🇺🇿 KUTUBXONA_UZ 📖📚|Rasmiy kanal

05 Feb 2024 05:45

#Tafakkur

Qalbingni o‘nglanishini xohlasang, a’zolaringni (haromdan) saqla!

| Hasan Basriy rohimahulloh

📚 @KUTUBXONA
📕 @kutubxona_uz_1

🇺🇿 KUTUBXONA_UZ 📖📚|Rasmiy kanal

03 Feb 2024 03:47

#Tafakkur

"Agar bir ummat tamaddunini yoʻq qilmoqchi boʻlsang, buning uch yoʻli bor: oilani va taʼlimni yakson qil, asllarni qulat.
Oilani yakson qilish uchun onaning oʻrnini yoʻq qil, uni uy bekasi sifatidan xijolat chekadigan qilib qoʻy.
Taʼlimni barbod qilish uchun oʻqituvchini koʻzla, uning jamiyatdagi ahamiyatini yoʻqqa chiqar, hatto talabalari ham haqoratlaydigan darajada uning shaʼnini kamaytir.
Asllarni qulatish uchun olimlarga boq, ularga taʼna toshlarini yogʻdir, ular haqida shubha uygʻot, obroʻlarini tushir, toki hech kim ularga quloq solmasin.
Tarbiyachi ona yashirindi, ixlosli oʻqituvchi chekindi, asllar shaʼni toʻkildi — endi avlodlarni qadriyatlar asosida kim tarbiyalaydi?!"

📚 @kutubxona_uz_1
📕 @KUTUBXONA

🇺🇿 KUTUBXONA_UZ 📖📚|Rasmiy kanal

01 Feb 2024 07:11

#Tafakkur

Tasavvuf, bilish emas, bilmaslik san’atidir.
Bilimlari bilan o‘zini ko‘rsatishlik emas, bil’aks o‘zini hech narsa bilmaydigan qilib ko‘rsatish san’atidir.
Menlik emas, Hechlik san’atidir.
Ulug‘lik emas, Kamtarlik san’atidir.
Boshqalardan o‘zini ustun qo‘yish emas, o‘zini unutish san’atidir.
Har kimga qo‘l o‘ptirish emas, har kimning qalbini o‘pish san’atidir...

| Hazrati Mavlono Jaloliddin Rumiy quddisa sirruhu

📚 @kutubxona_uz_1
📕 @KUTUBXONA

🇺🇿 KUTUBXONA_UZ 📖📚|Rasmiy kanal

30 Jan 2024 16:21

#AYOL

Ayol jamiyatning yarmi deyishadi.
Yo‘q, u jamiyatning hammasidir.
U jamiyatning yarmi bo‘lib qolgan yarmini tarbiyalaydi. Ayolning diniy, vataniy va ijtimoiy ahamiyati judayam buyuk. U ona va buvidir. U xotin, singil va qizdir. U murabbiya, ziyokor va ezgulik kuychisidir. Agar ularni hayotga tayyorlashni eplay olsak, umumiy uyimiz binosiga hissa qo‘sholgan bo‘lamiz. Quyidagi satrlarni aytgan Ahmad Shavqiyga Allohning rahmati bo‘lsin: "Ona madrasadir. Agar uni munosib tayyorlay olsang, qoni toza xalqni tarbiyalaysan!"

| Doktor Salohiddin Koftaru

📚 @kutubxona_uz_1
📕 @KUTUBXONA

🇺🇿 KUTUBXONA_UZ 📖📚|Rasmiy kanal

29 Jan 2024 16:21

OILA TINCHLIGI

   "Ilmsiz ayol seni tushunmaydi. Sendan ilmliroq ayol ham seni tushunmaydi. Ilmda senga teng bo‘lgan ayoldan faqat erkakliging bilan ortiq bo‘lasan. U esa g‘ururi bilan sendan ortiq bo‘ladi. Erkaklik boshqaruvni taqozo qiladi. Gʻurur esa g‘alayonni taqozo qiladi. Boshqaruv bilan g‘alayondan oilaning baxtsizligi kelib chiqadi.
Yaxshisi g‘urur g‘alayonini ilm bilan bostirish uchun xotiningdan ko‘ra ilmliroq bo‘l.

📕 Ayman Yog‘iy

📚 @kutubxona_uz_1
📖 @KUTUBXONA

🇺🇿 KUTUBXONA_UZ 📖📚|Rasmiy kanal

28 Jan 2024 16:20

Фарзандингиз ёлғон гапиряптими? Демак, сиз уни қаттиқ назорат остига олган экансиз.

Фарзандингиз ўзига ишонмаяптими? Демак, сиз уни шижоатлантирмас (рухлантирмас) экансиз.

Фарзандингиз яхши гапира олмаяптими? Демак, сиз у билан сухбатлашмас экансиз.

Фарзандингиз ўғрилик қиляптими? Демак, сиз унга совға-салом бермаётган экансиз.

Фарзандингиз қўрқоқми? Демак, сиз уни кўп химоя қилар экансиз.

Фарзандингиз бошқаларни хурмат қилмаяптими? Демак, сиз нисбатан тажовуз қиляптими? Демак, сиз унга нисбатан қўпол (дағал) муносабатда бўлар экансиз.

Фарзандингиз заифми? Демак, сиз унга кўп дўқ-пўписа қилар экансиз.

Фарзандингиз сизни қизғонаяптими? Демак, сиз унга нисбатан беэътибор экансиз.

Фарзандингиз сизни безовта қилиб, тинчингизни бузяптими? Демак, сиз уни бағрингизга босиб, юзларидан ўпмас экансиз.

Фарзандингиз сизга итоат қилмаяптими? Демак, сиз ундан кўп нарсаларни талаб қилар экансиз.

Фарзандингиз одамови бўлиб қолганми? Демак, сиз ўзингиз билан ўзингиз овора экансиз.

©️ Ториқ ал-Хабиб

📕 @kutubxona
📖 @kutubxona_uz_1

🇺🇿 KUTUBXONA_UZ 📖📚|Rasmiy kanal

27 Jan 2024 16:21

• Ҳаммасини унутиб юборасиз, кейин сабр қиласиз. Бу сабрнинг энг гўзали!
• Нимаики бўлса, қабул қиласиз, кейин сабр қиласиз. Бу сабрнинг энг тўғриси!
• Ҳаммасидан воз кечасиз, кейин сабр қиласиз. Бу сабрнинг энг қийини!
• Барча ишни Аллоҳга топширасиз, кейин сабр қиласиз. Бу эса сабрнинг энг каттасидир...


📕 @kutubxona
📖 @kutubxona_uz_1

🇺🇿 KUTUBXONA_UZ 📖📚|Rasmiy kanal

26 Jan 2024 16:21

Бир инсон сартарошхонага келди. Соч-соқолини калталатиш вақтида мижоз ва сартарош Аллоҳ борасида суҳбатлаша бошлашди. Сартарош:
- Нима десангиз денг, лекин мен Аллоҳнинг борлигига ишонмайман!
- Нега? - сўради мижоз.
- Аллоҳнинг йўқлигига ишонч ҳосил қилиш учун кўчага чиқишнинг ўзи кифоя. Ўзингиз айтинг-чи, агар Аллоҳ бор бўлса нега шунча инсонлар мажруҳ ва муҳтож? Нега етим болалар кўп? Агар У мавжуд бўлганида шунча ғам-қайғулар бўлмасди. Аллоҳ шунча бандаларини севса, нега уларни бундай аҳволга тушиб қолишига жим турибди?

Мижоз бироз ўйланиб қолди. Сартарош ўз ишини якунлагач, мижоз секин ўрнидан туриб, костюмини кийиш учун илгич томон юрди. Шу пайт ташқарида соч-соқоли ўсиб кетган қаровсиз инсонга кўзи тушди. Сартарошни ёнига чақириб, қўлини бигиз қилиб ҳалиги инсонга ишора қилиб:
- Сартарошлар ҳам мавжуд эмас! - деди ва секин салондан чиқиб кетди. Ортидан сартарош таажжуб ила чиқиб:
- Қанақасига? Ахир сизга мен хизмат кўрсатмадимми? Мен сартарош эмасманми унда? - деди.
- Йўқ! Сартарошлар мавжуд эмас! Бўлмаса ер юзида шу одамга ўхшаган, соч-соқоли ўсиб кетган инсонлар кўп бўлмасди!
- Бунда сартарошни нима алоқаси бор? Ахир уларни ўзлари менга келмайдику!
- Гап ҳам шунда, дўстим! Аллоҳ мавжуд! Шунчаки одамлар Унга бормайди. Шу сабабли ҳам ер юзи жабрдийда ва мазлумларга тўлган!

•••┄┄┄❅┄┄┄•••

📕 @kutubxona
📖 @kutubxona_uz_1

🇺🇿 KUTUBXONA_UZ 📖📚|Rasmiy kanal

25 Jan 2024 16:20

Фаришталарда ақл бор, нафс йўқ.
Ҳайвонларда нафс бор, ақл йўқ.
Одамда эса нафс ҳам, ақл ҳам бор.

Агар одам нафсини жиловлаб ҳукмига бўйсунтирса, фаришталардан азиз бўлади.

Агар одам нафсига қул бўлиб, унинг ҳукмига кирса, ҳайвонлардан баттар тубан бўлади.

📕 @kutubxona
📖 @kutubxona_uz_1

🇺🇿 KUTUBXONA_UZ 📖📚|Rasmiy kanal

24 Jan 2024 16:21

📚 Men. Bas qil, ey nafs!
✍🏻Fotih Duman

💫Ichimdа bir ovoz bor. Dunyogа kelibmаnki, o'zimniki deb o'ylаgаnim o'shа ovoz bor... Hech to'хtаmаgаn, hаr doim shivirlаb turgаn ovoz... Kimdir uni «ichki ovoz» desа, yanа kimdir uni «Menlik» deb аtаydi, аmmo eskilаr buni «nаfsning ovozi», «nаfs» deb аtаshаdi...

Nаfs — zаhаrdir. nаfs — dushmаndir... U hech qаchon tin olmаydi... Sizning hаm ichingizdа bir ovoz siz bilаn gаplаshаdimi? Siz jim bo'lgаn pаytingizdа hаm u gаpirаverаdi, shundаymi? Quloqlаringizgа nimаlаrnidir pichirlаydimi? Yolgʻiz qolgаn pаytingizdа bu gʻаlаti ovoz siz bilаn so'zlаshаdimi?

Shundаy ekаn, bu kitobni nаfsingiz tilidаn хitob qilinаdigаn bir hikoya deb qаbul qilgаysiz....

Ammo shuni bilingki, qаlbimizgа mаnа shulаrni vаsvаsа qilgаn hаm nаfsimizdir. Bizlаrni ishdаn qoldirgаn, аldаb suldаgаn hаm nаfsdir. Vа hаtto, ichingizdаn bir ovoz sizgа «Bu kitobni аslo o'qimа!» deyayotgаn bo'lsа, bilingki, bu hаm аnа o'shа nаfsning ovozidir.

🇺🇿 KUTUBXONA_UZ 📖📚|Rasmiy kanal

23 Jan 2024 15:19

#Kitobdan

ENG AFZAL SUKUT

Mavlono Jaloliddin Rumiyning «Ichindagi ichindadir» asarida go‘zal bir rivoyat bor: «Usmon roziyallohu anhu xalifa bo‘lishi bilan minbarga chiqdi va xalq: «Ajabo, nima der ekan deb kutdi. Biroq Hazrati Usmon indamadi. Aqalli bir so‘z aytmadi. Faqat boqdi va xalqda shunday bir hol paydo bo‘ldiki, hech kimda tashqariga chiqishga mador qolmadi. Shu vaqtgacha qilingan yuzlab xutbalar chog‘i bunday hol hosil bo‘lmagan, mo‘minlar bunday hol soyasida o‘zlari uchun foyda va sirlarni hech qachon bunchalik ko‘p kashf etishmagan edi. Usmon roziyallohu anhu yig‘in tugagunicha gapirmadi. Faqat minbardan tushayotganida: «Siz uchun faol iymon mahmadona iymondan xayrlidir», dedi. U haq gapni aytdi. Chunki so‘z aytishdan maqsad bir foyda bermoq, qalbga ta’sir etmoq, axloqni o‘zgartirmoq va hokazo yaxshiliklar qilmoqdir. Holbuki, Hazrati Usmon lom-mim demasdan, gapirgan vaqtidagidan ko‘proq foyda keltirdi».

| "Ko‘hna dunyo rivoyatlari" kitobidan

📚 @KUTUBXONA
📕 @kutubxona_uz_1

🇺🇿 KUTUBXONA_UZ 📖📚|Rasmiy kanal

22 Jan 2024 14:18

Бир киши уйида ун қолмаганлиги сабаб буғдойни эшагига ортиб, тегирмон тарафга қараб йўл олибди. Етиб боргач, буғдойни тушириб олиши билан эшаги қочиб кетибди. Буғдойини тегирмончига топшириб, эшагини қидиришга чоғланибди. Эшагини ортидан қидириб бориб топа олмабди. Бу орада жума намози яқинлашганини кўриб: “Сен қаерга борсанг боравер, мен жума номозига бораман” деб, масжидга қараб йўл олибди.

Жума намозини адо этгач, ўйланиб қолибди, тегирмондан унни олиб кетай деса, эшаги йўқ, ноилож уйга қайтибди. Уйига яқинлашгач, эшакнинг овози эшитилибди, ҳайрон бўлиб хотинидан сўраса, эшакнинг ўзи уйга қайтиб келган экан.

Хотини унга: “Қорнингиз оч бўлса керак, янги ундан нон ёпдим, келтирайми?” – дебди. У яна ҳайрон қолибди. Ун тегирмонда қолган, уйда ун қолмаган бўлса, хотини қайси янги ундан нон ёпганини сўрабди. Хотини: “Қўшнимиз ҳам тегирмонга борган экан, тегирмончи бизнинг унимизни ҳам қўшиб берворибди. Унимиз ҳам, эшагимиз ҳам ўз оёғи билан кириб келди”, - дебди кулиб.

Киши хотинидан бўлган ишларни эшитиб: “Аллоҳим, мен сенинг бир амрингни ожизлик билан бажардим, эвазига шунча эҳтиёжларимни қондирдинг. Сенга қанчалар шукр қилсак ҳам кам, Ўзингга беҳисоб шукрлар бўлсин!” - дебди.

📕 @kutubxona_uz_1
📖 @KUTUBXONA

🇺🇿 KUTUBXONA_UZ 📖📚|Rasmiy kanal

21 Jan 2024 15:51

Бир мактабда “Дунёнинг етти мўъжизаси” мавзусида дарс ташкил этилди. Ўқувчиларга нимани мўъжиза деб ҳисоблашса, энг муҳим еттитасини ёзиш вазифаси топширилди.

Ҳамма дафтарларини топширди, фақат бир қизча ҳали ҳам ёзишни тугатмаган эди. Ўқитувчи: “Сенга кўмаклашиб юборайми, қизим?” деб сўради ундан. Қизча: “Дунёда мўъжизалар шунақанги кўплигидан қайси бирини танлашни билмай кўп ўйландим”, деб жавоб берди. Шунда устози: “Қани, танлаганларингни ўқиб берчи”, деди унга. Қизча бирмунча вақт иккиланиб турди-да, сўнг ўқишга киришди:
“Мен учун дунёнинг етти мўъжизаси:
1. Кўриш.
2. Эшитиш.
3. Ҳаракатланиш.
4. Англаш.
5. Ҳис қилиш.
6. Кулиш.
7. Севиш”.

Сизда мана шу мўъжизалар бўлса, шукур айлaнг! Сиз мўъжизага бой инсон экансиз!

📕 @kutubxona_uz_1
📖 @KUTUBXONA

🇺🇿 KUTUBXONA_UZ 📖📚|Rasmiy kanal

20 Jan 2024 18:26

#Mutolaa

Kitob o'qish haqida

Shayx Muhammad Sodiq Muhammad Yusuf hazratlarining kitob o‘qishdagi tajriba va tavsiyalaridan:
«Har bir kitobni boshlashda o‘sha kunni daftarga qaydlab qo‘yasiz. Kitobda tushuna olmagan, savol tug‘ilgan o‘rinlar uchun ham daftarga ishora qo‘yib borasiz. Biror jumla yoki gapni tushuna olmasangiz, ko‘p o‘ylanib vaqtni ketkazmaslik kerak, vaqti-soati kelib, biror joydan o‘sha gapning sodda ifodalangan shakli chiqib qoladi, jumboq o‘z-o‘zidan yechiladi. Keyin kitobni tugatgan sanangizni belgilaysiz. Shunda qancha va qaysi kitoblarni o‘qiganingiz ko‘z o‘ngingizda bo‘ladi. Bu holat sizga yanada shijoat beradi».

📚 @kutubxona_uz_1
📕 @KUTUBXONA

🇺🇿 KUTUBXONA_UZ 📖📚|Rasmiy kanal

19 Jan 2024 16:20

#Tafakkur

"Men hali qaytaman!" - dedi u mag‘rur holda.
Hamma uning bu qaytishini sohasiyu obro‘siga, matlabiyu mansabiga, markabiyu mavqeiga deb tushundi. Faqat Yergina bu xitobni o‘z ma’nosida angladi: "Albatta, menga qaytishing bor gap..!"

| Xayrulla Hamidov

📚 @kutubxona_uz_1
📕 @KUTUBXONA

🇺🇿 KUTUBXONA_UZ 📖📚|Rasmiy kanal

04 Feb 2024 07:37

#Tafakkur

BAXT

• Mukammal insonni izlashdan voz kech, baribir topa olmaysan.
• Eng muhimi, sen bilan bir safda ekanidan o‘zini baxtli his qiladigan insondir, shuni topsang mahkam tur, qadriga yet!
• Qolgan ming‘ir-sing‘irlarning barchasi bekor!

©️ Mahbubiy

📚 @Kutubxona
📕 @kutubxona_uz_1

🇺🇿 KUTUBXONA_UZ 📖📚|Rasmiy kanal

02 Feb 2024 07:11

#Tafakkur

Mantiq tufayli tark etgan narsamizga hissiyot bois qaytmasligimiz kerak.

| Ayman Yog‘iy

📚 @KUTUBXONA
📕 @kutubxona_uz_1

🇺🇿 KUTUBXONA_UZ 📖📚|Rasmiy kanal

31 Jan 2024 01:05

#ilm

Odamzod ilmga ovqatdan ham ko‘ra muhtojroqdir. Chunki ovqatga bir kunda bir yoki ikki bor ehtiyoj tushadi. Ilmga esa nafaslari sonicha hojati bordir.

| Imom Ahmad ibn Hanbal

🇺🇿 KUTUBXONA_UZ 📖📚|Rasmiy kanal

30 Jan 2024 06:02

Inson hayotini boshlar ekan, unda muhabbat, mehr, nekbinlik va kelajakka ishonch to‘lib toshgan bo‘ladi. So‘ng ulg‘aygani sari qalbidagi bunday his-tuyg‘u buloqlari quriy boradi. Vaqt o‘tishi bilan endi u xudbin va baxil qariyaga aylanadi. Faqat o‘zining foydasini o‘ylaydi. Faqat manfaati ortidan yuradi.
Sababi, uning jajji orzulari va musaffo tuyg‘ulari birin-ketin umidsizlik qoyalari bilan to‘qnashadi. Va bu uning dunyoga, odamlarga bo‘lgan ishonchini so‘ndiradi. Mahbubi tashlab ketadi, xotini yolg‘on gapiradi va do‘sti undan foydalanib qoladi. Shunda uning qalbidagi bu bo‘shliqni to‘ldiradigan, tabassum va nekbinligini asrab qoladigan qo‘r topa olmaydi. Endi u go‘zalligini yo‘qotadi, so‘ladi va shafqatsizlashadi.
Uning bu nafrati butun dunyoga nisbatan nafratga aylanadi.
Chunki u yetarli mehrga ega bo‘lmadi. Uni dunyodan ham topmadi, qalbidan ham topmadi. Shu sabab inqirozga yuz tutdi.
Aslida inson qanchalik ulg‘aymasin, qanchalik qartaymasin uning qalbida bunday qurg‘oqchilik paydo bo‘lmasligi kerak edi. Nima sodir bo‘lmasin, qanday to‘qnashuv yuzaga kelmasin, u doimo mehr berishga qodir bo‘lishi kerak edi.
Demak, hammamizning muammomiz yagona. U ham bo‘lsa mehr-muhabbatga muhtojmiz.

| Mustafo Mahmud, "Muhabbatning 55 muammosi" kitobidan

️📚 @kutubxona_uz_1
📕 @KUTUBXONA

🇺🇿 KUTUBXONA_UZ 📖📚|Rasmiy kanal

29 Jan 2024 05:09

#Tafakkur

Og'riqni his etish uchun kishi o'z tanasida dard chekishi shart emas. Insofli, oqil kishi o'zini dard chekkan kishining o'rniga qo'yishni biladi.

| Odinaxon Muhammad Sodiq

📕 @kutubxona_uz_1
📖 @KUTUBXONA

🇺🇿 KUTUBXONA_UZ 📖📚|Rasmiy kanal

28 Jan 2024 01:05

Бир донишманд шогирдига шундай савол қилибди:
- Агар мен меҳмонхонада қоладиган бўлсам, ва у меҳмонхонанинг ичини тўлалигича бошқатдан таъмирлатсам, безакларини бошқатдан қилсам, уни тўлалигича ўзгартирсам, ердаги гиламларидан тортиб, шифтдаги қандилларигача... Сен бу хақида менга нима деган бўлар эдинг?!
- Ахир, Устоз… у ерда шунчаки бир-икки кунгина қоласиз холос-ку?!
- Айнан! Айнан бу дунё ҳаёти ҳам шунақа… Бор йўғи бир-икки кунлик холос…

Хулоса ўзингиздан!

📕 @kutubxona
📖 @kutubxona_uz_1

🇺🇿 KUTUBXONA_UZ 📖📚|Rasmiy kanal

27 Jan 2024 01:05

Қадим замонда хитойлик қария фермерлардан бири ўз фермасида от боқарди. Бир куни унинг отларидан бири қочиб кетди. Фермернинг ён қўшниси эса унга тасалли бериб, бу ҳолга бахтсизлик деб таъриф берди. Қария фермер унга:
— Бахтми ёки бахтсизликми? Ким билади дейсиз? — дея жавоб берди.

Бир ҳафтадан сўнг, қочиб кетган от орқасидан бир қанча отларни эргаштириб келди. Ён қўшниси бу сафар "Бахтингиз бор экан, қўшни” деса қария унга яна
— Бахтми ёки бахтсизликми? Ким билади дейсиз? — дея жавоб берди.

Кейин фермернинг ўғли ёввойи отлардан бирини минмоқчи бўлганида йиқилиб тушиб, оёғи синиб қолди. Энди бу ҳолга маҳалла аҳли "бахтсизлик” деб баҳо беришди. Қариянинг жавоби эса одатдагидай бўлди:
— Бахтми ёки бахтсизликми? Ким билади дейсиз?

Бир неча ҳафтадан сўнг, ҳарбий кучлар қишлоққа келиб, хизматга яроқли барча ёшларни тўплаб, урушга олиб кета бошлашди. Улар фермернинг ўғлини кўргач: "Буни оёғи чўлоқ экан, бу бизга ярамайди” деб қолдириб кетишди.
Маҳалладагилар фермернинг ўғлини чўлоқ ҳолда кўришгач, ўзлари ҳам бу нарса бахтми ёки бахтсизликми деб ўйлаб қолишди.

Яна ким билади? Ҳаётдаги воқеалар асл кўринишидан бошқача ҳам бўлиши мумкин. Биз яхши деб ўйлаган нарсаларимизнинг орқасидан ёмонлик келиши ёки жуда ёмон бўлди деб ўйлаган нарсаларимизнинг орқасидан ҳаётимиз учун жуда фойдали нарсалар келиши ҳам мумкин!

📕 @kutubxona
📖 @kutubxona_uz_1

🇺🇿 KUTUBXONA_UZ 📖📚|Rasmiy kanal

26 Jan 2024 01:05

Олимлар тош асри миллион ёки неча минг йил олдин ўтиб кетган дейишади. Лекин мен айрим одамларнинг тош қалбларига қараб, бу гапга ишонгим келмайди. Тош асри тугамаганга ўхшайди.

Бир киши ўзининг синглиси билан юз кўрмас даражада аразлашган экан. Узоқ йиллар давомида ака-сингил бегоналардай юришган. Вақти келиб, сингил қазо қилганида ака фотиҳага бормоқни ихтиёр этиб, ҳаракатини "ўликнинг ҳурматини қилиб қўйиш керак", деб изоҳлабди. Ажаб, минг бор ажаб! Дуруст, ўликнинг ҳурмати бор экан. Тирикнинг ҳурмати-чи?

© Тоҳир Маликнинг "Меҳмон туйғулар" китобидан

📕 @kutubxona
📖 @kutubxona_uz_1

🇺🇿 KUTUBXONA_UZ 📖📚|Rasmiy kanal

25 Jan 2024 09:53

#Tafakkur

Odamlar islomni xulqingizga qarab qabul qiladilar, dalillaringizga qarab emas.

| Abdulloh Shinqitiy hafizahulloh

📚 @kutubxona
📖 @kutubxona_uz_1

🇺🇿 KUTUBXONA_UZ 📖📚|Rasmiy kanal

24 Jan 2024 09:30

Gul suvga oshiq boʻldi...
Suvga:
– Seni sevaman, – deb aytdi.
Suv:
– Men ham seni sevaman, – dedi.
Oradan biroz vaqt oʻtgandan keyin, takror Gul Suvga:
– Seni sevaman, – dedi.
Suv:
– Men ham seni sevaman, – dedi...
Gul kasal boʻlib, soʻlib qoldi...
Suv bu holni koʻrib chidolmasdan, tabib chaqirdi. Tabib Gulni yaxshilab tekshirgandan keyin, Gulga umidsiz boqdi. Suv esa xavotirlanib:
– Gulga nima boʻlgan ekan? – deb soʻradi.
Tabib esa:
– Hech narsa qilmagan, faqatgina Suvsiz qolibdi. – dedi...
Bundan shu narsa tushuniladi-ki, “Ishq – faqatgina seni sevaman!”, deb aytishlikdan iborat emas ekan.
Ishq – senga har narsasini bera olishiga ishonganing bir insonni sevishlikdir...

📕 @KUTUBXONA
📖 @kutubxona_uz_1

🇺🇿 KUTUBXONA_UZ 📖📚|Rasmiy kanal

23 Jan 2024 01:05

Энг гузал аёл...
Бозор расталарининг бирида ширин нон ва манти пишириб сотадигам аёл ҳар куни мижозларга егулик улашарди. Бир кун ёмғир шиддат билан ёға бошлади. Ёмгир жалага айланди. Аёл дўконни қулфлаб , магазиндан иккита зонтик сотиб олди. Қизи ўқийдиган саньат маркази эшиги олдига боргач кийимларига қараб, ичкари киришга иккиланиб қолди. Шусиз хам йўқчилик туфайли қизининг тенгдошлари олдида изза бўлишидан қўрқиб юрган она бинонинг пастки қаватига тушиб дарс тугашини кута бошлади.

Шу пайт қизи билан кўзи тўқнашди. Она қизини кўриб мамнун қўл силкитди. Бирок қизи уни кўрмаганга солиб девор ортига беркинди. Бир неча дақиқадан сўнг девор ортидан мўралади. Бу эса онасини бу аҳволда кутиб туришини истамаганлигини анлатарди. Бундан кўнгли оғриган она бошини қуйи солганча жим қотиб қолди.

Бир ойдан сўнг она қизи ўқийдиган саньат марказидан талабалар кўргазмасига таклифнома олди. Қизини яна уятга қўйишдан чўчиган она иккилана йўлга тушди.
Деворга осиб қўйилган суратларни бир-бир кўздан кечирган она бир портрет олдида тўхтаб қолди.

Унинг тагига "Дунёдаги энг гўзал аёл" деб ёзилган эди. Ёғаётган ёмғир, зонтик кўтарган, оппоқ унга беланган фартук таққан, эски туфли кийиб олган аёл тасвирланган эди унда. Бу саньат асарида қизини кутиб турган онанинг ҳолати чизилган эди.

Шу куни қизи девор орқасига яшириниш сабаби онасининг ўша ҳолатини юрагига муҳрлаб олиш бўлганди. Расмни кўраётган она кўзларидан ёш оқа бошлади. Шу пайт она ёнига қизи келди. Унинг кўзларида фарзандлик меҳри балқиб турарди...

📕 @kutubxona_uz_1
📖 @KUTUBXONA

🇺🇿 KUTUBXONA_UZ 📖📚|Rasmiy kanal

22 Jan 2024 04:08

Чўлга чиқдим. У ерда ғоят гўзал аёлни кўрдим, эри жуда ёқимсиз эди.
- Бунга қандай рози бўлдинг? - дедим.

Аёл менга:
- Жим! Бундай гапирма, ҳар ҳолда эрим, Аллоҳга хуш келгувчи бир иш қилгандирки, мукофот сифатида мени унга берди. Мен Аллоҳ рози бўлмайдиган бир иш қилгандирманки, жазо сифатида уни менга бергандир. Аллоҳ рози бўлганига мен рози бўлмайинми?

Мен жим бўлдим...

Ҳа, баъзан эшитиб турамиз "Нега менга бундай хотин учради?", "Эрим менга мос эмасди"...

БИЗ ЎЗИМИЗ АСЛИДА КИММИЗ!!!

📕 @kutubxona_uz_1
📖 @KUTUBXONA

🇺🇿 KUTUBXONA_UZ 📖📚|Rasmiy kanal

21 Jan 2024 03:35

- Мен учун нима қилдинг?- деди.
- Намоз ўқидим, Роббим,- дедим.
- Намозларинг қабул бўлмади, нуқсонли эди.
- Рўза тутдим, Аллоҳим.
- Рўзаларинг қабул бўлмади.
- Етмиш марта ҳаж қилдим, Роббим.
- Ҳажларинг мақбул эмас.
- Закот бердим, Аллоҳим.
- Кимнинг молини кимга бердинг?
- Э воҳ, Мансур ҳалок бўлди, - дедим.
Кейин менга айтилдики: "Фалон замонда йўлда кетаётганингда бир тиканни бандаларга зарар етмасин деб чеккага олиб қўйгандинг. Бу амалга сен катта баҳо бермадинг, лекин ҳузуримизда қийматли эди. Бугун ана ўша яхшилигинг сабаб сени афв этдик"...

📕 @kutubxona_uz_1
📖 @KUTUBXONA

🇺🇿 KUTUBXONA_UZ 📖📚|Rasmiy kanal

20 Jan 2024 04:08

Ер юзида мукаммал хаётни излама, у йўқ нарса. Гўзаллик тескаралик билан, самимийлик – риёкорлик билан, тан олиш — унутиш билан ёнма ён яшайди...

Бизлар ўзгартира олмайдиган нарсалар мавжуд, уларни қабул қил ва йўлингда давом эт.

Қабул қилиш — таслим бўлиш дегани эмас, гарчи биринчи қарашда мағлубиятдай туюлса ҳам.

Қўлингдан келганича кечаги ўзингдан яхшироқ бўл — ҳар бир янги кун бунинг учун сенга янги имкониятлар тақдим этади.

📕 @kutubxona_uz_1
📖 @KUTUBXONA

🇺🇿 KUTUBXONA_UZ 📖📚|Rasmiy kanal

18 Jan 2024 11:15

#iqtibos

Koʻpincha «koʻp o'qigan» iborasini biz sifatga emas, balki miqdorga nisbatan, ya'ni yaxshi va sifatli oʻqigan emas, balki koʻp narsa oʻqigan insonlarga nisbatan qoʻllaymiz. Koʻp narsani sifatsiz oʻqigan insonni olqishlash emas, balki unga achinish kerak. Tomas Gobbs aytganidek: «Agar koʻpchilik insonlar kabi koʻp kitob o'qiganimda, xuddi ular kabi toʻpori zehnga egaligimcha qolar edim».
Buyuk yozuvchilar doimo buyuk o'quvchilar boʻlishgan, lekin bu ular o'z davrlarida oʻqilishi shart sifatida keltirilgan barcha kitoblarni o'qib chiqqanligini anglatmaydi. Koʻp hollarda ularning oʻqigan kitoblari soni hozirgi hamkasblarimiznikiga qaraganda ancha oz boʻlgan, lekin ular oʻqigan kitoblarini juda yaxshi oʻzlashtirishgan. Ular oʻsha kitoblarni a'lo oʻzlashtirganliklari sababli ham oʻsha kitob mualliflari darajasiga chiqqanlar. Ularning oʻzlari ham kitob yozilganidek muhim ahamiyatga ega boʻlgan kishilarga aylanishgan. Tabiiy holda yaxshi talaba yaxshi oʻqituvchi boʻlgani kabi yaxshi oʻquvchi ham vaqti kelib, yaxshi muallifga aylanadi.

"Kitoblar qanday o‘qiladi"

📚 @kutubxona_uz_1
📕 @KUTUBXONA