4016
السلام عليكم الى الرواديد الكرام تم نشر قصائد الليالي الفاطميه 1444 هـ بتوفيقٍ من الله عز وجل ونظره من صاحب الزمان عج #نسألكم_الدعاء #الشاعر_حاتم_صبري_الكاظمي
تَـقــولُ أُمُ البَنِينْ ... عِندَ كُلِّ غرُوبْ
أَلا بِذِكْرِ الحُسَينْ ... تَطْمَئِنُ القُلُوبْ
_
تشبُـگ ابابـه و تون طور امضيــعين
و بالباب من كثر البچي طِلعت عيـن
و تگول هالچم يوم شو چنــها سـنـين
ما شِم هَوَه المثلي تــشم بس حسـين
تَعَمَّـقَتْ بالحنين ... مَنْ رآها يذوب
أَلا بِذِكْرِ الحُسَينْ ... تَطْمَئِنُ القُلُوبْ
_
كل مَـغرِب اتصِد عالدرب مَحزونه
و تگول مـَــدري الِحْسِــــين اشلونه
عطــشان يمكـــن غـــيَّر الحَرْ لونه
مـشتاگه ابوس حسيــن بين وعيونه
تَصيحُ كالفاقِدِين ... في دُنُـوِّ الكُرُوب
أَلا بِذِكْرِ الحُسَينْ ... تَطْمَئِنُ القُلُوبْ
____
( ألا بِذكرِ ) حسيـــن هـَـمها ينزاح
مجروحه هسّه و الدوه عـــنها راح
المِتخوصِرَه اعله اوليـدها ما ترتاح
و حسين خاصِرته يترســوها ارماح
تَخُوضُ في الخافِقَين ... باصْطبارٍ حروب
أَلا بِذِكْرِ الحُسَينْ ... تَطْمَئِنُ القُلُوبْ
____
شتتحمل و لو شافِــــتَه بهالصوره
ضلوع الحسين امطشره مكـسوره
ما ماتت اويه ( امْ سَلَمَى )مَقهوره
من شافَت الدَم تــــارِس القاروره
تَقولُ مولايَ أين ؟ ... يا عليمَ الغيوب
أَلا بِذِكْرِ الحُسَينْ ... تَطْمَئِنُ القُلُوبْ
___
چم مره تِختِمله لـ رجوعه القــرأن
انصِدمَت گلبها ايسبح بإسمـه چان
مو يا حسين ايگول شو يا عطـشان
سِمــعَتْ صده يا مِــنذبح يا عريان
لاطِمـتاً باليديــن ... و تَشُــقُّ الجيوب
أَلا بِذِكْرِ الحُسَينْ ... تَطْمَئِنُ القُلُوبْ
____
أي مطمئنه لكن اگبــــال النــــاس
عدها عِلم بالعاشرِ و عدها احساس
لِمحَت غُراب المَــرَّغ اجناح و راس
گلـــها : حبيـبچ بالحــــوافر ينداس
الىٰ حبيبي الحُسين ... أينَ تِلكَ الدروب
أَلا بِذِكْرِ الحُسَينْ ... تَطْمَئِنُ القُلُوبْ
الشاعر حاتم صبري الكاظمي
النص من وزن ( الميمر )
فرحانه و أحـضر بالدوه و ثياب الحسين
ويحاچي عمامي منكسر ودموعه بالعين
ايگلهم باقيـه هنــانه هنــانه
ما نــاخِـــذها ويـــانه ويـــانه
__
شِلَـتْ حيلي ... اسهَرِت ليلي
صلاة الليل أبوي بـ حِجـــرتي صـلّـه
بـ ألَم مَخــفي ... يـلِم چَــفي
حِجابي و شِلتَه ويه اگماط عبد الله
بضوه وَجها والدي اتوضيت
الراح لو لحظه اله اشتاگيت
الأبو ضحكت عافيه لـ الروح
و بوجـــوده يا حـــلاة البيت
تعبانه واحس بــروحي ماكو حيل بيه
لكن أصحه لو بس والدي يباوع عليه
گتله جروحي فرحانه فرحانه
ما نــاخِــــذها ويـــانه ويـــانه
____
أدورهن ... و احضرهن
عصه السجاد بيدي و الدوه امحَضره
ولا اتعب ... أجي لزينب
و أگلــها خلّي يمي سِبـــحة الزهـــره
امســـافره و لا ما گلت لا وين
و الهــــوادج اخـوتي امحضرين
و البـــنات تــگــول الي شلونج
بخير ما دام اني اشوف حسين
وحده تگلي اصبري و تبچي ما ادري شبلاها
و الشبگــتني ذيـــج و رايــحه الدمعــه وراها
فلانــه تحاچي بفلانه فـــلانه
ما نــاخِـــذها ويـــانه ويـــانه
____
نِخــليــها ... مَــرض بــيــها
سِمعت واجه حسين و يمسح اعله الراس
عِشِت صَدمه ... و نِده يُمه
عنــدج هاي امــانه ابنيـــتـــي يـم عـــــباس
حچايه بيها كلشي بيّــه بان
واعرفتها بدمــعــة الخوان
أنه مقصوده و گلت يمكن
والدي بـــس لا عَلَي زعلان
مو قصة مرض ادري السفر يراد اله حيل
گتله عالاقل اخذوني لو بس اسرج الخيل
گال لـ عــمي تعبــانه تعبـانه
ما نــاخِـــذها ويـــانه ويـــانه
___
بدمع هامل ... يبو فاضل
صحت معــقوله بــتكم تبقه وحـدها
تره هـــيّه ... البــنــيّـــــه
الـف مـــوته تــــمـــوت ابلايه والدها
گِــله لا يتـــركني و يـسـافر
افراگه أكبر كسره للخاطر
حضنه بس يروح من عندي
يعني راح يصـــير لـ الحـافر
الموت بكـــربله ينـتظره خلّه يحن عليه
ريت ايگلي صعدي فاطمه بمحمل رقيه
بس تسولف احضانه احضانه
مـا نــاخِـــذها ويـــانه ويـــانه
_
بقت روحي ... مع جروحي
تعاين علىٰ الضعن يگطع فــيافـي البــر
على حسيني ... بقت عيني
و بقـــيت اقـــراله الله يسلم المــنــحر
من مِسح راسي ولاني الويل
و صدگ هسه ما بگالي حيل
يعـني راح انتـــظره بس ادري
تِنــتظر صـــدره ابويه الخيـل
طارش دمعتي يسمع خبر ظعنه وحچوها
يا نــاس العــليله بكـــربله ذبحــــوا ابوها
الگال بفرگته انه ميــــته انه
ما نــاخِـــذها ويـــانه ويـــانه
الشاعر حاتم صبري الكاظمي
كـــاتــب بحبي علىٰ أوراق السنين
مــغرم و عايش علىٰ قَيد الحسين
_____
منين أبدي بالعــشگ ... اني واحد محترگ
گلبي كلما سولف اشصار اعله گلبك
ضگت طعم امحبتك ... و كل حواسي نادتك
أني أحـبك أني أحــبك أني أحــبك
يا بو ثَلـث أسمـاء ليها .. مدمـعي صلّه
يا حُسين و يابو الأكبر .. يابو عبد الله
سألو و جاوبـــت بس انته الحنـين
مــغرم و عايش علىٰ قيد الحسين
_______
اتغَـزِلَت بيك الصور ... إنته يا أجمَـل نحر
چنه ماي و لو يشوفَك يعطش الماي
سوالفك ريحة وطـن ... لكربله بيه مِشـن
بيتي الحَنين ضريحـك والله مولاي
الناس ترتاح ابسفرها ... و العــكس شِـفته
حته لو بأخر العــــالم ... بگلبي أحس إنته
بكل مكـان إنته و أبد ما گول وين
مُغــرم و عايش علىٰ قيد الحسين
_________
كل شخص عنده وِنِس ... يمه ترتـاح النَفِـس
و اَنَه بتُــربة مــرقــدك ترتاح روحي
ضاع گلبي ورحت اله ... هناك شفـتـه بكربله
عن جميع النــاس الك أعلن نزوحي
گلبي لو مــهمــوم يبقـه ... ينشرح صدره
لمرقــدك من امشي انه ... بشارع السدره
و سولِــفَت دمعـــاتي بين الحرمين
مُـــغرم و عايش علىٰ قيد الحسين
_________
غايتي و يا مطلبي ... و بالشدايد صاحبي
شكثر عافــوني وانتـه ما عفــتني
اسمَع اسمك بالمَهَد ... شلون احِب غيرك بعد
هواي يحســـين بمحــبتك دللتني
الدنيا ما تاخــــذني عنك .. حته اعز الناس
العندي و الماعندي والله .. فـــدوه للعباس
عـهد منــي انطيت مگطوع الادين
مُــغرم و عايش علىٰ قيد الحسين
_______
يا جـمال الله اليصب ... عالرمح مثل الگلب
رغم دمك و التــراب انته شحـلاتك
بغيم شيــــباتك نـبي ... چنـــك بذاك السبي
بشــيبــك الأحـمــر تفيــيهِـن بنــاتك
حسين و بشوغة رقـيه ... يا ولي النعــمه
منها لا تطــردني خلني ... بخيمة الخدمه
بخدمتك يا ريت من تغمضلي عين
مُغـــرم و عايش علىٰ قيد الحسين
الشاعر حاتم صبري الكاظمي
﴿ أشهدُ أنّ عليّاً أمير ألمؤمنين وليُ اللّٰه ﴾
مشاركاتي في خدمة مولاي أمير المؤمنين عليه السلام في ذكرىٰ عيد الغدير الأغر ..
#حاتم_صبري_الكاظمي
☝️ قصيدة الغدير لمولاي الامير علي عليه السلام
قصيدة + طريقه
قصائد مولاي الأمام الجواد عليه السلام ☝️
Читать полностью…
خير العـــباد ... باب المـــراد
تلگه شـتريد ... عند الجــواد
____
هذه بــــاب الله الفلا خيـبله سائِل
مثل حيدر أســــمه حلاَّل المشاكل
ينطي حاجه وأبد ما يطلب مُقابِل
الكرم مستورثه من چف ابو فاضل
إسمه المَثيل ... ثاني كفــيل
مَـأوه الطريد ... عند الجواد
_______
لا تهِم لو دهــرك ايبــاريك هَـمّه
أبو الــهادي و النــعم گد الـمُهمه
يعرف اهمــومك و لا حاجه تِكَلمه
كل صعاب الدنيه تسهل والله يمّه
بس كلّه جيت ... امرادك لگيت
تطـــلع سعـيد ... عند الجـــواد
______
أه يا ريحة صحن أبن الزچــيّه
حلوه ممزوجه بعطور الغاضريّه
بتاسع أنوار السلاله الهاشمــيّه
الله أَنزَل رحمـــته بالكاظــميّه
ادعينه الاله ... ارزقنه رضاه
مَـــدْينَه أيد ... عند الجــواد
______
شمس گبته وما يغَيْب الليل شـمسه
مرهـــم جـــروحك لون بـابه تلـمسه
فدوه نفسي لـ البِذل من أجلي نفسه
لا حرمني الله الســـواد اعليه ألبسـه
دمعـــي بأديــهْ ... صَلّه عَليـــهْ
امقـَـدم الوريد ... عند الجــواد
_______
تُـفتَرج كل نايباتي و همي غـاثه
نهر يجريله الدمع ماكو استراثه
أَخَذ من حسين هالشي بالوراثه
بلا دفن ميّـــــت بقه ليالٍ ثلاثه
مَـحّـــد أجاه ... و اســيداه
الون ما يهيد ... عند الجواد
_____
الـ گـــــالو بلا نــــاصِر بـــهايه أقَـــنعَه
شـــوف چم زاير اجه بحزنه يــشَيّعه
المهدي ويانه اجه و بعــــيونه دمعَــه
يم ضريحه بمجـلسه حاضره البضعه
بضلع الجريح ... يبني تصيـــح
أُم الـشــهيـــد ... عند الجواد
الشاعر حاتم صبري الكاظمي
يابو صالح ... شـلونك وشخبار حالك
يابو صالح ... شَـيَّبـِـتْ حته بــخيالك
يابو صالح ... عيني مشتاگه لـ هِلالك
___
الســــلام اعله المُســـافر طــول عمره
وبين خطوه وبين دمعه بروحه كسره
شلونك و شخــــبار عينك ليش حمره
لـ الضلع لـ الطبره لـ المَحـــــزوز نحره؟
يا حبيبي ... شلونك وشوضاع صِحْتَك
يا حبيبي ... ليش مـِــحـــتَرگه دَمـعتَك
يا حبيبي ... يا جَـــرح مَــر اعله بالك
___
الـ عاش مِثلك دِنيتـَـه بســنينه فجْوَه
إنته عِـــند الله فَقَط دَمعـــتك تســوَه
صَــبرك ايحَشـِّـــم بجَرْحَــك گَلّه تگْوَه
عافيــــتنه تروح إلك يالمـــهدي فدوَه
و بغيابك ... عُمر چم يعگوب عشْتَه
و بغيابك ... هوسَة المَوجوع سكْتَه
و بغيابك ... ينتهي گلّي شبقالك
___
وينَك و چم وينــك انگول و تِعِيدَك
هواي مشتاگه الشفايف بوسة أيدك
لو نسيتــك ادري ما تنسه عبيدك
أعذرني و ارجو ما تگــلِّي ما أريدَك
لو أشوفك ... من فرحتي يموت نبضي
لو أشوفك ... امبَـخِّتْ و يا كُبـُر حضِّي
لو أشوفك ... بيه أعمل ما بدالك
___
فَرَجَكْ مثل البَحـــــر و الـنُدبه سـاحِل
الـ يعْطَـــــشَك لازم ابروحه أبو فاضِل
وشَرِط گلبه محِتـرِگ مثل المَحــــامِل
وريحه من گبر الحُسين بروحه شـايِل
أنه روحي ... الحِزن يصرخ بيّهه أَشعُر
أنه روحي ... سيدي ( مــاتَ التَــصبُر)
أنه روحي ... حيدر الحلَّي و قرالك
___
اليوم يم تاسع جرح نحضر سويّه
جـــايْبَك جمـــر المُــــصاب بهالرزيّه
ساعــــد الله گلبك و گلب الــــزچيّه
تَلـگِـتَك مـَــحنيّه بأرض الكــاظـميّه
و بضِلعهه ... تْلگِتَك توگَـــف و توگَع
و بضِلعهه ... لو مِشَتْ طَگِـتَه تِسْـمَع
و بضلعهه ... صاحتك يبني فدالك
___
من السطح من انرمَه جدّك ذِكرتَه
چنت تتــــــمنّه على صَدرك حِــضنتَه
لـ الجـــواد و چَنّك بْـروحَــــك شُبگتَه
أزرَگْ مْن الـسَّمْ يويلي جسمَه شـفتَه
واعله جدَّك ... دمعه دمعه و ونّه ونّه
واعله جدّك ... يبچي جـبريل المَحنّه
واعله جدّك ... بجرحك يأذن بلالَـك
الشاعر حاتم صبري الكاظمي
https://youtu.be/Xj7P-qGaOQ4?si=UbJWHFw0CxxWa4Mi
Читать полностью…
و أعِــدوا مَستَطـعتُم ... يهل المـجالس
بالعشگ سَموكم انتم ... جيل العوابس
استعدوا هواي ... محرم جاي
______
كلشي لجيّة العاشـر ... شايـل دمعه و مَحزَّم
تره حتى انبياء الله ... حَضرَوا بالسِمــه مأتَم
و الزهره اتباوع ... و تسَجْـل الخادِم
وينه البي غِيرَه احسـيـناويه
باچر عدها حسين ... ينتظره الحافِر
و يطشَّر صدره شويه شويه
حسين ما باخل علينه ... منـطــينـه نــحــره
ما نوفـــي شما نطينه ... سحگه اعله صدره
علامــه هــاي ... مــحرم جاي
______
گــوَّه الله الخَدم حَيهُم ... يرَبْع حــســيــن يا ناسه
باچــر زيــنــب اتــنادي ... اخوي اعله الرمح راسه
ذولاك الجــاييـن ... ناس من الجنّه
بصحراء الموت ايطشون الياس
ذاك الگمر هناك ... يم محمل زينب
يــفتر يمها اشمحـلاته العبــاس
كل شخص ذيج المسيّه ... بأمـنيتـه هايم ؟
يمشي يم مَحمل رُقيّــه ... يصيرلها خادم
اعله هذه الراي ... محرم جاي
______
إلبسوا الأسود اعله حسين ... باچر عاري عالتـــربان
وَزعــوا المــاي بثْـــوابـــــه ... مـاي الله غداً عطشان
عِلگوها الشمعات ... بصينية القاسم
و الحِنّه بدمع العين اتحضرون
رمـله اتفرحـوها ... و اطش دمعتها ؟
( يمه ذكريني ) من اتصيحون
للطـفُت شمــعة شبـابه ... علگوا الفوانيس
عدنه چم رَمله بثـوابه ... تحنّي المعاريس
بحزن دنياي ... مُحـرَّم جاي
_____
عِدوله و بعد چم يــوم ... السهام بصدره ما تِنـعَد
اضربوا صدوركم سِكنَه ... باچــر تنــضرُب عالخَد
ويحرگون اخيام ... و اطفال ايشردون
و زينب مدري منين تجيب الحيل
و أم عبد الله تصيح ... همزينك مذبوح ؟
ما داسَت جسمك يوليدي الخـيل
وَجه عبد الله شحلاته ... شالو بالرماح
عَمِته تصيح و خـواته ... راح الولد راح
دصيحوا وياي ... محرم جاي
________
يوصل ظعــــن ابو الاكبر ... والطف ينگلُب حاله
خَدَم مو عسكر و يقـــره ... موكب زيـنب اگباله
لا مو خَـداعه ... الكتبوله و خانوه
خِـدام ايـباوعُكم ترس العيـن
لا ما عدنه إسهام ... شلنه اگباله اورود
بالخدمــه انگلّه ادلل يحسين
حسين يستاهل تـعبــكُم ... غالي علــيـكم
هواي مــولاكــم يحبكُم ... ما ينطي بيكـم
بعطف مولاي ... محرم جاي .. يهل المجالس
الشاعر حاتم صبري الكاظمي
قصيده في الأمام الصادق ع :
مُحْي المَجالس..يدعو العوابس..يا شيعتنه
واجِب ذِكـــرنَه..أحــيو أَمُــــرنه..يا شيعتنه
_____
من ســادِس الأنـــوار...لـ اهــل البصــيره
يدعــي ذوي الأخلاق...و الـ عدهه غِيـره
أحيو أمــرنه و حـيث... بــهاي المَــسـيره
إحنـه شيــوخ النـاس... و أنتو العشــيره
التِبچيـنه عـَينه..أَجـرَه عليــنه..يا شيعتنه
واجِب ذِكـــرنَه..أحيو أَمُــــرنه..يا شيعتنه
__
عوفو الفـَحَم يا نـاس...و اخْذو الجَواهِر
الـ ما تِتْبَع اهل البيـت...خَــســرانه بـاچِر
اليحضَر مَجالس دوم...لـ الزهــره نــاصِر
الله خِــلـَـقْ جَــنّـــات...لـ اهل الشــعـائِـر
مخصوصـه هيّه..لـ الجــعــفريّـه..يا شيعتنه
واجِـب ذِكـــرنَه..أحــيو أَمُــــرنه..يا شيعتنه
__
أجْرِ البِچه اعله حسين...ماكــو شَـبيــها
نـــاس الـ تِجي و تزور...بــاچـــر نجيها
الصلَّت علـــينه الـروح...انْسَــلِّم عــليها
و الـ ما تِحــبْنَـه بــيوم...شنـسوي بيـها
و الـ ما نريـــده..محَّد يــفيـده..يا شيعتنه
واجِـب ذِكـــرنَه..أحــيو أَمُـرنه..يا شيعتنه
___
صـوت الرزايه ايعيـش...بيــكـم نسمــعه
اليمشي بضوانه انصير...في گبره شمعَه
بـــالأخـــــره ويـــــــاه... لا ما نِضَــيْعـَــه
و الي حيـــاته اذنـوب...تشفــعله دمعــه
لا مـــا نعــوفه..التلطم چـفوفه..يا شيعتنه
واجِب ذِكـــرنَه..أحــيو أَمُــــرنه..يا شيعتنه
___
شاعر كتبــله بيــت..و عــاش الرزيــه
يهديلــه جنّـه هناك..حــامــي الحمـيّه
واحد كتب لحسين..بچـــه الــزچــيّـه
(يبن أمي عالتربان..عِفــتَـك رمـــيّـه)
كل الخِدمنَـه...بالجنَّه يمْنَــه...يا شيعتنه
واجِب ذِكرنَه...أحـيو أَمُـرنه...يا شيعتنه
____
قِيمو المجالس دوم...هــذه الـ نِــريــده
أنه الـبِـديــتْ بهــاي...يـ اهل العقـــيده
حاچيت أبو هـــارون...بـهــاي القـصيده
بيت الْي بيهْ حسين...يـا مُــلا عِــيــده
المنطينه گلبه...جـداً نحـبّه...يا شيعتنه
واجِب ذِكرنَه...أحيو أَمُـرنه...يا شيعتنه
الشاعر حاتم صبري الكاظمي
أستشهاد الامام الصادق ع قصيده في حرق داره الشريف وتشبيهها بحالة كربلاء :
حرگوا الدار
اعليك فِزعٙت فاطميات الزچية
اتذكرت نار
خيام زينب سيدي بالغاضــرية
ومن هاجت اطفالك سوية
مٙـــــرت على بالك ( رقية )
..................
بصفنت عيونك يبو الكاظم دمعهه
من حِرٙگ دارك رسم حالة وضـعهه
فاطمية صاحت وشخصك سمعهه
اتذكرت أمــك لمن كــسروا ضلعهه
هجمة اجناب
دخلوا اعليك وصده صيحه تردد
من ورة باب
اتذكرت فاطـمة صاحت وامحمد
وتذكرت صرخة سبية
مــرت على بالك رقية
...............
نرسمت بعينك صـــــور ماكو مثلهه
بيــــــوم دارك ظالم اتعدة و دخلهه
من حٙريمك حرمه راسم صوره الهه
زينب اعله التل تحـــــشم كل أهلهه
بس الاعجب
من شفت نار بعـــبايتهه تعالت
چنهه زينب
تذكرتهه يوم يا عباس صاحت
ضاعت ترة طفلة من اديه
مــــــــرت على بالك رقيه
..............
روحــــــك بــــــدارك تدور و بألمهه
و شكو علـــــــــّويّه تناديها بأسمهه
وانته تمشي جفنك الصورة رسمهه
زينـــــب اتدور على طفلة بخيمهه
اتدور هنا
بلكي تلگاهه وترد و تدور هنـاك
واحسينا
طفلة بين اخيام تتخيلهه عيناك
صاحت يبويه ألحك عليه
مــــــــرت على بالك رقية
..............
حرمه من فٙزعٙتهه بيك ابدمع هامل
تريدك تحامي العيال من الي داخل
تخــــــــيلت زينب تلم ذيچ الارامل
وعالشريعة تنتخي بجسم ابو فاضل
انته عينك
انسطرت و هوّه سهم مصيوبة عينه
انته ادينك
سالمه و عباس متـــــــگطعات أدينه
وبيا حضن ذيج المسية
مــــرت على بالك رقية
.............
قصة الطف في خيالك كررتهه
وكل مواقف للمأسي تخـيلتهه
بس أسألك واعتذر منك گلتهه
جتفوهه بحبل زينب ماشفتهه
چــتفوهه
عمتك بحـــــــبال و يجـــــرون بيهه
تريد ابوهه
وياهه طفله شما يجروهه من اديهه
والصاحت ادري ياهي هيه
مـــــــرت على بالك رقـــية
(الشاعر حاتم صبري الكاظمي)
https://youtu.be/2Pkd6Nwr72c?si=qOkqPXaLfNC_HYdT
Читать полностью…
جاءت لقلبي فرحةٌ ... في حُـبـــها هام
كــأنَّـهـا تُـفــاحــةٌ ... أسمَيــتها " شام "
الحمد لله الذي أتم علىٰ عبده نعمته العظيمة
و الشكر لله على فضائله و عنايته المتمثلة بعين مولاي صاحب العصر و الزمان عجل الله فرجه ..
رزقني الله خادمةً لمولاتي زينب سلام الله عليها طفلةً و عشقاً لها و لزيارتها أسميتها " شام "
أنبتك الله نباتاً حسناً و صالحاً لخير سلفٍ صالح إن شاء الله
و رزق الله كل محرومٍ من هذه النعمة بحق مولاي الرضيع سلام الله عليه
#شام_حاتم_صبري_الكاظمي
قصيدة السيدة ام البنين سلام الله عليها :
Читать полностью…
لو ضاع خادِم يحسين ... نلگــا بعين الزهره
___
هالدنيـــا دار و زائله و شـتــفـيده
المؤمـــن يــدور عَلّي الله يـــريده
لو ضـــاع خـــادم إنتــه تِلـزم إيده
و الما تِمدله انته الإيد ... يحسين كلشي يخسره
___
ألـ مـــات يرحَل لـ الرَفيق الأعله
بس اليِحـــبَّك يكتـــبون لـ أجله
خـــادم و رايـح لـ الرَفيق الأحله
إنته الجميل المذبوح ... و كل الجمال بنحره
___
يا ضوه و ما يختفي بوَجه الرَحمه
والما يشـوفك يبو الأكبـر ( أعمـه )
منـريد هــــاي الدنيا لو ما الخدمه
ابن آدم بلا قيمه يصير ... يغله بخدمتك سعره
___
دنيـه المفـــاتن لا أظن تغوينــه
بمجلس الزهره إحنه التربيــنه
شيفيده هذه الما بچتلك عينه
يحسين وفقنه نريد ... عالضلع نبچي و كسره
___
يحسيـــن ما نِخرِج أبد عَنْ شـورك
بوكت الظلام أحنه المشينه بنورك
الله لا يحرمنــــه من عاشـــــــورك
مجلسك بيت الخدام ... المتحبه يطلع برّه
___
يحســـين دعوه بكل گلب موجوده
نطـلب و اياديــنـــــه إلك ممـــدوده
وفـــقــنــــه ما ننزع اهدوم السوده
ويه المهدي نطلب بالثار ... الله يعجل أمره
___
يا أحـله واحد الله إلنه ايخِـــلقه
يحسين تبقه وياك بيضـه الوَرقه
الله اليحـبّـــه بيك دوم ايرزقـــه
ردناك ما ردنه فلان ... بخيمتك إحنه الفقره
الشاعر حاتم صبري الكاظمي
بسم الله و على بركة الله عز و جل و بتوفيق من مولاي سيد الشهداء عليه السلام و نظره و رعاية من سيدي صاحب الزمان عجل الله فرجه
Читать полностью…
يوالينه .. يوالينه
غيرك و لا حبينه
يوالينه
حبك ملك وجداني ... يوالينه
ما ريد غيـــرك ثاني ... يوالينه
___
حبــيـــتــك بأول نــفــس ... و أول نـبــضـــتـيـن
يا من اذا عافــك بـشـــر ... يــطلَــع من الديــــن
أربـع أســــامي تـــنرسم ... بالگــلـــب و العــيــن
اعشگ علي و المرتضى ... و حيدر و أبو حسين
أسامينه ... أسامينه
أكبر شرف كدامك
اسامينه
بگلبي صحت و لساني ... يوالينه
ما ريد غيـــرك ثاني ... يوالينه
____
سديت ابواب العـشگ ... بيه الوكت عاب
و گلبي فتحته بس الك ... يا قالــع البــاب
علانــه الله اعله البشر ... و الرايد اجواب
تراب احنه يعني بالاصل ... منك يبو تراب
وسط عينه ... وسط عينه
شيسوي بيها الما صرت
وسط عينه
صحت بغديرك اني ... يوالينه
ما ريد غيـــرك ثاني ... يوالينه
____
يا علي صحت بهالحفل ... و بنغم الاحساس
يالشلتك بروحي و بعد ... شلتك عليه الراس
بالدنيــه شيسوي بعد ... شـيســـوي بالنـاس
العنده علي و عنده الحسين و عنده عباس
مجانينه ... مجانينه
گالو هذوله بحب علي
مجانينه
و نيابه عن أخـواني ... يوالينه
ما ريد غيـــرك ثاني ... يوالينه
الشاعر حاتم صبري الكاظمي
رَفَـــعَ الكَــفَّ و كانَتْ ... صِدفَةً دُونَ الصُدَفْ
في (غديرِ الله) بانَتْ ... أَصـلُـها كــل النُطَفْ
و النبيُّ فيهِ قـالْ ؟ ... عيدُ أبناءِ الحَلالْ
____
جــمَّع اســروج الجمــال ... وصَعَد و ألقه كلمته
و چان حته ابليس يسمع ... الـمايريــده بدنيـــته
و صاح طه هذه اخوي .. و هذه ظهري الـ لا فته
بس هوّه من روحـه اقترَبْ
بــولايتــــه الي مـــا رِغَـــبْ
ما عِنـــده ديــن و ماله رَبْ
و هـــذه مشكوك بنُـطــفته
و بَـياضُ الإِبْـطِ بانــا ... و اعتلىٰ كفُّ العَلي
و نِداءُ العِــشقِ كانــا ... فازَ مَنْ والىٰ علي
قالَـها دُونَ جِدال ؟ ... عِيدُ أبناءِ الحَلالْ
____
الله فرحان بولايـة علي و الما فــرح خــاسر
و الثلاثه الـ بالزِويّه اسوَدَّت اوجوه و ضمـاير
خاف بس اليوم الهُم لـ علي تِرجع كلها باچر
بــخٍ بــخٍ مــا تِـنــفــعـه
الصم چـــفّه لمن بايعـه
من وره خشمه و رافعه
علي چان لـ خَشمه كاسِر
خَطَطَوا مَكْرَ المَطامَع ... بحِقــودٍ أقْـبَـلـــوا
عاشِـــراً أو كانَ رابَــع ... ( فـ عَـــلـــيٌّ أولُ )
عـِيدهُ فَوقَ الكمال ... عِيدُ أبناءِ الحَلالْ
___
الـ ما يِـقِـــر بأمر الولايـــه ريــــح جنّه ما يِشِمــها
علي صاحب فَضِل كل الصُحُف مَتوَصفه بقَلَمها
الزائـــف بديـــنه يفضــحه و الولايـــه الها زِلمـها
و بْولايـته الديـن اكــتمل
الـ ما رادتِه اتحُوز الفَشَـل
عِدنه علي و عدهــا هُبَل
بحب علي انكسِّر صَـنَمها
بعليٍ قَـــــد عَــليِنا ... يا عـــلي مـــنك اليك
ناصِبي : عَلَي لَدينا ... أنْتَّ قُلْ لي مَنْ لديك ؟
قُلْ لـ أشباهِ الرجال ؟ .. عيدُ أبناءِ الحَلالْ
__
الدين لَعقِ اعله أفواه الچانت لحيدر ترفضه
علي تنـصيبه سماوي العايفه ما كمل فرضه
إختصرها الشـاف غيره ابدنيته أُمــده حَضه
ذيــچ العــقول امخربطه
و حــلوگــهم مِتــخــيطه
الأسلام عدهم بس غِطه
امـزَيَّــف و أكـلته الأُرضه
فـ عليٌ في حـــــياةِ ... المرءِ إنْ ينساهُ : سوء
هل سَمِعتُْم بصلاةِ ... قُبِلَــت دونَ وضــوء
أعلنوها بـ ابتهال ... عيدُ أبناءِ الحَلالْ
الشاعر حاتم صبري الكاظمي
وحدك لا عشيره تـلفي مهـــيوبه
غريب وچبدتك بسموم مصيوبه
_____
الله يعين گـــلبك بالألم هــايم
أخر يـوم هذه و ما تظـل سالم
عمامك وينهم عنك بني هاشم
تحشمهم ادموعك عون مطلوبه
_____
حَيهُم بني هاشم غوث وكت الشوم
تفزَع لـ الغــــريب الفزعه هذه اليوم
ما يـــــدرون أبنــهم بالغُرُب مسموم
وين الـ ما تعيش بيوم مغلوبه
_____
تعالو لـ الجــــواد و شاهدو حاله
يــــعالج بالـــمنـــيّه و ذاب دلاله
لا عـــم لا أخـــو لا أخت تــنعاله
روحه من السم ابنار ملهوبه
_____
شوصــفه بنايـــــــباته يعــلم الباري
صح مسموم مات و مدمعـــه جاري
ثلث تيام ظل بس جسمه مو عاري
مثل حســـين لا ما سَلِــبو ثوبه
__
ما صابه السهم وبحجر هدله الحيل
ما حرگو اخيامه و شاف هم يا ويل
و ما سحگت ضلوعه بالحوافر خيل
ولا صارت خواته گباله مسلوبه
الشاعر حاتم صبري الكاظمي
زور الجواد و أخذ التريد
باب الكرم رَهنْ المواعيد
______
شِد الرواحــل و اعتني لـ اعتابه
هذه الكــريم الـ ما يِرَجع أحبابه
شيخ و يفُضهه من تجي بطلابه
خــير الله تلگا بـــس تدگله بابـه
هذه الجواد و أبن اجاويد
باب الكــرم رَهنْ المواعيد
______
عالِــم بني الزهـــره وريث العــالِم
لو باقـــي حاتم هسه عنــده خادِم
تاسِــع إمــام و هـوّه أصغــر حاكِم
و شيطلع الي جدَّه موسىٰ الكاظِم
من چفّه وارثهه التجاعيد
باب الكــرم رَهنْ المواعيد
______
الله اجْـعَلَه عالگاع مِنْ اوتــادَه
أشهر أسـمــائَه يا أَسَــد بـغداده
يغْنِـي الفَقــير الي نِطـاه امْراده
بـابــه كَــأنــه باب عَــمْ السـادَه
ينطي الحوائج والله بالأيد
بــاب الكــرم رَهنْ المواعيد
___
عِد كل گلب صار الگبـــر معـــراجه
هوه الحــقــيقه الواضحه الوهاجه
زوره و اذا صدگني شـــي تحتاجه
تســمع يگلـــك يـــلا هاك الحــاجه
ينطي التطلبه ابلايه تحديد
باب الكــرم رَهـــنْ المواعيد
____
نَفسْ الرســـول بـ عِــلــمه و بأقواله
يحيىٰ ابنِ الاكثَم كلشي ماكو أگباله
المأمون من شــافه بـ ردود افـــعاله
من الحـِــيره تـيَّهــن يمــينه اشْماله
صار و رغم كل التصاعيد
باب الكــرم رَهنْ المواعيد
___
شما مر زمان الشيعه ما ينسوهه
ازيارة حفـــيد الزهره ميعوفوهه
بـ الكاظـــمـــيه گبــته شــوفوهه
شمس الله هاي الثانيه يسمـوهه
تبقه و تظل أقدس تقاليد
باب الكــرم رَهنْ المواعيد
الشاعر حاتم صبري الكاظمي
https://youtu.be/oXxm9S9j7hs?si=CYOMKN64sIPlklPU
Читать полностью…
كأني بمولاي الأمام الصادق عليه السلام يخاطب مولاي حفيده صاحب الأمر و الزمان عجل الله فرجه بروايته المبكية :
شلونك و الشــلونك عايشه وياي
نفت مني رقـــادي غيـبتك مولاي
گلبك اعليك حته لو شربت الماي
أنه ذاك اليتاني و كاض خاصرته
_______
مثل دمعك غريبه دمعتي الحمره
مته نــگعد ســويه و نبچي بالعبره
على السحگت الخيل وطشرت صدره
أنه ذاك الي چتفوا بالسبي عمته
_______
شصــبر سيـــدي و الينتـظر يتعب
تعال وياي نمــشي لكربله و ننحب
ونسولف هيچ ضربوا عمتــي زينب
ورضيع بلايه راس بچفها شايلته
_______
ونگعد بالمخــــيم نثغب اعله الصار
هنا ركضت رقيه وطاحت اعله النار
يسطــروها اذا صـــوب الرمح تندار
گلبي بغيبـــتك يالمهـــدي شــيبته
_______
امشينـــه نروح بون يشَـــيب الراس
نوكف عالشــريعه ابخنگت الانفاس
اريدك كــــون تنعالي عليه العباس
هذاك الـ بالأخوّه شمحله سالفــته
حاتم صبري الكاظمي
إلى مولاي الصادق سلام الله عليه ...
الزمن عالعـتره كل الوضع داراه
و لا حق الإمامه بحِفـِـــظ داراه
شِجه الصادق اباله بحرگ داراه
خيام و زينب و كلمة ســبيه
هـذاك المَـنهل لكـل عـِلِم عِلمـاه
ننوحه الچان هوه ينــوح عَلماه
السادس لـ الهواشم طاح عَلماه
شذنبك ها يشيخ الهاشميّه
حاتم صبري الكاظمي
بالبقيع ... نبني أجمل صَحَن
بالبقيع ... اتحبّه جنَّــة عَـدن
بالبقيع ... بصاية ابن الحسن
_____
مــو حِــلِم و أن شا الله باچـر نزور
مــرقـد شمحــلاته بيه أربــع قبــور
يفــوح بي عطر الدمــع لا مو بخور
المهدي بيده يسجل أسماء الحضور
و الضريح ... بروعته جـوهري
و الضريح ... باقــري جعفــري
و الضريح ... عدنه مثل الوطن
_______
من قــبور الاربــعه لـ طــهَ الأميــن
تصير گعــده چنــها بين الحــرمين
شَبَه من شارع السـدره يصير ويـن
اگبال شباچه ( عليَّ ابنَ الحُسين )
و الدموع ... بالمُحب تــرتـقي
و الدموع ... چنها تَل صادقـي
و الدموع ... من الضماير جِرَن
________
الــهَدَّم اگبــور الإئمــه و القِــبــاب
يجي يوم اعظامه ينـفُـرْها التُراب
العادَه أهل البيت الله يگول خـاب
ذولــه إلهم بالسـمه و بالگـاع بـاب
مستحيل ... يفــلَح النـاصبــي
مستحيل ... يمحـي آل النبــي
مستحيل ... تبقىٰ اهل الفِـتِـن
________
الدمعه ترسم رابع اصحاب العَـبَـه
بالزَبَـرجَـدْ يزهــي گبــر المُـجـتبىٰ
بيه باب القبـله عِـطـره اشمَطيــبَه
و الضريح المَهــدي بـيده امْذَهِبَـه
الله شاء ... ايذِل يد المجرمه
الله شاء ... ايعِز بنــي فاطـمه
الله شاء ... تعــتلـي بكل زمن
_______
صحن بيه الماي وَزعــوا سَلـسبـيـل
مِــنّه ما تِعــطَش إذا تِشــرَب قليــل
بي طعم چف ابو فاضل مدري هيل
( إشــربوا المــاءَ ثَــوابــاً لـ الكفيل )
والله ماي ... بي عــطر غـِـيرته
والله ماي ... اتبَــرَعه لـ شِـيعته
والله ماي ... انطانه گلبه الأحَنْ
_______
بجانب الاربعه انحِس رأفه و حنين
يغــمُر اگــلوب التحِــب ماله قــرين
اعليها رايه و بيها مطبوعــات إدين
هـــذه قَــبــر السَــيــده أم البــنــين
بالوفاء ... نعمه ترفُض قَحَط
بالوفاء ... يمها و أوگف فقَط
بالوفاء ... كل إسمـها اقـتِـرَنْ
_______
ينبـني المرقــد و سِــرّه ينطــوي
بيد ابو التـاج الأمــامــي النَــبَوي
صحن يشبه گلبـه كلشي يحتوي
ما يدخــله إله مُــؤمِــن عَــلـــوي
ما يطيح ... حتى لو ينـهـدِم
ما يطيح ... أعـلَه مِنّ النجِـم
ما يطيح ... و اليطيح الوثَـنْ
الشاعر حاتم صبري الكاظمي
https://youtu.be/9iqKddOIw0g?si=shbLsToiA9laMfOd
Читать полностью…
هدية الأمام الحسين عليه السلام لخادمكم من خادم الحسين عليه السلام الحاج باسم الكربلائي الله يحفظه و يطيل بعمره
Читать полностью…