Mehrob.uz

15 Oct 2024 15:10

158. Назр ибн Шайбон айтади:
"Абу Саламани учратиб, унга бундай дедим: "Менга отангдан эшитган, отанг эса Расулуллоҳ соллаллоҳу алайҳи васалламдан эшитган, сен билан отангнинг ўртасида бошқа ровий бўлмаган бирор ҳадис айтиб бер!", У: "Отам менга Расулуллоҳ соллаллоҳу алайҳи васалламдан ушбу ҳадисни ривоят қилган: "У зот соллаллоҳу алайҳи васаллам: "Аллоҳ Рамазон рўзасини фарз қилди, мен Рамазон кечаларида коим турмоқни суннат қилдим. Ким Рамазон рўзасини иймон билан, савобини умид қилиб тутса, кечалари қоим бўлса, худди онасидан янги туғилганидек гуноҳлардан пок бўлиб чиқади", дедилар".
Муснади Кеший китобидан.
@mehrob_uz

Mehrob.uz

15 Oct 2024 11:03

Кечагина доно ва ақлли эдим, дунёни ўзгартирмоқчи эдим! Бугун эса ҳаким ва донишмандман. Шунинг учун ўз нафсимни ўзгартирмоқчиман!
@mehrob_uz

Mehrob.uz

15 Oct 2024 07:35

ЖАННАТИЙ ОДАМ ФАҚАТ БИР НАРСАГА ПУШАЙМОН БЎЛАДИ
➖○➖○➖○➖○➖

🎙Шайх Саййид
Раҳматуллоҳ Термизий.

🕌"Минор" жоме масжиди имом-хатиби
@MEHROB_UZ

Mehrob.uz

15 Oct 2024 06:00

90. Албатта, Аллоҳ адолатга, эҳсонга, қариндошларга яхшилик қилишга амр этадир ва фаҳшу мункар ҳамда зулмкорликдан қайтарур. У сизларга ваъз қилур. Шоядки, эсласангиз.
«Муфассирлар шоҳи» лақабини олган Абдуллоҳ ибн Масъуд розияллоҳу анҳудан қилинган ривоятда у киши: «Қуръондаги энг жамловчи оят шу оятдир. Эргашиладиган яхшиликни ҳам, четланиши лозим бўлган ёмонликни ҳам жамлаб зикр қилган», дерлар.
Албатта, Аллоҳ:
«Адолатга», амр этади.
Аллоҳ буюрган адолат–исломий мутлоқ адолатдир. Бу адолатга кўра, ҳар бир шахс, жамоат ва ҳар бир қавмга одилона муомалада бўлинади. Унда ҳавои нафсга, дўстлик ёки душманликка, насабга, қудачилик ёки қариндошликка, бойлик ёки камбағалликка, кучлилик ёки заифликка қараб муомала қилинмайди. Ҳамма учун ўлчов бир.
«Эҳсонга», амр этади.
Эҳсон сўзи яхшилик қилиш маъносини англатади. Исломда эҳсоннинг эшиги кенг очилган. Қатъий адолат юзасидан ҳукм чиққандан сўнг биров яхшилик қилиш ниятида ўз ҳақидан кечиб, бошқага бериши мумкин.
👉Давомини ўқинг
@mehrob_uz

Mehrob.uz

15 Oct 2024 02:21

Ассалoму алайкум!

💐 Хайрли тонг! 💐

Аллоҳ таоло бугунги кунингизни тинчлик офиятда, яхши кайфиятда, савобли амаллар билан тўла бўлиб ўтишини сизга насиб қилсин!

@mehrob_uz

Mehrob.uz

14 Oct 2024 17:59

Намоз вақтлари:
15.10.2024 - СЕШАНБА

Telegram | Facebook | Instagram | YouTube

Mehrob.uz

14 Oct 2024 15:04

СИЗГА ЎЛИМ КЕЛИШИДАН АВВАЛ ЭҲСОН ҚИЛИБ ҚОЛИНГ!
➖○➖○➖○➖○➖

🎙Шайх Саййид
Раҳматуллоҳ Термизий.

🕌"Минор" жоме масжиди имом-хатиби
@MEHROB_UZ

Mehrob.uz

14 Oct 2024 13:05

Намозда суралар ўртасидаги тартиб

❓Савол: Фарз намозларда суралар ўртасидаги тартибга риоя қилиш керакми суннат ва нафлларда ҳолат қандай бўлади?

📩 Жавоб: Фарз намозларда сураларни Қуръони каримда келган тартибда ўқиш суннатдир. Фарз ва вожиб намозларда суралар ўртасидаги тартибга риоя қилмаслик макруҳ бўлади, лекин нафл намозларда макруҳ эмас.
Бу ҳақда "Фатавои ҳиндия" китобида бундай дейилади:
"Агар намозхон биринчи ракатга бир сурани қироат қилган бўлса, сўнг иккинчи ракатга ёки биринчи ракатнинг ўзида ана шу суранинг юқорисидаги сурани қироат қилса, макруҳ бўлади. Худди шунингдек, бир ракатда маълум бир оятни қироат қилиб, кейинги ракатда ёки шу ракатнинг ўзида юқорисидаги оятни қироат қилиш ҳам макруҳдир". Чунки қироатда суралар тартибига риоя қилмасликда саҳобалар ижмо қилган тартибни тарк қилиш бор. Яна бу мавзуда бундай дейилади:
👉 Давомини ўқинг!
@mehrob_uz

Mehrob.uz

14 Oct 2024 09:31

Ўзини оқлаш ва кимнидир қоралаш бандалик фазилатига хилоф

Ўзининг яхши ёки ёмон хусусиятларини илғай олмаслик бу ҳали банданинг жоҳиллиги, нафсини яхши таниёлмагани аломатидир. Ўз нафсини таниган киши яхши биладики, барча эзгу ва ёмон сифатлар, хоҳ мўминларнинг оммасида бўлсин, хоҳ хос бандаларида бўлсин, вақти-вақти билан кўриниб-йўқолиб турадиган феълу фазилатлардир. Банданинг дунёси гўё кенг осмонга ўхшайди, унда гоҳи оқ, гоҳи қора рангдаги булутлар айланиб юради. Бошқача ифода билан яна шундай дейиш мумкинки, ҳар қандай инсон боласида яхшилик ва ёмонлик туйғулари баробар миқдорда мавжуддир. Одам боласига хос барча ахлоқий хусусиятлар, жумладан, қораланганлари ҳам, пайғамбарлардан ташқари ҳар бир бандада бор, фақат пайғамбарларни Аллоҳ бундан пок ва маъсум ҳолатда яратган. Бошқа солиҳлар ва оддий мусулмонлар хусусига келсак, уларнинг ахлоқлари туғма покликка эга эмас. Шу билан бирга, Аллоҳ таоло солиҳ бандаларида қораланган хусусиятларнинг намоён бўлишига йўл қўймайди ҳамда уларни ёмон феъллардан Ўзи асрайди. Яъни, Аллоҳга астойдил сиғинган кишини қилган тоат-ибодатининг хайрли заҳмати қуршаб олади ва унда фақат ижобий фазилатлар намоён бўлади. Қачонки банда бу заҳматни тарк этса, унда барча ижобий сифатларнинг мутлақо акси намоён бўлади. Бундай одамни кўрганлар "Қиёфаси қанчалик хунук ва кўримсиз бўлиб кетибди-я! Парвардигоро, унинг юзини Ўзинг тескари қарат! Ёмонлигидан бизни қутқар!" дейдиган ҳолатга келади. Инсон бу ҳақиқатни англаса, бошқа бировни ёмонлаб ўтирмайди, чунки бу гўё Аллоҳнинг - бир бандасига берган феълига эътироз билдирган каби бўлиб қолиши мумкин. Шайх Абдул Қодир Даштутий қуддиса сирруҳу ҳикоя қиладилар: Бир куни намозининг рукую саждаларини шошқалоқлик билан, тез-тез адо қилаётган одамга танбеҳ бердим. Шунда у менга қуйидаги жавобни айтди:
- Эй биродар, мен бутунлай Аллоҳнинг измидаги кишиман, агар У хоҳласа руку ва саждаларимни узайтиради, хоҳласа секинлаштиради. Мен бу ҳаракатларнинг ўзини эмас, балки уларни яратаётган Холиқини кузатаман. Шундай деб Шайх яна илова қилдилар:
- Мабодо диннинг асосини бузадиган камчилик бўлмаса, асло бировнинг феълига бирон нима дейиш ярамайди!

«Аҳлоқус солиҳийн» китобидан.
@mehrob_uz

Mehrob.uz

14 Oct 2024 07:18

САВДО БИЛАН БЎЛИБ ИБОДАТНИ УНУТМАНГ!
➖○➖○➖○➖○➖

🎙Шайх Саййид
Раҳматуллоҳ Термизий.

🕌"Минор" жоме масжиди имом-хатиби
@MEHROB_UZ

Mehrob.uz

14 Oct 2024 04:30

Муҳаббат - Аллоҳ яхши кўрган нарсани яхши кўришинг, Аллоҳ ёмон кўрган нарсани ёмон кўришинг, яхши ишларнинг барчасини қилишинг, Аллоҳдан тўсадиган барча нарсадан юз ўгиришинг, Аллоҳ йўлида маломатчининг маломатидан қўрқмаслигинг, мўминларга меҳрибон, кофирларга қаттиққўл бўлишинг ва динда Расулуллоҳ саллоллоҳу алайҳи ва салламга эргашишингдир.

Зуннун Мисрий
@mehrob_uz

Mehrob.uz

13 Oct 2024 18:01

ТОҒ ФАРИШТАСИНИНГ ТАКЛИФИ

Тоифдан қайтишда Пайғамбар соллаллоҳу алайҳи васалламга бефаҳмлар ҳужум
қилишди. Ҳатто У зотнинг муборак оёқларини қонатишди. Расулуллоҳ шу алфозда Маккага қайтдилар. Келиб кўрсалар, Макканинг дарвозалари берк. Шунда Муҳаммад соллаллоҳу алайҳи васаллам Ибн Абди Ёлайл ибн Абди Кулолдан ҳимояси остида Маккага киргизишини сўрадилар.
У рад қилди. Он ҳазратимиз маҳзун ҳолда ортларига қайтиб, Маккадаги Қорнус Саъалиб деган жойга етдилар. Бошини кўтариб қарасалар, бир сояда кетаётган эканлар. У «булут» ҳазрати Жаброил алайҳиссалом эди. Жаброил алайҳиссалом у зотга: «Эй Муҳаммад! Аллоҳ субҳанаҳу ва таоло қавмингизнинг сизга нисбатан айтган сўзларини эшитиб, кўриб турибди. Аллоҳ таоло қавмингиз борасида истаган ҳукмингизни чиқариш учун тоғ фариштасини юборди», деди. Кейин тоғ фариштаси у зотга муҳаббат ва ҳурмат ила: «Эй Муҳаммад! Нима қилишимни хоҳлайсиз? Истасангиз, уларни шу икки тоғ остида қолдираман», деди. Пайғамбар соллаллоҳу алайҳи васаллам эса шафқатга тўла қалблари ила унга: «Аллоҳ азза ва жалла уларнинг авлодларидан Ўзига ибодат қиладиган, ҳеч нарса ила Унга ширк келтирмайдиганларни чиқаради, деб умид қиламан», дедилар (Имом Бухорий ва Имом Муслим ривоят қилишган).

“Расулуллоҳга муҳаббат ҳақида 101 қисса”дан.
@mehrob_uz

Mehrob.uz

13 Oct 2024 15:29

ЭҲСОННИНГ МУҲТОЖ ВА МУНОСИБ ЎРИНЛАРИНИ УНУТМАЙЛИК!

🌙🌱🌙🌱🌙🌱🌙🌱🌙🌱

Эҳсон қилиш учун: 💳
HUMO: 9860090105667720
BOBOSHER JUMAYEV

UZCARD: 6262720197332284
BOBOSHER JUMAYEV

VISA: 4685970178005318
BOBOSHER JUMAYEV

Payme: MEHROB HIMMATI
Click:     MEHROB HIMMATI
Paynet: MEHROB HIMMATI

"SAXOVAT" XAYRIYA JAMOAT FONDI
Asia Alliance bank:
Ҳ/р: 20212000505392419001
(МФО 01095)
ИНН 207339666

Mehrob.uz

13 Oct 2024 11:02

Фарз намозларидан аввал ва кейинги суннат намозлари

❓Cавол: Фарзлардан аввал ва кейин ўқиладиган суннатларнинг қандай фазилати бор? Уларни ўқимаса ҳам бўладими?

📩 Жавоб: Мазкур суннатларнинг фазилати катта. Бир қанча ҳадиси шарифларда уларни доим ўқиб юришга кучли тарғиб бор. Уларни узрсиз тарк қилишни уламолар макруҳ дейдилар. Бизнинг ўлкаларда фарз намозларидан аввал ва кейин ўқиладиган намозларни суннат, бошқа ихтиёрий намозларни эса нафл намозлар деб аталиши урфга кирган. Аслида фарз намозлардан аввал ва кейин ўқиладиган нафл намозлар таъкидланган суннатлар (суннатул ҳуда)га киради. Таъкидланган суннатларни Пайғамбаримиз соллаллоҳу алайҳи ва саллам доим ўқиб юрганлар, жуда кам ҳолатларда тарк қилганлар. Суннати муаккаданинг ҳукми шуки, унга амал қилган киши савоб олади. Уни тарк этган эса маломат қилинади. Агар тарк этиш такрорланаверса, гуноҳкор бўлади ("Умдатур риоя" китоби). Мазкур суннатлар ҳақида Пайғамбаримиз соллаллоҳу алайҳи ва саллам бундай марҳамат қилганлар:
👉 Давомини ўқинг!
@mehrob_uz

Mehrob.uz

13 Oct 2024 07:14

Динимиз ўгитларида вақт қадри
➖○➖○➖○➖○➖

🎙Шайх Саййид
Раҳматуллоҳ Термизий.

🕌"Минор" жоме масжиди имом-хатиби
@MEHROB_UZ

Mehrob.uz

15 Oct 2024 13:10

Қалбингда кечаётган нарсанинг қулисан

Убудия (бандалик) дегани қуллик ва асирликни билдиради. Инсон кўнглини нимаики забт этиб, ғолиб келган бўлса, банда ўшанинг қулига айланади. Агар инсон ўз нафсининг асири бўлса, нафсига қул бўлади, агар дунёнинг асири бўлса, демак, дунёнинг қули бўлади. Инсоф билан қаралганда, кўнглини тамомила дунё муҳаббати ва ташвишлари ишғол этган муриднинг ибодати тананинг озори ва чарчоғидан ўзга нарса эмас. Бундай ибодат, гарчи у кўп бўлса-да, Аллоҳнинг олдида қиммати йўқ, жонсиз жасадга ўхшайди. Кўриб турибмизки, бугунги давримизда баъзи инсонлар дунё ортидан кун бўйи елиб-югуриб, тунлари эса кўп ибодат қилишга интиладилар. Аммо бу хилдаги ибодатлар кўп бўлишига қарамасдан, дунё муҳаббати билан йўғрилгани сабаб эгасини Ҳаққа яқинлаштиролмайди. Бас, шундай бўлгач, энди фақат дунё деб елиб-югуриб, гуноҳ ишлардан ҳам тийила олмаётганларнинг онда-сонда қилган ибодатлари уларни Ҳаққа элтармикан?! Якка Худога сиғинувчи мўминлар ёлғиз Аллоҳга ҳамда Унинг амрларини тўла-тўкис қабул этувчи ва амалга оширувчи кимсаларгагина итоат этадилар, холос. Банданинг ҳақиқий қадру қиммати кимга ёки нимага сиғиниши ва эргашиши билан белгиланади. Билувчининг қадри унинг айнан нимани ўрганиши ва ўзлаштиришига боғлиқдир.

«Аҳлоқус солиҳийн» китобидан.
@mehrob_uz

Mehrob.uz

15 Oct 2024 08:58

(Ёмонлик қилишга) қодир бўлатуриб, кечириш ва камбағал бўлатуриб, саховатли бўлиш – ҳурматга сазовор ишларнинг энг чиройлисидир.

Изоҳ. Биров сизга бир тарсаки урса, сиз ҳам унга бир тарсаки билан жавоб беришингиз адолат. Икки тарсаки урсангиз, зулм бўлади. Агар умуман жавоб қайтармасангиз, бунинг икки сабаби бор: қўрқоқлик қилдингиз ёки олижаноблик. Қўрқоқликни изоҳлашга ҳожат йўқ, олижаноблик тушунчаси эса бироз изоҳга муҳтож. Айтайлик, шаънингиз шу даражада улуғки, бунга ўхшаган тарсакилардан бир нечтаси бўлса ҳам сизга чивин чаққанчалик таъсир қилмайди. Худди зарбулмасалда келтирилганидек, бир пашша ҳўкизнинг қорнига қўниб: «Сенга оғирлик қилмаяпманми?» – деган экан. Ҳа, хасни чўктирган томчи улкан тоғ қаршисида ҳеч нарса, олижаноблик инсонни тоғдек виқорли қилади, бунга шубҳа йўқ. Лекин ёмонлик қилишга қодир бўлатуриб кечириш, камбағал бўлатуриб саховатли бўлиш учун тоғдек бўлиш камлик қилади, бу ишга тоғнинг ҳам тоқати етмайди. Қиблагоҳимиз айтганидек: «Ким ёқиб жаҳл ўтин, турса тош билан, ўтни совит, тошни қайтар ош билан».
Яна айтган эдилар (қани эди айтилганидай бўлолсак):
Дард кўрмасин менга тош отган қўллар,
Менга чоҳ қазганлар омон бўлсинлар!
Гуноҳим кўп, жазога лойиқ эдим,
Мени йиғлатганлар ўйнаб-кулсинлар.
Заҳар тутганларга дерман, енг асал,
Давоси заҳар эди бизнинг касал.
Ҳасад ўтин ёққанлар ҳам соғ бўлсин,
На гўзал, хомни пиширган ўт гўзал!

“Унвонул баён”дан.
@mehrob_uz

Mehrob.uz

15 Oct 2024 07:35

ЖАННАТИЙ ОДАМ ФАҚАТ БИР НАРСАГА ПУШАЙМОН БЎЛАДИ
➖○➖○➖○➖○➖

🎙Шайх Саййид
Раҳматуллоҳ Термизий.

🕌"Минор" жоме масжиди имом-хатиби
@MEHROB_UZ

Mehrob.uz

15 Oct 2024 04:30

Эътибори кўп кишининг қоқолиши оз.

Изоҳ. Яхши-ю ёмондан ўзига ибрат чиқара оладиган инсон кам адашади. Адашиши кам инсон манзилга тез етади. Тирикларнинг бу дунёдаги манзили – савоби нақд ишлардир.

“Унвонул баён”.
@mehrob_uz

Mehrob.uz

14 Oct 2024 18:06

ХАЙРЛИ ТОНГ

Кечаси эрта ухлаш ва эрталаб эрта уйғониш бахтиёрлик аломатидир.
Банда таҳоратли ҳолда суннатда келган дуоларни ўқиб ухлашга одатлансин. Ухлашдан олдин, кун келиб мен қабрда ҳам ухлайман, деб ўйласин ва ўша кун учун ҳар куни амалларини сарҳисоб қилсин. Солиҳ амаллар учун шукр қилсин, ёмонларига истиғфор айтсин. Аллоҳ таолони зикр қилиб ва Қуръони Каримнинг кичик сураларини ўқиб ухласин... Бирор яхши китобни ўқиса ҳам бўлади. Мутолаа қилса, кўзни тез уйқу олади... Ухлашдан олдин юқорида айтилган ишларни қилиш хайрли тонг кафолатидир.

Эрталаб уйғониш биланоқ ўзингизни яхши ишларга машғул қилинг ва “бугун мен ялқовлик ва дангасаликни ташлаб, фақат яхши ишларни қилишим учун Аллоҳ таоло менга ушбу кунни берди”, деб ният қилинг.

Аллоҳ таоло бомдод намозидан кейинги вақтни ўта баракали қилган. Унда бандаларга ризқи тақсимланади. Ушбу баракали вақтни уйқу ёки ғафлатда ўтказадиган одамлар ғофил бандалардир. Бомдод намозидан кейин Ёсин сурасини ўқиса, кун бўйи хайр-барака ва Аллоҳ таолонинг кўмак ваъдаси бордир.

“Насиҳатлар гулдастаси” китобидан.
@mehrob_uz

Mehrob.uz

14 Oct 2024 17:08

Аҳмад ибн Абу Ҳаворий айтади: Аллоҳни яхши кўрмоқнинг аломати Аллоҳнинг тоат-ибодатини (Аллоҳнинг зикрини) яхши кўрмоқдир. Аллоҳ таоло бир бандасини яхши кўрса, унга Ўзини суюкли қилиб қўяди. Токи Аллоҳ бандасини суймагунича, бандаси Роббини яхши кўра олмайди. Яъни муҳаббат аввал Аллоҳдан бўлади. Ана ўшанда банда Роббининг розилигини қидириб қолади.

@mehrob_uz

Mehrob.uz

14 Oct 2024 15:04

СИЗГА ЎЛИМ КЕЛИШИДАН АВВАЛ ЭҲСОН ҚИЛИБ ҚОЛИНГ!
➖○➖○➖○➖○➖

🎙Шайх Саййид
Раҳматуллоҳ Термизий.

🕌"Минор" жоме масжиди имом-хатиби
@MEHROB_UZ

Mehrob.uz

14 Oct 2024 11:36

Дунёда ҳеч ўкинма! Дунёнинг ишлари бизнинг иродамиз билан эмас, Аллоҳнинг амри билан бўлади. Аллоҳнинг барча ишларида албатта бир яхшилик бор.
@mehrob_uz

Mehrob.uz

14 Oct 2024 07:18

САВДО БИЛАН БЎЛИБ ИБОДАТНИ УНУТМАНГ!
➖○➖○➖○➖○➖

🎙Шайх Саййид
Раҳматуллоҳ Термизий.

🕌"Минор" жоме масжиди имом-хатиби
@MEHROB_UZ

Mehrob.uz

14 Oct 2024 06:03

89. Ҳар бир умматга ўзидан гувоҳ олиб келган кунимизда сени анавиларга (умматингга) гувоҳ қилиб келтирамиз. Сенга китобни ҳар бир нарсани баён қилувчи этиб, мусулмонларга ҳидоят, раҳмат ва хушхабар қилиб нозил этдик.
Яъни, қиёмат куни ҳар бир умматга ўз Пайғамбарини гувоҳ этганимиздек, сени ҳам умматингга гувоҳ қилиб келтирамиз. Сенга Қуръони Каримни нозил қилишдан мақсад ҳар бир нарсани баён қилиб беришдир. Ўша китобдан бошқа бирон нарса тўғри баёнотни бера олмайди. Шу билан бирга, Қуръон мусулмонлар учун ҳидоятдир. Уларни тўғри йўлга бошловчи ҳидоят маёғидир. Яна Қуръон мўминлар учун Аллоҳнинг раҳматидир. Ва ниҳоят, Қуръони Карим мўминлар учун хушхабардир, уларга иймонлари орқасидан келадиган яхшиликлар хушхабарини беради.
Келаси оятларда ўша баёнотлар, ҳидоят, раҳмат ва хушхабарлардан баъзи намуналар келтиради:
@mehrob_uz

Mehrob.uz

14 Oct 2024 02:18

Ассалому алайкум ва раҳматуллоҳи ва барокатуҳ

💐 Хайрли тонг! 💐

Кунингиз барокатли бўлсин!


🤲 Эй Аллоҳ! Сендан Дунё ва охират офиятини сўрайман. Эй Аллоҳ! Сендан диним, дунёйим, аҳлим ва молимда афв ва офиятни беришлигингни сўрайман.

Каналга аъзо бўлинг:👇👇👇
t.me/mehrob_uz

Mehrob.uz

13 Oct 2024 17:53

Намоз вақтлари:
14.10.2024 - ДУШАНБА

Telegram | Facebook | Instagram | YouTube

Mehrob.uz

13 Oct 2024 13:01

САБРНИНГ МУКОФОТИ

Ҳазрати Имрон бин Ҳусайн розияллоҳу анҳу улуғ саҳобийдирлар. Биқинларига бир ярачиқиб ўттиз икки йил узлуксиз ўша жароҳат билан азобландилар. У киши чалқанча ётар, ҳатто ёнбошларига ўгирила олмас эдилар. Ўттиз икки йил мобайнида еб-ичиш ҳам, ибодат қилиш ҳам, қазойи ҳожат ҳам чалқанча ётган ҳолатда бўлар эди.
Бир тасаввур қилиб кўринг, ўттиз икки йил фақат бир ҳолатда қимирламай ётиш, инсон учун нақадар машаққат, нақадар оғир беморлик? Шундай беморлик ҳолатида бўла туриб ҳам чеҳраларида шу даражада қувноқлик ифода этиб турар эдики, бирор соғлом кимсага бундай юз насиб бўлмаган. Одамлар бундан ҳайратланиб айтардилар: “ Беморлик шу даражада оғир, неча йиллар ўтиб кетди, ёнбошлаб ўгирила олмайдилар, юзларига боқинг, шундай қувноқки, соғлом кимсалар юзида бундай қувноқлик йўқ, Ҳазрат! Бу қандай ҳолатки, беморлик оғир бўлишига қарамай, юзингизда шундай қувноқлик ва беғуборлик бор, бу ҳолат соғлом кимсалар юзида йўқ? деб сўрашди . У киши шундай дедилар: “Бемор бўлганимда, мен сабр қилдим ва шундай дедим: Бу беморлик Аллоҳ таоло тарафидан менга туҳфадир. Аллоҳ таоло мен учун айнан шуни фойда деб билибди, мен ҳам бунга розиман.Бу сабр эвазига Аллоҳ таоло менга шундай мукофот бердики, ётган жойимда ҳар куни фаришталар билан сўрашаман. Менга ғайб оламини зиёрат этиш насиб бўлди. Ғайб менга фош қилинди. Қайси беморга ғайб фош қилинса ва фаришталарнинг қатновини сеза бошласа, у учун энди соғлом бўлишни ҳохлаши мусибатдир? дедилар. Шу сабабли беморлик минг даражага сабаб бўладиган неъматдир”.
Хулоса шуки, Исломнинг хусусияти, соғлом кимсага соғломлигида тасалли беради ва соғлом пайтида соғлигини қадрлашга буюради. Беморга эса: “Сенинг бу беморлигинг Аллоҳ таологача етишлик воситасидир. Агар касаликка сабр қилсанг ва бундан савоб умид қилсанг, бу ҳолатга сабр қилувчи ва рози бўлсанг, сенга жуда юксак даражалар бўлади” дейди.

«Ҳикматлар»дан.
@mehrob_uz

Mehrob.uz

13 Oct 2024 08:55

Қанча билимсизлик бор, илмдан кўра манфаатлироқ, қанча жанглар бор, тинчликдан кўра фойдалироқ.

Изоҳ. Шундай кишилар бор, уларнинг баъзи нарсаларни билганидан кўра билмагани яхшироқ. Чунки уларнинг феълларида доимо муҳимдан чалғиб, номуҳим нарсаларга шўнғиб кетиш кузатилади. Агар улар, бахтга қарши, билмаслиги керак бўлган нарсани билиб қолса, бу «билим»лари ўзини ҳам, ўзгани ҳам адаштиради. Ҳа, улар асл масала қолиб, фаръий масалаларга жавоб излаш билан доимий банд бир тоифадир. Масалан, илдизини қурт кемираётган дарахтнинг сўлиб бораётганига унинг қайсидир шох-шаббаларини сабаб билиб, мева берадиган новдаларни қирқишади, айрим шохларни қолдириб, уларга бошқа дарахтларнинг шохларини қандай пайванд қилишни ўргатишади. Аслида илдизни кемираётган қуртларни олиб ташлаш билан масала осонгина ҳал бўларди. Улар эса масалага умуман алоқаси йўқ ишлар билан машғул бўлиб, тескари натижани тезлатиш билан овора. Шунинг учун уларнинг баъзи нарсаларни билгандан кўра билмаганлари, бошқачароқ айтсак, илм даъвосидаги ҳаракатларидан кўра илмсизлигини тан олиб жимгина юришлари манфаатлироқ.
Энди «уруш, жанг ҳам тинчликдан фойдалироқ бўлиши мумкинми?» деган саволга келсак, баъзан шундай вазиятлар ҳам бўлади. Масалан, ким биландир орангизда гап ўтди. Кейин сиз ҳам, у ҳам орқадан фитна-фасодни тинимсиз авж олдиряпсиз. Лекин кўз-кўзга тушганда ҳеч нарса бўлмагандек ўзаро чақ-чақлашиб, гўё «тинчлик байрони»ни баланд кўтариб, сиз ҳам, у ҳам ўзини дўстдек тутяпти. Кети фитна-фасодга булғанган бундай «тинчлик»дан кўра, гарчи шовқин-суронга тўла бўлса ҳам, орани очиқ қилиб, ҳақ-ноҳақни жой-жойига қўядиган жанг ҳар икки томон учун фойдалироқ.

“Унвонул баён”дан.
@mehrob_uz

Mehrob.uz

13 Oct 2024 07:14

Динимиз ўгитларида вақт қадри
➖○➖○➖○➖○➖

🎙Шайх Саййид
Раҳматуллоҳ Термизий.

🕌"Минор" жоме масжиди имом-хатиби
@MEHROB_UZ