Telegram-канал mahdawyaat_alhaawaa - قصائد مهدویات الهوی: Unsorted

قصائد مهدویات الهوی

27 Apr 2023 18:05

لحن "لا تبچين" للمُلّا باسم الكربلائي

--------------------------

يَمتَه تعودْ يـالحامِل نسَبْهُم
تُوفي لِوْعودْ وِتْذَهّب قِبََبهُم
مِن ثَرى أرضِ الغراقِدْ
مَسجِدِ بْـأربعْ مراقِدْ
يَمته تْعودْ..

------------ 1 ------------

لِلحَسَن تبچي الشّعايِرْ
ماكُو لَطمِ وْماكو زايِرْ
حالَه يِنضامْ

تدري يا مهدي بْألمْنا
مِن نِجِيلَه بْلا عَلَمْنا
جَيَّةَ ايْتامْ

نِـقرا بِالـمَخفي الزّيارة
مِن خَلِف سورِ العَمارَة
هيچِ لَـ احْكامْ

يَمته يَالْغايِبْ تِشَيْعَه
بِالدّعا تْجَدِّدلَه بَيْعَه
بَدْلِ لِـسْهامْ

نِشعِلِ هْمومْ بِـ شْموعِ الحَوايِجْ
وِاحْنا بِالشّوق بَحرِ بْدَمعَه هايِجْ

يا وَكِت مولانا رايِدْ
تظهَرِ وْتِمحي الشّدايِدْ
يمته تْعودْ..

------------ 2 ------------

ما تِشوفِ وْلادُ امَيّه
مِن هِنِدْ اِخذَوْ سَجِيّه
أكلِ الاكبادْ

ذولَ اهِلْ خِسّه وْرِزيّه
مِنْعَوِ الشّيعة العَزِيّه
أهلِ الاحْقادْ

يِتعبِ شْلونِ وْيِمايِلْ
ولْـفُراتِ بْحَلگه شايِلْ
زينِ لِـعْبادِ

گُبِّتَه تْحَمِّلها رايَه
وْتِجْرِلَه بْحايِرها مايَه
تِطفي لِـرْمادْ

عنَّه تْشيلْ آثارِ النّواصبْ
حتّى تِلگاهْ مِنْ أهلِ المناصِبْ

أُمنية نطلبها وايِدْ
تِرجعِ الْنا هالعَوايِدْ
يَمته تْعودْ..

------------ 3 ------------

تحتَه كَنزِ مْنِ الجَواهِرْ
وِانْتَ بِعْلومَه تِجاهِرْ
بِالفَخَرْ حاسْ

لٰكِنَ اعْلَمْ بِـالْـ يِألْمَكْ
غُربَه ذيچ لْـ بيها عَمَّكْ
بينِ الَانْجاسْ

بـاقِرِ عْلومِ الأوائلْ
يِندِفِنْ بَارْضِ المَجاهِلْ
ماكو مِقياسْ

اِبقُرِ الحكمِ الحِجازي
بِالدِّمه تقضي وْتِجازي
ظُلمه لِلنّاسْ

اُنظُرْ حالْ هالشّيعه وْأساها
ماكو مَوعودْ غيرِ انْتَه رَجاها

بِالعَجَلْ بَاللهْ يا قائدْ
اِظهَرِ وْثَبْتِ الْعقائِدْ
يمته تْعودْ..

------------ 4 ------------

نِنتِسِبله بـالهويّه
لَاجْله گالَوْ جعفريّه
فخرِ الَانْسابْ

صادِقِ العِتره بْجَلالَه
تِـأسِرَه زُمرةْ عَمالَه
تِخدِمِ اجْنابْ

يا عُظُم هٰذي الفجيعَه
يَـمته نِتطَّوَّف بَـقيعَه
رِدَّ لِـجْوابْ

بِالفَرَجْ بَاللهْ اعْتِنيلَه
وِ احْنا مِن خَلفَكْ نِجِيلَه
نْقَبِّلِ اعْتابْ

نوصَل الْبابْ وِنْدَوْرِ الْعَمامَه
أمِّ لِـبْنينْ نِـلـگاها الْعلامَه

بِـالبَتولُ امِّ الفَراقِدْ
تكتِمِلْ سِتَّةْ مَراقِدْ
يَمته تْعودْ..

#الشاعرة فاطمة أبو ريّا

اللحن في هذا الرابط

https://youtu.be/9qDJaF_C6lI