10050
𝙈𝙖𝙡𝙞𝙠𝙖𝙏𝙖𝙫𝙛𝙞𝙦 Сизни кимдир ёмон кўришига ягона сабаб, бу ўша инсон сизга ўхшашни жуда ҳам исташида...
* * *
Яна икки юрак келди рўбарў,
Яна ишқ гиёҳдек унган адирман.
Яна сен кўксимга илдиз отган боғ,
Яна мен косаси уммон сабрман!
Чўлман мен,
Янтоқлар қийғос гуллаган,
Сенинг карвонларинг тиним билмайди.
Ўлим фариштаси келмаса, ўлиб,
Агар сен келмасанг яшаб бўлмайди!
Яна кўзлар тўқнаш, яна тиллар мум,
Яна дағ-дағ титрар бармоқларимиз.
Иккимиз ишқ деган тошқин дарёнинг,
Чап билан ўнг тараф қирғоқларимиз!
Яна мен инига илон келган қуш,
Чириллаб, чарх урган имкон, нажотсиз.
Яшаб юрганимиз ёлғондир балки,
Балки биз дунёда фақат ҳаётмиз!
Яна икки юрак келди рўбарў...
Малика Тавфиқ
@Malika_Salimova_sheriyati
* * *
Саболарга сўзлаш мумкин ҳаёлим бор,
Кимга даркор, кимга эса малолим бор,
Кимлардандир кўнглим қолган ерим бору,
Аё, Дунё!
Сенга битта саволим бор!
Отам олдинг, онам олдинг, тўймадинг ҳеч,
Куйдирдингу, жоним учун куймадинг ҳеч,
Сени суйдим, сенчи мени суймадинг ҳеч,
Аё, Дунё!
Сенга битта саволим бор!
Борим бўлса, ўтдек куйиб, кўролмаслар,
Йўғим бўлса, бир бурда нон беролмаслар,
Ёмонларинг мендан йироқ юролмаслар,
Аё, Дунё!
Сенга битта саволим бор!
Айтмаганим айтди дея айтарларим,
Ваъда бериб, ваъдасидан қайтарларим,
Қийнаш учун умр тилар менга ғаним,
Аё, Дунё!
Сенга битта саволим бор!
Гоҳо қилар ишларингдан ҳайратдаман,
Бир яхшила, бир ёмонла суҳбатдаман,
Чидаш деган ўта оғир меҳнатдаман,
Аё, Дунё!
Сенга битта саволим бор!
Кимларнингдир кўзлари қон тирик юрсам,
Юраги ҳам кулар дебман кулиб турса,
Кетсам бир кун эслагайми бирон кимса,
Аё, Дунё!
Сенга битта саволим бор!
Сендан ўтиб бораяпман юрак ютиб,
Интиқ бўлма ризқим тугар кунни кутиб,
Ишон, кейин ҳеч келмайман сенга қайтиб,
Аё, Дунё!
Сенга битта саволим бор!
Малика Тавфиқ
@Malika_Salimova_sheriyati
* * *
Сени қанча суймоқлик мумкин,
Қанча суймай, кўнглим тўлмайди.
Аччиқ соғинчингни амаллайману,
Аммо висолинга чидаб бўлмайди!
Ҳузурингда шамдай порпираб,
Титроқларим бўлади ошкор.
Нигоҳларинг турар жон сўраб,
Бўйларингда лол этар виқор!
Соғинчингда яшаш осонроқ,
Кўрсам, мутлоқ бўламан адо.
Сени ясаш учун олганда тупроқ,
Жаннатни боғидан олганми Худо?
Сўзларинг ханжардек, ҳаёт ё мамот,
Овозинг эшитсам, калимам унут!
Кўзинга бир бора тўқнашган захот,
Қоядан ўзини ташлайди бургут!
Ёқимли сабрла дийдор кутмоқлик.
Ширин кулчасини кутган боламан.
Келсанг, саломинга оламан алик,
Сўнгра қочгани жой излаб қоламан!
Чўғдек ловуллайди икки яноғим,
Зумда куламану, зум ўтмай ҳомуш.
Машаққат ёнингда бир зум турмоғим,
Бирон нима демоқ энг оғир юмуш!
Сени қанча суймоқлик мумкин,
Қанча суйсам камга ўхшайди...
Малика Тавфиқ
@Malika_Salimova_sheriyati
#премьера ларимизни кутганларга.....
Биз энди тун билан кундузлардекмиз,
Биримиз Ой мисол, биримиз Қуёш.
Биримиз тентираб юрибди ёлғиз,
Биримиз барига қилмоқда бардош.
Биримиз шеър ёзиб топамиз таскин,
Биримиз аламдан қонатамиз лаб.
Фақат иккаламиз овозсиз, секин,
Бахтни кузатамиз бахтини тилаб.
Бизни айирганлар қандини урсин,
Ёвуз ниятлари бугун амалда.
Бизларга енгилмоқ муборак бўлсин,
Яшамоқ муборак бўлсин қамалда!
Қисматни қоралаш номардларга ҳос,
Қўйиб юборган биз қўлларимизни.
Тақдирни айибдор қилманг, илтимос,
У танлаб бермади йўларимизни.
Менинг туйғуларим мўрт экан демак,
Сизнинг ҳисларингиз ўта омонат.
Ишонинг, енгилмас ишқ кирган юрак,
Узилмас занжирдир асл мухаббат.
Демак биримизнинг қуролимиз оз,
Демак биримизнинг аскаримиз кам.
Фақат биз душманга енгилдик холос,
Таслим бўлиб бердик айрилиққа ҳам.
Малика Тавфиқ
@Malika_Salimova_sheriyati
* * *
Соғинсанг айт, кабутардек учиб борай,
Соғинчларим юлдузларга сочиб борай.
Бу беш кунлик дунёлари нима экан,
Чорласанг бас, жаннатлардан кечиб борай!
Соғинсанг айт, тоғу-тошлар ошиб борай,
Дарё каби, денгиз каби жўшиб борай.
Оёғимни қўлга олиб югурганча,
Шошиб борай, дийдоринга шошиб борай.
Соғинсанг айт, қийнамасин сени фироқ,
Висол эмас хижрон бўлсин бизга йироқ.
Кундуз борай, йўлларимга ёз поёндоз,
Тунда борай, ёқиб қўйгин менга чироқ!
Соғинсанг айт, ғалаёнлар қилсин юрак,
Саодатга тўлиб кетсин еру - фалак.
Қаердаги ташвишларни қўй, азизим,
Бу дунёда умид билан яшаш керак!
Соғинсанг айт, кўпайтирма куйганларни,
Толеси бор бу ҳисларни туйганларни.
Ғуруримиз сўзларига кириб қўйиб,
Гоҳ бой бериб қўямизда суйганларни!
Малика Тавфиқ
@Malika_Salimova_sheriyati
* * *
Жуфтларга ўрнак бўладиган мухаббат ...
Хазрати Оиша р. анхо Пайгамбаримиз с.а.в
дан сўрадилар: -"Эй Aллохнинг Росули, мени
севасизми?"
-"Ха Оиша, севаман!"
-"Meни қанчалик севасиз?"
Пайгамбаримиз с.а.в жавоб бердилар:
-"Илк кунги каби, илк кўрганим каби
севаман"...
Бу жавобдан Хазрати Оиша р.анхо онамиз
жуда
хурсанд бўлиб кетдилар...
Хазрати Оиша р. анхо айтадилар:
" Пайгамбаримиз билан бирга ўтирган эдик,
бирдан шовқин овозларини эшитиб. Улар
қарадилар, бир хабаший томоша кўрсатаётган
эди, oдамлар атрофини ўраб олгандилар.
Meнга: " Oиша кел, қара" деди.
Oёгимни қўллари орасига қўйдим ва томоша
қилишни бошладим. Бироздан сўнг,
"Tўймадингми Оиша?" дедилар...
Meн хам менга бўлган хурматларини кўриш
учун "йўқ" деявердим.. Чарчаганларидан
оёқларини қимирлатаётганларини". (Бухорий
ривояти).
Росулуллох с.а.в Хазрати Оиша онамиз билан
овқатланар экан, олдин Уларни ичишларини
хохлар ва сўнгра Уларнинг огзилари теккан
жойдан ичардилар. Баъзан гўшт еган
пайтларида хам Оиша онамизнинг eган
парчадан олиб ердилар..
Пайгамбаримиз с.а.в жуфтига доим хурмат
билан муомала қилар эдилар .. Эркалатиб,
махсус исмлар билан мурожаат қилар
эдилар..
Oиша онамизни "Kўзимнинг қароси" дер
эдилар..
Баъзан " Эй Оиша гапир, кўнглимиз ёришсин"
дер эдилар...
Жуфтини тинглаб кўнгли хузур оладиган жуфт
эдилар..
Баъзан, огир кунларида, сиқилган вақтларида,
Oиша онамизга: "Қўлингни бер Oиша ичимиз
ёришсин" деб қўлларидан тутар эдилар..
Уларни доим химоя қилардилар.. Ёмонлардан,
ёмон кўзлардан химоя қилардилар.. Хеч
қаттиқ гапирмас эдилар.. Хафа қилмас
эдилар.. Хеч йиглатмас эдилар.. Хеч ерга уриб
хақоратламас эдилар..
Уй ишларида хам жуфтларига ёрдам берар,
кийимларини тикар, оёқ кийимларини
таъмирлатардилар..
Aёлларига хар томонлама хурмат кўрсатар,
хамма
ишларини аёллари билан маслахатлашиб
қилар, яхши ва ёмон кунларида хам доим
бирга бўлар эдилар..
Aллох барчамизга жуфтларимизни шундай
севиб, эъзозлашни насиб айласин... амиийн..
@Malika_Salimova_sheriyati
* * *
Бир инсон бор дунёга арзир,
Тоғдек бардош, осмондек сабр,
Ҳозир эмас, ҳозироқ, ҳозир,
Онангизга қўнғироқ қилинг.
Югуртирсин замона зайли,
Юрибсизку ул зот туфайли,
Боягина кўргансиз, майли.
Онангизга қўнғироқ қилинг.
Жон томирин узган сизни деб,
Уйқуларин бузган сизни деб
Умри ўтар ўғил-қизни деб,
Онангизга қўнғироқ қилинг.
Ишларингиз юрса-юрмаса,
Вақт югурик кутиб турмаса,
Боролмайсиз, жилла бўлмаса,
Онангизга қўнғироқ қилинг.
Қўлингизга қарамайди у,
Моянангиз сўрамайди у,
Соғинчингиз энг буюк қайғу
Онангизга қўнғироқ қилинг.
Неча дўстни йўқлайсиз ҳар кун,
Бола-чақа, бағрингиз бутун,
Майли, лоақал илтифот учун,
Онангизга қўнғироқ қилинг.
Кўнгли ярим, бор умиди сиз,
Сиззиз бутун дунёда ёлғиз,
Ич-ичидан йиғлайди унсиз,
Онангизга қўнғироқ қилинг.
Шугинадан азизроқ ким бор,
Чекмаганми етарли озор,
Керак бўлса бир кунда юз бор,
Онангизга қўнғироқ қилинг.
Деманг давлат иши ўйинми,
Тирикчилик эгди бўйинни,
Беш дақиқа топиш қийинми,
Онангизга қўнғироқ қилинг.
Болам дея тун-кун дуода,
Умрингизни тилар Худодан,
Ҳолинг қилманг баттар гадодан,
Онангизга қўнғироқ қилинг.
Юргандирлар деманг соғ-омон,
Бугун борлар, эртага гумон,
Пушаймоннинг сўнгиси ёмон
Онангизга қўнғироқ қилинг.
Малика Тавфиқ
@Malika_Salimova_sheriyati
* * *
Шамол бўлиб эшигинга очгум уруш,
Лашкар бўлиб тушларинга қилгум юриш.
Сени деса ишон, менга мушкул эмас
Оқаётган дарёларни ортга буриш.
Кулгич бўлиб жой оламан яноғингдан,
Лола бўлиб ранг оламан дудоғингдан,
Қараб тургин санайман деб соғинчларинг,
Шак-шубҳасиз адашасан саноғингдан!
Сўзинг бўлиб отиламан забонингдан,
Юлдуз бўлиб тўкиламан осмонингдан.
Етти кеча, етти кундуз тўй берарман,
Висол деган дарак келса тамонингдан!
Санчиламан ханжар бўлиб юрагинга,
Томирингда кўпираман қонинг бўлиб,
Соғинганда тиқиламан томоғинга,
Сўнг тананга тараламан жонинг бўлиб.
Юрар бўлсанг пойинг ўпар гардинг бўлиб,
Юрагингда киши билмас дардинг бўлиб.
Ўзга ёрга кўнгил берсанг бахтинг учун,
Ўз бахтидан кечурман мен мардинг бўлиб!
Малика Тавфиқ
@Malika_Salimova_sheriyati
Совуқ, ғамгин, қоронғу хона,
Охаклари кетган қорайиб
Оқшом чўкиб келган ҳамоно,
Юрак каби кетар торайиб.
Эгасини бойишин кутмай,
Қулайман дер гувала девор.
Уни тутиб турган нуратмай,
Чимилдиққа қоқилган мих бор.
Катта рўзғор, кунда, кун ора,
Аёл нонга қоради хамир.
Тирноқларин теги қоп-қора,
Чигит чувиб ўтирар кампир.
Катта-кичик, ҳаммани қўшиб,
Бир хонага қамаб қўяр қиш.
Баҳоргача адирни ошиб,
Ота ўтин ташир, бояқиш.
Қор ёғади сутдек кўпириб,
Ўкиради куюккан сигир.
Аёл шўрлик саҳарда туриб,
Нон ёпмоғи керак бир тандир!
Ухламади бу тун боласи,
Онаизор бағри минг тешик.
Оғриб кетди бўм-бўш сийнаси,
Ботиб кетди бағрига бешик.
Умидларни....
Сиртда қолдириб,
Қиш ўчоғи юракдан ҳам тор.
Эр-хотиннинг уйни тўўўўлдириб,
Ухлаб ётган орзулари бор...
Малика Тавфиқ
@Malika_Salimova_sheriyati
Har doim sizlar bilan efir o'tkazadigan komfortniy xonamda ertaga ham efir o'tkazish uchun tayyorgarlikdaman !
@Malika_Salimova_sheriyati
Бугун шу шеъримнинг туғилган куни экан... ❤️
Она, бугун қошинга келдим.
Ўша ҳовли, жондек қадрдон.
Кўрпачангдек тўшалди кўнглим,
Юрагимдек ушатилди нон!
Ҳеч сўз демай, бағринга ботсам,
Ҳаёт иси келади сендан.
Билсам мени сенчалик маҳкам,
Ҳали ҳеч ким қучоқламаган!
Турмуш, рўзғор ғурбатларидан,
Паноҳ истаб келаман яна.
Ташвишларин кўксинга тўккан,
Мен нодонни кечир, жон она!
Безиллайман тонг отишидан,
Керак пайти отмаган номард.
Сени ташлаб яна тонг билан,
Ташвишларга қайтмоқлигим шарт!
Яна тошдек отар мени Дун,
Яна югур, яна чоп ҳар ён!
Ҳар замон бир йиғлаб келишчун,
Онамни соғ асра, Художон!
Малика Тавфиқ
@Malika_Salimova_sheriyati
#Premyera
#Malika_Tavfiq"✍"
@Malika_Salimova_sheriyati
- Hayot shunchalik tezlashib kettiki, hamma narsa o'zgarmoqda!!!
@Malika_Salimova_sheriyati
Hammaga Salom! Efir yoqishga harakat qilyapmiz , lekin nimagadir aloqa yaxshi ishlamayapdi , birozdan keyin yana urunib ko'ramiz!
@Malika_Salimova_sheriyati
* * *
Алдаманг беҳуда,
Сўзламанг ёлғон,
Бир лаҳза, бир онга ўчмаган ёдим!
Мен овман, барори келмаган,
Сиз ўқи ҳайф кетган сайёдим!
Алдаманг! Биламан!
Ҳолингиз нечук,
Мени севаяпсиз ёмонлар кўриб.
Ишонинг мухаббат қисматдир буюк,
Унутмоқлик мумкин соғиниб туриб!
Алдаманг!
Бу ёлғон ёлғонлардан чин,
Сўзлар ҳаё қилар кўзларингиздан!
Мени биииир боргина кўрмоқлик учун,
Ўтинч унаяпди изларингиздан!
Алдаманг! Шу сафар олақолинг тан,
Асли тан олиш ҳам мардлик, матонат!
Менманку, кўнглингиз яшаган ватан,
Менман сиз тан олмаган ўша мухаббат!
Ёлғонми?
Ёлғонни ташладим бичиб,
Алдашми, алдашни ўрганинг мендан,
Сизни ёмон кўрдим дея онт ичиб,
Яхши кўриб кетаяпман жон дилдан!
Малика Тавфиқ
@Malika_Salimova_sheriyati
Suydirgingiz keladiya o‘zingizni
* * *
Энди ҳаммасини рўйи-рост айтинг,
Энди куйдирмайди сўнган аланга.
Сиз ҳам бир амаллаб Ватанга қайтинг.
Мен ҳам қайтақолай сиз йўқ ватанга!
Сиз йўқ кўчаларни кезаман энди,
Менсизлик ҳавосин симиринг тўйиб.
Латиф туйғуларнинг ёмғири тинди,
Сиз дафтарни ёпинг,
Нуқтани қўйиб!
Яна қаролансин ойдин тунларим,
Яна сув сепгандек жимсин ўтар кун.
Билинг кўнглим учун сизни суймадим.
Суйдим, сизни Оллоҳ суйгани учун!
Энди ҳаммасини рўйи-рост айтинг,
Чирқирар фалакда ватансиз бир қуш.
Шифтга термулганча ҳаста ётгандан,
Юриб туриб ўлган осон бўлармуш!
Вулқондек отилсин видо юракдан,
Қайнасин биқирлаб томирдаги қон.
Кўнгил кўнгил эмас, суви қуриган,
Оловда унутиб қўйилган финжон!
Малика Тавфиқ
@Malika_Salimova_sheriyati