Telegram-канал medhanialem - የቃሊቲ ደብረ መድኃኒት መድኃኔዓለም ቤተክርስቲያን ፈለገዮርዳኖስ ሰ/ት/ቤት: Unsorted

የቃሊቲ ደብረ መድኃኒት መድኃኔዓለም ቤተክርስቲያን ፈለገዮርዳኖስ ሰ/ት/ቤት

18 Jan 2025 07:00

ከተራ

ከተራ በዚህ እለት መዕመናን ሁሉ እስከ ምሽት ሰአት ምንም መብል ሳይቅምሱ ይጾሙ ዘንድ የቀደሙት አባቶች ስራዐትን ሰሩ ።አባቶቻችን ይህነን ስራዐት የሰሩበት መክንያትም የልደትና የጥምቀት ቀን በረቡና በአርብ ቢውል በማክሰኞና በሃሙስ ተጹሞ በለላው ቀን እንዲያከብሩ አዘዋል።ልደትና ጥምቀት የጌታችን ታላላቅ በአሎቹ ናቸውና ነው።በተጨማሪነትም አባቶች ከሰባቱ አፁአማት እንደ አንዱ በመቁጠርም ሁሌ በየአመቱ የከተራ እለት እንዲጾም አዘዋል።የዘንደሮ አመት ከተራ ደግሞ በቀዳሚት ሰንበት በመሆኑ ሰዎች ከጥሉላት ብቻ እንዲከለከሉ አዘዋል።ከተራ ከበበ ከሚለው የግዕዝ ግስ የወጣ ሲሆን ፍችው ደግሞ ውሃ መከተር፣ መገደብ ማለት ነው።የጥምቀት ዋዜማ ታቦተ ህጉ ከቤተ መቀደስ ወቶ ውሃ ባለበት አካባቢ ስለሚያድር የአካባቢው ህዝብ እየተሰበሰበ በወንዝ ዳር ወይም በምንጭ ዳር ድንኳን (ዳስ) ይተክላል። የምንጭ ውሃ አነስተኛ በመሆኑ እንዲጠራቀም ይከትሩታል፤ይገድቡታል። ውሃው የሚከተረው በነጋታው ጥር 11 ለህዝቡ መጠመቂያ እንዲሆን ነው።

ከ1202-1204 ዓ.ም በፃድቁ አቡነ ተከለ ሃይማንት አሳሳቢነት የተጀመረው ስረአተ በአል በአፄ ይኩኖ አመላክ ዘመነ መንግስት /1260-1275 ዓ.ም/በዐሉ ተጠናከሮ እንዲቀጥል በአዋጅ አስነግረዋል ታቦታቱም በህዝቡ ጥበቃና እንክብካቤ በየጥምቀተ ባህሩ እንዲያደሩ ወስነዋል።

ከዓፄ ገብረ መስቀል ጀምሮ የአደባባይ በዓል የሆነው የጥምቀት በዓል በ15ኛው ክፍለ ዘመን በደገኛው የኢትዮጵያ ንጉሰ ነገስት ዓፄ ዘርዓ ያእቆብ /1426-1460 ዓ.ም/ አማካኝነት ታቦታቱ ወደ ወንዝ ወርደው እለቱን እንዳይመለሱ በዚህ ፈንታ በጥመቀት ዋዜማ ጥር 10 ቀን ከከሰአት ወደ ባህረ ጥምቀቱ ወርደው እለቱን እንዳይመለሱ አዘዋል።ይሀን ታሪክ በመከተልም ዐፄ ናዖድ /1486-1500 ዓ.ም/ ማንኛውም የኦርቶዶክስ ተዋህዶ እምነት ተከታይ ምዕመን ታቦተ ህጉ ወደ ባሀረ ጥመቀቱ በሚወርድበት ጊዜ እና ወደ ቤተ መቅደስ በሚመለስበት ጊዜ ሁሉ አጅቦ ወስዶ አጅቦ መመለስ እንዳለበት አዋጅ አስነግረው ነበር። ህዝቡም በእልልታ አጅቦ ከባህረ ጥምቀቱ ከትሞ ማደር ጀመረ።/ሐመር ጥር /የካቲት 1998ዓ.ም/።

የዋዜማው ቀለም ከቀኑ በ4 ሰዐት በመላው አጥቢያተ ቤተ ክርስቲያን ይጀመራል። ከዛም የዋዜማው ሰረአት ቅዱስ ተበሎ እስከ ሰላም ያለው ቀለም ይደርሳል ።በዕለቱም ቅዳሴ ይቀደሳል ፤ታቦተ ህጉን የሚያነሱት የዕለቱ ተረኛ ካህን ከመግበ ስጋ ተከልክለው የዕለቱን ጸሎት ያደርሳሉ። ታቦቱ የሚንቀሳቀስበት ሰአት ሲደርስ ታቦቱ በካህናት ተይዞ የመጾር መስቀል በያዙ ዲያቆናት ደምቆ ለመሄድ ሲነሱ ደውል የደወላል፤አበው ካህናቱ ታቦታቱን ተከትለው ይሄዳሉ። የሰንበት ት/ቤት ተማሪዎችም “ወረደ ወልድ ፣እግዚኡ መርኃ፣ ሆረ ኢየሱስ” ምዕመናን “ነይ ነይ እምያ ማርያም” እያሉ ጉዞ ወደ ባህረ ጥምቀት ይሆናል።

የከተራ ማክበሪያ ቦታ እንደደረሱ ታቦታቱ በድነኳኑ አጠገብ ቆመው “ወረደ ወልድ” የሚለው ሰላም ተመርቶ በአገባቡ ከተለዘበ በኋላ ጸሎት ተደርጎ የዕለቱ ት/ትና ዝማሬ ከቀረበ በኋላ ውዳሴ ማርያምና መልክዓ ኢየሱስ ተደግሞ ታቦተ ህጉ ወደተዘጋጀለት ቦታ የገባል።በሁለተኛ የአገልገሎት ክፍል ካህናት ስብሃተ እግዚአብሔር ሲያደርሱ ያደራሉ።በመንፈቀ ለሊትም ቅዳሴው ተጀምሮ ከለሊቱ በ9፡00 ይጠናቀቃል።በበነገታው የሰርዐት ጥምቀቱ መርሃ ግብር ይቀጥላል።

ሐመር 19ኛ ዓመት ቁጥር 9 ጥር 2004ዓ.ም