قريت إقتباس يقول :
كل الرفاق أحبّه ،إلا من شهد إنهيارك وراهن على نجاتك دائماً ، هذا عزيز الروح .
نبيه رسَام .. يرسمني وأني نكتب عليه، يرسم عيوني وقت نشوفله، يتفنن في نقش أيديا ورقتهم، نبيه رسام يرسم ملامحي القالقة، يرسمني لما نـشد القلم مثلًا .. لما نشد مَق كاكاو، لما حاضنة الشال فالشتاء، وقت نتفرج، وحتى لما كيف مروحة مِن الشغل، معنديش مانع أبدًا
نبيه يرسم الزاوية الي نحب نقعمز فيها، يرسم زعلي، وميفوتش على روحه الإبداع في ضحكتي، نبيه يرسم لحظات سَهوي، ويرمسني حتى وأني راقدة، نبيه يرسم شعوري لو أمكن، ويرسم أدق التفاصيل.
أني نبيه رسام، يعبي حوشنا باللوحات
باش نزيد نحِبه، ونجي نعبيكم نصوص.
- فيرُوز
قهوة وغيمة ولمة العِيلة ...
بالزبَط هادي أبسط أحلامِي وقِت نبكي ع حاجة وبعد خمس دقايق نكتشف إنها متستاهِلش بما إنها حاجة مش فِـ عيلتِي ، الشيئ اللي ميأثرِش عليك خمسة سنين القدام ميحتاجِش تبكِي عليه خمسَة دقايق وهادي وحدة من قناعَاتِي .
خديت ورقة وقلم ورسمِت وهَـ المرة مش ايدي اللي ترسِم خليت خيالي يرسِم ، رسمِت حوشنا ، رسمت المكان اللي بنضحكو فيه ، المكان اللي بنبكو فيه ، خصصِت مكان باش نقرو الكتابات مع بعض ، مكان نشربو قهوتنا واللي محليها حُبنا ، رسمت مكَان لكُل شي نبوه يصير ، واللي قطع خيالي مسج منِك وإنت تفكرنِي بإني الدنيا بحالهَا عندكْ 🤍.
Читать полностью…
وزاد قال : نعاندكْ ف يوم تلقى غيري وفُوق العناد نراهنَكْ ح اتجينِي .
Читать полностью…
رقم أثنين، ومعاه إرتسموا حكايات
بين قلبين بَس إنعاشوا، في جوف شخصين
إختارت المَشاعر إنها تسكن، وزحمة الأفكار
دارت دوشة، وبيناتها صَار النِقاش
كان العُنوان ( للأسف حِني صحاب )
ياريت نقدر نقولهالك وياريت بصوتك
نقدر نسمعها، كلمة حروفها الأربعة خنقوني
تخيّل نقدر نقولك نغار ؟
وأنت بسهولة تقولي "مِن تبيني نفوت هالمرة"
وزعما شِن يصير في الدنيا لو بدل إسمك
قلت نحبك، والعراك تبدل أحضان
غير كيف ندس الفراشات الي فيا، ونخفي
جمالي الي ممتد لين واصل فيك،
ياربي كيف بنقولك نحِبك، وللأسف
حني صحَاب ..
-
ياريت نقدر نقولك الكلمة
اللي ساكنة قلبي، الكلمة اللي مهما
صار في المستقبل مستحيل حد تاني
يسمعها مني، ماتتصوريش قداش
يفرح قلبي لما نسمع صوتك وضحكتك
وفي نفس الوقت يوجعني قلبي لأني
مانقدرش نقولك نحبك في اللحظة هذيكا،
في كل مرة نسمع فيها اسمك
نبتسم تلقائيًا، تغمرني الفرحة
لاني سمعت اسم بنت نحبها، لكن
للاسف حني صحاب ..
لان حاجز الصداقة مش مخليني
نوصلك شعوري، ياريت تقدري تفهمي
عيوني والحب اللي يمليهم لما نشوفك،
ياريت تقدري تسمعي الرعشة اللي
في صوتي لما نهدرز معاك،
ياريت تقدري تشوفي قلبي كيف
يقولك نحبك؛ قعدت ندور في
ألف طريقة باش نوصلك شعوري،
لان مستحيل نقدر نقولهالك
على خاطر بكل أسف حني صحاب ..
-
ياريت يا حَبيبي، تكسر هالحَاجز ونسمع
أول نون مِن الكلمة المنتظرة، وينفجر
سيل المشاعر وتشوف قداشك معبيني
ياريت إسمك يكون "حبيبي"
ولكن في النهاية ( حني صحَاب )
- فيرُوز .. مَحمد نصر
@m4hammed
لبيكَ اللهُم لبيك ، لبيكَ لا شريكَ لكَ لبيك إن الحمد والنعمة لكَ والمُلك لا شريكَ لكْ ❤️.
Читать полностью…
نزعلوا على حاجات وناس مايستحقوش لا القيمة الي خدوها ، ولا الوقت الي ضاع في قربهم ، ومفيش من وراهم غير الخيبة وكسرة النِفس والخاطر ، جمد قلبك ، وإشري روحك وابعد ، مستحيل تخسر اكثر من الي خسرته ، فيه ' بُعد ' نكسبو فيه اكثر من مليون ' قُرب ' ما لا نَفع في قُربه ، لا ضرر في فقده '
Читать полностью…
أني مِن الأشخاص الي صعب يتكلموا في الصبح، مِن المستحيل يتقبلوا الصوت العالي، يكرهوا النقاشات، يمقتوا الضوضاء، وميحبوش حَد يخالطهم في هالفترة تحديدًا.
مِن الأشخاص الي ينوضوا بمزاج معكّر صفوه، وخلوق شبه مطبقات، وعيون طول الوقت غالب عليهم النوم، وشهية مقطوعة تمامًا، حتى الفطور نبي وقت طويل باش نقدر نتقبله وناكل.
أني مِن الأشخاص الي صعب يضحكوا الصبح، مما يؤدي للأستغراب لو صارت حاجة زي هكي، ويخلي الي حواليا يقولوا (باهي الي ضحكتي) ، مِش عارفين سبب هالضحكة.
يا فكرة تقدر تخليني كل صبح نعتنقها، نحبك كل يوم جاي، ويوم فات، ويوم عايشينه 🤍.
- فيرُوز
في شارع من شوارع الزاوية ...
حركة مش مفهومة ، نظرة معبيه مشاعر ، تلامُس خيالي ، تلاقُو قلبين قلبهم على بعض ، تبادل سريع ف ثواني مجهولة، بدينا انا انتَ انتَ انا
الحياة مش حاتستمر إلا بالتجاوزات، لازم تتجاوز ندمك وإنهزامك وحزنك وتتجاوز شوية ناس أحيانًا .
Читать полностью…
مَعيلف قال :
- مُش كِل من حبك يَحب بِ نيه
ولا كل رفقه ع الوفاء مَبنيه .
"صيفية أنتِ وشتوية ربيعية وخريفية فيكِ ألوان الربيع ونضجه وقار الخريف وصمته بهجة الصيف وعصف الشتاء فيكِ من كل لون طيف ومن كل موسم وجه ومن كل مدينة ملامح."
Читать полностью…
في جملة قالهَا الأب إدريس في مسلسل الحفرة واللي هيا : العائلة هي كُل شيئ .
إيه إحني بِـ العائلة عرفنا الحُب ، حسينَـا بالأمان ، تعلمنا الحِنية ولو كان اللي مقابلِك حيط ، جربنا الدفى اللي ف حظنهُم كيف ، عرفنا الفرحة كيف تكُون من عيونهُم ، تعلمنا القوة والثبات وعزة النفِس منهُم ، تعلمنا كيف نعيشو وكيف نتصرفُوا في الصغيرة والكبيرة ، نتعلمو وقاعدين نتعلمو من العائلة حتى لو في راسنا الشيب ، لولا وجودهم راه لا عرفنا ولا حسينا ولا تعلمنا ولا حتى جربنا لأنه هما كُل شيئ فعلاً .
خلي قلبك حاجة أثمن من الألماس لو فيه ...
أعرف لمن تعطي قلبكْ مش أي واحد حياخده حيحافِظ عليه ، معش تخلي خدك ممدود للكُل واللي يجي يعطِي كِف ، حط حدود للعلاقات اللي تحِس انهَا لازم تنتهي ، حافظ على جمال ضحكتكْ لأنها الأهم ، حاول تعيش يومك وتنهَيه بحاجة حلوة حتى لو كان اليوم كله سيئ ، والأهم من هدا كله إنك تعيش حياة حلوة وسعيدة مهما كانِت مرة .
أعطي لروحَك حق الإنطفاء وقت يصير كبت للدموع ، للحُزن ، للضيقة ، أعطي لروحَك حق هيا مِحتاجة تفضي اللي عندها ، محتاجة تفضي هلبا مواضيع ، محتاجة تبعثر الأفكار اللي ف العقل ، محتاجة تفرغ الدمُوع المكبُوته ، مراتْ تحتاج حضُن دافِيئ، ظهر تتسَنِد عليه ، إيد تمسَح الدمعَة ، أعطيها حقها ومتخليهاش منطفيَة .
Читать полностью…
يومَك متعلق ب حياتِك ، متعلق ب ماضيك ، ب مستقبلك ، ب حاضرك اللي عايشه توا ، بتفكر ف مستقبلك وحيجرك التفكير للماضي ، بتقعد تفكر ف الماضي مستقبلك حيضيع ، لذلك عِيش يومك وب إتزان تام بين مستقبلكْ وماضيكْ ، نوع من الناس يجازف بش يتخطى الماضي والنوع التاني يجازف بش يقعد فيه ، وأنا نوعي نجازف بش نعيشهم الزوز نعيش ماضيَّ ومستقبلي فنفس الوقت .
Читать полностью…
