Telegram-канал manishsindhi - Manish Sindhi: Education

Manish Sindhi

31 Oct 2024 16:41

💁‍♂વિદ્યાસહાયક ભરતી

વિદ્યાસહાયકના ફોર્મ 7 નવેમ્બર થી 16 નવેમ્બર સુધી ભરી શકાશે.

#TET

Manish Sindhi

30 Oct 2024 04:43

મોર્નિંગ મ્યુસિંગ્સ:
હવે "મોટા" થઈ ગયા એટલે દિવાળીનો અર્થ બદલાઇ ગયો, પરંતુ જ્યારે નાના હતા, ત્યારે દિવાળી નિર્દોષતાનો તહેવાર હતો.
દિવાળી, જન્મ પછી અનુભવેલો પહેલો શાનદાર તહેવાર હતો. પછી તો નાના-મોટા ઘણા તહેવારો ઉમેરાતા ગયા, પણ મોટા થવાની પ્રક્રિયામાં, દિવાળી કાયમ starting blocks રહી છે, જેના ખાંચામાં પગ ભરાવીને જિંદગીની મેરેથોન શરૂ કરી હતી. કેવી કેવી નિર્દોષતા હતી! થોડી સ્મૃતિઓ:
- દિવાળી, વર્ષમાં પહેલીવાર (અને એક જ વાર) નવાં કપડાં પહેરીને ખુશ થવાની નિર્દોષતા હતી. અને તે પણ એક જ તાકામાંથી કાપીને દરજીએ સિવેલાં! આજે રેડી-મેઇડ એનાથી પણ ઉત્તમ હોય છે, પણ એવી મજા નથી. તમને દરજીને ત્યાં આતુરતા સાથે મારેલાં ચક્કર યાદ છે?
- દિવાળી, વહેલા ઉઠીને, તૈયાર થઈને, "વગર બોલાવે" ગામમાં લોકોના ઘરે પહોંચી જવાની નિર્દોષતા હતી. આજે કોઇને ફોન કરવો હોય તો પણ બે વાર વિચાર કરવો પડે છે!
- દિવાળી, ઘરમાં દરેક ઓરડાની છત પર ટાંગેલા હૂકમાંથી, ધોવા માટે તાંબા-પિત્તળનાં વાસણોને ઉતારી આપવાની અને પછી એવું માનવાની નિર્દોષતા હતી કે દિવાળીમાં ઘર સજાવવા માટે જ વાસણોને લટકાવામાં આવે છે. હવે, હૂક વાળી છતો નથી બનતી!
- દિવાળી, મિત્રો સાથે સાઈકલ પર શહેરમાં જઈને, નવી "ચડેલી" ફિલ્મની ટિકિટ બ્લેકમાં લઈને જીવનની પહેલી "સિદ્ધિ" હાંસલ કર્યાના આનંદની નિર્દોષતા હતી. આજે, ટેલિવિઝન પણ બોરિંગ લાગે છે.

તમને તમારી દિવાળી કેવી રીતે યાદ છે?