24226
Masofatalim™ — ta’lim va yoshlar masalalari. Shuningdek, turli mavzularda kuzatuvlar va subyektiv fikrlar. Reklama uchun: @masofatalimbot
“Oilamni yorug‘likka olib chiqishim kerak edi...”
Prezident sovg‘asi – BYD elektromobili sohibasi Maftuna Ochilovaning hikoyasi – “To‘qilmagan hikoya”ning navbatdagi sonida yangraydi.
Oddiy oilada ulg‘aygan Maftuna qanday qilib butun O‘zbekiston e’tiboriga tushdi? Uning hikoyasi sizni hayratga soladi, ilhomlantiradi va o‘ylantiradi.
13-iyul kuni soat 19:30 da “Yoshlar” va “Mening yurtim” telekanallarida tomosha qiling!
@masofatalim
“Narxoz” oʻqituvchisi 4000 dollar bilan qoʻlga tushdi
Toshkent davlat iqtisodiyot universitetining kafedra o‘qituvchisi o‘zining mansabdor tanishlari orqali poytaxtlik fuqaroni mazkur oliy ta’lim muassasasiga o‘qishga kiritib qo‘yish evaziga 4000 AQSH dollari olgan vaqtida ashyoviy dalillar bilan ushlandi.
@masofatalim
Pinkod.uz banklar tomonidan taklif etilayotgan VISA kartalarning afzalliklari va ularning o‘ziga xos jozibadorligini jamlabdi.
Shuningdek, jamoatchilik faollari va blogerlar xorijga chiqqanda qaysi bankning VISA kartasidan foydalanishlarini ham o‘rganibdi.
Batafsil: /channel/pinkoduz/725
Shu paytda miyada urush ketyapti. Magistraturaga kirish uchun xorijiy til sertifikati talab etiladi. Bu talab joriy qilingan payti magistrantlar ilm bilan shugʻullansin, xorijiy adabiyotlarni oʻqisin, buning uchun esa til bilish kerak, deyilgandi.
Masalaning boshqa jihati, masalan, “Zulfiya”chilar, nomdor stipendiya va “Mard oʻgʻlon” davlat mukofoti olganlar va boshqa imtiyozchilar magistraturaga imtihonsiz qabul qilinadi.
Endi miyada nimaga urush ketyapti: shunda bu imtiyozi borlar ilm bilan shugʻullanmaydimi? Ular xorijiy adabiyotlarni oʻqimasa ham boʻlaveradimi va til bilishi shartmasmi? Nega shu joyida ikki xil yondashuv? Yoki imtiyozi borlarning hammasi xorijiy tilni biladimi?
Tenglab qoʻyish kerakda. Imtiyozi borlarga imtihon joriy qilinmasa ham, hech yoʻq xorijiy til sertifikatini topshirishni majburiy qilish kerak. Til bilishning koni foyda, imtiyozchilar bundan bebahra qolishmasin, deymizda.
@masofatalim
Termiz davlat universitetida tantanali diplom topshirish marosimi ekan. Diplom topshirish noodatiy tus olgani bu yil deyarli hamma oliy ta’lim muassasalarida kuzatilyapti.
Bu jarayonning noodatiyligi ham shundaki, avvalgi yillardagiga oʻxshamaydi. Dunyoning nufuzli OTMlari kabi bitiruvchilarga diplomlar berilayotganiga guvoh boʻlyapmiz. Balki bu yaqin yillarda boshlangan amaliyotdir, ehtimol oʻtgan yillarda e’tibor bermagan boʻlishimiz ham mumkin.
Ammo bizning davrimizda metroga tushib, bir chekkadan borib, dekanatga uchrashib, sekretar opadan sekin diplomni olib qaytaverardik. Bunday tantanalar yoʻq edi. Yana diplomni shaxsan rektorlar topshiryapti. Biz oʻqishga kirgandan to bitirguncha rektorning qorasini koʻrmaganmiz😁
@masofatalim
Kirish imtihonlari 14-iyuldan boshlanadi
2025-2026-o‘quv yili uchun oliy va professional ta’lim muassasalariga o‘qishga kirish imtihonlari 14-iyuldan boshlanib 23-iyulgacha davom etadi.
@masofatalim
Chat GPT’ning Masofatalim™ Telegram kanali haqidagi fikri
Kanalning kuchli jihatlari sifatida quyidagilarni taqdim etdi:
⁃ Oliy ta’lim tizimi va OTMlar faoliyatini yaqin va ochiq yondashuvda yoritadi.
⁃ Talabalar uchun amaliy ma'lumotlarni bergan: mandatni qanday tekshirish, grant/kontrakt o‘rni, rektorlarga oid yangiliklar.
⁃ Muloqotli: so‘rovlar, muammolarni ochiq platformada muhokama qiladi.
@masofatalim
O‘zbekistonda nodavlat OTMlar faoliyatini litsenziyalashning qo‘shimcha shartlari belgilandi
Vazirlar Mahkamasining qarori bilan, litsenziyalashning qo‘shimcha shartlari quyidagilardan iborat:
🔹 talabgor tomonidan tashkil etilayotgan oliy ta‘lim tashkilotining konsepsiyasi taqdim etiladi;
🔹 talabgor tomonidan nodavlat oliy ta‘lim tashkilotining ta‘lim jarayoni bilan bevosita bog‘liq bo‘lgan moddiy-texnik baza, dasturiy ta‘minotni o‘z ichiga olgan dastlabki ustav fondi (ustav kapitalini) 2 mln AQSH dollari ekvivalentidan kam bo‘lmagan miqdorda shakllantiradi;
🔹 talabgor tomonidan 350 ming AQSH dollari ekvivalentidagi mablag‘lar tijorat banklaridagi depozitlarga zaxiraga joylashtiriladi;
Bu nafaqat moliyaviy javobgarlikni oshiradi, balki taʼlim sohasidagi ishonchni ham mustahkamlaydi deb o‘ylayman. Talaba o‘z kelajagini ishonch bilan bog‘lay oladigan, barqaror universitetda tahsil olishi kerak.
@masofatalim
“Hududiy elektr tarmoqlari” degan tashkilotning matbuot kotibi zoʻr-da. Muammoni gapirsang, muammo qolib oʻzingni urishib beradi😁
@masofatalim
AloqaBank'ning “Startap yo‘li” media loyihasi doirasida navbatdagi istiqbolli loyiha — Bito startapi jamoatchilik e’tiboriga havola qilindi. Loyiha AloqaVentures tomonidan qo‘llab-quvvatlanmoqda va Startup Garage venchur studiyasi rezidentlari qatoriga kiradi.
Bito — ERP tizimi asosida ishlab chiqilgan biznes boshqaruv platformasi bo‘lib, u korxonalarga o‘z faoliyatini raqamlashtirish, ichki jarayonlarni avtomatlashtirish va ish samaradorligini oshirish imkonini beradi. Platforma bir nechta biznes yo‘nalishlarini bir tizimda boshqarish, foydalanuvchilarni mijoz yoki ta’minotchi sifatida o‘zaro integratsiya qilish imkoniyatiga ega.
Bundan tashqari, Bito tizimi quyidagi funksiyalarni taklif qiladi:
— QR-kod orqali savdo va to‘lov jarayonlarini soddalashtirish;
— Mijozlar profili orqali individual ishlash imkoniyati;
— Multivalyutalilik, keshbek tizimi, video qo‘llanmalar;
— Onlayn va oflayn rejimda ishlash;
— Telegram bot orqali qulay boshqaruv.
AloqaVentures mazkur startap orqali O‘zbekiston va mintaqadagi korxonalarni global raqamli transformatsiya yo‘liga olib chiqishni maqsad qilgan.
@masofatalim
Сўнгги етти йилда бошқарув кадрлари таркиби анча ёшариб, 40 ёшгача бўлган раҳбарлар улуши 37 фоиздан 65 фоизга ошди.
“Биз Янги Ўзбекистонда “халқ хизматидаги давлат” тамойилини рўёбга чиқаришда сиз каби иқтидорли, жонкуяр ва етакчилик қобилиятига эга ўғил-қизларимизга таянамиз.
Шу боис, ўтган ойда истиқболли кадрлар тайёрлаш ва уларни давлат бошқарувига жалб этиш бўйича муҳим фармонни имзоладим.
Энди, Давлат бошқаруви академиясида “Келажак лидерлари” дастури бўйича ҳар йили 100 нафар салоҳиятли ёшлар ўқитилади”,
Ertaga, 30-iyun kuni yoshlar uchun koʻplab yangi imkoniyatlar e’lon qilinishi kutilyapti ekan. Yangiliklardan qolib ketmaslik uchun ertaga ertalabdan ijtimoiy tarmoqlarni faol kuzatish tavsiya etiladi :)
@masofatalim
Brayl alifbosini oson tushunish va ovozga aylantirish texnologiyasi ishga tushirildi
BrailleRecognition — ko‘rish qobiliyati cheklanganlar uchun mo‘ljallangan mobil ilova bo‘lib, u Brayl alifbosini tanish va uni matn hamda ovoz ko‘rinishida qayta ishlashga qodir. Telefon kamerasi yordamida belgilar skaner qilinadi, shundan so‘ng ular ekranda ko‘rsatiladi yoki ovozli shaklda eshittiriladi.
Ilovaning ishlash mexanizmi neyron tarmoqlar va optik tanish texnologiyalariga asoslangan. Matnni kirill yoki lotin alifbosida chiqarish, turli tillarga tarjima qilish, ovozli sintez funksiyasi orqali eshittirish imkoniyatlari mavjud.
Loyiha AloqaBank tashabbusi bilan amalga oshirilgan Startup Garage akseleratsiya dasturi doirasida tayyorlangan. Hozirda Android va iOS qurilmalari uchun moslashtirilgan versiyalari mavjud.
@masofatalim
Toshkent kimyo-texnologiya institutida bugun Qabul 2025ga bag'ishlangan yirik matbuot anjumani bo'lib o'tdi.
2025-yil 20-iyun kuni O’zbekiston Milliy matbuot markazida “Toshkent kimyo-texnologiya institutida 2025/2026 o‘quv yili uchun qabul jarayonlarini tashkil etish hamda Muhandislik sohalarida kadrlar tayyorlash borasida amalga oshirilayotgan ishlar” mavzusida Matbuot anjumani bo‘lib o‘tdi.
Ushbu matbuot anjumanida Ommaviy axborot vositalari xodimlari, jumladan jurnalistlar hamda blogerlar ham ishtirok etib o'zlarini qiziqtirgan savollarini mas'ullarga yo'llab, ularga atroflicha javob oldilar.
Matbuot anjumani so'ngida Prezidentimiz tashabbusi bilan mamlakatimizni har tomonlama yanada rivojlantirish, xususan Toshkent kimyo-texnologiya institutida olib borilayotgan islohotlarni xalqimizga sifatli va tezkor yetkazishda jonbozlik ko‘rsatgan jurnalist va blogerlarni 27-iyun — Matbuot va ommaviy axborot vositalari xodimlari kuni munosabati bilan institut rahbariyati tomonidan tashakkurnoma hamda esdalik sovg'alar bilan taqdirlandilar.
Batafsil
@masofatalim
Pinkod.uz’ni nima uchun kuzatib borish kerak?
- Iqtisodiy yo‘nalishdagi xabarlarning barchaga tushunarli va sodda tildagi tahlili beriladi.
- Banklar, to‘lov tashkilotlari va boshqa tijoriy kompaniyalarga oid eng sara materiallar aynan shu yerda bor.
- Moliyaviy savodxonlik borasida original maqolalar e’lon qilinadi.
- Texnologiyalarga oid eng muhim yangiliklar chop etiladi.
Bular hammasi emas! Qolganini kuzatib borish davomida bilib borasiz. Aytgancha, ular obunachilarining ortiqcha vaqtini olmaydi — eng muhim va saralarini chop etadi.
Kuzatib boring: @pinkoduz
TATU talabalar yotoqxonasi hududi ekan.
@masofatalim
Masofaviy ta’lim, qo‘shimcha yo‘nalish va binoga nega ruxsat berilmayapti?
2025-2026 o‘quv yilida oliygohlar kunduzgi ta’limga 200 ming nafar yoshlarni qabul qilish imkoniyatiga ega, yangi tartib bo‘yicha boshqa shakllarga 100 ming nafargacha yoshlarni qabul qila oladi.
Chunki PF-76ga ko‘ra boshqa shakllarga qabul kunduzgining 50 foizidan oshib ketmasligi kerak. Hozirda baribir yana sirtqi ta’limga talab ortib ketadi, shu holatda Oliy ta’lim, fan va innovatsiyalar vazirligi mavjud oliygohlarga masofaviy ta’limga ruxsat berishni tezlashtirishi kerak.
Axir VM-403 qarori uch oydan so‘ng kuchga kiradi, u kuchga kirguncha qabul davri ham tugaydi, talabalar chetga chiqib ketishni boshlaydi. Yiliga taxminan 75-90 ming talaba qo‘shni davlatlarga sirtqi va masofaviy ta’lim olishga chiqib ketadi. Bu esa o‘rtacha bir talaba hisobiga 2000 dollar atrofida pulni chetga olib chiqib ketganda ham yiliga 150 mln dollar pul degani, bu esa o‘z o‘rnida har yili shunchaga oshib boradi.
Aslida bu uch oylik muddat tadbirkorlik sub’yektlariga taalluqli bo‘lib, ular shu davrda yangilangan VM-80 talablariga faoliyatlarini moslashtirishi talab etiladi. Bu talab vazirlikning litsenziya berish funsiyasiga dahl qilmaydi. Shuning uchun nodavlat OTMlarga faoliyatini yaxshilashi uchun qo‘shimcha yo‘nalish, masofaviy ta’lim va bino qo‘shish bo‘yicha so‘rovini qanoatlantirishi lozim.
Ma’lumot uchun statistikani aytib ketay:
Xorijdan o‘qishni ko‘chirish bo‘yicha hujjat topshirgan talabalar soni 2020-yilda 65,5 ming nafar, 2021-yilda 93 ming, 2022-yilda 76,9 ming, 2023-yilda 24,2 ming, 2024-yilda 9 ming nafarni tashkil etgan. To‘rt yil ichida 200 000 nafardan ortiq talaba qaytarilgan edi, uning ustiga endi-endi qo‘shni davlatlarda bizga talaba kelishni boshlagan edi, biz Markaziy Osiyoda ta’lim xabiga aylanish imkoniyatimizni o‘z qo‘llarimiz bilan boltalamoqdamiz.
Ushbu ko‘rsatkichning ijobiy tomonga o‘zgarishiga respublika oliygohlarining qabul kvotalari oshirilganligi va nodavlat oliygohlarga imkoniyat berilganligi asosiy sabab bo‘ldi.
Endi sirtqi ta’limni yopib yana shuncha talabani chetga chiqarishga va shuncha mablag‘ni chetga chiqib ketishiga majbur qilmoqdamiz. Hozir Oliy ta’lim, fan va innovatsiyalar vazirligi hukumat qarori kuchga kirgungacha tezroq masofaviy ta’lim uchun mavjud oliygohlarga oldingi talablar bilan lisenziya berishi va masofaviy orqali sirtqining o‘rnini to‘ldirib olishga imkoniyat berishi kerak. Qo‘shimchasiga hozir ishlab turgan oliygohlarga qo‘shimcha binolari evaziga qabul kvotasini oshirishga yo‘l qo‘yib berish kerak.
Baraka topgurlar, shusiz ham moliyaviy qiyinchiliklar qarshisida turgan xususiy OTMlarni battar qiyin vaziyatga solmay, ahvolini yaxshilashga qonuniy yordam beringlar. Bu uchun tayyor huquqiy hujjat qo‘linglarda turibdi-ku!
Bektosh Hotamov
@masofatalim
Iye, xabar berishlaricha, masalaning yanada kulguli joyi bor ekan: bakalavrni xorijiy tilda oʻqiganlardan ham magistraturaga topshirishda sertifikat soʻralarkan :)
Bir chetda imtiyozchilar hammasiga jimgina kulib qoʻyyapti 😁
@masofatalim
Biz tanqidiy post yozguncha magistraturaga qabul ham ochilib ketdi. Yoʻq, qabulni boshlaydiganlar tez emas, biz sal sekin harakat qilib qoʻydik.
Mayli jigarlar, hali oldinda magistraturaning mandati kechikishi bor. Oʻshanda soʻralgan tanqidlarni ikki karra qilib hissasini chiqarib beramiz.
Garchi magistratura qabuli kechikkani uchun biror tirik jonzot uzr soʻrab, tushuntirish bermagan boʻlsada, tanqidiy post kechikkani uchun biz siz azizlardan uzr soʻraymiz :)
@masofatalim
❗️Andijon davlat universiteti rektori Akrom Yo‘ldashev 6 yilga qamaldi
Universitet mansabdori hisoblangan jami 13 kishidan iborat uyushgan guruh budjet mablag‘larini talon-toroj qilgani aniqlangan.
Sudda universitet rektori lavozimida ishlagan Akrom Yo‘ldoshev aybiga iqrorlik bildirmagan. U yo‘l qo‘yilgan kamchiliklarda o‘zining xatosi borligini tan olgan, lekin uyushgan guruh tuzishib, hujjatlarni soxtalashtirgan holda budjet smetasi qoidalarini buzganlikda qo‘yilgan ayblovlarga e’tirozi borligini ma’lum qilgan.
“Biologiya yo‘nalishi bo‘yicha pedagogman. O‘zi rahbar bo‘lib ishlagan davrda buhgalteriya sohasini yaxshi tushunmaganim sababli universitetning moliyaviy iqtisodiy yo‘nalishlarini nazorat qila olmadim. Asosan ta’limni rivojlantirish, yoshlar ishlari bo‘yicha ishlab, mahalliy xokimiyat topshiriqlarini bajarib keldim. O‘zim iqtisodchi bo‘lmaganim uchun bosh hisobchi A.lijon Mahmudovga ishongandim.
O‘zlashtirish va rastrata qilingan mablag‘lardan umuman manfaatdor bo‘lmaganman. Universitetda moliyaviy ishlar bo‘yicha prorektor, ichki audit, moliya reja bo‘limlari faoliyat yuritib kelgan. Ularning ham ishlarini nazorat qila olmaganman. Juda ko‘p miqdordagi pullarning o‘zlashtirib yuborilganida o‘zimning xatom qo‘l ostimdagi xodimlarning ishlarini nazorat qila olmaganim, deb bilaman”, degan sobiq rektor o‘z ko‘rsatmasida.
Oʻqituvchilar vazirlikni sudga berdi
Bir guruh o‘qituvchilar attestatsiya natijalaridan norozi bo‘lib Maktabgacha va maktab ta’limi vazirligini sudga berdi.
“Xalq ta’limi info”ning xabar qilishicha, ular attestatsiya imtihonlarini qayta o‘tkazish majburiyatini yuklash, ma’naviy ziyon va vakil xarajatlarini undirish yuzasidan da’vo arizasi kiritdi.
Ma’lum bo‘lishicha, pedagoglar 2025-yilda ona tili va adabiyot fanidan o‘tkazilgan attestatsiya natijalarini g‘ayriqonuniy deb hisoblamoqda.
@masofatalim
Hammasi tush kabi go’yoki.
30-iyun 2025-yil.
Yoshlar kuni.
Congress Hall.
Prezidentimiz minbarda turib nutq so‘zlamoqdalar.
Shu payt, yuzlab tengdoshlarim orasida o‘tirib, bir narsani chuqur his qildim: Orzular odamlarga bekorga berilmaydi.
Ko‘z oldimdan esa bir lahzada butun yo‘lim o‘tib chiqdi…
30-iyun 2025-yil men uchun ikki karra bayram bo‘ldi. Aynan tug‘ilgan kunimda, prezidentimiz qo‘lidan “Kelajak bunyodkori” unvonini olayotganimda, yuragimdagi tuyg‘ular ko‘zimga yosh olib keldi.
Onamning Rossiyaning ayovsiz sovuqlarida qizining kelajagi uchun mehnat qilgan damlari.
Maktabda kam ta’minlangan oila farzandi sifatida qishki kiyim olgani uyalgan paytlarim.
Jamiyatda “qiz bola chet elda o‘qimasligi kerak” degan stereotiplarga qarshi kurashganim…
Bularning barchasini eslar ekanman, bir narsani tushundim - haqiqiy chegaralar faqat ongimizda bo‘ladi.
Dunyoning eng nufuzli universitetlaridan biri - @universityofbristol magistratura bosqichida tahsil olganim, @elyurtumidifoundation grantini qo‘lga kiritganim - bu ikki yillik tinimsiz mehnat, sinovlar va kurashlarning mevasi.
Lekin men hech qachon taslim bo‘lmadim.
Va aynan shunda tushundim: agar inson orzusini chin dildan istasa, uni faqat tasavvurda emas, hayotda ham ro‘yobga chiqarishi mumkin.
Chunki kurashilgan orzular uchun “imkonsiz” degan so‘z yo‘q.
Va bugungi kunda minglab yoshlarga loyihalarimiz orqali tajribalarimni bo’lishyapman.
Prezidentimiz medalni taqib, qo‘limni siqqan chog‘da aytgan:
“Orzugul qizim, men senga ishonaman. Kelajakda bundan-da yuksak marralarni zabt etib, yurtimiz ravnaqi uchun xizmat qilishingga.”
Bu so‘zlar hayotimdagi barcha qiyinchiliklarni unutib, menga yanada kuch bag‘ishladi.
Shu sahnada turib, minglab yoshlar nigohida ularning orzusi bo‘lib turganimda, meni doimo qo‘llab-quvvatlab kelgan ota-onam, oila a’zolarim, do’stlarimga cheksiz minnatdorchilik bildiraman.
Shuningdek, “Top 100 Uni” loyihamiz hamda TopCoach platformamizda bizga doimo ishonch bildirganlari uchun Alisher Sadullayev Zafarovichga chuqur tashakkur izhor qilaman
Bu yutuq faqat meniki emas.
Bu medal - yonimda turib, birga kurashayotgan, loyihamizga yurakdan mehnat qilayotgan butun jamoamizniki hamdir.
Oʻzbekistonda ochilgan (XIX asrda) eng birinchi va katta davlat bankini bugun boshaqarib kelayotgan raisi oʻz faoliyatini maktabda ingliz tili fani oʻqituvchisi sifatida boshlagan ekan.
Pinkod.uz tahririyati mamlakatdagi 9 ta davlat bankining aksiyadorlari, boshqaruv va kuzatuv kengashi raislari hamda ularning shaxsi haqida juda qiziq ma’lumotlarni oʻz ichiga olgan katta material e’lon qilibdi.
Batafsil bu yerda oʻqing.
@masofatalim
Prezident – yoshlarga: Sizlar – Yangi O‘zbekiston bunyodkorlari sifatida yangi tarix yaratadigan oltin avlodsiz!
@masofatalim
Hozirgi bollar biryo‘la “roddom”dan til o‘rganib chiqyaptimi, vey :)
Lekin malades, tan bermay iloj yo‘q 🙌🏻
@masofatalim
30 ming dollar investitsiya: Urganchda o‘tkazilgan “Investorlar kuni” natijalari e’lon qilindi
Xorazm viloyati, Urganch shahrida bo‘lib o‘tgan “Investorlar kuni” tadbirida ikkita startap loyihasiga jami 30 ming AQSh dollari miqdorida investitsiya ajratildi.
Speed-dating formatida tashkil etilgan uchrashuvlar davomida startaplar qisqa vaqt ichida o‘z g‘oyalarini investorlarga taqdim qilishdi. Natijada, Gramir loyihasi 20 ming dollar, Diip.uz esa 10 ming dollar sarmoya oldi.
Tadbirda jami 10 ta startap ishtirok etdi. Ular orasida MedFinder (onlayn dori yetkazish), Maydon (futbol maydonlarini bron qilish), DevMarket (IT loyihalar bozori), BinoCRM, Nestin, Durbin va boshqalar mavjud.
“Investorlar kuni” AloqaBank tashabbusi bilan tashkil etildi va yangi biznes tashabbuslarni amaliy qo‘llab-quvvatlashga qaratilgan.
@masofatalim
Oliy ta’lim vazirligi matbuot xizmati Hukumat qarorini bajarmayapti(mi)?
Vazirlar Mahkamasining tegishli qarori bilan 2025-yil 1-martdan boshlab davlat organlarining rasmiy veb-saytlari faqatgina yagona platformada — gov.uz’da yuritilishi belgilangan.
Ammo vazirlik matbuot xizmati Hukumatning ushbu qarorini bajarmayotgan koʻrinadi.
Xususan, 22-iyun kuni Oliy ta’lim, fan va innovatsiyalar vazirining birinchi o‘rinbosari Shohrux Daliyev Jizzax politexnika institutida oʻrganish oʻtkazgani haqidagi xabar vazirlik Telegram kanalida ma’lum qilingan, xabarning toʻligʻi esa gov.uz platformasida emas, telegra.ph orqali e’lon qilingan.
Hukumat qarorida davlat organlarining rahbarlari tashkilotining rasmiy veb-sayti yagona platformada yuritilishi uchun shaxsan javobgar hisoblanishi ham koʻrsatib oʻtilgan. Ya’ni hozirgi holatda shaxsan vazir Qoʻngʻirotboy Sharipov javobgar.
Kiberxavfsizlik talablariga javob beradigan yagona platforma — gov.uz turganda vazirlik nega ishonchsiz hisoblangan telegra.ph’dan foydalanayotgani tushunarsiz.
@masofatalim
“Turon” maktab teatri va “Iqtidor” maktab ansambli tanlovlarida g‘oliblar aniqlandi
Maktabgacha va maktab ta’limi vazirligi tomonidan 17-19-iyun kunlari Samarqand shahrida “Turon” maktab teatri hamda “Iqtidor” maktab ansambli tanlovlarining Respublika bosqich sinov jarayonlari tashkil etildi.
Davlat rahbarining tashabbusi bilan tashkil etilgan “Turon” maktab teatri tanlovi bahslarida maktablarning 6-11-sinf o‘quvchilaridan (8 nafar) iborat jamoalar ishtirok etdi. Jamoalar ikkita — “Bizning maktab” tanishtiruv va savol-javob hamda “Teatr – ibratxona” sahna spektaklini namoyish etish shartlari asosida bellashishdi.
O‘quvchi-yoshlarning milliy cholg‘u san’atiga bo‘lgan qiziqishlarini oshirishga xizmat qiluvchi “Iqtidor” maktab ansambli tanlovida 6-10-sinf o‘quvchilari (8 nafar)dan iborat jamoalar ishtirok etdi.
“Turon” maktab teatri tanlovi bahslari hududdagi Hamid Olimjon nomidagi viloyat musiqali drama teatrida, “Iqtidor” maktab ansambli tanlovi bahslari Nurafshon san’at saroyida tashkil etildi.
Tanlovlar g‘oliblarini tantanali taqdirlash marosimi 19-iyun kuni “Boqiy shahar” majmuasida bo‘lib o‘tdi. Unda Prezident yordamchisi Saida Mirziyoyeva ham ishtirok etdi.
@masofatalim
Labaratoriya ishlarini bajarishda oltin qoida bor — halat kiyish. Odatda, oq ranglisi.
AI xulosasi ham shunday.
Bu qoidani yozganlar vazirlar bundan mustasno ekanini aytishmagan.
@masofatalim