5186
زغار احنه بمجالسكم وعينه الفرات انصير لشفافك وعينه اذا العباس ضحاله.بعينه نقدم ارواح ياابن الزجيه
ليلة مصاب السجاد
حضري يزهره ويانه
الليله هاي مصيبته
الزهره حضري الدفنته
للموت ماكف دمعته
الحسين كبرت حسرته
ومنه گــــــطعنه رجانه
ليلة مــــــصاب السجاد
شاف العذاب بدنيته
وگباله مذبوحه اخوته
گبرت علئ طف علته
من يوم ســلبو عمته
ويشــــــوفها وحيرانه
ليلة مــصاب السجاد
يزهره ابنــــج بلغرب
مات الدمع منه ويصب
مايوم ويــــهود الگلب
يذكر عــــذابه البدرب
كال الدهــــــــر خانانه
ليلة مصــاب السجاد
حضرت الزهره الليله
تبــــجي وتنوح نحيله
بالمجــــــــلس وتنعيله
والدمع هــــــي تسيله
ام الحســــــــن حزنانه
ليلة مــــــصاب السجاد
الزهره مكــسوره وتون
من شافت اسياط المتن
لمصابه عــــــذبها الحزن
بكالت بعد ساعه الدفن
ماكو مثــــــــــــــل بلوانه
ليلة مــــــــصاب السجاد
✍ابو سلام الجابري
✍باقر جبار الشويلي
عگيلي للسجاد
هالليله الزهره نعزيها
هالليله الزهره نعزيها
╌────═❁═────╌
بمصاب السجاد الليله
الخادم بالمجلس شد حيله
يلطم راسه ودمعه يسيله
والخادم ونته يعليها
╌────═❁═────╌
يوم العاشر ضل باله
جدامه وچتفوها عياله
من عدهن يذكر ياحاله
وزينب عالنوگ مرچبيها
╌────═❁═────╌
الله يعينك يابو الباقر
اعله حسينك تكسر خاطر
شفت بعينك رضه الحافر
والجثه بهيمه مطشريها
╌────═❁═────╌
مغدور بسمك ياويلي
يالعابد يومك هد حيلي
لمصابك دمعاتي تسيلي
وبصدري لطمه مخليها
╌────═❁═────╌
هليله نعزي مولانه
والمهدي مفرع ويانه
ذبلان ومتغيره الوانه
يلطم عالراس يخليها
╌────═❁═────╌
يلطم علراس مگابلنه
والونه يعليها الونه
يعظم اجرك وبساجدنه
والصرخه حيل يعليها
✍باقر جبار الشويلي
للتواصل والاستفسار على القصائد
#شريفه
#السيده_شريفه
#طبيبة_المعلوليين
شريفه مجربه وعدها البراهين
بس اندب واصيح بعمج حسين
*---------------*---------------*
طبيبه مجربه وانطت علامات
خل نكصد شريفه وعدها انبات
يم بابج الوذ وابچي ساعات
واحلفچ بالعقيله واهمل العين
*---------------*---------------*
تشافين العلل بيدج معاجز
شجم واحد صبح دكتوره عاجز
يتشافه بلا علاج وكلشي جايز
طبيبه مجربه بت الميامين
*---------------*---------------*
امد روحي اعله بابج والطم هواي
واصيحن ياشريفه ضايع دواي
عجز من الطبيب وتايه الراي
اجيت بحضرتج ماعندي معين
*---------------*---------------*
نخيتج ياشريفه ودمعتي تلوح
ترى همومي ثجيله اطلع الروح
مثل طير بقفص تاليها مذبوح
وادري لو نخيتچ ماتقصرين
*---------------*---------------*
معلول واجيتج بنت الاجواد
لا دكتور ينفع لا دوه لفاد
أون انه بحزن وكليبي لاهاد
ابجي بمرقدج كاتلني البين
*---------------*---------------*
✍باقر جبار الشويلي
#للعباس
حسافه ينام اخوي ..البيه الكفايه
خويه الليل موحش وانه مهضومه
نايم ياسبع شلك بهل النومه
خويه لخاطرك مريت بلحومه
..مرينه عباس.. بنحرك..
خويه لخاطري اكعد وحاجيني
مااحمل هضم لا ضيم تدريني
توجعني السياط اشكفها بيميني
..عباس اكعد عالوا بينه..
شلون ينام واحنه بنص الازلام
ماترضه لخواتك روحت الشام
ومطافر حجي وعيون ضلام
...مايرضاها عباس انذل...
حسافة تنام وعداكم يضربوني
وبمجلس يزيد الكوم شتموني
راسك عالرمح وتصد اله اعيوني
..وشتموني عباس خلافك..
روحي تريد يمك يابو المروه
ياخوي وحبيبي وللدهر تجوه
وياك اليوم راحت جلمه الخوه
..تجويني يانار… فراكك..
✍باقر جبار الشويلي
/channel/lAfiteamoun
#نزله_عگيلي
اخر ليله ويه حسيني
اخرليله ويه حسيني
*---------------*---------------*
خلينه نودع والينه
باجر جا ياهو يضل لينه
نوگ الشمات التحدينه
ودموعي نزلت من عيني
*---------------*---------------*
وبليل العاشر مفجوعه
شيتحمل گلبي جم لوعه
سبي عياله وكسر ضلوعه
جاياهو بعده ليحميني
*---------------*---------------*
بس هليله يم اخواني
وباجر تذبح ولياني
يازينب صبري وصاني
بين الغربه ومخليني
*---------------*---------------*
باجر تتسلب ياروحي
ياعباس تزيد جروحي
بس هليله ويكثر نوحي
هاك اسمع عباس ونيني
*---------------*---------------*
ادموعي النزلت سياله
عباس وترضه بهل حاله
تفتر بخيامي الخياله
ترضاها عگبك يسبيني
*---------------*---------------*
اخواني التموا ويانه
وبليل العاشر وصانه
بالخدر هاي الحزنانه
مسبيه تاليها سنيني
*---------------*---------------*
عذريني يازينب باجر
بلايه جفوف بيوم العاشر
وضلوعي طاحنها الحافر
عذريني خويه عذريني
*---------------*---------------*
خادم السيدة زينب ع
✍️باقر جبار الشويلي
نسالكم الدعاء
/channel/lAfiteamoun
#الليلة_العاشرة
#للرضيع
#لحن_مسلم_الوائلي
المهد خالي.. يعبدالله
الضنه غالي.. يعبدالله
╌────═❁═────╌
يوليدي الرمح شالك ياتعبي وسهر ليلي
وحدي وبالخرابه انعاك عبدالله نهدم حيلي
اون اعليك يالعطشان ويلي والف ياويلي
صدگ تالي. عبد يمه
لحضن فارغ. الحزن سهمه
دمع يجري .. يعبدالله
دمه يسري...يعبدالله
╌────═❁═────╌
يتروالي طفل اسمع واگولن چنه وليدي
يدر صدري عله حسه ويحن گلبي انه شبيدي
لاچن مايرد لمات بيومه اگطعوا ووريدي
شنو ذنبه. المهد يحچي
يعاتبني. ودمه يبچي
طفل بعده. يعبدالله
ترف خده. يعبدالله
╌────═❁═────╌
يورده عمري وسنيني مفطوم بدمه نحره
بعيوني لمن شفته واگلبه يمنه وي يسره
جرحك فتت گليبي ولطمت الوجه بالعشره
بعمر ورده. وتوادعنه
لولديبني. انه بمحنه
اگل للروح. يعبدالله
مشى مذبوح. يعبدالله
╌────═❁═────╌
يگلي انتهت عشرتنه يمه وياضوه عيوني
مووكتهه الگبر هسه ليش بسهم ذبحوني
حلات الولد من يكبر حماية لامي يردوني
انه اتعذر. بعد عيني
الدهر فرگ. نياشيني
حلم راحل. يعبد الله
دمه سايل. يعبدالله
╌────═❁═────╌
أأيس واكطع الضنه واخبرك يمه مسبيه
الدرب يبني يريد ازلام شمرهم يزمخ اعليه
صفگت ايدي واگولن حيف لاچن خلفت ميه
الزلم كلها. عالتربان
عبد يمه. بگلب لهفان
اجتني منين. يعبدالله
وداع سنين. يعبدالله
╌────═❁═────╌
✍باقر جبار الشويلي
بقلم الشاعر باقر جبار الشويلي
بصوت المبدع حازم الدشكتي
#فزاعيه_بهوسات
#جسام
هد جسام يبني وانه لزامطت بيك
*---------------*---------------*
هد جسام يمه وافزع لعمك
شيل السيف وارفع راسها امك
خليني ازامط بيك يرباتي
اريد ارض الطفوف تحني بدمك
يرهب يومه ..شيال الطف
*---------------*---------------*
اريد تصول يمه وترفع الراس
تطشره العساجر كوم الارجاس
خيل بخيل تردمهم يجاسم
عد عينك يعمي صيح عباس
هذا وليدي...خلاس وطب
*---------------*---------------*
دك ازماط يبني امك تريد
تهوسلك تحشم ها يصنديد
بكلب اعداك حط اليوم وهواس
جن طر الفجر يالوجهك العيد
صارت نيبه... جسام اعرض
*---------------*---------------*
يرفعة راسنا وهيبة زلمنه
جسام الكلف شايل علمنه
اريد اليوم حاضر بالكلافه
يراس ازماطنه وحامي حرمنه
محلي الهوسه..يوليدي اسمك
*---------------*---------------*
اخذ الزود من عباس هاليوم
وعن عمك يجاسم زيح الهموم
عد عينك يعمي محزم حزام
يصول يجول عالشكره ويضل دوم
يوم الكلفه ...جن عزرائيل
*---------------*---------------*
✍️باقر جبار الشويلي
#نزله_للقاسم
#جسام
بيك ياجسام رمله تنتخي
رايتك هزها بيمنك.. حيد يبني وفي دينك.. كوم هز عدانه
ياشهم يابو المراجل.. يمك العباس كافل.. شحده التعنانه
انت لوطبيت عسكر..تخلي رووس الزلم تفتر ..ترعب بميدانه
حيد ياشبل الهواشم.. شلون ويلاكيك غاشم. تربطه من عنانه
كفو راي المرجله
كفو وفه بكربله
كفو محد قابله
بيك ياجسام رمله تنتخي
.....
امك تحشم يجاسم .. بيده ملك الموت قادم .. ليلة يحمي ضعونه
انته يابزرة الساده ..بس الك تحله القياده ..
خلهم يسمعونه
قِسم وبرب السماء .. الا يفني كربلاء..فنهم يلا كونه
الحاظر يبلغ الغايب..بسيفه تنزل بس،مصايب. وخافوا من عيونه
......
امه صاحت ياهلا
امه تقرا الزلزله
امه بيه مدلله
بيك ياجسام رملة تنتخي
.....
ياشهم يابو المراجل.. كفو كدها من تقاتل.. شحدهم يكربونك
من تهز سيفك تثلمه.. الجيش ونته الي تعلمه.. اليوم يوم افنونك
بزودك وانته التجيه ..وماتهاب من المنيه.. تذبح وبعيونك
التخزره يتيه رايه.. نشمي وبيك الكفايه.. شحدهم يلاونك
ونعم منك صحت
ونعم ماقصرت
ونعم بيك اكبرت
بيك ياجسام رمله تنتخي
.....
كلف ذلاهم بزوده ..بطل ومسرفن ازنوده...وماتذل الرايه
هلا ياجاسم تكله...كوم يبني السيف سله...وكوم دك الثايه
انته لشبان قدوه..من كبل ادم وحوه..وهاي
هيه لغايه
هلا ياشبل الصميده..وانته عنوان العقيده..ومن صدك وفايه
انت عنوان الصدك
انت يااجمل عشك
انت نبضاتي لتدك
بيك ياجسام رملة تنتخي
.....
بيك نتفاخر يغالي.. راسي بيك ويبقه عالي… وهيج من وصيتك
تكضي كوم الكفر كلها.. يبني اريدنك تذلها.. للطف وربيتك
حزام بشدات ردتك.. كدها جسام من عرفتك.. حزام الي وسميتك
يل تذل جيش ال اميه.. هاي مريوده والوصيه... وعالعهد باريتك
حيد .يانور النضر
حيد.. دايس عل الخطر
حيد.. ماخله مفر
✍️ابو سلام الجابري
✍️باقر جبار الشويلي
#موشح
#نزال_للعباس
#نزال_شجاعي
هلا بالعباس من طباها
اصفرت وجوه الزلم خلاها
*---------------*---------------*
الموت الأحمر من برز عباسهاا
صاح بيهم كلها ضمت راسها
الزلم شردت من نزل خلاسها
اخو زينب والكتايب داسها
ريح صرصر من لفاها وجاها
*---------------*---------------*
الليله نحجي بزود سبع الكنطره
امه البدويه هاي اقدس مره
جنه عزرائيل ماخذهم سره
هلا يا عباس وارث حيدره
تله من رووس العده سواها
*---------------*---------------*
ترجل اعله الحومه خلاس الزلم
سيفه بيده وخزرته لماتنكحم
صاح حيهم صار طفار الزلم
ركابهم يحصدها لو يم النجم
كسر ضلوع العده ورضاها
*---------------*---------------*
يمشي مترهي وكطع حتى الهوه
لوح السيف بيمنه هذا شيال لوه
بريد الحيل من اديهم ابد ماينفع دوه
فرها بيده ومن دخل طف نينوه
يحجي بزود وعزم يتباها
*---------------*---------------*
هلا يمرجف المنايه ياكلف
من يطبهم يلف قادتهم يلف
شافوا العباس والجو اختلف
هو زلمه وينعد بسبعين الف
الغيره عد عباس يامحلاها
*---------------*---------------*
✍باقر جبار الشويلي
#نسألكم الدعاء
#نزله_شجاعيه للعباس
شيال العلم. ميهمه العدد
من زغره الكمر.. حار ومابرد
جا هو الطلع ..من ظهر علي
قادر مقتدر.. يعارك بالمهد
الطف بيمنته شايل
حياك الله ابو فاضل
يلي معدل المايل. ابالفضل
الله خالقه الزينب
كافل خدر المرتب
يتعبهم ولا يتعب. ابالفضل
*---------------*---------------*
عباس ارتجز.. شيكمشه النچر
خلاس الزلم. ينزل جن صگر
منو يكابله. من يدخل حرب
يشبها اعله العده .ناره بكل گتر
حار ومابرد حيله
مايسكت عله العيله
تكتل شارته ادخيله.. ابا الفضل
جاب العلكمي ومايه
منطي لزينب احجايه
مايخلف الوفايه... ابالفضل
*---------------*---------------*
سبع الگنطره شگ حلگ الزلم
ترهب خزرته من شال العلم
جاب لمي زحف وداه للخيم
منطيها الوعد زينب لاتهم
زلمه ومحله ريشاته
معروفه يصولاته
تخوف الگاع حملاته... اباالفضل
يخبطهه ويصفيها
زلمه لي يضل بيها
غيم وامطر اعليها... ابالفضل
*---------------*---------------*
خورسها الزلم فنه لي حجه
من شد عالمهر عباس انتجه
شد بيرغ علي اليوم بحملته
كل هاي الزلم خيرهم بجه
شال الطف عله عيونه
جاوين للي يلاگونه
حلوه هدت امتونه... اباالفضل
يريال المنايه اليوم
سيفك حضلنه لجيدوم
بجفك ذابحه الگوم.. اباالفضل
*---------------*---------------*
طباها الكفل الحومه استبشرت
القاده بخزرته كلها تراجفت
گطع حتى الهوه من طب نينوه
ردم خيل بزلم كلها طافرت
رب المرجله هوووه
ابو فاظل صدك يسوه
كلها تروحله فدوه.....اباالفضل
زلمه ومن ضهر زلمه
ياهو لواصل لعلمه
مبين من لبس هدمه.. ابا الفضل
*---------------*---------------*
خادم السيدة زينب ع
✍باقر جبار الشويلي
نسالكم الدعاء
/channel/lAfiteamoun
فزاعيات
ياهي تعازي اخــــــت عباس
بين الكــــــــــــــــوم محتاره
وحيده ومــــــــــــــحد وياها
راح الجان ســــــــــــــــــلواها
وسفه وليــــــــــــــــش خلاها
ادور ماكــــــــــــــــو كل جاره
ياهــــــــــــــــــي تعازي الحره
تلطم حيل وبحــــــــــــــسره
تسوي متــــــــــــــونها جمره
گلبهــــــــــــــا وياها وج ناره
ابجن لا تــــــــــــــــــــخلنهه
وحيده وتــــــــــصبح بونهه
وعن حــــــــــــــسين عيننهه
لظاعت بلطــــــــــــف اخباره
عازنها والطــــــــــــــمن حيل
خلنــــــــــــــها الدموع تسيل
وســــــــــفه الزمن بيها يميل
مــــــــــــــــــحد عرف اسراره
محد يعرف بــــــــــــــــيومه
وزينب حــــــــــيل ملجومه
تعوفه شلــــــــــون بلحومه
وظلت تشــــــــــــــتم اثاره
لتخلي اللــــــــــــــطم يبرد
تحضر زيــــــــــنب وتشهد
عاري عالــــــــــــــــثره مدد
وسلبو لــــــــــــــيش بتاره
✍ابو سلام الجابري
✍باقر جبار الشويلي
#شور_للعباس
#قصيدة_سبع_المرجله
هذا ابو فاضل هذا ابو فاضل عباس
الكافل طباها مطافر خلاها
بخزرات عيونه الوادم بجاها
بيمينه الرايه القائد علاها
مخسوفه الحومه حين الطباها
هذا ابوفاضل هذا ابوفاضل عباس
*---------------*---------------*
عباس الغيره توجع ضرباته
لاچن من حيدر ماخذ شمراته
لو طب الحومه حمزه بحملاته
وبعينه الشافه يموت بخزراته
هذا ابوفاضل هذا ابوفاضل عباس
*---------------*---------------*
هزبر وبسيفه گص روس القاده
لن صاح اعليهم وين المشرداه
عباس ادخيله عسكرهم باده
أشاطي ومايه لحد زينب كاده
هذا ابوفاضل هذا ابوفاضل عباس
*---------------*---------------*
عباس ويومه يسولف بفعاله
ياجيش وقاده محد يدناله
بي زود لحيدر بي كلشي الكاله
من يبرز ليها يبجي الخياله
هذ ابو فاظل هذا ابو فاضل عباس
*---------------*---------------*
وشحده لزلمه يكرب يم سيفه
حير عدوانه بيهم رد حيفه
معزبه بلحومه وخلاهه بكيفه
معزب بفعاله وصرتله مضيفه
هذا ابو فاظل هذا ابوفاضل عباس
*---------------*---------------*
خادم السيدة زينب ع
✍باقر جبار الشويلي
/channel/lAfiteamoun
#للعباس
ضعني بلا كفيل. عالهودج اميل
يعباس يعباس
زينبكم تنوح. حرمه وين اروح
ياعباس يعباس
╌────═❁═────╌
نمشي وبظلام الليل سبايا وراح كافلنه
بالهيمه الحرم وايتام ولا زلمه لبقه عدنه
والله ياعباس حيل تمرمرت
بين هايه الناس ياخويه حرت
امشي لاكن وسفه بالناكه اعثرت
ريت روحي ماتت ويمك ردت
*ميته ولا اشوف بعيوني الطفوف*
يعباس يعباس
*عالناگه وبچيت وي راسك حجيت*
يعباس يعباس
╌────═❁═────╌
من فوك النياك تنوح سكنه جبيره حسرتها
ياخويه وغريبه ديار وحشه وموش ديرتها
بالحرم واطفال تايهه هالفكر
شلون ياعباس حيرني الامر
من بعد عيناك حادينه الشمر
وبطريق الشام عذبنه الاسر
*مچتوفه الادين ياخويه الحنين*
يعباس يعباس
*ماصدك اعوف عالشاط الجفوف*
يعباس يعباس
╌────═❁═────╌
يحاچيني الشمر ينشد وينه الكافل اضعونچ
ماينهض يحاميچن وطابع سوطي ابمتونچ
ايسي منه ولاتحشمينه بعد
مات يازينب اخوچ وماكعد
هذا راسه عالرمح شوفي صعد
ضاع يزماطج يازينب وعد
*وينه الطلعاج شو عفتي وراج*
يعباس يعباس
*كل ساعه يجيب راسك يالحبيب*
يعباس يعباس
╌────═❁═────╌
اطر الهيمه وي كفار ياوسفه الخدر مسلوب
وانه بت علي يعرفون لاچن مابقى مهيوب
وسفه ياعباس نايم عالثره
وكل بني العباس فرحانه تره
انه زينب تالي ابقى محيره
ريت حاضرخويه وتشوف لجره
*چلماته سهام يوجعني الكلام*
*ينشد عالكفيل كاتلني العويل*
يعباس يعباس
╌────═❁═────╌
اجيت من المدينه وياك وعد انته لتباريني
وحيده وابقى بين اعداك ماصدك تخليني
امشي وي اعداك خويه مكيده
بلايه والي وسفه نضرولي لعده
تدري ياعباس بالهظم ابتده؟
شحجي ياظيم العليه والسده
*يالكافل نخيت بلازلمه وبچيت*
*بوداع الدموع روحي چن شموع*
يعباس. يعباس
╌────═❁═────╌
✍باقر جبار الشويلي
ذكرياته…يشيب من عدها الگلب
ذكرياته …كلها صارت بالغرب
عمته زينب طلعوها...لمن الخيمه احرگوها
╌────═❁═────╌
ابو الباقر شاف بعيونه العجايب
عمته زينب وسفه گعدوها بخرايب
هواي هنه هواي ياناس المصايب
الطفل لو حاضر هناك يصير شايب
يا حسرته …يذوب من عدها الصخر
ياحسرته …دمعه واهات وقهر
الگوم عماته ولوها…لمن الخيمه احرگوها
╌────═❁═────╌
شائت الاقدار عمته بهلفجيعه
حسره صارت بگلب يم الشريعه
چفوف ابو فاضل بقن يمه گطيعه
بلايه كافل ضلت الحره الوديعه
في خياله …سوط وصياح وزجر
في خياله …سكنه ويعتها الشمر
وسفه والخدر سبوها… لمن الخيمه حرگوها
╌────═❁═────╌
لسه اثار السلاسل حد رگبته
ابو الباقر ابد ما فارگ دمعته
لاتلچلمونه بجروحه وبوجعته
ابهيده يادفان نزلوه بحفرته
يا عذابه …حافر خدوده الدمع
ياعذابه… يذوب چن مثل الشمع
حيل روحه روعوها …لمن الخيم احرگوها
╌────═❁═────╌
الليله ابو الباقر صريع وگلبه دامي
الليله بفعال العده مسموم امامي
ويه جنحان الحمام ابعث سلامي
انت يا زين العباد اخر كلامي
يعينك الله …عله الشفته بكربله
يعينك الله… تمشي ويه العايله
عمامة حسينك خذوها… لمن الخيمه احرگوها
╌────═❁═────╌
عادة من الله وكرامه يجري دمه
وسفه بفراش المنايا الملك سمه
بنياحه جاب عمره وكبر همه
كبرت بروحه الطفوف وجرح عمه
وداعت الله… العين تبچيلك مزن
وداعت الله …ساجد الامه بحزن
عيالك وحرمه اضربوها …لمن الخيمه احرگوها
╌────═❁═────╌
✍باقر جبار الشويلي
للتواصل والاستفسار على القصائد
ختام مجلس. سريعه
يوم لحرگوا الخيمه. واويلي على السجاد
خواته طرن الهيمه. واويلي على السجاد
حار الگلب وبضيمه. واويلي على السجاد
ماتلحگ يبو الشيمه. واويلي على السجاد
زينب صاحت بهمه. واويلي على السجاد
ماتلحگ علي عمه. واويلي على السجاد
متني سايح بدمه. واويلي على السجاد
ضعني ياهو ليلمه. واويلي على السجاد
دمعه يجري ابو الباقر. واويلي على السجاد
حيله يكسر لخاطر. واويلي على السجاد
يشكي حاله لجابر. واويلي على السجاد
ماتت روحه بالعاشر. واويلي على السجاد
يحمل جم كسر بالروح. واويلي على السجاد
لا هود ونين وونوح. واويلي على السجاد
يلجمنه شكثر الجروح. واويلي على السجاد
من يذكر ابوه مذبوح. واويلي على السجاد
بروحه عاشت اللوعات. واويلي على السجاد
من شاف الحوافر مات. واويلي على السجاد
بيوم الحرگوا لخيمات. واويلي على السجاد
وشاف ضعونه مسبيات. واويلي على السجاد
✍باقر جبار الشويلي
/channel/lAfiteamoun
#خدام_الحسين
#للشهداء
#ليلة_الجمعه
ياليلة الجمعه عدنه غياب
بتراب النجف مدفونه الأحباب
ياليلة الجمعه عدنه غياب
*---------------*---------------*
كل جمعه التمر اشتاق ليهم
من راحوا بجيت شكد عليهم
يهل دمعي بهظم واذكر حجيهم
ياريت الوكت لو يرد بيهم
ضلمة الدار تنشد وين الاحباب
*---------------*---------------*
وين اهل المحنه لفاركونه
خلو بالكلب لجمه ونسونه
عزاز بعيد شالوا مايجونه
بعد ذيج المحنه هل جفونه
عافوني غريبه شنهي الاسباب
*---------------*---------------*
ناموا بالكبر طشر شملنه
ندك بيبانهم جاوين اهلنه
نشوف مجانهم ينزل دمعنه
وحشه الدار اضلم يانزلنه
حسره وبنفس يادكت الباب
*---------------*---------------*
موحش بيتهم ياوكت الغروب
شبان لفكدهم كلبي معيوب
راحوا من وكت وسدوهه البوب
علينه اعزاز تنعي هاي الكلوب
ويضل الدمع يعزاز خنياب
*---------------*---------------*
شبان وغفيتوا وسط الكبور
وعليكم هل گلب يعزاز مفطور
جنتوا دنيتي يالجنتوا السور
من شالوا هلي ضل طافي النور
اصيحن ياهلي ومااسمع اجواب
*---------------*---------------*
✍️باقر جبار الشويلي
ونن حيل لم عبدالله وام عون
وخلنــــــها البواجي تودر عيون
خلنها البواجي تجيــب لجمات
عاشن بلغــــرب مابين شمات
هاي المات اخوها وذيج ابن مات
من كثر المصايب هدلت امتون
ونون حيل للظلــــــــــن غرايب
غربه وبلدفن وبلا حــــــــبايب
شافن بزمن ظيــــم المصايب
لا والي لبجــــــه ويه ليحزنون
الام الاربعه وابــــــــــجن سويه
ولدها هـــناك بأرض الغاضريه
هيه تموت وبهــــــــاي المسيه
تمنت هل مســــيه الها يردون
الليله وكون مكبل نلطم الراس
اذكروا ام عون غربتها وي الارجاس
لا حاضر علي ولا جاها عباس
يعتبن على الاهل وين الينشدون
اللــيله محزمه ام عون بحزنها
وام عباس تبجــــــي تريد ابنها
تدري من الصبــــح باجر دفنها
ومارادت غرب باجر يشيـــعون
✍ابو سلام الجابري
✍باقر جبار الشويلي
ميت لو عدل يحسين
خويه اكعد وحاجيني
بذاري الرمل يحسيني
خويه ومن عمت عيني
بعدك من يحاميني
اظل عدوان توليني
جا عدمن مخليني
ميت لو عدل يحسين
حرمه وحالي حال الشوم
خلافك حيلي ظل مهدوم
صحت وينك اريدك كوم
ترد هلجيش كام يحوم
وظلمه خلافك سنيني
ميت لو عدل يحسين
جنك ماتعرف الحال
ماظل كل ولي وخيال
شو محد يرد العال
وانه مگابله الجتال
وياهو يسكن ونيني
ميت لو عدل يحسين
بس جاوبني يبن امي
نحل عضمي لذي بجسمي
جا ياهو ليضل يمي
اريدك تشرك بهمي
واشوفك ضرب لبعيني
واشوفن راسك مفرع
ميت لو عدل افزع
وذاري الترب بالمصرع
احس بروحي جن تطلع
وفدوه لطولك بنيني
✍باقر جبار الشويلي
#عتاب_زينب ع
اخت عباس زينب تمشي محنيه
تكول ابساع شالوا ما دروا بيه
*---------------*---------------*
تكول ابساع شالوا زلم الهيابه
ويا نار التشب بالكلب لهابه
عافوهه ومشوا والعين سجابه
تعتب عالاهل زينب المسبيه
*---------------*---------------*
تبجي عاالاهل مانشفت الدمعه
تعاتب والعتب للكسروا ضلعه
يادرب السبي عباس شيجرعه
اخوتي مجتله واحبال بيديه
*---------------*---------------*
اخوتي مجتله وعتاب بدموعي
بس لمنسبي ويفهمه موضوعي
يريت وياك خويه نسحگت ضلوعي
ولا شوف لسباني ضارب رقيه
*---------------*---------------*
عتبت عالاهل جاليش عافوها
وبنص الزلم يحسين خلوها
وعن ضيم القلب لا ماينشدوها
من اعزاز روحي اضن منسيه
*---------------*---------------*
تعتب والعتب بس كلي شيفيد
فوك رماح شالوا راسه الحيد
وهي عالهزل والمدمع ايزيد
تكضي العمر ويه الغرب تاليه
*---------------*---------------*
✍️باقر جبار الشويلي
★مجلس علي الاكبر {}ع{}★
#نعي_للاكبر_
#طور_التغريد_الحزين_او_لفي_عاشوري_وبأطوار_عده
#لسان_حال_مولاتنا_الرباب_
*يحسين الولد عطشان*
*وگلبه ملتهب نيران*
*علي يامحله هالشبان*
*يلطوله شطب ريحان.•.•.ياهبية بني عدنان*
*ياوجه الگمر يبني*
*سهم نحرك يصوبني*
*يايمه الدهر ذلني*
*بفگدك راحت الفرحه.•.•.يحسين وبقيت انعه*
▣========▣◈▣========▣
#طور_الجفيري
جفيري
*شفتك ييمه بهل غدر*
*مطلوبه گلي بيااانذر*
*شبان راحوالي وذر*
*ناجيت ربي وبالعجل*
*ناجيت ربي من حزن*
*والولد هد حيلي ويون*
*يصرخ عطش يبجي مزن*
*ياعمري وجهك چن صبح*
«★ابوذيه »★
جثيره الام آلبگلبي **ولي روح
عفيه شلون انه عدله ٠٠٠ولي روح
انه ابالي بقى منضر ٠٠٠ولي روح
★بيوم الشمر طگ اختك رقيه
#نور_الولايه_الفاطميه
▣========▣◈▣========▣
{قصيده شجاعيه لعلي الاكبر ع}
هَد عليهم يالاكبر هَد عليهم
هَد عليهم يالاكبر هَد عليهم
دگها طبول الحرب.•.•.علي الأكبر من يطب
✿────↻✿...✿↺────✿
علي الاكبر من تمرجل نار وبسيفه دوت
دخنت ارض المعاره الزلم جواهه لتوت
من الخيم نادى المنادي لنها زينب حشمت
عمه يالاكبر عليهم بنارها ااالحومه طوت
من يطبها ابن الفحل.•.•.بيده يسحلهم سحل
✿────↻✿...✿↺────✿
من يگابل ال هاشم لو تطب ارجالها
غيره من عباس عدها وشمرت ذرعانها
اليوم بالله وبمحمد تنتصر فرسانها
علي الاكبر من توسط صاح هاي افعالها
مثل سبع الگنطره.•.•.ابن ليث الگصوره
✿────↻✿...✿↺────✿
علي الاكبر لوبوفاضل هذا شبلك حيدره
نزل للحومه يتبختر اسد يرهب منضره
خله رووس الزلم تفتر مثل يوم الزمجره
ساعة لطب العساكر رووسها صارت وره
مثل يوم الاخره.•.•. نار بيها موجوره
✿────↻✿...✿↺────✿
ضاگت الگاع بعساكر رجفت گلوب الزلم
من نزل للحومه وحده يرهب وشايل علم
علي الاكبر شبه جده الجيش گدامه انهزم
هَد عليكم علي الاكبر وگام يلهمكم لهم
يرعد وسيفه غضب.•.•.وعلي يگلبها گلب ✿────↻✿...✿↺────✿
دگهه اطبول الحرايب دخنت نار الحرب
اسد بالحومه توسط جنه حيدرمن يطب
مثل ملك الموت جفه سيفه شاطبهم شطب
صاح هل منكم مبارز بلگلب دخل رعب
بصوت عالي يردده.•.•.الجيش كله انشرده
✿────↻✿...✿↺────✿
✿────↻✿...✿↺────✿
باقر جبار الشويلي
▣========▣◈▣========▣
★هوسات للاكبر {ع}★
*شبيه المصطفى الاكبر نزل للحومه يتبختر*
*شايل سيفه ذو الفقار وبيده شرد العسكر *
*ترهب ياعلي الازهر بطل صنديد مـــِْن تزئر*
★{بصولاته ...ذكرنه جده}★
*بسيفه •اللّـہ والكرار ارگاب العده كرها*
*وحق نور •اللّـہ و المختار واية علي وسرها*
*لخلي دمومهم طشار وخيول لعده جرها*
★{يازلمه....ليشرد مـــِْن سيفه}★
باقر جبار الشويلي
/channel/lAfiteamoun
#نزله_للاكبر
ياعلي مدد ياعلي مدد مدد
هلا بزر الساده
يگص روس القاده
الخوف لافيها الزلم
وتاهت المشراده....لمن نزل
ياحلات جفوفه
حاط بيهم خوفه
رجفت الخياله
فنه يرفع شوفه.. لبن الفحل
ياعلي مدد ياعلي مدد مدد
*---------------*---------------*
جنه ابوه بفنونه
وحيدر بقانونه
تصيح كله دخيلك
لو خزر بعيونه... تطيح الزلم
علي تحجي افعاله
نكس الخياله
رغم هو زغير
خافوا من خياله.. شال العلم
ياعلي مدد ياعلي مدد مدد
*---------------*---------------*
علي بجفه وعينه
شال طف حسينه
الجيش هو وخيله
بجه وعله ونينه... لمن اجه
علي الاكبر قائد
الجيش منه لابد
زلزلاها الحومه
مات حته الشارد..مابي رجه
ياعلي مدد ياعلي مدد مدد
*---------------*---------------*
الجيش والگدامه
طاح حدر اجدامه
الهاشمي بسيفه
يطبر اعله الهامه.. رووس العده
عالحرب شد حيله
عدلاها الميله
من دخل للحومه
دخيل بخته دخيله. لا ماهده
ياعلي مدد ياعلي مدد مدد
*---------------*---------------*
خادم السيدة زينب ع
✍باقر جبار الشويلي
نسالكم الدعاء
🎤الملا امير الساعدي
✍باقر جبار الشويلي
رابط القصيده👇
/channel/lAfiteamoun/18176
#العباس
#فزاعيه
#بين_العباس_وزينب
خال ابنج يزينب
ظال بلحومه
*---------------*---------------*
ظل عله النهر ومكطعه زنوده
والعدوان هسه وصلوا حدوده
الفزعه اليوم منه تكون مريوده
بالحومه يضل ومشككه هدومه
*---------------*---------------*
بالحومه يضل والشمس ذاريه
البيه هيبت هلج وابن الافاعيه
شال اليوم عزج مات راعيه
مايرجع الج لغاط بالنومه
*---------------*---------------*
كولي شلون بالحر من تشوفينه
امدد بالشمس وانتي لتندبينه
يراس زماطنه جاوين جفينه
مايرجع بعد هم راحت علومه
*---------------*---------------*
يم عون وحياتج لو تشوفيين
ضلعه من الرفس مكسور الحسين
تجول اعليه خيل وزلم صوبين
ابن امج يزينب ضاعت ارسومه
*---------------*---------------*
اشبعي شوف منه كبل الوداع
ومن حر الشمس غطيه وبساع
ابو الرسوم المضويه وجه عالكاع
تتمنين يومج قبل مايومه
*---------------*---------------*
✍️باقر جبار الشويلي
تجتل ركبه الناكه
شوور ..بصوت الملا حسين علي
رابط القصيده👇/channel/lAfiteamoun/17426
قصيدة طلبنا امراد من بيرغ العباس
بصوت المبدع الملا حسين علي
رابط القصيده👇
/channel/lAfiteamoun/17420
🎤بصوت المبدع سيد حسين الموسوي
✍باقرجبار الشويلي
رابط القصيده👇
/channel/lAfiteamoun/10165
https://youtu.be/Tjb0-t458Gk?si=5SIygc8_ciRylDlz
Читать полностью…