500
يحسين أرد اسولف بيـــك:: ابطڕواك الحچي اشمحلاه ¦°
الأبوذيه
حِرت مدري اروح المــن واناهم
البـشر شايـــل فرح گلبه واناهم
مثـــل يعگــوب من الهم واناهم
انعمت عيني وبعد ماشوف جيّه
🖋. ام حيدر مكي النصاري
عتب للإمام الحجه المنتظر (عج)
حچيــنه ايفزز المكتول وعتبنه الكاتِل ايندمه
صبرنه ايواسي بس أيوب فتّ الجبل ويهدمه
وتخنگ چلمة الشمات يمتـــــــه سيفك اتلزمه
وتطويها الگاع اتصفيها
✍🏻. أم حيدر مكي النصاري
السلام عليكم
إخوتي و أخواتي الأعزاء،
نظرا لما أصبح للحضور في منصات التواصل الاجتماعي من أهمية كبيرة في وقتنا الحاضر فمن الجميل أن نجعل هذا الحضور أكثر فائدة وتأثيرا و أن نحوله إلى مساحة حقيقية لخدمة الأدب و الشعر و الثقافة.
و من هذا المنطلق.. أقترح أن نبدأ بتنظيم مسابقة شعرية للشعر الشعبي الأهوازي تكون فرصة للتنافس الشريف واكتشاف المواهب وإبراز الطاقات الشعرية الموجودة بيننا و تشجيع الشعراء على تقديم أفضل ما لديهم.
و سنعلن لاحقا عن تفاصيل المسابقة و آليتها و مراحلها مع تشكيل ثلاث لجان تحكيمية متخصصة:
- اللجنة الأولى: لتحكيم شعر الدارمي.
- اللجنة الثانية: لتحكيم الشعر المجنّس، مثل الأبوذية والهَات وغيرها من الألوان الشعرية.
- اللجنة الثالثة: لتحكيم الهوسة.
و سيتم اختيار أعضاء اللجان من أصحاب الخبرة و الاختصاص و المعرفة بهذه الألوان الشعرية حرصا على أن يكون التحكيم قائما على أسس فنية واضحة و منصفة.
لكن طموحنا أن تكون هذه المسابقة أوسع من مجرد منافسة محدودة و أن تشهد حضورا ومشاركة واسعة من شعراء الأهواز حتى نخلق أجواءً من الحماس و النشاط و التنافس الجميل و نمنح الشعراء مساحة للتواصل و التعارف و إبراز تجاربهم.
و من هنا.. فإن اكتمال هذا الجمع بانضمام أعضاء جدد و شعراء و مهتمين بالشعر الشعبي سيكون إضافة مهمة و كلما اتسعت دائرة المشاركين أصبحت المسابقة أكثر حضورا وتأثيرا ون جاحا.
أما الفائزون.. فسيحصلون على شهادات تقديرية مقدمة من مؤسسة ادبنا الأدبية و جمعية شعراء العرب في خوزستان و مؤسسة أمير المؤمنين الدولية إلى جانب فرص لإجراء مقابلات تلفزيونية وإعلامية و غيرها من صور التكريم والتقدير التي سيتم الإعلان عنها لاحقا.
إن الهدف من هذه المبادرة ليس الفوز وحده و إنما خلق حراك شعري حقيقي و تشجيع المواهب و الحفاظ على تراث الشعر الشعبي الأهوازي و فتح مساحة تليق بالشعراء و تجاربهم.
لذلك.. أرجو منكم جميعا إبداء آرائكم و مقترحاتكم حول هذا المقترح فنجاح هذه المبادرة يعتمد على مشاركتكم و أفكاركم و تعاونكم.
و أتمنى أن نبدأ معا خطوة جميلة تليق بالشعر الشعبي الأهوازي و بشعرائه و محبيه.
و شكرا لكم.
بإشراف الدكتور علي عفراوي
(مجموعة الشعر العربي و الوانه)
ثوب الجهل
گبْعَت بالجهل أجيَال كشخَت عيـــــــد بين الناس
وتسعىٰ اعله البخت وتدوس ميّت بيهم الإحساس
اليزرَع عالحَجر عاگـــــــول وبجدمه يركّ عاليـَاس
تِصفگله المثلِه مْخَاويها
✍🏻.ام حيدر مكي النصاري
إسشتهاد الرضا عليه السلام
الثــامن العتــــــــره بدت أحزانها
الطوس تنــعى للبــــــدر سلطانها
ـــــــــــــــــــــــــــــــــــــــــــــــــــــــــــ
تنعى الطوس وتنــــادي عالرؤوف
كعبــــــة الله اعليها الوادم تطوف
ملاگه ويه الموت بالسم والسيوف
والشهاده الســــــاده بس عنوانها
✍🏻. أم حيدر النصاري
ــــــــــــــــــــــــــــــــــــــــــــــــــ
الیوم ارض الطوس ناحت للرضا
والحزن مالیهه ارکــــــــان الفضا
ابــــو محمد یا اسف بلسم گضا
ولگلوب اتساعرت نیــــــــرانها
✍🏻. ام قاسم البوغبیش
ــــــــــــــــــــــــــــــــــــــــــــــــــــ
بلگلب نیـــــــــــران تسعر ماطفت
وعیون کل شیعی یبومحمد بچت
الفجعتک هلیوم ضل خالي التخت
ومغرب السلطان صوب اجنانها
✍🏻. علی البوغبیش
ــــــــــــــــــــــــــــــــــــــــــــــــــــ
امغرب السلطان واصوابه ثجيل
يــا لمداوي العلّه ومداوي العليل
ابلهفة الغرگــــان جينالك دخيل
يـاحليف الزود عِزّ اركــــــــانها
✍🏻. ام حيدر النصاري
ــــــــــــــــــــــــــــــــــــــــــــــــــــــ
يــــا حليف المجد يلعندك خصال
من ابوك وعنـدك اويا الله اتصال
يبن موسي الضامن ابزوده الغزال
وهلك معلومه تضل ثــــــــامانها
✍🏻. علي البوغبيش
ــــــــــــــــــــــــــــــــــــــــــــــــــــ
تمت ولله الحمد بأقلام شعراء
(منتدى الشعر العربي وألوانه)
في فقد الرسول الأعظم(ص)
بويه يا ڪل عافيه وكل حيلي
خـــــــاليــــه دارك ابهِم تنعيلي
ــــــــــــــــــــــــــــــــــــــــــــــــــــ
تنـــعى الدار ابحزن حين الرحت
وغير شخصك يمي بويه ماردت
الغـــرب صارت عليـــه من شلت
ابضلعي كسره الغربــه اتسويلي
✍🏻. ام حيدر النصاري
ـــــــــــــــــــــــــــــــــــــــــــــــــــ
بویه برحیلک خذیت انته الامان
عگب عینک من یغذیني الحنان
لیش عایفني وسکنت انته الجنان
یل چنت شمعه وتضوي ابلیلي
✍🏻. ام قاسم البوغبیش
ــــــــــــــــــــــــــــــــــــــــــــــــــــ
بـویه مـا ضـلی أمـل بَـعدک تره
یا عمود البیت یالخیمه و ضره
فـارگتنی و الـحزن بِـالـدم سره
الــونه ما بــطلت نهاري ولیلی
✍🏻. هاشم الفرحانی
ـــــــــــــــــــــــــــــــــــــــــــــــــــ
بويه انت الخيمة تفرق عل خیم
وچان صیوانک سترنه وبينه لم
عد ضنوتک حيل چم حيل نهدم
وگبل لاصخن چنت تبچیلی
✍🏻. حمید العیدانی
ـــــــــــــــــــــــــــــــــــــــــــــــــــ
بويــه گلي بعدك الحالي شيصير
ونـور شخصك بويه للعالم بصير
شلون اهود الروح شلون المصير
بعدك امصايــب قِـــدت توليلي
✍🏻. ام حيدر النصاري
ــــــــــــــــــــــــــــــــــــــــــــــــــ
اسرای وجهک يبو الزهرا وکله ضي
عگبک اتظل فاطمه من دون في
ام الي وچنت ابو واخت وچنت خي
موتتک شمسه و علي ایفیلی
✍🏻. حمیدالعیدانی
ــــــــــــــــــــــــــــــــــــــــــــــــــ
تمت ولله الحمد. بأقلام شعراء
(منتدى الشعر العربي وألوانه)
لسان حال الزهراء في حق الرسول.
يگلبي عالنبــــي الأمـه ولكوان
حزن خيّـم علىٰ العالم ولكوان
اهمومی المرّدن چبدی ولکوان
موتت والـِــدی سيـــــد البريّه
✍🏻 أم حيدر مكي النصاري
عند العرب
عند العرب كثرَه امثال والأجيال تحچيها
وعدنه المثل من ايـگول حاميها حراميها
كومه شوارب الغمَان گاع التحكم اعليها
ماينفع فحل الغيباني
✍🏻ام حيدر مكي النصاري
لسان حال زينب( س) للأربعين
بأربَعينك: جيتِك أزُورك
الخوّه جَابتني عليڪم خويِه وينك
ــــــــــــــــــــــــــــــــــــــــــــــــــــــــــــــــ
وين گبرَك گلي خويــه جيتك انه أشتمّ هوَاك
فرفحَت روحـــي عليڪُم گلبي وعگلي فداك
بالهضُم جينه ونسينِه بيا مڪان الموت اجاك
علّتي مدفونه ضلت ليــش دهري ابهَم خِذاك
يسرَه يمنِه: التفت إدورك
گوم وتلگاني خويه إفتَح ايدينك
ـــــــــــــــــــــــــــــــــــــــــــــــــــــــــــــــــــــــ
جينه نشكي الضِيم خويه بسوگ دخلونِه اللئام
ولسِه بيـــنه رماد يذڪر من حَرگ ذيچ الخيام
اسيَاطهم نامت ابظهري ونـــامت ابعينك سهام
خطوَه خطوَه امشي وبَـاوع وين أهلي والعمام
ابگاع صبخَه: وإشتم عطورك
روحي تٓرڪض گبلي چِن شبگت حَنينك
ـــــــــــــــــــــــــــــــــــــــــــــــــــــــــــــــــــــ
ترڪض الأيام بيــــــنه ونحسِب الجَيتك نريد
امگابل ويا النُوح نبچي شوفتك بس النِه عيد
ونِخفي الدمعَه ونڪــــــابِر لايشوفونه العبيد
مــــــــن عگبڪم تَايهين وبيـنه يتشمَت يزيد
روحي حنّت: شوگي الشعورك
سنين عمري فدوَه خويه تروح السنينك
ــــــــــــــــــــــــــــــــــــــــــــــــــــــــــــــــــــــــــــ
يـــامعَاناتي الأخيـــره اتموت طفلتڪم قهَر
ادفنِتها بــــــــــالخرابه وشڪِثر گلبي خسَر
وعثَر ابضلّي يخويه اترجِه منڪم بس خبر
اتسلبَت عافيتي راحت ابهالدرب مامن مفَر
شوگي مَبني: ومبني اعله نورك
جيت أشڪي حزني خويه إِفتحلي عينك
ـــــــــــــــــــــــــــــــــــــــــــــــــــــــــــــــــــ
ضِگت أنـــــواع المصايب اعله هزّل ونسبيت
ادروبهُم ڪلش طويــله گمت ماشوفَن عميت
فترَه فترَه السوط يالعب اعله متني ومادرِيت
ماحسبت إحساب هذا الكفر گادوني ومشيت
الغربه مرَّه: اتمنىٰ حضورك
وانت جثِه ابلايه راس اللهِ اليعينك
ـــــــــــــــــــــــــــــــــــــــــــــــــــــــــــــــــــــــــ
هالمسيرَه تبگه خويـه انجَدد إحنه بڪلِ عام
نمشي حافي الأربعينك زحف نزحَف عالعظام
إنجيلك ونحيي الشعـــائِر وبحضرتك يا إمام
عهد نبقَه ابسد نهجڪم ياشرف ڪل الوِسام
أنرد جميلك: انت وبُدورَك
ابڪل محبه انجيك خويه إنوافي دِينك
ــــــــــــــــــــــــــــــــــــــــــــــــــــــــــــــــــ
ك: حيدر مكي النصاري
/channel/lajmmmm
¹³صفر ¹⁴⁴⁷
اسئلڪم الفاتحه لروح والدي
في حق الحوراء زينب (س)
فجيعَه بصف فجيعه ونسبيتي
وفجيــع الشام أعظم ونسبيتي
يريت اويــــاچ زينب ونسبيتي
وسبع مَرات اموت اويِه الشفيّه
✍🏻 أم حيدر مكي النصاري
المظلوم حسن المجتبىٰ( ؏)
يــاوكت نبني المنَــاره وياوكت مثل الحسين
للحسن ننصب مواڪب نمشي مشايه أربعين
الشيعه مدفونه ابعَقيده وعدها ثابِت هاليقين
القبرك تزحّف مشايه
✍🏻 . أم حيدر مكي النصاري
(لسان حال مولاتي زينب س )
حِده الحادي وعليّـه الدهر جرجر
ودمعي اعله العزيز حسين جرجر
صحت آه الرقيّــه ابيـــوم جرجر
تراچيـــــــها ودفعها ابــن الدعيه
✍🏻 ام حيدر مكي النصاري
في حق العقيلة ( س) خرابة الشام
يا خرابه: لادفِيــــــتي ولا دفِيت
ياخرابه: ضايعَه وماعنـــدي بيت
نوبه يحدي الشِمر نوبه حرمَله
وگلبي يم حسِين عفتِه ابكربَله
يــــــــــــا خرابه يــــــــــا خرابه
"" "" "" "" "" "" "" "" "" "" "" "" "" "" "" "" ""
ابذمّتــــچ لوني تغيَر تحرگ ابوجهي الشمس
وبس يجي المغرِب علينه والبرد هم مايحس
ألف سوط اعله متنـــــه انصَابن اليوم وأمس
نكسِر الضلمه ابّچــينه ونبچـي الگطع النفس
الضلمه وَحشه: لهلي حنّيت وبچيت
الضلمه وَحشه: دورتـــــــهم مالگيت
چنها ساعات المنيّه امعَلعله
والّدليل اشتـاگ لهفَان الهله
يــــــــــــــــا خرابه يــــــــــــا خرابه
"" "" "" "" "" "" "" "" "" "" "" "" "" "" "" "" "" ""
انه ميّتلي عضيدي نظَر ماعنـــــــــــدي لشوف
روحي يــــــم خواني باتت ضَالا اعليهم تطوف
بس جِثث والروس يمي امطبرَه ابحد السيوف
الّطف عفتها بمستحَـــــاها اعلينه لمتها الألوف
حسيـن وحده: عفتـه مَطروح ولفيت
حسين وحده: ويــا العِده لشام جيت
سَاقطه الغيره بشملهم أكمله
ذبحــــوا المغوار وِلد المَايله
يــــــــــــاخرابه يــــــــــــــــــاخرابه
"" "" "" "" "" "" "" "" "'''''''''''" "" "" "" "" "" "" ""
ياخرابه شـَــــــــــايلات ابهمنه عِفناها الديار
ياهو ينطيني اعله گدنه غطه ونغطِي الزغار
الّشام ماعدها كرامــــــــه وعذبتنه بإختصار
الناس موخوش الأجتني ابلاوَعي صابتنه نار
الشام والطَف: گطّعن گلبي ومشيت
الشام والطَف: مرّتين آنـــه انسبِيت
ريت حاضر ڪون سَبع المرجله
الّضعن يتبـّـــــَـاها باسم الكافله
يـــــــاخرابه يـــــــــــــــــــــــاخرابه
"" "" "" "" "" "" "" "" "" "" "" ""''" "" "" "" "" ""
ذبنِي دهري اعليــچ وانتي بلا سگف وبلا فرِش
وانــــــه جدمي گوّه يمشي ومنّي ذبلان الرمش
ضنّي بيچ ارتاح واغفَه الّسوط مايخمش خَمش
وعالگلب ردنــــــــه اليوافي يسگي ابمايه يرِش
ابسدّ كفيلي: بــــالهضُم لامادريت
ابسدّ كفيلي: ريت ضليت وبقِيت
هالمصاب العَفيّه گلبي الشايله
ماكـــو بالدنـــيه گلـب يتحَمله
يــــــــــاخرابه يـــــــــــــــــــاخرابه
"" "" "" "" "" "" "" "" "" "" "" "" "" "" "" "" "" ""
اعبــرت كل هالمسافه ابناظِري الصحره انطوَت
ابحيل اشدّالحيل لمشي روحي عافتني ومشت
صعبَه عدنه يــــــــــــا خرابه للنبي بنت انسِبت
وصَبّحت بينه النوايب والعـــــــــدو بينه شمت
طيحَنّي : لاجِــــــــزعت ولا شكِيت
طيحَنّي: وصرت كفّــــــاله وحميت
اشَگف ابإديّـــه احمي العايله
امتوني من سوط دمهاسايله
يـــــــــــــاخرابه يــــــــــــــــاخرابه
"""" "" "" "" "" "" "" "" "" "" "" "" "" "" "" "" ""
الشاعر: حيدر مكي النصاري
²¹ محرم ¹⁴⁴⁷
/channel/lajmmmm
> تراث الدارمي
حـرمــه و تهــد اعليك وتطگك اتريد
شتسوي انت بهاي وانت ابن اجاويد منقول
ــــــــــــــــــــــــــــــــــــــــــــــــــــ
(جواب الدارمي)
الحرمه مثل الخِيل لو كض حبلها
ماضن تفك إعنَــــان وطگ رجلها
✍🏻أم حيدر النصاري
ـــــــــــــــــــــــــــــــــــــــــــــــــــ
في رثاء الإمام زين العابدين عليه السلام
اتـوهدَن الموت وخجِل من حالته
الأثر بمتونــــــــــه يسولف قِصته
ـــــــــــــــــــــــــــــــــــــــــــــــــــــــــــــ
شـــــاف عِنوان السلاسل ومتحن
طبِع خاتمها عله اچتـــــافه الزمن
ابيـــــوم وليله راحَن عيونه عمن
شـــاف أميه أحبـــال شدو عمته
ـــــــــــــــــــــــــــــــــــــــــــــــــــــــــــــ
مختصَر مات ابـــو باقر بالطفوف
بيـــوم شاف ابكربله التمت ألوف
ويذبح الذباح وبعينـــــــه يشوف
حسين خيــــــل الأعوجيه داسته
ــــــــــــــــــــــــــــــــــــــــــــــــــــــــــــ
بيوم شـــاف الخُوف بعيون الزغار
ابگلبه نار وبالخيم مشتــــــعلِه نار
والبنـــات اعليها كـومه من الشَرَار
وعالنهر طبرو الكـــــــــافل هامته
ــــــــــــــــــــــــــــــــــــــــــــــــــــــــــــــ
حيِــره من حيره الوكت شوف اله
مشهد الشــــــــــافِه ابشام وكربله
امطرحـــــــــه اهله الهيّاكل بالفله
عُوزه عوان اليشيـــــــل امصيبته
ـــــــــــــــــــــــــــــــــــــــــــــــــــــــــــــ
مـــرت عله عيونه الليالي الصعب
ناگِص من العافيــــه ورافگ غرب
صــــار بين العايله وبيـــن الحَرب
بالخلگ ماكـــــــــــو مثلها حيرته
ـــــــــــــــــــــــــــــــــــــــــــــــــــــــــــــــــ
واليكرهــــــــا يمشي ويـا القَافله
نوبه يضرب متنه نـــــوبه العايله
وباتـــــــــت الأحزان ويا ام العله
شلون ابـــــــو باقر اتحمل غربته
ــــــــــــــــــــــــــــــــــــــــــــــــــــــــــــــ
مختنِگ جايبـــها كل هاي السنين
ألف موته مات من شاف الحسين
دم تهِل عيــــــــــونه دلاله حزين
ويا الغريب انذبح چـــانت موتته
ــــــــــــــــــــــــــــــــــــــــــــــــــــــــــــــــ
/channel/lajmmmm
✍🏻ك: حيدر مڪي النصّاري
¹⁹ محرم ¹⁴⁴⁷
الليله جمعه الرايِد امشيله بعيد
وگلبي حـــن الشمة الغالي يريد
توجع المشتـاگله واحچيها دوم
حافيه اركضله لون يرجع يعيد
✍🏻. ام حيدر النصاري
الله يرحمك يابويه. 💔
اشڪر نادي سفراء الإنسانيّة و السلام بالاخص
مدير النادي ( السفير احمد النعيمي ) من
دولة العراق علىٰ تكرمي بهذه الشهادة
التقديرية الثمينة.اسئل الله أنّ يوفقڪم
لڪل خير بمحمد وآل محمد. 🌼
قصيده عنوانها. ☜( العوز وفقير )
قصّه ويــــــــا العُوز والسَاعي فقير
ايجازي ابروحــــه الگضت خلصانه
طبعه امتعب الجَسد بس مو ضمير
يحصِد الفشله ابتـــــــــعَب ذرعـَانه
والوگفله ابهالزمن بخـتـــــــِه چبير
امنين رفگــــــــه اترافگ الجوعانه
امخلص الروح الّگت صعبه اليجوع
سهله لكـــــــــــــــــن راسِخ ابإيمانه
امحطّم الحِيــل وگلب رافعله هَـــام
ومايميـــــــــــــل اعلىٰ اليِسد بيبانه
چفّه يشمُر غيـــــره عالماعنِده ذات
ذاكـه لمذبَّـح نخَـــــــــــــــل گيعانه
مايله الدنيِه يـــــــه دوم ويالعسير
إفيــــــــــــاي مايلگه ابكِتر حيطانه
انبــاگت أحلامه ومَعيـّوفه الكتوم
ولسَاتـــــْــــــر الله يدعي الجيرانه
وطن روحــــه وتَعطي حنيّه اليريد
اجروح گلبـه اتــــــــروّي العطشانه
امچلب ابـــــاالله ثگل حاضِر يموت
ولا يـِــــــــــــرفّ گلبه علىٰ الشبعانه
شايِـــّــل الدنيـه اعلى متنه ومايمِل
وعينه مديـّــــــــوفه ابهظم سهرانه
ابسط الأشيـــــــــاء عنده ابهالحياة
من يشوف أهله غـــِـــــــدت فرحانه
تچوّي جَمره بگلبه چـن ليل الطويل
مايطيق الحسبـــِـــــــه تدوي ابذانه
اتأسع الساعات لو صابَــــه النصيب
يوگـــــــــــــف البَطران ايذلّ ابشأنه
ايبَـادر ابعمره نــــــــذِر موتت شهيد
المستِعزّه ابجسمــِه الـــــــــــــدفانه
امغورگه اجفونـه ويِضنّ ايلاگي عيد
ابيّضَت اعيـــــــــــونه وغِدت حزنانه
✍🏻. أم حيدر مكي النصاري
3 / ربيع الأول /1448
إستشهاد الرضا عليه السلام
أَيُّهَا الْمَسْمُومُ مِنْ كَيْدِ الطُّغَاةِ
أَدْمُعِي لِأَجْلِكَ تَبْقَى جَارِيَاتِ
♡♡♡♡♡
جَارِيَاتٌ سَوْفَ تَبْقَى أَدْمُعِي
وَلِيَوْمِ الْحَشْرِ هَذَا مَوْضِعِي
إِنَّــــــمَا فَقْدُكَ أَحْنَى أَضْلُعِي
وَوَرِثْتُ الْحُزْنَ مِنَ النَّائِبَاتِ
ـــــــــــــــــــــــــــــــــــــــــــــــ
نــــــــــــائباتٌ قَد رأینٰا بِالفِراق
مِن اُنٰـــــــــــاسٌ قَتلُوكَ بالنِّفاق
لَكَ دَسُّوا السُّمَ فيٖٖ ارقىٰ طِباق
وَ رَمُوكَ أَسْهُمــــاً تِلكَ العُتٰات
✍🏻. حسين النصاري
ــــــــــــــــــــــــــــــــــــــــــــــــــــ
نَائِبَاتٌ قَدْ سَرَتْ فِي أَرْضِ طُوسِ
وَالأَحِبَّـــــــةُ فَقَدَتْ أُنْسَ النُّفُوسِ
تَلْطِمُ الأَصْدُرَ مَكْشُوفَةَ الرُّؤُوسِ
لَنْ وَلَمْ تَنْسَى الرِّضَا حَدَّ المَمَاتِ
✍🏻. ام حیدر مکی النصاري
ــــــــــــــــــــــــــــــــــــــــــــــــ
یَبــنَ مُـــوسیٰ یاسلیل المرتضیٰ
سیّدی انــتَ الملَــقَّــب بالّـرضـیٰ
ضاق فی عَینَیَّ مولایَ الفَــضـیٰ
للــــذی منکــــم یَنالوهُ الطغات
✍🏻. طالب السیدعبودالموسوی
ـــــــــــــــــــــــــــــــــــــــــــــــــــــ
یامَن أَبکَیــــــتَ الثُّرَیّا وِ الثّریٰ
لِمُصابِ الطّــــفِّ هَیَّجتَ الوریٰ
کَبدُکَ المَخــذومُ یَحکي ماتَریٰ
مِن هَوانِ الدَّهرِ عُظْمِ الفاجِعات
سید علي كاظم پور
ــــــــــــــــــــــــــــــــــــــــــــــــــــــ
تمت ولله الحمد بأقلام شعراء
(منتدى الشعر العربي وألوانه)
شهادة رسول الأعظم( ص)
یا محمد يـــــــــا أعز محبوبنه
سبب فگدك وجّـــروها اگلوبنه
ــــــــــــــــــــــــــــــــــــــــــــــــ
وجّـروها اگلوبنه و مدمع جره
و بالضمایر نـــار ضلّت ساعره
لحــــد هذا الیوم یا خیر الوره
لجلك اسود ما نغیّــــــر ثوبنه
✍🏻. حسين النصاري
ــــــــــــــــــــــــــــــــــــــــــــــ
مانغير ثوبــــــــــنه الحــــد الممات
دون شخصك ضايعه سنين الحيات
يـا كمال الديــــن ومڪمل الصلات
حِشمة الله يــــــــــا دليــل ادروبنه
✍🏻. ام حيدر النصاري
ــــــــــــــــــــــــــــــــــــــــــــــــــــ
يـا دلیل النــــــــه وتدلینه الدرب
ویبــــت های الوادم ابشلع الگلب
تعبتلنه اسنين وچان الشي صعب
عبنه عگبک واستر النه اعیوبنه
✍🏻. حمید العیدانی
ــــــــــــــــــــــــــــــــــــــــــــــــــ
بـویه بعد اجـفاک شیصبر الدلیل
و آه یــا حــال الـمـفارگـله خلیل
انـکسرنه و الـجسم صَـبح نحیل
وبس شلت هالدهر جَیش صوبنه
✍🏻. هاشم الفرحانی
ـــــــــــــــــــــــــــــــــــــــــــــــــ
یــــــانبي الله یا نعم الأمین
شرفک علخلگ رب العالمین
امتک تمتاز و بسمک فائزین
تشفع ابیوم القیامه اذنوبنه
✍🏻. ام قاسم البوغبیش
ــــــــــــــــــــــــــــــــــــــــــــــــــــ
تشفع النـــــــــه بالقيامه يالرسول
و من محبتك مكرمه و عزّه ننول
و نلتقي وي حيدره و زهره البتول
ابجنــــة الله و نوصل المطلوبنه
✍🏻. حسين النصاري
ـــــــــــــــــــــــــــــــــــــــــــــــــ
تمت ولله الحمد بأقلام شعراء
(منتدى الشعر العربي وألوانه)
في حق الزهراء شهادة الرسول (ص)
الحــِـــزن لعظامها انـــــدگ ونعجَن
انشِل گلبها اعله الأبو انشال اندفن
ــــــــــــــــــــــــــــــــــــــــــــــــــــــــــ
الشيخه تنعى اتصيح وين الساده
السلف وأهــــــــل السلف واولاده
اعيــــــــون خل تعمه عليها القاده
ابحرگه خلها العين تبچيله ابشجن
✍🏻. ام حيدر النصاري
ـــــــــــــــــــــــــــــــــــــــــــــــــــ
خلهه تبچي العین واتصب الدمع
لجل ابـو الزهراء نحنيله الضٌلع
گلوب مدمیه و تنوح الهل وضع
اخلاف ابو ابراهیم یلفیهه المحن
✍🏻. ام قاسم البوغبیش
ــــــــــــــــــــــــــــــــــــــــــــــــــــ
یـون حيـــــــدر لبو ابراهیم ویحن
وتلچم اجروحه المصيبه وینسحن
ابروحه يبني الفاطمه ابيوت الحزن
اشکبر صبره ويمه تبچی ام الحسن
✍🏻. حميدالعيداني
ــــــــــــــــــــــــــــــــــــــــــــــــــــ
تنــــــوح لمصيبة الطٰه الطاهره
والمدينه من الحــــــزن متكدره
ضجت الگــاع وسماها وحيدره
انشالن الرايـــــــات لمصابه لفن
✍🏻. ام حيدر النصاري
ــــــــــــــــــــــــــــــــــــــــــــــــــــــــ
شالو الرایات علنوهه الحداد
والانس والجان عمت بلسواد
راحل المختار متکدره البلاد
الیله فاطم تهل مدمعهه مزن
✍🏻. ام قاسم البوغبیش
ـــــــــــــــــــــــــــــــــــــــــــــــــــــــــ
فاطمه اتهل الدمع لو تهل دم
عگب ابوها المصطفی تبدی الچم
فوگ کسراظلوعهه نار الخیم
ابروحهه اخیم الحسين اتحرگن
✍🏻. حمید العیدانی
ــــــــــــــــــــــــــــــــــــــــــــــــــــ
تمت ولله الحمد
(منتدى الشعر العربي وألوانه)
ڪل وكت
کل وكت خلي لسانك مَرهَم و فضّ البيان
الرجل بفعاله ايتعله اسلاحه عالشر اللسان
بحيث مایسحگ ضميره ولا يغيّرله الّزمان
ڪل مايكبر يكبر صيته
✍🏻 ام حيدر مكي النصاري
شطر دارمي
ناس الردتهُم عود بالشدّه عازِه
تالیهــا بالبلعــوم صــارو گزازه
ام حیدر مکی النصاری
حڪام الذلِ والعار
بري منــــــكم محمد ياعبید المال
بيكم خير عـــــــود وتهدف الزوَار
الخیانه العدكم من العاص مثبوته
ومن يدكم وراثـــــه وارثين العار
كـفّ دارك یَواطی وغطي المكشوف
صارت جـوله تلعب بيــــــكم الكفار
لينه اتخوف؟احنه معجّزين الموت
ونستنشق شهادة بدرب ابو الحرار
اتخسي يبن اللعين الما يستره الليل
احنه النـــــــار احنه وماتردنه النار
✍🏻 أم حيدر مكي النصاري
لكريم أهل البيت الحسن المجتبىٰ ع
چـــن اشوفن للحسن وگفت ألوف
امگد رحمتـــه الناس ملتمه ابفخر
وچــــن اشوف اتغاره يوميـّه يزود
ايطبخه ابــــوفاضل ويوَزع بالنظر
وچـن اشوفن چف ابوالغيره ثجيل
بيـــــــــده لازم جربه ويفض الگمر
وچـن اشوفن تحلا بچفوفه الدلال
الگهوه تشبـــــــع من ابوفاضل نهر
وهم اشوف امضيف ابومحمد چبير
مگد نفس زينب صبرها اعله الدهر
وچن اشوف حسيـن ماطايح چتيل
ولا عليه ملتــــــــمه قَذره ولا خطر
وچن اشوف الأكبر ابهيبــــــــــة أبو
ونـــــــور وجها عاكس ابوجه البشر
والحسن شابگ سكيــنه وكله شوگ
ابگلبه فرحه ايعرسه جاسم لو كبَر
وچن اباوع زيـــــــــن العباد ابأمان
لا برجلينه سنـاسل لا حجــــــــــر
وچن اشوف اطفال مالامسها خوف
ولا تــــدوس الشوك لا داست صخر
وبلاخير ابگلبه چـــــــن بانيله بيت
ويابخيــــــــــت العد ابومحمد فطر
وعفيه امضيــف الي شايل كله هاذ
ابـــــــــــــزود راعيّه يفرشون السفر
الكرم والجـــــــــــود راسخ للچريم
والحسن حامل وسامـــــــه وانتصر
✍🏻 أم حيدر مكي النصاري
تاريخ: السبت - ١٤ رمضان ١٤٤٣
يا خَرابـــــــــــــه
/channel/lajmmmm
ڪلمات: أم حيدر مكي النصاري
الملا: مرتضى الڪاظمي
قناة الأصيل الفضائية.
بنت الگصبه
إذا لَچني زمان العُــوز وشفت الوڪـت وازاني
اشد عَزمي بهلي الطيبين ساسي وزود عنواني
هاونهم يـِـــــدگ الهيل وتــِدگ عالعوز خواني
مريوده الخشنه اعله العازه
✍🏻 . ام حيدر مكي النصاري
في رثاء الإمام السجاد عليه السلام
صبـح دمعي على اجفوني منهلاي
وچبــدتي من الهضم تسعر منهلاي
امگيــــد من يفك گيــــدي منهلاي
وهلي خلصوا ضحايه اعله الوطيّه
✍🏻 حيدر مكي النصاري