی فارسیـشە]، و بەم پێیە وشەکە لەوەوە هاتووە کە ئەوانەی گومانلێکراو بوون بە خواردنەوەی خواردنەوەیەکی پڕ گۆگرد تاقی‌ دەکرانەوە و بەپێی کاریگەیی گۆگردەکە ڕاستیی قسەکەیان تاقی دەکرایەوە، و بەم شێوەیە سوێند دەدران.

نووسینی: م. سەروەر عەلی

#کاناڵی_وشەی_کوردی
🕊@KurdiSoraniWord

وشەی کوردی ☀️

10 Apr 2023 18:09

من و  وشەی "قوزەڵقورت!"

کاتێک سەرەتا هاتمە سەر فەیسبووک، ئەو کات، هیچ سیقەم بە هزر و لێکدانەوەی خۆم نەبوو، تەواو خۆمم  پێ کەم بوو، بەم هەستەوە، تەواو لەژێر کاریگەریی لێکدانەوە و بۆچوونەکانی زمانکارانی کورددا بووم.

وا بزانم ساڵی 2013 بوو کە گرۆی (زمانی پەتیی کوردیی)م درووست کرد.

جا لەو گرۆیەدا، هەندێک زانیاریی زمانکارانی کوردم گواستەوە بۆ خەڵک، یەکێک لەوانە، ئەو لێکدانەوە هەڵەیەی وشەی (قوزەڵقورت) بوو، ئەم لێکدانەوە چەوت و چەوێڵە، خەڵکی تر لە منی وەرگرت و وەک ئاگر لە پووش بەر بووبێت، ئێستا بە فەیسبووکدا بڵاو بووەتەوە.

هەرچەندە لێکدانەوەکە لەسەر من ماڵ نییە، بەڵام هەر داوای لێبوردنێک قەرزدارم، کە بە هۆی منەوە ئەم لێکدانەوە هەڵەیە گەیشت!

جا کاتێک بە مێشکی خۆم بیرم دەکردەوە و لە چاوی خۆمەوە دەمڕوانی!

کە سەیری وشەکەم کرد، بینیم وشەکە کوردییە!

بۆم دەرکەوت، وشەی قوزەڵقورت، دوعا و تووکێکە، دوعای نەخۆشییە، وەکوو (سندان، سەگبا، قەرەقوش، سەرەتان،...)

ئەمانە هەموو نەخۆشین ((لە جێی سندان، قوزەڵقورتە))

(قوزەڵقورت، قوزەنقورت) کرمێکی سوورە دەدات لە شت، واتە دوعاکە وەک ئەوەیە کە دەوترێت؛ ((کرم تێت بدات))، ((کرمەڕێز بیت،...))

وشەی (کوزە) کە واتای (سوور) دەدات، بە هۆی گۆڕانی دەنگی (ک) بە (ق) بووە بە (قوزە)، ئەم وشەیە لە زمانەکانی تریشدا هەیە، وەک لە فەڕەنسییدا (köze: سوور)

قورت، یان قورم (کورم): کرم

قوزەڵ: سوور+ قورت: کرم= کرمی سوور

وشەی قوزەڵ، وەک وشەکانی زەردەڵ، کەژەڵ/کەژاڵ وایە.

وشەکە بە شێوەی (قزڵ)یش هەیە، بۆ نموونە بە پەزی دەموچاو سوور دەوترێت (قزڵ)، هەروەها (قزڵ) ناوی جۆرێک ترێی سوورە.

ئەم جۆرە کرمە دەداتە مرۆڤ و گیاندار، هەمیش دەداتە ڕووەکیش.

لە هەنبانەبۆرینەدا، هاتووە: قزڵقورت: کرمی گیابڕ

نووسینی: هاوڕێ جەلال
هەڵەچنی و ئامادەکردنی: کاناڵی وشەی کوردی

#کاناڵی_وشەی_کوردی
🕊@KurdiSoraniWord

وشەی کوردی ☀️

07 Apr 2023 02:04

#کەناڵی_وشەی_کوردی

⚜ شکۆدار، شکۆمەند، بەشکۆ، شایانە = جلل

⚜ کۆسان، هاوینەهەوار، ئێلاخ، زۆزان، لەیلاخ، کوێستان، هەوار = ییلاق

⚜ ئاران، زستانەهەوار، گەرمێن، زستانەوار، گەرمیان = قشلاق

⚜ بادەوە، بەرزەحەوایلە، بەرزەحەوایی، کۆلارە = بادبادک

⚜ پیفڵدان، پفۆک، تیزانگ، میزەڵان، فوودانە، پفدانک = بادکنک

⚜ بایەوان، بادەوان = بادبان

⚜ شاتۆپ، باڵۆن = بالن

⚜ خاپوورکردن، کاولکردن، وێرانکردن، تێکدان، ڕماندن، ڕووخاندن، داڕماندن = تخریب کردن

⚜ ڕمێن، کاولکەر، ڕووخێنەر، وێرانکەر، تێکدەر، داڕمێن = مخرب

⚜ خۆتێکدەری، خۆڕووخێنی = خودتخریبی

⚜ نەهێشتنی(وێرانکردنی) دارستان، لەناوبردنی دارستان = تخریب جنگل

⚜ خۆخوازی، خۆویستی، خۆبینی، خۆپەسەندی، خۆپەرستی = خودخواهی

⚜ تێکچوویی دووجەمسەری، ناڕێکی دووجەمسەری(دووجەمسەرە) = اختلال دوقطبی

⚜ تورەتورکردن، لاڵەپەتەیی، زمانگیراوی، نیوەزوانی، زمانگرانی، زمانقورسی = لکنت زبان

وانەبێژ: بەڕێز موحەممەد کوردی

🕊 بە کوردی بدوێین
🕊 بە کوردی بخوێنینەوە
🕊 بە کوردی بنووسین
🕊@KurdiSoraniWord

وشەی کوردی ☀️

02 Apr 2023 23:17

مەڵێ ❌ بڵێ ✅
ــــــــــــــــــــــــــــــــــــــــــــــــ
با زمانی کوردی بپارێزین.

زۆر سپاس و دەستخۆشی بۆ کاک سمکۆ.

@englishwithsmko 👈
____

🕊 @KurdiSoraniWord

وشەی کوردی ☀️

01 Apr 2023 02:41

کوردستان / Kurdistan
#خالید_ڕەشید

وشەی کوردی ☀️

31 Mar 2023 04:03

#کەناڵی_وشەی_کوردی

⚜ آب خوردن = ئاوخواردن؛ ئاوخواردنه‌وه‌

⚜ آب خوش از گلو پایین نرفتن = به‌ ڕه‌حه‌ت‌ نه‌خواردنی نانێک؛ به‌ڕاحه‌تی پاڵنه‌دانه‌وه‌؛ دانه‌کێشانی لاقێک به‌ڕاحه‌تی

⚜ آب دادن = ئاودان؛ ئاودێریکردن/ئاودانه‌وه‌/ئاوکاریکردن؛ داپۆشینی کانزا به‌ ئاوی کانزایه‌کی تر

⚜ آب زدن = ته‌ڕکردن؛ شێدارکردن/پشیله‌شۆرکردن؛ *مه‌لوچگ‌شوورکردن؛ به‌په‌له‌شۆردن

⚜ آب زیر پوست کسی رفتن = ئاو تزانه‌ ژێر پێستی که‌سێکه‌وه‌/بووژانه‌وه‌؛ گۆشتگرتن و به‌خۆداهاتن

⚜ آب سبز = نه‌خۆشییه‌کی چاوه‌ که‌ له‌ چوونه‌سه‌ری گوشاری نێوچاو په‌یدا ده‌بێ و گۆی چاو سفت ده‌کاته‌وه‌ و هه‌ر به‌و هۆیه‌شه‌وه‌ ته‌نگ ده‌بێته‌وه‌ و مه‌یدانی دیتن که‌م ده‌بێته‌وه‌ و له‌وانه‌شه‌ ببێته‌ هۆی کوێربوون.

⚜ آب سبیل = خێراو؛ ئاوی خێر

⚜ آب سرد روی سر کسی ریختن = ته‌زاندنی که‌سێک؛ حه‌په‌ساندنی که‌سێک؛ تووشی ناهومێدی و سه‌رسامکردنی که‌سێک

⚜ آب سطحی = ئاوی سه‌ر زه‌وی؛ ئاوی ڕوو؛ ئاوێ که‌ له‌ سه‌ر زه‌وییه

⚜ آب سیاه = [پزیشکی] ئاوی ڕه‌ش؛ شیناوی چاو؛ نه‌خۆشییه‌کی چاوه‌ له‌ ده‌ماره‌هه‌سته‌وه‌ په‌یدا ده‌بێ و له‌ ئه‌نجامدا چاویش که‌م‌سۆما ده‌بێ و دێشێ.

⚜ آب شور = سوێراو؛ خوێواوک؛ سۆڵاو؛ ئاوی سوێر

⚜ آب صاف = ئاوی ڕوون؛ ئاوی ڕۆشن؛ ژاوە

⚜ آب مضاف = ئاوی مه‌زاف؛ "ئاوی گوڵ و میوه‌ و شتی له‌و بابه‌ته‌ که‌ پاکه‌، به‌ڵام پاک ناکاته‌وه‌".

⚜ آب پس دادن = ئاودانه‌وه‌؛ نمدانه‌وه‌؛ شێدانه‌وه‌

⚜ آب پنیر : سزگ؛ سزگاو؛ تیژاو؛ ئاوی په‌نیر که‌ لۆرکی لێ ده‌گرن.

⚜ آب چشمه = کانیاو؛ ئاوی کانی؛ هانه‌چه‌مه‌

🕊 بە کوردی بدوێین
🕊 بە کوردی بخوێنینەوە
🕊 بە کوردی بنووسین
🕊@KurdiSoraniWord

وشەی کوردی ☀️

30 Mar 2023 23:13

#کەناڵی_وشەی_کوردی

⚜ دڵاوا، بەخشندە، دەسکراو، بەرچاوتێر، دەستاوەڵا = سخی

⚜ بەرچاوتەنگ، دەستقووچاو، ڕژد،  قڕنیس،دەسوشک، سەقیل، چکووس، چەکل = خسیس

⚜ ئەرخەیان، دڵنیا، دڵ‌ئاسوودە = خاطر جمع

⚜ هەرکە، هەرکوو، لەگەڵ ئەوەی کە = بە محض اینکە

⚜ بۆ ئاگاداری = محض اطلاع

⚜ کیمیای پەتی (بیردۆزەکی) = شیمی محض

⚜ دووریکردن، خۆپاراستن، پارێزکردن، خۆبواردن، خۆلادان = حذر کردن

⚜ نەهێشتن، پێشگرتن، دوورخستنەوە = برحذر داشتن

⚜ جوڕە، سریلە، زریلە، جوڕەپۆپنە، جوڕەکڵاونە = چکاوک

⚜ گەڵاپەژم، گڵاپەژم، ئاونگی دەریایی، گیواوەنانەشان = رزماری(گیاه)

⚜ دۆڕاو،بەزیو، شکستخواردوو، ژێرکەوتوو = مغلوب

⚜ زاڵ، باڵادەست، سەرکەوتوو، براوە = غالب

⚜ بۆهێڵی(ژێنی) شاراوە(دەرنەکەوتوو)، ژێنی بەزیو = ژن مغلوب

⚜ ژێنی(بۆهێڵی) زاڵ(دیار/دەرکەوتوو) = ژن غالب

وانەبێژ: بەڕێز موحەممەد کوردی

🕊 بە کوردی بدوێین
🕊 بە کوردی بخوێنینەوە
🕊 بە کوردی بنووسین
🕊@KurdiSoraniWord

وشەی کوردی ☀️

27 Apr 2023 22:33

#کەناڵی_وشەی_کوردی

⚜ بینین، دیتن = رویت

⚜ بەقازانج، بەکەڵک، قازانجدار، بەسوود، قازانجدەر = مقرون بە صرفە

⚜ شوێنەونکێ، شوێنەونکە، شوێنەگومکێ = رد گم کنی

⚜ پێداهەڵدان، پێداهەگوتن، پیاهەڵدان = تعریف و تمجید کردن

⚜ داوانامە، خوازنامە، داخوازینامە، داواکاریی نووسراو = تقاضای کتبی

⚜ سزانامە، سەرزەنشتی نووسراو، سەرزەنشتنامە = توبیخ کتبی

⚜ ڕەگ، ڕیشە = جذر

⚜ ئاراستەبڕ، هەڵگرە = فاکتوریل

⚜ لیر، لیرک، لیرگ = کهیر

⚜ گرانەتا، کەوتوویی، کەوتەیی، کەفتەیی = تیفوئید (حصبە)

⚜ گرانەتائاسا، نیمچەکەوتوویی، نیمچەکەوتەیی، چوونگەرانەتا = پاراتیفوئید(شبەحصبە)

وانەبێژ: بەڕێز موحەممەد کوردی

🕊 بە کوردی بدوێین
🕊 بە کوردی بخوێنینەوە
🕊 بە کوردی بنووسین
🕊@KurdiSoraniWord

وشەی کوردی ☀️

25 Apr 2023 17:22

🟨 ئەندامەکانی جەستە

🟨 🕊@KurdiSoraniWord

وشەی کوردی ☀️

24 Apr 2023 16:59

🟥 کاناڵی "کتێبخانەی کتێبیاران" لە تێلێگرام:

ئێستە دەتوانن بچنە کاناڵەکە و بابەتەکانی ببینن.

هیوادارم کەڵکی لێ وەربگرن.

/channel/ktebyaran


🕊@KurdiSoraniWord

وشەی کوردی ☀️

22 Apr 2023 21:13

🟥 ڕێواس

نموونەیەک لە زەنگینی و ڕەنگینیی زمانی کوردی لە گیایەکی ڕەسەنی کوردەواری.

تکایە با ئاگادار بین، ڕێواس خەریکە تەواو دەبێ لە سروشت و ژینگەی کوردستان. ئەنفالچییەکان تێی بەر بوون، و بە مەبەستی فرۆشتنی ئەوەی ماوە، تووی دەبڕنەوە و بنکی ناهێڵن.


🌸 ڕێواو، ڕیواو، ڕمبێز: نێرکی درێژی گیای ڕێواس کە لە ناوەڕاستی گەڵاکانیەوە (کڵاوبن، قاڵاقنگ) دەر دێ و گوڵی وردی سووری هێشوویی هەیە.

🌸 کڵاوبنە، قاڵاقنگ: گەڵای ڕێواس کە بریتییە لە قەمتاڵ و باسکڵاوەکەی.

🌸 باسکڵاو: بەشی پانی گەڵای کڵاوبنە.

🌸 قەمتاڵ، قەمت: لاسکی کڵاوبنە کە باسکڵاوی پێوە نییە.

🌸 ڕاهوەند، ڕێخەی ڕێواس، کۆلکەی ڕێواس: ڕەگی کۆتەرەیی و ئەستووریی بنکی ڕێواس.

🌸 بنبەردووکە: کڵاوبنەی پان و سپی و مزر و ئاودار کە لە شوێنی خیزەڵێن و بەردەڵێن شین دەبێ و لە بن بەرد و خیزەوە درێژ دەبێتەوە.

🌸 پێقاز: جۆرێ بنبەردووکە کە درێژ نییە و کورتە. بۆ خواردن ناشێ.

🌸 لەقلەقە: بەپێی هەنبانەبۆرینە، جۆرێ ڕێواسە. [تکایە کێ زانیاری لەسەری هەیە، بۆمان بنووسێت.]

🌸 چووزە ڕێواس: سەرەتای بەهار کاتێ کڵاوبنە بڕێ لە خاک سەر دێنێتە دەر و شێوەی گوپکەی هەیە.

🌸 ڕێواسی مێ: ئەو ساڵەیە ڕێواس زیاتر کڵاوبنەی هەیە و نێرکی نییە، مەبەست لە کڵاوبنەیە. ساڵی مێ خەڵک قەمتی کڵاوبنە دەخۆن. بەداخەوە هەر ساڵێ کڵاوبنەکان زۆری هەڵبکەنرێ، ساڵی‌تر ڕێواسەکە بنکی وشک دەبێ. چونکە بنکی نێرومێی ڕێواس بەندە بە بوونی کڵاوبنەوە. کڵاوبنە ڕێژەی ترشی زۆرە و زیادەڕەوی لە خواردنی، مەترسی دەخاتە سەر گورچیلەکان.

🌸 ڕێواسی نێر: مەبەست ئەو ساڵەیە ڕێواس نێرک و گوڵ دەکا. لە بازاڕ ئەمە دەفرۆشرێ و دەخورێ و دەکرێتە شلە.

🌸 ڕێواساو: وەرزی گوڵانی بەهار کە تاوەباران زۆرە. ڕێواس بەو تاوەبارانە دەشۆردرێتەوە و تێکەڵی باراناو و بەفراوی شەتاوان دەبێ تا دەگاتە چەم و ڕووبار. لە دەراوەکان ماسی سەری تێ دەکا و ئەو باراناوە دەخواتەوە. ئێژن ماسی مژدی (بێزی، بێزوو، مەگیرانی) دەکا بە ڕێواساو. چونکە وەرزی گەراکردنیە. لەو وەرزە ئیتر ڕاوەماسی ناکرێ و خواردنی ماسی نامێنێ.

🌸 خوەشەڕێواس: جۆرێ ڕێواسی لاسک سوور و سەوز لە شوێنی نسار و نەرمان و بەری فێنکی کوێستان. تامی ئەمە خۆش و ئاودار و مزرە.

🌸 تفتەڕێواس: جۆرێ ڕێواسی لاسک سەوز و مەیلەو سپی بەری خۆرەتاو و ڕەقان کە تامی وشک و تفتە.

🌸 بنەماڵەی حەکیمانی بیارە ـ شێخان ـ ڕەگی ڕێواسی سووری نسار و نەرمان کە خۆشەڕێواس بووە، بۆ هەندێ نەخۆشی بەکاریان هێناوە. (خراپ بەکارهێنانی گورچیلەی پێ تێک دەچێ .)

🌸 مامڕێواسی یا تۆلەترش جۆرێ گیایە کە تامی وەک ڕێواس وایە. ئەمە جیایە لە گیای ڕێواس.

🌸 گەڕەڕێواو، کەڕەڕێواس، ئارەوقۆزی: گیایەکە لە بیابانەکاندا هەیە. لە ناوچەی کەلار و کفری بنک‌بنک ماوە. شێوەی گەڵای لە ڕێواس دەچێ. بە عەرەبی بە (مغاث) دەناسرێ.

ئێوە چیی تر لەسەر جەز و خەرمانی ڕێواس ئەزانن؟

نووسینی: ئیرەج مورادی
هەڵەچنی و بڵاوکردنەوەی ئەم بابەتە: کاناڵی وشەی کوردی

🕊@KurdiSoraniWord

وشەی کوردی ☀️

21 Apr 2023 01:15

کاکی نووسەر، خوشکی شاعیر، مامۆستای بەڕێز! خاوەنی حەوت ـ هەشت کتێبی چاپکراو و چاپنەکراو!
”خۆزگە ئەمجارە نەمردم“ هەڵەیه
”خۆزگە نەهات“ هەڵەیە
”بریا نەیێت“ هەڵەیە
”بریام بە خۆت“ هەڵەیە
دروستە دوو وشەی «بریا» و «خۆزگە» لە وشەدانەکاندا بۆ زمانی فارسی، هەردووکیان بە «کاشکی» یا «ای کاش» واتا کراونەتەوە بەڵام ئەمانە لە کوردیدا تەواو جیاوازن و هەڵگری واتای تایبەتی و باری واتایی خۆیانن
«خۆزگە» بۆ ئاواتخواستنە و ڕووی لە داهاتووە، بەڵام بریا بۆ حەسرەتخواردنە و دەگەڕێتەوە بۆ ڕابردوو و ئەوەی کە لەکیس چووە، ئەمانە واتای یەکتر نادەن و واتای «ئۆخەی»یش نادەن مەگەر ئەوەی بەهەڵە جێ کەوتبێتن؛
بەجێی ”خۆزگە ئەم جارە نەمردم“ بنووسە
ئۆخەی ئەم جارە نەمردم
بەجێی ”خۆزگە نەهات“ بنووسە ئۆخەی نەهات، ئۆخەیش نەهات
بەجێی ”بریا نەیێت“ بنووسە خۆزگە نەیێت
بەجێی ”بریام بە خۆت“ بنووسە خۆزگەم بە خۆت
بەجێی ئەم هەمووە شێعرە دووپاتە و بێ ناوەڕۆک و کتێبە زۆروبۆرانەش وا لەپەستا وەک کارگەی جوجەکەشی دەیاندەنە دەرەوە و دەڵێی لەگەل بەجێ ماون، زمانەکەتان بەباشی فێر بن، با چوار کەسیش بەباشی لێتانەوە فێر بن، زمان پێشمەرجی هەموو کارێکی فەرهەنگی و وێژەییە برا شیرینەکەم، خوشکە ئازیزەکەم.

وێڕای ڕێزم

نووسین: ڕامان ✍🏼
🕊@KurdiSoraniWord

وشەی کوردی ☀️

17 Apr 2023 21:07

بەرگەی یاران. هەموو بەرهەمی مامۆستا هێمن. بە یادی لەدایکبوونی مامۆستا هێمن

وشەی کوردی ☀️

13 Apr 2023 21:54

#کەناڵی_وشەی_کوردی

⚜ تغییر ملموس = گۆڕانکاریی هەستپێکراو/دیار/بەرچاو/پێزانراو

⚜ سرتاپا گوش شدن = باش گوێدان، بەوردی گوێگرتن

⚜‌ سرتاپا = سەرتاپێ، سەراپێ، تەواو، گشت، تێکڕا، بەتێکڕایی، بەگشتی، بەتەواوی، سەرجەم

⚜ از نو = سەرلەنوێ، دووبارە، دیسان، هەمیسان، هەمدیسان

⚜ تفاهم/توافق = ڕێککەوتن، پێکهاتن، سازان، سازشت، لێکتێگەیشتن(لێک‌تێگەیشتن)

⚜ سو‌‌ءتفاهم = لێکتێنەگەیشتن(لێک‌تێنەگەیشتن)، (بە)هەڵەتێگەیشتن، خراپ‌تێگەیشتن

⚜ سوءظن = بدگومانی، بەرگومانی

⚜ سوءظن(نسبت بە همسر) = خانەگومانی، دڵپیسی

⚜ سوء هاضمە = بەدهەرسی

⚜ سوء تغذیە = بەدخۆراکی، خراپ‌خۆری

⚜ تفهیم = تێگەیاندن، فاماندن

⚜ مظنون = گومانلێکراو، بەرگومان

وانەبێژ: بەڕێز موحەممەد کوردی

🕊 بە کوردی بدوێین
🕊 بە کوردی بخوێنینەوە
🕊 بە کوردی بنووسین
🕊@KurdiSoraniWord

وشەی کوردی ☀️

11 Apr 2023 23:18

🟡 بە کوردی پەیام بۆ یەکتر بنێرن.

🟡 بە کوردی لە تۆڕەکۆمەڵایەتییەکان سەرنج بنووسن.

🟡 بە کوردی پیرۆزبایی بنووسن.

🟡 بە کوردی سەرەخۆشی بنووسن.

🟡 بۆ چێژ و پاڵپشتیی قسەکانتان پەندی کوردی و هۆنراوەی کوردی بگێڕنەوە.

🟡 بۆ گێڕانەوە، پەندەکانی "پیرەمێرد"ی شاعیر لەبەر بکەن و بگێڕنەوە.

🟡 هۆنراوەی نالی، مەحوی، کوردی، ناری، مەولەویی تاوەگۆزی و هتد بخوێننەوە.

🟡 ئەگەر بۆ شێعر و واتای وشە گیرتان کرد چاو لە ڤەژینلێکس بکەن:
http://vejin.net/

سپاس بۆ "ڤەژینلێکس". 🌹

#کاناڵی_وشەی_کوردی
🕊@KurdiSoraniWord

وشەی کوردی ☀️

10 Apr 2023 18:24

(( سندان )) چییە؟

١ـ سندان = بەو دەزگا ئاسنینە دەگوترێت کە ئاسنگەر ئاسنی گەرمکراوی لەسەر دەکوتێت بۆ درووستکردنی کەلوپەلەکانی وەکوو: گاسن و داس و مەڵەغان و بژاربڕ و تیغ و ...هتد

٢ ـ سندان = وەک وشەی جنێو، جوێن بەکار هاتووە لە ناوچەکانی پشدەر و موکریان و هتد ...

یەک‌ بە یەکی دەڵێت سندانت لێ دات،
یان کورد دەڵێت: سندان لە فەقیری دات،
یان کاتێک منداڵ چەند جارێک لەسەر یەک، بانگی کەسێکی لەخۆی گەورەتر دەکات و کەسەکەش سەرقاڵە، منداڵەکەش بەم جۆرە بانگهێشتنە لەدوای یەکە زیاتر سەر لە کەسەکە دەشێوینێ و سەری ئەستوور دەکات، بۆیە کەسەکە توڕە دەبێت و لە وەڵامدا پێی دەڵێت ( وەی سندان )  ...

نموونە:

دایە ...دایە ، هۆ دایە ...
دایک دەڵێت: وەی سندان، چاکە دەی، خۆ ناوم لێ نانێی، نابینی دەستم دە هەویریدایە .....

٣ ـ سندان = سەرەتان، شێرپەنجە  ــ  جۆرە نەخۆشییەک بووە چارەسەری نەبووە و کەسەکەی کوشتووە، بۆیە گوتوویانە فڵانی سندانی لێ داوە. ( زانیاری: م. جەوهەر ئەحمەد و م. ئەبووبەکر قادر )

٤ ـ سندان = لێهاتن ــ  ڕیخۆڵەکوێرە ــ جاران کە کەسێک تووشی زگ‌ئێشە دەبوو لە ئەنجامی ڕیخۆڵەکوێرەوە دەیانگووت لێی هاتووە یان سندانی لێ داوە ( زانیاری: ئیبڕاهیم عەبدوڵڵا ئاڵی ).....

٥ ـ سندان = دەزگایەکە بۆ پانکردنەوەی نۆکی کوڵاو و گۆشتی سوور. بۆ دروستکردنی قاورمە لە ناوچەی ئالان و سەردەشت بەکار دێت. ( زانیاری عەبدوڵڵا قوربانی )

٦ ــ سندان = جۆرە نەخۆشییەکە لە کاڵەک و شووتی و تەماتەی دەدات و پەڵەی سپی لێ پەیدا دەبێت و شوێنی پەڵە سپییەکان ڕەق دەکات و ناخورێت، بۆیە دەڵێن: "ئەو شووتییە سندانی لێ داوە".
( زانیاری: م.حەسەن مەلازادە ، م. هادی عەبدولڕەحمان و کەماڵ ئالانی )

٧ ــ هەندێ دار گرێیەکی گەورەی لێ دێت و ئەستوور دەبێت، بەو ئەستووربوونە دەگوترێت سندانی لێ دراوە، بەتایبەت بەڕوو تووشی ئەو دەردە دەبێت. ( زانیاری: دۆستی سروشت )

٨ ـ دەزگایەکی ئاسنینی بچووکە و زێرنگەرەکان کاری ئامادەکردنی پارچەکانی زێڕ و زیو و درووستکردنی نەخشی لەسەر دەکەن ...

نووسینی: م. ئیسماعیل مەنگوڕی بە هاوکاریی کۆمەڵێک مامۆستا و دۆست و هاوڕێ.
هەڵەچنی و ئامادەکردنی: کاناڵی وشەی کوردی

#کاناڵی_وشەی_کوردی
🕊@KurdiSoraniWord

وشەی کوردی ☀️

09 Apr 2023 06:51

#کەناڵی_وشەی_کوردی

کۆمەڵێک ماڵپەڕی بەسوود بۆ داونلۆدکردنی کتێب و توێژینەوە بۆ خوێندكاران و توێژەران.

بۆ ئەو خوازیارانەی کە بەدوای کتێب و توێژینەوەی زانستیدا دەگەڕێن لە هەموو بوارەکاندا.

ئەو سایتانەی کە ملیۆنان کتێبی "پی-دی-ئێف" یان تێدایە بۆ هەموو پسپۆڕەکان و تایبەتمەندە بە دابەزاندنی ڕاستەوخۆ.

کۆمەڵێک سایتی زۆر بەسوودە بۆ توێژەران

١) (بووک بوون) ماڵپەڕێکی جیهانییە بۆ دابەزاندنی کتێبی بێبەرانبەر لە بەشە جیاوازەکاندا.
http://bookboon.com

٢) ماڵپەڕی زانستیی زانکۆی باثی بەریتانی، ئەوەی دەتەوێت بەخۆڕایی دایبەزێنە بە شێوەی  (پی-دی-ئێف)
http://opus.bath.ac.uk/

٣) ماڵپەڕی زانستیی کۆلێژی زانکۆی لەندەن تێزی زانکۆ و توێژینەوەی بێبەرانبەر لە بەشە جیاوازەکاندا لەخۆ دەگرێت.
http://discovery.ucl.ac.uk/

٤) لەم لینکەوە سەرجەم ئەو تێزانەی ماستەر و دکتۆرا کە لە زانکۆی ئۆهایۆ لە ئەمریکا باس دەکرێن، بێبەرانبەر دادەبەزێنرێن.

https://etd.ohiolink.edu/apexprod/rws_olink/r/1501/1?clear=0,1,5,10,20,21,1001

٥) کتێبخانەی زانکۆی میونشن: کتێبخانەکە ١١٥٩٥ تێزی زانکۆی بەخۆڕایی لەخۆ دەگرێت، کە دەتوانرێت بە شێوەی "پی-دی-ئێف" دابەزێنرێت.

https://edoc.ub.uni-muenchen.de

٦) بۆ دابەزاندنی کتێب و بابەتی زانستی لە ڕێگەی ئەم کتێبخانەی خوارەوە.
http://www.libgen.is

٧) سایتێک کە ئاگادارت دەکاتەوە لە نوێترین توێژینەوەی نوێ لە بوارەکەتدا.

https://www.semanticscholar.org

٨) بنکەیەکی زانیاری کە زیاتر لە ٥ هەزار تێزی ماستەر و دکتۆرای تێدایە بە زمانی عەرەبی.

http://theses.univ-batna.dz/index.php

٩) سایتێکی نایاب بۆ دابەزاندنی تێز و خوێندنی ماستەر و دکتۆرا بەخۆڕایی بە شێوەی "پی-دی-ئێف".

https://www.fichier-pdf.fr

١٠) هەزاران کتێب بۆ داگرتن بەخۆڕایی بە هەموو دیسیپلینەکان بە شێوەی "پی-دی-ئێف".

https://www.digitalbook.io

١١) ئەم ماڵپەڕە یەکێکە لە گرنگترین و گرنگترینەکان کە بەکارهێنەری کۆمپیوتەر و ئینتەرنێت دەتوانێت سوودی لێ وەربگرێت لە دابەزاندن و نوێکردنەوەی بەرنامە و بەرنامەکانیدا.

http://www.softpedia.com/

١٢) سایتێکی نوێ کە زیاتر لە هەزار کتێبی بێبەرانبەرت بۆ دابین دەکات لە بوار و دیسیپلینە جیاوازەکان، کتێبی دیجیتاڵی و دەنگی.

https://www.digitalbook.io/

١٣) بەستەرەکە بکەرەوە و وشەی سەرەکی بۆ گەڕانەکەت یان ناونیشانی نامەکەت بنووسە و بە زیاتر لە زمانێک بۆت دەر دەکەوێت کە دڵخۆشت دەکات.
https://core.ac.uk/

١٤) ئەمە لینكێكە بۆ ژمارەیەکی زۆری كتێب لە كتێبخانەكانی بەناوبانگترین زانكۆكانی ئەمریكا.

https://archive.org/details/

١٥) ئەمە بەستەرێکە کە ١٤٥ هەزار و ٩٠٣ کتێبی کتێبخانەی کۆنگرێسی ئەمریکای تێدایە.

https://archive.org/details/

١٦) ئەمەش 399 هەزار و 113 کتێب لە کتێبخانەکانی بەناوبانگترین زانکۆکانی ئەوروپا لەخۆ دەگرێت.

https://archive.org/details/

١٧) ئەم لینکە ٥٢٣ هەزار و ٣٠٢ کتێبی تێدایە لە کتێبخانەکانی بەناوبانگترین زانکۆکانی کەنەدا.

https://archive.org/details/

١٨) ئەمەش ١٠٨ هەزار و ١٣٥ کتێب لە کتێبخانەکانی بەناوبانگترین زانکۆکانی ڕۆژهەڵات لە جیهاندا لەخۆ دەگرێت.

https://archive.org/details/universallibrary

١٩) لینكێكی تر به‌ 79 هه‌زار و 192 كتێب له‌ كتێبخانه‌ جیاوازه‌كانی عه‌ره‌بی.

https://archive.org/details

وەرگیراوە لەپەیجی بەڕێز:
پ. ی. د. بڕیار گەڵاڵی
بڵاوکردنەوەی بابەتەکە: کاناڵی وشەی کوری

🕊@KurdiSoraniWord

وشەی کوردی ☀️

04 Apr 2023 19:09

📢 ئاگاداری:

هۆگرانی بەڕێزی ڤەژینبوکس (بنکەی دەقی ئەدەبی و مێژووییی کوردستان) و ڤەژینلێکس (کۆگای فەرهەنگە کوردییەکان) ئاگادار دەکەینەوە کە پرۆژەکانمان گواستووەتەوە بۆ ئەدرەسی نوێ:

🔵 ماڵپەڕی پرۆژەکان:    vejin.net/
🔵 ڤەژینبوکس:   books.vejin.net/
🔵 ڤەژینلێکس:       lex.vejin.net/

🕊@KurdiSoraniWord

وشەی کوردی ☀️

02 Apr 2023 06:58

🟩 پێکەوە بەرەو سێزدەبەدەرێکی خاوێن!

🟥 هاونیشتمانییانی خۆشەویست!

بۆ ئەوەی کە وڵامی چاکەکانی ژینگەمان دابێتەوە، ڕەچاوکردنی ئەو خاڵانەی خوارەوە لە ڕۆژی سێزدەبەدەر بەتایبەتی و هەموو ئەو ڕۆژانەی بۆ سەیران دەچینە دەرێ پێویستە.

1. تەنیا لە شوێنێک ئاگر بکەینەوە کە پێشتر ئاوری لێ کراوەتەوە.

2. هەر بنەماڵەیەک بە بردنی کیسەنایلۆنێکی گەورە و تێخستنی پاشماوەکان لەو نایلۆنە، لەگەڵ خۆمان بیهێنینەوە ناو شار و لەو شوێنانەی شارەوانی بۆ زبڵ دیاری کردوون ڕۆنێین.

3. لە بڕینی داری تەڕ خۆمان بپارێزین و هەروەها بێ هۆ داری ئیشکیش نەسووتێنین.

4. زۆر کەس پاشماوەی خواردەمەنی جێ دەهێڵیت بۆ ئاژەڵ و باڵندەکان و پێی وایە چاکەی کردووە، بەڵام لە بواری زانستی ژینگەناسییەوە کارێکی باش نییە و ڕەنگە نەخۆش بکەون و ئێستاش دەتوانن بەشی بژێوی خۆیان لە سرووشت بدۆزنەوە.

5. بە هیچ شێوەیەک ئازاری ئاژەڵ و باڵندەکان نەدەین.

6. لە سووتاندنی گوێنی و دارودەوەن خۆ بپارێزین.


سێزدەبەدەر و ژیانێکی خۆشتان بۆ ئاواتەخوازین.
__________

#فێرگەی_زمانی_کوردی
🌻@renusisaratayi

وشەی کوردی ☀️

31 Mar 2023 04:11

#زراو
#کیسەی_زەرداو

ئەندامێکی بچووکی لەشە و لە پەنا جەرگە و ئەرکی ڕاگرتنی ئەو زەرداوەی هەیە کە جەرگ بەرهەمی دێنێ.

ئەو زەرداوە دەچێتە نێو ڕیخۆڵەی چکۆلە و ئەرکەکەی جێبەجێ دەکات.

جا ئەگەر کیسەی زەرداو بدڕێ، مرۆڤ تووشی هێش و ژانێکی زۆری زگ دەبێ و هێز و هەناوت لە دڵدا نامێنێ.

کاتێک لە شتێک دەترسین، دروست ئەو شێوازە پێش دێ، بۆیە دەڵێن: "زراوم چوو" یا دەڵێن: "زەندەقم چوو".

🕊 @KurdiSoraniWord

وشەی کوردی ☀️

31 Mar 2023 03:51

#کەناڵی_وشەی_کوردی

⚜ آب کدر = لێڵاو؛ ئاوی لێڵ؛ شلوو؛ ئاوی شلوێ

⚜ آب کمر = شاوه‌ت؛ تۆوی نێرینه‌؛ تۆماو

⚜ آباد (١) = ئاوەدان

⚜ آباد (٢) = کاته‌ بێبڕانه‌وه‌کان؛ زه‌مه‌نه‌ بێکۆتایییه‌کان

⚜ آباد شدن = ئاوه‌دانبوونه‌وه‌؛ ئاوابوونه‌وه‌؛ سازبوونه‌وه‌

⚜ آباد کردن = ئاوه‌دانکردنه‌وه‌؛ سازکردنه‌وه

⚜ آبادان = ئاوه‌دان؛ ئاڤه‌دان؛ ئاوان؛ ئاڤا

⚜ آبادانی = ئاوه‌دانی؛ ئاوەدانبوون

⚜ آبادسازی = ئاوه‌دانکردنه‌وه‌؛ ئاوه‌دانکاری

⚜ آبادگر = ئاوه‌دانکه‌ره‌وه‌؛ ئاواکه‌ره‌وه‌

⚜ آبادگری = کار یان ڕه‌وتی ئاوه‌دانکردنه‌وه‌؛ ئاوه‌دانکاری

⚜ آباره = جۆگه‌؛ جۆگه‌له‌؛ ئاوباره‌؛ جۆگه‌ی ده‌سکرد و سه‌رئاوه‌ڵه‌

⚜ آبتاز = شە‌تاو؛ تیژە‌نگاو؛ لافاوێک که‌ له‌به‌ر توانه‌وه‌ی سه‌هۆڵ له‌ به‌هار و هاویندا ده‌رده‌که‌وێت.

⚜ آبخوان داری / آب خوان داری = زانستی که‌ڵکوه‌رگرتن له‌ ئاوی ژێر زه‌وی.

⚜ آبدارک = #زیندەوەری قوونهه‌ڵته‌کێنه‌؛ کلکهه‌ڵته‌کێنه‌؛ به‌ر‌گاییلکه؛ جۆره‌ مه‌لێکه‌‌

⚜ آبدار شدن = ئاوداربوون؛ ئاوتێتزان؛ ئاوگرتنه‌خۆ

آبدره / آب دره = له‌پاو؛ شیپاو؛ هاتنه‌ ناوه‌وه‌ی باریکه‌ی ئاو بۆ ناو وشکانی.

⚜ آبدزدک / آب دزدک = (زیندەوەری) مڵه‌؛ وڵه‌؛ جۆبڕ؛ *جووبڕ؛ *جووبڕه‌ک؛ جوبڕک؛ جۆبڕک؛ جۆبڕکه‌؛ جۆبڕه‌ک؛ هووڵه‌؛ هه‌سێڵبڕ؛ هه‌سێڵبڕه‌؛ *کوسبڕه‌ک؛ *که‌ژوو؛ بوونه‌وه‌رێکه‌ ڕه‌گی گیا ده‌بڕێ

⚜ آبدندان / آب دندان = ساویلكه‌؛ نه‌زان؛ داماو/جۆرێ‌ هه‌ناری‌ بێ ناوک/جۆرێ هه‌رمێ‌/جۆرێ‌ هه‌ڵوا/به‌ خواستی‌ مه‌یل

⚜ آبدنگ = ئاوپه‌ڕه‌؛ په‌ڕه‌یه‌ک که‌ به‌ هێزی ئاو کار ده‌کا.

🕊 بە کوردی بدوێین
🕊 بە کوردی بخوێنینەوە
🕊 بە کوردی بنووسین
🕊@KurdiSoraniWord

وشەی کوردی ☀️

30 Mar 2023 22:59

🟥 زمانی کوردیی ناوەندی بۆ ئەپلیکەیشنی فەیسبووک زیاد کرا.

🟡 لە کۆتا نوێبوونەوەی تۆڕی کۆمەڵایەتیی فەیسبووک، زمانی کوردیی ناوەندی، بەفەرمی بۆ ئەپلیکەیشنی فەیسبووک زیاد کرا و بەکارهێنەران دەتوانن بە زمانی کوردیی ناوەندی ئەپلیکەیشنەکە بەکار بێنن.

🟡 پێشتر لە ئەپلیکەیشنەکانی تێلێگرام و ڤایبێر ئەم تایبەتمەندییە بۆ بەکارهێنەران زیاد کرابوو.

🕊@KurdiSoraniWord