قصائد مهدویات الهوی

26 Jul 2023 16:05

*((القصيدة من ديوان📚 مسير الفواطم لإرض المظالم جزء٢))*
*قصيده للقاسم عليه السلام(يبني جسام)*
❥━──➸➽❥❂❥━──➸➽❥❂
     شلون اودعك للحرب
     يمه  يا  بعد  الگلب
يبني جسام      يبني جسام
❥━──➸➽❥❂❥━──➸➽❥❂
يمه يا بعد الگلب يا گرة العين
عليك حاربني زماني ودهري والبين
شلون بيه لو رحت انطي الوجه وين
وين اروح ليا مكان ... عگبك اذاني الزمان
يبني جسام       يبني جسام
❥━──➸➽❥❂❥━──➸➽❥❂
عگبك اذاني زماني ودهري ذبني
والله يخنگني النفس لو صحت يبني
عليك اون ويفت حته الصخر وني
ليلي ونهاري اون ... روحي غاطيهه الحزن
يبني جسام      يبني جسام
❥━──➸➽❥❂❥━──➸➽❥❂
عليك انوحن يالولد صبح ومسيه
ردت ازفك للعرس بثنين اديه
تالي ازفك بالچفن للغاضريه
وعرسك دموم ودمع    بيك دلالي انفجع
يبني جسام       يبني جسام
❥━──➸➽❥❂❥━──➸➽❥❂
عرسك آهات ومناحه وحزن ودموع
وبيك عمك يالولد دلاله مفجوع
وبدمع عيني يغالي طفت الشموع
طفت يمه شمعتك ... صار عرسك موتتك
يبني جسام    يبني جسام
❥━──➸➽❥❂❥━──➸➽❥❂
الموت يبني والعرس صارن سويه
انتحب واعليك اون ونه شجيه
ليش حاچيني اگطعت هالگطعه بيه
راح حيلي من رحت … يالولد يبني صحت
يبني جسام            يبني جسام
❥━──➸➽❥❂❥━──➸➽❥❂
*بقلم ✍🏻خادمة اهل البيت*
*الشاعرة العلوية مريم النور نسألكم الدعاء الفاتحه الى روح اختي ولإمواتكم:*

قصائد مهدویات الهوی

26 Jul 2023 16:05

#محرم1441هـ #2019م
★•• جلوة بحق القاسم "ع" ••★
// وزن المجرشه //
◾️طلب الأعضاء◾️

طفو الشمع مات الولد..عينوني ياعماته
عرسه صَبح مأتم عزا..وانظر بقت حناته
……………………………………....

طفو الشمع واحيو العزا..وبحسرة نوحو لجاسم
متحني من فيض الدما..عالغبرة أبني نايم
حضرن يعماته بعجل..واستقبلن هالوادم
أرد اگعد اگباله وانوح..واشتم عطر وجناته
✾✾...............✾✾...............✾✾

راح الولد راح الولد..فگده سَعَر دلالي
هدم الحيل بطيحته..وعالوجن دمعي هالي
دنيتي صارت مُظلمة..والناس تنظر حالي
من ايدي رايح هالبدر..طفو لهب شمعاته
✾✾...............✾✾...............✾✾

هالزفة ما تمت وسَف..صار العرس بدمومه
عريس راح وللحرب..سكنة بقت مهضومه
جاسم بعد ما رد ألي..وروحي عليه مهمومه
ياريت يمّه انة احضرت..چا خففت وناته
✾✾...............✾✾...............✾✾

حوفَتَّه ظلت موحشة..بس الحزن غاطيها
تزهي بوجوده لو دخل..وبنوره اليضويها
لچن وسف منه انگطع..خيط الأمل تاليها
لا تم عرس لا تم فرح..راح وتشب جمراته
✾✾...............✾✾...............✾✾

ماتطفى نيران الشباب..من فگده روحي تعاني
تمنيته يرجع لي الولد..وگلبي لرجعته يتاني
ألمن الحنة انة اعجنت..راح وبعد ما جاني
يا ناس عينوني بدمع..بـ ابني الگضت دنياته

تــمــت بــعــون اللـہ
29/8/2019
✍🏻#ولائـية_وافتـخر (دعاء العـامـري)
❌لاإجيــز حــذف الأســم❌
✾✾...............✾✾...............✾✾
/channel/DoaaAIamry11

قصائد مهدویات الهوی

26 Jul 2023 16:05

نزلة


نزلة .... في رثاء القاسم بن الحسن عليه السلام


حنه وشمع بيدي يالفرحتك عيدي
ياجسام ياجسام


يوليدي يانبض الگلب ماينبض بدونك
ماتبصر عيوني الدرب لو ماضوه عيونك
آية بجمالك واحترس من اليحسدونك
يوسف نبي الله انذهل وتسمه مجنونك
يوليدي ياجاسم. بيك الگلب هايم
ياجسام. ياجسام


بس انت إليه بدنيتي يوليدي يالغالي
اذكر ابوك المجتبه من توگف اگبالي
عرسك ييمه وزفتك مافارگت بالي
ياجاسم وماحسّبت تتخيّب آمالي
يالفاركت عمرك. عطر الورد عطرك
ياجسام. ياجسام


شمعة شبابك تنطفي ما حسبت يبني
يالعمرك بعمر الورد مو وكتك تذبني
شوفك يرد بيه النفس هجرك يعذبني
أمك يجاسم والهجر صدگ يشيبني
لا تبتعد عني. ماينكطع وني
ياجسام. ياجسام


يالوارث أوصاف الحسن بيك الحسن شفته
بعدك شباب موادعك يايمه مو وكته
جرح الحسن يبن الحسن بكليبي هيّجته
تجرح گلب أمك تره يالغالي لو عفته
ماأگدر اتحمّل. بُعدك ولا أقبل
ياجسام. ياجسام


ومنين اجتني كربله يايمه حاچيني
تودعني رايد للحرب عدمن تخلّيني
ساعه ويذبحوك العده ياشمعة سنيني
شلون اصبر وهجع بعد لو شافتك عيني
متوذّر اگبالي. بيك انفجع تالي
ياجسام. ياجسام


ماحسّبت يبن الحسن تتحنّه من دمك
يتكطع بدال العرس فوك الثره جسمك
يوليدي كلّي شفكّرت يبن الحسن بمّك
ياجاسم وفكدك صعب ماينحمل همك
ماأحمل غيابك. تفجعني بمصابك
ياجسام. ياجسام

خادم القاسم بن الحسن المجتبى عليه السلام
سيد زید الفحام

قصائد مهدویات الهوی

14 Jul 2023 19:53

لسان حال مولاتنا زينب تشكي حالها لاخيها الحسين عليه السلام

لو تدري يحسين ... زينب مشت وين
للشام راحت بت علي .. طبت دواوين


اتفصل عليَّ ثوب الحزن وآني لبسته
وسلواي يبن امي الصبر وانه كفلته
ماكدر يلويني الهضم بصبري كسرته
دين الله جان اهوَ العلم بيدي رفعته

بس فركت حسين .. بس فركت حسين
وحدي هضيمه ابلا ولي . طبت دواوين

✍ أم فرقان

🏴🏴🏴🏴🏴🏴🏴🏴

والله هضيمه طبتي لديوان اميه
ويترنم بصوته. عليه ابن الدعيه
وسهام شامت صدت عيونه عليه
وآنه الجليله الطاهره وامي الزجيه

ست النساوين.... ست النساوين
ما تدري بيه ياهلي . طبت دواوين

✍ أم محمد علي الشيباني

🏴🏴🏴🏴🏴🏴🏴🏴


يا هظمتي ويا حسرتي فاركته وجهك
وشلون اكضيه العمر ابلايه ضِلــــــــلك
انه العزيزه اتيسرت يحسين بعـــــــدك
كل العجب خويه لجره يحسين لخــتك

دولبني البين.... دولبني البين
زينب يسيره وتنولي.. طبت دواوين


نبضي حسين

🏴🏴🏴🏴🏴🏴🏴🏴

ترضه يخويه بلا اخو زينب تخلها
وتروح بعدك لليسر وينه الكفلها
صعبه يخويه عله الاخت دمعه تهلها
ولو مرت بضيج الاخت لخوه املها

واندارت العين... واندارت العين
للگلي خويه ادللي... طبت دوواوين

نبضي حسين

🏴🏴🏴🏴🏴🏴🏴🏴

دارت عيوني للكفل ..راعي المحنه

مايدري بالديوان ابن هنده شتمنه

ماعدنه والي بس عليل اهنا يهلنه

مجتوفه ايده لركبته وهذا الهضمنه

يجهر بالونين .. يجهر بالونين
لحاله نون ولحالِتي يجهر يالونين

✍ أم محمد علي الشيباني

🏴🏴🏴🏴🏴🏴🏴🏴

تمت باقلام شاعرات مهدويات الهوى
الموافق : ٢٥ ذو الحجه ١٤٤٤ هجريه

قصائد مهدویات الهوی

07 Jul 2023 20:57

مولود لعيد الله الاكبر عيد الغدير
✨✨✨✨✨✨✨✨✨✨✨✨✨

احلى ايام العمر ... يوم بالدنيا يمر
بي نبايع حيدره ... عيد للشيعه ونصر

✨✨✨✨✨✨✨✨✨✨✨✨


الغدير اليوم . عيد الله تره

بيه يتنصب اميري حيدره

واليبايع فاز ... دنيا وآخره

والمعاند خل يراجع مصدره

يلكه مذكور وصحيح
بالبخاري نص صريح

للنبي بحجة الوداع .. الباري أعلن هالأمر

✨✨✨✨✨✨✨✨✨✨✨


لا تعاند علي اول مو اخير

لاتعاند علي .. للهادي وزير

رفع ايده بذاكه الحر الهجير

ونادى مولاكم علي وآنه نذير

جم روايه وجم سند
تريد ..... اجيبلك بعد

لكن تظل بعنادك. غسل لفك والكبر


*أم محــــ✍ـــــمد علي الشيباني*

💫☀️💫☀️💫☀️


علي اول غصبا اعللحاقدين

والرساله اتكملت يامسلمين

بيوم تنصيبه لامير المؤمنين

نزلت الايه بعلي اتكمل الدين

هذاعيد الله الجبير
علي اول مو اخير

تحب لوما تحب تالي يصير مأواكم سقر

*ام منــــ✍ـــــذر الحجار*

💫☀️💫☀️💫☀️

العمر كله نبايعك . يابا الحسن

ما نعوفك مهما .. راونه الزمن

نريد منك صك نطب جنة عدن

خل يموت الناصبي بغيضه وجفن

باجر يعيش .. الألم
يعض اصابعيه ندم

والف هنياله اليحبك ياعلي بيوم الحشر

*أم محـــــ✍ـــــمد علي الشيباني*

☀️💫☀️💫☀️💫


حق صراط المستقيم انتابعه

يوم تعيين الامير انشايعه

اصل هذا الدين كلنه انبايعه

علي هوه الدين اصله ومنبعه

وبالغدير الخاتمه
انختم بعنان السمه

هذا مرسوم القياده اتوقع من الله صدر

*ام منــــ✍ـــــــذر الحجار*

💫☀️💫☀️💫☀️💫

تمت بعون الله باقلام شاعرات اهل البيت عليهم السلام

ام محمد الشيباني ✍✍

ام منذر الحجار ✍✍

https://t.me/joinchat/AAAAAD7aFAI0xCJPp8wm2Q

قصائد مهدویات الهوی

04 Jul 2023 02:09

من اهم الدروس

و الي هواي انطبت مني اقدمها

و الحمدلله توفقت اكتبها و اسجلها

لجميع خطباء المنبريون من نساء و رجال

و نحمدلله علي هذا النعمة و الخدامة .

❇️ #الدرس_الخامس_كيف_نكتب_محاضرة_شاملة_و_كاملة_للمجلس_الحسيني

👇👇👇👇الرابط
قناتي باليوتيوب 👇👇👇👇


https://youtu.be/sSM_tUowlMg


#خادمة_المنبر_الحسيني_الأستاذة_ام_كوثر

#انشروا_تؤجروا


/channel/academy_mahhdawyat_allhawa

قصائد مهدویات الهوی

20 Jun 2023 23:07

لخوة العباس عليه السلام


الخوه اعله النهر تبجي اعله راعيها
راح وجفه ظل يكتب معانيها

====================


الخوه اعله النهر عباس اسسها

وبكل المعاني ... اليوم درسها

بجفه فصل الها... ثياب لبسها

مو كل اليجي الخوه وحجه بيها

=====================

يحلوه خوته .... ومن غير منيه

ضحه بكلشي عنده ويحسب شويه

يشيل الراس من .. ينجاب طاريه

يعين الله العقيله ... بفكد واليها

=====================

الخوه بهل الوكت راحت فكدناهه

ويجلمة عمت ابني ضيعيناهه

الهله بجيتج يخويه ماسمعناهه

ومن تبطي اخيته ايسير اعليها

✍ أم محمد علي الشيباني

=≈=≈================

گبل جانت الخوه طيبه وزينه

كل يومين والثالث يمر بينه

الاخو ريحة محنه من اهالينه

حلوه خوته ونوماس طاريها

•───✧◐◐✧───•

اشو خربت الخوه وراحو الزينين

وذاك الوكت وين وهالوكت جا وين

بطلنه بعد ونريدهم طيبين

ماريد من اخوي چفوفه يطيها

•───✧◐◐✧───•

چفوفك سالمه ولا ريد منك ماي

وحگ عباس وألي سمته الرواي

بس ردتك تمرني لوجفت دنياي

الحليبه تجيبك وروحي تداويها

✍🏻أم عبـــــد اللـــًٌــــه العـــٰــــابدي

/channel/poiukjhhggfffffff

قصائد مهدویات الهوی

15 Jun 2023 13:27

لطمية لمولانا مسلم بن عقيل عليه السلام


لمسلم وي حميده نلطم واللطم حار
تراهي مورمه المتون ترفه جفوفها زغار

×××××××××××××××××××××

لطمن وي حميده كلجن ساعدنها
اويلاه اعله ابوها الحنين الراح منها
وكبل الغاضريه مصايبها لفنها
ياهضم الزغيرون لو بيه الفلك دار

××××××××××××××××××××

نلطم وي حميده نعزيها بوليها
صار شهور وايام تتنطر يجيها
لدربه تصد العيون مابطل بجيها

اجاها الخبر مشمور راسه صار طشار

××××××××××××××××××××××

اجاها الخبر مشمور من قصر الاماره
صدت عمها الحسين دمعاته اتجاره
ورف شارب العباس صفك يمنه بيساره

صاحت آه ويلاه يهلنه احجولي اشصار

×××××××××××××××××××××××

حطها بحضنه الحسين بيده يمسح الراس
وحط ايده اعله سيفه وراد يصول عباس
ابن عمهم يكولون بحبل جروه الارجاس

وسفه يموت مغدور وحده وماله نغار

××××××××××××××××××××××××

صارت ضغبره او ويد مسلم فاكدينه
نشروا سود الاعلام بحمول الضعينه
حميده عالابو اتكول وتنوح الحزينه

نصبوا ماتم المات غريب وماله انصار

×××××××××××××××××××××××××

اويلاه يا حميده الدنيه لوعتها
خذت منها ابوها وتضييع اخوتها
زغيره والنوايب بالفركه جوتها

تون عالضيعتهم وتلهب بالكلب نار

✍ أم محمد علي الشيباني

قصائد مهدویات الهوی

27 Apr 2023 18:05

قصيده للقبور المهدمه بلبقيع
طور ملا باسم الكربلائي
هظموني هظموني يابويه هظموني
========


تبنيها . تبنيها

وشوكت تبنيها

گبور البقيع امهدمه
وشوكت تبنيها

========

لشوكت تبقى مهدمه ومهجوره
يمته ضهورك......
يمته

شوف البقيع ابلا قبب معموره
يمته ضهورك.....
يمته

وشوكت رايتنه ترف منصوره
يمته ضهورك.......
يمته

والينه . والينه
گوم النه والينه

أرض البقيعي نادتك
وشوكت تبنيها

✴️✴️✴️

نمشي مشي نريد ونزور الغرقد
وينك يمهدي.....
وينك

يمته يصير الحسن حضره ومرقد
وينك يمهدي.....
وينك

ملينه من الصبر ربي اليشهد
وينك يمهدي......
وينك

تدرينه . تدرينه
ننتضر تدرينه

چمدوب تبقى مهدمه
وشوكت تيبنيها

✴️✴️✴️

يمته تعمرها ونجيها اعنايه
وياكم زياره......
وياكم

نوصلها وياك وبيدينه للرايه
وياكم زياره......
وياكم

والشيعه وياكم تجي وفايه
وياكم زياره......
وياكم

وتنادي . وتنادي
يلثار وتنادي

گبر الزچيه والحسن
وشوكت تبنيها

✴️✴️✴️

وثار الحسين وكل هله والعيله
بيهم نطالب......
بيهم

وخدر العقيله والضرب والشيله
بيهم نطالب......
بيهم

انته التعدلها وتعدل الميله
بيهم نطالب......
بيهم

وشموعه . وشموعه
والحنه وشموعه

وراية الكافل من هوت
وشوكت تبنيها

✴️✴️✴️

العهد وياك وأبد منبيعه
احنه بيمينك.....
أحنه

ثار الطفل والاكبر
والوديعه
احنه بيمينك.....
أحنه

يلولي وياك وتهد الشيعه
احنه بمينك.....
أحنه

هد بينه . هد بينه
يلمهدي هد بينه

الغرغد تون ونادتك
وشوكت تبنيها

========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

قصائد مهدویات الهوی

27 Apr 2023 18:05

#هوسات_لذكرى_هدم_قبور_البقيع

~~~~


ازور انا البقيع واگعد بقربه
واشوف النور يرسم للمحب دربه
يصب ادموع ما يگدر يضم حبه
((#ياعين-ادموعج-صبيها ))

~~

ازورك يالحسن يالشاكر الحامد
وازور انا العليل الساجد العابد
وازور الباقر وي الصادق امعاهد


((#يگضيها كل حاجه_العندك ))

~~

بهدم هاي القبور اليوم
فجعونه
من ازيارتنا الهم مولاي منعونه
اذا زرنه البقيع هواي
اذونه

((#أذانه_بحقاده _ الناصب)

~~~~

يا طه النبي اشچيلك الآلام
حرمونه تُراب اولادك الاعلام
مسحوا كُل معالم إلهم الاقزام

((#منعونه _منهم_ جا شيعه ))


اسمع صوت من ارض البقيع يذيع
يا للثار ينادي الثار لا ميضيع
يأخذ ثارنه من الناصبي تربيع

(( #يگضيها_ابسيفه_ لقائم))

""""""""""""""""""""

#تم✍ت#بحمدلله

20/6/2018
#خادمه_الزهراء_ام_كرار

قصائد مهدویات الهوی

27 Apr 2023 18:05

قصيدة في
( هدم قبور أئمّة البقيع )
عليهم سلام الله
----------

رايح اتزور ماكو اقبور
امهدَّمه كل القِباب اقبورماكو بس تُراب
قلبي مجمور ماكو اقبور

ها يشيعي للمدينه ابدمع مذروف
للبقيع اتزور جاي ابقلب ملهوف
إنته عبَّالك ضرايح مثل لطفوف
ابعينك اقبور الأيمَّه عاين اوشوف

بس حجاره امهدَّمه آه يحسرة فاطمه
اعليهم اتدور ماكو اقبور


بالبقيع أربع أيمَّه دافنيهم
عترة الهادي النَّبي حزني عليهم
اقبورهم أهل الضَّلاله هادميهم
لاضريح اولا مناره اتشوف بيهم

أربعه انهدموا سوى الليل ماتلقى ضوى
حاجز وسور ماكو اقبور


جنَّة الغرقد يزاير من تجي له
وقلبك اعلى الآل متوجّر دليله
اتريد توصل للقبر ماكو وسيله
للقبر توصل اببّالك مستحيله

ياقبر بيه التكضّ كلّه امساوي الأرض
قلبك ايفور ماكو اقبور


أربعة أعلام من بيت النّبوَّه
ياحسافات الدهر بيهم اشسوّى
امهدمات اقبورهم ياحيف قوَّه
ابجنّة الغرقد رمل واحجار جوَّه

لا مقام اتوصّله اولا ضربح اتقبّله
قلب مكسور ماكو اقبور


جمره تسعر بالقلب شيبرِّد الها
وجنّة الغرقد ابحسره تنظر الها
اقبور أيمْتَك أربعه منعوا تصلها
اتذوب مثل الشمع بالحسره لجلها

ياهي ناس ويابشر هدمت اقبور الغُرر
حِقِد مضمور ماكو اقبور


ليش والياسبب لقبور اهدموها
ماكفاهم فاطمه الزهرا اظلموها
اولادها سمّ وذبِح كلها اعدموها
قبرها امضيَّع اعوينتها عموها

قبرها ماندري وين آه ياأمّ الحسين
الحجّه مأجور ماكو اقبور
----------
✍🏻 لخادمة أهل البيت ع
أم جمال خواهر
٦ / شوال / ١٤٤٠ / هـ

قصائد مهدویات الهوی

27 Apr 2023 18:05

قصيدة جرح الأحباب لقبور البقيع
------------------------------------------------------
ياجرح الأحباب°°°°حتى الگلب ذاب
ياجرح الأحباب
------------------------------------------------------
عشنه بعيون السوالف دمعه دمعه...
أي وحگ صوت البقيع الضل نسمعه...
من ينام الليل نسمع صوت ينعه...
هاي أم عباس شعلت ونهه شمعه...

وضل ينزف أمصاب°°°°وحتى الگلب ذاب
ياجرح الأحباب
------------------------------------------------------
يم گبر مكسور ظلعه أوصدره دامي...
يم مصابه أجروح توگع من كﻻمي...
وجمع أبيومچ دمع من كل صيامي...
الهسه حرگ الباب أشتمه أبسﻻمي...

من دفعة الباب°°°°حتى الگلب ذاب
ياجرح الأحباب
------------------------------------------------------
وگبر يمه الدنيه تبچي أدمع أيام...
گبر متبرع أبگبته العين الأيتام...
ومن يأذن چان يفرح گلب الأسلام...
وزرعو أبجفن المكيده سم الأيمام...

بغضن بأبوأتراب°°°°حتى الگلب ذاب
ياجرح الأحباب
------------------------------------------------------
ويم گبر شاهدنه مذبوحه الصحيفه...
ودمهه شايل أدعية ربنه الشريفه...
البيهه تدعي چانت أچفوفه النضيفه...
الما تصافح كل فكر ينگط سقيفه...

تعرفهه الأسباب°°°°حتى الگلب ذاب
ياجرح الأحباب
------------------------------------------------------
وگبر يمه أمخيمه أهات أومصايب...
أزغير چان الباقر أوعاش النوايب...
چم نحر بعيونه ظل فوگ الترايب...
والسبي وحسرة رقيه البالخرايب...

ينعاهه الأتراب°°°°حتى الگلب ذاب
ياجرح الأحباب
------------------------------------------------------
وگبر يمه العلم ظل موحش أذانه...
وضحه روحه خاطر أنعيش ابمكانه...
وعاش أسمه اويالهوه أنشمه ابهوانه...
ولو هدمو كبره وتهدم ضوانه...

ونتلمسه أكتاب°°°°حتى الگلب ذاب
ياجرح الأحباب
------------------------------------------------------
خادم أهل البيت..ع..
أبوحسين السرگودي...🕊

قصائد مهدویات الهوی

27 Apr 2023 18:05

        ليش هاي الفاجعة               هدمو كبور ااربعه
     بياسبب هدمومها                وشيعتك ضلموها
                      ياعلي يابو الحسن
                          *
         والله هل الموقف اشدموقف فضيع
           الياسبب هدموها اضرحت البقيع
           رادوالحق ينطمس والله  ويضيع
            غيره ما عنده الذي بدينه يبيع
    يامناهج شارعه         وخبرمنمن سامعه
للكبب فلشوها               وشيعتك ضلموها
                *
           وين صارت يازمن هدم القبور
          ويل القبور الهدمو كطعونحور
         الشيعه  كلش ضاقت عليها الامور
        ياوكت شافت من الحاكم سرور
عل المشانق ترتقي   ترتقي بحب الولي
وللذبح قدموها      وشيعتك ضلموها
             *
    وكفنه بوجوه النواصب والطغات
      لا والف لا مايخوفنا الممات
    نقسم بسورة عبس والذاريات
      عدنه بالموت وياقادتناحيات
نحيامن ننطي النحر    مايخوفناالخطر
باجر تعرفوها      وشيعتك ضلموها
          
   باجر اي والله الصبح كلش قريب
  باجر المهدي يشدكم عل الصليب
يسأل ومنكم ترى هل من مجيب
ليش وي  نسل  النبي طه الحبيب
ليش مفتيكم قضى     قضي بغدر الرافضى
بيا ذنب كولو ها     وشيعتك ضلموها
           *
شنهي عذرا المفتي خل يطلع عذر
وتطلع مصايب وفاجعة الجسر
سبايكر والغركت بماي النهر
يامصيبه  تعرض  أللاف الصور
يامصيبه ويامصاب     راحت أللاف الشباب
بياجرم فجروها     وشيعتك ضلموها
             
والمصيبه الموصل وسبي النساء
ياشرع    حلل ويامفتي وقضاء
على دين المصطفى هذاافتراء
وياذنب يسئلهم بسيل الدماء
يامصيبه ويافدك   وياذنب ذبحو هلك
حرمه ماراعوها        وشيعتك ضلموها
          **
     @@@@@@@@@
علي المياحي


                                الاخو اليفكد اخوه عليه يوسف
                
                                  فكد من الولد يعكوب يوسف
                                 
                              وانه اهلي كضوبسموم يوسيف
                 
                               غدرخلصو علي ضل البجيه


  علي داود آل حمد المياحي

قصائد مهدویات الهوی

27 Apr 2023 18:05

لطميه ندبه لبوصالح عج لهدم القبور

اريد اقسم عليك بذيج الابدور
تكصد للبقيع وتبني الاكبور
...........
احنه بعازتك تطلب الثارات
حدر ضلوعنه يالمهدي جمرات
موحسره نكول هواي حسرات
جم دم الاهلك مولاي مهدور
...........
الك ثارات ماتنعد واعدها
ادري بروحك وهمك مردها
الك كل والده الفكدة ولدها
تربي عيونها ومناطره اتثور
............
ياثارات يابو الزود تتناك
الما نشفت عليها دموع عيناك
ضلت شيعتك بحزان وياك
منتظره الفرج والكلب مكسور
............
مر ذكره البقيع وسالت العين
صحنه هدتك يابوالفرج وين
تبني اكبورهم وتمر عله حسين
وتصيح بكربله ويلاه يمنحور
............
منتظرين كلنه انريد فزعه
وعندك ثار وانريدك تطلعه
ياهدم الكبور اليوم فجعه
يمهدي انخاك والدلال مجمور


✍أم زينب كربلاء غير مبري الذمه من ياخذ الكلام وينسبه له او يحذف الاسم

قصائد مهدویات الهوی

27 Apr 2023 18:05

ما انسى مصايبهم بني الزهره
على العاده اجدد ليهم الذكرى
---
على العاده لجلهم ألطم ابصدري
واستحضر ذكرهم دايم ابفكري
اومن ألفي المدينه دمعتي تجري
انعاهم واسوي اقرايه بالحسره
---
وابدي بالنعي عالمجتبى المظلوم
واصيح ابكل قهر هذا الرحل مسموم
واخلي جفني لمصابه يهل ادموم
وارجى من ابومحمد بعد نظره
---
ولزين العباد اگليبي يتفطر
واتذكر عذابه والجرى بالبر
شاف احسين اويلي اوگطعة المنحر
اوزينب عمته شايفها متحيره
---
اوما انسى مصاب الطاهر الباقر
هذا الشاف بعيونه الجرى ابعاشر
واباله صور من هجمة الغادر
منها الشام ويلي اشگد حنت ظهره
---
اوعلى جعفر ولينه ابهالعزا انحب
واتصور بعد داره البگه يلهب
ذكر أمه الزچيه اوعمته زينب
ذيچ اباب ذيچ ابخيمه مستعره
---
مصايبهم اساس اللي جرى والصار
يوم اللي تنخّت فاطمه الكرار
وينك ياعلي ابداري توج النار
لَهسه الصرخه خلت بالگلب جمره
---
لَهسه صرخة الزهره وسط كل روح
عليها اشگد ابوصالح يظل اينوح
يوميه دليله امن الحصل مجروح
يريد الثار يدعي ربه كل عمره
---

عادل العبد الله
8/5/2022

قصائد مهدویات الهوی

26 Jul 2023 16:05

طفو الشمع مات الولد..عينوني ياعماته
عرسه صَبح مأتم عزا..وانظر بقت حناته
……………………………………....

طفو الشمع واحيو العزا..وبحسرة نوحو لجاسم
متحني من فيض الدما..عالغبرة أبني نايم
حضرن يعماته بعجل..واستقبلن هالوادم
أرد اگعد اگباله وانوح..واشتم عطر وجناته
✾✾...............✾✾...............✾✾


✍ دعاء العامري
🏴🏴🏴🏴🏴🏴🏴


الحان
#خادمة_المنبر_الحسيني_الأستاذة_ام_كوثر

قصائد مهدویات الهوی

26 Jul 2023 16:05

على طور تلگيني يزينب حيل مابيه

لشباب القاسم عليه السلام

يمه. ياجاسم ييمه ياضوة اعيوني
يمه. يالبعدك شباب وبيك فجعوني
يمه. للونات ليش انتوا. تخلوني

آيالشباب هدمت حالي
هدمت حالي. هدمت حالي

خابت تراهه الفگدك امالي
الفگدك امالي. الفگدك امالي

يجاسم اه. يجاسم اه



يبني. حضرت الشمع والياس والحنه
يبني. شو رديت لمك بالدمه امحنه
يبني. لبقه اعليك آنه امعاشرة الونه

حيلي ركد من شفت حالك
من شفت حالك من شفت حالك

ومن الضرب امگطعه اوصالك
امگطعه اوصالك. امگطعه اوصالك

يجاسم اه. يجاسم اه



عمك. شالك يالولد والحيل ماهوة
عمك. يالجنك ورد يالشوفتك حلوة
عمك.اخلافك يالضنه ماتدري شسوة

سال الدمع ويلي من شافك
ويلي من شافك. ويلي من شافك


اورد الحرب ياخذ ابثارك
ياخذ ابثارك. ياخذ ابثارك

يجاسم اه. يجاسم اه



عمتك. ضلت بس تون اعليك يالغالي
عمتك. تلطم عالصدر هل عذبت حالي
عمتك. وكل باقي الحرم فسرن دلالي
بنص الخيم اتنادي يالرايح
اتنادي يالرايح. اتنادي يالرايح

كل الحرم وگبر الصايح
وگبر الصايح. وگبر الصايح

يجاسم اه. يجاسم اه



جسام. ياثمرة فؤادي لبت احشايه
جسام. الله وياك يبني هاي النهايه
جسام. راح امشي ييمه ويه السبايه

ويه الغرب امشي مجتوفه
امشي مجتوفه. امشي مجتوفه

مهضومه اون ودخل الكوفه
ودخل الكوفه. ودخل الكوفه

يجاسم. اه. يجاسم اه



تمت الحمد لله
اهدي عملي هذا لامامي الحجه. عج
كلمات ام غيث الذبحاوي

قصائد مهدویات الهوی

26 Jul 2023 16:05

قصيده حوارية بين الامام الحسن عليهالسلام وولدهُ القاسم عليه السلام


ماينوصف جمالك
ياجاسم وكمالك
ثوب العرس حلالك
ياحبيبي. ياحبيبي
...................

أستشهد بثوب العرس ثوب الشهاده
للجنة جاسم من دخل شاف السعاده
يستقبل وليده الحسن گام بوداده
ميّة هله يالنفّذت افضل عباده
وصّيتك ابمنيتي
يالنـفّـذت وصيتي
بالطف يشمعة بيتي
ياحبيبي ياحبيبي
.................

اتباها بيك وافتخر بدر الليالي
يالنوّرت جنّة عدن اهلاً يغالي
تحلالك ثياب العرس يومك مثالي
عمّك نصرته بكربله انت ابّـدالي
يالقدمت شبابك
والدم صبغ ثيابك
والحنّه من خضابك
ياحبيبي ياحبيبي
..........

اسمع يجاسم قصّتي ارويلك الصار
آنه الحسن چبدي انمرد من سمّ الاشرار
ما تدري يوليدي الجره ما عندك اخبار
مو سم احس بچبدتي مستعره بالنار
سمّوني آل اميّه
وتجرّع الأذيّه
حاضرني بالمنيّه
ياحبيبي ياحبيبي
..........

جاسم تمنّيتك شفت حالي وعذابي
اتقيّه چبدي بالطشت وكتب كتابي
تنظرني زينب عمّتك تبچي لمصابي
عمّك يصبّرها وبچه هوه لغيابي
من غمّضت عيوني
اخواني ودّعوني
بالعبره شيّعوني
ياحبيبي ياحبيبي
.............

يم جدي رادو اندفن شالوني الاخوان
عترضت عليّة ام الجمل ويّاها مروان
يبني ورمو نعشي بنبل صابو الجثمان
نفس الرموني صوّبو عمك العطشان
نفس الرموني كلهم
بطف كربله شفتهم
يوليدي قاتلتهم
ياحبيبي ياحبيبي
........

يوالدي گَلّه وبچه اصعب مصيبه
ريتك شفتها بكربله زينب غريبه
من ذبّحونه عله الثره جثثنه خضيبه
يتمرجل عليها الشمر هاي النجيبه
عكب الگمر خذوها
ياوالــدي وسبوها
مچتوفه عــذّبوها
ياحبيبي ياحبيبي

سيد زيد الفحام
___

قصائد مهدویات الهوی

10 Jul 2023 14:25

لسان حال مولاتنا زينب تخاطب أخيها الحسين عليه السلام عند مصرعه


لا اتحير زينب ... ابممشاهه
آني اخيتك واستمع شكواهه


ادري بيك بمصرعك روحك تحوم

تنظر لزينب ........ وماتكدر تكوم

لا يابن حيدر علي ..... مو باللزوم

آني اختك واكدر اتوكاهه
لا اتحير زينب .. ابممشاهه

××××××××××××××××××××××××

بين جسمك يابن ابوي وعيلتك

ياهو الاصعب حيرتي لو حيرتك

ما توانه الشمر .... حزها الركبتك

ما انطه اختك وكت لا تاناهه
لا اتحير زينب ... ابممشاهه

××××××××××××××××××××××××

ارجعت منك والجسم مني نحيل

والخيم محتركه ... والبيهن عليل

اطفال فرت بالخلي .. والدنيا ليل

صحت ياحيدر علي اتلكاهه
لا اتحير زينب ... ابممشاهه

××××××××××××××××

التفت للشاطي صوب المشرعه

وانده العباس صوتي يسمعه

لدنيا ليل وكل خواتي امروعه

وينه كافلها اليشيل الواهه
لا اتحير زينب ... ابممشاهه

×××××××××××××××××××××××××

يل ابعينك سهم مااعتب عليك

حسين ظهره انكسر من اتعنه ليك

رجع محني الظهر ماخبرني بيك

شلون زينب طاح سور احماهه
لا اتحير زينب ..... ابممشاهه

✍️. أم فرقان

قصائد مهدویات الهوی

06 Jul 2023 20:52

سود الهدوم يغالي سود الهدوم
نستعد شهرك اجانه آ يمـــظلوم
شهر الاحزان.... لينه عنوان
وما نسيناه لمصابك عزه كل يوم



سوده الهدوم نحضرها العزيتك
ابد ما سكنت خواطر من رزيتك
عايش انته ويانه يحسين بعطيتك
ما يهمنه الي حچه ولام بقضيتك

خل يلومون يغالي خل يلومون
غير حبك ماكو عدنه نور العيون
سود الالوان.... لينه عنوان

وما نسيناه لمصابك عزه كل يوم

نبضي حسين

🏴🏴🏴🏴🏴🏴🏴🏴

ويه الهدوم .. نحضرلك دمعنه
والله يحسين عليكم ماهجعنه
يوم عاشور عمه عيون وفجعنه
هز الاكوان مصابك وانصدعنه

شما يكولون علينه شما يكولون
غير حبك ماكو عدنه نور العيون

عدنه برهان .... لينه عنوان

ومانسيناه لمصابك عزه كل يوم

✍ أم محمد علي الشيباني

🏴🏴🏴🏴🏴🏴🏴🏴

شهر الاحزان يمرنه و مســتعــــدين
نواسي بي احنه النبي ويه ابو حسين
والتعب راحه الك مولاي يحـــــــسين
شما نقدم هالشهر احــــــنه المقصرين

گلبي مرهون بخدمتك گلبي مرهون
غير حبك ماكو عدنه نور العيون
اعظم انسان...لينه عنوان
ومانسيناه لمصابك عزه بكل يوم

رؤى السلامي ✍🏻

🏴🏴🏴🏴🏴🏴🏴🏴


كلها هالخدام حضرتلك قصايــــــد
والمدامع تجري ويه اسمك يقائد
عــــدنه حبك الوسيله والله شاهد
بلا عزائك ما نعيش احنه نعاهد

نهزه للكون بلطمنه نهزه للكون
غير حبك ماكو عدنه نور العيون

تبچي الاكوان... لينه عنوان
وما نسيناه لمصابك عزه كل يوم

نبضي حسين

🏴🏴🏴🏴🏴🏴🏴🏴

نستعد مولاي .. والمجلس نحضره
شما بجينه اعليك ماتخلص العبره
لا ثواب نريد ..... لا نطلب الاجره
بس دمعنه اتقبله . قارورة الزهره

نريد ترضون علينه نريد ترضون
غير حبك ماكو عدنه نور العيون

تظل سلطان .... لينه عنوان

ومانسيناه لمصابك عزه كل يوم

✍ أم محمد علي الشيباني

🏴🏴🏴🏴🏴🏴🏴🏴

انعلگ الرايات فوگ اسطوحنه تلوح
والحداد انعلنه مّنه الگلب مجروح
والمجالس تصدح ابويلاه يمذبوح
حتى طفل البالمهد لمصابك ينوح

العقل مفتون بمحبتك العقل مفتون
غير حبك ماكو عدنه نور العيون
بكل الازمان....لينه عنوان

ومانسيناه المصابك عزه كل يوم

رؤى السلامي ✍🏻

🏴🏴🏴🏴🏴🏴🏴🏴🏴
تمت باقــــ🖊ــلام شاعرات مهدويات الهوى
الموافق /الخميس/ ٦/٧/٢٠٢٣
حقوق النشر محفوظة عند سيد الشهداء ع🏴🏴🏴🏴

قصائد مهدویات الهوی

24 Jun 2023 10:47

تجليبه للعباس عليه السلام
لما رجع الحسين ع من مصرع أخيه ابي الفضل ع واستقبلته زينب وام كلثوم على باب المخيم


يحسين الاخو يحني الظهر يومه
اجت زينب تسنده وتبجي جلثومه

++++++++++++++++++++++

تلكنه خواته .... من رجع ليهن

بظهر مكسور مايكدر يحاجيهن

ويكلهن عالشريعه طاح واليهن

جفوفه امكطعه والهامه مجسومه

++++++++++++++++++××++

يخويه الله يعينك صاحن ابحركه

طكنه البين حيل ..وتوجع الطكه

اخذ منه الحنين ... المثله مانلكه

صدك عباس راح وضاعت ارسومه

++++++++++++++++++++++

صدك عباس راح وعافك اوحيدك

وظهرك بيش ينشد .. غير بعضيدك

ماكتله اخيتك ...... زينب تريدك

شلون الغاليه ..... تخليها مهضومه


*✍ أم محمد علي الشيباني*

•───✧◐◐✧───•

گلبك طاوعك يحسين ماجبته

موهينه الاخو لمن يعوف اخته

گلي شلونه حاله ؟ماي شربته

اذا غافي اخيي إمهنه بالنومه

•───✧◐◐✧───•

تون يحسين أجيت وحالك شلونه

ع الظل عالشريعه وسهم بعيونه

مو عالبال ابو فاضل يكحمونه

ريت افديه عسه يومي گبل يومه


*✍🏻أم عبـــــد اللـــــــه العـــــابدي*

•───✧◐◐✧───•

قصائد مهدویات الهوی

15 Jun 2023 13:28

قصيدة للرضيع عليه السلام


آ يالرضيع البالمهد يالفرفحيت اكبالي
يابويه من كبل النحر بيك انذبح دلالي

مستعجل عليك السهم بغفله اجه وماشفته
لو بيدي يابويه الأمر بعيوني جان الزمته

وخليته يطفي عيوني ... ولايذبح ازغيروني
كبلك الموت اشوالي .... بيك انذبح دلالي

+++±++±+++++++++

سهمك ذبحني يل بعد عمرك سنه ماصاير
ولضلوعي طحنت نبلتك من كبل طحن الحافر
هَون مصابك محنتي والصار يوم العاشر
ياطير وبحضني انذبح لافر ولاظل طاير

بسهمك لَوَن ذبحوني ... ولايذبح ازغيروني
يل عندي كلش غالي ... بيك انذبح دلالي

+++++++++++++++++

روحك يبويه فرفحت وعينك الي مشبوحه
وشفافك الحلوه بقت عالماي اظن مفتوحه
اعذرني عبدالله العذب .. شح وبعد ما لوحه
والماي مهر الفاطمه.. وكطره النه مامسموحه

ماريده لاتسكوني... ولايذبح ازغيروني
يل عذبت احوالي ... بيك انذبح دلالي

+++++++++++++++++

مهر امي يجري للخلك ممنوع ليش اعلينه
وانجان الي وياكم ذنب شذنب الذي امكمطينه
شفتوه يلوب من العطش وللموت سلهم عينه
ماواحد ابحاله رحم ... يسكيه ويرد لينه

اسكوه ولاتنطوني .. ولايذبح ازغيروني
يابدر جان ايلالي .... بيك انذبح دلالي

÷÷÷÷÷÷÷÷÷÷÷÷÷÷÷÷÷

حاير يعبد الله امنرد ... والحرم يتلكنك
مدري اشكل لعمتك .. وبيش اجاوب امك
وياي اردك للخيم .... لو بالفله اطمنك
لو لا سويه نندفن .... خليني اشبع منك

بالموت خ يريحوني .. ولايذبح ازغيروني
والمهد منك خالي ... بيك انذبح دلالي

+++++++++++++++++

عمري يمدلول انتهى والموت خل ياخذني
حته الهوى لمن يمر نسماته هم تخنكني
يارب عجل ذبحتي والخيل خل تسحكني
بلكي من اطب لحفرتي تغفه يبويه بحضني

وصيت اذا دفنوني.... وياي الزغيروني
ابني واشوفه كبالي ... بيك انذبح دلالي

قصائد مهدویات الهوی

27 Apr 2023 18:05

موشح للقبور المهدمه بلبقيع
========

سيدي متانين رفت رايتك

ونبني اگبور الايمه بطلعتك

وابقيعاه......
وابقيعاه......

========

سيدي گبور الاهل هدموها

بياذنب ويه الارض ساووها

دموع شيعتكم تهل خلوها

اضهرنه ياإمام امروتك

وابقيعاه......
وابقيعاه......

&&&&&&

سيدي اگبور الايمه مهدمه

والگلوب من الحزن متألمه

گوم دلينه اعلى قبر العالمه

امك الزهره الزجيه نادتك

وابقيعاه......
وابقيعاه......

&&&&&&&

هاي غرقدكم تون شوفوها

عجب ليش بلا قبب عفتوها

بلا مناير يلولي خلوها

بلدموع ان البنين اتعاتبك

وابقيعاه.......
وابقيعاه.......

&&&&&&&

اضن تدري سيدي بخبارها

گوم شيل من البقيع اسوارها

خل تجي بزود وفخر زوارها

تزحف ازحوف وتجيلك شيعتك

وابقيعاه.......
وابقيعاه.......

&&&&&&&

نريد وياكم بعد نبنيها

والمناره بلسما أنعليها

مثل يومچ كربلا نسويها

ويه ونتنه تسابگ ونتك

وابقيعاه......
وابقيعاه......

========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

قصائد مهدویات الهوی

27 Apr 2023 18:05

نعي لهدم القبور
✍ام انور الذبحاوي


ونيت ونه تهدم الحيل
عله اعزاز الزچيه والمداليل
عليش اتهدمت الگبور باليل


شنهو الجره وهدموها الگبور
من ثاني امام الچبده مفطور
ابريحانة محمد. (ص) بده. عاشور
نعتبك ياامام الغايب اتثور

اوتسر گلوب ملهوفه وحره
اااااااااا
ييمه الهظم يوليدي زاد وتعده
وسهم گلبي يمهدي جاز حده
وعله احبابك ييمه طالت المده

وجرح الگلب ياهو اليجبره
اااا
نريد الثار ملينه الصبر.يومه
ثار الصدر وضلوعه المهشومه
وثار الباب والودعت مالومه

متى تكحل عيونه ابنظره

🏴🏴🏴🏴🏴🏴🏴

قصائد مهدویات الهوی

27 Apr 2023 18:05

قصيده ثقيله للقبور الشريفه المهدمه في البقيع
===========

ياقبور اهل البقيع ~~~

ثاركم لا مايضيع ~~~


كبوركم متضل تراب
لابد بيوم العقاب

ثاركم لا مايضيع ~~~

===========

باجر نعمرها لابد هلقبور

والمنائر بلعلا تزهي وتنور

ويه مهدينه نجي نطوف ونزور

ويحكم المهدي بعدل مايبقه جور

نزور ونطوف الضريح
نلطم ونبجي ونصيح

ثاركم لا مايضيع ~~~

♻♻♻♻♻

باجر تصيح الماذن للعزاء

يالثاري يبقى مرفوع النداء

وبلبقيع انقيم يومج كربلاء

وناخذ الثارات من فيض الدماء

وناخذ بثار النحر
والجفوف العلنهر

ثاركم لا مايضيع ~~~

♻♻♻♻♻

لابد الحجه يجي يسل السيوف

وعينه لكبور المكارم هلتشوف

ويانه بلحضرات مهدينه يطوف

وياخذ بثار المناحر والحتوف

يالثاراتي يصيح
والعدو دمه يبيح

وثاركم لا مايضيع ~~~

♻♻♻♻♻

مايضل اترابه كبرك يلحسن

يلشفت من العدو ظيم ومحن

حتى نعشك من سهامه ماسلم

مانصف وياك ابدآ هلزمن

كبرك تراب وصخر
ونته ابن سيد البشر

ثاركم لا مايضيع ~~~

♻♻♻♻♻

كبوركم تبقى ترابه مو قبول

ونتو من بيت النبي طه الرسول

والشفاعه ترتجي ومنكم تنول

يلكرمكم طاش بلدنيه سيول

انتم اصحاب الحلم
والرساله والعلم

ثاركم لا مايضيع ~~~

===========
خادمة ال البيت الحجيه ام علي البصره نسألكم الدعاء

قصائد مهدویات الهوی

27 Apr 2023 18:05

نزال بمناسبة هدم القبور

...................


المهدي راجع راح ياخذ ثارها
ويبني الگبور و يبرد نارها

..................

راح يرجع ياخذ بثار البقيع
ويهد وياه الكبر عبد الرظيع
العالو يوگفهم اگبال الجميع
ويرد الفرحه بعموم اديارها

..................

الله ساتر لون شداه النگاب
وسيفه الباشط زعگ عاف الگراب
هيج لله تگوم تطافر رگاب
يصيح خل توصل الكل اخبارها

...........................

باچر ادلي المناير كل يحير
وصوت يعله لكل صغير وكل چبير
نشهد ان علياً يبقه امير
وياحسين انكتبت اعله سوراها

...............................

ينصب ادلال الحسن گهوه التفور
وبثوابه يوزع لكلمن يزور
يشعل اباب الصحن باچر بخور
الزهره تتلگه اليجي وزوارها

...........................

باجر الله يسهل وننصب عزاء
وبيرغ المهدي يرفرف بالسماء
المواكب تنصب من كربلاء
لحد مكه وكل عموم اقطارها

..............................

انزور باچر كلنه يم گبر الرسول
ونرجع بلهفه عله تراب البتول
الهله وگواكم الله الكل يگول
وابو صالح رحب بخطارها

.............................



خادمكم الاقل شرفاً
كرار اللامي

قصائد مهدویات الهوی

27 Apr 2023 18:05

من أصد لارض البقيع * أشعر ابروحي تضيع
لا مناير لا قباب * وينعى بالنوح الشفيع
***
وسفه يا طه الأمين • دينك اتبدّل جديد
التبع دينك قليل • ويبقى في الطاعه وحيد
رجعي يتسمّى ويصير • بالفكر عندهم عنيد
والهوى يحكم تراه • وصيّر الأمّه عبيد

يا رسول الحق تعال * وانظر ابحكم الرجال
قطّعوا حتّى الرقاب * وانتهى الدين المنيع
***
طيبه من رب العباد • جنّه للهادي ومزار
وليها مرسول السماء • ابسكينه ايجي اوقار
ليش أذّوا هالرسول • ابدين عدهم مستعار
ابكل ضريح الهدّموه • أشعلوا في قلبه نار

قالوا مشرك هليزور * وذولي عبّاد القبور
وقالوا نحكم بالكتاب * وهِدْموا اقبور البقيع
***
من تصد عيني وأزور • يصبح ابقلبي اكتئاب
أنظر اقبور الكرام • سافي اعليها التراب
وحظّه يا قلبي الحمام * يوصل الها وما يهاب
وآنه بس همّي أقول • من هدم ذيچ القباب

ربّي ما يحكم سواك * انتقم ممّن عصاك
وادري ابيوم الحساب * تاخذ ابثار الشفيع
***
يمته مهدينه الغيور • يطلع ويعلن حداد
من أرض مكّه يثور • وتذعن لحكمه العباد
ولارض طيبه يروح • ويعلن لدين الرشاد
ويبني اقبور الهدات • وتزهر اركان البلاد

ننتظر يوم الظهور * يمته يالمهدي تثور
وننظر لذيچ القباب * ويبتشر بيها الجميع
***
محمد عبدالله الحدب
١٤٣٧/١٠/٧هـ

قصائد مهدویات الهوی

27 Apr 2023 18:05

بالبقيع أربـــــع اگبور أتهدمن
يبو صالح إلك مولاي اشتكن
انتفض وبنيها .... ولــسمة عليها
يبو صالح إلك مولاي اشتكن
*
أرد أخبرك سيدي حــــــــــــــــال البقيع
ودري يامــــــــــولاي حگــك ما يضيع
ليا وكـــــــت يبن الحسن صبرك وسيع
أتحكــــــــــــمت بينه الأراذل والوضيع
بالأمس هـــــــــدم القبور الأربعة
وبعصرنه الحاضر اعضم فاجعة
وانته اعلم بيها ... ولــسمة عليها

أمست اگبـــــــــــــــــــور البقيع أمهدمه
ومـــــــــــن حجارتهه طفح فيض ألدمه
ادري هـــــــــــــــــل منظر دليلك يالمه
بيها صــــــــــرخه توصل أعنان السمه
بيا ذنب هدوا صرحها المجرمين
وياشـــريعة أتبيح هالفعل المشين
وياعذر يمحيها ... ولــسمة عليها
****
شنهوا ذنـــــــــــــب الحسن هدموا گبته
مـــــــــــــــــــاكفى ذيچ السهام الصابته
أجــــــــــــــــــوا آل سعود زادو محنته
بهـــــــــــــــدم گبره بحقد زالو حظرته
بعينك اتشاهد سكوت المسلمين
وانته يامـولاي مجروح وحزين
ولوعتك تخفيها ... ولــسمة عليها
****
وگـــــــــــــبر أبو الباقر شوصف حالته
مـــــــــــــــوحش وطال الظلام بساحته
ينتظر شمسك تصـــــــــــــــــافح تربته
وبيدك أعلا الگبر تــــــــــــــرفع رايته
وتمسح بيدك جــــــروحه ولألم
وتمر أبالك أحــــــــــداث الخيم
ودمعتك تجريها ... ولــسمة عليها
****
وباقر أعلــــــــــــــوم الرسول المدرسة
مــــــــــــــــــرقده ليش الوحوش أدنسه
نسوا هـــــــــــــــــذا الدين جده الاسسه
وسيـــــــــف أبو الحسنين هو ألحارسه
ورتفع سور الشريعه واعتلاء
وبدمى اجدادك السال بكربلاء
والقيم حاميها ... ولــسمة عليها
**
وجــــــــــــدك الصادق إمام أهل العلوم
لـــــــــــــــــو تصد الگبره تتشبع هموم
ليش غا بت عـــــــن سمه الدنيا النجوم
أسالك مـــــــــــــــــولاي هالحاله تدوم
وانته اعلم بلي جاري أعلينه
ليمته تشـــــرق شمس والينه
والعدى انبچيها ... ولــسمة عليها
****
نسألكم الدعاء فاخر الدنيناوي

#لايسمح_بتغير_اسم_الشاعر

قصائد مهدویات الهوی

27 Apr 2023 18:05

الى قبور البقيع

گبب طاحت لو خيم
لو مناره التجري دم
لو عيون الذابلات
اتعاين ايرف العلم
...............s
گبه طاحت لو مناره لو مره فوگ الجسد
لو جسم طايح سليب وحرمه ناحت عالمهد
يا بقيع ابعيني اشوفك طفله والدهه ابتعد
هدموك وچني اشوفك حيل التودع ولد

البقيع ابعيني طف
جرحك ويجروحه صف
الگبور الطايحات
اتعاين ايرف العلم
.........................
كربله ودمعة سبيه شفتك ونوگ الهزل
يالبقيع وچن اميه ابچف مناره يشد حبل
اجروح ألف وتسعميه ويذبح ابنحرك نذل
طايج وچنك تعاين عالمدينه وما تمل

چنك اتواسي الضلع
مهدم وتبچي ابدمع
والدموع النازلات
اتعاين ايرف العلم
...........................
تنزف اگبورك جروح ونور من وجه الگمر
وانته عينك چن يتيم وعاين الصوب النهر
يالبقيع ابكل مناره الحرمله لمسه واثر
بكل گبر نسمع يتامه وصوت بشفاف القدر

بيك احلام وعرس
احترگن ابحرّ الشمس
صوت نوح الامهات
اتعاين ايرف العلم
............................
داست ابصدرك حوافر وانكسر بيك الضلع
هدمو بيك الحنان وگطعو ابچفك صبع
اليزورك يالبقيع ايشوف نيشان الدمع
صوت احزان المخيم چنه يمك ينسمع

اخيام بيك وتحترگ
أم وأبنهه تفترگ
بيك نظرات البنات
اتعاين ايرف العلم
.........................
انته يا اكبر جروح الغايب ابلايه وطن
وانته كلك كربلاء وضلع من أم الحسن
بيك هدموه الحنان وذكريات ابكل زمن
عليك كل عمري انوحن والدمع بعيوني حن

ابقى شابح بالنظر
بالكي غايب بيك مر
عيوني تبقى امناطرات
اتعاين ايرف العلم

علاء المياحي

قصائد مهدویات الهوی

27 Apr 2023 18:05

(ذكرى هدم قبور البقيع)



لو ضـهـر مهـديـنه - والـعلم باايمـيـنه
- لـلـبقيع لـلبقيـع

لو ضهر صاحب زمـان انـصـاره
عـالـبــقـــيــع يـــأشــر ابــتـــاره
يـروح يــم جــده ويـعـمــر داره
وتوصـل الكـل الهدمها اخـبــاره

انصيح كلنه امشينه -والعلم باايمينه
لـلـبقيع لـلبقيـع


يروح يم اجداده تبچي عيـونـه
ايشوف قبر ام البنين اشـــلـونه
الجاور اجدادي صدگ خيعــونه
لـلأسف جـــيــرانــه يــهدمــونه

اليهدم امعـاديـنـه - والعـلم باايمـينه
للبقيع - للبقيع

ثــاره مايـنــــسـاه ابــد مـــولانـه
انروح والــشـيـعـه تــهـد عــوانـه
بالبـقــيع يــــرف نـريــد الــوانـه
والـحـســن يـكـبر بـعــد ديـوانـه

ضيوفه متـعـنـينه - والعـلـم باايمينه
لـلـبـقيـع - لـلبـقيـع


بلايه حضره من يشوف اجـداده
وعالــقبــور المــو زلــم تـتــمـاده
يـدوس روس الــهـدمـو سجـاده
يـصـيـر راسـه كالنعـامــه الـعـاده

ايدل عليه اونينه - والعلم باايمـيـنه
لـلـبقـيـع - لـلـبقـيـع


النور من ارض البقـيع انـشــوفـه
من بعيد الحسن صـاح ضـيوفـه
من الـبـقـيـع النـور حد الــكـوفـه
يم علي يروح الضريحه ايطوفه

زايـر امـوديـنـه - والـعـلم باايـمـيـنه
لـلـبـقـيع - لـلـبـقـيـع


#لـ حيدر العماري