Telegram-канал ministryof_health - የጤና ሚኒስቴር: Unsorted

የጤና ሚኒስቴር

30 Jan 2022 20:00

የኢትዮጵያ የኮሮና ቫይረስ ሁኔታ መግለጫ
Status update on #COVID19Ethiopia

@Ministryof_health

የጤና ሚኒስቴር

23 Feb 2021 18:57

የኢትዮጵያ የኅብረተሰብ ጤና ኢንስቲትዩት "ኮቪድ-19 ኢትዮጵያ" የተሰኘው የስልጠና መስጫ የሞባይል መተግበሪያ ተሻሽሎ በአዲስ መልክ መቅረቡን አስታወቀ።

በሞባይል መተግበሪያው ላይ የተደረጉ ማሻሻያዎችን አስመልክቶ ኢንስቲትዩቱ ዛሬ በሰጠው መግለጫ "ኮቪድ-19 ኢትዮጵያ" ዓለም አቀፉን የኮቪድ-19 ወረርሽኝ ለመከላከልና ለመቆጣጠር ቁልፍ ሚና ያላቸውን የጤና ባለሙያዎች አቅም ለማጎልበት በጤና ሚኒስቴርና በኢትዮጵያ የኅብረተሰብ ጤና ኢንስቲትዩት ትብብር በግንቦት 2012 ዓ.ም ስራ ላይ መዋሉን አስታውሷል።

መተግበሪያው ላይ ከተካሄዱ ጥናቶችና በኢትዮጵያ በሽታውን ለመከላከልና ለመቆጣጠር ከሚተገበሩ መመሪያዎች አንጻር ተሻሽሎ በአዲስ መልክ መቅረቡ ተገልጿል።

በዚህም የኮቪድ-19 ወረርሽኝ ቅኝትና አሰሳ፣ ሕክምና፣ የላቦራቶሪ አገልግሎት፣ ብክለትን መከላከልና መቆጣጠር፣ የአደጋ ስጋት ተግባቦትና የኅብረተሰቡን ተሳትፎ የተመለከቱ የስልጠና ርዕሰ ጉዳዮች በመተግበሪያው ተካተዋል።

የቤት ውስጥ ልየታና እንክብካቤ፣ በትምህርት ቤት ወረርሽኙን የመከላከልና የመቆጣጠር እርምጃዎችም በመተግበሪያው የስልጠና ርዕሶች መሆናቸው ተገልጿል።

በሞባይል መተግበሪያው የሚሰጠውን ስልጠና ለማገዝ የማስተማሪያ ቪዲዮዎች፣ የምዘና ጥያቄዎች፣ ግብረ መልሶች እንዲሁም ጥያቄዎች መካተታቸው በመግለጫው ተመላክቷል።

መተግበሪያውን በመጠቀም የሚሰጠውን ስልጠና በአግባቡ ተከታትለው ለሚጨርሱ ሰልጣኞች የምስክር ወረቀት መዘጋጀቱም ተጠቁሟል።

ባለፈው ዓመት ብቻ መተግበሪያውን ካወረዱ ከ10 ሺህ በላይ ተጠቃሚዎች መካከል ከግማሽ በላይ የሚሆኑት የጤና ባለሙያዎች እንደሆኑ ተገልጿል።

የኢንስቲትዩቱ ምክትል ዋና ዳይሬክተርና የኮቪድ-19 ምላሽ ዋና አስተባባሪ አቶ አስቻለው አባይነህ ከጊዜ ወደጊዜ እየጨመረ ያለውን የኮቪድ-19 ወረርሽኝ ለመከላከልና ለመቆጣጠር የጤና ባለሙያዎችን ብቃት መጨመር እንደሚያስፈልግ ተናግረዋል።

“በመተግበሪያው የሚሰጠውን ስልጠና ባለሙያዎቹ ባመቻቸው ጊዜና ቦታ የሚሰጥ መሆኑ ሰፊ የሰው ሀይል በማብቃት ምላሽ የመስጠቱን ስራ በተጠናከረ መልኩ ማከናወን ያስችላል” ብለዋል።

የሞባይል መተግበሪያው የሚሻሻሉ መመሪያዎችና አሰራሮች ሲኖሩም ባለሙያው ወቅታዊ መረጃ እንዲኖረው በማድረግ ለተቀናጀ ስራና ውጤታማነት ሚና እንዳለው ገልፀዋል።

የጤና ባለሙያዎች መተግበሪያውን በሞባይላቸው በመጫን ስልጠና እንዲወስዱና ኮቪድን የመከላከልና የመቆጣጠር ስራ ላይ እንዲሳተፉ መልዕክት አስተላልፈዋል።

መተግበሪያው በትምህርት ቤቶች የኮቪድ-19 መከላከል ስራን ያካተተ በመሆኑ መምህራንና ሌሎችም አካላት እንዲጠቀሙበትም ጥሪ አቅርበዋል።

http://bit.ly/3apv5J2 የሚለውን ማስፈንጠሪያ በመጠቀም በሞባይል ስልክ እንዲሁም በታብሌት ላይ በመጫን ስልጠናውን በነጻ መከታተል እንደሚቻል ተገልጿል።