انسان اوغلو یاشاماغین دوشون سن
بئله یاشا دالینجا خوش آد اولسون
آجی دیل یاندیرار دوستلوق خرمنین
شیرین دانیش قوی آغزیندا داد اولسون
چالیش حلال یولدان قازان چوره یین
امانت سن قیرما مظلوم اوره یین
ایتیرمه دوستلارین حققین امه یین
هر وقت آدین خوشلوق ایله یاد اولسون
سخاسیز انسانلار نام آلا بیلمز
انسانلیق مئییندن جام آلا بیلمز
ایشله مه ین انسان کام آلا بیلمز
فرق ائیله مز کیشی یا آرواد اولسون
دده کاتیب باهار ایله یاز ایله
سوزلرین دیللرده خوش آواز ایله
آشیقلار چالارلار میضراب ساز ایله
انصاف اهلی دییه ر روحون شاد اولسون
https://www.instagram.com/p/B8hcmAFFpyi/?igshid=1nmt0st00oc9x
Читать полностью…
اولایدی ......
ساقی شراب گتیر غم ایچینده یم
غمنن اوزاق اولان صحبت اولایدی
نه شر یارانایدی نده کی بهتان
یاخشی لیق اینسانا صفت اولایدی
سولمایدی نه گوزه لیک نه پری
اینسان سئومه ییدی پیسلیگل شری
بوتون کیشی لرده وجدان کسری
جمعی قادینلاردا عصمت اولایدی
بئ شه اللی دی ییب یوز گزدیره نین
داغا تپه دی ییب دوز گزدیره نین
دوسلار آ راسیندا سوز گزدیره نین
گوزونده دونیاسی ظلمت اولایدی
نه یتیم اولایدی نه اونون اونی
نه درد یارانایدی نده دوگونی
یاخشیلار یامانا یازیلان گونی
قورقو پوزولایدی دهشت اولایدی
بهمنین ،، زامانی هانسی زاماندی
ایشیده ن عارفلر سوزومو قاندی
گوزه لین یانیندا صداقت آ ندی
کیشی نین قانیندا غیرت اولایدی
بهمن وطن اوغلی🔶
https://www.instagram.com/p/B9ZCWqylG8z/?igshid=17wk0gnj4qifg
Читать полностью…
