خدام الإمام الحسين(ع)🚩 قصائد و مجالس

05 Mar 2025 14:45

السلام عليكم ورحمة الله وبركاته
خدام الحسين ع ارجو منكم نشر رابط القناة حتى يوصل لجميع خدام الحسين اكون ممنون  احبتي
/channel/raadghurikhi

خدام الإمام الحسين(ع)🚩 قصائد و مجالس

03 Mar 2025 22:46

جديد

استقبال الشهر الكريم بذكر العطشان



شُكرانك اللهُمَ إذ بلغتَّنا
شهرَ الصّيام بخدمةِ الأعيانِ

لاحَ الهلالُ لنا فَراقَ لنا الثَنا
لبني النبي الطُهرِ من عدنانِ

هُم اصلُ كُلِ فضيلةٍ وهُمُ لنا
حِرزُ النجاة مِن صولةِ الحدثَانِ

فاخلِص أخي في حُبهِم وبودِّهِم
ما كانَ في جوفِ امرءٍ قلبَانِ

فإذا رايتَ هلالَ صومِكَ فأقبِلَن
لوصالِهِم واغنَم لِقى الإخوانِ

واجعَل ثَنَاك على النبيّ وآله
ورداً يدومُ بمُهجةٍ ولسَانِ

واجلِس هُنا ذا مجلسٌ يعلو بِهِ
ذكرُ الغريبِ الجايعِ العطشانِ

واسبِل دموعَك فالحسينُ دماؤهُ
سَفَحَت تسيلُ على ثرى الكُثبانِ

عُريان فوقَ رُبى الطفوفِ مُسلَّبٌ
والراس يَشهَقُ فوقَ راسِ سِنَانِ

عجباً تَلّذُ بشُربةٍ مِن دونِ ما
تذكُرُه يَرجو الماءَ مِن عدوانِ

شعبي :

زلزّل العالم مصابك يا وحيد
يا جريح ويا ذبيح ويا شهيد
سيدي ننساك هيهات ومُحال
نستِلِذ بالعيش والوِرد الزلال
لا وحگ جسمك الثاوي عالرِمال
حزنك بكل يوم لَن يُصبَح جديد
سيدي ننساك يابن المرتضى
وبضمايرنا جمر حزنك غضى
لا وحگ اعظامك لمترضرّضه
بالحوافر عن مصابك ما نِهيد



صاح حسين والسيف على نحره
اريدن ماي ظامي اسگوني گطره
مهر امي الفرات ومنِّه محروم
ومن نار العطش كل حيلي مهدوم
بدال الماي راح اروى من لدموم
وتظل وسط الگلب عالماي حسرة
يالسيّاف لا تگطع بالوريد
هونك ارد انخِّي الساگي لعضيد
بلجن ماي ظل بجربة الحِيد
يجيبه للگلب ويطفِّي جمره

سمعته الزهراء كاني بها:

يبعد رويحتي امدد على الگاع
تلوج من العُطش والگلب ملتاع
يبني الماي مهري بولية اعداي
انا شبيدي واسمعك تطلب الماي
ونار لبجبدك حرگت احشاي
ونار اعيالك هالصارن اضياع


ابوذية :
لا دار
لجلك ما يهمني نَزِل لا دار
عگب جتلك هذا الفلَك لا دار
ظامي تموت ريت الغيث لا دّر
عگب جتلك يابن حامي الحمية

يلماي
اريدن فرد ساعة تهِيد يلماي
ودّر لما درى بالحال يالماي
ليش حسين يمك يوّن يالماي
ومنك ما ارتِّوى بالغاضرية


ولا ماي
بعد ما تسكن جروجي والامي
وراح ليسمع اعتابي ولُومي
بعد ما إلي ناصر ولا ماي
يرّوي جبدتي گبل المنية



ونجز
انكتب باللوح چتل احسين ونجز
ابهدر دمه الوعد اوفاه ونجز
هِرش كلبه التوه امن العطش ونجز
ثلث تيام مرمي اعله الوطيه

خدام الإمام الحسين(ع)🚩 قصائد و مجالس

03 Mar 2025 22:46

1 شهر رمضان 1446

وعادَت ليالي اليُمنِ والبَرَكاتِ
فقد هلَّ شهرُ الخيرِ والرحَماتِ

وذاكَ على اُفقِ السَماءِ هلالُه
يعُّمُّ ربوعَ الحُّبِّ بالتُحَفَاتِ

وينشرُ بينَ الصائمينَ عبيرَه
ليُنعِشَهُم في أطيبِ النفَحَاتِ

يُزيِّنُه ذكرُ النبيِّ محمدٍ
وذكرُ بنيهِ الغُّرِ خيرِ هُداةِ

فيا ربي عجِّل في ظهورِ مؤمَلٍّ
يقومُ اسمِ اللهِ والبرَكاتِ

عليهِ وآبَاهُ تحياتُ رَبِّنا
مدى الدهرِ تغشاهُم معَ الصلواتِ

فيا ربي وفِّقنا لخيرِ مجالسٍ
بها نَندِبُ الأطهارَ بالعبَرَات

بها القائِمُ المهدي يندبُ جدّه
وقد ماتَ عطشاناً بشطِّ فُراتِ

ينوحُ على المذبوحِ في الصُبحِ والمَسا
يُديمُ عليه النَوح والزفراتِ

ويَبكيهِ والاعداءُ تُرضِّضُّ صدرَه
ومِنه يُشالُ الراس فوقَ قناةِ

شعبي:

شهر الله كِل ليلة
نلتّم ونبچيله
يالهلبَت دليله
دمعتنَا يقبلها

عين الله وعيونَك
تنظُر ليتانونَك
عجِّل ينادونك
بالطّف تزلزِلها

يم جدَّك اولده
ولدَك اولده
ورضيعه لبسِدَّه
بتّارك تجرده
كل جثة تسألها

ولما تِرَك عوده
حَدْ گطعَة زنوده
چفينَه موجودة
عالشاطي روح إلها

جدّك على الغبره
ما ينوصِف صبرَه
حد ما گطع نحره
لعياله سور إلها


والله شدَّة فلا تشابها شدَّة
جدَّك على التِربان خدَّه
لا أنصار لا خوّان عنده
بس زينب لشافت الهدَّه
يا جُرُح لتفُّر وتشِّده
شو طشرّوا لحسين ولدَه
ويسحگهم الذبَّاح بعده
وعباس شافت گطع زندَه

خدام الإمام الحسين(ع)🚩 قصائد و مجالس

03 Mar 2025 21:10

اشچم عام وإلك تبچي على الافطار
ودمعاتك شرابك يا غريب الدار

الف واربعميّة عام حزن واكثر
تبلّ افطارك بمدمع يسيل احمر
فطر گلبك محرّم، عيشتك كدّر
تسلّ السيف يمتى ياحليف الثار

هدم حيلك محرّم زيّد آلامك
ومو بس بالصيام ادري مدى ايامك
شفاف امشگگة تشوفنها جدّامك
وبعد شتشوف مدري بعالم الأسرار

بيدك تخبز الخبزة على التنور
ويتراوالك بناره خيم عاشور
تسوّي اقراية، ندبة تگلبه الفطور
وتشاهد چم عباية ماكلتها النار

حق اللي مشت عمته على جمرة
يفطر عالدمع مولايَ مو تمرة
حق الجده بخيول انطحن صدره
تمطر دم عيونه بسفرته اعبار

*الشاعر حيدر الدر العاملي*

خدام الإمام الحسين(ع)🚩 قصائد و مجالس

03 Mar 2025 21:10

قصيدة شهر رمضان وليلة القدر تتساءل عن حالة المولى بقية الله (عج) في هذه الأيام، وهو يستذكر عطش جده سيد الشهداء (ع) الذي يبس لسانه، وغارت عيناه، وذبلت شفتاه، وتفتت كبده، وحال بينه وبين السماء كالدخان من العطش، بأبي هو وأمي ..

شهرُ الصيامِ عادَ يا أللهُ
وعيدُنا الموعودُ لا نراهُ

ندعو دعاءَ"الإفتتاحِ"في المسا
عسى يطلُّ صبحُ مولانا عسى

يا ربِّ قرِّبْ بالظُّهورِ وقْتَهْ
(مكِّنْ لهُ الدينَ الذي ارتضيتَهْ)

(كَثِّر بِهِ يا ربَّنا قِلَّتَنا)
وفي الورى (أعزِزْ بهِ ذِلَّتَنا)

(نشكو إليكَ فقدَنا نبيَّنا
وأننا لسنا نرى وليَّنا)

ما حبُّنا ؟! إنْ لَمْ نكُنْ نُفكِّرُ
بحالِهِ، أينَ وكيفَ يفطرُ؟

إفطارُهُ بالدمعِ لا بالماءِ
والآهِ لا بِلُقمَةِ الهَناءِ

يبكي على آبائهِ القماقِمْ
قَدْ قُتِلوا في يومِ قَتْلِ فاطِمْ

لكنَّ ما أجرى دماءَ العَيْنِ
مُصابُهُ بِجدِّهِ الحُسينِ

فقلبُهُ كجمرةٍ مُلتهِبهْ
على الذي لسانُهُ كالخشبهْ

لمْ ينْسَهُ مِنْ ظمإٍ يُعاني
حتّى رأى السَّماءَ كالدُّخانِ*

لهفي عليهِ ذابِلَ الشفاهِ
وقدْ رماهُ السَّهمُ وسْطَ الفاهِ

وجَوْفُهُ قدْ جفَّ مِنْ حرٍّ قسى
فيَنشَقُ الغبارَ إنْ تنفَّسا

قال لهُمْ "ذا كبدي تفتَّتا"*
كانَ الجوابُ أنَّ شِمْرَهُمْ أتى !

بسيفهِ سقاهُ كاساتِ الرَّدى
هلْ ذَبَحَ الحُسينَ أمْ مُحمَّدا ؟!

لَمْ يكْفِهِمْ سيفٌ لئيمٌ غادِرُ
فكلُّ عضوٍ قدْ سقاهُ حافِرُ !

ومشهدٌ يُذيبُ صوّانَ الحجرْ
كيف بأجفانِ الإمامِ المنتظرْ ؟!

على القناةِ زينبٌ تراهُ
غارتْ بأُمِّ رأْسِهِ عينَاهُ

فلابنِهِ المَوْتورِ عجِّلْ فرجَهْ
وفي زمانِ العُسْرِ سهِّلْ مخرجَهْ

هذا دُعانا في ليالي القَدْرِ
أنْ نسمعَ "الصيحةَ" عندَ الفجرِ

تقولُ أنَّ "الحقَّ في آلِ عَلِيْ"
يا ربِّ عجِّلْ بنداها عجِّلِ..




________
*في تفسير قوله تعالى : { فتلقى آدم من ربه كلمات } ، أنه رأى ساق العرش وأسماء النبي والأئمة (ع) ، فلقّنه جبرائيل قل :
يا حميد !.. بحقّ محمد ، يا عالي !.. بحقّ علي ، يا فاطر !.. بحقّ فاطمة ، يا محسن !.. بحقّ الحسن والحسين ، ومنك الإحسان .
فلما ذكر الحسين سالت دموعه وانخشع قلبه ، وقال :
يا أخي جبرائيل !.. في ذكر الخامس ينكسر قلبي وتسيل عبرتي ؟.. قال جبرائيل : ولدك هذا يُصاب بمصيبةٍ تصغر عندها المصائب ، فقال :
يا أخي وما هي ؟.. قال : يُقتل عطشاناً غريباً وحيداً فريداً ، ليس له ناصرٌ ولا معينٌ ، ولو تراه يا آدم وهو يقول :
*واعطشاه !.. واقلة ناصراه !.. حتى يحول العطش بينه وبين السماء كالدخان*، فلم يجبه أحدٌ إلا بالسيوف ، وشرب الحتوف ، فيُذبح ذبح الشاة من قفاه ، وينهب رحله أعداؤه ، وتُشهر رؤوسهم هو وأنصاره في البلدان ، ومعهم النسوان ، كذلك سبق في علم الواحد المنّان ، فبكى آدم وجبرائيل بكاء الثكلى.
(المصدر : الدر الثمين ص 245)

* ورد في منتخب الطريحي ص 451 وذريعة النجاة ص 135 الخصائص الحسينية ص 62 إن الإمام الحسين (عليه السلام) قال لأعدائهِ : « *الآن اسقوني قطرة من الماء فقد تفتت كبدي* » .

/channel/AliOsailyAmily

#اللهم_عجل_لوليك_الفرج

خدام الإمام الحسين(ع)🚩 قصائد و مجالس

03 Mar 2025 18:51

https://youtu.be/YKbsdruDuCE?si=3gNVuL-PCZ-MFR72
==========================
شهرُ الصّيامِ ونفحةُ الجنّاتِ. كلمات..منال_بجيجي أداء الخادم: محمد الحجي أبو ريان .

خدام الإمام الحسين(ع)🚩 قصائد و مجالس

03 Mar 2025 16:31

واحدة من الروايات العديدة بين القوية والضعيفة حول استشهاد مولاتنا الزهراء عليها السلام

نقل المجلسي في بحاره:
"وقيل: ماتت في سنة إحدى عشرة ليلة الثلاثاء لثلاث ليال من شهر رمضان.
بحار الأنوار 43 : 189 ، 214 ".

*[ بفاطمة وأبيها ]*

أداء: الملا #محمد_باقر_الخاقاني
كلمات: الشاعر #مصطفى_الكناني

https://youtu.be/lCtxl0t5iwg

مجالس شهر ربيع الأول سنة 1446 هـ - 2024 م
عزاء الليالي المحسنية
هيئة مجانين الحسين عليه السلام - العراق - البصرة

مونتاج: عباس الزيداوي
مكساج: ليث حازم
مخطوطات: علي الشاهين
غلاف: علي الشبيب
إشراف عام: أحمد الخاقاني
تنفيذ: قنبريون للإنتاج الحسيني
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَج

خدام الإمام الحسين(ع)🚩 قصائد و مجالس

02 Mar 2025 13:01

#شهر_الله

ها قد أتى باليمنِ والبركاتِ
شهرُ الصّيامِ ونفحةُ الجنّاتِ

من فضلهِ أعمالُنا مقبولةٌ
ساعاتهُ من أفضلِ الساعاتِ

قد أنعمَ الربُّ الجليلُ بشهرهِ
للصّائمينَ غدا كطوقِ نجاةِ

أنفاسُنا فيه تسابيحٌ وكم
تتطيّبُ الأنفاسُ بالآياتِ

أيامُهُ لطفٌ لنا وفضيلةٌ
وعبادةٌ في النّومِ والسّكناتِ

وإذا رجونا يستجيبُ إلهُنا
فهو الرحيمُ ومُنزِلُ الرحماتِ

فلقد دُعينا للضيافةِ والهدى
فازَ العِبادُ بفائضِ الحسناتِ


#منال_بجيجي
/channel/manalbjeiji83

شهر مبارك في ضيافة الله نستقبله ببركة دماء الشهداء..🥀

خدام الإمام الحسين(ع)🚩 قصائد و مجالس

01 Mar 2025 16:32

*[ غالي بظهر غالي ]*

أداء: الملا #محمد_باقر_الخاقاني
كلمات: الشاعر #عباس_الشبلاوي

https://youtu.be/7K4Bug0vH6Q

مجالس شهر رجب الأصب لسنة 1446 هـ - 2025 م
مجالس ليالي خروج ظعن الإمام الحسين عليه السلام من المدينة المنورة إلى مكة المكرمة ثم إلى كربلاء المقدسة
عزاء هيئة مجانين الحسين عليه السلام - العراق - البصرة

مونتاج: عباس الزيداوي
مكساج: حسن المنصوري
مخطوطات: حسين حامد
غلاف: سجاد ريسان
إشراف عام: أحمد الخاقاني
تنفيذ: قنبريون ميديا للإنتاج الحسيني
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَج

خدام الإمام الحسين(ع)🚩 قصائد و مجالس

28 Feb 2025 12:41

السلام عليكم ورحمة الله وبركاته
خدام الحسين ع ارجو منكم نشر رابط القناة حتى يوصل لجميع خدام الحسين اكون ممنون  احبتي
/channel/raadghurikhi

خدام الإمام الحسين(ع)🚩 قصائد و مجالس

27 Feb 2025 18:47

#في_الخدمة_المقدسة
#عزيز_الروح

إهداء إلى روح شهيدنا الأقدس والشهداء الذين مضوا على درب الإمام الحسين (ع)

(لحن شال الشهيد حسين)
https://youtu.be/1VYR8XnTBXA?si=mx6Fv_ppM1cy4bIw


سافر عزيز الروح عن أهله واحبابه
والدنيا كلها تنوح من ساعة غيابه

وين المشتاگ يروح من تلهب نيرانه
مين يداويله جروحه ويسكّن احزانه
گلبه ذايب ولهفان من فارگ خلّانه
ماينتهي حزنه معروفه أسبابه

روح الهايم مشتاگه وانفطر دلاله
شاغله لغايب عنّه ودموعه همّاله
يفدي العمر لعمره بس يشوفه گباله
وينتظر منّه جواب وما يسمع جوابه

يگعد يم قبره العاشگ ويحرسه بعيونه
ساهر بليله محزون وما تغمض جفونه
ثگلت عليه همومه وخابت كل ظنونه
لو يندفن يمّه ويفترش ترابه


#منال
/channel/manalbjeiji83

خدام الإمام الحسين(ع)🚩 قصائد و مجالس

27 Feb 2025 18:08

اللهم اكتبنا هذه الليلة من زوار الحسين نزوره مع المهدي نزوره مع الزهراء ع
*يابو صالح~~~* *أين انت سيدي في صبيحة يوم الجمعة أتراك عند جدك الحسين ع تقرأ دعاء الندبة ومصرع جدك الحسين وتزوره بالزيارة الناحية المقدسة*
بليلة جمعة وين تروح تقرا بكربلا الندبه
تگصد زاير المذبوح ودمعك جارِيِ تْصُبّه
جفنك بالحزن مقروح تزورن صاحب القربه
وبالحرمين تبدي النوح وتنصب خيمة الأحزان
〰️〰️〰️〰️
تهبط يمّك الأملاك وتعينك على المدمع
تزور الناحية وتنحب ومن توصل الى المصرع
تذكر جدك المذبوح وشمر بصدره يتربع
بسيفه يگطع أوداجه واويلي على التربان
〰️〰️〰️〰️〰️
تضجن كربلا صيحات آيحسين ومصابه
وتحضر فاطمة الزهره وتعين المهدي بمصابه
وتطب لحضرة الظامي وتشهق شهقة يم بابه
والمهدي يرافگها ويبكي المنذبح عطشان
خادمة آل محمد✍🏻

بعد الزهراء ع تحضر بكربله هناك عند ولدها ولها عزاء آخر…
*بليلة جمعة مولاتي تنصب للعزا ونّه*
(وين ايها الشاعر)
يم باب الحسين ع هناك بباب الراس تتعنه
تزور المنذبح ظامي وللزهره غِدت حنّه
واملاك السمه نزلت تلطم والدمع منثور
〰〰〰〰
(الزهراء ماذا ترى بعين البصيرة)
تشوفه والجسد ما بيه موضع ما بقى سالم
وراسه من النحر منحور ممدد عالترب نايم
وعبدالله على صدره والله بحالته عالم
ظامي منذبح ويلاه ومحزوز النحر منحور😭
*الزهراء ع حين تزور قبر ولدها الحسين ع في كربلاء*
للزيارة… بليلة جمعة إجت
للزيارة…لحضرة الظامي إعتنت
للزيارة… طافت الحضرة وبچت
بالعزيه… حضرت املاك السمه
بالعزيه… نايحة وَيْ فاطمة
بالعزيه… والمدامع من دِمه
يم ضريحه… بونّة طافت عالضريح
يم ضريحه … زايرة حسين الذبيح
يم ضريحه… تهتف باسمه وتصيح
(واحسينا~ يا ذبيحا بالطفوف
واحسينا~ يا طعينا بالسيوف
واحسينا~ ظامي قد ذقت الحتوف)
*يا اهل العزاء الزهراء ع حين تزور ولدها الحسين ع ماذا ترى؟؟هل تتحمل رؤية ولدها مذبوحا والجراحات في جسده والدماء تسيل من نحره… تگله*
شلون اشوفك… منگطع يبني النحر
شلون اشوفك… مكسّرة عظام الصدر
شلون اشوفك… نحرك بسيف انطبر
مسلبينه… هالجسد يبني سليب
مسلّبينه… والنحر بالدم خضيب
مسلّبينه… بْلا كفن آه يا غريب
خادمة آل محمد✍🏻

خدام الإمام الحسين(ع)🚩 قصائد و مجالس

27 Feb 2025 18:08

*ليلة الجمعة وزيارة الحسين ع*
اجيت ازورك يا غريب
ابكي عالخد التريب
ناعي للشيب الخضيب
واسجد بباب الحسين
〰️〰️〰️〰️〰️
بليلة الجمعة أجيك
باكي يا حسين اعتنيك
ارفع كفوفي ارتجيك
نظرة مولاي الحسين
〰️〰️〰️〰️〰️
ايها الزائر من توصل لباب الحسين ما حال قلبك لو شعرت ان الزهراء ع بهذه الليلة حاضرة بكربلا ولو كشف الغطااء لسمعنا لها الأنين والحنين ~ وصوت الناعيه حسين يا حسين

مع الزهره ازور حسين اوقف ناعي يم بابه~
ازوره بليلة الجمعه والدمعات سچّابه~
اسلم وادخل الحضره واشتم عطره وترابه
واقره زيارته باكي
والدمعات عالخدين
〰️〰️〰️〰️〰️
اشوف القبه والرايه
ويدق قلبي واصيح اهواك
وامشي خطوتي وادخل
اطب الحضرة والشباك
اقره زيارة المظلوم
مع الزهره اطوف هناك
واسلم عالصدر مكسور
والطم والدمع بالعين
〰️〰️〰️〰️〰️
تنصب مأتمه الزهره
وبالمذبح تون ونّه
محنية الظهر تلطم
تشوفه بالدمه تحنّه
تشوف سهام وجراحه
والطعنه على الطعنه
وتصرخ آه يا مذبوح
وصيحتها ليوم الدين
خادمة آل محمد ✍🏻
طريق العشق
كربلاء

خدام الإمام الحسين(ع)🚩 قصائد و مجالس

26 Feb 2025 16:30

*[ كنز الهواشم ]*

أداء: الملا #محمد_باقر_الخاقاني
كلمات: الشاعر #أحمد_الهلباوي

https://youtu.be/cLe0UvEF74s

مجالس شهر رجب الأصب لسنة 1446 هـ - 2025 م
ليالي إستشهاد موﻻتنا الطاهرة عقيلة الطالبيين الحوراء زينب الكبرى صلوات الله عليها
عزاء هيئة سيدة الوجود عليها السلام - العراق - بغداد

مونتاج وتنفيذ: سجاد محسن
مكساج: سجاد الهيفي
مخطوطة: علي عايد
غلاف: علي الشبيب
إشراف عام: أحمد الخاقاني
تنفيذ: لوجين للإنتاج الحسيني
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَج

خدام الإمام الحسين(ع)🚩 قصائد و مجالس

26 Feb 2025 01:21

كتب: *هذا قبر الحسين بن علي بن أبي طالب الذي قتلوه عطشانا غريبا.*
لحن الخضيب♪
زين العباد بونته وآهاته ضج الكون
والزهره يمه تنتحب وتبچي على المدفون
بلطم ونياحات ودمع وگلب بألم محزون
تلطم ضلعها المنكسر وتهل دمع غدران
واحسينا واحسينا واحسينا آه
----------------------------
محنيه واويلي الظهر وتنعى على المظلوم
وتگله صعبه ادفنك بيديه هذا اليوم
وبلا يا راس ولا كفن حسره وصدر مهشوم
يا ميت وغسلك دمه يا موسد التربان
واحسينا واحسينا واحسينا آه
خادمة آل محمد
قال بنو أسد: ثم التفت إلينا وقال: انظروا هل بقي أحد؟ فقالوا نعم يا أخا العرب بقي بطل مطروح حول المسناة، كلما حملنا جانبا منه سقط الآخر لكثرة ضرب السيوف والسهام.
فقال (ع) امضوا بنا إليه فمضينا ~ يلا اتخيل الموقف امام عينيك امامنا السجاد وقف عند المشرعة على جسد عمه العباس لا يسار ولا يمين الجسد مقطع بالسيوف اربا اربا واويلاه
تحرك جسم ابو فاضل وطلع صوت من نحره
يگله تدري انگطعت چفوفي اليمنه واليسره
واذا انت تدور چفوفي ترى عند امي الزهره
تلگتهم وشالتهم الزهره من الميدان
لكن العباس عنده سؤال؟
قبل لا تدفنه جسمي بسألك واريد جواب
زينب صارت ابيا حال من طحت انا عالتراب
خوفي ماتت علي وگلبها عليا اويلي ذاب
من شافتني مگطع وعليا دايره العدوان
جواب السجاد!!!
يگله يا گمر هاشم زينب بعد سلبوها
ليتك تنظر الخدر بعد عيناك ضربوها
وراحت ويلي مسبيه والعدوان شافوها
ياويلي مخدرة حيدر للشامات مسبيه
------------------------
وديعة فاطمة وحيدر ترضى تدخل الديوان
وعليها يشاور الظالم هاي اخت الگمر عدنان
وبيها راح يتشمّت وگلبها يشتعل نيران
عنها راحوا اخوتها وزينب تبقى مسبيه
خادمة آل محمد
يلا اتخيل الموقف انكب عليه يقبله ويبكي وهو يقول: على الدنيا بعدك العفا يا قمر بني هاشم يگله
عمي عباس تدري من بعدك سبونه
عمي عباس اخلاف عينك يضربونه
عمي عباس لديرة الطاغي خذونه
يابو فاضل… من طحت حرگوا خيمنا
يابو فاضل… من العدو لا ما سلمنا
يابو فاضل… گوم يا شايل علمنا
لحن قلب امك يبني مفتت للشيخ الجفيري~
يا شيال العلم ننخاك
هضمونا الگوم بعد عيناك
ليتك ترجع وتشيل لواك
وترعب عدوانك يا عباس
عباس عباس عباس عباس
------------------------
لو يمنا تروح لقصر الكوفه
تخلص زينب هالمچتوفه
بيديها حبال ليت تشوفه
خدر العمه ما بين الناس
عباس عباس عباس عباس
خادمة آل محمد
عظم الله اجوركم ثم أمرهم أن يشقوا له ضريحا، قال بنو أسد: ففعلنا ثم أنزله وحده ولكن لا تسلني عن كفوف العباس فانها مدفونه هناك يسراه ويمنه~
ولم يشرك معه أحدا منا، ثم أشرج عليه اللبن وأهال عليه التراب صح ونادي وعباساه واقمر بني هاشم~
ثم مضى إلى جواده فتبعناه ودرنا عليه نسأله عن نفسه فعرفهم أولا بالقبور قبرا قبرا وأمرهم أن يعلموا الناس ويعرفوهم قبر الحسين وأصحابه ثم قال: وأما أنا فإمامكم علي بن الحسين (ع) فقلنا له: أأنت علي؟
فقال: نعم فأقبلوا عليه يقبلونه ويقولون عظم الله لك الأجر بأبيك الحسين قالوا: فغاب عن أبصارنا ...
يااا حسين.. يااا حسين..
تحسر المظلوم وصاح انه ابن الذبيح ~ انا ابن الغربب العطشان ~ انا ابن الحسين العريان ~

▪️قال الراوي: ورجع إلى الكوفة وإذا بعمته زينب (ع) التي كانت قلقة
عليه تستقبله بقولها: يا ابن أخي أين كنت هذا اليوم إلى هذه الساعة؟ قال: عمه مضيت إلى دفن أبي الغريب فبكت وقالت يا ابن أخي إلى الآن لم يدفن أبوك الحسين؟
وكأني بلسان حالها تبكي وتنادي وتقول : واحسيناه
*حوار بين السجاد ع والسيدة زينب ع*
طور الجزع ~
صاحت آيا عمه وشلون شفته
وجسمه عالغبره بياحاله شلته
مگطّع اوصاله حسين وٱدْفَنْته
والنحر مگطوع
〰〰〰〰〰〰
تگله فصّلّي واوصف الحاله
گلها يا عمه بعبره همّاله
ٱجمعت بحصيره كلها اوصاله
والصدر مصدوع
〰〰〰〰〰〰
عظامه مطحونه ونوبه تسلّب
ونحر بدمومه ويلي يتخضّب
كومي وانصبي مأتم يزينب
وهلّي الدموع
حسسسسين
خادمة آل محمد✍🏻
*الامام السجاد ع يروي مصيبة دفن الاجساد لعمته زينب آه يا زينب (ع)*
لحن الخضيب~♪
شفت الولي فوق الترب نايم عالوطيه
شفت الجرح فوق الجرح الف وتسعميه
ما ظل عضو منّه سلم وجروحه مدميّه
اوصاله كلها موزّعه وعظامه مطحونه
〰〰〰〰〰〰〰
شعدد يا عمه كم سهم ظل نابت بصدره
يا حيرة بيها واحترت من انظر لنحره
شفت المثلث بالصدر عابر لحد ظهره
وسهم النحر فت مهجتي عمه يا محزونه
〰〰〰〰〰〰〰
بدموعي آنه غسّلت جسمه وكفّنته
برمل وترب صار الكفن واويلي وٱدفنته
حيرني موقف بالگبر ساعة الي وسّدته
ما عنده راس وحنّته من دمه معجونه
خادمة آل محمد✍🏻
لحن اسمع عتابي~
عالغبره شفته ~ لا ما عرفته
وبلا يا راسه ~ بيدي دفنته
عالرمضا جسمه ~ مخضّب بدمه
وجروحه كثره ~ موذّر يا عمه
دفنته بگبره ~ ودموعي عبره
لكن بلا راس ~ ومنگطع نحره
صاحت زينب حبيبي يا حسين الى الآن لم يُدفن؟
لحن عاري حبيبي عالغبره~
خبّرني عن حال ابو اليمه
لهالساعه ما شالو جسمه
وبحر الشمس مطروح والغسل دمه

خدام الإمام الحسين(ع)🚩 قصائد و مجالس

03 Mar 2025 22:46

جديد
3 شهر رمضان 1446


ذكرُ الإلهِ لذاكريهِ أمانُ
وبهِ القلوبُ يُنيرُها إطمئنانُ

والشهرُ ذا شهرُ الصيام لنغتنِم
عمراُ لنا قد خطَّه الرُحمانُ

هيا لتزكيةِ النفوسِ فإنه
شهرٌ به قد أُنزِلَ القرآنُ

وشفيعُنا فيه النبيُّ وآلُه
مَن حُبُهم وولائُهم إيمانُ

قَرَنَ المُهيمنُ ذكرهم معَ ذكرِه
هُم نورهُ إذ قال كونوا كانوا

أعلا مراتِبَهُم فزِيدَ بلاؤهم
لاسيما المُستَشهَدُ العطشانُ

نفديه مجروح الجوارحِ صُّرِّعتْ
مِن حولِه الأبناءُ والإخوانُ

نفديِه إذ خرَقَ المُثلّثُ صدره
فانبتَّ منه القلبُ والشِريانُ

فهوى على الرمضاءِ مُتّقِدَ الحشى
فهُنالِكُم قد ضجّتِ الأكوانُ

افبعدَ هذا الذِّكرِ ترقأُ دمعةٌ
ومحمدٌ بحبيبِه ثَكلانُ

شعبي :
صُبح ومِسا ما ينِّسي مصابك يا منحور
كل گاع صارت كربلا وكل يوم عاشور

حَدِّ المنِّية سيدي كلِ المحبِّين
تذكُر مصابك والدموع تسيل صوبين
تبچي وتنادي آه يالمذبوح يحسين
آه يالغريب الخده عالتربان معفور

من سابج عهود الزمن يا شبلِ لاْكرام
منصوبة لاجلك تعزّية وبطول لاْيام
فيها نواسي المصطفى وحيدر الضُرغَام
واليِّمة والزهره لگلُبها عليك مفطور

ما مرّت بطولِ الدهر من هالمُصيبة
ولا شِفنا مثلك بالخلُگ والله عجيبة
راسك على الخُّطي وبُگت جثتّك سليبة
والخيل خلّت كل عظُم بعضاك مكسور

هاكِ العهد يابن علي حامي الحمِّية
يحسين ما ننساك ابد حد المنية
ولا ننسى زينب والحرِيم الفاطمية
وياهم عليل وبالسلاسل راح ميسور


والله ويرحَنْ
المُصايب نزلن بچبدي وجَرحَن
عالظامي واجُّر ونّة وير حّن
لو لعيوني اعمِيهن ويرحَن
بعدني مقصِّر ويه ابن الزچية

يا عين ابجي ولا تملِّين
وهلِّي الدمع لمصابِ لحسين
عطشان ذبحوه الملاعين
وابچي على اطفاله المساچين
وابچي لضلّت بين نارين
نار لظل من غير تچفين
نار اليتامى والنساوين
محتارة تنطي الوجه لاوين

خدام الإمام الحسين(ع)🚩 قصائد و مجالس

03 Mar 2025 22:46

2 شهر رمضان 1446

وافى لمربعِنا بفيضِ عطائِه
شهرُ الصيام ونورُه اكليلُه

وكأنه صوتٌ دعى لنجاتِنا
ولقد علا تكبيرُه تهليلُه

يدعو لذكرِ اللهِ فهوَ مفازُنا
ورضا الاله طريقُه وسبيلُه

يدعو لذكرِ الطاهرينَ فإنهُم
آيُ الكتابِ وفيهُمُ تأويلُهُ

بل ذكرهُم لمليكِهِم تسبيحُه
تقديسُهُ تعظيمُهُ تبجيلُهُ

لاسيما ذكرُ الذبيحِ بكربلا
فمُصابُه لم يجري قطُّ مثيلُه

هو مفردٌ حاطت بهِ اعدائُه
قد سارَ عنه اهلُهُ وخليِلُهُ

وهوَ المُعطَّش ما سقوهُ سوى الظُبى
فبها يزول اوارُه وغليلُهُ

لله مُذْ أهوى بسهمٍ غادرٍ
ودمُ الحشا منه يسيل مسيلُهُ

فبكاهُ طه والوصيُّ حبيبُه
وغدَت بألوانِ المُصابِ بتولُهُ

شعبي :
والله مآتم إلها
النوايِب على الزهره ما تِمِلها
وفرح من بعد ابوها ما تملها
گِضَت باچي دهرها مآتم إلها
على المذبوح بأرض الغاضرية

حدي:
آنا الوديعة يا خَلَگ
والدهر عذّبني
صُبح ومِسا ابجي واوِّن
يالمنذِبح يابني
ويلى انگطع نحره وما شرِّبوه گطرة

آنا امه وشفته بوگت
هِجمَت الخيّاله
جدامي سحگوله الجسَد
واطشرّت اوصاله
على اليمنَه واليسره
وذرّة بكتُر ذرة

آه يا مَصايب كربلا
منها انشدَه بالي
خلّتني بطول الزمَن
دم مدمعي هالي
وجروحي ما تُبرَه
لمصَاب ابو العترَة


ولسان حال الزهراء :

مخنوگة وتوِّن كل ليلة بمچان
تحظر للمواتم تحيِّ لأحزان
ببجاها وتصيح وليدي عطشان
جدامي انذبح ابني من لوتين

شِفتَه والشمر فوگاه ينحرَه
مو طبرّة ويلاه اثنعش طبرة طبرة
مكسورة ظلع ما بيّه نُصرَه
مو حگي من انوحن كل يوم
عيني بعينه وهوَ مدموم
سِلبو كل شي منّه حتى لهدوم

خدام الإمام الحسين(ع)🚩 قصائد و مجالس

03 Mar 2025 21:10

مسيت العافيه يحسين ولو يا عافيه الضلت
من ذاك العصر ياذاك تدوس الخيل ماملت
عشره الخيل وانت وحيد بجسمك كلشي ماخلت
الماخذ خنصرك يحسين عساه جفوفه النشلت

صار الليل خويه حسين وطبع الليل حيل اظلم
اجيتك شايطه من التل ولا خيّر اليتحشم
انعم الله الريحتك يحسين دلتني بمچان الدم
الم بجسمك المسحوك خويه وياي ما يلم

خويه حسين صار الليل وتانيت الزلم يمشون
وجيتك يا حنين الروح اشبكنك دگلي شلون
انه محركه الچفين وانت بكل كتر مطعون
انت السيف اخذ نحرك وانا السوط اخذ المتون

خلفله اعلى ذاك الليل ستر بالهيمه صارالي
يكون الكاع عدها السان وتحجيلك على حالي
الركض مو لام عمر خمسين والايتام تبرالي
لا وادم التسوه اعتاب لا صيوان ضلالي

يمك ما لكيت رسوم حرمه الكيت محنيه
خويه حسين راح الشوف التنوح حذاك ياهيه
التحت شيلتهه جابت ماي تشرب محرك اميّه
ساعه تصيح يامذبوح وساعه احا يمسبيه

للشاعر عبدالخالق الحريشاوي

خدام الإمام الحسين(ع)🚩 قصائد و مجالس

03 Mar 2025 21:10

ضيّقتَ من صدْرِ الوجودِ رِحَابا
وفطَرتَ من جَلَدِ الدُّهورِ صِلابا

يا رزءَ يوْمِ الدَّارِ حُزنُكَ واجبٌ
ما كانَ في أرْواحنا استحْبابا

قُربى رسُولِ الله بعْدَ رحيلهِ
نزعوا عليها للذُّحولِ قِرابا

ماذا على من زارَ تُربةَ فاطمٍ؟
أنْ لا يزورَ مدى الزمانِ تُراباَ

ويظلَّ يبكي عندَها متفجعاً
ما لاحَ عُرجُونُ الشهورِ وغَابا

قُتِلتْ فعُفِّيَ قبرُها ممَّا رأتْ
بعدَ النبيِّ مصائباً وعذابا

لا تَسْألِ المسْمارَ عن أحْوالِها
كلاّ ولا تَسَلَنَّ عنها البابا

ودعِ العتابَ فَما عَهِدْتُكَ غانماً
مهما أطلتَ مَعَ الجِدارِ عتابا

لكنْ سَلِ السِّقْطَ الشهيدَ فعندَه
(عِلْمُ المُصابِ) دِرايةً ، وكتَابا

هلْ فاطمٌ،والبابُ مُسْتعرٌ لظىً
مسّتْ لَهيبَ النَّارِ؟سلْهُ جَوابا..

أَبِوجْهها أم باليدينِ اسْتقبلتْ
وجهَ الثرى؟ أم لاقَتِ الأحطابا؟

أوهلْ رأَى الطّاغوتُ نزْفَ دمائِها؟!
سالتْ لتَرفَعَها السماءُ خِضَابا

ما حالُ صنديدِ الملاحمِ كلَّما
بالبَابِ مرَّ يُعاينُ الأعْتابا؟

عجباً مصابُكِ يا بتولَةُ لمْ يزلْ
ويظلُّ حتّى الإنقضاءِ عُجابا

عَظَّمَ الله أجوركم باستشهاد الصديقة الزهراء عليها السلام

*علي عسيلي العاملي*

نقل المجلسي في بحاره:

"وقيل: ماتت في سنة إحدى عشرة ليلة الثلاثاء لثلاث ليال من شهر رمضان.

بحار الأنوار 43 : 189 ، 214 ".

خدام الإمام الحسين(ع)🚩 قصائد و مجالس

03 Mar 2025 21:09

بلغت الروح التراقي
كلشي مات و شوگي باقي
عالهجر ما من معين   يا حُسين
ـــــــــــــــــــــــــــــــــــــــــــــــــــــــــــــــــ
آنه وعيني بالسكتة   التحيط بداري يامولاي
نرسم صرنه عالحيطان   ليلية ضعنكم جاي
يفززنا الجفا و نبچيك   بچية ضايع بلا راي
انتَ هناك بس يحسين   حدر ضلعي غربتك هاي

وَ ما هذا عِتابٌ إنَّما أشكي
أليكَ وَ مِن مَرارِ فِراقكُم أَبكي

موعتب بس هذا دمعي
يحجي الك يابوية وضعي
يا مغيثاً يا مُعين   ياحُسين
ـــــــــــــــــــــــــــــــــــــــــــــــــــــــــــــــــ
يا كون الوجع يحسين   يتودالك بمرسال
چا هسه گطعت ممشاك  و تودي عليّ خيال
الحجيته من الجروح هواي بس الماحجيته جبال
صرت اتچّه عالحيطان   لا ضل حيل لا ضل بال

حَنانيكَ بِقلبٍ يشتكي الحُزنا
حنانيك بجفنٍ ما لقى جَفنا

ارحم عيوني و سهرها
العين هم يعطش نظرها
و للعطش انت المعين   ياحُسين
ـــــــــــــــــــــــــــــــــــــــــــــــــــــــــــــــــ
وحقك من گطع ضعنك   يبوية بقيت بين البين
بين شلون بين الليش   بين اليمتى بين الوين
أصد لكل وجه وياك   اخذته ويه الضعن يحسين
وكل واحد دمعته تطيح   چنها تكلي ما ترحين

أَلا يا ضاعِناً بِالعيسِ لا أَدري
أَداري قد خَلت أَم قَد خلى صَدري

آنه ودياري الغريبة
ثننينا نعيش المصيبة
يارحيماً يا حنين    ياحُسين
ـــــــــــــــــــــــــــــــــــــــــــــــــــــــــــــــــ
غربة و دارك بلا صوت  وخوف بكل كتر ممتد
يبوية و الصغير يخاف  لو ليل المصايب هد
صحت بصوت بوية حسين بوية حسين صوتي رد
ينعد العمر وياك    و بلياك ما ينعد

أَلا يا والدي في مَدمعي أُنْسَي
اذا ما شَرقّت او غَربّت شَمسٍي

ظلمة من دونك نهاري
و گبر يصبح ليَّ داري
بحالي ما ترضى يقين   يا حُسين
ـــــــــــــــــــــــــــــــــــــــــــــــــــــــــــــــــ
وحد كلشي صار وياك   طيوفك حيرة وحدها
انا الما تدري يمتى تنام   وطيفك ما يكعدها
ليا حد بالحلم عطشان   وخيامك ماي ماعدها
ليا حد زينبك بالخوف   تلوذ اطفالك بسدها

أَما واللّٰهِ إِنَّ القَلب مَكمودُ
رُقيتي خولتي يا عَمتي عودوا

هذا داري الكم فرشته
ردوا خل ترد بسمته
يهلي ليش مغربين !!   يا حُسين
ـــــــــــــــــــــــــــــــــــــــــــــــــــــــــــــــــ
- بلغت الروح التراقي
- الرادود : محمد الباقر الخاقاني
- الشاعر : ميرزا عادل الاشكناني

@MuhammadBaqerAlKhaqani

خدام الإمام الحسين(ع)🚩 قصائد و مجالس

03 Mar 2025 17:01

واحدة من الروايات العديدة بين القوية والضعيفة حول استشهاد مولاتنا الزهراء عليها السلام

نقل المجلسي في بحاره:
"وقيل: ماتت في سنة إحدى عشرة ليلة الثلاثاء لثلاث ليال من شهر رمضان.
بحار الأنوار 43 : 189 ، 214 ".

*[ الله أكبر ]*

اداء : الملا ذوالفقار الكعبي
الشاعر : السيد مرتضى الياسري
الذاكر : ميرزا محمد حسن البديري

https://youtu.be/cSO0Zv6eWi8

مجالس عزاء الليالي الفاطمية 1446ه‍ - 2025 م
ليالي إستشهاد سيدة الوجود الصديقة الطاهرة الكبرى فاطمة الزهراء صلوات الله عليها وآلها
هيئة سيدة الوجود (صلوات الله وسلامه عليها) - بغداد

مونتاج: سجاد محسن
مكساج: مصطفى وحيد
مخطوطة: علي عايد
تنفيذ: لوجين للإنتاج الحسيني

اللَّهُمَّ عَجِّل لِوَلِيِّكَ الفَرَجْ
يا علي

خدام الإمام الحسين(ع)🚩 قصائد و مجالس

03 Mar 2025 03:36

دعاء اليوم ٢ من #شهر_رمضان المبارك

نسألكم الدعاء

خدام الإمام الحسين(ع)🚩 قصائد و مجالس

02 Mar 2025 06:55

دعاء اليوم ١ من #شهر_رمضان المبارك

نسألكم الدعاء

خدام الإمام الحسين(ع)🚩 قصائد و مجالس

01 Mar 2025 13:16

أيقظْ فؤادَكَ من سهوٍ ومن زللِ
واقطعْ حبالَ الهوى عن صالحِ العملِ

واتبعْ سبيلَ الهدى والرّشدِ في شغفٍ
وابدأ علاجاً يداوي منْبِتَ العللِ

هيّئ لروحكَ نوراً تستضيءُ به
واقصدْ لربِّ السما من أقربِ السُّبلِ

لتنهلَ الخيرَ من شهرِ الصّيامِ إذا
أطلَّ بالعفوِ والغفران ِ والأملِ


#منال
/channel/manalbjeiji83
تقبل الله أعمالكم 🤲

خدام الإمام الحسين(ع)🚩 قصائد و مجالس

27 Feb 2025 19:39

*أجر وثواب محب الحسين ع وشفاعة الحسين ع*
ياللي قضيت العمر بالخدمة والنوح
باچر بالحشر يمّك يحضر المذبوح
يشفع إلك ولجنته باچر تروح
يمينه بيمنتك وتهتف بصوتك يا حسين~
〰〰〰〰〰〰
بأول محطة بالگبر يحضر وياك
وبرأفة وسلامة ويوصيِِ الأملاك
بظلمة گبرك نوره يشعسع هناك
يكشف كربتك ذاك الغريب حسين~
〰〰〰〰〰〰
يالباكي لمصاب المنذبح عطشان
دم نحره غُسله موسّد التربان
گبرك يصير من رياض الجنان
أجر الخدامه تناله من الشهيد حسين~
〰〰〰〰〰〰
من مدلّـل الزهره تنال تاج الخدامه
كل دمعة درة وبالجنة مرفوعه مقامه
والنار حاشاها تمسّك يوم القيامه
ويرتفع شانك ويّا شأن خدام الحسين ~
〰〰〰〰〰〰
*نعم الامام الحسين ع هو الشافع لمحبيه وشيعته وخدامه وزوّاره والباكين…لكن كيف يحضر يوم القيامة*
يحضر لكن راسه من النحر مگطوع
ونوره من النحر باچر يسطع سطوع
وتصير ضجة بين الخلائق والجموع
يشيل راسه بين اليدين بالمحشر حسين~😭
〰〰〰〰〰〰
وتحضر الزهره وتعاينه نحره ذبيح
تلطم ضلعها المنكسر ونوبة تطيح
تشهق شهقة والملائك يمها تصيح
نور عيني يا حبيبي يا ذبيح الله حسين
حسين~ساعد الزهره حسين ~
خادمة آل محمد ✍🏻

خدام الإمام الحسين(ع)🚩 قصائد و مجالس

27 Feb 2025 18:08

*الزهراء ع تنزل من الجنة الى كربلاء تزور ولدها الحسين ع ولكن بأي حالة؟*
اتعنت يمه تطوف الحضره
تشوفه اتوسّد اويلي بگبره
نحره مگطوع ينزف دمه
جروحه تنزف طعنة وطبره
〰️〰️〰️〰️〰️
شافت صدره اويلي مهشوم
وصاحت يبني آيا مظلوم
تجذب ونّه وتشهق شهقة
وتلطم ويلي وعليه اتحوم
يبني يبني يبني يبني
〰️〰️〰️〰️〰️
راحت ويلي تنحب وتنوح
وصاحت يبني آيا مذبوح
راسك مگطوع من المنحر
مسلّب جسمك ياروح الروح
يبني يبني يبني يبني
خادمة آل محمد ✍🏻
لحن اسمع عتابي♪
الزهره الزچيه~ بعبره جريه
يم گبر الحسين ~تنصب عزيه

قبره تطوفه ~ بدمعه ذروفه
مذبوح ابنها~ تعاين تشوف
بأي حاله؟
نايم بقبره~ وجروحه كثره
ظامي انذبح ليش ~ وحزوا له نحره

تون بحزنها ~ ويتعالى ونها
ضلوعه مهشومه ~ تبكي لابنها
خادمة آل محمد ✍🏻
https://youtu.be/CejRG5FhkT

خدام الإمام الحسين(ع)🚩 قصائد و مجالس

27 Feb 2025 18:08

*ليلة. الجمعة والسيدة الزهراء ع تزور الحسين ع*
[كل جمعه تنزل فاطمه]
[اتزور المخضب بلدمه]
وتنادي يا رب السمه
بيا ذنب مذبوح الحسين
✺✺✺✺✺✺✺✺
وصلت الى قبر الشهيد
تنعى لمحزوز الوريد
شافت جسد فوق الصعيد
عالغبره مگطوع الوتين
✺✺✺✺✺✺✺✺
شافت حوافر عالصدر
ودم الورد من النحر
ولطمت ضلعها المنكسر
ومنها اعتلا صوت الأنين
✺✺✺✺✺✺✺✺
يا هو الي گطّع رگبتك
يا هو الي داسه جثتك
والله عظيمة ذبحتك
وتلطم وجهها باليدين
حســين💔 خادمة آل محمد✍🏻

خدام الإمام الحسين(ع)🚩 قصائد و مجالس

27 Feb 2025 10:10

{رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ }

صباح اليوم ..في رحاب خدمة مرقد الشهيد الأقدس

في قُربك أسرارٌ جمّه
يا قائدَ أحرارِ الأمّه

واليوم حظيتُ بخدمتكم
فشكرتُ الله على الخدمه

#منال🌿
#المرقد_الشريف_للشهيد_الأقدس

خدام الإمام الحسين(ع)🚩 قصائد و مجالس

26 Feb 2025 01:21

من شيّع جنازه وشاله
وعالغبره لملم اوصاله
گلها ثلاث ليالي مرمي بهالحاله

غريب محّد جهز اكفانه
غريب وثوبه صارت تربانه
غريب وانه بالطف دفّانه
حسين آه
--------------------------
صاحت يا راس العطشان
ما عندك ناعي ودفان
وجسمك طريح بكربلا عريان

ويانه تمشي بهالمسره
تحرس سبايانا الحره
تعاين سبينا وبرمح تِبره
سبي… تعاين زينب مسبيه
سبي… وستر الوجه بإيديه
سبي… رحلة مآساتي هيّه
حسين آه ~
الشاعرة خادمة آل محمد✍🏻

خدام الإمام الحسين(ع)🚩 قصائد و مجالس

26 Feb 2025 01:21

يلا تصور الموقف امتدت ايادي من نور رفعت جثمان الشهيد يلا ارفع ايدك ونادي يا حسين شالو جنازته بالتهليل والتكبير الله واكبر رسول الله حاضر امير المؤمنين مولانا الحسن مولاتنا الزهراء مواكب التشييع والملائكة المقربين وكل ينادي واحسيناه يلا شاركهم التشييع واشهيداه واغريباه~
فصاح امامنا السجاد: يا بني أسد عليّ بحصيرة!! قالوا: ما تصنع بها؟ قال: لأضع عليها أوصال الحسين (ع) المقطعة~ واويلاه واحسيناه~~آه
والانوار تتسابق لتجمع جسد الحسين ع هناك يد امتدت رفعت خنصره المقطوع وقبلته وصاحت حسين يا حبيبي ~ ويد امتدت ورفعت يد الحسين المقطوعة اي واشهيداه ويد امتدت ورفعت لحمه المتناثر على التراب بالبكاء والعويل حسين بعد يا اهل العزاء اتخيل الموقف اشلاء الحسين مقطعة موزعة فوق الرمضاء الا من. منادي واحسيناه
بعد هناك قطعة من قلب الحسين خرجت من السهم المثلث ~وصوت ينادي واولداه واحسيناه
وااذبيحاه~ لحن يا جبريل نترجاك ~
اجيتك يبني يمدلل انصب تعزيه يمك
أجمع باقي اوصالك واحني كفوفي بدمك
اشمك بالنحر شمه گبل ما اودعن جسمك
اقبل نحرك الدامي يالمدفون بلا يا راس
---------------------------
وصوت من النحر نادى هلا بمكسورة الضلعين
يا يمه الجسد بالطف لكن راسي ما ادري وين
أظنه عالقنا حارس يحرس راح بناته حسين
عينه عالحرم ظلّت بعد مثل البطل عباس
واويلاه والزهراء تلطم على وجهها وتارة على عينها المحمرة وتنادي واولداه وااذبيحاه~ لحن اسمع عتابي~
بلحدك ندفنه ~ يبني ونكفنه
والسدر دمه ~ وكافوره حنه
خلني اشمك ~ يبني واضمك
اقبل وريدك ~ بنحرك ألِثمك
خادمة آل محمد✍🏻
عظم الله لك الاجر يا زهراء
كان مولانا زين العباد كلما رفع طرف من جسد الحسين سقط الطرف الآخر واويلاه( وعلى مثل الحسين فليضج الضاجون ويصرخ الصارخون حسين ²)
فناولوه حصيرة جمع عليها أوصال الحسين، وقيل أيضا: أنه (ع) أخذ يبحث قريبا من جسد الحسين عن شيء لم يكن يدري أحد ما هو، وإذا به ينحني إلى الأرض فيحمل إصبعا كان قد قطع من أصابع الحسين (ع) ثم وضعه في محله من يد أبيه الحسين وأنزل أباه في قبره ~
(يا اهل العزاء عادة الميت اذا الحدوه في قبره كشفوا عن راسه واذا كان له ولد قبله في جبينه ولكن وين راس الحسين ~ وكيف يوسده على خده وهو بلا راس اي واحسيناه واذبيحاه) زين العباد قبل والده في نحره~ حسين
لحن قلب امك يبني مفتت للجفيري~
قبّل نحره ودمعه هامي
وصاح بحزنه وگلبه الدامي
يابو لاكبر چبدك ظامي
ميّت مذبوح چبدك عطشان
بويه بويه بويه بويه²
----------------------------
حطه خده فوق المنحر
وصاح السجاد الله اكبر
وسالت عينه وشافه مطبر
اويلي بلا راس فوق التربان
بويه بويه بويه بويه²
----------------------------
بوداعة الله ~ يا مظلوم~ بوداعة الله يا مذبوح~
قال بنو أسد فرأيناه قد وضع خده على نحره واحسيناه الشريف وهو يبكي وسمعناه يقول: طوبى لأرض تضمنت جسدك الشريف، أما الدنيا فبعدك مظلمة، وأما الآخرة فبنورك مشرقة، أما الحزن فسرمد، وأما الليل فمسهد، حتى يختار الله لأهل بيتك دارك التي أنت مقيم بها ، وعليك مني سلام الله يابن رسول الله ورحمة الله وبركاته( يا اهل العزاء بعد الدفن هناك وصية للميت كاني بالحسين كان عنده وصية لولده السجاد وصية من الراس الشريف للجسد )لحن يا جبريل نترجاك~
صاح بلوعه يالوالي راسك انه ما جبته
مراسم بالسبي تشييع ويّ الحرم خليته
لكن احمل وصية لو انه الجسد شفته
ادفنه وخليِ بگبرك موضع راسك المگطوع
--------------------------.
راسك بويه وصاني ألملم كل عضو منثور
واضمد كل جرح منك واداوي صدرك المكسور
واقبل بويه كفينك واقبّل موضع المنحور
وادفن جسمك بإيدي واغسل منحرك بدموع
حسين.
خادمة آل محمد✍🏻

يا اهل العزاء المصيبة عظيمة ~ السجاد سمع صوت يخرج من نحر الحسين ~ ولدي علي وسد الرضيع على صدري~
وهذه وصية سابقة من الحسين (ع) لولده زين العابدين (ع) قال
له: بني إذا جئت لمواراة الأجساد وسد رضيعي على صدري~ لحن الجفيري~
حطه عا صدري هالولد
عبدالله ما عنده لحد
خل صدري لوليدي مهد
وسّد رضيعي عالصدر
----------------------
ما عندي راس توسّده
ولا خد لطفلي تلحده
طير الجنان وموعده
وي محسن المات بعصر
خادمة آل محمد ✍🏻
ثم اشرج عليه اللبن وأهال عليه التراب .
الوداع الوداع حبيبي حسين يگله.. يبويه.. يبويه
وداعة الله… واللقاء يوم الحشر
وداعة الله… ابويه مذبوح النحر
وداعة الله… گلبي ما يحمل صبر
بأمان الله يا شهيد الله~ بامان الله يا حبيب الله يلا ودع الحسين ~
يگله بويه… مودعك غصبن عليّه
يگله بويه… يا ذبيح الغاضريه
يگله بويه… والعزا صبح ومسيه
ساعد الله قلبك يا مولاي ثم وضع كفه على القبر وجعل يخط القبر بأنامله.