“Пахтакор” – “Металлург” учрашувини Абдурашид Худойбердиев бошқаради
ЎзФҲМ Суперлиганинг 6-тур расмийлари рўйхатини эълон қилди. Унга кўра “Пахтакор” – “Металлург” учрашувига Абдурашид Худойбердиев бош ҳакам сифатида тайинланган. Қанотларда Ислом Азимов ва Шерзод Аъзамов, заҳира ҳаками сифатида Санжар Назаров фаолият олиб боради. Ўйинда шунингдек, VAR тизими ишлайди.
Абдурашид Худойбердиев жорий мавсум 7 та учрашувни бошқариб борган. 19 нафар футболчини огоҳлантирган, шулардан иккитаси қизил карточкага айланиб кетган. Бир нафар ўйинчини эса тўғридан тўғри майдондан четлатган. 2024 мавсумда “Металлург” иштирокидаги ўйинга биринчи марта тайинлов олмоқда. “Пахтакор”нинг эса “Сурхон”га (3:0) қарши 1-тур учрашувини бошқарган.
Суперлига. 6-тур
"Пахтакор" - "Металлург"
6 май 2024 йил. Тошкент, "Пахтакор" стадиони. 19:00
Ҳакамлар: Абдурашид Худойберганов, Ислом Азимов, Шерзод Аъзамов, Санжар Назаров
ВАР: Раҳимбек Каримов
АВАР: Давронбек Акмалов
Назоратчи: Тимур Галеев
Комиссар: Шохруҳ Саид.
“Пахтакор” билан ўйинга тайёргарлик бошланди
Ўзбекистон кубоги гуруҳ босқичи баҳсларидан кейин берилган таътил якунланди ва Бекободнинг “Металлург” жамоаси ўйинчилари Суперлиганинг навбатдаги турига тайёргарликни бошлаб юборди. Машғулотлар “Металлург” марказий стадионида олиб борилмоқда.
Эслатиб ўтамиз, Веско Стешевич шогирдлари кейинги турни Тошкентнинг “Пахтакор” жамоасига қарши ўтказади. Режага биноан ўйин 6 май санасида ўтказилиши керак. Аммо бизга етиб келган маълумотларга кўра Ўзбекистон профессионал футбол лигаси бу ўйинни 7 май санасига кўчириши кутилмоқда. Ўйин санаси ва бошланиши ҳақида қўшимча маълумот берамиз.
⚽️⚽️ Superliga qaytmoqda! Bizni 6-turda qiziqarli bellashuvlar kutib turibdi 🤩
♻️ Artel | 💳 Uzcard | 🔴 Coca-Cola | 🔵 BMB | ⚫️ Apex
Ўзбекистон U-19 чемпионати
4-тур
“Металлург” – “Бухоро” – 2:1 (0:1). Бекобод. 30.04.2024 йил. “Металлург” стадиони. 188 нафар томошабин.
Голлар: Абдулҳамид Турғунбоев (90), Суҳроб Парпиев (90+2) – Шаҳзодбек Норпўлатов (36).
Ҳакамлар: Абдуллахўжа Саидов, Гулмурод Бобомуродов, Бобомурод Дастамов, Атҳам Суннатов.
Назоратчи: Қаҳрамон Юлдашев.
Комиссар: Ойбек Юнусов.
“Металлург”: 89.Камронбек Ҳамроев, 28.Абдулҳамид Турғунбоев, 29.Абдувосит Солиев, 32.Азизбек Анваров, 37.Озодбек Тожиев (26.Суҳробжон Турсунов, 63), 55.Асроробек Отахонов (36.Ферузжон Зокиров, 90), 61.Дилшод Раҳмонов, 66.Самиржон Раббимов (75.Камронбек Омонов, 79), 70.Руслан Монгольд, 73.Али Рихсибоев, 85.Озодбек Эргашев (с) (18.Суҳроб Парпиев, 46).
Заҳира: 90.Миржалол Нурмаматов, 13.Абдуллоҳ Одилжонов, 39.Сайиддин Мавлонов, 46.Фаррух Эргашев, 64.Диёрбек Раҳматуллаев.
“Бухоро”: 32.Довуд Иброҳимов, 3.Суннатилло Насиллоев, 14.Миршод Муҳаммадов (с), 21.Муҳаммаджон Камилов, 22.Амирхон Ҳикматов (15.Миржалол Саъдуллаев, 90), 30.Темирбек Болтаев (99.Азизбек Орипов, 70), 55.Мансур Шарипов (95.Бекназар Бобожонов, 46), 61.Парвиз Аҳмаджанов, 71.Алберт Нуруллоев (76.Исомиддин Нусратов, 46), 96.Жасурбек Убайдуллаев (72.Шаҳзод Ибрагимов, 75), 97.Шаҳзодбек Норпўлатов.
Заҳира: 44.Озодбек Олтинов.
Огоҳлантиришлар: Асроробек Отахонов (26), Абдулҳамид Турғунбоев (43), Суҳробжон Турсунов (87) – Парвиз Аҳмаджанов (24), Амирхон Ҳикматов (86), Суннатилло Насиллоев (87), Суҳроб Неъматов (90+1), Исомиддин Нусратов (90+3).
5-вазият: “Нефтчи” – “Металлург” учрашуви: эҳтимолий қизил карточка.
Учрашувнинг 31-дақиқасида тўп учун курашган “Нефтчи”нинг 24-рақамли футболчиси Ғ. Ғуломов ҳамда “Металлург”нинг 7-рақамли футболчиси С. Абдураимов ўртасида контакт содир бўлган. Бош ҳакам Иброҳим Исмоилов бу вазиятда мезбонлар аъзоси қоидани бузган, деб топиб, унга сариқ карточка кўрсатган.
Эксперт-ҳакамлар комиссияси қарори: Ушбу вазиятда “Нефтчи” футболчиси рақиб тўпга эмас, рақиб оёғининг орқа қисмига бутсанинг таги билан зарба берган. Ушбу қўпол ҳаракат қизил карточка кўрсатиш учун асосли. Иброҳим Исмоилов эса уни четлатмай, сариқ карточка билан чеклангани боис, ҳакамнинг қарори нотўғри, деб топилди.
Ўзбекистон кубоги. 3-тур: Баҳсли вазиятлар юзасидан эксперт-ҳакамлар комиссияси хулосаси
Жорий йилнинг 29 апрел куни Ўзбекистон кубоги 2024 йилги мавсум гуруҳ босқичи 3-тури баҳслари ўз ниҳоясига етди. Ўзбекистон футбол ҳакамлари маркази ўтказилган учрашувларига якунига кўра Эксперт-ҳакамлар комиссиясининг навбатдаги йиғилишини ўтказди ва тур доирасида кузатилган баҳсли вазиятлар таҳлил қилинди. 3-тур доирасида ўтказилган 16 ўйинда жами 5 та баҳсли вазият юзага келди.
Баҳсли вазиятларнинг иккитаси “Металлург” иштирокидаги ўйинда қайд этилди. Қуйида айнан ўша ҳолатлар бўйича ҳакамлар эксперт қўмитасининг қарорларини эътиборингизга ҳавола этаяпмиз:
🔴 O‘zbekiston kubogi. Pley-offning barcha ishtirokchilari ma'lum!
🏆 O‘tgan mavsum finalchilari musobaqa bilan xayrlashdi.
♻️ Artel | 💳 Uzcard | 🔴 Coca-Cola | 🔵 BMB | ⚫️ Apex
ОЛИМПИАДА ЙЎЛЛАНМАСИ МУБОРАК БЎЛСИН!
“Металлург” ПФК футболсевар Ўзбекистон халқини миллатимиз футболи тарихидаги улкан ютуқ – Олимпиада йўлланмаси қўлга киритилганлиги билан самимий табриклайди! Тимур Копадзе бошчилигидаги олимпия терма жамоамиз кўп йиллардан буён орзу қилиб келинаётган ниятларимизни ушалтирди. Тўрт йилликнинг энг нуфузли мусобақаси – Париж-2024 Олимпиадасида биринчи марта жамоавий спорт тури – футбол бўйича Ўзбекистон олимпия терма жамоамиз мамлакатимиз шарафини ҳимоя этади.
Зафарли юришларинг бардавом бўлсин, олға ЎЗБЕКИСТОН!
Ўзбекистон Олимпия терма жамоамизнинг тарихий ғалабасидан кейин "Металлург" футбол академияси тарбияланувчиларининг эҳтироси...
Читать полностью…
"Металлург" футбол академияси тарбияланувчилари: Биз Сизларга ишонгандик, акалар! Сизлар билан фахрланамиз! Сизга ўхшагимиз келади! Биз Сиз бошлаб берган ишни албатта давом эттирамиз! ОЛҒА, ЎЗБЕКИСТОН!!!
Читать полностью…
Ўзбекистон – Осиё чемпионати бронза медали совриндори!
Бугун Ўзбекистон футзал терма жамоаси Бангкок паркет майдонларида ўтган Осиё чемпионатидан совриндор сифатида қайтаяпти. Испаниялик мутахассис Хосе Венансио Лопес етакчилигидаги футзалчиларимиз қитъа биринчилигида биронта ҳам учрашувда имкониятни бой бермай, бронза медалларини қўлга киритишди.
Ярим финалда 13 карра Осиё чемпиони Эрон терма жамоаси билан 3:3 ҳисобида дуранг ўйнаган йигитларимиз фақатгина пенальтилар сериясида имкониятни бой беришди. Бронза медали учун курашда эса Тожикистон терма жамоасини доғда қолдирдик. Бу ўйиннинг ҳам асосий вақтида жанговор дуранг натижа қайд этилди – 5:5. Пенальтилар сериясида эса омад Ўзбекистон терма жамоасига кулиб боқди – 3:1.
⭐️Ayollar birinchi ligasining 4-tur uchrashuvlari yakuniga ko'ra turnir jadvali yuqoridagi ko'rinishda
💳 Uzcard ⚡️ 📲 @ayollar_futboli
Ўзбекистон U19 чемпионатида 4-тур учрашувларида қайд этилган натижалар ва мусобақа жадвалида юзага келган вазият
Читать полностью…
Апрель ойининг энг яхши футболчисини аниқлаймиз
2024 йилги мавсумнинг иккинчи ойи – Апрель ҳам кўз очиб юмгунча тарих саҳифаларидан жой олаяпти. Бу ойда “Металлург” Суперлига баҳсларида майдонга тушмади. “Олимпик”ка қарши сафар учрашувимиз Олимпиячиларимизнинг Осиё кубогига вақтли жўнаб кетиши муносабати билан кейинроққа қолдирилди.
Веско Стешевич шогирдлари бу ойда асосан Ўзбекистон кубоги гуруҳ босқичи баҳслари ҳамда назорат учрашувлари билан банд бўлишди. 3 та расмий учрашувнинг иккитасини ўз фойдаларига ҳал этишди. Суперлига пешқадамларидан бири – “Нефтчи” билан сафар учрашувида дуранг қайд этилди. Натижада “Металлург” G гуруҳидан биринчи ўрин билан нимчорак финалга йўлланмани расмийлаштирди.
Қадрли футбол ихлосмандлари, “Металлург” мухлислари! Бугун “апрель ойининг энг яхши футболчиси”ни аниқлаш фурсати етди. Сўровномамизда фаол иштирок этасиз деб умид қиламиз!
Сўнгги сонияларда тортиб олинган ғалаба таъми янада ширин бўлади...
Читать полностью…
Учрашув 90 дақиқа давом этади...
Ўтган турда дам олган “Металлург” жамоаси учун “Бухоро” ёшларига қарши ўйин чинакамига имтиҳон бўлди. Гарчи ҳудудий устунлик тўлик ҳамшаҳарларимиз томонида бўлса-да, улар ўз мақсадларига фақатгина сўнгги дақиқаларда эришишди.
Меҳмонлар биринчи тайм ўрталарида қарши ҳужумдан унумли фойдаланиб, ҳисобни очишди. Шундан сўнг улар фақат ҳисобни сақлаб қолиш мақсадида ҳимояга эътибор қаратишди. Танаффусда мураббийларимиздан керакли кўрсатмаларни олиб майдонга қайтган ёшларимиз эса ўйин шиддатини янада оширишди. Деярли жарима майдонига ёпиб қўйилган меҳмонлар ҳимоя чизиғига босим охир оқибат ўз таъсирини ўтказмасдан қолмади. Учрашувнинг 90-дақиқасида ниҳоят Абдулҳамид Турғунбоевнинг аниқ зарбасидан сўнг, ҳисоб тенглашди. Ғалабага жуда яқин турган “Бухоро” футболчиларига ўтказиб юборилган гол салбий таъсир кўрсатди. Ҳакам томонидан қўшиб берилган дақиқаларда улар яна хатога йўл қўйишди. Бундан эса Суҳроб Парпиев унумли фойдаланди ва жамоамизнинг иродали ғалабасини таъминлади – 2:1.
4-вазият: “Нефтчи” – “Металлург” учрашуви: мезбонларнинг голи.
Учрашувнинг 27-дақиқасида “Нефтчи” уюштирган ҳужум чоғида “Металлург”нинг 4-рақамли ҳимоячиси К. Палич тўпни узоқлаштириш учун тепиб юборган, сўнгра тўп “Нефтчи”нинг 99-рақамли аъзоси Н. Эффионгнинг қўлига тегиб, йўналишини ўзгартирган ва қайтган тўпни мезбонларнинг бошқа бир вакили Ғ. Ғуломов дарвозага йўллаб, гол урган. Бош ҳакам голни инобатга олган.
Эксперт-ҳакамлар комиссияси қарори: Ушбу вазиятда ҳимоячи тўпни тепган нуқта ва рақиб қўли орасидаги масофа жуда қисқа (1 метрдан камроқ). Яқин масофа ҳамда интенсив ҳаракат инобатга олиниб, ўйин давом эттирилгани ҳамда гол инобатга олингани тўғри қарор. Бош ҳакамнинг қарори тўғри, деб топилди.
⚽️ Bugun U19 Chempionatida 4-tur o’yinlari start oldi.
♻️ Artel | 💳 Uzcard | 🔴 Coca-Cola | 🔵 BMB | ⚫️ Apex
"Металлург" футбол академияси тарбияланувчилари ва мураббийлар штаби Ўзбекистон олимпия терма жамоасининг Париж-2024 йўлланмасини катта қувонч билан кутиб олишди.
Читать полностью…
Футбол бўйича Ўзбекистон ёшлар терма жамоасига
Азиз фарзандларим!
Шу кунларда Қатар давлатида футбол бўйича ёшлар ўртасида бўлиб ўтаётган Осиё кубогида муваффақиятли иштирок этиб, бирйўла финал йўлланмаси ҳамда шу йил ёзда Парижда ўтказиладиган Олимпия ўйинлари йўлланмасини қўлга киритганингиз билан чин қалбимдан самимий муборакбод этаман.
Жонажон Ўзбекистонимизнинг футбол тарихида биринчи марта эришилган бундай ёрқин ғалабани, ҳеч шубҳасиз, мамлакатимиздаги барча спорт мухлислари, кўпмиллатли бутун халқимиз чексиз қувонч ва ғурур билан кутиб олди. Зеро, бу эл-юртимизнинг неча йиллик буюк орзуси эди.
Бу орзуни амалга ошириш айнан сизларга – Янги Ўзбекистоннинг навқирон фарзандларига насиб этгани билан ҳар қанча фахрлансангиз, арзийди.
Албатта, сизлар эришган бу тарихий ғалаба замирида кейинги йилларда мамлакатимизда спорт соҳасини, жумладан, футболни ривожлантиришга берилаётган улкан эътибор ва амалга оширилаётган кенг кўламли амалий ишлар мужассам, десак, айни ҳақиқатни айтган бўламиз.
Шу билан бирга, сиздек азму шижоатли ёшларимизнинг тажрибали мураббий ва мутахассислар раҳбарлигида мазкур мусобақага пухта тайёргарлик кўриб, ҳар бир ўйинда чинакам маҳорат, жасорат ва матонат намунасини кўрсатганингиз албатта юксак таҳсинга муносибдир.
Осиё қитъасидаги энг кучли жамоалар билан қизғин курашлар остида бўлиб ўтган 5 та ўйинда ҳам жамоамиз дарвозасини дахлсиз сақлаб, рақиблар дарвозасига 14 та жавобсиз тўп киритганингиз ҳам футболимиз тарихида мисли кўрилмаган натижадир.
Ишончим комилки, сизлар бу ютуқдан янада руҳланиб, финал беллашувида “Осиё чемпиони” деган шарафли ном учун муносиб кураш олиб борасиз.
Фурсатдан фойдаланиб, барчангизга, сизларнинг меҳрибон ота-оналарингиз, устоз-мураббийларингизга ҳам чин қалбимдан миннатдорчилик билдираман.
Бутун Ўзбекистон халқи сизларга ҳамиша бахт ва омадлар, порлоқ ғалабалар тилайди, азиз болаларим!
Шавкат Мирзиёев,
Ўзбекистон Республикаси Президенти
U-23 Осиё кубоги
Ўзбекистон — Индонезия 2:0 LIVE
26 апрель 2024 йил. Доҳа, "Халифа" стадиони. 19:00 (Тошкент вақти)
Гол: 68 - Ҳусайн Норчаев (Муҳаммадқодир Ҳамралиев), 86 - Прамата Арнан (автогол)
Ўзбекистон U-23: 1. Абдувоҳид Неъматов, 3. Зафармурод Абдираҳматов, 4. Абдуқодир Ҳусанов, 7. Ҳожимат Эркинов ( 10. Жасурбек Жалолиддинов, 46), 9. Улуғбек Ҳошимов ( 19. Ҳусайн Норчаев, 46), 14. Аббосбек Файзуллаев (6. Иброҳимҳалил Йўлдошев,90), 15. Умарали Раҳмоналиев, 16. Асадбек Раҳимжонов (5. Муҳаммадқодир Ҳамралиев, 66), 18. Алибек Давронов, 22. Алишер Одилов (20. Русланбек Жиянов, 71), 23. Абдурауф Бўриев (с).
Захира: 12. Владимир Назаров, 21. Ҳамидулло Абдунабиев, 2. Саидазамат Мирсаидов, 8. Иброҳим Ибрагимов,11. Отабек Жўрақўзиев, 13. Маҳмуд Маҳамаджонов, 17. Диёр Холматов.
Индонезия : 12 Прамата Арнан, 3 Муҳаммад Ферарри, 5 Ризки Ридҳо Рамадани, 6 Ивар Женнер, 7 Марселино Фердинан, 8 Витан Сулейман, 9 Рамадан Сананта, 10 Жастин Хабнер, 14 Муҳаммад Фажар Фатхур, 21 Эрнандо Ари Суратайри, 23 Натан Тжое
Захира: 1 Муҳаммад Адисатийро, 2 Илхам Рио Фахми, 4 Команг Тегух, 13 Амируддин Багас, 15 Иксхан Нул, 16 Аркхан Фикри, 17 Дони Три Памунгакус, 18 Муҳаммад Райхан Ханани, 19 Жэйм Келли, 20 Хокки Карака, 22 Даффа Фасйа
Огоҳлантиришлар: Натан Тжое (15), Алибек Давронов (31), Пратама Арнан (45), Абдурауф Бўриев (90+5), Жастин Хабнер (90+12)
Четлатиш: Ризки Ридҳо Рамадани (84).
Тимур ва унинг командаси миллионлаб футбол ишқибозларимизнинг ишончини оқлади! Ўзбекистон Олимпия терма жамоаси Осиё кубогининг финалига йўлланма олди. Шунинг баробарида миллатимиз футболи тарихида биринчи марта тўрт йилликнинг энг нуфузли мусобақаси – Олимпиада йўлланмаси расмийлаштирилди. 33 йиллик орзу рўёбга чиқадиган бўлди. Раҳмат сизга йигитлар, тасанно Тимур Копадзе!!!
Кутилганидек, Индонезияга қарши ярим финал учрашуви Ўзбекистон Олимпия терма жамоасининг тўлиқ устунлиги остида ўтди. Фақатгина рақиб қандай тартибда таслим этилади деган савол жавоб топилиши керак эди холос.
Эквадор чизиғининг ҳар иккала томонини қарийб 2 миллион квадрат километр ҳудуд билан эгаллаб олган, 17 минг ороллардан иборат бўлган мамлакат дарвозаси ёнида йигитларимиз ўнлаб вазиятларни юзага келтиришди. Бўриев, Файзуллаев тепган тўплар дарвоза тўсини ва устунига тегиб қайтди. Ва ниҳоят мураббийнинг топқирлиги, тактикаси 68-дақиқада иш берди. Заҳирадан майдонга туширилган Ҳамролиевнинг узатмасини Ҳусайн Норчаев голга айлантирди – 1:0.
Орадан кўп ўтмай Индонезия ҳимоячиси қўполлиги учун майдондан четлатилди. Айнан шу ҳолатдаги стандарт бизга иккинчи голни тақдим этди. Жасур Жалолиддинов тепган тўпни дарвозабон қайтарди. Қайтган тўпга Абдуқодир Ҳусанов бош билан зарба берди. Рақиб ҳимоячиси ва дарвозабони бу ҳолатда бир бирларига халақит беришди. Автогол юзага келди – 2:0.
Бу ғалаба Ўзбекистон олимпия терма жамоасига Париж-2024 эшикларини очди!!!
Ўзбекистонга Олимпиада эшиклари очилмоқда...
Қатар яшил майдонларида ўтаётган Осиё кубоги мамлакатимиз футбол ишқибозларининг диққат марказида турибди. Футбол бўйича Париж-2024 саралаш ўйинлари вазифасини ўтаётган Осиё U-23 чемпионатида ҳал қилувчи баҳслар фурсати етиб келди. Бугун медаллар учун курашни давом эттираётган тўртта жамоа ярим финал баҳсларида ўз омадларини синаб кўришади.
Миллионлар ўйини мухлисларимизга унутилмас ва ҳаяжонли лаҳзаларни тортиқ этаётган Тимур Копадзе ва унинг жамоаси финал йўлида бугун Индонезияга қарши майдонга тушади. Олимпиячиларимиз учун бугунга ўйин жуда муҳим аҳамият касб этади. Ярим финалдаги ғалаба Ўзбекистон Олимпия терма жамоасига Париж-2024 эшикларини очади.
“Металлург” футбол академияси тарбияланувчилари бу муҳим ўйинда Ўзбекистон Олимпия терма жамоасига ОМАД ёр бўлишини тилайди. “Эл Голасо” аҳил жамоаси Академия анжуманлари залида, катта монитор қаршисида ОЛИМПИЯЧИЛАРИМИЗ билан ғойибона бирга бўлишади. Бизни ижтимоий тармоқларимизда кузатиб боринг!
“Металлург” ФА янгиликлари: 4-турда 3 ғалаба, 1 дуранг, 1 мағлубият...
Навбатдаги уик-эндда “Металлург” академияси жамоалари Премьер лиганинг 4-турида “Чиғатой” жамоаларига қарши майдонга чиқиб, 3 та ғалаба, 1 та дуранг, 1 та мағлубиятни қайд этишди.
Энг ёш тоифа – U12 жамоалари учрашувида бекободликлар 4:1 ҳисобидаги йирик ғалабани расмийлаштиришди. Голларнинг иккитасини Набижон Сайдалиев киритган бўлса, Фирдавс Рўзиев ҳамда Маҳмуд Хуррамовлар бир мартадан муваффақият қозонишди.
U13 жамоалари баҳсида ҳам устунлик “Металлург” жамоаси томонида бўлди – 3:1. Ўйинда голларни Фарҳод Собиржонов (2 та) ва Муҳаммадазиз Юсуповлар киритишди.
U14 жамоамиз эса 1:1 ҳисобидаги дурангга имзо чекди. Бу ўйинда Ислом Достонов муваффақият қозонди.
Ягона мағлубият U15 жамоамиз ҳисобига тўғри келди – 0:3.
U16 ёш тоифасидаги ёшларимиз эса рақибларини битта тўп устунлиги билан енгишди – 2:1. Бу ўйинда “Металлург”дан Сардор Ўринов ҳамда Илҳом Раззоқовлар рақиб дарвозасини ишғол этишди.
⭐️ Ayollar birinchi ligasi 4-tur uchrashuvlari yakunlandi.
📋Natijalar bilan tanishing
💳 Uzcard ⚡️ 📲 @ayollar_futboli
