قصائد مهدویات الهوی

04 Mar 2023 19:04

راح انزل لکم کتب موالید


تفیدکم هوای و نسالکم الدعاء


💢💢💢💢💢💢

#خادمة_المنبر_الحسيني_الأستاذة_ام_كوثر

قصائد مهدویات الهوی

19 Jan 2023 06:02

تجليبه لدورة سنة الأم
نهديها الى مولاتنا فاطمة الزهراء عليها السلام


سنه دارت ييمه وما ذكرتينــــه
شلون انساچ يلرحتي ونسيتينه

&&&&&&&&&&&&&&&&&

سنه خلصت قهر ودموعي ابعيني
وسوده ايامها يا شمعة اسنينــــي
ليليه اندعي بلكــت تزورينــــي
وعطش گلبي بحلم يايمه تروينـــه

&&&&&&&&&&&&&&

عطش روحي ييمه شوفتچ ترويه
الگلب بردان لمست ايدچ ادفيه
لهيب الشوگ يحرگني ومنو يطفيه
ييمه ارجوچ مري ولا تجافينـــه

&&&&&&&&&&&&&&

اريدنچ تجيني ونــاري تطفيـــها
ودمعاتي اعله صدرچ يمه اجريها
يا بلسم جروحي انتي التداويـها
تره ارسومچ ييمه عنت اعلينــه


&&&&&&&&&&&&&&

سنه چلمت اليمــه ما سمعنــاها
وارسومچ الحلـــوه ضيعينـــاها
عليچ الدار تنشدنــه ونشدنــاها
وين الچانـــت احنينـه وتدفينـــه

&&&&&&&&&&&&&&

حنينه ودافيــه الربت زغار كبــار
سنه لجلچ ننوح وحن عليچ الجار
ييمه بكل ركن بالبيت إلـج تذكــار
وعليچ الــدار حزنانــه حياطينــــه

&&&&&&&&&&&&&&

مشتاگين إلـچ والدار مشتاگــــه
والمثلچ صعب يحبيبه افراگــــه
نارچ يم حسن بالــروح حراگــــه
تسعر بالدليل وحيل تچـوينـــــه


✍️. أم محمد علي الشيباني

قصائد مهدویات الهوی

16 Jan 2023 21:11

قصيدة للزهراء عليها السلام
طور ثگيل لسان حال اولاد الزهراء
وكل من فقد امه
الام من تطلع جنازتها من البيت شيكولون
اولادها وبناتها :


يم المحنه .. يم المحنه
البيت شال بطلعتچ.. يم المحنه

ياكل اهلنه .. ياكل اهلنه
يحبَيبَه وامُيمه واخت .. ياكل اهلنه

😭😭😭😭😭😭😭

البيت شال بطلعتچ ياشمعة البيت
وياچ رحنه للگبر كل احنه ياريت
فلت ييمه لو بعد نتلاگه ناديت

ويلتم شملنه .. ويلتم شملنه
تعودين لينه يم هله .. ويلتم شملنه

😭😭😭😭😭😭😭

تعودين لينه يم هله ذاك البخت وين
نتوسل بجاهچ على الله يم الحسين
سويعه يالحبيبه على عيالچ ترديــن

يزهي نزلنه .. يزهي ينزلنه
بطولچ يزهرتنه يرد .. يزهي نزلنه

😭😭😭😭😭😭😭

بطولچ يرد يزهي النزل صارت بالاحلام
وكعداتنه الحلوه سويه وذيچ الايام
هيهات فلت عشرتچ عفتينه ايتــام

حيل انهضمنه .. حيل انهضمنه
عنه رحلتي من وكت .. حيل انهضمنه

😭😭😭😭😭😭😭

حيل انهضمنه من وكت عنه رحلتي
منــچ ييمـه ما شبعنـــه ولا شبعتـي
عفتينه للهم وانتي بترابــــچ سكنتي

مانحچي سرنه .. مانحچي سرنه
نخليه يجرح بالگلب .. مانحچي سرنه

😭😭😭😭😭😭😭

إلمن بعد سر الگلب يايمــه نحچيـــه
وجرح الوكت منيلچم منهو اليداويه
عگبچ يلم بينه الحزن واحنه نلم بيه

من رحتي عنه .. من رحتي عنه
نجرع ألم نلهم صبر .. من رحتي عنه


✍️. أم محمد علي الشيباني

قصائد مهدویات الهوی

06 Jan 2023 10:49

⬛️◾️▪️⚫️﷽⚫️▪️◾️⬛️

هوسات عزائية لمولاتي ام البنين ع

🏴

بچت حتى انحفر خدها امن الادموع
شنو الحزن التشيله بين الاضلوع
تصيح اشلون راس ابن النبي مگطوع

(و امصاب احسين الماذيها)



سمعنه فاطمه نصبت عزيه
على أم الگمر هاي الوفيه
و اجوا أهل العزه امن الغاضريه

(جاي العباس ايعزونه)



اذا الدنيا ابعدتنا امن المدينه
من الابعيد نگصدها الحنينه
نناديها و نمد الها ايدينه

(مترد السائل حاشاها)
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــ

قصائد مهدویات الهوی

06 Jan 2023 10:49

⬛️◾️▪️⚫️﷽⚫️▪️◾️⬛️

فزاعيه عراقيه لأم البنين ع
شور بطور (توجع طگة المسمار)
او طور (محمد ما دريت اشصار)
او طور (يا بو اعمامة الخضره)
او طور (ننخى أهل البقيع)
او طور (محد غسله و شاله)

🏴🏴🏴🏴🏴

توجع ونة العباس💔 ...عالأمه و مآسيها


و ابگبره سمعها اتنوح ...عالأمه و مآسيها
تنعى و تندب المذبوح ...عالأمه و مآسيها
و اعليها الگلب مجروح ...عالأمه و مآسيها
يدري شنهو ماذيها


چانت تندب ابكل يوم ...عالأمه و مآسيها
من عدها الگلب مالوم ...عالأمه و مآسيها
تذكر ذبحة المظلوم ...عالأمه و مآسيها
ذبح احسين يچويها


حگه لو بچى العباس ...عالأمه و مآسيها
ماتت خمدة الأنفاس ...عالأمه و مآسيها
رايد تحضر الها الناس ...عالأمه و مآسيها
تندبها ابنواعيها


دلاله انكسر و ايصيح ...عالأمه و مآسيها
خايف عالنعش ليطيح ...عالأمه و مآسيها
لو بيده اجه اويه الريح ...عالأمه و مآسيها
بالشده يباريها


و الله ايساعده حزنان ...عالأمه و مآسيها
راد ابساعة الادفان ...عالأمه و مآسيها
يحضر وي بني عدنان ...عالأمه و مآسيها
و كلها تلطم اعليها
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ـــــ

قصائد مهدویات الهوی

06 Jan 2023 10:47

🏴 في شهادة السيدة الطاهرة أم البنين عليها السلام 🏴
#جديـــــــــــد

● طور : عگب عينچ ، ملا محمد الجنامي
وتقرأ الأبيات الداخليه بطور يا زمن وين الأحباب

.
.
أم الإبنين الوفيه
تدعي بدمعه جريه
لصاحب الطلعه البهيه
تدعي بدمعه جريه
_____
على افراش الموت والدمعه بالإخدود
اوحيده ما ظل ليها يمها واحد ايجود
نادت ابدمع الحزن يا رب يمعبود
ربي عجل طلعة الغايب الموعود

تدعي والدمعات بالعين
ياخذ ابثارات الإحسين
ابجاه من راحوا إليه
تدعي ابدمعه جريه
_____
مثل ما نادت الزهره من عصرها
يبني ادركني او طاحت من كسرها
اتنادي أم الأربعه المهدي بقهرها
ثاكِله واتخاطبه ويلي بصبرها

راحوا اتگله أهاليك
يا بوصالح مابقى ليك
بين سم وغاضريه
تدعي بدمعه جريه
_____
اتگله ذبحوا جدك المظلوم ظامي
وظل على الغبره يمهدي جسمه دامي
ابداله ريت اخيولهم داست اعظامي
او لا تظل زينب يمهدي ابلا محامي

ريتك اتشاهد وضعها
زينب ابلايه أهلها
من اجتني الهاشميه
تدعي بدمعه جريه
_____
اشگد تمنيت اويه زينب أبقى يمها
وعنها اشاگف سيدي سوط الهضمها
امن المتن ينزف غدى يامهدي دمها
بكربله اتمنيت أشيلن والله همها

اتگله زينبكم سبوها
يا بو صالح عذبوها
بگلبي جمرتها سريه
تدعي بدمعه جريه
_____
اتگله أمنيتي أزور الغاضريه
وأرش گبر حسين بدموعي الجريه
آيا مهدي وابمثل هاي المسيه
بكربله تاخذني من يَمه المنيه

أندفن هالليله وحدي
وبالگبر أدعي يمهدي
تاخذ ابثار الزچیه
تدعي بدمعه جريه
_____
تمت بحمد الله تعالى
بقلم : فاطمة كريم
يناير ٢٠٢١ م
نسألكم الدعاء لتعجيل الفرج
يــــــــــا أبا عبـــــــــــــــدالله
الفاتحة مع الصلوات إلى روح والدي

قصائد مهدویات الهوی

06 Jan 2023 10:46

.
.
يالوفيه…
اليوم حـانت غـربتچ
جيت اشيع اجنازتچ
اجري دمعي العبرتچ .. يم البنين
.
ـــــــــــــــــ ❁ ❁ ❁ ـــــــــــــــــ
.
حانت الليله وفـاتچ جيت اقـبل ادموعچ
يالهديتي أبني بالطف اربعه من اضلوعچ
فاطمه آنه اوجـروحي تعرف ابموضوعچ
مرتوي ضلعي نواعـي من هظم ينبوعچ
.
بالمنيه……
صوتچ الما ينسـمع
يشرح آهات الدمع
مثلي گلبچ منشلع. .. يم البنين
.

ـــــــــــــــــ ❁ ❁ ❁ ـــــــــــــــــ
.
ما أظن بالـدنيا يـوجد أمـرأه ابمقـياسچ
من يمر ذكري اعله بالچ تختنگ أنفاسچ
أشعر بأسمي يخالط دمعتچ واحساسچ
يـالنـبـع درچ بـطـوله ثمـرتـه حـراســـچ
.
يالبهيه… .
أنتي روح من السمه
حبـچ بگـلـبـي ارتـمه
محلى أسمچ فاطمه .. يم البنين
.
ـــــــــــــــــ ❁ ❁ ❁ ـــــــــــــــــ
.
لسـه آثـار اعله گبـري الدمعـتـچ موجـوده
وابو فاضل لسه عنـدي اثر طبع اخـدوده
عمـره يوم وشـم تربتي الوگفته المريوده
وكل صباح اتخبّـريني كبرن ابنـي ازنوده
.
يالابيه ..
لومه دمعچ من وجد
ومـنـولد هـذا الولد
لثاري أنجـبتـي أسـد .. يم البنين
.
ـــــــــــــــــ ❁ ❁ ❁ ـــــــــــــــــ
.
مـايكـفـي مـن اوفـي الـچ ضلعـي الــدامـي
ابني عفته ودم وريده وعفت چبده الظامي
الـتـراچـي ماشـلـتـهـن مـن رمــاد اخـيـامـي
شـلـت چـفـيـن الكـفـاله التـرجـمن آلآمـي
.
بالقيامه ..
اطـلب ابـثار الگـمـر
شلت چفه من النهر
بيا ذنب زنده انبـتـر .. يم البنين
.
ـــــــــــــــــ ❁ ❁ ❁ ـــــــــــــــــ
.
غمضت عينچ واعاين طفت عين اهلالي
نبـض گلبـچ مـن تـوقـف انهـدم دلالـي
ابرحـيـلـچ يالحـنـينه بيـتي اصبح خالي
بعد يم العـتـبه ياهـو الغـربـتـي ينـعـالي
.
وآنه عندي …
ضلع مكسور وجرح
وگـبـر رايـد يتـضـح
وليل ينشد عن صبح… يم البنين
.
ـــــــــــــــــ ❁ ❁ ❁ ـــــــــــــــــ
.
الي اهدت دمها لجلي بيش اوفي ادماهه
صــرتي بضـعه انتي مني وآنه بضعة طه
الفاتحه التـقـريها لجلي اليوم الچ اقراهه
وربي يگضي حاجة الي المهجـتچ اهداها
.
هالمسيه ..
العرش بيچ احتفه
يابحــر مـن الـوفـه
يلي كلـچ عـاطـفه .. يم البنين
.


حسن الموالي الفاطمي

قصائد مهدویات الهوی

06 Jan 2023 10:44

#جديد
في #التوسل بمولاتنا باب الحوائج عزيزة الزهراء #أم_البنين عليها السلام
طور : سود الليالي
https://youtu.be/8CTTylx9UmQ
.
بروحي الحزينه .. أنخه الحنينه
يم البنين ابهالمسه نظره علينه
.
.
ولخاطر حسين البُگه .. عالغبره وابحَّر الظهر
نظره يمولاتي إلي .. گلبي وغلاتچ منكسر

يالما ترديني أبد .. بكل شده مولاتي
بس أنتخيچ ابيمنتي .. اتخليها حاجاتي

وآنه المسيه .. ابحگ الزچيه
من إيدچ الليله ردت آخذ عطيه
.
.

يم البنين وطالبچ .. حاشه تردينه أبد
بابچ يمولاتي صُبح .. باب اليحل كل الشدد

وآنه اجيتچ والطلب .. أدري تِعُرْفينه
وأدري اليدگ بابچ أبد .. حاشه تعوفينه

وآنه اعله بابچ .. أنطر جوابچ
محتاج إلچ يم البطل لنظرة جنابچ
.
.

آيالحزينه الصابره .. العُمرچ گِضه بحزن وقهر
لحسينچ اتهل دمعتچ .. گلبچ على احسين انكسر

وحگ دمعتچ يم الگمر .. هالليله حضريني
رايد حنانچ فاطمه .. بجفچ تِداويني

دلالي حاير .. يمته أبگه زاير
يم البنين وهالگلب من مده صابر
.
.
هالليله منچ حاجتي .. آخذها منچ بالعجل
ما تتركيني ابشدتي .. أدري وحگ عين البطل

ضاگت عليه ونظرتچ .. تجلي لي اهمومي
ما شايف او حگچ هنا .. ابيقظتي ونومي

آيالوفيه .. نظره إليه
وآخر قَسَم حگ الگضه بالغاضريه
___
تمت ببركات مولاتنا أم البنين عليها السلام
#فاطمة_كريم
٢٠٢٣ م

قصائد مهدویات الهوی

06 Jan 2023 08:33

فزاعية لأم البنين عليها السلام


زين العابدين ينوح
وام عباس شيعها


شيعها ويهل العين
هاي الربت الطيبين
عزيزة حيدره وحسين
تهل. للموت مدمعها

هاي عزيزة الزهره
طيبة لبن ياحره
ولحسين الدمع يجره
مصاب حسين لوعها


تجري العابد عيونه
تمنه اهله يحضرونه
والكافل على متونـه
جنازتها يطلعها


يبچي وينحب السجاد
للربت شبول احياد
للغالي فدت الاولاد
وفيه وطيب منبعها


اليوم عليها ونينه
تستاهل بواچينه
ام الضحه چفينه
دون حسين گطعها


ام الحيد المجرب
والكافل خدر زينب
ميه مارضه يشرب
گبل حسين رجعها

هوسه
ماننساها // وام الكافل ماننساها
نوگع بالشده وننخاها. وام الكافل
وبدنيا ودين برجواها وام الكافل

✍️. أم محمد علي الشيباني

قصائد مهدویات الهوی

05 Jan 2023 21:57

وبحق فقدش للأربعه
لاتنسيني وعذريني
😭😭😭😭😭😭
ياام البنين لاتنسيني
ياام البنين عذريني
انا خادمتش ياسيدتي
لاتنسيني .وعذريني
😭😭😭😭😭😭وبعدها دخل الطبيب علي وقال لازم تحليل دم من جديد جلست ابكي فقلت له خلاص نشفتو دمي خلاص ماباقي فيني دم تعبت من تحاليل الدم والفحوصات وبعدها بنص ساعه قال الطبيب لزوجي تحسنت الآن زوجتك ولله الحمد سنخرجها من غرفه العنايه الي غرفه عاديه تحت الملاحظه لأيام قليله ..ومن حظور السيده الجليله لي وحظور اهل البيت سلام الله عليهم وانا في تحسن يوما بعد يوم ولأن وصلني ان امي وجميع اهلي عقدوا بالليل سفره ام البنين من اجل نيه الشفاء وسلامتي من المرض لما زاروني اهلي قالو الحمد لله ماخيبتنا ام البنين لقد عقدنا البارح سفره لأجلها وندبناها ونخيناها في سبيل شفاءك وعودتك لبيتك وعيالك سالمه غانمه..وكانت امي ملايه قديره تدعو الله وتتوسل بااهل البيت وتتحسر على حالتي وحاله عيالي مع العلم انها خادمه حقيقيه لاتأخذ اجرا ولا مال واذا عطاها احد وأصر عليها بمبلغ او عطيه تقول لهم ادفعوه صدقه عني وعن عيالي اريد شفاعه الزهراء سلام الله عليها لااريد مالا ولا جاها في سبيل تلك الخدمه .خدمه اهل البيت وحدها تاج وفخر لي وكانت تزوروني كل يوم بالمشفى وتحظرمسباحها وتصلي على محمد وآل محمد وفي صلواتها بذلك المسباح واذا انخرط وانقطع خيطه وتناثر على الأرض فقالت اللهم صل على محمد وآل محمد الا جاء زوجي وقال الطبيب يبشرنا ان حالتها تتحسن وبعد ايام قليله ستخرج من المشفى.. وبالفعل حظروا لي اهل البيت بفضل توسل اهلي واحبتي بأام البنين من اجل نيه الشفاء .فلم تخيبهم ابدا ..كل يوم وانا في تحسن الي ان خرجت من بيتي وانا سليمه معافاه ببركات ام البنين سلام الله عليها...اللهم صل على محمد وآل محمد 😭✨✨✨✨✨✨✨✨✨✨✨✨
✍🏻نقلته لكم ..خادمه اهل البيت ام محمد البخيتان 🌹
نسألكم الدعاء احبتي 🙏🌹
غير محلل ولامبري الذمه من يحذف اسمي من مكانه 😔.

قصائد مهدویات الهوی

05 Jan 2023 20:44

فزاعية لوفاة السيدة الطاهرة ام البنين ع
°°┄┉❈❥❀❥❈┉┄°°


هوسات وعراضه اليوم
تستاهل البــــــــــــدويه

°°┄┉❈❥❀❥❈┉┄°°

خل ننصب عزه عليها
والله ما نوافيـــــــها
ام الوفه نــــــــدريها
منبع وفــــــه وحنيه

°°┄┉❈❥❀❥❈┉┄°°

وافت ويه الزهـــــره
ربت اربعه الحــــــره
فدوه بكربلا محضره
ولحسين الفدائيه

نبضي حسين


°°┄┉❈❥❀❥❈┉┄°°
ربت اربعه لحسين
الكافل واخوته الطيبين
من عدها كفو ونعمين
ولحيدر ولائيــه
✍️. يسرى الخاقاني

°°┄┉❈❥❀❥❈┉┄°°
حيف الاجل يدناها
منهم خاب رجواها
تمنت الاربعة وياها
والونــه اشتراكيه

✍️. نبضي حسين


°°┄┉❈❥❀❥❈┉┄°°

تستاهل عزانه اليوم
وعليها الگلب مالوم
ماتت والدمع مسچوم
ع المـاضاگ الميـــه

°°┄┉❈❥❀❥❈┉┄°°

نيران الگلب تسعر
لأم عباس المشكر
عزيزة فاطمه وحيدر
وإلهم صافيه النيه

°°┄┉❈❥❀❥❈┉┄°°

من عدها اطلبوا مراد
هاي الضحت الويلاد
لجل عيون ابو السجاد
باسمها الحاجه مگضيه

✍️. أم محمد علي الشيباني

تمت بحمد الله بأقلام الشاعرات

قصائد مهدویات الهوی

08 Dec 2022 17:54

*وأنت بمكانك اقرأ زيارة فاطِمة الزّهراء عليها السّلام*

اَلسَّلامُ عَلَيْكِ يا بِنْتَ رَسُولِ اللهِ ، اَلسَّلامُ عَلَيْكِ يا بِنْتَ نَبِىِّ اللهِ ، اَلسَّلامُ عَلَيْكِ يا بِنْتَ حَبيبِ اللهِ ، اَلسَّلامُ عَلَيْكِ يا بِنْتَ خَليلِ اللهِ ، اَلسَّلامُ عَلَيْكِ يا بِنْتَ صَفىِّ اللهِ ، اَلسَّلامُ عَلَيْكِ يا بِنْتَ اَمينِ اللهِ ، اَلسَّلامُ عَلَيْكِ يا بِنْتَ خَيْرِ خَلْقِ اللهِ ، اَلسَّلامُ عَلَيْكِ يا بِنْتَ اَفْضَلِ اَنْبِياءِ اللهِ وَرُسُلِهِ وَمَلائِكَتِهِ ، اَلسَّلامُ عَلَيْكِ يا بِنْتَ خَيْرِ الْبَرِّيَةِ ، اَلسَّلامُ عَلَيْكِ يا سِيِّدَةَ نِساءِ الْعالَمينَ مِنَ الاَْوَّلينَ وَالاْخِرينَ ، اَلسَّلامُ عَلَيْكِ يا زَوْجَةَ وَلِيِّ اللهِ وَخَيْرِ الْخَلْقِ بَعْدَ رَسُولِ اللهِ ، اَلسَّلامُ عَلَيْكِ يا اُمَّ الْحَسَنِ وَالْحُسَيْنِ سَيِّدَىْ شَبابِ اَهْلِ الْجَنَّةِ ، اَلسَّلامُ عَلَيْكِ اَيَّتُهَا الصِّدّيقَةُ الشَّهيدَةُ ، اَلسَّلامُ عَلَيْكِ اَيَّتُهَا الرَّضِيَّةُ الْمَرْضِيَّةُ ، اَلسـَّلامُ عـَلَيْكِ اَيَّتـُهَا الْفاضِلـَةُ الزَّكِيـَّةُ ، اَلسـَّلامُ عـَلَيْكِ اَيَّتـُهَا الْحَوْراءُ الاِْنْسِيَّة. ورحمة الله وبركاته .

قصائد مهدویات الهوی

06 Dec 2022 20:53

الزهره حَرگت بابها
مِن يَعَرف اسبابها
مشتعل لاذت وراه
خافت اعله حجابها

منهو دبر هالمكيده ومن شعل نار بحطب
ابيت وحي الله ورسوله صعد دخان ولهب
ابحث اسباب القضيه لابد تشوف العجب
بفعل فاعل أرخوها لو له مجهول السبب

لــو ابن خطابها
تجسر وماهابها
ولا رسول الله خشاه
خافت اعله حجابها

توها مذبوحه وجرحها ع الابو ينزف دمه
ولسه ما نصبت عزيته ناصبوها فاطمه
زهرة الله من عصرها ويمها حماي الحمه
ياجريمه تمر علينه منها اشد ومؤلمه

طلع حس اذيابها
وكشرت انيابها
وطاغي معروف بأذاه
خافت اعله حجابها


غُمضَت عيون الرساله ودگت اجراس الخطر
الماحفظ من ربه آيـــه طَول السانه وجســــر
رفس باب الوحي برجله وداس عالعتبه وعبر
وإن گال الزهــره بيها وخدها بيمينـه سطـــر

انقلبت اعله اعقابهـــا
لصحبه مدري شصابها
تفرعن الثاني شجاه
خافت اعله حجابها


باعت الناس الضماير لو ظهر حقد الدفين
لو حسد يوم التنصب بــي امير المؤمنين
لو طمع يهل السقفيه بسلطه بيد الظالمين
لو فدك لگمه چبيره ترس حلگ الطامعين

راح تلگه اجوابها
لو قريت كتابها
حته مصدرهم رواه
خافت اعله حجابها


شنهي اسباب الجريمه شنهي كل هذا البغض
والرسول يوصي بيها بكل صلاه وبكل فرض
فاطمــه أم النبــوه ورحمـــة الله ع الارض
شالسبب محد حشمها وعالنواصب يعترض

طاحت اعله عتابها
تصوبت بصوابها
والجرح ضايع دواه
خافت اعله حجابها


✍️. أم محمد علي الشيباني

قصائد مهدویات الهوی

01 Dec 2022 11:32

لولادة فخر المخدرات *زینب الکبری عليها السلام*
🌹💫«🌹💫«🌹💫«🌹💫«🌹💫«🌹💫
بقل هـــو الله عوذوهـــــا
وبالمـــــباخر بــــــــخروها


هالبنیه اشگـدجمیله اوصافها
يسمي بالرحمن کلمن شافها

صــلو صـــلو اجمعین
من اعیون الحاسدین

عوذوها............عوذوها
بقل هو الله عوذوها ««2»»
وبالمــــباخر بخــروها
🌹💫««««««🌹💫««««««🌹💫
شلون حلـــوه هالبنــیه بالمـهد
یشکر الله حیــدر الباری وسجد
وعلى طه یصلي لو گام وگعد

ینـــظرالبـنـته ویگول
ولدت حوریه البتول

عوذوها........ عوذوها
بقل هو الله عــوذها..........
وبالمــــباخر بخروها

ام مهدی مجدم✍🏻

🌹💫««««««🌹💫«««««««🌹💫

اتبسم الهادي ونــــاده یا علـي
خل اذن اباذنهه جیبـــوها لــي
هاي درع حسین وادموعه اتهلي

ارد اگلها بالوعــد
انتي لبن امچ سند

عوذوها ....عوذوها
بقل هو الله عوذوها
وبالمباخر بخروها

✍🏻 ام زينب الأسدي
🌹💫««««««🌹💫«««««««🌹💫
اليوم جبرائيل مستبشر حضر
حتى حور العين متعجبه الخبر
ابيت وحــي الله اتلالـي الدرر

طافت املاك وجنان
بأطهر اواقدس مكان

عوذوها..... عوذوها
بقل هوالله عوذوها......
وبالمباخر بخروها

✍🏻ام سجاد الشهيد

🌹💫««««««🌹💫«««««««🌹💫

ربي سبحانه الذي اعطاها الرسم
اية الرحمن زينـــــــــــــب الاسم
نور فاطم والابــــــو بيها انوسم

محجبه وآية كمال
والحسن ماله مثال

عوذوها... عوذوها
بقل هو الله عوذوها
وبالمباخر بخروها

✍🏻نبضي حسين
🌹💫««««««🌹💫«««««««🌹💫

عالمهد قرآن ابــوهه ايــرتله
وصلى رکعات الشکر والنافله
ورده وابيتك علــي وامدلله

من المهد شعت شمس
اليوم احلى من امس

عوذوها٠٠٠عوذوها
بقل هو الله عوذوها٠٠٠٠
وبالمباخر بخروها

✍🏻ام محمد باقر العبيد🍃

تمت باقلام شاعرات رابطة ساقي عطاشا كربلاء حقوق النشر محفوظه عند سيد الشهداء ع

قصائد مهدویات الهوی

29 Nov 2022 05:10

مولود للسيدة زينب عليها الصلاة والسلام🌼

بيت النبي بهذا اليوم شعت انوارة
املاك السما تبتشر عدها اخبارة

شعشعت منة الانوار هليوم بيت الكرار
املاك السما تبتشر عدها اخبارة


مولد زينب الكبرى، لفاطمة بيه مسرة
حيدر اجتة الدرة زينت تاج العترة
متباركين بهليوم بجيت الكبرى تزيح هموم
املاك السمة تتباشر عدهه اخبارة

جيت فرح جيتها نهني الزهرة بطلتها
هذي ام الخدر بتها متوارثة هيبتها
متهناية يا زهراء بمولد بنتج الحوراء
املاك السمة تبتشر عدها اخبارة


والدها نهني حيدر ومنهو المثلها يفخر
اشرف نسب واطهر والكون منهه ازهر
فرحان الكرار اليوم وبزينب من عندة رسوم
املاك السما تتباشر عدها اخبارة


سماها جدها طه ويا منزلة تحضاها
بتة العلي علاها ويا محلى محياها
موضع اسرار العترة زينب يا روح الزهرة
املاك السما تتباشر عدها اخبارة

نثروا الورد يموالين والياس وحنة الايدين
اجتمعوا بلمة معيدين هنوا ام الحسن وحسين
لمة فرح لمتكم ولاهل البيت جمعتكم
املاك السما تتباشر عدها اخبارة
✍️#نبضي_حسين

قصائد مهدویات الهوی

04 Mar 2023 17:45

هوسات ولاده الإمام الحجه المنتظر
عجل الله تعالئ فرجه الشريف

وزن تجليبه

💖💖💖💖💖

هالـلـيـلــه انـــولــــد يالغالي مهدينه

ونــوره اشــرق بصبحه وضوه علينه

نــطــــش الـيــاس ونـعلك اله الزينه

((فرحانه// الليله الشيعه))

*العلويه بتـــ✍️ــــول الهاشمي*

💖💖💖💖💖

فـــرحــنـــه المولد الحجه واجيناله

وزيــــنـــه ويـه الورد ويـانه جبناله

تـــهـــانـي من الصميم اليوم شلناله

((دنيانه //بقدومه امنور))

*الشاعره كريـــ✍️ــــمه البو حلوه*

💖💖💖💖💖

هــلــه ومـية هله بصيار هالموعود

الــك متحضره هالناس كلها اشهود

يــــــاســـر الالــــه وغــاية المعبود

((روينه// من منهل علمك))

*ام منــــ✍️ــــذر الحجار*

💖💖💖💖💖

صـحـره گلـوبـنه وانت غدير الماي

يامــــاي المعين وللجِـــــدَب رواي

يــــمته ايهل علينه الغيث يامولاي

((عطشه ارواحنه وانت الترويها))
((يـبو صـالح الشيعه انغر عليها ))

*ام محـ✍ــمد علي الشيباني*

💖💖💖💖💖

عطـــاشه گلوبنه وارواحنـه صحره

اضهـــر يامــامــــــي واللكسر جبره

اخـــــــذ ثار الضلع والعين ولسطره

((وخذ بثار حسين// اضهر يامولانه اضهر))

*الشاعرة ام روكـــ✍ــــــان الشمري*

💖💖💖💖💖

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️

/channel/puwdznjbgqhkbc

قصائد مهدویات الهوی

18 Jan 2023 12:32

تجليبه للإمام علي الهادي عليه السلام


تجري دموعنه وعيونه اتنادي
صعب يومك علينه يا علي الهادي

😭😭😭😭😭😭

صعب يومك علينه وحيل ماذينه
ينور الباري ليش اعداه طافينـــه
بالسم گطعوا چبـدك يهادينــــه
بوجه كل شيعي هاليوم الحزن بادي
صعب يومك علينه يا علي الهادي

😭😭😭😭😭😭

اليوم الشيعه حزنانه اعله هاديها
وسامره حزينه ونور ما بيها
صبح اظلم سماها لفگد راعيها
ويهل البيت ليش الدهر متعادي
صعب يومك علينه يا علي الهادي

😭😭😭😭😭😭

يغدار الدهر ماانصف الساده
الموت إلهم كتل ويلي صبح عاده
وعلي الهادي يشيعه اتمرد افاده
وبسمه الثگيل اليوم مترادي
صعب يومك علينه يا علي الهادي

😭😭😭😭😭😭

نارك بالگلب نارك تظل للدوم
يالگضيت عمرك صابر ومهموم
يا وسفه متت يبن الرضا مسموم
وعليك العسكري بحواله شسادي
صعب يومك علينه يا علي الهادي

😭😭😭😭😭😭

اليوم العسكري ذباها العمامه
وشيع نعش ابوه وحافيه اجدامه
حزنان ويدگ ويلي على العامه
يبويه يصيح يومك صوب افادي
صعب يومك علينه يا علي الهادي

😭😭😭😭😭😭

يبچي العسكري ويهل دموع العين
لمصايب كل هله واجداده الطيبين
وكلها تهون إلا مصيبتك يحسين
الثلث تيام ما مدفون بالـــوادي
صعب يومك علينه يا علي الهادي


✍️. أم محمد علي الشيباني

قصائد مهدویات الهوی

06 Jan 2023 10:49

▪️فزاعيه▪️
في مصاب السيده ام البنين عليها السلام

ناصب فاتحه عباس
هالليله ويون لمه
————

هالليله يون عباس
امه اتودع الانفاس
والله فاجعه ياناس
رادت تنظر لرسمه
————-

هالليله يون الحيد
عنها هالمسيه ابعيد
يمها ماصفا بالايد
ضاقت لوعته وسمّه
———
لمه النعش ماشاله
دموعه تجري هماله
ابلاجف وصعب حاله
ويلي ياكبر همه
———
اتمنى عدها هالليله
اعليها ذايب ادليله
ابلاعين وفقد حيله
رادت بس يجي تشمه
———-
اتلقاها المسيه اشلون
ابلا جف وطفت العيون
وين الولِد ماايحضرون
كلمن سابح ابدمه
——-
هالليله تون إلبنين
محزونه وتنادي حسين
عنها هالمسيه وين
ظني راحت اتلمه
————
تمت بحمد الله تعالى
بقلم:بنت الشمري

قصائد مهدویات الهوی

06 Jan 2023 10:49

⬛️◾️▪️⚫️﷽⚫️▪️◾️⬛️

بطور (أماه يا زهراء-ملا محمد الجنابي وملا عمار الكناني)

مولاتي يُم عباس * مولاتي يُم عباس


سلام الله على گلبچ ، حنينه و طيْبه موصوفه
تحبينه و متنسينه ، حنانچ يامه انشوفه
علينه خيرچ اتصبيه ، كريمه و الله معروفه
و أبوفاضل ورث جودچ ، سخيه مثلچ اچفوفه

دومچ ترفعي الراس * مولاتي يُم عباس


نحبچ و انتِ تدرينه و نحب كل مجلس ابإسمچ
نجيلچ و احنه ابلهفه ، نريد ابمعرفه انخدمچ
نون و نلطم و نبچي ، على كل فاجعه اتألمچ
نريد انواسي دلالچ ، عسانه انخفف ابهمچ

نبچي إلچ بحساس * مولاتي يُم عباس


يأم الأربعه نظره ، تراني عايش ابخيرچ
رجيتچ لا تحرميني ، صدگ ما ظل الي غيرچ
سجين آنه ابقفس حبچ ، و احسبيني مثل طيرچ
مصيري امعلگ ابيدچ ، و أتاني دومي تقديرچ

يا نبعة الأنفاس * مولاتي يُم عباس


أريد ابدمعتي اعليچ أدواي اجروح البگلبچ
بگت حسره اجي و الطم و أنوح و أبچي عالتربچ
و أريدن منچ اتعلم ، و أظل أمشي على دربچ
و اعذريني إذا امقصر ، ولكني ردت گربچ

بسمچ أظل حساس * مولاتي يُم عباس


أنه أدري بعدچ ابگبرچ ، تونين اعله بوالأكبر
تألمتي على امصابه ، و بگى هذا الألم يكبر
أنه أدري بيچ متألمه ، و بعد مشتاگه هم أكثر
و لا زرتي أبوفاضل ، دليلچ ذاب و اتمرمر

عنچ تنوب الناس * مولاتي يُم عباس
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ـــــ

.

قصائد مهدویات الهوی

06 Jan 2023 10:48

▪️بوقت المنيه▪️

في مصاب ام البنين عليها السلام
طور :يا محلى الوداع
طور تراثي




وين الاربعه هاي المسيه ووين ابن الزجيه
ماحضروني ابوقت المنيه
————-


وين الاربعه ماحضروا إقبالي جن بيه مايدرون
تفرق هالمسيه يمه احوالي وغارت مني العيون
صاحت ياغوالي حانت اجالي عني ماتنشدون

ما هزكم ونيني لو واحد يجيني عني مبعده هالغاضريه

————-
ليش الاربعه ابهالحاله عافوني ما حنوا عليه
راحوا للغرب وإلوحدي خلوني ولا ظلوا اليه
عباس واخوته ما يذكروني آ يالغاضريه

ماكفاج إلبنين خذتي مني حسين احجي عن يا بله ا ويا رزيه
—————-

تمنيت النعش همّ اليشيلونه وحسين الينزله
وعباس الحنين ايهزه بمتونه والجفن يفصله
واعزيز الزجيه يضمني بعيونه ما حسبت جتله

بساعات المنيه ردت ابن الزجيه واولادي ردت كلهم هديه

————
روحي من طفت جا وينه ناعيها يسبلهن اديه
فاتحتي ردت احسين راعيها يوقف بالعزيه
وعباس الچوادر بيده يبنيها ايهل دمعه عليه

نظراتي اعله بابي ما ردوا جوابي واعيوني تظل الهم اربيه
————-

بونيني انادي ولا يسمعوني هاي امكم جنازه
ادريكم احنان وماتعوفوني يالقلبي اعزازه
يم ابن الزجيه يمه ودوني هالليله ابعازه

ياحسرة سنيني احسين وبنيني اظل املوعه حد المنيه
—————
تمت حمد الله تعالى
بقلم: بنت الشمري

قصائد مهدویات الهوی

06 Jan 2023 10:47

🏴 *عايشه ابتابوت* 🏴

● شهادة السيدة الطاهرة أم البنين عليها السلام
● طور : فاطمه كل عام وعدة أطوار أخرى لوزن المثلث
.
.
*سيلي دم يا عين .. ماتت أم لإبنين*
*محد اوياها .. ايغمّض إلها العين*
〰〰〰〰
ابدار أم عباس چن ريحة منيه
ودقت اعله الباب ياويلي الرزيه
ابيا وضع يدنى الأجل منها المسيه
اشخلت ابأم الكفيل الغاضريه

*فارقتها الروح .. ابفرقة المذبوح*
*نور عيناها .. ايغمض إلها العين*
〰〰〰〰
اتمنت اويه الاربعه يِخْلَصْ عمرها
ولا تظل ابدنيا ما بيها قمرها
اتمنت ابدال الولي ينحز نحرها
احسين آيا حسين هَدّ إلها صبرها

*فقده عذبها .. الموت شربها*
*ابمحنه خلاها .. ايغمض إلها العين*

〰〰〰〰
دارها صارت عليها دار الأحزان
مظلمه ومخطوفه منها والله لألوان
چنها تابوت وبقى ما صح له دَفَّان
عايشه ابهل حاله ظلت بين جدران

*عايشه ابتابوت .. تنتظر للموت*
*ولله شكواها .. ايغمض إلها العين*

〰〰〰〰
امخليه ثوب احسين كل ليله تشمه
اتعلقه مره ، اتنزله ساعات وتلِمَّه
اتنادي آيا حسين يا روحي ييمه
ريت جسمي ابدالك الغبره تضمه

*عمري لو أقدر .. فدوه للخنصر*
*هاذي نجواها .. ايغمض إلها العين*

〰〰〰〰
وهالمسيه اشلون حالة أم الأطياب
إلها ويه الموت إلها جملة اعتاب
ما خذتني شالسبب من خذت الأحباب
چنت كل ليله أتاني اتدق لي الباب

*ردت وي زينب .. يالأجل تِقْرَب*
*ايلمني مثواها .. ايغمض إلها العين*

〰〰〰〰
تمت بحمد الله تعالی
✒بقلم / فاطمہ كريم
نسألكم الدعاء لتعجيل الفرج
يــــــــــا أبا عبـــــــــــــــدالله
الفاتحة مع الصلوات إلى روح والدي
.

قصائد مهدویات الهوی

06 Jan 2023 10:46

🏴 حضور الزهراء عليها السلام في شهادة أم البنين عليها السلام 🏴
#جديـــــــــــد

● وزن : التجليبه
.
.
بالميدان گوموا استقبلوا الزهره
حضرت تنصب الليله عزا الحره

يم راس الوفيه تسچب الدمعه
حضرت وابكسرها تنحب البضعه
عاللي ناعِيَه إعله احسينها تنعه
هاي الگضَّت اعليه العمر حسره

اتون أم الحسن هالليله لأم عباس
وابثوب العزيه تلطم اعله الراس
هاي اللي نِطتني اتگول ابو النوماس
وانطتني وِلِد ناموا على الغبره

گوموا استقبلوا الزهره بعزيتكم
واعله أم البنين اجروها عبرتكم
واعليها المسه عَلُّوها ونتكم
وواسوها أم حسن بالنوح والعبره

اتگول اعليها گلبي ذايب وخلصان
اويه احسيني ابنها ويلي ظل عطشان
ما ذاگ العذب گبله گمر عدنان
طاح اعله النهر وابهامته الطبره

وهالليله وحيده ويلي اعليها
ما انساها والله واگصدت ليها
بيدي غَمَّضتها وايدي بإيديها
واعليها دليلي الفاتحه يقره

عينوني عليها الليله بالونه
وهنياله الذي للماتم اتعنه
والله بدفتري اسمه اسجلنه
وأم الأربعه توگفله بالعسره
_____
تمت بحمد الله تعالى
بقلم : فاطمة كريم
يناير ٢٠٢١ م
نسألكم الدعاء لتعجيل الفرج
يــــــــــا أبا عبـــــــــــــــدالله
الفاتحة مع الصلوات إلى روح والدي

قصائد مهدویات الهوی

06 Jan 2023 10:39

هوسه لأم البنين عليها السلام


كرامه الباري انطاها . وشان شعظمه وشكبره
وجيهه بحب ابو السجاد . وحب حسين شنهو اجره
ابنها الباب للمظلوم . وهي الباب للزهره

( الربت كافل زينب // گلي شلون انوافيها )


عباس امك .. ماننساها
للموت انون احنه وياها
ع الظلت محد وياها
والكافل راح وخلاها


✍️. أم محمد علي الشيباني

قصائد مهدویات الهوی

06 Jan 2023 05:28

هوسات لوفاة مولاتنا ام البنين ع
تعزية للامام الحجة عج
،،،،،،،،،،،،،،،،،،،،،،،،،،،،،،،،،،

يبو صالح عزانه اليوم
لم عباس يا مهيوب
الله يساعــــدك مولاي
تصبر والصبر جم دوب
عاشت بالقهر مولاي
ونت والگلب منكوب

//نعزيك عليها مولانه//

°°┄┉❈❥❀❥❈┉┄°°

جينه انعزي يا مولاي
وبدمعات سجابه
بالطاهره ام عباس
الكلها وفه وهيابه
ضحت اربعه وتكول
آ يحسين ومصابه

//ومصاب حسين الماذيها//

°°┄┉❈❥❀❥❈┉┄°°

عون وجعفر وعبــــاس
وعبد الله فدت الاخيار
ما مش بالخلك منــــــها
شاع الوفه عنها اخبار
رضعتهم وفه واخلاص
وشيمة حيدر الكرار
//وافت للزهره المظلومه//

°°┄┉❈❥❀❥❈┉┄°°

رادتهم لعد المــوت
ليها الوالده يشيعون
بحسره تعالج واهات
تمنت ليها ايحضرون
مصيبتهم تشيب الراس
وليها هدلت المتون
//للموت وياهه ونتها //

°°┄┉❈❥❀❥❈┉┄°°

بكل دار العزه منصوب
وانت حاضر ويانه
يبو صالح الك عازات
الشيعه عليك لهفانه
بجاه ام البنين اليوم
عجل الفرج مولانه

//ضاگت يلمهدي اعلينه //

🖊نبضي حسين

°°┄┉❈❥❀❥❈┉┄°°

بأم عباس هذا اليوم . نعزي المنتظر جينه
ندريها عزيزه اعليه . أم الضحه چفينه
وحتما گبرچ اتعناه . يزوره اليوم مهدينه

( المهدي تعنه لگبرچ // حته يوافيچ ام عباس )

✍️. أم محمد علي الشيباني

°°┄┉❈❥❀❥❈┉┄°°


تعنه لگبرچ يوافيچ . يا نبع الوفه والطيب
مثل امچ چذب نسوان. ومثلچ لا ابد متجيب
يا باب الله للحاجات . واليگصدها لا ميخيب

( مجرب والله مجرب // بابچ خلاه للكلفات )

✍️. أم محمد علي الشيباني

قصائد مهدویات الهوی

05 Jan 2023 21:57

معجزه وكرامه لأم البنين في شفاء المرضى وتحقيق المراد
🏴🏴🏴🏴🏴🏴
🚩🚩🚩🚩🚩🚩
😭😭😭😭😭😭


انقل لكم القصة الواقعيه حدثت لي عندما انتقلت الي بيت ايجار شركه اوقفني زوجي عند البيت وقال تفضلي هذا بيتك مؤقت الي ان يرزقنا الله ببيت التمليك عندها نزلت لم اصدق ماارى بيت بمنتهى الجمال والترتيب وكان جديدا لم اصدق مارأته عيناي بيت في الدنيا ويعمل لي كذا كيف ببيت او قصر في الجنه نزلت انا وعيالي واعجبني البيت قمت انا وخادمتي بترتيب المنزل ونقل العفش من البيت القديم وتم التريب وكلي امل ان انتهي من ترتيب المنزل في غضون ثلاثه ايام..بعدها زارتني اختي وبعض صديقاتي قلن ماشاء الله البيت جميل ومنسق وبعدها باأيام نزلنا الي الاحساء الحبيبه شعرت بحراره شديده وجسمي لايقوى على الحراك وكحه شديده جدا لا تهدئ ابدا ..اصطحبني زوجي اللي الطبيب واعطاني ابره لتنزيل الحراره ومضادات حيويه ولكن دون جدوى ..رجعت لهم اليوم الثاني والثالث دون فائده ..الحراره تزيد يوما بعد يوم والكحه تزداد لدرجه انني اكح دما من عظم وقوه الكحه الشديده خفت.. قلت في نفسي ربما مرض السرطان اعاذنا الله واياكم وعندي من الأطفال بنتان واربعه اولاد كيف اتركهم واموت من لهم ..عندها مسكني الطبيب وقال حالتها صعبه لابد ان تنوم اشك ان عندها انفلونزا الخنازير وتم حجزي في غرفه الحجز واجراء اللازم واعطوني مضادات قويه تعبت كثيرا من الأدويه عندها قالت لي خالتي كانت مؤمنه وملتزمه ومتعلقه بأهل البيت ..ياابنه اختي عليك بالاستغفار والصلاه على محمد وال محمد كل مره اكثري من الصلاه على محمد وال محمد واستغفري الله وأذكري اهل البيت سلام الله عليهم فكم قاسو من مصاعب واهوال في سبيل نصره الحق ..بالفعل قالو الأطباء انني سأموت ولا أمل لي في الشفاء لانني اعاني من التهاب حاد بالرئه لدرجه النزيف دم من الفم عند الكحه الشديده واعطوني مضادات قويه يضعونها لي في الوريد مع المغذي ..لدرجه ان يدي انتفخت من قوه المضادات .. وكنت ابكي من الألم ..واصرخ وزوجي المسكين يبكي على حالي ام لاولاده وعشره عمر معي ..كيف اتركهم وارحل من هذه الدنيا الفانيه ..ولكن الله الهمني الصبر والتوسل والدعاء لله بحقهم وانا ابكي على فراش المرض وامي واختي وزوجي وكل اهلي يبكون على حالي ..كنت اصرخ من شده المضادات وانظر الي يدي المنتفخه وجأت الممرضه وأعطتني كماده من الثلج البارد كانت شفافه الكماده وزرقاء كنت اقول ياالهي وربي هل انا مقصره في عباداتي تجاهك هل انا مقصره في حق الناس وحق اهلي هل انا ظلمت احد ..هل علي ذنوب لكي يحصل لي ماحصل ..كنت استغفر واكثر من الصلوات وانخى اهل البيت جميعا وراودتني الأفكار ان اندب تلك المرأه الجليله ام البنين وبالفعل ندبتها قائله ياام البنين دخيل الله ودخيلش سيدتي انتي ام الأربعه وانا مثلك ام لأربعه اولاد وبنتان ربي يحفظهم ويصلحهم لا أريد ان اترك اولادي يتامى..انا لااتحسر على نفسي!! انما اتحسر على اولادي وبناتي .. لن تأتي لهم ام حنون مثلك تحن عليهم كما حنيتي على اولاد علي وفاطم ..انقذيني واحضريني وامسحي علي بالشفاء فقد ضاق الألم بي ذرعا وعصرني عصرا وذبلت عروقي واغصاني ونقص وزني كثيرا من شده المرض وبينما انا كذلك اتوسل واتوسل بأم البنين اذا ارى نفسي بين النائمه والمستيقظه واذا بي ارى جميع الأئمه حضروني جميعا ومن بينهم النبي محمد والأمام علي وزين العابدين السجاد والأمام الحسين ومن بينهم امرأه جميله يشع النور من وجهها لا بالطويله ولا بالقصيره لابسه لباس بدوي وعليها قلاده طويله جميله من الفضه ومعصبه الراس لابسه حلي من الفضه على رأسها كانت الحلي جميله للغايه وتبرق الفضه من جمالها كل هذه الصور رأيتها على كماده الثلج التي وضعت على يدي من اجل تخفيف الم ابر المغذيات والمضادات بعدها جلست ابكي وانادي ياام البنين يازهراء احضريني انغذوني مما انا فيه وارى اهل البيت وطيوفهم النورانيه وانا اسلم ويسلمون علي ..وانا ابكي كنت اردد قصيده ظهرت على لساني من عظيم المرض والأبتلاء ..
القصيده هي ..في حق ام البنين وطلب السماح منها في التقصير الذي بدر مني في حق ربي وحقها ..
😭😭😭😭😭😭
ياام البنين لاتنسيني
ياام البنين عذريني
انا خادمتش ياسيدتي
لاتنسيني ..لاتنسيني
😭😭😭😭😭😭
اريد تبرين هالعله
وهالمرض صرت امله
وصرت ابچي من الألم
بحق حسين اللي انظلم
لاتنسيني وعذريني
😭😭😭😭😭😭
وبحق سيدي العباس
وهمي كله ينزاح
وبحق فقدش للاربعه لاتنسيني وعذريني
😭😭😭😭😭😭
وبحق حسين ولدش
وانا تحت امرش

قصائد مهدویات الهوی

08 Dec 2022 18:27

زينب عليها السلام تخاطب اخيها محمد ابن الحنفيه عند رجوعها الى المدينه


يمحمد من الشام جيتك سبيه
وعفت اخوتك نيام بالغاضريه

جيت اعثر ابممشاي ظهري حنيته
وشحچيلك اعله الصار والشاهديته
منين ابدي حچيي وياك لو سوليفيته
من طيحت العباس لو ذبـح اخيــه


لو ابدي حچيي وياك من ودعوني
وگالولي الله وياچ واستخلفوني
بعيله وحرم واطفال من كلفـــوني
فلت يخويه اوياچ وانتــي الوصيه


يمحمد الوليان عافوني كلهم
فوك الهظم ذبوه عليه حملهم
بلايه دفن عالگاع رحت وعفتهم
دمعي يصب بسكوت مچتوفه اديه



ودرب اليسر هالنوب خويه گطعته
ومرافــگ الشمات گـــوه حملتـــه
يمحمد الذبـــاح توجــع خزرتـــه
لــــو صـد عليه وصاح ياخارجيـه



ويا طبتي للشام اعظم مصيبه
اختك وسط ديوان هاي العجيبه
ينشد عليه ايزيد من هل غريبه
گالوله اخت عباس بت الزچيه


آه يا مرار الشام واهله وعذابه
معيده وتدگ طبول واحنه بخرابه
ويمي اليتامه تصيح وينك ييابه
وفوگ الطشت عالراس ماتت رقيه


✍️. أم محمد علي الشيباني

قصائد مهدویات الهوی

08 Dec 2022 17:52

https://youtu.be/KoGnNuoMUvw

📍صلى الله عليكِ فاطمة
📍السيد احمد الموسوي
📍الشاعر جابر ابو فراس



يا قرآني
أنتِ من بحقّها باهى
ربُّ العرشِ حين جلّاها
من ذات الجلال صفاها

يا قرآني
أنتِ من بحقّها باهى
ربُّ العرشِ حين جلّاها
من ذات الجلال صفاها

الله أكبر طُهرًا وجلال
الله أكبر نورًا وكمال
الله أكبر سرٌّ أزَلي
فاطمُ من ذاتِ الله مثال

يا ربّاه ارحمني بفاطمة
يا ربّاه اجمعني بفاطمة
يا ربّاه اغفر لي بفاطمة
يا ربّاه اقبلني بفاطمة

صلّى الله عليكِ فاطمة
صلّى الله عليكِ فاطمة
صلّى الله عليكِ فاطمة
صلّى الله عليكِ فاطمة

صلّى الله عليكِ فاطمة
صلّى الله عليكِ فاطمة
صلّى الله عليكِ فاطمة
صلّى الله عليكِ فاطمة

قد أرضاني
ربّي عندَ خلقِ أنفاسي
في خِدام سادةِ الناسِ
بالزهراء رافعًا راسي

قد أرضاني
ربّي عندَ خلقِ أنفاسي
في خِدام سادةِ الناسِ
بالزهراء رافعًا راسي

الحمدللهِ قد شرّفَنا
الحمدللهِ قد أكرمَنا
الحمدللهِ ربُّ النِّعمِ
للزهراءِ خدامًا أسعَدَنا

ما خابَ من والاكِ فاطمة
ما خاب من ناداكِ فاطمة
ما خاب من أرضاكِ فاطمة
ما خاب من والاكِ فاطمة

صلّى الله عليكِ فاطمة
صلّى الله عليكِ فاطمة
صلّى الله عليكِ فاطمة
صلّى الله عليكِ فاطمة

صلّى الله عليكِ فاطمة
صلّى الله عليكِ فاطمة
صلّى الله عليكِ فاطمة
صلّى الله عليكِ فاطمة



الشاعر جابر ابو فراس

قصائد مهدویات الهوی

04 Dec 2022 21:30

سيف الغدر مرتين
صوب عروة الدين
مره براس حيـــدر
و چــم طبره بالحسين


هاذي اول طبره صابت الاميــــن ابهامته
وهِدمت اركان الهدايه والملائــــك ندبته
حسين مو بس طبره وحده ١٢ طبره برگبته
بيها حز الشمر نحره العرش هزه بذبحته


صيحوا الله واكبر
لمرادي صاب حيدر
اوسفه ابن الضبابي
حز لحسين منحـــر


بمسجد الكوفه المعظم دمه سال المرتضى
بصوته كبر جبرائيل وهز اراضين وفضا
حسين دمه يفور باقي بكربله ليوم القضا
وعگبه صاحوا فرهدوهم گوض العز ومضى

علي وحده طبرته
من الهامـه لجبهتـه
حسين من الگفه ليش
گطعولـــه رگبته



سيفه مسموم المرادي وسمه بالمولى سره
ومنه أيسهم طبيبه وجرحه ما طاب وبره
حسين مسموم المثلث صاب چبده اوذره
جروحه الف وتسعمية شحاله من نتصوره

وما تنعد الجروح
دمه بكربله يفــــوح
ظل ابلا دفن ليش
بحر الشمس مطروح



وصه حيدر باليتامه وبالفقير وبالدخيـل
اوصه اولاده ابناته وزينب ابخت الكفيل
وكل بني هاشم جمعهم يوصي ناوي عله الرحيل
بس ابو اليمه بوداعه يوصي بالصبر الجميل

وصه اخته العقيله
باطفاله وعليلــه
صيري يخت عباس
من بعدي الكفيلـه



شگد مواقف سجلنه احسب وعد يا الزمن
ايتام حيدر مو عطاشى بطوسهم جابوا لبن
وعلي ماعنده يتيمه بجمره رجليها انچون
علي ما حرگوا خيامه ولا حريمه اتسلبن

سبي ما مر عليهن
ومحد عال بيهن
لچن من طاح الحسين
حرگوها لعبيهن



ماجت الكوفه بهلها من گضه خير العمل
ونعشه شالوه الملائك بس إله هذا حصل
وهالوا عليه التــرايب بحفرتــه لمن نــــزل
حسين ظل مرمي ابمچانه مگطع اشلاء اوصل

مگطع وذر خــــلوه
بعشر خيول داسوه
عياله للسبي تروح
ما مدفون عافوه


✍️. أم محمد علي الشيباني

قصائد مهدویات الهوی

30 Nov 2022 04:50

السَـلام عَلـىٰ زَينب الحَوراء 🌿✨.

قصائد مهدویات الهوی

27 Nov 2022 05:57

لسان حال الشاعر يصف حال موالينا الإمامين الحسن والحسين عليهما السلام وهم يسئلون اسماء عن امهم فاطمه عليها السلام
..........

يااسماء اسألچ وين فاطم
بس لا ماتت بعصرة الظالم
*واويلي.. واويلاه* ٢

.......
يبو محمد يخوي امشي لأبونه
خلي نخبره بأمي افجعونه
نگله راحت السلوه الحنونه

چن سيف اليتم وياي حازم
بس لا ماتت بعصرة الظالم

✍🏻خادمة_الحجة
🕳️🕳️🕳️🕳️🕳️

چن سيف اليتم خويه ثلمنه
فرهد يالاخو الخيمه التلمنه
صبحنه يتامى بموتة امنه

بس الله بمصاب الروح عالم
بس لا ماتت بعصرة الظالم

✍🏻ام زين العابدين الغزي

🕳️🕳️🕳️🕳️🕳️
چن خويه صفينه احنا يتامه
يابن امي الحزن بين علامه
بينه هالوكت يرمي بسهامه

وماخله كتر بالروح سالم
بس لا ماتت بعصرة الظالم

✍🏻ام زين العابدين المحمداويه
🕳️🕳️🕳️🕳️🕳️
لا صوت الذكر لا نسمع ايات
وقرآن الوحي بهمومه يبات
لا تسبيح من بت النجـيبات
ووداع الحنينه اليوم لازم
بس لا ماتت بعصرة الظالم
✍🏻نبضي حسين
🕳️🕳️🕳️🕳️🕳️
حسافه يا علي يابو الحميه
يغمد السيف مأمور بوصيه
ويصبر عالجره ويه الزجيه
رغم عظم المصاب وجرح يألم
بس لا ماتت بعصرة الظالم
✍🏻ام رحمه
🕳️🕳️🕳️🕳️🕳️
رغم عظم المصاب وجرح الايام
يصبر عالجره من اجل الاسلام
مرتدين اجوله و ناس ظلام
هجمو عالوديعه بأمر حاسم
بس لا ماتت بعصرة الظالم

✍🏻خادمة_الحجة

تمت بعون الله تعالى بأقلام شاعرات رابطة ساقي عطاشى كربلاء (( عليه السلام))