4016
السلام عليكم الى الرواديد الكرام تم نشر قصائد الليالي الفاطميه 1444 هـ بتوفيقٍ من الله عز وجل ونظره من صاحب الزمان عج #نسألكم_الدعاء #الشاعر_حاتم_صبري_الكاظمي
مِتعذبه هواي ... يـــا أغــله نــاسي
ارتاحي رقيّـه ... موتي اعله راسي
من حرگ الخيام ... يبنيتي لـ الشام
خِلصت هالايام ... موتي اعله راسي
_____
شســوت بگلبــــچ كربله ... يبنيـتي غيرت لـونچ
و جروح ذبحي و السبي ... أقراها فوگ اجفـونچ
انه بــدمعتي اعله الرمح ... حمره اشوف اعيونچ
راســـي ينــاديـچ و يون ... ها يـــا رقيــه شلونچ
محتاجه حضني ... حضن الابو احساس
بـــس يـا رقيــّه ... بالحــــــافـر انـــداس
من هَشْم العظام ... يبنيتي لـ الشام
خِلصت هالايام ... موتي اعله راسي
______
يمچ علىٰ طول الدرب ... راسي اعله رمح العالي
لو عِثر جَدمچ گلت أنه ... اسم الله يبــعد الغالي
چفچ ترِف حبله خشن ... حرمــله امعذِّب حالي
بالسوط لو يمي وصل ... متنــچ يضــربه اگبالي
و العنده بس راس ... شيسوي مدري
لـــو مــتــنچ انلاح ... يلچمـني نحري
شيحسبها الآلام ... يبنيتي لـ الشام
خِلصت هالايام ... موتي اعله راسي
_______
لمن وگعتي من الظعن ... بليل الالم بالصـحره
بالگـــاع ثــبَّــت الرمح ... ودليـــتـــهم بالنظره
آ يا گلب زينـــــب لون ... رحـتي بعد شيصبره
گِلت اطمئني بخاطري ... تــلگــين يمها الزهره
عَصوبها عيناچ ... ابني علي صـاح
خافوا تشوفين ... راسي عالرمـاح
و تضج الأيتام ... يبنيتي لـ الشام
خِلصت هالايام ... موتي اعله راسي
_______
ظل راسي يبچي لحالتچ ... و الحزن راسي يطوفه
مچــتــوفه يا بنـت النبي ... تشــوفچ بــنات الكوفه
كلــمن ابـــوها اتــرافــقه ... بــس روحـــچ الملهوفه
صــحتي يعمّــه والـــدي ... مِشتــاگه عيـني تشوفه
گـــلبــچ بالجــروح ... ايــدور عليّــه
لو صحتي يحسين ... صاحوا سبيّه
نَظــرتهـم إسهام ... يبنيتي لـ الشام
خِلصت هالايام ... موتي اعله راسي
_______
آ يالنــوايــب و الـ يجي ... طبــيـــتوا گـــاع الشـــامات
اتلگوكم احجار و حچي ... شگد صعب حچي الشمات
و ثلــث ليــالي ينتـــظر ... المـــوت اعله باب الساعات
و هنا عليچ شگد بــچه ... و شگـد گــلب زينـــب مات
ما رادت اتگــول ... لا مــا تـصــبـرين
ينــتظرچ الموت ... يم راس الحسين
فرض الدمع قام ... يبنيتي لـ الشام
خِلصت هالايام ... موتي اعله راسي
_______
بذيچ الخرابه شگد حزن ... عذب الطاغي اونيــنچ
أعلن المـــوت بهالوكــت ... عن إنـــتـــهاء اسنــينچ
جابولچ بطشت الذهــب ... راس التحــبّــه عــيـنچ
صحتچ هلا بتعب الگلب ... هذه أنه ابوچ حسينچ
رحلــتــها الدموع ... خلصت بعد هاي
يم فاطمه انروح ... يـلا امشــي وياي
حققتي الاحلام ... يبنيتي لـ الشام
خِلصت هالايام ... موتي اعله راسي
الشاعر حاتم صبري الكاظمي
مذبوحه يا گــمره مِن افــراگه
مشتاگه روحي هواي مشتاگه
نجــماتچ اتسولِف جـرح
شخبار ابويه ويه الرمح
_____
مِســـيـة الفــاگــده يا گمره أنفاســه
الجسمه عالرمل و اعله الرمح راسه
صدري ثِگل مدري شصار بحـسـاسه
گلــت يمــكن الحــافر والــدي داسه
يرسملي نَجمچ من ضوه دموعه
بين الخيــم و المشـرعه ضلوعه
تَـيهـني بجروحه الشَرِح
شخبار ابويه ويه الرمح
______
يگـمره محلـفِــتچ بالخِدِر و ايتامه
اخويه السجاد زينـب لَمَّت اعظامه ؟
قميــصه صـدگ ذاك الحلو هِندامه
من دوس الحـوافر وِصَل لـ خيامه
مِنْ انذبـح و الخِيــم حِرگوها
شافوها زينب صدگ شافوها ؟
مـن بَـعَــد ما تَــم الذبِـح
شخبار ابويه ويه الرمح
_______
أبوس أيده و اگلّه شما عليه ايــمُر
من سَــلاّبــك الله ايسـلـم الخنصُر
أباوع بيــچ يا گمــره وجــه انــظُر
أبوي اعله الرمح و هــواي متــغيُّر
خوفه لـ خواتي يرسم احساسه
بالــگـوه گاعِــد عالرمــح راســه
احچيلي عن گلب السمِح
شخبار ابويه ويه الرمِـح
____
أسألــچ هالســؤال و بيــه ما بيـّـه
چــم مرّه وِگــع من ضِـربوا ارقـيّه
شگال اعله الرمح؟هم يسأل اعليّه
الحِمِد لله مَريضه و موش مسبيّه
لوني تـغــيّر يا بعــد لونــه
يا گمره گليلي الأبو شلونه
شَح مني ذاك الـ ما يِشِح
شخبار ابويه ويه الرمح
_____
الأبــو لو راح صعبــه تصير سالفـــته
يومـيّـــه تــمـوت ابفــرگــته ابنـيــته
أتــمــنّــه رِحِــت مســبيّه ويـه اختـه
بَـدَال الرمح امشي بحضني شايلــته
گوليله لو شِفــتيهْ عافيتي
مشتاگه والله يا بعد بيـتي
ردي الخَبَــر من يتِــضِح
شخبار ابويه ويه الرمح
الشاعر حاتم صبري الكاظمي
فتحة عزاء هذه الليلة
قصيدة [ روحي نوحي ]
الرادود : الحاج باسم الكربلائي
للشاعر: حاتم صبري الكاظمي
-
ليلة ١٧ محرم الحرام ١٤٤٦ هـ
ديوان أنصار الحسين (ع) - البصرة
#اللهم_عجل_لوليك_الفرج
أسف مولاي صاحب الزمان بس هاي جروحك و جروحنه
قصيدة : أول سهم
الرادود : #علي_سعيد_الوائلي
@ali_saeed_alwaeli
الشاعر : #حاتم_صبري_الكاظمي
@hatam.s.k
_________________________________
ليالي #محرم_الحرام 1446 هجريّه
حسينية الشكرچي - #كربلاء_المقدسة
https://www.instagram.com/reel/C9kbNipsuHN/?igsh=MWx1MGR0em1pcmJiOA==
قانون السماء .. يمنع سبـي العلويه
قانون السماء .. ما بي سلِب ترچيّه
بيا شــرع يا مِلّه تـلــگوها
بت رسول الباري يسبوها
_______
راجع الأديان ... انجيل لو قرأن
شوف و استكشف عله الصار الروايات
شوف مرويّه ... انسِبَتْ علويّـه
هذه يا ديـن الرضه بـ سبـي الأميرات
شعجب مو عَرَب محسوبه عليكم
تـِچِـتـفــون العـقــايـل بـت نبـيكم
يا عالم حرام ... مـچـتوفـه إيـد القــرأن
يا عالم حرام ... من زلمه يسلِب نسوان
الـ ما رضاها الله رضيتوها
بـت رسول الباري يسـبوها
_______
الـ عالنسه طُغمه ... هذه مو زلمه
بوجـه سِتر الله زحمه يرفع ايــده
ما حِوَه غِيره ... اليضرُب ازغيره
تصير وِليَه اعليها لو ظلت وحيده
مُـنَـظّـمة الطــفوله اتجرُّم الحال ؟
چِفوف الياسمين امچتفه بحبال
بمحكمة الحجاب ... لمن يعرضون اسماء
بمحكمة الحجاب ... ألقاضي بيها الزهراء
بيا ذنب تِـسـأل يـچتفوها
بت رسول الباري يسبوها
______
الدين ما يقـبَل ... بت علي تِـنــذَلْ
هوّه كافي زينب انشافت بالعـيون
صارت بيا يوم ... رحمة القـيوم
بكل بنات النبـي مسبيات يمــشون
(خمسْ اسنين) اجاها الـ ماله كل دين
جَر منـها التـــراچــي بنــت الحــسـين
ما عنده ضمير ... منه الشرف راح و مات
ما عنده ضمير ... اليضرُب مَتِــن علويات
الأَسمَه مِنْ مـريم يعرفوها
بـتْ رسول الباري يسبوها
_______
النــوم بالهــيمه ... ماكــو أي خيمه
خَدْ رقــيه اوسادِته صارت مِنِ اتراب
ولَو ماكو نوم ... الشمر بس يحوم
و لو غُـفَوَو من الحبل جَراها الرگاب
و يم زينــب شماته ايسَـمِع الناس
هاي اختــه الذي ايسمونه عبـاس
و شما تبچي عين ... يضحك عديم احساسه
و شما تبچي عين ... يضـرُب لـ اخـوها راسه
ايگله هــاي الي تِـحبـوها
بت رسول الباري يسبوها
_______
من حقوق الغير ... أن يعيش بخير
و ذبحوا الخير بسبي الحره العقيله
كلشي منها راح ... بولية الذبــاح
حتى راس حـسين صـعبه تشتكيله
تگلّه دمعـتك و يگلها ونـچ
تگله منحرك و يگلها متنچ
غيرني الزمان ... حته اهلي ما عرفوني
غيرني الزمان ... بالمجــلس ايوگفـوني
وسفه اخت عباس شافوها
بت رســول الباري يـسبوها
الشاعر حاتم صبري الكاظمي
مَـدرســه و عِـنوانــها أُم البَنين
علِـموا أَولادَكـُـم حُبِ الحُـسين
_______
عــادَه خَــلُّـوُها الطـفِـل مِـن يـنولِد
(ياحسين) بإذنه صيحوا و ينسعِد
صيــروا مِثـل الي نِـطَـتْ أربَـع ولِد
صاحَت أنطي لَون ولدي أربعين
علِـموا أولادكــم حُــب الحُسـين
_______
حسين يســتاهل نَعم حُـبّه ربِـح
گالـت شـويــه تـره بحقه الجرِح
خَلّتْ العباس راســه اعله الرمِح
وكتبت أرجوزة وفه طول السنين
عَـلِـمـوا أولادَكُــم حُــبِ الحُـسـين
_______
إخذوا من أم البنــيــن أروَع دَرِس
بلايه حُب حسين ما تِسوه النَفِس
هـذه ابنها مَـرقِــده چـنّـه الشـمِس
صرنه نِلطمله لأن گطـعوله ادين
علِـموا أولادَكُــم حُــبِ الحُسـين
_______
هــواي خِـدام بـ فَــضـلها تفـتـخِر
إبنه خَمسْ سنين و يدِگ عالصدِر
عدنه چم خادم طِلَع يكتب شِـعِر
وهذه رادود الـ قِره بصوته الحنين
علِـموا أولادَكُــم حُــبِ الحُـسـين
________
تره اليزرَع خير (خيراً قَدْ حَـصَد)
و تُـفرَح ام الاربـعــه أكــثـر بَــعَـد ؟
من يسمـي الخادم (حْسين) الولِد
هاي شيمه و فقط عند العاشقين
علِـموا أولادَكُــم حُــبِ الحُسـين
________
عدنه چم عاشگ مِشه بثوب المُطيع
نِذر إبـنه و گـال تَــعـبي ما يـضــيــع
أبني فـــدوه لـ نحر عبد الله الرضيع
هيّه هــاي التَـربـيّه يا مُخلصين
علِـموا أولادَكُــم حُــبِ الحُسـين
________
طاعَة أم الاربعه حسين ابفخَـر
مِـن يـريد المـاي جـابَــتـله نَـهَر
اثلث نجوم انطِتَه ورابعهُم گمر
كِتـبَـت ابدمهم درس لـ العالمين
علِـموا أولادَكُــم حُــبِ الحُسـين
_____
بتربيـتـها ضُـربت اروع أمثِـله
علمتنه حسين انطو كلشي اله
مِنْ نزور انشِـم عِطـرها بكربله
بـهالعمر أوجَبْ درِس لـ الوالدَيـن ؟
علِـموا أولادَكُــم حُــبِ الحُـسـين
الشاعر حاتم صبري الكاظمي
في تُربــهِ سِرُّ الشِـفا
هذا حَفيدُ المصطفىٰ
عندَ القلوبِ العاشقه
هوَّ الحسيـنُ و كفىٰ
___
عالَم فــريــد بمصـدره...بنص الگلب ما أكــبره
الدنيه بمــقايســي أنه...ما توصل بگد خُنصره
هوّه ابو الاكبر و الســلام
الموت اعلموده مو حـرام
محترگه روحي بجمـــرته
بيه اعْرفِتْ معنى الغــرام
ما كُنتُ وَحْدي أَبَـدا
كانَ حُســــينٌ مَـدَدا
لَـــهُ دمــوعِ نـاطِـقه
هوَّ الحسيـنُ و كفىٰ
___
دوم امن أَسِد عيني إله...گـدامي هوّه اتخيّله
بدمَّه و رماد امخيـمه...من خيره تارس كربله
يگضني الخجل عِد مَنظره
شلون اوفي واحـــد يا تره
گد ما يحبـــني بالطــفوف
لجلي ضلـــوعه امـكســـره
قَلبي و روحي والعُيون
(إنّــا إلـيــهِ راجِــعُــون)
في أُمنياتي الشائقه
هوَّ الحسيـنُ و كفىٰ
___
يتـــناهَــز بگلـــبي العشـِـگ...گد الخــــيام التحتــرِگ
حسين بوكت دنيه الچـذب...هوّه فقط سولَف صدگ
العايش ثري كل ثروتـه
گال الحـسين و خدمته
البايــع حياته و راح إله
بالطف يموت ابخيــمته
كَتَبْــتُ في قافِــيَتي
ياعُدَتي في كُـربَــتي
دعوةُ قلـــبٍ صادقه
هوَّ الحسيـنُ و كفىٰ
___
رغم إختــلاف الأزمِنـَـه...كربله لـ گلبي موطـنه
ميّت أنه اهدَعَـش شهر...أَحيَه بمحرم كل سـنه
نَفَس خيامه اعليه عِشِــت
أتمنــه بيهــا شـــگد چِـنِت
گاعـــد واباوع عالحُســين
و لو يمه هنيـــالي مِتِــــت
مُستَشعـرَاً ما عِنـدَهُ
يلوحُ خَــــدِّي خَـدَّهُ
أَقولُ في المُعــانَـقَه
هوَّ الحسيـنُ و كفىٰ
____
ريت و أَصِد ذاك الحَجَر...والسَهمْ البصدره انكِسَر
بالطف لون يمه چنـــت...انطي گلب و انطي نَحَر
لو مِن رقيّه چنــت أَفِــل
بوكت السبي ذاك الحَبِـل
و تتلگه روحي لو وگـــع
امن الناگه بالهيــمه طِفِل
قلبي بـ هَمٍ ينــدِبُ
فَــدَيتُــكِ يا زينـبُ
ثورةُ حــقٍ مُطلــقه
هوَّ الحسينُ و كفىٰ
الشاعر حاتم صبري الكاظمي
دمعة عيونك دماء بيك عاشَـت كربلاء
حالك بعاشور هذه شلونه
___
عجّٕـــل الله فــرجك يبن الكـرام
مسافر ليا ناحـــيّه بجنح الهـيام
عله جروحك ياحبيب الله سلام
تبچي يم التَــل أظَن لو بالـخيام
شايل بروحك جراح ما أظَـنَّك مسـتراح
شيستراح الـ عن هَلَه يبعدونه
___
بالمجالس طايف بروحك هَــوَه
اتشمّه خدامك يبو صالح ســوه
خَدّك بيا دمعه من تبچي انچوه
أه من امصــــاب وادي (نينــوه)
ليلة الجمعه انته وين تزور يم گبر الحسين
ودمعك اعله حسين أحمر لونه
___
عايش اجروحك والاعظم عاشِرَك
الله يدري شلــــون كاسـر خاطرك
تصـــيـح آ يا جـــدي كلمـا اذكُــرك
گبالي اشوف الشمر يگطع مَنحرك
وبعد مَدري شلون أگول بصدرك ادوس الخيول
و كَأَنْ صدر النبي ايسـحگونه
___
بيــك متــألم أحـس يبن المــجِد
حاضر بأي مجــلس و ما مبتــعد
لــو قره الـمـلا اعله زينب أعتقِـد
شما سمعته تگلّه هذه البيت أعِد
الملا گال بــكربله شِــتِـم زينب حرمله
اتصيح چا وين الذي يحمونه
___
راسَم بعـــينك مــــعانات الألــم
شما يجي العـــاشِر يأذيهه سَهَم
مال واحد بس وگع حِرگو خِيَم
أه و اويــلي اعله شيّــال الـعلَـم
اسألك دمعي يسيل هم بسِت راس الكفيل
هم شفت ذاك السهم بعيونه
___
لو جِـمعنه ادمـوعنه يم دمعتك
أي قليله اگـبال دمع امصـيبتك
مثل لون الضوه صارت شيبتك
بيضه لمّـن سبـــو زينب عمـتك
من بعد عِز و دلال امگيديها بالحــبال
وِسَفه خدر الله و علي يسبونه
الشاعر حاتم صبري الكاظمي
ابوذيات في حق مولاي الحسين عليه السلام ( مشطر بحر طويل ) :
بالبــرزخ اصـــبله الدمــــــع وذراه
جسمي لو يحــــرگه العدو و ذراه
اعله ذاك الميّـــت بعشگه
السهـــام بصـدره مختنگه
الخيم و دمـــوعه محترگه
هذاك الـ بالگــلب ينحَط
ليش من العطش يفحَط
نــهر و انحرَم من الشَط
عجــــاج اتـــــراب بعـيونه
الشمس باگـت حـلو لونه
حــــافر فــــرس بمـتــونه
حبيبي الما بگه امن السحگ وذره
بجسمه : ما أعوفـــه لـ المنــــــيه
__
البخيل بدمعـته يِحرُمَـه بُخلاه
خير حسيـن : تلگا فقط بخلاه
الخِـــل اليجـــزع بنـفــسه
البچه و گال البچي ونـسه
عله الـ بخَـــده چـم رَفسـه
النَزِف ســواه چن ورگــه
بضحكــته الرمــح يتـلگه
السهـم ظل نــايم بحلگه
فَي الله بــلايـــــه افـــياي
عليه داست الخيل هواي
عطشان و يصـيح : الماي
موش لگلبي اريد بماي بخ اله
اريده لـ بنتي عطــشانه رقيــّه
1-وذراه : عالم الذر
2- وذراه : يحرق و يُذرىٰ في الهواء
3- وذراه : وِذَر : قطعه من الجسد
1-بخلاه : البخل
2-بخلاه : الخل : العاشق
3- بخلاه : بخ اله : الرذاذ من الماء الذي ينثر
الشاعر حاتم صبري الكاظمي
هوّمت عيناها مولاتي زينب سلام الله عليها لحظات في ليلة العاشر فرأت في تلك اللحظات موقفاً يشجي الفؤاد:
قصيدة ليلة العاشر ليلة الوداع :
مات اعله حُب أميره ... خالد يظل سفيره
ما مثله مُسـتحيل
إسمه الحُسيني ثــائِر ... تكتب دمـائـه باچر
( عاشَ إبنُ عقيل )
لـ الثـورة شَراره
في قصر الإماره ... ( عاشَ إبنُ عقيل )
_________
أقره بمعـــالم سِيرتـه ... استاذه علي هذه الفته
شال الرساله و شالته ... عيون الحُسين بيا عشگ
فـارس بالف فارس طِلَع ... خســران ما مره رِجَـع
بحب الحسين الي وگع ... ينصحنه لازم يحترگ
مُحَـنّــك بالقـــيادة الهاشمــيّه
بوكـت عافــوها ما باع القضيّه
إذا بالطف إجه حسين شيگله؟
مع العباس اهجموا انتو سويه
مِـتــفَـرِّد بخـصــاله ... الله علىٰ جـــمــاله
ماخِذ من الرسول
محد گِـــدر يوگـفه ... لزموا سره اعله چفّه
شرّد زلم و خــيول
گالوا مـاله چاره
في قصر الإماره ... ( عاشَ إبنُ عقيل )
____
قائد حَرُب ضد الصَنَم ... طلّع الناس من الوهم
رايــة محــمد من لِزَم ... نكشفوا الما عدهُم شرَف
بالغـــيــره كِلها ما تِحِس .. گلهم يـ أشـرار النَـفِس
عدكم أمير اسمه الفلِس .. واني أميري الـ بالنجف
غِــدرتوا الما إجـه مثــله بزمانه
امن اديكــم ما لگه بس الخيانه
تعيــشـــون ليزيــد و موبقــــاته
و أموت بحب الحسين و حنانه
حي مُسلم و صموده ... بين النوايه السوده
نـــور ايغيرها جاء
من سيفه كلها مالت ... و الكوفه عنّه گالت ؟
سـواهـا كــربـــلاء
زلـــزلها بـ إشاره
في قصر الإماره ... ( عاشَ إبنُ عقيل )
_______
ما حاصََره ذاك العدد ... بَلغَوا الحاكِم : دِز بعد
يدرون أبو طاهر أسـد ... طبع الأسد ما ينهزِم
عالجيش درب الكوفه سَد ... عالروس شاهين وگعد
ذاك اختـــنَگ ذاك الشرَد ... تربية حيدر هالشهم
غدرتونه و تسمعه الكوفه كلها
جــــهنـم اله اراويـكـم شكلــها
أنه وحدي بألف واحد حسابي
و لا تگدر الي الكوفــه و أهلها
ما يـرحــم بهجومه ... يعرف منو خصومه
نـــار و بي تصـطلي
سيد خلوده باقي ... ألمَــدَنــي العــراقــي
نِصروا شيــعة علي
وِصلَت منه ناره
في قصر الإماره ... ( عاشَ إبنُ عقيل )
_______
عاشوا الموت بهالخطر ... بدمهم فتح سيفه نهر
لو ما الحفيــره ما گدر ... لا ما يچتفون الجبَل
مچتوف من طب القصُر ... مهزوم لكن منتـصُر
أحله نــهـــايه بهالعـــمر ... عطشان عالباري نِزَل
تِصِد عيـن البصـــيره ذيج الظعون
علىٰ سطح القصر و ينادي ممنون
أنه مســــلم الى الشـاغلــني بهـواه
السلام أعله الحسين بدمع العيون
نادالـــه يا مُجــيبي ... أعــذرني يا حبــيبي
ليك البي غيره شَحْ
منك طلــب اريده ... عينك على حميده
بس لتگلها انذبَــح
و بموته انتصاره
في قصر الإماره ... ( عاشَ إبنُ عقيل )
_____
علمنـه مُـــسلم من بده ... المؤمن يموت لسيده
بظهره الحسين الوحَّده ... ما يخذله مثل البشر
أقـــربـــكم البي مَــعرفه ... يستاهل حسين الوفه
عالدنيا من بعده العـفه ... العايف أبو الأكبر خِسَر
صعب مو ياهو چان ايعرفه دربه
تـــره اعــظم رزق مــن الله حـبه
الخِلِص عمره تحت خدمة إمامه
يموت و بالحســــين يعيش گلبه
مُسلم درس يذيعه ... مولانه ما نبيــعه
بدمانه نشتريـه
ذاك الهده دمائــه ... إلَـه بعرش سمائه
صـلَّ اللهُ علـيه
واسمعنه قراره
في قصر الإماره ... ( عاشَ إبنُ عقيل )
الشاعر حاتم صبري الكاظمي
في هكذا أيام العليلة عليها السلام تخاطب ( الگمره) في أيام السبي ☝️
Читать полностью…
https://youtu.be/gf2EbogKAXU?si=hSBQqY8E9jdTtIoo
Читать полностью…
بعض النقاط المهمه لبعض ما يجري في الساحة الحسينية ...
عذراً على التجاسر لكن هذا واقع الحال أو بعضه
وخادمكم الأقل اني ..
#حاتم_صبري_الكاظمي
#رواديد #شعراء #خدام_الحسين
#عاشوراء #كربلاء_المقدسة #النجف_الأشرف
#الكاظمية_المقدسة
https://www.instagram.com/reel/C9nn-lRsPpd/?igsh=MTM3bDBzaXlqMjd2eA==
في هذه الليالي بعد العشرة الاولى من المحرم كأني بأم البنين تنادي الحسين عليه السلام:
تاهَت روحي من دونك
مشتــاگه حچي عيونك
گـلبي يــســأل شــلونك...يمذبوح
______
بالروح ... مرسوم ... لو مـدري أوهــام
مذبوح ... مسلوب ... مسحوگ العظام
أسولف أنه و جروحي ... يا حيلي و بلا حيل
يگــلي كل جــرح بيّـه ... بيك اشسوَّت الخيل
گلبي يكـسر الخــاطر
ما ضايگ طعَـم حافِر
كلـشي راح بالعــاشِــر ... يمذبوح
______
عالگــاع ... لا ثـوب ... يا روحي عُريــان
منحــور ... وتصيح ... يا يمــه عطــشان
مو أنه الـ اريــد الماي ... أنه امروّه ابـ نجيعي
احفري ونگطي بنحره ... خل يشرب رضيعي
طفّـك جــرح لاگــاني
أمــوت هـواي خلاني
بعــدك أنــي مو أنــي ... يمذبوح
_______
ويــاك ... و هناك ... شفت الحرگ صار
وچفوف ... ازغار ... مــحــتــرگه بالنار
اركض ويه ركضــتها ... تمــد روحي أديّـه
أخـاف النار لا تــوگع ... عله اعـبايـة رقيّه
بدُخان الخيمه مَخنوگه
أصـابع چـفهــا محروگه
تراچــي منــها مبيــوگه .. يمذبوح
______
بالبــيت ... و العين ... منها النـظر راح
مگطـوع ... مرفـوع ... راسك عالرماح
أتــرَف مِـنّه ما شــافت ... بحيث اتلچمَك الريح
بس يسـمع تـوِن زينب ... گبـالي راسـك ايطيح
انكسَر ظـهري علىٰ مودك
شِفِتْ رَفسَه عله اخدودك
يحـلمــي الــراح شيعودك ... يمذبوح
____
بحبـال ... شمّــات ... مربوطه عالنوگ
نسوان ... عدنــان ... دَخـلوهن السوگ
عـلويـاتـــــك ايشوفـــن ... وأنه وياهن الصار
من فوگ السطح راسك ... يترامـــونه بحجار
حصل يا ريته ما حاصِل
بحَجَر شفت بدمع هامِل
ضربوا راس ابو فــاضل ... يمذبوح
____
يا نـاس ... ناديت ... وين البخت وين
منحـور ... ينشال ... شمسوي الحسين
أنه ام الاربعه روحي ... بحـبيـبي بدلــوها
و لا بالخيزرانه انظر ... اسنونه ايكسروها
يقـضــه لو حلـــم شفـته
زرگـه مــن الضرُب شِفته
صاحت روحي ويه اخته .. يمذبوح
الشاعر حاتم صبري الكاظمي
كأني بالصادق سلام الله عليه يخاطب
صاحب الزمان عجل الله فرجه :
شلونك و الشــلونك عايشه وياي
نفت مني رقـــادي غيـبتك مـولاي
گلبي اعليك حته لو شربت المـاي
أنه ذاك اليتاني و كاض خاصرته
___
مـثل دمعـــك غريبـــه دمعتي الحمره
مته نــگعد ســويه و نبــــچـي بالعبره
عله السحگته الخيل وطشرت صدره
أنه ذاك الي چتفوا بالسبي عمته
___
شصــبر سيـــدي و الينتـظر يتعب
تعال وياي نمــشي لكربــله و ننحب
ونسولف هيچ ضربوا عمتــي زينب
ورضيع بلايه راس بچفها شايلته
___
ونگعد بالمخــــيم نثغب اعله الصار
هنا ركضت رقيه وطاحت اعله النـار
يسطــروها اذا صـــوب الرمح تندار
گلبي بغيبـــتك يالمهـــدي شــيبته
___
امشينـــه نروح بون يشَـــيب الراس
نوكف عالشــريعه ابخنگت الانــفاس
اريدك كــــون تنعالي عليه العـــباس
هذاك الـ بالأخوّه شمحله سالفــته
حاتم صبري الكاظمي
إنها كربلاء تقديسها و إحترامها واجب على كلِّ من يُحبُ سيد الشهداء عليه السلام إليكم رسالتي :
قصيدة : #عرش_الله
الرادود : #علي_سعيد_الوائلي
@ali_saeed_alwaeli
الشاعر : #حاتم_صبري_الكاظمي
@hatam.s.k
_______________________
شهر محرم الحرام 1446 هجريّه
#كربلاء_المقدسة
#عاشوراء
#رسالة
https://www.instagram.com/reel/C9KdZgDI4yN/?igsh=aTdkNTAzaTV0ZHcw
اوگف لا تطيح ... دمعاتي تصيح
بالوگوّه مشيت ... تدفع بيه ريح
ما چنّي الحسين الروح صاحت
مو عــباس كلها الخــوّه طاحت
______
أمشي و أعثر و اوگع ... بدت روحي احس تطلع
مِــن نـاده حُســين
ما ادري شنــو البــيّه ... گـوّه تمــشي رجــليّه
و دربي مدري وين
انظر من بعيد ... شو ما عنــده أيد
گتله لا تطــيح ... شلون ابقه وِحيد
جيته من الخيام ... نــــاداني ســلام
واگف حَسبيت ؟... امتَچي اعله السهام
تركُض لِيه حته عيـــوني راحت
مو عــباس كلها الخــوّه طاحت
______
طِلَعت الخيمه نُص حيلي ... گلت يا زينب ادعيلي
ينطيني الله حيل
شو صـيحِـتَـه من گلبه ... براسه خاف اكو ضربه
آحّــا يالكـــفـــيل
اليِذْكُر مِن نِسوك .. الشايل عـطر ابوك
يصيـح اعله النهر .. ألحگ طاح أخوك
طِحْت اعله الحِنين ... شـو ما عـنده عين
گعدت و ليّه صاح ... ( هَلْ أَنتَ الحُسين )
يبعد اهلي نَعَم و الروح ناحت
مو عباس كلها الخــوّه طاحت
_____
دخيلك يا علي بويه ... حِضنته و صحت يا خويه
شمـــسـوين بيك
راسك مِنهِـشِـم كلّه ... مُردت عينك النبله
مَگطوعات اديك
كلشي بروحي ناح ... صخره و حيلي طاح
بخاصِـرتك يخوي ... شمــســويه الرمـــاح
ما ظل عندي صوت ... راح احچي سكوت
شستـــحمـــل وراك ... عـــباس ارد امـوت
الخــيمه و دنيــتــي ويايه مالت
مو عــباس كلها الخــوّه طاحت
____
أشوف بواهِسك تبچي ... ما تگدر و لا تحـچـي
يبــعد عيــوني گول
زينـــب خلها تـعذرني ... اذا ما راضــيـــه عـني
تـعاتـــبني البـــتول
گِلتـلك يا هَــواي ... شتِعذَرك يا رجاي
تريدك بـس تگوم ... بعـــد مَتــريد ماي
يحاچيي لنّه حَسْ ... حِزن وجها انترَسْ
سِكـت لَنْ الأخــو ... انگـطع منّه النَفَسْ
لطم راسه الحسين و روحه نادت
مو عــباس كلها الخــوّه طاحت
______
يروح و يوگف و يرجَع ... بلكت بي نِفَس يسمَع
عساه ايرد يعيــش
حچه ويمشي علىٰ كيفه... و يتــوچه علىٰ سيفه
اظل وحيدي ليش ؟
شيســـوي بالحياة ... و ضماير شامتات
يصيحَن من بعيد ... أخو عبـــاس مات
اجه و زينــب وراه ... يگلـها ما يجيچ
باخير انفاسه مات ... بقه يسلم عليچ
عمود الخيمه طاح و هيّه گالت
مو عــباس كلها الخــوّه طاحت
الشاعر حاتم صبري الكاظمي
أبيات فصيح في التطبير
حيدر ... حيدر حيدر ... حيدر
____
نهوىٰ حسيناً ما لَنا نظــــيرُ
دمــــائُنا في العاشرِ (غَديرُ)
جُنوننا حبُّ الســيوفِ كانــا
نحنُ أُناسٌ فَرضُنا التَطبيــرُ
____
عــُذّالُنا تَــــــــشعُرُ بالندامَه
ما عَرِفُوا السَيِّدَ ذو الفَخامَه
حُسـينُنا المرجعُ و الهَـــويّه
يَحلُو لهُ تطبيــرُنا بـ(القامَه)
___
في العــــاشِرِ فَخراً ننادي إنّا
في السيد العطشانِ قدْ جُنِنّا
لا مستحبٌ بَل نراهُ واجِــبْ
تَـــــــطبيرُنا نَحنُ لهُ خُــلِـقنا
____
نبكي علىٰ الحسينِ ما نَشاءُ
حـــــزناً كما بَكَتْ لُه السماءُ
العَين تجري لنـــحورِ دَمعاً
والرأسُ منهُ سالتْ الدماءُ
___
إلىٰ الذيـنَ شَـــكَكو رِساله
لنْ تَمنعو رأساً دماً أســالَه
أما دَريتُم لو حُسينُ يرضا
سنَقطَعُ النحرَ فــذا حَلاله
___
علىٰ الحُسينِ تُزهــَقو النفوسُ
زنجـــــيلُنا ولَطمُـــــنا طـقُوسُ
في كلِّ عامٍ عندَ يوم الــعاشِر
تفدي حِــــسيناً دمها الرؤوسُ
حيدر ... حيدر ___ حيدر ... حيدر
الشاعر حاتم صبري الكاظمي
نحييّها وجـوب ... من تقوى القلوب
دين الله الشعائر
_
دين الله الشـــعائر تُعــــتَبر يا ناس
أَيـّه واليـحَــرّفهه انوِصَف خَـــنّاس
ما تشمِل الـ ما ليها يشيله احساس
الله جَــعَـــل إلهه حـارِس العــباس
تِنمَسْ مُستحيل ... حارِسهَا الكَـفيل
عند أهل البصائر
_
الله امتِحَن كل واحد ابـــــتكوينه
وينجَح فقط لحسين الجَرتْ عَينه
نِحييهه وعله اليــشكِلنَـه مَـــعلينه
الـ مَيقيم الشعـــــائر ما كِمل دِينـه
اليحييِها بضمير ... عند الله چـــبير
منْ (تُبْـلَىٰ السَرائِر)
_
اشتريناهه بدمـانه و بعِشــِــگهَه انذُوب
عله حسين الجَزع يهل الدمع مــحبوب
قلــــيله عله مْصـــابه من نِشـِـگ الثوب
والله لو بديـــــنَه اعليهْ نِـشِـگ اگلــوب
لو تقضي الأمور ... نطبرهه النـــحور
نفــدي بالمــــناحر
_
الشــــعائر عالحـــسين ايحِلْـهَـه مَـعبودي
لذلك بالحــزِن شـــــــايِل أَنَه احــــدودي
مُــــقابل نَحــرَه لا ما يكــفي مَـــجهودي
شحَلاهه اعله الحُسين من الطُم خدودي
تَطهير النـــفوس ... بتــطبير الرؤوس
كلما يجي العَــاشِر
_
إلىٰ الـگلِّي أَغـــالِي لا تــــــماديني
إنته إلَك ديـــنَك وانه الي دينـــي
قافل عالشـــــعائر لا تحـــــاچيني
حسيناوي العِشٓگ الله المْـسـَوِيني
بالــــدم كربلاء ... قافل عالبكـــاء
والحاربني خاسِر
_
ألطُم عالصدر وعـــيوني بـــچايّه
حُسيني بالفعل مو بس بالحچايه
بمحرم و بصَفَر أَرفع أنه الــــرايّه
السمه والأرض تطلع كلها مَـشايّه
أَخِـر كلمــتين ... الحُب لـ الحسين
صحنه اعله المنابر
الشاعر حاتم صبري الكاظمي
بالرؤيه شفت ... مذهوله و خفت .. يتحدَّث اثنين
گالت ينـذبح ... گلها و بالسحگ .. يتطَشّر حسين
اويلاه ... هوه الله و خنگه من دونه
اويلاه ... صــدگ باچـــر يذبحـــونه
________
ليــــلة اوداع و مــحنّــه ... و بالاخـوان امحيره
بخيـمتي غمضت عيني ... و رؤيه لن مو عابره
ثنين يحچـون اعرفتهم ... الزهره امي وحيدره
مدري شو اسمعها گالت ... راح يگـطع منحـره
و حيدر من حچه .. شو كلشي بچه .. دمعه ومشاعر
يالزهره و بعد .. لحظات و تجي ... تسحگه الحوافر
اويلاه ... بعد مــوتــه و يعــذبــــونه
اويلاه ... صــدگ باچـــر يذبحـــونه
______
صرت امشي من خَلِفهُم ... بليل ظلمه املوعه
هنا يگلها اطـيح ضلعه ... هنانه يوگــع اصـبعه
هنا يشيل الرمح راسه ... هنانه جثته امگطـعه
هنانه يـوگع حيله كله ... ابلايه چف عالمشرعه
بالخيمه بعد ... محروگ المهد ... هاي الفجيعه
مگطوع بسهم ... بلا راسه دِفَن ... بيده رضـيعه
اويلاه ... خــــاطِـــر ما يســـحگـونه
اويلاه ... صــدگ باچـــر يذبحـــونه
________
يســولفون حسين باچر ... ذاك أبو وجه الحلو
يختلف كلشي اعله وجها ... اعياله يحميها منو
لـ النـــهر يتــمــشه گوّه ... لـ أبو الغيره و الكفو
ايگلـه يا عبـــاس أخيّك ... هســه صار ابلا أخو
بيك اتنومست .. واحد بس بألف ... هيچ انته عندي
ظهري ينكسر ... لا يا بالفضل ... تتركني وحدي
اويلاه ... وعــد خـــوَّتـنه يــنهـــونه
اويلاه ... صــدگ باچـــر يذبحـــونه
________
فجأه لَــن و ناظر امي ... على التل أصبح رِبِي
باچر التَل هذه يصبح ... إسمه ( تل الزينــبي )
تصعد و تندب اخوها ... و يجي لــيها الاجنـــبي
ايگلها يخت الطاح چفّه ... حضري روحچ لسبي
من فوگ الهزل .. مچتوفه بحبل .. مدمعها هامل
بحماك الأجت .. مسبيه مشت .. ها يا بو فاضل
اويلاه ... أصــيح الضــمني بعيـــونه
اويلاه ... صــدگ باچـــر يذبحـــونه
_________
لن أفز وانه بدموعي ... واشبُگ حسين بحــزِن
وامسح بشيباته اخويه ... و گلبـي لفراگه يـــون
عالرمح لَيــّه حنينه ... و لِــيه عالنــــاگه أحـــن
أنه ابچي عله ضلوعه ... و هوه يبچــي عالمتن
و نفارِگ بعض ... گلبين بنبض .. بالغاضريه
محلاها الي .. من عشنه سوه .. و نرحل سويه
اويلاه ... اليبست شِفــته و جفـــونه
اويلاه ... صــدگ باچـــر يذبحـــونه
الشاعر حاتم صبري الكاظمي
صرخة المَهدي بدمعة العيــن
عالنهر طايــح گلب الحــسيـن
يالكـــافــــل شلــونك
اسم الله على عيونك
____
ألسلام اعله الهوه ... الچان بخيامه ضوه
و عله وجهـا اتصلي نُص الليل كلها
ها يبو طول الحلو ... منــو ايداريها منـــو
بَعَد عينــــك عَـمْــتِي زينب ياهو إلها
مدري شلون اشوفك من اجي بحسره
هوه حســــين شــافك و انكِسَر ظهره
فَـرگَت الخـــوّه اتغيير اهواي
العِنده ابو فاضل شِلَّه بالماي
إنتـــــــه اليعطشونك
اسم الله على عيونك
____
أسمَـع بجوف الخِيم ... چملة متروسه ألم
كَسرَت الخوّه يزينــب توجـع هواي
الصار كاروكه نَعَش ... يبَس طوله من العطش
الموت اجيبله سهم مو طاسة ماي
دگ اطبـول صَـهَـل اخيـول اي والله
رَغمهن و انته تسـمع يبچي عبد الله
شيگــومَك و ترجـــع للخيام
مالَك چفـوف اتشَلْع السهام
ياهـوه اليجي عونــك
اسم الله على عيونك
____
حيــل ما عِندك بَعَد ... رُمح بضلوعك گَعَد
مِـن أبو حِـضـن الحلو ماخذ مكانه
إجه الـ فاديه العمُـر ... گتله يا هــذه انتظُر
بس يجيني حسين گال حسين أنـه
يجُر گوّه النَفَس و يصيح يا بويــه
بُگـــيـــت لوَحدي عباس يا خويــه
وتحاچي روحك باجي الانفاس
لخاطر حسيـنك گـــوم عـباس
يا ضيـــعــتــه دونــك
اسم الله على عيونك
____
يا مِلحها لـ خوّتي ... بفرگتك وا ضَيعتي
حسين گلّك وحدي اظل شلون بيّـه
منين اشبگك بيّه هَم ... هنا رمح و هنا سهم
امن شوكت عــباس متـــباوع عليــه
وين الـچان يركــــض بالعلم تــوّه
گوم ويـــاي نرجــع لـ الخيم فدوه
يا بالفضل يرويحتي شبيك
تريـدك رقيه گـوم ارد بيك
بس افتــــح اجفونك
اسم الله على عيونك
___
عمي يا عمي صحت ... حسين مو انته المتت
من أجاك و من رجع مو ذاك الحسين
مَحني يمشي و العده ... اتصيح ظل لـوحــده
مات أخــوك و ظل يدير بدمعته العيـن
متت بس ما شفت من بعدك شيجره
أخوك الخيــــل بالطف طشرت صدره
و الحِضَن راسك منكسر راح
ينــذبح و يشــيلوا عالرمـــاح
ويّــــــا يــشــيلـــونك
اسم الله على عيونك
الشاعر حاتم صبري الكاظمي
سيفُ الله .. سيفه بالحومه علي الأكبر
وجـه اللهُ .. بالخيم يشــبه وجه حيدر
_____
سيفه موت الزلم .. كفو منه و نعم
علي موت و علي سطوه لا شبيه اله
علي شامخ علي الأكبر عزريــل الفله
علي من يدركه .. علي بالمعركـه
علي هزّم علي شرّد شمر و حرمله
علي صاحوا علي هذا حيدر كربله
مِلَه الطَـف .. رَعبهـُــم .. بالصوله
علي هـنا .. علي هناك .. معـقوله
تـــربــاية الكـــافــل ... ينعد بألف زلمه
يوصفه الأبو : ابني ... طـالع على عمّه
شمعة بني هاشم .. شمعة بني هاشم
أســدُ الله .. صـوت شبله بالوغـىٰ يزأر
سيف الله .. سيفه بالحومه علي الأكبر
_____
عالعــساكر نوه .. بسيفه سد الهوه
علي هِمه و علي اسمه جيدوم الحرُب
لَـضه سيفه و على كيفه نيــرانه تصُب
لو ركب عالفرس .. طشرها الحرس
علي دمدم علي حطم علي ما ينغلب
علي أقسَم علي صـمَم يگلــبها گــلُـب
نِزَل خوف ... و السيوف ... كسَّرها
دحــاهــــا ... الكــتــايـب ... دمـَّرها
أول شــخص شافه ... ميّت من الرهَــبه
الواگف وره العسكر ... گالوا وگـف گـلبه
بس ما لمح سيفه ... بس ما لمح سيفه
قـــوةُ الله .. قوة الله اعليها من يــگدر
سيفُ الله .. سيفه بالحومه علي الأكبر
____
علي ما أبسله .. ضربته زلزله
عله گصته طِلع أحمر عِرگه الهاشمي
من يـبارز دومـه فايز للهواشم سَـمي
علي شبل الأسد .. علي غيم و رَعَد
علي عزمه علي زوده قسور ضيغمي
طالبــيه حيـــدريه روحـــه الفاطمي
هَوه المـوت ... يشمّون ... نفحاتــه
يمــيــلـون ... من اتميل ... ريشاتـه
ما يرضــه عالعـيله ... شيخ الحرب سيفه
واحـــد عله الآلاف ... كل كـــربله بكــيفه
فوگ الوصف زوده .. فوگ الوصف زوده
نـــورُ الله .. من محمد نسخته و يزهَـر
سيفُ الله .. سيفه بالحومة علي الأكبر
_______
هجمته شاسعه ضربته الواقعه
و بيــساره و بيـمـــينه نــار الآخـــره
علي بالطف سوّه وحده للعده مگبره
للجماجم هِشم علي لمن هجم
اله صــوله بالبــطوله ( ريحٌ صرصره )
علي صوته و علي طوله يشبه حيدره
عله الخيل ... رِمه الخيل ... و ارجالها
اجه الموت ... حُـســـيناه ... لو گـــالها
قد قــامت الساعه ... لـــو رفَّـــت الخضره
بس ما رُفع سيفه ... الجيش انكسر ظهره
چف حيدره چفه ... چف حيدره چفّه
صوتُ الله .. جــبرئيل بإسـمه من كبَّــر
سيف الله .. سيفه بالحومة علي الأكبر
________
لـ المنافذ غِلق .. علي موت و نِطق
لا مــهارب بالحرايــب للعساكر نِسَف
و اليقاتل من يجابل من الأكبر رجف
سوّه سبحه الرگب .. بجفّه فرهُم غضب
سيفه سلطن سيفه يشرب من دمها النزف
كــل جثـثهم بيده يشــمُر وِصلَت لـ النجف
غَضَب صار ... مُطر نار ... سجِّـيله
المِـشه لـيه ... بلا روح ... يا ويــله
نجـــمة بني الزهره ... نـور الفــجـر عينـه
بظــهره أبو فاضـل ... دگ صدره بحسينه
روح النبي بروحه ... روح النبي بروحه
نـــــارُ الله .. بخــزرة اعيونه عله العـسكر
سيف الله .. سيـفه بالحــومة عـلي الأكبر
________
الشاعر حاتم صبري الكاظمي
عرّيــس الورد
دَمّك حَنّه چَفّك..يالمَيّت و زِفّك..عريس الورد
مو إنتــه تِــرِد
يمبچي خواتــك..مِتــغيره حلاتك..مو إنته تِرِد
___
دَللتَـك عـمُر...واعله الصبُر...نُص گلبي احِفّك
رِمشيني أمَد...وَكـــت البَرِد...بضـلوعي ألفَّـك
أمك بيك أهِم...تكبـــر حلم...و تحنـّي چفّـك
أمنـية النفِس...بـ أحله عرِس...يوليـدي ازفّك
أفرح و انسعِد
واتردلي دَلالك..من فدوه لجمالك..أفرح و انسعِد
مو إنتــه تِــرِد
يمبَچي خواتــك..مِتــغيرَه حـلاتك..مو إنته تِرِد
___
يا ريـــع التـعب...چنك ذَهـب...يا كل حلالي
قَمَري وَجنـــتك...وبضحكتك...حلوه الليالي
شمـيتــــك هوه...أجمل ضوه...بعــيني يلالي
من بعد الحسن...وبهالزمن...بس انته غالي
طبعاً تنحسِد
نسوان الهواشم..العدها مثلي جاسم..طبعاً تنحسِد
مو إنتــه تِــرِد
يمبچي خواتــك..مِتــغيره حلاتك..مو إنته تِرِد
___
ضَمَّـــيـــتَك ذُخُر...يــوم الكـبُر...لو شَحْ نَصيبي
تِسع اشهُر شِلِت...أمْ و گلِـــت...تَـعــبَك طَبيبي
الأُم دون الإبــــن...لمَّــن تِحِـن...تعرُف نَحيــبي
ربيــتك عشـــگ...يبني و صدگ...يسوه حلــيبي
يا شــيخ الولِد
من هسه ارد احشمك...بالطف افدي عمك..يا شيخ الولد
مو إنتــه تِــرِد
يمبَچي خواتــك..مِتــغيرَه حـلاتك..مو إنته تِرِد
_______
وصاني الحسن...يوصل ظعن...أهل الشهامه
لو طــب كربله...وحسين اله...ايلبسه العِمامه
گــــلّه والـــدي...يا سيـــــدي...يبلـغك سلامــه
يوصي قاسمَك...بمخيــــمك...ايزفــوا عَمامــه
اوگــفلَه عبِـد
يالتشبَه عضيده .. بس اتأشر ايده..اوگفله عبِد
مو إنتــه تِــرِد
يمبچي خواتــك..مِتــغيره حلاتك..مو إنته تِرِد
___
حسين برگــبتك...و بذمتـــك...لو مـــالـــه أحد
يا بعـد الگـــــلب...خل عالتُرب...يتـــوسد الخَد
جاسم بالدمــــه...و لفــــاطمه...متـــحني تصعد
يبنـــي احنه فِـــده...بيــت الهُــده...آلُ مُـحمـد
بالخيمه أصِـد
عمــاته الثواكل...ايزفوا بالهلاهِـل...بالخيمه أصِد
مو إنتــه تِــرِد
يمبَچي خواتــك..مِتــغيرَه حـلاتك..مو إنته تِرِد
_______
الشاعر حاتم صبري الكاظمي
لَفْ الخَضره' صاح العم' قرير العــين
ياهو الما يــنصــرك ؟ بــاع كل الدين
شما چان الثمن : شرّاي إلك يحسين
لو مالَتْ يحسين انخاني
_____
حَلاتْ العَمْ إذا بـ ابنْ الأخـو يكشَخْ
نَــفَس بيه و اخليلك رِمــشْ ينطَخْ ؟
لو مِــثلـــي بعد لو ما يجــيب الأخ
شِد ظهرك جسام احزامه
________
ما ريد العرس ؟ رايد زفاف الدمْ
بعدك يا حُــسين الهــوه ما ينشَمْ
الاكبر گال : خَل أنزف لـ ابن العَمْ
شگال القاسم :
ميّت لحسين اتزفوني
الشاعر حاتم صبري الكاظمي
.
قصيدة مولاي مسلم ابن عقيل عليه السلام :
Читать полностью…