134
يحسين احس روحي متت واني من اموت احجيلك 💔
وداع عايش سنيني
وداع من يواسيني
انا الكدام عينه باكو احلامة
جرح الزهرة ما يخفه اثر شامه
من يواسيني
____
اليروي القصه راعي الدار من جان الامان يعم
اول ما دخلت البيت والزهرة بولدها تلم
مثل العنده نية يموت تحضنهم عصر وتشم
اجاهه حساس كسر ضلوع ختنكت والنفس تكتم
شعور جنها تحجيلي
شعور هدمت حيلي
حجت كلشي وحلفت الليل مانامه
جرح الزهرة ما يخفه اثر شامه
__
مشي الما يدري وين يروح انه بنص بيتي حسيته
منو العايش شعور الخوف عن لا ينهجم بيته
احس كلشي يحرك الباب كاصد للدفع نيته
الحب ام بيته حد الموت تصبح هيج تاليته
هموم تعصر ضلوعي
هموم توشل دموعي
ابو الحسبه يتيه كلشي كدامه
جرح الزهرة ما يخفه اثر شامه
____
بنص ذاک الهدوء وليل سر صوت النمل نسمع
فجئة وفز صياح الناس بدت عل باب تتجمع
البيت الجان ينطي مراد تريد الناس بي تدفع
اجو ما جايبين نذور عل باب الحطب تجمع
عجيب ما درو مره
عجيب من هيه الزهره؟؟
ابوها البل محبه مثبت اسلامه
جرح الزهرة ما يخفه اثر شامه
____
مالحكت تسال ليش والباب بوجهه انهد
تغطت بالكساء وجان ايد اعله الوجه تنمد
اطشرن بوسه الويلاد ضل طابع صطر عل خد
البيت الجان يضوي لكون من الدخان صار اسود
اشوف العاشو بصيتي
اشوف دخلو البيتي
جان يشوف باب البيت بحلامه
جرح الزهرة ما يخفه اثر شامه
____
شك جلد الضوة البسمار وصل حد العظام الشك
وي صوت الصياح اسمع عظم وي المدافع طك
لكيت الزهره جوه الباب بالكوه النفس تشهك
طلعت روحي من صديت بوجهه وصار خدها ازرك
ونين بالنفس يطلع
ونين كوه صرت اسمع
علي لخاطر ضلعها ينذر عظامه
جرح الزهرة ما يخفه اثر شامه
___
ياناس الخسرته هواي واصل حد ضلوعي الهم
ركضت افزع عليها وجان يطشر بوجهي الدم
دنكت ولكيت ابني مالحك نفس يشتم
يهضمني الهجم عل بيت طلع من عنده يتبسم
اصيح وانضر بعيني
اصيح ما تحاجيني
تمنيته حلم وتخلص اوهامه
جرح الزهره ما يخفه اثر شامه
____
البواهسهه كل غروب توج تنورها وتخبز
شغير حالها وصارت من صوت الهدوء تفز
بريحان العمر والشيب من شيلتها ضل يبرز
وصلت مرحله من الخوف اذا صحنه باسمها تنز
لحنان مابقه ابيتي
لحنان ترجع امنيتي
ابو النفس العزيزة يضمهن آلامه
جرح الزهرة ما يخفه اثر شامه
الخادم : حسن يعرب العبودي
اجينه نلم الموذر
وجن فاطم تلاكيني
طاحت عل جسد وتصيح
شجرالك يبني يحسيني
_
اجت غطت عزيز الله بوكت جان الرمل يجوي
تكله شسومرك يحسين يالجنك كمر يضوي
بيك العطش مدري الخيل مدري الضيم شمسوي
غير الوليه بس عل حي
مو منعو عليك المي
جا حسره اعله جسمك في
اذا عطشان يوليدي اشربك ماي من عيني
؟___
شفت فاطم تون يمه تعاين جثته وتلوع
تحجي وياه بكل حركه وجان يشيب الموضوع
تكله بيت ابو الحسنين متعود اعله كسر ضلوع
شلعان الكلب عاده
علي والزهره واولاده
كلما ياخذ مراده
امك كاعده بسدك اكعد يبني حاجيني
____
ابديلي من العطش يحسين من فطر ضوه لديره
جسمك يابس بلا ماي وجدم الخافر جبيره
ضلت بس غرب والخيل المن وجهك تديره
مو بس الخيول ادوس
انشمر فوكك حجار وروس
حرك جلدك ضهر لشموس
جم جثه سالت عليك اريدن بس تدليني
__
ركبتك يابسه من الحر مو مالت ذبح سجين
الذبح من الكفه ياذيك تدري يفزز الميتين
توهن عابراتك خيل شلون ويه الذبح يحسين
مسحوك وصعد صدرك
كسر بيده اليحز نحرك
لحدمن جا وصل صبرك
الا ان صيحت زينب خوية الناس تلفيني
____
ضل نايم رغد يحسين اجاك وليدك يلمك
توزع بالسحك للخيل للذباح ضل جسمك
اليشيب امك تريد مجان سالم خاطر تشمك
نحر وليدي اريدنه
ابوسنه واشمنه
لان بي ريحه الجنه
اريد مشابك من ضلوع اداويك وتداويني
____
نلمك بالحصيرة شلون وأنت تلم سلف كله
ولو هوه لعطش والخيل يبني بجسمك شخله
لعليل تمرض بشوفك يجنت تطيح عل عله
بسمه يحسين ما تنلم
يل كل جسمك مهشم
تعال ويم علي نلتم
نشبكه بكل هداوه وخوف جسمك لا توصيني
الخادم : حسن يعرب العبودي
شموتك يخوية وأنت عباس
وكفتك ردتها بغربه الناس
صدمتي حجتها شيبه الرأس
____
من كتلي رايح للنهر منعدها وفكدت الرأي
ضل كلبي يوجعني وعلي وللخيمه بس رايح جاي
مو كتلي ماطول واجي شو طولت عني هواي
ما صدكت من صيحو كتال ابن حيدر ماي
هل خبر اجاني شل الجدام
مو وكتها خويه وحدك تنام
حسين أخيك حاير بين الزلام
___
يالنيتك تروي الحرم نشفت لهاتي بدونك
لا ضكنه ماي بجربتك لا ضكنه ما عيونك
من صيحت بسمي وتون والوادم يسمعونك
وإني بطريقي شيبت مادري بيك شلونك
منطرح لكيتك مغمض العيون
دم تصب الهامه مغركه الجفون
فوكك الشماته بس يضحكون
___
من اوصلت فوكك طحت جمرة وتطيح بجمره
من ما شفتني استهضمت حسره عليك النضره
بلكاع اشوف عمامتك واللحية صارت حمرة
وشلون اضمد هامتك جرحك يخويه شكبره
عل ترب تتلوه يبن أبو تراب
شلون ابوس عيونك والسهم طاب
مدري ازيحن دمك مدري التراب
____
من يمته تسكت من اجي جا وين ذاك الملكه
عباس موتني القهر كوم اعله اخوك وشبكه
معقوله ضل حته النفس حسره عليك تشهكه
بهل يوم طحت أنت وعلي لو مات أخيك حكه
تدري لو اكلك وحده الحسين
يحجي ويه روحه بصوت الونين
باقي وي اخيك بس نساوين
___
ادري اليطيح من المهر يالحك يحط جفينه
يعرف يخويه بيا كتر يوكع وشوفه يعينه
هوه الجفوفه مكطعه والسهم عابر عينه.
يتلكه كاع الله بشنو جسمك يعم سكينه
راسك اعله حضني حطه ورتاح
لاكو حيل يشيلك والنضر راح
باجر انتلاكه فوك رماح
___
مو تدري زينب تنتضر تموت من اردن خالي
يتيه طريقه المنشده والحيره ترست بالي
من تعوف غالي بلا نبض وتروح تصدم غالي
هيج اني صاير والدرب شيب سواد خيالي
حيره شحجي لزينب فكدك هواي
وانت تدري جفك عدها رواي
شوفتك تعوض عازة الماي
_
الخادم : حسن يعرب العبودي
كلبي من الحنين شكد. رج عليك
رجيتك وادري مو هين. رجه عليك
الخيل الداس بضلوعك. رجع ليك
يريد برجعته يكسر البقيه
__
اخوتي مذبحه بحومه. شمرهم ؟
اذا كل ساعه يضحكلي. شمرهم
جوه الخيل ويلادك. شمرهم
ركض واليوكف يشوف المنيه
__
شحلات العشرة والشامت .. نفسها
واختكم تندعي يوكف. . نفسها
علينه وجوه ما ظلت. نفسها
يبسها العطش بالغاصرية
____
وحك ضلوعك الخرب .... شملها
السحك وعيونك الحافر .. شملها
المصايب ما يملني .... شملها
اذا مثل المطر توكع عليه
الخادم : حسن العبودي
ضل اليوم وأشبع من بناتك شم
باجر حسره تشتم الهوه من الدم
حضر ضلوعك الحافر يريدك حي
محد صفه نيته وياك حته المي
يخيمتنه عليك يصير حسره الفي
عاري تنام عل صحره يالمهندم
يالمخلي عليله من الدمع تفحط
خذيت وياك وين العل جرح ينحط
السهم ميفرق الشايب والمكمط
جبير زغير من الخيل ما يسلم
يالحنين تره الماشوك بيهم حض
يفزعولك ضلوع كبال ذاك الرض
شايبهم ركض عل موت ما ينكظ
ألما ينذبح يمك غاد يتندم
ماخذ روحك العباس وحده هواي
مشه التارس مكانه وياك رايح جاي
تدري مو زلم كتال أخوك الماي
كبل الهامه كلبه من الضمه تهشم
مشت نسوان والسوط اشتهاله متون
باجر حضرو ضحكات ركض أم عون
من صوت الدعاء لوادم يشتمون
جسمك والضعن ماضن بعد يلتم
حضر شيبك النسوان صعدن النوك
اليوم بصيتك وباجر يفرن سوك
يجتفوهن حبال الشادات علوك
والتعثر تعب بالسوك تتشتم
الخادم حسن العبودي
موسى من فوك الجبل يسمع نداء
واني عل تل صرحت من كربلاء
(ان كان هذا يرضيك انذرلك اني خواني)
من على التل صرحت
الك يا رب انذرت
خوان ما يتعوضون من المحنه
تحضرو للطف نذر
من العرش طاحو شذر
احنا من قبل الخلق موجوده اهلنه
كلها تدري هناك بالطف يبين الزلمه الصدك
واحد محضر جفوفه واواحد متاني السحك
الخيل ما يشبع سحك ويكله دوس
اول وتالي برمح نتمشه روس
(ان كان هذا يرضيك انذرلك اني اخواني)
_
عندي اخو اسمه الكمر
واكف كبال النهر
عطش الماي ورفض يوصل لهاته
من طفة عينه بسهم
ومن وكع دامي العلم
رايد بصوت الاخو يخلص حياته
الخوية من السان يابس مالحه تشيب الكلب
كالها ومات الحسين من البجي كبال الغرب
الماي يتعوض يخويه انت المهم
كوم مو حلوه البواجي اعله الزلم
( ان كان هذا يرضيك انذرلك اني اخواني)
___
وي اختهم هم اجو
لبسو رماح ومشو
خواني بس روس ونضرهم ضل عليه
كثر ما يبسو جرح
نشفو ريك الرمح
لسه ما مستوعبين اطلع سبيه
شيب حسين اعله رمحه بكثر ما سبو هلي
واني بس يميل راسه اندب احضر يا علي
خاطر حسين انكسر مثل الضلوع
ياكل شفافه العطش كلما يجوع
(ان كان هذا يرضيك انذرلك اني خواني)
_
الفكد الجف والعلم
تحترك فوكه الخيم
التنطفي عيونه اعله جربه يموت زلمه
شكد صحتله من القهر
النومه طالت عل نهر
ماي يم الماي طاح شلون المهه
بذرة الغيره تطشر باجر يخضر زلم
صار كله رماح جسمه من الطعن ما يلزم
الوادم تهوس بجفه اعله الفرات
مامصدكين الكمر عباس مات
(ان كان هذا يرضيك انذرلك اني اخواني)
_
البلخيم مستوره امس
اتدور بحر الشمس
وي الزلم والخيل كوه يركضوها
جبيره مو مالت هزل
ولا يجتفوني بحبل
صاحو اليجتفها بس كتال اخوها
طلعوني كبال وادم يابسه كصصهم شرف
دارت الدنيا ويه زينب وجهي عل ناس نعرف
آخر حجايه لخوتي ويه البكاء
خرجت زينب سبي من كربلاء
(أن كان هذا يرضيك انذرلك إني اخواني)
الخادم : حسن العبودي
ذكرولي ولدي المشو. اهل الديره
كتلهم افرح لان .. ماتو غيره .
خدامك الاربعة
لعيونك مكطعه ماتو غيره
.............
عدنا الغالي يرخص لو وصل صوبك
طلبة كلبي خيوط نجلب بثوبك
فدوة لعينك يروح العمر كلة
من فوك المهر وتطيح عل علة
جا ليش العطش بشفاك ما خله
يوليدي حته العطش .. بيك تروه
واني ادري من ترتوي . مو مي خوه
جفينه عل مشرعه
لعيونك مكطعه. ماتو غيره
___
عيونك ديره ساكنها التحبهم حيل
صارت. ضلمه. خربها الدمه والخيل
وحك ذاك الزراك التارس عيونك
ما جاسو لحيتك لو يعرفونك
متفضل عليهم هيج يولونك
يوليدي يالتنخسر. مامش منك
بجدم الحوافر كسر. من داسنك
يالفوكك مربعه
لعيونك مكطعه ماتو غيره
__
الفدوة. شويه لو افديلك بديره
ميت. عايش. هم بعدك تصب غيره
الناس تعلم وليداتهم يمشون
واني العلمتهم فدوة الك يرحون
مثل حالوب بالطف يمك يطيحون
يالتدري عندك علم. بضهرك خوه
صدكني حته النفس. يوصل كوه
نضرتهم تكطعه
لعيونك مكطعه. ماتو غيره
.___
وادم. كالو. ولدج خضرو كيعان
هذا. كلة. فضلة الصاحب البستان
يمي لو ما وجودك يبسو خوانك
يطيح الخير من تصرفن ردانك
وقف لمن تكوم تخلي بمجانك
تترسنه خير وستر. يمسلبينك
جي ما يضرها الحسد. طفو عينك
كل حاسد اتطلعه
لعيونك مكطعه. ماتو غيره
_
طايح. كالو. وانت بطيحتك تجوي
ميهم يابس يمك والعطش يروي
رعيد فطور شفتك مو جفاف المي
سمة وجهك رسمته ولون شيبك ضي
يغيم اطشرت نيتك تكثر الفي
يوليدي عندك خدر صبره يتعب
من العفة حته الشمر. ضل مشيب
تربات ابو المشرعه.
لعيونك مكطعه ماتو غيره
____
فطرة. عليها. خلصنه العمر كله
حته السائل. رايد يعرف العله
شكبر قدرك و اضحيلك بشر تسوه
كتلهم الروس وي الرمح حلوة
بس الكلة غيرة يروحلك فدوة
عرفو وجودك مهم. ما تتعوض
لو باقي بيهم نفس. جا ماتنرض
اخوانك مطوعه
لعيونك مكطعه. ماتو غيره
الخادم : حسن العبودي
موسى من فوك الجبل يسمع نداء
واني عل تل صرحت من كربلاء
(ان كان هذا يرضيك انذرلك اني خواني)
من على التل صرحت
الك يا رب انذرت
خوان ما يتعوضون من المحنه
تحضرو للطف نذر
من العرش طاحو شذر
احنا من قبل الخلق موجوده اهلنه
كلها تدري هناك بالطف يبين الزلمه الصدك
واحد محضر جفوفه واواحد متاني السحك
الخيل ما يشبع سحك ويكله دوس
اول وتالي برمح نتمشه روس
(ان كان هذا يرضيك انذرلك اني اخواني)
_
عندي اخو اسمه الكمر
واكف كبال النهر
عطش الماي ورفض يوصل لهاته
من طفة عينه بسهم
ومن وكع دامي العلم
رايد بصوت الاخو يخلص حياته
الخوية من السان يابس مالحه تشيب الكلب
كالها ومات الحسين من البجي كبال الغرب
الماي يتعوض يخويه انت المهم
كوم مو حلوه البواجي اعله الزلم
( ان كان هذا يرضيك انذرلك اني اخواني)
___
وي اختهم هم اجو
لبسو رماح ومشو
خواني بس روس ونضرهم ضل عليه
كثر ما يبسو جرح
نشفو ريك الرمح
لسه ما مستوعبين اطلع سبيه
شيب حسين اعله رمحه بكثر ما سبو هلي
واني بس يميل راسه اندب احضر يا علي
خاطر حسين انكسر مثل الضلوع
ياكل شفافه العطش كلما يجوع
(ان كان هذا يرضيك انذرلك اني خواني)
_
الفكد الجف والعلم
تحترك فوكه الخيم
التنطفي عيونه اعله جربه يموت زلمه
شكد صحتله من القهر
النومه طالت عل نهر
ماي يم الماي طاح شلون المهه
بذرة الغيره تطشر باجر يخضر زلم
صار كله رماح جسمه من الطعن ما يلزم
الوادم تهوس بجفه اعله الفرات
مامصدكين الكمر عباس مات
(ان كان هذا يرضيك انذرلك اني اخواني)
_
البلخيم مستوره امس
اتدور بحر الشمس
وي الزلم والخيل كوه يركضوها
جبيره مو مالت هزل
ولا يجتفوني بحبل
صاحو اليجتفها بس كتال اخوها
طلعوني كبال وادم يابسه كصصهم شرف
دارت الدنيا ويه زينب وجهي عل ناس نعرف
آخر حجايه لخوتي ويه البكاء
خرجت زينب سبي من كربلاء
(أن كان هذا يرضيك انذرلك إني اخواني)
الخادم : حسن العبودي
نذر الكم
كلمه وليدي جبيره
خادمه ابابك اصير
من اكون اني بمقامك
وانت عد الله جبير
الحصير الجاسه جدمك
عندي احلا من الحرير
يل كلشي يروح. فدوة لعينك
جم فدوة تصير. بيني وبينك
صار العباس. يشبه طينك
عين. شلة بيهه. وانت مرسوم اعله باله
موت. كتله لكن. بس للحسين وعياله
صير . انت اقرب. من رمش عينه وخياله
نذر الكم
بل عرش اسمك يلالي
يل جنت ضاوي المكان
من قبل فتحت رموشك
واني احبك يل امان
حته اخوتك حضرتهم
فدوة راحو من زمان
سجلت اسمي. خدامتكم
بختي وصيتي. من خيمتكم
كلشي بهل كون. مخلوق الكم
ماي. خذني بيدك. طشني بشفاف اليتامه
ليش. ماكو غيره. كلما محضر سهامه
هناك . ليبقى وحده. يحترك كلبه وخيامه
نذر الكم
عطشت خيامك محنه
وابو فاضل مي جره
اني وصيت اربعتهم
الموتة عند المقدره
كون فطره كلب ولدي
ولا شفاك مفطره
فدوة لشيبك. كل هاي الناس
بجدام الخيل لا ما تنجاس
مو فوكك كون. بعون وعباس
خيل. بس عليهم. ولا تمس جسمك حوافر
نار. تجوي ديهم. حته ماتجوي الحراير
صيت. باجر الهم. خوتك دم والمشاعر
نذر الكم
خنكة المغرب جبيره
وانت يا اعذب هواء
لمسة جفوفك عجيبة
تشفي كل هم وبلاء
صحره بس لمن دستهه
خضرت كل كربلاء
مكرود لماي. ما ضاك شفاك
جنت اتمناه. يشرب بضماك
محضوض الراح. ينداس وياك
نام والحوافر. تندل مجان التدوسه
وين. شفاف طه. والمكان البي يبوسه
ليش سكت كلبك والخيول عليك هوسه
نذر الكم
جنت اتاني اخبار عنك
لن بشر جاني بونين
كلي ولدج كلهه ماتت
فدوة كتله احجي بحسين ؟
نزلت دموعه وحجالي
داسو ضلوع الحنين
شاغت روحي. وغوش دربي
صار بنص خيل. رباي وتعبي
يا ذاك الدوس. كونه بكلبي
حسين. ياجمالك. وعين التحسدك حوافر
كون. يمي اضمك. ضمة غماد الخناجر
ناس. حيل تحقد. وانت يل كلك مشاعر
نذر الكم
خنكة الفوكه الحوافر
صعبة لمن تنوصف
جنهه خنكاتي من اذكرك
انحب وعيني ترف
كسرة جتافي اعله بابك
وانت ما عندك جتف
مورد والخيل. داس جبينك
متعبيك هواي الله يعينك
ماضل تراب. ما طب عينك
شوف. فكلي كلبك انت من تمشي اعله نيتك
حيل. حلوة جانت. هسه شو حمرة لحيتك
ااه وين الكه. وذره منك جا اجيتك
الخادم حسن العبودي
ملتمين بحضن الزهرة نسولف عل محسن
كل افراد البيت تناطر ولملكاه تحن
اخوانه هواي يحبونه محسنهم جان يتانونه
_
جان الزهرة تسولف الهم
والبسمة بخدهم مرسومة
حسين مناطر بزر الكعدة
وام عون تصفط بهدومه
اتكلهم المحسن تره هنيالة بيكم
مدلل يصير عله اخوته لمن يجيكم
كلش حنين واني احس يطلع عليكم
فجئة وحيدر طب لبيته من شاف الكعده
كال الله يساعد كلب امكم ودموعه بخده
اول مره تهل عيونه
محسنهم جان يتانونه
____
لم دموعه وكابل ولده
وشال حسين ابين احضانه
كلهم شمو هواي بفاطم
باجر ما تكعد ويانه
باجر اميرتكم بعد ما تكدر تكوم
باجر ضلعهه من العصر تلكونه مثلوم
شبكوهه حيل آخر شبك عد فاطمة ليوم
يحجي وياهم بس بعيونه تسولف دمعاته
فاطم آخر مرة تكوم تبوس وليداته
بهاي الحنيه يبجونه
محسنهم جان يتانونه
_
صار موادعهم بل نضرة
جنهه تكله لخنكه فراكك
باجر لو ماتت ام كلبك
لا تكعد وتلوم ابابك
باجر تجي لنار وتوج وتجوي العيون
مرتك ورة الباب وزلم كلهم يدفعون
الما عدهم مجان الدفع باجر يشتمون
ماخلاهه تكمل حيدر كال الهه اسم الله
لا تحجين بفركه وانتي امن كليبي وصله
ياباب عليج يدفعونه محسنهم جان يتانونه
هذا اليوم انعاش بحيره
فات الليل وحيدر كاعد
والزهره تودعهم سكته
كل شويه تبوس بواحد
تشتمهم وتجري الدمع وتكله ابو حسين
بالك على ولدك علي ادري انت مو زين
حاول اذا شفت الضلع لا تدمع العين
لو شفت الدم تارس ثوبي حاول ليشوفون
زينب تكبر باجر عكبه وخاف تلبسه شلون
كل خوفي الثوب يشوفونه
محسنهم جان يتانونه
___
ليل وخلص بس موادع
صبح بس بكلبه الحسره
كله حسين اول ما شافه
صبحك الله بوجه الزهره
وهنا علي شيب قهر من الحجي الحار
وجه الزجيه شكد ترف ماينجوي بنار
وجمالة ضلع أمة وطن خطاره بسمار
يمسح ضل دموع الوالد بجفوفه شويه
ويكله تعودنه الضحكه اعليك الصبحيه
مخنوك هواي يحسونه
محسنهم جان يتانونه
_
شبت نار وحيدر شيب
نار تجوي الجار السابع
وي صياح الناس لطبت
كسر ضلوع بحايط سامع
عاينته اليعثر الخلك يتعثر شكد
شاف الجذع كلة دمه والحايط أسود
والمحسن بغيمة حرك للباري يصعد
بنص لبيت وتيه دربه بحركه عيونه تكت
مو من ثوبه يعوف مريته تنطك ويسكت
بل زهرة هواي ياذونه
محسنهم جان يتانونه
_
من طلعو من بيته بضحكه
وبتعدت من بابه لهوسه
شاف لزهرة تصيح فضه
بس دخان ودم متروسه
شافت علي وكلش بجت ضمت متنهه
والمشكلة ما لحكت تخفي بجفنهه
ما تدري حيدر من فزع جان اعله ونهه
حيدر كلهه العاشك يعرف لجمات ام كلبه
كون بعيني وموش بعينج يا روحي الضربه
ونج ماريد يسمعونه
محسنهم جان يتانونه
____
حيدر جاس ضلوع الزهره
من غسلهه بدمع عيونه
كل شويه يطيح بحيلة
يبجي اويلاده يشيلونه
شايلهه حيدر للدفن وتبده حيلة
زغيرونه بس من التعب كلش ثكيلة
تابوت عمرة اثمنطعش مابي يشيلة
مددهه وهل دمعه ويشمر لتراب بهيده
اول مره يسولف فاطم نومتهه وحيده
يتمنه وياهه يدفنونه
محسنهم جان يتانونه
الخادم : حسن العبودي
تدفن ومكسور كلبك ياعلي
ما اريد وياي اتعبك يا علي
اني والله هواي احبك يا علي
@@@@@@@
عمت عيني شضال بيك وتعباك الشفته
يا علي شتكول واني هذا كله الضكته
فدوة اروح لدمع عينك لا يهل مو وكته
دير بالك علة المحسن من وكع ما شلته
انه بمكفه الباب ادافع يا علي
جيش واني بشعر اصابع يا علي
ما دريت الطفل واكع يا علي
@@@@@@@@
علي والبسمار شايف من دخل بضلوعي
تيهيت ابيتي والدم ينزل وي ادموعي
بعد طولي الله يعينك يوجعك موضوعي
علي كلهم عرف صاحو يلا وني ولوعي
وانته اي همزين طالع يا علي
ما شفت كالولي سامع يا علي
لا نكلب بلمواجع يا علي
@@@@@@@@@
علي رد للبيت فدوة ولدك متانينك
بوسلي حسين اعله نحره يمكن متعبينه
والحسن ليهسه يجبي فدوة بوسه بعينه
وصي زينب ثوبي بي دم كلهه لتلبسينه
ثمنطعش عمري وعفتكم يا علي
شكد تمنيت ابقى يمكم يا علي
لو تعرف شكد احبكم يا علي
@@@@@@@@
شكد جنت ارتاح من تكلي ها يعيوني
يلجنت خايف علية شكد تكلي شلوني
هوه يدفع بابي تزعل هسه اليدفعوني
وادم تكرهك يحيدر كسرولي متوني
اعثر بثوبي واطيحن يا علي
ردتك ومابيه اصيحن يا علي
كلبي هسه لوجهك يحن يا علي
@@@@@@@
آسفه اخذتني السوالف ما كلتلي شلونك
لزهره لو ديرة بكبرهه شايل اعله متونك
كالو بيوم العفتني شط جرة من عيونك
علة الكبر يوميه نايم ولدك يكعدونك
عل ام حسن دمعك تطشر يا علي
بليله خمس سنين تكبر يا علي
التحبهه تحبك اكثر يا علي
@@@@@@@
يا علي دموعك عزيزة مسحهن ورد بيتك
اعرف معزتي اعله كلبك و اااخ يا حنيتك
تدري من نمت اعله كبري خنكه وشتميتك
بكثر ما كتيت دمعك هلكثر حبيتك
وانته هم تحبني بعدك يا علي
دير بالك على ولدك يا علي
لا تضل بلباب وحدك يا علي
الخادم : حسن العبودي
جبت الكطن بكماطه ملفوف
تعناه سهم وبمنحره يحوف
شثكلاته صاير فوك الجفوف
شلع كلبي. شلع كلبي
___
تخيلته يكبر وي علي ويلبسه كل هدومه
يرحون للجامع سوه كل الولد ملمومه
تاليها صارت قصتة من المهد للحومه
عبد الله يا عالم ترف صاير خشب زردومه
شلته ابيض وردالي دامي
تمنيته واحد من سهامي
يطب كلبي ويموتني ضامي
يعوف ابني. يعوف ابني
___
ماشارب بعمره سهم فل الكماط بهيده
وليدي نشف ماي ودمه يشبه عطشنه وريده
مابي يسولف عل خنك عاصر رداني بايده
عبد الله محتاج النفس ماي النهر ماريده
فزعت وين الينطي رية
عبد الله يستاهل خطيه
ينطي نفس واطي اميه
من عيوني. من عيوني
__
الما نقبل تلوحه الشمس فاض الدمه اعله خده
زغيرون ما حاجي حرف بالسهم ليش يرده
هذا الحجي يفطر الكلب بس بالخيام الشده
شحجي اذا امه انشدت شربتو بزر الكعده
يمه الولد تحجيله وينام
هل مره نام بصوت السهام
ماشاف بعده طيوف الاحلام
سكت كلبه. سكت كلبه
____
يكولون لو ابنك كبر لازم تكوم تخاوي
تفتحله كلبك بالحجي عل عشره كون تقوي
عبد الله باجر بالسبي وياي راسه مخلي
ساعتها نتشاور سوه يكدر يسولفلي شبي
اليوم يوليدي دللول
وباجر ربع نتساوه بالطول
يفتحلي كلبة شعاجبه يكول
بعد صوته. بعد صوته
_
رديت للخيمه وشفت كل الحرم تكصدني
ميدان سون للولد وامه اجت تنشدني
يمكن لان ماي ارتوه خضر سهم نحر ابني
عبد الله ميت لو عدل عوف البجي وجاوبني
كتلها مات وليدج زغير
شالنه بجنازه العصافير
وي الرماح وليدج جبير
تشوفينه. تشوفينه
الخادم/ حسن العبودي
كلبي من الحنين شكد. رج عليك
رجيتك وادري مو هين. رجه عليك
الخيل الداس بضلوعك. رجع ليك
يريد برجعته يكسر البقيه
__
اخوتي مذبحه بحومه. شمرهم ؟
اذا كل ساعه يضحكلي. شمرهم
جوه الخيل ويلادك. شمرهم
ركض واليوكف يشوف المنيه
__
شحلات العشرة والشامت .. نفسها
واختكم تندعي يوكف. . نفسها
علينه وجوه ما ظلت. نفسها
يبسها العطش بالغاصرية
____
وحك ضلوعك الخرب .... شملها
السحك وعيونك الحافر .. شملها
المصايب ما يملني .... شملها
اذا مثل المطر توكع عليه
الخادم : حسن العبودي
يوجعني كلبي واختنك
كلما اشوف وليدي
كل ساعه اصيحة ويلتفت
يتعته ويبوس ايدي
كلش صعب. كسرة كلب. كلما اشوف وليدي
_
كتله يا هوه الريه
حاجيني علي شويه. كلامك هيل
فدوة لرمشة جفونك
صد عليه بعيونك. احبهن حيل
كابلني نضراتك دوة. هاي المواقف ذكرة
طول بالمشاوف علي. احسبها اخر نظرة
اهنا يبو الطول الحلو باجر المك وذرة
الحاسبك حيلة وذخر صرت انت كسرة ظهره
كام وشبكني بحركته
واشتم ركبتي بهيده
لمن لمس ضلعي بجة
حسيته يعصر بيده
صوت الدمع ماتنسمع. واشتم ركبتي بهيده
_
شبكة رايح شبكته
ضليت استمع دكته. نبض كلبه
وليدي مدلل خوانه
باجر ماهو ويانه. وسط غربه
يا حسرة اليدري وسكت شيسولف الما يكدر
واني ادري باجر عل متن شايل وليدي الأكبر
حلو السوالف. للخيم باجر يرد موذر
ضميتله الساني نذر بلحومه لمن يحتر
غيرته موضوع البعد
كتله الفجر راح يهل
صلي ركعتين الفجر
والغبشه سير عل كل
آخر هلا . اسمع اله. كتلة الفجر راح يهل
_
سير لمة ناداها
سكنة طلعت وياها. تحبة اكثر
كالتلة يبعد امك
تكربلي ردت شمك. من المنحر
وياي ابد ما قصرت مبري ييمه الذمة
دني قبل لا ينذبح نحرك اريدك اشتمه
كلها البكه براسج لان ابنج يرد بدمه
جسمي اذا يصبح وصل يتعنه ابوي يلمه
ناذر يلم جثتي الابو
ويحطني فوك جتافه
بس هوه الي يلمه منو
والوحده ما يتشافه
بكلبه الهضم. طكة عظم ويحطني فوك جتافه
_
راح وفزن جروحي
مودع يا بعد روحي. بامان الله
كلما يبعد المنظر.
عمري اعله الولد يكبر. دخيل الله
لمن رجع سالم احس العيد اجاني بمهره
مو ذاك المورد عشك يابس رجع هل مره
من طلع السانه خشب يشبة غصن بي ذكره
طلعت اله لساني وشرب مو ماي يروه بعشره
صعبة العطش يشرب عطش
تراب وتديره بصحره
بس شربو العشرة نذر
بوكت الحوافر عشرة
عشرة عمر. عدهم ذخر. تراب وتديره بصحره
____
راح وصارت الهوسه
حسيت بنغز دوسه. حوافر خيل
صاحو ذبحو كشختهم
عصرت كلبي ضحكتهم. تبده الحيل
تلاحكته للحومه وشفت كترين صاير كلة
كتلهم الحافر الي ليش السحك واصله
ماكلتو يشبهمن ابد ادري انتو من يا مله
على جتافي شلته والشمس صوبين تعكس ضله
حسرات خلصت الدرب
يتمضحكون بضهري
شماتي ما ترحم علي
وين امشي هم ما ادري
وين الصبر. وبكل كتر. يتمضحكون بضهري
__
شايل عل جتف غيمه
يمطر دم لعد خيمه. ضحاية الماي
هواي مسير عليها
وين البي بخت بيها. غوالي هواي
مددته يم ربعه وصحت ام الولد خل تنعه
يا وادم وليدي علي كدامي طالع ضلعه
بخاصرته مكسور السهم وين اليجي ويطلعه
المفروض حنه ينطبع مو حافر اعله اصبعه
تانيني بوية شجم نفس
ماطول لحد باجر
تلكاني ذكرة بكل كتر
مطلع حركته الحافر
تنهي العمر. ذبحة شمر. ماطول لحد باجر
تمت ببركه صاحب الزمان ❤️
الخادم / حسن العبودي
جبت الكطن بكماطه ملفوف
تعناه سهم وبمنحره يحوف
شثكلاته صاير فوك الجفوف
شلع كلبي. شلع كلبي
___
تخيلته يكبر وي علي ويلبسه كل هدومه
يرحون للجامع سوه كل الولد ملمومه
تاليها صارت قصتة من المهد للحومه
عبد الله يا عالم ترف صاير خشب زردومه
شلته ابيض وردالي دامي
تمنيته واحد من سهامي
يطب كلبي ويموتني ضامي
يعوف ابني. يعوف ابني
___
ماشارب بعمره سهم فل الكماط بهيده
وليدي نشف ماي ودمه يشبه عطشنه وريده
مابي يسولف عل خنك عاصر رداني بايده
عبد الله محتاج النفس ماي النهر ماريده
فزعت وين الينطي رية
عبد الله يستاهل خطيه
ينطي نفس واطي اميه
من عيوني. من عيوني
__
الما نقبل تلوحه الشمس فاض الدمه اعله خده
زغيرون ما حاجي حرف بالسهم ليش يرده
هذا الحجي يفطر الكلب بس بالخيام الشده
شحجي اذا امه انشدت شربتو بزر الكعده
يمه الولد تحجيله وينام
هل مره نام بصوت السهام
ماشاف بعده طيوف الاحلام
سكت كلبه. سكت كلبه
____
يكولون لو ابنك كبر لازم تكوم تخاوي
تفتحله كلبك بالحجي عل عشره كون تقوي
عبد الله باجر بالسبي وياي راسه مخلي
ساعتها نتشاور سوه يكدر يسولفلي شبي
اليوم يوليدي دللول
وباجر ربع نتساوه بالطول
يفتحلي كلبة شعاجبه يكول
بعد صوته. بعد صوته
_
رديت للخيمه وشفت كل الحرم تكصدني
ميدان سون للولد وامه اجت تنشدني
يمكن لان ماي ارتوه خضر سهم نحر ابني
عبد الله ميت لو عدل عوف البجي وجاوبني
كتلها مات وليدج زغير
شالنه بجنازه العصافير
بس عل رماح وليدج جبير
تشوفينه. تشوفينه
الخادم/ حسن العبودي
٢٨/٧/٢٠٢٢
موشح
الناس ما تعرف تحب عيونك
الخاتمه بحافر فرس يعمونك
بالطف يطيحن سوه لماي ودمع
تبجي يم وادم ضحكهم ينسمع
سولة الاعوج درب كسر الضلع
وأحسب حسابك تره يسحكونك
تحضرولك ناس نيتهم كتل
عل عطش فوكك يمطرولك نبل
رغم كل هذا وصلاتك تنقبل
عل فرض ماكدرو يمنعونك
شايل بصدرك كلب ما ينترك
تفكر بغيرك وانت بنص عرك
جا هضيمه بخيل كلبك ينفرك
يالتسوي الزين ويكرهونك
الناس ما شافتك دنيا من العلم
خذو منك خنصر وباكو هدم
بقيمتك ما يعرف الما يفتهم
خير مابيهم وما يردونك
كلي تدري شصار لو عندك خبر
أنت دزيت النهر يترس نهر
وليه صارت صوب عباس الكمر
شايلين جفوفه ويشوفونك
هضمتك يحسين اول ما متت
طلعن وعرفو بحيدر عنده بت
حيرة الما يندل يضل يلتفت
شلون اذا خيل وزلم يولونك
انت يالثوبك حرز للماله حل
الغالي عد الله بجدم خيل نسحل
كيفو من سمعو حسين نكتل
تنكل الهم خير واليذبحونك
بالذبح مو ماي دم ثوبك نكع
من الجلد يحسين شريانك طلع
خنصرك خلف ضريح من انكطع
ميت من العطش ويسلبونك
ساكت وتارس رمح راسك حجي
كلها بس روس وعليمن تنتجي
ميت من العطش بس شابع بجي
حجر وتراب وضمه اعله عيونك
وكت يحسين وعكس بيك الدهر
فترت اعليك وبقيت بلا ضهر
الناس التعاين وما شالت حجر
بالشتايم كامو يشمرونك
الخادم : حسن يعرب العبودي
جسام يرخص دمك
جسام فدوة لعمك
___
الموقف ينذكر عريس شد حيله
رايح ويه عمه بروحه يفديله
مو صوت الهلاهل عرسه صوت سيوف
وأمه بكل مسيه بحركه تدعيله
جسام بحركه تشمك
جسام فدوة لعمك
____
هنا يالوجهك اضوه من النجم كله
لكعده وياك يبني تشافي كل عله
شسع نعلك تحسبه اغله من الجيش
إذن من دنكت عل كاع مو ذله
جسام ناذر جسمك
جسام فدوة لعمك
____
يعريس المنايه تدور اليسوه
غير حسين كلشي يروحلك فدوة
لان تعرف هناك لوالد يحنيك
شفت الموته وي عمك صدك حلوه
جسام يخلص همك
جسام فدوة لعمك
____
بطولك جنت اكحل عيني من اتعب
من زغرك يلوليد وجنت تنحب
صدك من الحرب ترجع الي عطشان
ماي اعيوني اصبلك يبني وانت اشرب
جسام امك يمك
جسام فدوة لعمك
____
من يوم الرحت واني ادعي تعمه العين
مثلك خلفت يوليدي كون ثنين
واحد تنكطع جفينه يم عباس
والاخر ينسحك بالخيل وي حسين
جسام بصفه نلمك
جسام فدوة لعمك
__
اليطبرونك حسد ما طالبينك ثار
تره البيهم نقص تلكه بكلبهم نار
ابوك المجتبى وعمك يصير حسين
اكيد عيونهم عبرت لسابع جار
جسام شيخ بعلمك
جسام فدوة لعمك
الخادم : حسن العبودي
كسرة ظهري من عفتوني وحدي
اجيكم والشماته تصيح ردي
بعمر خمسين تتقدر
بس اني يبو الاكبر
عل نوك بشتم كالولي صعدي
_
عفتوني بمواقف تهدم الحيل
موتو العقيله
من شوكت زينب تسبك الخيل
بجدامي الثجيلة
لميت اليتامه لمت الزاد
ياهو الاشتكيله
اضم البعده مامسحوك بلخيل
والمسحوك اشيله
صارن ذني كلهن وانتو نيام
بيكم غيرة حركت حته الاسهام
ضل ينزف دمه المنحر
بس اني يبو الاكبر
عل نوك بشتم كالولي صعدي
_
بثنية ركبتة من اصعد النوك
ويفييلي غيمة
هسه سحول انجر واوصل النوك
يصعدوني بشتيمه
تربات الخدر بالمستحه تموت
تتشتم جريمه
الذابحكم يهوس وانتو ميتين
هاي اكبر هضيمه
الجانت حته حسها يلبس حجاب
هسه تصارخ وتعثر بالتراب
على شوفتكم اتحسر
بس اني يبو الاكبر
عل ناكه بشتم كالولي صعدي
____
كتلك من كبل لو مات عباس
يعني انتهت زينب
والجتال اخيها الماي يحسين
كلي شلون تشرب
واختك لو يجيها الماي والله
بس كباله تنحب
هم عدكم علم بم الخدر راح
كل يوميه تنسب
كل شامت يجي يسالني يحسين
وين الجان البيج يكحل العين
بعيونه السهم سير
بس اني يبو الاكبر
عل ناكه بشتم كالولي صعدي
_
ذباحك يهوس شايل الراس
نازل بلرمح حيل
نزل راسك وذباه عل تراب
صيح خل تجي الخيل
من حافر الحافر راسك يصير
سحكتهم تهد حيل
كل هاي المواقف صارت اليوم
شلن حالي بليل
اني اول جبيرة اصعد على التل
من الحيره اصعدت منك ردت حل
بهذا العمر ما اكدر
بس اني يبو الاكبر
عل ناكه بشتم كالولي صعدي
___
التروح بنص زلم بس ترجع بروس
شيسكت بجيها
يا حرمه الركض والروس والخيل
تلتم بس عليها
ليش الخيل خرب صوتك حسين
هسه اسمع حجيها
تصهل والعراضه تكسر ظلوع
وتسحكك شبيها
جوة الكاع اشوفك نازل شكد
داسن فوك صدرك والهوه انسد
كلشي بجسمك تكسر
بس اني يبو الاكبر
عل ناكه بشتم كالولي صعدي
ليلة الحادي عشر من محرم ١٤٤٤💔😭
الخادم / حسن العبودي
باجر لو ودعتك حيره
وانت معدل صاحب غيره
شيركضها ام عون جبيره. بحومه
شتحمل وانتم كشختنه
تستشهد يمكم هيبتنه
ويتيه الطلع خيمتنه. بحومه
___
مو ثوبي الركض زحمه الكمر يدري
تشوفوني انشتم ودموعكم تجري
ماشايف بشر طولي. ام عون انتي ياشرولي
الما شافت الجيران . غربه
تركض من العدوان . صعبه
بس جاوبني عليك الخوة
دنيا بلا خوتكم تسوة
عليكم من اليوم اتلوه سكته
خل اشبع شوف من عيونك
باجر بالحافر يعمونك
حيره تعيش ام عون بدونك. سكته
_
وراكم راح نركض ركضه المحروك
اخاف الكه بطريقي شجم طفل مسحوك
باجر اركض بهيمه. واتحسر على الخيمه
باجر جوي ودخان. يعمي
يحتر على النسوان . دمي
متعوبة ومامش كل حيله
حبال العدهم حيل ثكيلة
واختك لمن تمشي نحيلة. وحيده
زينب يتامرون عليها
دارت والكافل مو بيها
محد ينشد هاي شبيها. وحيده
__
اضل جوة الخيام الواجة اتلبد ؟
بلكت بالرماد يصير وجهي اسود
خاطر ما يعرفوني بطيحتكم يعيروني
مامش بعد خوان. واترد
لازم اشوف مجان . والبد
خوية احسين امسح دمعاتك
باجر بعيوني بنياتك
بس خليني اسمع جلماتك. راحه
باجر توصل بس الونة
وطكه صوت عظام الجنه
كل طكة الخيل يسمعنه. راحه
___
منين الحيل اجيبه واصعد التلة
اذا باجر حنانك ينسحك كله
باجر ما أنشدك وين
عله صوت الرض اجيك حسين
حسره اعله هيج انسان. نعمة
باجر على التربان. يعمة
تراب الطف محضر كلة
ينذب فوك عيونك علة
وين الشامت والبي زلة. تاذيك
باجر كلشي يريد يجرحك
سهام يصوبون بنص جرحك
شماتك فوكك تتمضحك تاذيك
____
اريد اشتم لحيتك واذكر العنبر
باجر بيد ناس بلا رحم تنجر
احضني يالمهندم. باجر تنترس بالدم
وجهك حرز خوف. يضوي
باجر يضل بالكاع مجوي
اول جرح يحضر باجر
ضحكه ناس وسحكه حافر
والله معون وياك تكابر . كوة
لعيون الكافل مشتاكه
ادعيلي لو صار فراكه
ما اوكع من فوك الناكه. كوة
___
وراي الشام بالديرة شيسكت حلوك
مثل ما ينضرب بية انضرب بالسوك
هناك الحرمه تتوازه. عازتكم صدك عازه
ديرة شتم والصوت . خنكه
زينب هناك تموت. حركه
تربات امنه الزهره وتدري
اني سياط التكسر ضهري .
بس ماذل الناس وخدري. غالي
يتحسر كلبك ماريده.
خليني ابقى هناك وحيده
يصير اليمشي دروب بعيده. غالي
الخادم / حسن العبودي
شموتك يخوية وأنت عباس
وكفتك ردتها بغربه الناس
صدمتي حجتها شيبه الرأس
____
من كتلي رايح للنهر منعدها وفكدت الرأي
ضل كلبي يوجعني وعلي وللخيمه بس رايح جاي
مو كتلي ماطول واجي شو طولت عني هواي
ما صدكت من صيحو كتال ابن حيدر ماي
هل خبر اجاني شل الجدام
مو وكتها خويه وحدك تنام
زحمه أخيك يبجي بنص الزلام
___
يالنيتك تروي الحرم نشفت لهاتي بدونك
لا ضكنه ماي بجربتك لا ضكنه ما عيونك
من صيحت بسمي وتون والوادم يسمعونك
وإني بطريقي شيبت مادري بيك شلونك
منطرح لكيتك مغمض العيون
دم تصب الهامه مغركه الجفون
فوكك الشماته بس يضحكون
___
من اوصلت فوكك طحت جمرة وتطيح بجمره
من ما شفتني استهضمت حسره عليك النضره
بلكاع اشوف عمامتك واللحية صارت حمرة
وشلون اضمد هامتك جرحك يخويه شكبره
عل ترب تتلوه يبن أبو تراب
شلون ابوس عيونك والسهم طاب
مدري ازيحن دمك مدري التراب
____
من يمته تسكت من اجي جا وين ذاك الملكه
عباس موتني القهر كوم اعله اخوك وشبكه
معقوله ضل حته النفس حسره عليك تشهكه
بهل يوم طحت أنت وعلي لو مات أخيك حكه
تدري لو اكلك وحده الحسين
يحجي ويه روحه بصوت الونين
باقي وي اخيك بس نساوين
___
ادري اليطيح من المهر يالحك يحط جفينه
يعرف يخويه بيا كتر يوكع وشوفه يعينه
هوه الجفوفه مكطعه والسهم عابر عينه.
يتلكه كاع الله بشنو جسمك يعم سكينه
راسك اعله حضني حطه ورتاح
لاكو حيل يشيلك والنضر راح
باجر انتلاكه فوك رماح
___
مو تدري زينب تنتضر تموت من اردن خالي
يتيه طريقه المنشده والحيره ترست بالي
من تعوف غالي بلا نبض وتروح تصدم غالي
هيج اني صاير والدرب شيب سواد خيالي
حيره شحجي لزينب فكدك هواي
وانت تدري جفك عدها رواي
شوفتك تعوض عازة الماي
_
الخادم : حسن يعرب العبودي
بحر طويل للسيده زينب عليها السلام
يخواني العتب نلغي
النعش شالو الغربه وراح
اذا بس العرف جناز
معناها الجنازه رماح
___
يبعد الروس التجوي من جان السبي بلا رأي
عل خد هضمة المذبوح مافطر وجهكم ماي
بيني وبينكم حنيت اعله تابوتي النحيب هواي
واحدكم نحيبة سهام
والثاني فتات عظام
اختكم هسه راح تنام
من ضيم العطش للخيل وجوه الخير ماترتاح
__
تفحط شيله العطشان تابوتي ثكيل هموم
ولو هوه التطحنه الخيل يدور عل نفس ويكوم
لمة الغربة عل تابوت يذكرني بجسد ملموم
تابوتي نقص خوه
مثلكم كام يتلوه
لزمان بزينب شسوه
لو فوك النعش عباس من جف زلمه ما ينلاح
_
شكد دارو عليه ألماي وزينب لسه عطشانه
التدور عليكم وي النار تخيلو شكثر تعبانه
ولو هوه التطشرة الخيل صعبة تحصل مجانه
صلاة المنسحك صلة
الكطن لم روحه يم الله
الجنة كماط عبد الله
فحطت من البواجي عليه من أسمع ضحكة الذباح
__
لا تبجولي نعمة الموت عزيز يصير اليسافر
نزلت لحدي ذكرتني بحسين الفكر حاير
اني النزلتني جفوف وهوه النزلة الحافر
حيرت مصرعه حيرة
تطشر صاحب الغيره
حلم وشلون تفسيره
مصباح الهدى جا ليش دم أحمر ضوه المصباح
___
سافرت بصحاري شفاك لكيت شكد عطش غافي
تذكر من سحكها الخيل نفسهن صارن شفافي
زينب عابره الخمسين والخيال متعافي
اختكم خلصت من الخيل
سكته المكبره بهل ليل
أم عون محضرتلكم حيل
للملكه المراكض صار أيام الحوافر راح
__
أريد اشتم عطركم حيل لحد ما يطلع الدخان
بلهفه من أرد اجيسنكم مامحتاره ادور مجان
مابيه ابجي بالملكه اعذروني الدمع خلصان
نشفن من بواجي الدم
كلما بالسبي اتشتم
لسه وكلبي شايل هم
نوم الراد من تشييع يفزز نومه صوت صياح
الخادم : حسن يعرب العبودي
قصيده : بزر الكعده
اداء : الرادود محسن المرياني
كلمات : الخادم حسن العبودي
نار بدليلي تسعر جسم الحسين مطشر
جثة وصفت عليها غير المحنه شبيها
جسم الحبيب مطشر
_
هميت ادوره بحيره بنص الجثث ماشوفه
ضل الكلب يتلعثم
لن جثه بين الموته مسلوبه ثوب وراحه
متروسه طعنات وهم
وهنا عرفته الوالد من كتله طلعت زينب
ضل يجوي المخلص دم
شفته العزيز شخاله وحده اليلم بربعه
بالشمس ضل ما يلم
وجروح ترس الهامه ما يختفن بعمامه
ملعون الماذيها غير المحنه شبيها
____
يابس عطش مي عيني والشمس غير لونه
ذاك الكبل يروينه
حق اليموت الدفنه مو يبقى بالحر عاري
هيج النبي موصينه
كابلته اعاين جثتة سهام ورمل متروسه
جا هلكد متعذبينه
شايل حصيره بايدي بيا نعمة المن حاير
بحافرهم موذرينه
المرضني هذا المنظر عريان نايم بالحر
ترجف جفوفي عليها غير المحنه شبيها
_
محد يعيش الخنكه بس اليسحكه الحافر
لمن يكسر ضلوعه
وحسين ابوي كبالي من صدره طالع كلبه
ما ينفهم موضوعه
فزعوله وادم تنهب ماضمدوله جروحه
صارو عليه مجموعه
حته الرمل هم سلب بايك حلات عيونه
وشل هذيج دموعه
جيب اليعيش الحاله من تسحك الخياله
تشلع كلب راعيها غير المحنه شبيها
___
شلته بهداوه ودمعي غسل دمة مذبوحي
ومردت دليلي لحسره
مشي التلعم توه شايل ابوي وخايف
من عنده توكع وذره
نص الدرب لن اسمع طكة ضلوع الوالد
يطلع عظم من صدرة
ماباقي شي بي سالم مشلوع راسه وكلبه
من الضيم غادي شكبره
يطيح من اشيله براحه سهام ودمه من صفاحه
حار الترب ماليها غير المحنه شبيها
____
كل فجر جان يصلي يسبح محنه ويه الله
تسبيحه نقصت بيده
يمكن حجه وي الباكه رجعلي تسبيح امي
انت البصبعي تريده
كصوله اصبعه معاند وصار بجدم يا حافر
لو طاح يم وليده
ماميت الراد الله كلما كلت يا فاطم
ينزف دمة من وريده
حنيته ردت روحه وونينه مو لجروحه
كلما يمر طاريها غير المحنه شبيها
_
مات ويفكر بولده نام الرضيع بصدره
يم جدمة الاكبر صاير
حته بدفتنه يلمنه بس المحنة التبقى
ما تنسحك بالحافر
جي دمة ينكط غيره بنص ربعه قرر موته
يحس جنه ليل العاشر
حته اليجي ويزوره ما ينسه وكفة ربعه
موقف رجوله لباجر
يصبح عظيم المنظر جون وحبيب وقنبر
وعباس المحليها غير المحنه شبيها
الخادم : حسن العبودي
مقدمة الى مولاتي الزهراء عليها السلام
صافن عل حرك بلباب
طافي ومحترك كلبي
ماخذ مني احلا احباب
واصل مرحلة بتعبي. خلص حيلي
_
متعود اشوف عيون الترد حيلي
شمحلات ذاك الملكه من تحجيلي
روحي علي شتاكيتها تكليلي
هسه اختنك كلما يطول ليلي
طولج طابع اعله الباب
والمحسن ورة ضلوعج
مرسومة برماد النار
سولفهن بجي دموعج. خلص حيلي
___
لحكيلي حيدر جاي تطلع روحه
شوفي اعله طول الباب كوه يلوحه
باقي اعله كلمه وكلبي تشفه جروحه
فاهي الحجي ومنج ينكط ملوحه
يا محله الكلام الحار
يسوة الواحد يسمعه
واني ادري الحجي ياذي
الكسرو بالعصر ضلعه. خلص حيلي
____
بس انتي نقطة ضعفي وامن اتعنوج
يدرون بيه اتنفسج هل عصروج
لوما عزيزة كلبي جا ماحركوج
اول ضريبة لحبنه بسمار نطوج
عدنا الكسرة حته ضلوع
مو بس كسرة الخاطر
اني من اختنك بالليل
مثل الينسحك حافر. خلص حيلي
____
من جنتي يمي الحيل ما اعتازة
رحتي وبقيت اتوجه عل عكازة
بهذا التعب عازة حنانج عازة
من كلبي شلتج عل متون جنازه
كلشي لبيتي يرجع كون
حته الكسرة تتعوض
ليش اسمع وره التابوت
صوت ضلوعج التنرض. خلص حيلي
__
طولج وصل بآخر حياتج شعره
جا ليش نعشج ثكل كون بكبره
ثأري الثكل مو بالشكل بالعشره
بجتافه حيدر كوه شايل عمره
وزنج جنه ريشة طير
المن رجفت جدامي
نشفت عيني من فركاج
يسود كلشي كدامي. خلص حيلي
____
جانت عشرتج كلها خير ويايه
يا احلا من تكعد عل مصلايه
بسمار بيتي الكسر عندي مرايه
شال ابني من بين المدافع آية
كبرج سكته مثل البيت
كلش موحش وخالي
جي صار الترب فوكاج
صار من الذهب غالي خلص حيلي
الخادم : حسن العبودي
بل كوة صارت جيته
روحتهه كلش خنكته
صح ميته بس اشتمته الزجيه
_____
كعد يمهه ويكلهه شلونج العيد
والله وبس اشوفج كلشي ماريد
جان حساب بعدج خالة بعيد
وكت ينشاف حيدر بس تجاعيد
حيدر حبيبج من تعب
ضل ياكل بكلبه العتب
واجب دموع المستحب علية
___
اول مرة اجيج وما تكومين
وين الهلة بيك الغالي ابو حسين
كلهن يوجعن وابديلج منين
ابيتج من مشيتي كلشي مو زين
بيتج ونين ام الحسن
وشموع الملاكة انطفن
عايشلج بديرة شجن خلية
___
تصدكين بعلي ما يكدر يكوم
سنة يمر بغيابج صاير اليوم
الج ما عندي ذكرة غير الهدوم
جبل شايل بصدري من الهموم
فص عيني طاح من البجي
يومية عل باب انتجي
يوجعني ضل حته الحجي اذيه
__
لحسن ابنج ينوح مكابل الباب
بلبيت الحسين يشم بلثياب
وجرح زينب يصل عليهه ما طاب
وابو ترابج يذب عليج التراب
نستوعب فراكج صعب
ما لايك وياج الترب
صرنه يتامه بنص غرب رزيه
___
يزهره كلبي اريدج كلش هواي
صرت اعطش حنانج مو عطش ماي
مشيتي وشيب الفراك شكثر جاي
ريتي ختنكت من الفركه يهواي
يل زهره يا اجمل عشك
يا هوه بيتي الينشهك
مو كلنة ابد ما نفترك مسيه
____
يل ما ينحمل فركاج بيه
اني اتذكرج كل مغربية
كلشي بدونج تغير عليه
مو تدرين احبج يل زجيه
المن مشيتي وي المشو
وليدانج بحركه بجو
وياي يردونج اجو خطيه
_
اول مرة حيدر هلكد يون
ويتحسر عليج وعلى المحسن
ادفنج مدري كاعد بيه ادفن
يم كلب الرقيق الكلش يحن
تذكرين احجايه الي
يل زهرة يا ريحه هلي
فدوات يغديلج علي الزجيه
حسن العبودي
ورده وعصرهه الموش فلاح
سال النده من امتونهه وطاح
ما صاحت ادركني يبو حسين
كالتله يا راعي البساتين
جوريتك ابسمار تنلاح
_
سمع بيته حترك وحتركن عيونه
بستان الورد المن يحركونه
سمع جورية خلف الباب مسجونه
سمع بيهه وعلي تحسر يفزع حيلة ما يكدر
صرخ يا فاطم ويعثر هضيمه
ورده اميه تزكوهه وعل قبلة تخلوهه
مو هلكد تعصروهه هضيمه
لامو غرب عصروهه الاصحاب
من كد عصرهم غصت الباب
دم صارت بعصرتهم العين
كالتله يا راعي البساتين
جوريتك بسمار تنلاح
_____
متن مو ذكره ويعلكونه بلبسمار
نخلة وطلعو من حيلهه الجمار
والمحسن وكع فدوة علة امه يغار
زغيرون وفزع لامه ولجده مشه بدمه
يكلة الهاجمو همه صحابه
بدفعهم عصرو الزهرة وصل يمي صده الكسرة
ابطنهه واسمع السطره صحابه
بعيونك الجانت زغيره
وحدهه والهجمو عشيره
للعرش واصل صوت الونين
كالتله يا راعي البساتين
جوريتك ابسمار تنلاح
___
اول مرة اشوفه مورمه عيونه
حيدر جان بل زهراء يحزدونه
ابو الحسنين شايل روحه بمتونه
يكلهه السكته المتني احجي يا بعد متني
بلسانج يخبل اسمي ابو حسين
عيوني فدوة لعيونج بعدهه يونن متونج
تره مو زين من دونج ابو حسين
زينب بجت حد ما عمت عين
وذب روحه فوك هدومهه حسين
تحبهم كثر ما يمهه باجين
كالتله يا راعي البساتين
جوريتك ابسمار تنلاح
___
يكلهه الفاتحه من اقراهه مختنكه
ابو الحسنين عشكج كتلته الحركه
شفت زينب تشم بهدومج مدنكه
تصد لثوبج بحسرة اثر شك ودمه بضهره
تكلي اليوجع الزهره ضلعهه
يبويه اطرافه ممزوكه ترة جدام امي محروكه
عليهه الباب مطبوكه ضلعهه
يبجي الحسن ويخضر دلال
وحسين صارت عينه شلال
يايمه صاحو ليش تمشين
كالتله يا راعي البساتين
جوريتك ابسمار تنلاح
____
الم ويلادي كلهه ونمشي يم كبرج
مختنكين اجينه نشمشم بعطرج
الكبر باب الرمل هم كاعد يعصرج
افتحي احضانج وكلبج اجينه نشاركج تعبج
زينب كلش تحبج حنينه
الحسن مريت ديوانه وجبت حسين ويانه
عليهم حيل ولهانه حنينه
وحدج يزهرة اوحشه الغروب
جيناج خل نتشابك كلوب
نبضة كلب حسبي وتلاكين
كالتله يا راعي البساتين
جوريتك ابسمار تنلاح
____
الجرح من ما يطيب يصير للذكره
علي البيبان جان تذكره بل العصره
جم بسمار شافة ومات عل زهره
حيدر كل مغربيه يذكر عنده جوريه
حمرة وكلهه حنيه يحبهه
جان شكد يشم بيهه مثل المي يداريهه
مات من البجي عليهه يحبهه
كل مغرب يشم بوردته
ويرجع علي ينوح بحجرته
كال الهه ارجع لا تخافين
كالتله يا راعي البساتين
جوريتك ابسمار تنلاح
الخادم : حسن العبودي
حسين يا مولاي
بوكت جان النفس غالي
مو ياهو اليجي وينداس
الرمح عثرة بدرب خالي
مصدر رزقه رفعة راس
رخصت ريتك يبو انفاس الكريمه
الخيل من تسحك على ضلوعك حريمه
ما كسر خاطر رمح راسك هضيمه
_
الدمع ما يمشي بعيونه
المتروسه دمه وتراب
وانت يا ضوة عيوني
السحك حته لخيالك طاب
رايد انفاس اليدوسنة الحوافر
بوجهك استفحل عطش للرمح عابر
وشلت دم وبقت بيك المشاعر
___
الطف كله انتهه موادع
بس ضلوعك التمن
الهوه حسرة اعله انفاسك
بحرك وتراب يشتمن
كلشي بالطف ضيف بس جسمك تحزم
عزب لرمحه جرح وتغطى بالدم
نايم وفوكك سهام وخيل تلتم
__
كبل جان السحك مره
بنادم ينعصر بمجان
الخيل الركضت اتسحكك
شعلمهن على الميدان
يسحك عليك المهر ماجنه شابع
الحيل شيجيبة وترده بتسع اصابع
من يكلب جسمك يكلب المواجع
_
الشتم ما يعصر جروحك
كلبك مشكلة يحب حيل
اليكول انسبت زينب
جن دايس عليك بخيل
يعني مو بس جسمك انداست محنه
يل ترس راسك صريخ وتفتهمنه
علك شدنه بنص ضريحك لان تهدنه
الخادم : حسن العبودي
تمت ببركة صاحب الزمان ❤️
باجر لو ودعتك حيره
وانت معدل صاحب غيره
شيركضها ام عون جبيره. بحومه
شتحمل وانتم كشختنه
تستشهد يمكم هيبتنه
ويتيه الطلع خيمتنه. بحومه
___
مو ثوبي الركض زحمه الكمر يدري
تشوفوني انشتم ودموعكم تجري
ماشايف بشر طولي. ام عون انتي ياشرولي
الما شافت الجيران . غربه
تركض من العدوان . صعبه
بس جاوبني عليك الخوة
دنيا بلا خوتكم تسوة
عليكم من اليوم اتلوه سكته
خل اشبع شوف من عيونك
باجر بالحافر يعمونك
حيره تعيش ام عون بدونك. سكته
_
وراكم راح نركض ركضه المحروك
اخاف الكه بطريقي شجم طفل مسحوك
باجر اركض بهيمه. واتحسر على الخيمه
باجر جوي ودخان. يعمي
يحتر على النسوان . دمي
متعوبة ومامش كل حيله
حبال العدهم حيل ثكيلة
واختك لمن تمشي نحيلة. وحيده
زينب يتامرون عليها
دارت والكافل مو بيها
محد ينشد هاي شبيها. وحيده
__
اضل جوة الخيام الواجة اتلبد ؟
بلكت بالرماد يصير وجهي اسود
خاطر ما يعرفوني بطيحتكم يعيروني
مامش بعد خوان. واترد
لازم اشوف مجان . والبد
خوية احسين امسح دمعاتك
باجر بعيوني بنياتك
بس خليني اسمع جلماتك. راحه
باجر توصل بس الونة
وطكه صوت عظام الجنه
كل طكة الخيل يسمعنه. راحه
___
منين الحيل اجيبه واصعد التلة
اذا باجر حنانك ينسحك كله
باجر ما أنشدك وين
عله صوت الرض اجيك حسين
حسره اعله هيج انسان. نعمة
باجر على التربان. يعمة
تراب الطف محضر كلة
ينذب فوك عيونك علة
وين الشامت والبي زلة. تاذيك
باجر كلشي يريد يجرحك
سهام يصوبون بنص جرحك
شماتك فوكك تتمضحك تاذيك
____
اريد اشتم لحيتك واذكر العنبر
باجر بيد ناس بلا رحم تنجر
احضني يالمهندم. باجر تنترس بالدم
وجهك حرز خوف. يضوي
باجر يضل بالكاع مجوي
اول جرح يحضر باجر
ضحكه ناس وسحكه حافر
والله معون وياك تكابر . كوة
لعيون الكافل مشتاكه
ادعيلي لو صار فراكه
ما اوكع من فوك الناكه. كوة
___
وراي الشام بالديرة شيسكت حلوك
مثل ما ينضرب بية انضرب بالسوك
هناك الحرمه تتوازه. عازتكم صدك عازه
ديرة شتم والصوت . خنكه
زينب هناك تموت. حركه
تربات امنه الزهره وتدري
اني سياط التكسر ضهري .
بس ماذل الناس وخدري. غالي
يتحسر كلبك ماريده.
خليني ابقى هناك وحيده
يصير اليمشي دروب بعيده. غالي
الخادم / حسن العبودي
ميمر الى الحجة المنتظر (عج)
جدك وكع جوه الخيل الله يعظم اجرك
_
طاح الذي مانسوه ذرة بدونه
سحكوهن وطشرن خضار عيونه
وين التراب اليجوي فوك جفونه
ادمان يا طف حسين صوت الخيول يقهرك
____
هواي المواقف ما تخلص لحضة
زينب جبيرة وعل ضرب ما ترضه
نسوان هاشم مو عرف بالركضه
افترن الطف بيوم والطف سنين يفرك
___
يل مهدي كلبك شيب من الصاير
جدك ظلوعه تهشمت بالحافر
فدوة لدمعتك صبها صعبة تكابر
من الظلع للخيمات يل مهدي خلص عمرك
___
جدتك زينب ركضت بنص هيمه
طفو عيونه الجان يفزع غيمه
اه يا كلبها شلون اوصف ضيمه
ادخل كلبها وحس بي سبعين عام يكبرك
__
بالطف سوالف ما تسير عل بال
نسوان هاشم جتفوهن بحبال
الما تسحك اعله جمرة تجويها رمال
تسمع مصايب كل يوم يالمهدي الله يصبرك
____
ياهو اليصدك حسين جوه الحافر
كشخة محمد صار يكسر خاطر
بهاي السوالف حقك من تهاحر
وجهك تديره اليا صوب والطف تردلة يجبرك
__
الخادم / حسن العبودي
العل درب تعبانه بتمن
تبجي ليش متانيتمن
تشتم باديهه يا عطر عليهه
تبجي ليش متانيتمن
___
شكد عزيز عليهه وتشمة بقهر
ماكو ذكره لا قميص ولا صور
هوه بس عطره اليصبرهه السهر
مدري يشبهمن كلبهه من انكسر
جنه يشبه ضلع ابوها
مدري كسره ضهر اخوها. ونين
لان خطوتهه ثكيلة
صرت اشك هيه العليله ونين
كثر ما نتطر حزنهه
طابع الباب بمتنهه
تنتضر يجيهه يا عطر عليهه
تبجي ليش متانيتمن
_
تقربت يمهه وحجيتلهه بجرح
فاطمة انتي ؟ الحمد لله عل رمح
حسين ابوج اتذكرج من الصبح
دز الج بوسه قبل ما ينذبح
سمع بيج وكض وريده
وداست الخيل اعله ايده حسين
ماكدر عمج يلحكه
هيه طيحه وهيه سحكه حسين
يسلم عليج ويكلج
يل عزيزه هواي احبج
واستمر بجيهه يا عطر عليهه
تبجي ليش متانيتمن
_
حجيلي شنهي اليوجعج بس بوني
جاوبتني ستشهد ابالي الحسين
شيبت من كلي باجر ما تجين
خايف يتعبني ابو كلب الحنين
راح غالي بضهر غالي
حسين ما كلي تعالي بجيت
حيلي يكدر عل عبايه
هناك اذا ركضت سبايه بجيت
راحتي من يتعبوني
انذر دموع لعيوني
لعمتي وبجيهه يا عطر عليهه
تبجي ليش متانيتمن
_
عدت ايام وعبر ذاك الزمان
وفاطمة اتانيهم بنفس المكان
بتسمت وكالتلي احس الملكه حان
حضري دمعج جاوبت فات الاوان
ضمي شباكات الملاكه
مات كلبج على الناكه. سكوت
علكي للقاسم شموعه
وطشي مدمعج على ضلوعه. سكوت
للحياة ماناوي ضله
حسين رايح فدوة لله
ناوي يحضه بيهه يا عطر عليهه
تبجي ليش متانيتمن
____
راح كلة حسين لكن رد خبر
هيه هاي السالفه التكسر ضهر
ابجي واسمع سالفه رأس ونحر
نكسر واهس عيشتي وضلعه نكسر
جان الحسين شحلاته
راح ابجي بكد غلاته حنين
حجاية اكله وما اتعبه
هوه يدري شكد احبه. حنين
والله يومية اريده
راحتي ابوست وريدة
عيني من تجيهه يا عطر عليهه
تبجي ليش متانيتمن
الخادم/ حسن العبودي