244
يا الله السلام عليكم ورحمة الله وبركاته قناة الرادودالملامحمدأبوسجاد الكعبي لنشرالقصائد مع الحن ونشرالمجالس الحسينية فضلا وليس امرا شرفونه بالانظمام بالقناة ليكم الرابط @mngfuy
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
8محرم الحرام جديد 1448
قصيده رئيسه عنوان ( زفولي جسام)
من وسط الاخيام
زفـــولـي جــسـام
رمله صاحت للحرب زفولي جسام
__
زفولي جاسم ضـنوتي مودمعه لاهلهوله
ومـبارك علـيك الدرع ياجـاسم وكلـولـه
يتغازل بسيفه نزل ابني شحلاته بطوله
وع الجتف حط صارمه ناده وعلي محلوله
مـن فيض الدمـوع
طـفـولي الـشـمـوع
يايمه طفيلي الشمع معدومه الأحلام
رملـه صاحت للحرب زفــولي جـسام
__
معدومه الحلام وتره جاسم صحت ياعيني
يايمـه ردتـك للكبر لوطلـع شيب اسنيني
شيهوده كلبي بفركتك شيهوده يمه اونيني
حاجيني صحتك ياضوه يايمه بس حاجيني
ياشـمعت الروح
مـن بالي متروح
شنسه منك ياضـوه وجـروح الأالام
رمله صاحت للحرب زفــولي جـسام
___
يايمه عرسك للحرب عوفه الفرح يوليدي
انصر امامك سـيدك والفـركتك وشـبيدي
ياجاسم اسمك بالكلب أسمك سره بوريدي
ياورده اسـنين العمر ياضحـكتي وياعيدي
والفركتك ااااه
جاسـم يويلاه
وبفركتك ااه يالولد دام الـحزن دام
رمله صاحت للحرب زفــولي جـسام
__
دام الحزن ياشمعتي والفرحه آذاً معدومه
أمك تظل بعدك تره من شـوفتك محرومه
مالومه بعدك راح أظـل أنه وعلي مالومه
والحومه تأخذ شمعتي أه وصحت يالحومه
عوف الشمع روح
وبـفكدك اجروح
والفرحه جازوها تره طشولك اسهام
رمله صاحت للحرب زفــولي جـسام
___
جازولك الفرحه بسهم أهل الحقد والضلام
وبروحي اتمنه السهم يافرح كلبي لما دام
نايـم يعــرس الحـرب نـام بـرغـد ياجـسـام
يبقى الدمع طول العمر يايمه موبـس ايام
يجري النظر دمعات
وع المشـه صرخات
ابجي ع فكدك يالولد وبطـول الأيام
رمله صاحت للحرب زفــولي جـسام
___
كلمات
مرتضى مكطوف الموالي
قصائد جديدة على الحان التراث
والحاج جليل الكربلائي والحاج باسم الكربلائي والحان مستحدثه✍️
/channel/HaideraHlkareawi313m
هذا الاكبر هل نزل
كبر بغيضه وزعل
كلمات مرتضى مكطوف الموالي
اداء الرادودابوسجادالكعبي
جديد محرم الحرام ٢٠٢٦
مانسيتك انه من يوم العرفتك
مانسيتك والله يحسين وعشكتك
كلمات سيدزيدالفحام
اداء الرادودابوسجادالكعبي القصائد مع الالحان٢٠٢٦
نزله .مسلم ع
ترهب اجفوفه
ترعب الكوفه
جنه عباس جنه عباس
___
شال سيفه وصال صوله وخله الكوفه بخطر
كلها تسأل ياهو هذا جنه عباس الكمر
ماسلم كدامه واحد بعد ماينفع عذر
خله كل جيش الأعادي للمنية تنتظر
لمن ايقاتل
جنه بوفاضل
جنه عباس جنه عباس
___
سيفه مايثني ابضربته جنه
ذو الفقاره
غيرة من قصر الأمارة شعت ابأنوارة
مسلم ايشمر جثثهم هالعدة محتارة
من الوصي الكرار حيدر ماخذ ابأثارة
اسد بالحومه
هالأجه يومه
جنه عباس جنه عباس
___
جنه عباس ابوفاضل يوم طب المشرعه
شطر الجيش بيمنته ال امية امروعه
خله فرسان الاعادي تشتكي بالفاجعه
مسلم ابنفس الشجاعه ياهو
يكدر يمنعه
هيبة حيدر
هلا بهالمنضر
جنة عباس جنة عباس
___
رايتة رايت محمد بالكرم معروفه
حذرو اهل الكوفه منه يوم طب الكوفه
انه هاي الليله كاصد والنصر ماعوفه
الزمن لبن الرساله هد عليه بسيوفه
لمن ايجاهد
مسلم القائد
جنه عباس جنه عباس
___
فزع يم قصر الامارة مسلم ابكل همه
كال فدوة اتروح روحي كلها لأبو اليمه
ماخذ ابحب الصميدة منهجة وكل علمه
افدي كل شمعه حياتي فدوة دمي الدمه
انكظه عمرة
خادم العترة
جنة عباس جنه عباس
___
خادمكم ابو منتظر الموالي
.
.
.
مسلم يم طوعى وناداها
نار الحرة ما ننساها
___
ظلت مهضومه بيا حاله
من هجمت يمها الخياله
تنضر لحسين وجتاله
تبجي وتون وي عياله
لعنة الله اعله العاداها
نار الحرة ما انساها
÷÷÷÷÷÷÷÷÷÷÷÷÷÷÷÷÷÷
كلها يا طوعى بكل عبرة
شحجيلج عن ابن الزهرة
سيف الشمر يكطع نحرة
ما تبرد من كلبي الجمرة
وهذا المنضر حيل اذاها
نار الحره ما انساها
÷÷÷÷÷÷÷÷÷÷÷÷÷÷÷÷÷÷
ضل يذكر كل محنة وشده
لمن بقه حسين ابوحده
كل جيش ال اميه ضدة
باجر يوكف خصم وجدة
اشكبرة امصابي وبلواها
نار الحرة ما ننساها
÷÷÷÷÷÷÷÷÷÷÷÷÷÷÷÷÷÷
زينب شافت نحر الغالي
ضلت يا طوعى بلا والي
مات حسين وغير حالي
فدوه الدمك دم عيالي
الله ايساعدها ناداها
نار الحرة ما ننساها
÷÷÷÷÷÷÷÷÷÷÷÷÷÷÷÷÷÷
وابنيتي يكثل منضرها
يتلوع كلبي من اذكرهة
من رحت كسرو خاطرهة
متحضرة تمشي الأسرهة
ورقية تواسي مبجاها
نار الحرة ما ننساها
___/////////////////
خادمكم ..ابو منتظر الموالي
قصائد جديدة على الحان التراث
والحاج جليل الكربلائي والحاج باسم الكربلائي والحان مستحدثه✍️
/channel/HaideraHlkareawi313m
نشرت املاك السمه
ثوبك امخضب دمه
شفت لوعة فاطمه...
...........آه يهلال الحزن
***
جرح والحسره چبيره...هل محرم بالدمع
بالهدوم السوده صرنه..گلب زينب ينفجع
هضم يهلال المصايب..بالنعي بس نستمع
اظلوع بالطف هشموها...چبد طه ينصدع
كلشي غاطيهه التراب
اتصورت بالطف ضباب
يجرح اهلال المصاب
...............آه يهلال الحزن
**
صارت ايامي مجالس...عيني ظلت هامله
وانه من زغير اسولف....عشت لوعة كربله
اشلون حيرتهه الفواطم...من تطيح البسمله
ياجرح عاش ابدليلي......من سبيها العايله
ابروحي والدمعه سؤال
يا تُرى هل من محال
چنهه زينب بس خيال
...............آه يهلال الحزن
*
ابدي ايامي محرم......حزني بالدمعه ارتوه
الماشوف احسين اعمه....فرق مابين الضوه
بعينه ما شاف الحقيقه..گلب ماعنده انچوه
هذا ابو السجاد محني.....طاح شيال اللوه
ظهره محني ونايبات
الخوه طاحت عالفرات
حرم حسره امروعات
.............آه يهلال الحزن
***
الماشوف احسين اعمه....ابلا بصيره ولا عقل
والگلب مسدود بابه.....ضيع ادروب العدل
والعشگ لحسين اكتبه....شعري يمك يرتجل
چني اسمع بالمصيبه.....شهر جيتك لاتهل
من الشفاه الذابلات
عليك تمشي العاديات
اجسوم ظلت عاريات
............آه يهلال الحزن
***
انحنت شفت المواضي...حدت احيود الجرح
والضمير ايصير ميت......ما بعد يطلع صبح
ابيا وجه لدنيا اسولف.....قائمه يطول الشرح
وانه من هاي المصيبه....شفت راس عالرمح
صعبه لحظات الرحيل
اجروح تنعد مستحيل
خطهه بالسيفُ الصقيل
..............آه يهلال الحزن
***
تمت بعون الله تعالى
الشاعر_يوسف_الفتلاوي
/channel/aabas78
قصائد لكل ايام محرم اشترك بالقناة
رئيسية/ العباس عليه السلام محرم ١٤٤٨هـ
يا زينب. ما تعطش بوجودي العيله
يا زينب. دم حيدر بعروگي وحيله
آنه العباس الوفاي
من چفي تشربون الماي يا زينب. يا زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يزينب آنه اخوج الحيد. عباس التعرفينه
ذاخرني علي لهل يوم بالطف كون اگر عينه
بشري اطفال خوي حسين. وبشري الغاليه اسكينه
اجيب الماي اجيبه اليوم. وبعيونج تشوفينه
ارويها. كل الاطفال العطشانه
ارويها. غصباً عالظالم وعوانه
رايح والرايه بيمناي
من چفي تشربون الماي يا زينب. يا زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يوم السابع بعاشور يومي وآني انتظره
رايح للنهر بالسيف. اطبّه برايتي الخضره
اجيب الماي للخيمه. عهد يا بضعة الزهره
يزينب والله بچفوفي. اروّي طفال ابوالعتره
بچفوفي. املي الجود بماي الخوّه
بچفوفي. يشرب عبدالله ويتروّه
رايح وحساسج ويّاي
من چفي تشربون الماي يا زينب. يا زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اعرفك يا شهم گدها. اخوي وكافلي الغالي
بوجودك ياگمر هاشم. ابد لا والله منبالي
گلبي مئمّن وما خاف يعباس انت تبرالي
ميمسنه العطش بحماك. وتروي بجودك اطفالي
يا هيبه. عباس واسمك يرعبهم
يا هيبه. تهزمهم منّ تحاربهم
عد عينج آنه الروّاي
من چفي تشربون الماي يا زينب. يا زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
گصد للمشرعه بسيفه. غضب تتجادح عيونه
شردت كل بني سفيان. وما كدروا يلاگونه
جثث والروس تتطاير. مثل حيدر يشوفونه
ذبحهم عالنهر بالسيف. نزل والرايه بمتونه
ذلّاهم طب للماي وبيده الجربه
ذلّاهم. شافوا موت وذل بحربه
يتحدّاهم رايح جاي
من چفي تشربون الماي يا زينب. يا زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مليت الجربه يا زينب. اخوج وبالعهد اوفي
جبت لطفال اخوي الماي. هذا امن النهر شوفي
گلت عبدالله ما يعطش. اشربه الماي بچفوفي
أنه العباس يا زينب. ملكت الساحه بطفوفي
وعيونج. فرسان وخيل اموذرها
وعيونج. يم شاطي الماي مطشرها
ما ظل عدهم حيل وراي
من چفي تشربون الماي يا زينب. يا زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كفو منك يبوالغيره. شربنه الماي من جودك
كفيلي وشايل الرايه. وحلات الراية بزنودك
حيلك من علي وعزمه. ياهو اليوصل حدودك
كفو وكفيت يالكافل. بعد ما نعطش بزودك
تحمينه. من جيش ابن زياد وحقده
تحمينه. يا درع حسين بكل شده
مو واحد بالحومه هواي
من چفي تشربون الماي يا زينب. يا زينب
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نزلة / العباس عليه السلام محرم ١٤٤٨هـ
اشهدُ انّ العباس. حامي الخَدم بچفوفه
٠٠٠٠٠٠٠٠٠٠٠٠٠٠٠
يالخدمتو حسين امنو. ما يضركم اي احد
ابو فاضل حامي زينب. هوه يحميكم وعد
صيحوا لو تعبت اديكم. مدد يا كافل مدد
ابو راس الحار هذا كله غيره وما برد
ما ينكطع يخدام. دايم يضل معروفه
اشهدُ انّ العباس. حامي الخَدم بچفوفه
٠٠٠٠٠٠٠٠٠٠٠٠٠٠٠
تحزّمو وحيوا المجالس لا يهمكم اي خطر
واليضدكم تعمي عينه. سطره من چف الگمر
هذا ابو فاضل نعرفه. حاضر بطول الدهر
چفه عالخدام خيمه. يلزم الطاح وعثر
للشيعه كعبة العباس نوصل مشي ونطوفه
اشهدُ انّ العباس. حامي الخَدم بچفوفه
٠٠٠٠٠٠٠٠٠٠٠٠٠٠٠
انتو يا اهل المجالس. ما يضيع الكم تعب
كل موالي الليله اسمه. بدفتر الزهره انكتب
الچف ابوفاضل يكتبه. هذا عالزهره انحسب
بالقيامه يعله صيته. يصعد لأعله الرتب
من يشفعلنه العباس. يوم القيامه انشوفه
اشهدُ انّ العباس. حامي الخَدم بچفوفه
٠٠٠٠٠٠٠٠٠٠٠٠٠٠٠
يالتقيمون المجالس. عندي الكم هالخبر
تكفل العباس بيكم. لا عذاب ولا سقر
لطموا وحيوها الشعائر وصلو للعالم صور
حسين هوه الذابحينه. بكربله مو اي بشر
من عالم الذر ارواح. تحيي العزه ملهوفه
اشهدُ انّ العباس. حامي الخَدم بچفوفه
٠٠٠٠٠٠٠٠٠٠٠٠٠٠٠
اعقد النية يخادم. وخدم حسين بعشگ
بجمرة خيامه ومصابه. خلّه گلبك يحترگ
مو لجل صيت وتباهي. كون تخدم من صدگ
گلبك يشوفه بوفاضل. المن وعنمن يدگ
من ينذكر بسم حسين. هذا اللطم لتعوفه
اشهدُ انّ العباس. حامي الخَدم بچفوفه
٠٠٠٠٠٠٠٠٠٠٠٠٠٠٠
اخلص بخدمة امامك. صفي گلبك ولتزم
هذا عاشور ابوفاضل. للعَزَه رايد زلم
خل يشوفك بالمواكب مثل عابس منسجم
خاطر بديوانه اسمك ينكتب اول اسم
بالك تغش والنيّات عند الگمر مكشوفه
اشهدُ انّ العباس. حامي الخَدم بچفوفه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نزله/ علي الاكبر عليه السلام محرم ١٤٤٨هـ
هاشمي وعنواني
مرهب السفياني
٠٠٠٠٠٠٠٠٠٠٠٠٠٠٠٠٠
يالتسأل علية منو اسمعني وتحذّر
ابن الحسين ابن علي آنه علي الاكبر
انت لأميّة تنتمي وانه نتمي لحيدر
مو بس كلامك بالفعل واجهني لو تكدر
سيفي يگطع راسك
ما تجـرّ انفاسك. موتك بميداني
٠٠٠٠٠٠٠٠٠٠٠٠٠٠٠٠٠٠
منهو القلع باب الحصِن منهو الشطر مرحب
أسأل گبل لا تنذبح وحذر اذا اغضب
جدي علي واني علي ومنين الك مهرب
ما ثنّي بالضربه ابد بالمعركه مجَرّب
ماكو رحمه بسيفي
منّك آخذ حيفي. يا اخس عدواني
٠٠٠٠٠٠٠٠٠٠٠٠٠٠٠٠٠٠٠
أسأل عليّة وفتهم يا بكر ابن غانم
ما واحد تحدّه علي مرّه ورجع سالم
كلمن يگلك تنتصر بالمعركه واهم
انزل وراويك الزلم صولة بني هاشم
ميّت يشيلونك
والرعب بعيونك. لا لتتحداني
٠٠٠٠٠٠٠٠٠٠٠٠٠٠٠٠٠٠٠٠
آنه علي الاكبر تره لتظن فرد جندي
متورّث فنون الحرب من حيدره جدي
مو انت بس جيشك سوه وانه اهد وحدي
اذبح وگطّعكم وذر حدما يجي وعدي
آنه منكم ناقم
ما اذل للظالم ناصبي شيطاني
٠٠٠٠٠٠٠٠٠٠٠٠٠٠٠٠٠٠٠٠
جدي علي حامي الحمه وعمي ابوفاضل
الله ورسـوله بجانبي وللمعــركه نازل
منهجنه عالحق والعدل لا مو عله الباطل
بينك وبيني شكد فرق بالسيف احط فاصل
كافر تسمّيني
وانه بالحق ديني ملتزم قرآني
٠٠٠٠٠٠٠٠٠٠٠٠٠٠٠٠٠٠
للباري فدوه وللنبي خل ينسفك دمي
ما دام أنه بجسمي نفس ما توصل خيمّي
ميهمني كون ستشهدت لو وذّرت جسمي
ما ينمحي طول الزمن خالد يظل اسمي
واليضحّي بروحه
ما تهمّه جروحه. الله رافع شاني
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رئيسية/ ليلة العاشر محرم ١٤٤٨هـ
لوداعك يا ولينه. يبوالاكبر اجينه
الك نشكي المنه. يروح الله وأمينه
٠٠٠٠٠٠٠٠٠٠
زينب اختك آنه يا روح الزجيه
ابدي اوّلهن وريد اشكي الرزيه
شلون اودعك خويه لسيوف المنيه
وما يرحموك بحقدهم آل اميه
ريت لا صَبّح صبح باجر عليه
ولا اشوفك تنذبح فوك الوطيه
بعد هاي المسيه. يسموني السبيه
اذا مو انت يمنه. يروح الله وأمينه
٠٠٠٠٠٠٠٠٠٠
ام علي الاكبر يبوالاكبر اودعك
شلون ما شوفك بعد باجر وسمعك
بيش اواسي جروح گلبك بيش انفعك
يا غريب الطف هضمني هواي وضعك
علي الأكبر فدوه خلّه يصير درعك
دونك يقاتل على دينك وشرعك
اقدم ابني فدوه. الك يالكلشي تسوه
لأن انت التلمنه. يروح الله وأمينه
٠٠٠٠٠٠٠٠٠٠
آنه امّ القاسم ودمعي جريته
مو سهل تودعيك اصعب شي لگيته
عندي بس القاسم ولجلك فديته
هوه راد ينصرك ابني ما نخيته
فضلك وإحسانك عليه ما نسيته
ريته لا طر الصبح بعيوني ريته
ولاشوف اليذبحك. على جرحك يجرحك
يهيبة كل زلمنه. يروح الله وأمينه
٠٠٠٠٠٠٠٠٠٠
آنه ام عبدالله اودعك وشكي حالي
غيرك بهالدنيا ما ظل عندي والي
شلون لو باجر يذبحونك يغالي
وراسك نشوفه برمح مرفوع عالي
يعني آنه بلا خدر مسبيه تالي
والطفل مذبوح ابني ومهده خالي
سهم يكطع وريده. على چفوفك يبيده
وجمر تسعر خيمنه. يروح الله وأمينه
٠٠٠٠٠٠٠٠٠٠
بويه آنه سكينه بنتك دلّلتني
شلون لو باجر رحت عني وعفتني
يعني من هالليله اكولن يتّمتني
ليش من زغري المصايب رافگتني
بويه گلي شلون اودعك حيرتني
انت كل مصباح اشوفك عوّدتني
اموت ولا مصابك. تعذّبني بغيابك
عدوك لو هضمنه. يروح الله وأمينه
٠٠٠٠٠٠٠٠٠٠
الله موجود بغيابي وهو عالم
صبرن عله اليجرَه بيچن يالفواطم
راسي لو شفتنّه عالي برمح ظالم
استعــدّن للبــــلاء وألله راحم
الله يحميچن وعد من عنده حاسم
لأن باجر تنذبح كل بني هاشم
وصيتي والأمامه. يزينب باليتامه
اطعنه ولتزمنه. يروح الله وأمينه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نزله حماسيه 10محرم الحرام
ويلي مذبوح الولد
حرمله شـرايد بعد
عبدالله يبني عبدالله يبني
ــــــــــــــــــــــــــــــــــــــــــــــــ
مودللول على مهدك يالغـفه بنحرك سهم
راح اهز مهدك ييمه ونعــه بجـروح وألـم
وبمصابك ياسلوتي حيلي وي كلبي نهدم
مااريد أسنـيني بعدك والصـبر بعًدك عدم
هذه مو هوه الوعـد
حرمـله شـرايد بعـد
عبدالله يبني عبدالله يبني
ــــــــــــــــــــــــــــــــــــــــــــــــ
ماحسبت حساب فكدك عني ترحل ياتره
بعدك انه يامهجتي حيره والله محيره
وباجر بضعن الشماته وباجر أنه ميسره
ناري ماتخمد ييمه روحي تبقى مؤجره
ليـه وشــباكي بـعد
حرمـله شرايد بعـد
عبدالله يبني عبدالله يبني
ـــــــــــــــــــــــــــــــــــــــــــــــــ
يمه عبدالله انادي الشيبتي رتك ذخر
بيدك أتـجي الكبرتي بيـه لو بأن الكبـر
منين أجتني كربلانه وماخذه وردالعمر
مااريد الدنيا بعدك لونويت على الهجر
كلبي بمصابه نمرد
حرمله شـرايد بعد
عبدالله يبني عبدالله يبني
ـــــــــــــــــــــــــــــــــــــــــــــــــ
كلبي بمصابه يتمرد من يسافر ضنوتي
بعده ماريداً حياتي والله اريداً موتتي
من يسافر أصرخ أنه هسه حانت غربتي
وبدمع ناغيته مهده ويمه تطول ونتـي
كتـله اكعـد ماكـعد
حرمله شـرايد بعد
عبدالله يبني عبدالله يبني
ـــــــــــــــــــــــــــــــــــــــــــــــــ
مسحيت الرأس بيدي وكتله اكعد ماكعد
درحلـيب الصـدر يمه وانته غافي بلـمهد
أحجي ويه شخصك ييمه ماتردليه شبعد
والله مـوتني سكوتك يمـه عبدالله الـولد
بغيبتك راح السعد
حرمـله شـرايد بعد
عبدالله يبني عبدالله يبني
ـــــــــــــــــــــــــــــــــــــــــــــــــ
كلمات الشاعر
مرتضى مكطوف الموالي
شهرالأدموع ياهلّه أبايامك (نزله)
شهرالأدموع ياهلّه أبايامك
**
حضرت دمعــات عيني من دنــت ساعتك
دمع يشبه مـاي زمــزم أنــزف أبلوعـاتك
ساعه ساعه ولحظه لحظه أنتظـرلچـماتك
أتـوشحت بـثياب حـــزني وأرفـعت رايتك
شايـل أعيون تهمل أبآلامك
شهرالأدموع ياهلّه أبايامك
**
أبچفي مــرفوعه البيارغ للسمه أمعليها
خضّرت من دم وريدك بسمك أمسميها
الـــدنيا منها أمراد تطلب فوراً وتنطيها
عــلگ من هــيبة محمد ربــك أمخـليها
فوگ الأنجوم رفرفت أعلامك
شهرالأدمــوع ياهــلّه أبايامك
****
يــالا ياصدري تحضر لل اللطـم وأفنونه
تــك رجـل وگـــف الــدنيا لمــن أيشوفنه
عــالمتن دگ السلاسل بيها غـير لـــونه
سكت العالم أبـأسره وصيح أنـه مجنونه
ونادي يحسين هالخلگ خدامك
شهـرالأدمــوع ياهـــلّه أبايامك
**
مــو مواكب لا قــوافـل نطلع ونحييها
هذا يــقره وهذا يــلطم هذا يـخدم ليها
تنصب باچر چوادر مهدي يوگف بيها
أتراب من عتبتها ناخذ للعـلل تشفيها
أيداوي الأوجاع ياتراب أخيامك
شهرالأدمــوع ياهــلّه أبــايـامك
*
وين ماتنـدار مجلس بيه ذكـرعاشوره
بنوح وبــوّنّة حزنّه كل يواسي بطوره
ليل وأنهار أبعـزانه أنـّـدور بالمعموره
أبدمنه نحي هالشعائروالرگب مذخوره
كل الأعــوام تنحني جدامك
شهرالأدموع ياهلّه أبايامك
*
عشره أيـامك تـمرنه والـحزن غاطينه
طين فوگ الروس لجلك سيدي حطينه
نهرمن فيض المدامع عالـوجه سوينه
بلكت أتشيل المواجع من گلب مهدينه
ناخـذ الثارمن رگب ظلامك
شهرالأدموع ياهلّه أبايامك
****
لخادم أهل البيت(عليهم السلام)
الشاعر كريم العطواني
ونسألكم الدعاء
أنظر الحالي ودمعتي تلالي
من أشوفك ياحسين طايح أكبالي
☆☆☆☆☆☆☆☆
آنه أشوف النحر يجري ولونه أحمر
خلي يجي ويشوف حاله ابو الأكبر
جالس الشمر عله صدره الله واكبر
وثنعش مره يطبره وعيني تنظر
نصاب دلالي ونشده بالي
وصرخ بلوعه يزهره رايح الغالي
☆☆☆☆☆☆☆☆☆☆☆
بعد شصبر من أشوفه طايح مخضب
والسهم نابت بصدره والكلب يلهب
علرمح راسه يبويه وجسمه أمترب
الخيل داست عله صدره والدمه ينصب
منهو يبرالي الهجر جتالي
ليش ماتحضر حسينك آه يوالي
☆☆☆☆☆☆☆☆☆☆☆
أمشي عل الناكه سبيه بغير وليان
أمشي كل ذيج المسافه ودمعي نهران
والكمر عله الشريعه مات عطشان
وحركو أخيمنه علينه بني سفيان
خويه يلغالي سحكو أعيالي
وحشه صارت دنيتي عكب الغوالي
☆☆☆☆☆☆☆☆☆☆☆☆
خويه من هجمت عليه الخيل وحدي
أثنين وثمانين طفله وطفل عندي
خويه الأرض الشام بينه الشمر يحدي
وأنتم موته علثره دمعي اعله خدي
علرمح عالي راسك أكبالي
وأنظر الراس الحسين برمح عالي
☆☆☆☆☆☆☆☆☆☆☆
أشلون ترضاهه الأميره مجتفه أحبال
وذوله ماعدههم شرف أشباه الرجال
وشعظم هاي المصيبه تفجع إجيال
تبجي أعيونك أذاشاهدت الأحوال
شيعة الوالي تحيي الليالي
من يهل عاشور لينه دمعتي أتلالي
الشاعر ابوسجادالذهبي ثكيلة كتبته محرم
تحضيرات محرم1447 هجري
لعمل هندسة صوتية عن طريق بصمة الواتساب
او التلجرام وانت كاعد بالبيت
تواصل معنى
@ahmed_alziwar0
8محرم الحرام جديد 1448
قصيده رئيسه عنوان ( زفولي جسام)
من وسط الاخيام
زفـــولـي جــسـام
رمله صاحت للحرب زفولي جسام
__
زفولي جاسم ضـنوتي مودمعه لاهلهوله
ومـبارك علـيك الدرع ياجـاسم وكلـولـه
يتغازل بسيفه نزل ابني شحلاته بطوله
وع الجتف حط صارمه ناده وعلي محلوله
مـن فيض الدمـوع
طـفـولي الـشـمـوع
يايمه طفيلي الشمع معدومه الأحلام
رملـه صاحت للحرب زفــولي جـسام
__
معدومه الحلام وتره جاسم صحت ياعيني
يايمـه ردتـك للكبر لوطلـع شيب اسنيني
شيهوده كلبي بفركتك شيهوده يمه اونيني
حاجيني صحتك ياضوه يايمه بس حاجيني
ياشـمعت الروح
مـن بالي متروح
شنسه منك ياضـوه وجـروح الأالام
رمله صاحت للحرب زفــولي جـسام
___
يايمه عرسك للحرب عوفه الفرح يوليدي
انصر امامك سـيدك والفـركتك وشـبيدي
ياجاسم اسمك بالكلب أسمك سره بوريدي
ياورده اسـنين العمر ياضحـكتي وياعيدي
والفركتك ااااه
جاسـم يويلاه
وبفركتك ااه يالولد دام الـحزن دام
رمله صاحت للحرب زفــولي جـسام
__
دام الحزن ياشمعتي والفرحه آذاً معدومه
أمك تظل بعدك تره من شـوفتك محرومه
مالومه بعدك راح أظـل أنه وعلي مالومه
والحومه تأخذ شمعتي أه وصحت يالحومه
عوف الشمع روح
وبـفكدك اجروح
والفرحه جازوها تره طشولك اسهام
رمله صاحت للحرب زفــولي جـسام
___
جازولك الفرحه بسهم أهل الحقد والضلام
وبروحي اتمنه السهم يافرح كلبي لما دام
نايـم يعــرس الحـرب نـام بـرغـد ياجـسـام
يبقى الدمع طول العمر يايمه موبـس ايام
يجري النظر دمعات
وع المشـه صرخات
ابجي ع فكدك يالولد وبطـول الأيام
رمله صاحت للحرب زفــولي جـسام
___
كلمات
مرتضى مكطوف الموالي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
9محرم الحرام جديد 1448
نزله حماسيه ( حي الله الأكبر)
هذه الأكبر هل نزل
كبر بغـيـضه وزعـل
حي الله الأكبر حي الله الأكبر
__
هـذه الأكبـر بالمـعاره ونازل المـيدانهـا
كبر بغيـض المنايه ويسحك أبـعدوانها
الخيل والخياله شردت من يهد أعـنانها
مالت الحومه بجمـعها ماجت بفرسانها
والعدو حار انذهل
كبر بغيضه وزعـل
حي الله الأكبر حي الله الأكبر
__
والكـاتب كلها تهتـف علي رد ليهـا الحرب
ياللهي ادخيل يومه والدمـع منهـم يصب
رجفت الحومه بجمعها والجدم ويه الكلب
وينه وينه إلي يلاكي وينه وينه إلي يطب
علي بيهم من حمل
كـبر بغـيضه وزعـل
حي الله الأكبر حي الله الأكبر
__
توسط الحومه وينادي علي جدي حيدره
علي أنه ابـن الحسين اليوم أقيم الاخره
أله أطشركم وألمكم بيدي اسـوي المجزره
أله اخلـيها الكـتايب حـيره بيــه مـحـيره
بسيفه مخطوط الأجل
كــبر بغـــيضـه وزعــل
حي الله الأكبر حي الله الأكبر
__
بسيفه مخطوطة عباره طلب واحد النزال
عاف مهره نزل راجل مالت بمشيه الجبال
ابن غانم صاح وينه طالبه السوح القـتال
لامحال بسيـفي راسـه ينجه أبداً لا محـال
حـيره يحتار الـسأل
كــبر بغـيضه وزعـل
حي الله الأكبر حي الله الأكبر
__
ياالتـناشد مـنو انه صـولتي تسولف الي
علي انه أبـن الحسـين والله لا لا انثني
نحنو أهل البيت أولى والله أولى بالنبي
انه تربات الصميده ضربتي ضربت علي
والعزم بيه أكتــمل
كــبر بغـيضه وزعـل
حي الله الأكبر حي الله الأكبر
__
الشاعر
مرتضى مكطوف الموالي
قصيدة لسان حال الخادم مع سيد شباب اهل الجنة الإمام الحسين عليه السلام
ما نسيتك آنـه من يـوم العـرفتـك
ما نسيتك. والله يحسين وعشگتك
ما نسيتك. خادمك وبقـه بخدمتـك
ما نسيتك. ما نسيتك
سيّـدي يحسيـن يامن عـالـي قـدرك
سـر الهـي وبالعـرش مـكـنــون سـرّك
بعالم الذر روحي مشغوفه عله ذكرك
بگلبـي مو بعيـونـي يامـولاي انـظـرك
هذا گلبي انت يحسيـن الملكته
هذا گلبي. ينبض بأسمك سمعته
هذا گلبي. وبالگلب ايماني شلتك
ما نسيتك. ما نسيتك
مطّـلِع يحسيـن بيّـه وانـت عالم
عـمـري خلّص بالمـواكب والمآتم
بدفتـرك سجلني يامـولاي خادم
عبــدك وأتـوسّـلَـك يبـن الأكــارم
نظرة منك. تكفي يامولاي اليّـه
نظرة منك. ما اظن تبخل عليّـه
نظرة منك. رايد واطلب رحمّتك
ما نسيتك. ما نسيتك
ما نسـيتـك يشــهـد البــاري عليّـه
ابچي لمصابك گمت صبح ومسيه
سيّـدي بكل لحظـه ألعن آل اميــه
بلا ذنـب ذبـحــوك برض الغاضريه
عيني تجري. ابچي من اذكر مصابك
عيني تجري. والله يحسين عله بابك
عيني تجري. بزغري وبكبري ذكـرتـك
ما نسيتك. ما نسيتك
سيدي يحسين اقبلني بخدمتك
ما ترد مكسور خاطر من عرفتك
آنه مو بالدنيه بالذر من عشگتك
ندبة الملـهـوف والحـايـر ندبتـك
تدري بيه. سيّـدي يحسين احبك
تدري بيه. للحشـر ماعوف دربـك
تدري بيه. بروحي وبدلّالي شلتك
ما نسيتك. ما نسيتك
آنـه ماعــوفـك ولا عـوف الزيـاره
ياحُسين وحضرتك مأوى الحياره
المايزورك سيّـدي عـمـره خســاره
يالثـواب زيـارتـك اعـظـم تـجــاره
من ازورك. تنمحي ذنوبي العلَيّـه
من ازورك. خالقـي يرضه ونبيّــه
من ازورك. ياهلا تگلّي سمـعـتـك
ما نسيتك. ما نسيتك
خادمك يحسين لا تـتركنـي وحدي
سكرة الموت ومماتي وضيق لحدي
سيّـدي يحسيـن غيـرك ماكو عنـدي
ومااظـن أعـمــالـي يامـولاي تجـدي
مالي غيرك. لا صيامي ولا صلاتي
مالي غيرك. سيّـدي بساعة وفاتي
مالي غيرك. لا تضيّعني عله بختك
ما نسيتك. ما نسيتك
خادم الامام الحسين عليه السلام
سيد زيد الفحام
_______
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
راحت حبيبة روحي
الچانت دوه اعله اجروحي
مل الصبر من ضيمي
عايش ابوني ونوحي
@@@@@@@@@@@@@@@@@@@@
يازماني الذاب اهمومك عليه
انه ماميت وعايشه المنيه
علي مايكدر عله افراگ الزچيه
علي بعد ام الحسن صاير خطيه
هاي الحنينه ام بيتي
هاي الترد عافيتي
يوم المشت محبوبتي
عايش ابوني ونوحي
@@@@@@@@@@@@@@@@@@@@@@
خل ترد الروح وتهون المصايب
اعظم امن الموت يافگد الحبايب
شلون مدفونه الشمس جوه الترايب
شلون نور الزهره من اعيوني غايب
ياربي خذني وياها
موتني يافرگاها
لا والله ماانساها
عايش بوني ونوحي
@@@@@@@@@@@@@@@@@@@@@@@
يساعد الله الفاگد والي اليحس بي
ينام يگعد وحده ومحد يتاني
افراگ الي يحبهم عمر كامل يباري
الينوجع گلبه صدك محد يجازي
وانه الوجع بعيوني
والوادم يصبروني
يم الگبر خلوني
عايش ابوني ونوحي
@@@@@@@@@@@@@@@@@@@@@@@
سلمت ودموعي طاحت فوگ اديه
ياحبيب ماترد اجاوب اليه
خاف ناسيني يحلمي العاش بيه
عمر بعدك لليالي الفاطميه
ع الگبر نامت عيني
وين الصبر ناسيني
ياموت لتخليتي
عايش ابوني ونوحي
@@@@@@@@@@@@@@@@@@@@@@@
الله لايرحم الناس العذبوني
بنارهم حرگو عشگنه وفرگونه
اعله المحبه حاكمونه وحاربونه
وي كسر ضلعچ يزهره موتونه
ذرة رحم مابيهم
شيطانهم واليهم
بس انه ماناسيهم
عايش ابوني ونوحي
حسين البغدادي
مقدمة/ العباس عليه السلام محرم ١٤٤٨هـ
يزينب لا تجيني سهم مصيوبه عيني
٠٠٠٠٠٠٠٠٠٠٠٠٠٠٠٠٠٠
إنه العباس اخوج بگلبي ناري
الج ابعث يزينب اعتذاري
غدر گطعوهن يميني ويساري
طحت يم النهر وعلن قراري
اظل يم الشريعه. أنه چفوفي گطيعه
سيوف محاوطيني. سهم مصيوبه عيني
٠٠٠٠٠٠٠٠٠٠٠٠٠٠٠٠٠٠
تبده الماي من جودي بمصابي
بعد من يروي عبدالله بغيابي
عطشكم عندي اعظم من خضابي
يزينب عالنهر آخر جوابي
لخيمكم مستحيله. ارد لا يالعقيله
اريد تسامحيني. سهم مصيوبه عيني
٠٠٠٠٠٠٠٠٠٠٠٠٠٠٠٠٠٠
يزينب اعرف شگلتي وحچيتي
نهضمتي بخيمتج وشگد بچيتي
شكثر دوّرتي عني وما لگيتي
يزينب خويه معناها انسبيتي
وسف بين آل اميه. عكب خدرج سبيه
حزينه وتنتخيني. سهم مصيوبه عيني
٠٠٠٠٠٠٠٠٠٠٠٠٠٠٠٠٠٠
أنه العباس وفيت بعهودي
الج ضحّيت ياخويه بوجودي
چفوفي الطاحن وعيني شهودي
خذت منج عزم گلبي وصمودي
قسم لوما غدرهم. اثر ما خلّي منهم
غدر كطعوا يميني. سهم مصيوبه عيني
٠٠٠٠٠٠٠٠٠٠٠٠٠٠٠٠٠٠
وصل صوتج مع الريح وسمعته
منو اليحمي الخيم لوما تجي أنته
اسد من ذبحي دمعج ما مسحته
يجيج شلون للصابوا جبهته
اصبري عله المصيبه. يزينب يا غريبه
بعد لا ترتجيني. سهم مصيوبه عيني
٠٠٠٠٠٠٠٠٠٠٠٠٠٠٠٠٠٠
تگلّه والنعم منك عذرتك
يبوفاضل كفو ياخيمة اختك
نكسر ظهري يخويه من فگدتك
لجل خدري يظل كطعو يمنّتك
شهم وتكفّلتني. وفيت وماعفتني
ولا سمعك ونيني. سهم مصيوبه عيني
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نزله للعباس عليه السلام/ محرم ١٤٤٨هـ
يعباس ينوماس. يالله شيل الرايه
٠٠٠٠٠٠٠٠٠٠٠٠٠٠٠٠٠٠
يالله يابوالمرجله. كوم زلزل كربله
يا كفيل العايله. كلها عطشانه
كوم رفّ برايتك. واليتامه اتنخّتك
ماي تترس جربتك. وانت رجوانه
يالله يا عباس يا حامينه
انهض براية علي والينه
جيب ماي امن النهر وروينه
يكفّال. ولاطفال. منتظرتك هايه
يعباس ينوماس. يالله شيل الرايه
٠٠٠٠٠٠٠٠٠٠٠٠٠٠٠٠٠٠٠
گلهه يختي ادلّلي آنه بن حيدر علي
ساعه بس تحمّلي. والله مگضيه
آنه ابن فارس مضر. آنه عباس الگمر
إلّا اجيبلكم نهـر. عينج عليه
ال امية وكل بني سفيانها
راح اطيّر روسها بميدانها
ما ترد عباس كل فرسانها
يقلّون. يزغرون. والكفيل هوايه
يعباس ينوماس. يالله شيل الرايه
٠٠٠٠٠٠٠٠٠٠٠٠٠٠٠٠٠٠٠
صال ابو السيف الثجيل. لا يطيح ولا يميل
يرد فارغ مستحيل. إلّا يمليهه
الجربه منّ العلگمي. نبض عِرّگ الهاشمي
والحرم بي تحتمي. ماي يرويهه
كام يحصد عالنهر برگابها
طمها خيل وزلم عجّ ترابها
ال امية تخضّبت بخضابها
اله الراي على الماي. بيده دگ الثايه
يعباس ينوماس. يالله شيل الرايه
٠٠٠٠٠٠٠٠٠٠٠٠٠٠٠٠٠٠٠
هذا ابن حامي الحمه. سوه بيهم ملحمه
غضب من رب السمه يفني عدوانه
بسيفه طب المشرعه. ياهو يگدر يمنَعَه
علي اصله ومَنبَعَه. هيبه عنوانه
نزّل الجربه ويهوّس بيها
ماي من وسط النهر يمليها
منها اطفال وحرم يرويها
للخيام. والايتام. ترتوي من مايه
يعباس ينوماس. يالله شيل الرايه
٠٠٠٠٠٠٠٠٠٠٠٠٠٠٠٠٠٠٠
ابو الغيره بغيرته. جاب ماي بجربته
والعقيله اتلگّته. هلا بالغالي
تنظر لحامي الخيم يسگي بطفال وحرم
باوعلهه وبتسم. ما رجع خالي
تنومست زينب بحامي ظعونها
ببوفاضل يا الف خيعونها
شما تگلّه ما يخيب ضنونها
احاميج. ووافيج. لو حجيت احچايه
يعباس ينوماس. يالله شيل الرايه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رئيسية/ علي الاكبر عليه السلام محرم ١٤٤٨هـ
يا علي بعدك على الدنيا العَفَه
يا علي. يبن الرسول المصطفه
يبني الحبيب
دامي وخضيب بعدك على الدنيا العَفَه
٠٠٠٠٠٠٠٠٠٠٠٠٠٠
يا علي الاكبر حبيبي آنه يمك
آنه ابوك حسين تسمع من اكلمك
بالسيوف امگطّع ومجروح جسمك
شلون اشيلك للخيم وشلون ألمّك
يا علي. حاچيني ما بية صبر
يا علي. بعدك فلا يسوه العمر
ضامي وسليب
دامي وخضيب بعدك على الدنيا العَفَه
٠٠٠٠٠٠٠٠٠٠٠٠٠٠
جسمك مگطع وذر طبره عله طبره
گلبي من شفتك لچمني شلون اصبره
ردت اشيلك بس طحت وجروحي كثره
يا علي مثل الوگع مكسور ظهره
يا علي. اتمنّه گبلك انذبح
يا علي. ولاشوفن بگلبك جرح
لا ما يطيب
دامي وخضيب بعدك على الدنيا العَفَه
٠٠٠٠٠٠٠٠٠٠٠٠٠٠
يبني عفت امك يفور عليك دمها
تبچي من دم يا علي من گد ألمها
شرد اگلهه من احطّك دامي يمها
يمكن تموت بحزنها وبهضمها
يا علي. لو شافتك دامي النحر
يا علي. امك تموت امن القهر
نوح ونحيب
دامي وخضيب بعدك على الدنيا العَفَه
٠٠٠٠٠٠٠٠٠٠٠٠٠٠
شيلوا اخوكم عني لخيام العقيله
حيلي طاح ومابعد اكدر اشيله
يا الهي انت صبّر امّه ليله
هوّن عليها المصيبه مو قليله
يا علي. ما ينحمل فگدك صعب
يا علي. ما اندل منين الدرب
امرك عجيب
دامي وخضيب بعدك على الدنيا العَفَه
٠٠٠٠٠٠٠٠٠٠٠٠٠٠
بيا ذنب ذبحوك يبني آل امية
ينزف يشوفون نحرك بين ادية
تشمّتوا بية وشماتتهم اذية
كابرت عن كسرتي وعُظُم الرزية
يا علي. ما ريد احسّسهم طحت
يا علي. بالخيمه يم جسمك صحت
بعدك غريب
دامي وخضيب بعدك على الدنيا العَفَه
٠٠٠٠٠٠٠٠٠٠٠٠٠٠
علي الأكبر جرحك بگلبي نزيفه
اصل هذا الجرح من يوم السقيفه
الما رضوا بالمرتضى جدك خليفه
يبني والكسروا ضلع امي الشريفه
يا علي. اهل السقيفه بكل زمن
يا علي. اصل الجرائم والفتن
ثارك قريب
دامي وخضيب بعدك على الدنيا العَفَه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نزلة / عبد الله الرضيع عليه السلام محرم ١٤٤٨هـ
شيّبتني وماحسبت ابّالي
بيدي اهز مهدك ومهدك خالي
٠٠٠٠٠٠٠٠٠٠٠٠
شيّبتني وذاب گلبي امن الألم
ما شربت الماي ذبحوك بسهم
يبني يا عبدالله كل حيلي انهدم
من مصابك ما دريت بحالي
٠٠٠٠٠٠٠٠٠٠٠
يبني يا عبدالله يا وجه الصبح
رگبتك تنباس مو مالت ذبح
بيا ذنب ضامي حبيبي تنجرح
اغله من عمري ومتت يالغالي
٠٠٠٠٠٠٠٠٠٠
ريت ميته ولا اجيت لكربله
ولا اشوف بعيني نبلة حرمله
ضامي وتذبحك يبدر العايله
ما ردت عمري ردت چتّالي
٠٠٠٠٠٠٠٠٠٠
حلم عمري والتعب كلّه انفگد
يبني يا عبدالله لن خالي المهد
تندفن بتراب ما شوفك بعد
انفجع بيك بمصابك تالي
٠٠٠٠٠٠٠٠٠٠٠
الله يلعن حرملة مابي رحم
بلا ذنب مذبوح ردّك للخيم
ستّشر عمرك يعبدالله انختم
لا تظن عمري بعد يحلالي
٠٠٠٠٠٠٠٠٠٠٠
عفت امك للمصايب والحزن
يبني كل لحظة اهز مهدك وحن
ساعه انعه وساعه اكض ثوبك وون
جرح نحرك والدمع يبرالي
٠٠٠٠٠٠٠٠٠٠٠٠
لو گلت صبري بعد ما ظل صبر
بالمدامع والحزن اگضي العمر
اني اعيش وانت نايم بالگبر
ريت اموت وياك يبني الغالي
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ويلي مذبوح الولد
حرمله اشرايد بعد
كلمات مرتضى مكطوف الموالي
بصوت الرادودابوسجادالكعبي جديد٢٠٢٦ قصائد مع الحان
شهر الدموع ياهله ابايامك
كلمات كريم العطواني
بصوت الرادودابوسجادالكعبي
قصائد مع الحان٢٠٢٦
انظر الحالي دمعتي اتلالي
كلمات ابوسجادالذهبي
بصوت الرادودابوسجادالكعبي
القصائد مع الحان٢٠٢٦
يالرايح بالاضعون
وياك اخذ الاعيون
وحسين گله ابداركم عليله
.......................................
هاي امانه وياك دمعت عيني
للحسين وضعنه الامجافيني
عمري راح اوياه وكل سنيني
ليش ماخذ كل هله وناسيني
يحسين گله تشتاگ
يوجر بيه الافراك
والروح من فرگاهم نحيله
وحسين گله ابداركم عليله
.......................................
ليش عايفهه وحيده ابدارك
عنهه مكطوعه العليله اخبارك
اوياهه محد بالاهموم اتشارك
اشما يمرهه اليل زادت نارك
تدري ابجية اليل
ماظل بيهه كل حيل
تنحاط بين اهمومهه الثجيله
وحسين گله ابداركم عليله
.........................................
هاي امانه اوياك بيد اخواني
بيهه دمعات الحزن نيشاني
علي يرجع گله اخيته اتاني
حاضره اوياه للسفر يلگاني
وامشيله لحد وين
بس اوصل للحسين
ماتعبه وحملي آنه الاشيله
وحسين گله ابداركم عليله
.........................................
هلي مو عالغربه عتبي عليكم
ابداري اظل الوحدي يرضيكم
گلبي لاچمني وحچه ابطاريكم
شنهي صاير يا هلي وحل بيكم
طفهم مارحمكم
عطشان اعله دمكم
وضعن الحره ميت كفيله
وحسين گله ابداركم عليله
..........................................
خايفه اعليكم صباح العاشر
وبيكم ايحل ياهلي الماصاير
گلب عطشان وگلب ظل حاير
وعين محتاره وتدير الناظر
باجر كلشي مهظوم
مظلوم ينعه مظلوم
وزينب باجر يكتلهه ليله
وحسين گله ابداركم عليله
...........................................
حايره ابلم الحرم واطفالهه
حسين زينب امناهه اعيالهه
امنين ما دارت الهم يبرالهه
لا خيم ضلت ولا كفالهه
لو باجر تردون
انطي ياهلي عيون
وماصارت هاي المستحيله
وحسين گله ابداركم عليله
خادم اهل البيت علي الزرگاني