ليل . 💙

26 Dec 2020 13:03

" مسح الشات "
انا مش سهل افرط ف اي ذكريات تفكرني بحد بحبه وغالي عليا، بس يوم م يجيلي قلب وافرط فيها وامسحها، يبقي الشخص ده انتي بالنسبالي

ليل . 💙

26 Dec 2020 13:03

‏كانوا 365 يوم ستر و فضل و كرم و جبر
اللهم إن نعمك كثيرة علينا لا نحصيها ♥️

ليل . 💙

25 Dec 2020 13:36

﷽
”إنَّ اللَّهَ وَمَلَائِكَتَهُ يُصَلُّونَ عَلى النَّبِيِّ يَا أَيُّهَاالَّذِينَ آَمَنُوا صَلُّوا عَلَيْهِ وسَلِّمُوا تَسْليمًا “♥️✨

ليل . 💙

25 Dec 2020 13:35

وفي يوم الجمعه:
‏اللهُمَّ لا ترفع عنَّا غطاء سترك، ولا تبتلينا فيما لا نستطيع عليه صبراً، اللهم إنا نسألك راحة في البدن وراحة في القلب وراحة في النفس، واجعل لنا يارب من كل ضيق مخرجًا ومن كل هم فرجًا ومن كل دعاء قبول واستجابة 💙.

ليل . 💙

24 Dec 2020 00:27

حلوة العلاقه اللي فيها تنازلات، إنك تيجي علي نفسك وتتنازل عن حاجة عشان الشخص اللي قدامك ميزعلش، ايا كانت العلاقه ، حب او صداقه أو حتي مجرد معرفه، دايما التنازل من الطرفين بيقوي اي علاقه، مرة انا أتنازل مرة انت تتنازل، وادينا بنعدي ف الايام واحنا مع بعض، دايما بنعدي اي مشاكل بمجرد تنازل حد فينا، مقتنعين إن مينفعش اي مشكلة حتي ولو كانت كبيرة أنها تتغلب علينا وتفرقنا ف يوم، الحب دايما اقوي حاجة ف الدنياا، طول ما في حب، طول ما في تمسك وعلاقة ناجحه.❤️

ليل . 💙

24 Dec 2020 00:27

لسه فاكرة لحظات اول مرة شدتني ليك فيها، واللحظة الأولي اللي جمعتني بيك، لسه فاكرة شعوري بالفرحة والسعادة وانت معايا، انا مش مجرد اتعودت علي ايامنا ولحظات الحب اللي بينا، لا، انا ف مرحلة اعمق من الاحساس ده، انا متعوده علي روحك، لما الشخص بيتعود علي روح انسان بيبقي احساس فوق الحب بكتير، بيبقي شبه الإدمان كده، بيبقي زي ابتلاء، ولو اتجمع العالم كله إنه يخرجه من جواك، مستحيل، كان نفسي يبقي حظي حلو، وإن الروح اللي حبيتها هيا اللي تخطفني وتاخدني لدنيتها وميبقاش ليها اول من آخر، ولكن ي ظلم قلبي..💔

ليل . 💙

24 Dec 2020 00:27

كنت ماشيه ف الشارع وسمعت واحده ست بتقول.."اصل الفراق صعب اوي" ف اللحظة دي كل الماضي بتاعي اتعاد كشريط قدامي، وافتكرت اعز شخص عندي لما فارقني، وافتكرت قد اي انا كنت بترجاه عشان يبقي معايه وميسبنيش، افتكرت قد اي كان بيزلني، افتكرت لما كنت بقعد اقوله متمشيش انا مش هعرف اعيش من غيرك، وهوا كان ولا حاسس، ودلوقتي انا بتعذب وهوا بعيد عني، واول ما سمعت الجملة دي قلبي اتقبض، لأن انا حسه وعرفه معناها كويس اوي، عشان انا مش بس حسه بيها لا انا عشتها، عشت كل حرف فيها..
عرفت حق يعني اي كلمة فراق"🖤

ليل . 💙

24 Dec 2020 00:27

والمسافات اللي بينا، والبُعد الطويل، مش نافعين معايه، لأنك في روحي ودايماً بذكرك ف دعائي.❤️

ليل . 💙

24 Dec 2020 00:27

بنقول مش فارق معانا، بس بيبقي فارق، وفارق جداا كمان🖤

ليل . 💙

24 Dec 2020 00:27

ومهما تمُر الأيام، ونشوف ناس جديده، مش بنرجع زي الأول، وبيفضل الأثر معلم فينا، ويعاقبنا الماضي ف عمرنا اللي فاات، وعمرناا اللي جااي.💔

ليل . 💙

24 Dec 2020 00:27

والشخص اللي بيحبك بجد، وقت ما يكون تعبان من الدنيا كلها، اول مكان هيجري عليه، هوا"قلبك".❤️

ليل . 💙

24 Dec 2020 00:27

"احبك كثيراً لكنني لم اعد معجبه بك"
من اكتر العبارات اللي ليها معني كبير اوي،بمعني انك ممكن تكون بتحب حد اوي، بس مبقتش عايزه، إنك ممكن تحب حد لدرجة الجنون بس مواقفه وتصرفاته طفت فيك روح الشغف بوجوده، بعد ما كانت عينيك بتنور اول ما تشوف ضحكته، بقي مبقاش بيفرق معاك، بقيت بتتخبي من كتر الخوف إنك تشوفه، كل صفه وكل حاجه حلوه فيه حبيته بسببها، تحولت لمجرد ذكري تتمني إنك متفتكرهاش، احساس معقد ومش مفهوم، لدرجة أنك بتعجز عن شرحه، صراع بين حبك ليه، وتصرفاته معاك، وبتحاول تقنع نفسك انك بتحبه آه بس مينفعش إنك تقرب، لأنه دايما بيبقي اجمل في البعد، بتخاف حتي علي آخر ذرة احترام ممكن تكون موجوده منه.❤️

ليل . 💙

24 Dec 2020 00:27

الصديق..
كلمة شايله معاني كتيير اوي، بيقدملك الحب، بيقدملك الحنيه اللي ساعات كتير مبتشوفهاش من حد، بيقدملك نفسك في مرايه، إن هوا مرايتك اللي بتقوله كل حاجه تعباك أو مفرحاك وانت عارف وواثق ومتأكد إنه لا ممكن يكدب عليك ولا يخدعك كأنك بتكلم نفسك، لما بيلاقيك مجروح من حد بيطيب جرحك وبيحاول يداويه، هوا سند ليك وضهر، معاك علي الحلوه والمُره، بيفهمك من غير ما تتكلم، بيعرف يميز بين ضحكاتك، ويعرف يفرق الضحكه دي عشان اي ودي عشان اي، بيشوف حزنك في عينيك، حتي لو كنت بتضحك بأعلي صوت، بيبقي شايف في عينيك إن الضحكة دي مش من قلبك وانك شايل هم كبير وبتحاول تداريه، بيستحملك لما يبقي عارف إن الدنيا مكلكعه معاك، بيقف جمبك من غير ما تطلب، بيحطك في أول أولوياته حتي لو عارف إنك مقصر معاه، هوا اللي بتستأمنه علي عيوبك، حتي الحاجات اللي بتخاف إنك تقولها لنفسك، إنك واثق إن صورتك مش هتتشوه قدامه، اول ما بيحصلك اي مشكله هوا اول واحد بتجري عليه وتحكيله، مبتعملش حساب لكلامك معاه قبل ما تقوله، بتقول اللي جواك وانت عارف ومتأكد إنك مفهوش ومش هتتفهم غلط، الصديق اللي بجد، هوا اللي بيفرق معاه يشوفك بتضحك.💜

ليل . 💙

24 Dec 2020 00:27

اتمني حياتي الجاية تبقي خير..خير وبس، اعيش ف سلام بدون قلق وخوف من بكرة، خوف من اني افضل عايشة وقلبي بيتوجع كل يوم اكتر من اليوم اللي قبله علي فراق حد انا بالنسباله ولا حاجة اصلاً، خوف من اني افضل متعشمه ف حاجة انها هتتحقق أو هتبقي ليا وبعدين قدري يبقي عكس اللي انا عايزاه، خايفه من الناس القريبه مني تعدي الأيام وييجي يوم ويتغيروا ويبعدوا، انا أضعف من اني اعيش العذاب ده.🖤

ليل . 💙

24 Dec 2020 00:27

وايه احساسك لما تعرف إن الشخص اللي واحشك جداً، هوا كمان مفتقدك وبيحس بنفس الشعور، بعد ما حسيت إن الدنيا انطفت في وشك فجأه رجعت تنورلك تاني، رجع الأمل، رجع الشعور بالسعاده، وهوا في احلي من إنك تحس إنك متنستش، وانك مكنتش فتره وخلاص، احساس حلو اوي، وبيطمن، وبيصبّر، بمجرد حاجه بسيطه من الشخص اللي بتحبه، بتحسسك بأكبر سعاده في الدنيا.❤️

ليل . 💙

26 Dec 2020 13:03

مين قال انك لما تبعد هتتحب اكتر، لما تبعد هتتنسي

ليل . 💙

26 Dec 2020 13:03

‏اللهم إني أستغفرك من كل ذنب تبت منه ثم عدت إليه. وأستغفرك من النعم التي أنعمت بها علي فاستعنت بها على معاصيك ...اللهم صل وسلم على نبينا ورسولنا وقدوتنا محمد صلي الله عليه وسلم

ليل . 💙

25 Dec 2020 13:35

وفي يَوم الجُمعة تأتي سُورة الكَهف
كل أسبوع لتصبّرنا على مالم نُحَط به
خبرا ولم نستطِع له صبرا،
فهي.نورٌ. بين الجُمعتين .

ليل . 💙

24 Dec 2020 00:27

ناس بتحب وتتحب، وناس بتحب ومش بتتحب، وحكايات بتبدأ، وقصص بتنتهي، وقصه بتكمل للآخر، دنيا بتيجي علي ناس، وبتفرح ناس، ناس عايشه مبسوطة، وناس حزينه، وناس الدنيا بتلعب بيهم، ناس عاشت الم، وناس لسه دورها جاي، امنيات بتتحقق، وامنيات بتضيع، وناس مش بتتمني، ناس بتفارق، وناس لسه هتفارق، وناس بتبت ف بعض خايفه للأيام اللي تفرقهم، ناس ف حالها، وناس بتتكلم علي اعز قرايبها، ناس عايشه، وناس بتموت، وناس بتصارع الموت، خليك فاكر إن الدنيا مش علي حالها، هتبقي يوم معاك ويوم عليك.🖤

ليل . 💙

24 Dec 2020 00:27

خلينا مقتنعين إن القلب ممكن يحب مرة واتنين وتلاته، مشاعرنا بتتغير بتغير معاملة الشخص اللي قدامنا، علي قد ما الشخص اللي بتحبه بيقدملك الحب علي قد ما بتتعلق بيه، وعلي قد ما يقل ف حبه ليك بتبدأ مشاعرك انت كمان تقل، مش بتعيش عمرك كله علي حب شخص مش مقدملك اي حاجة ولا حتي الاحترام، مهما كنت بتحب شخص اوي وحبه ليك قل انت كمان حبك هيقل، متقولش منا بعد كل اللي عمله فيا لسه بحبه اهو، وده لأن مش هتنساه كده ف يوم وليله، يمكن بتاخد سنين لما يدوبك تحاول تتأقلم تعيش من غيره، وسنين تانيه لما تنساه ويروح من عقلك، بس أتأكد إن طول ما هوا مش بيقدملك الحب أو حتي المعامله الحلوة ف اكيد هتنساه ف يوم، وبدون ما تحس ولا تاخد بالك، هتلاقي قلبك بيتشد للي بيحبه وبيحترمه مش للي انت بتحبه، وساعتها هتشوف الفرق وانك كنت لازم تختار اللي بيحبك من الأول، وإن الحب الاول كان مجرد غلطة، وهتفرح بنفسك إنك قدرت تتخلص من الألم ده كله وطلعت انت الكسبان.🖤

ليل . 💙

24 Dec 2020 00:27

احساس حلو اوي، لما تلاقي ابتسامة علي وش حد انت السبب فيها، لما تلاقي حد مبسوط اوي من قلبه عشان حاجة انت عملتهاله بالنسبالك بسيطة وبالنسباله هوا حاجة كبيره، احساس جميل اوي انك تحس إن في حد هينام مبسوط يوم بسببك⁦❤️⁩

ليل . 💙

24 Dec 2020 00:27

كل حاجة بتصرخ جوايا، وبتنادي عليك..
يا تري احساسي واصلك؟ اتمني إنك تكون بتفكر فيا أو حتي باجي علي بالك ولو صدفه، مش قادرة اتأقلم مع فكرة إنك خلاص نستني ومش بتفكر فيا، حسه ان روحي بتطلع مع كل نفس بتنفسه وانت بعيد عني، لو احساسي بيكدب، فدموعي عمرها ما تكدب ابدا.🖤

ليل . 💙

24 Dec 2020 00:27

_كيف انتهت علاقتكم ؟
- لم يعد يخبرني ولم أعد أسأل.
_ هل تغيرتم الآن ؟
- نعم، لقد تغيرنا كثيراً، اصبحنا لا نعرف عن بعضنا سوي اننا علي قيد الحياة.

منقول..

ليل . 💙

24 Dec 2020 00:27

لي الحاجة اللي بعدت عننا، وخلاص مبقاش لينا نصيب فيها بنشوفها، وترجع تفكرنا بذكريات والم الماضي، لي متبعدش عننا ومنشوفهاش وننسي ونرتاح، لي كل ما ابدأ اعيش واحاول انسي تظهر حاجة ترجعني للصفر تاني، لي كل حاجة بتوجعني بحاول ابعد واغير طريقي عنها الاقيها بردوا بتطاردني ف كل مكان بروحه، لي ديما كل ما اروح مكان او اعمل حاجة تفكرني بوجعي، لي الذكريات المؤلمه محاوطاني من كل جانب، كل حاجة حواليا بتفكرني بذكري معينه عيشتها مع شخص كنت مفكراه كل الدنيا، لي منساش واعيش حياتي زي ما هوا نسي وعاش حياته، لي انا متمسكه بكل الذكريات ومتبته فيها اوي كده، معقول لسه لينا لقاء تاني، معقول ربنا عايز يرجعنا تاني، طب لو ربنا عايزنا نرجع لبعض لي انا بس اللي لسه بحبه وفكراه، لي هوا مش فاكرني ولا باجي علي باله صدفه حتي، لي لازم اعيش العذاب لوحدي، بس خلاص دي ذكريات ومش هتبقي حاضر تاني، خلاص هوا نسي وانا كمان لازم انسي واكيد هنسي، هنسي عشان اقدر اعيش، هنسي عشان نفسي ومستقبلي، هنسي عشان هوا ميستاهلش اني افضل فكراه، انا لازم انسي.🖤

ليل . 💙

24 Dec 2020 00:27

لما بتحب حد اوي، مبتقدرش تسامحه بسهوله، ولو سامحته بسرعه ف ده حبك مكنش حقيقي، ايوه هتسامح في يوم، لأن اللي بيحب بيسامح، لكن مش هتسامح لو اللي بتحبه تمادي في غلطه معاك ومش حاسس إنه غلطان في حقك، ساعتها مش هتقدرش تسامح ابدا.🖤

ليل . 💙

24 Dec 2020 00:27

لما بتحب حد، بتقلد طريقة كلامه، حركاته، ألفاظه، بتبقي عايز تقلده في كل كلمه بتطلع منه، لما بتحب حد، بتحب كل حاجه فيه قبل ما تحبه هوا شخصياً.💙

ليل . 💙

24 Dec 2020 00:27

بمسك صورتك كل يوم قبل ما انام واشتكيلك منك، عشان انا مليش غيرك، ايوة انا جمبي وحواليا ناس كتير، بس انا مش عايزة غيرك انت، حسه بالوحدة وانت مش معايا، حسه اني ضعيفه ومليش حد، كل حاجة ملهاش طعم من غيرك، الدنيا مطفيه ف عيني، حسه إنه خلاص العالم انتهي من بعدك، لأن انت العالم بالنسبالي، بخرج وبتفسح واهتم بنفسي واضحك بس من جوايا بموت ف اليوم الف مرة، ومنستكش لحظة، وف وسط صحابي وعز ضحكتي بقول ف نفسي أنت وحشتني اوي، انا بقيت عايشة علي ذكرياتك، هيا دي اللي مقوياني دلوقتي..⁦♥️⁩

ليل . 💙

24 Dec 2020 00:27

معرفش ايه اللي مخليني واثقه إنك هترجع، مع إن مفيش ولا مؤشر يأكد ده، بس انا حسه إنك هترجع، حسه إن مهما طال الوقت والايام والسنين هترجع، مع إن مفيش امل ابدا، بس ماسكه ف احساسي وكأنه دليل كافي لإستمراري في الوهم ده.⁦❤️⁩

ليل . 💙

24 Dec 2020 00:27

لما بشوفه ببصله نظرة شوق إن أنت وحشتني اوي ، ولما افتكر اللي عمله فيا ببصله وبسأله ف نفسي الف سؤال انت عملت فيا لي كده، طب هوا انا كنت زعلتك ف حاجة، طب هوا اي اللي حصل عشان تسيبني طب و.. و.. و.. ، وارجع ابص ف الارض وانا زعلانه علي حالي لسه متملك قلبي كله لحد دلوقتي، لسه مكانه زي ما هوا منقصش بل بالعكس هوا دلوقتي واحشني اكتر واكتر ونفسي أقوله إن هوا وحشني اوي وإن حياتي آه ماشيه من غيره بس بتعذب ف كل لحظه وهوا بعيد عني.🖤

ليل . 💙

24 Dec 2020 00:26

لما بشوفه ببصله نظرة شوق إن أنت وحشتني اوي ، ولما افتكر اللي عمله فيا ببصله وبسأله ف نفسي الف سؤال انت عملت فيا لي كده، طب هوا انا كنت زعلتك ف حاجة، طب هوا اي اللي حصل عشان تسيبني طب و.. و.. و.. ، وارجع ابص ف الارض وانا زعلانه علي حالي لسه متملك قلبي كله لحد دلوقتي، لسه مكانه زي ما هوا منقصش بل بالعكس هوا دلوقتي واحشني اكتر واكتر ونفسي أقوله إن هوا وحشني اوي وإن حياتي آه ماشيه من غيره بس بتعذب ف كل لحظه وهوا بعيد عني.🖤