-
لا تقرأي رسائلي فقط من أجل القراءة ، أنا أكتبها كما لو أنني أستطيع ان انقلك بالقرب مني . - @Amiir_9bot
كبرت وهلّ بعدني أهواك ..
أمس گالوا عليّ طايش ،
ولأن حبيتك تأذيت ..
لو ما حاب چا عايش !
- محمد الفريجي
أفز بالليل گلبي وأني أدفيه
طفل بـ أسمك ينادي شلون انسيه ؟
مو عود أكو ناس بصفي و تودني ..
ليش الواگفتلي من أبچي بس ردني ؟!
- علي مهدي
مَشّيتك جنح عَالغيم
و إنتَ وياي مَشّيت الدمع عَالخد
- علي طالب
لاموني هلي ورديت ..
وثيابي تعاتبني وبعدني أهواك
أغربل ماي
أشوه ولا أكول أنساك !
- محسن الخياط
تذبحني الغباشي الـ مرّن بلياك ..
شتلّه وغاب ومن عدها الضوه والميّ
العمر مبيوع سفره من الشمس للفيّ !
- مصطفى الخزعلي
گتلك أشتاقيت
گتلي :
مو شفتني البارحة ! ؟
اشصار ليلة اتعطلت ؟
يا حبيبي
شوية هية البارحة ؟
الطيور الصاحبت والهاجرت
والفراشات ابمگاذيل الحدايق مشطت
والقصايد ويه شاعر ، مالة بيت تواردت
والشمس فرشت ضواها
وطلعت آلاف النجوم اتسوگت
لا حبيبي
( مو شوية البارحة ) .
- علي المختار
والروح أجتي مسودنه ،
وأشبگها وي روحك شبگ
لا تبچي أطيح وي الدمع
والروح أسويها نفس ..
ومناشغ أشهگها شهگ ،
وبريتك يا ريتي ..
لمن أصيرلك نفس ،
لا أخنگك ولا أختنگ
- جبار رشيد
دبريلي ملگه بروحي وحشة حظن ..
أشكد ناس زغرت من فراغج كبر !
- علي رشم
أذا نفرض مخير أنتَ لو عين ؟
أنه أرضى أنعمي ..
بس چفك يگود !
- أياد عبدالله
تعال أوزن همومي وجيب ميزان
وشوف شگد عذاب الروح زايد ..
أنسحبوا من حياتي هواي خلان ،
وبقيت بهالزمان لوحدي أعاند !
- الگاطع
- ٤/١٦
حچي عندي وية گلبك وين أوديه ؟
تعال وخل أسولفلك وأبّچيك
أنامن گمت مو محتاج للنوم
أگولن بلكي أنام وحتى ألاگيك !
- صباح الهلالي
مو فدوة دمعي لـ گذلتك ،
فدوة لرمش من عينك ..
ما أگدر بدونك بعد ،
معلية أريدك وينك !
- ثامر سعد
تجرحني وأشوفك بس أبريك
و أوصيك أستغل جروحي غشمه !
- أيهاب المالكي
دگلي منين طب عطرك ؟
ولا شباچ بالغرفة
من إبعيد لوليلي
دخيلك " بس أريد أغفة "
ليلك جنت بي مرتاح
إشمرتني بليل ما إعرفه
- علي آسر
يلوموني ..
وأحسك تكبر بروحي ، ويلوموني
وأنه بلا شوفتك شينفعن عيوني !
- عريان
أنا الخواف يا دنيا
أنا الخواف من كلشي ..
لو أحلم حلم مو زين
أنا أرجف گبل رمشي ،
أدگ بالباب ألف رزه
وأفز بالليل ألف فزه ..
وتعز روحي وأگل للخوف
ضل بالبيت وأنا أمشي !
- الگاطع
بس إنت
ولك يبعيد بس إنت
إجة رب إلدوة لجرحي وفلا ردتة
أحبن جرحي أحس إنت !
- أمجد الحلفي
ما ناسي لعبتي الضايعة بزغري
لحد اليوم ..
شلون أنساك دليني !
- ثامر سعد
وناطر رسايل من وداعي ..
وبس آنه الأتعنة إعله ساعي ،
يا گلبي أخذ بينه إعله ناعي ،
ويه أعزاز گلبي مالي داعي !
- علي مهدي