4016
السلام عليكم الى الرواديد الكرام تم نشر قصائد الليالي الفاطميه 1444 هـ بتوفيقٍ من الله عز وجل ونظره من صاحب الزمان عج #نسألكم_الدعاء #الشاعر_حاتم_صبري_الكاظمي
مشـكـوره يا زهـرا ... لضلعچ بچيـنه
بالخدمه نظره نريد ... و تــوفـقــيـنـه
_______
دمعة گـلب يا ريت ... مو دمـعـة العين
نبچي و لا نـوفيـچ ... كل هـاي السنين
وفـقينه نلـطم ليچ ... يــا أم الحـسـين
قصـرنه نِـتــرجــاچ ... أنْ تِـعــذرينــه
_______
هاي المجالس دوم ... محسوبه نعـمه
المو زلمه بيها صـار ... يالزهــره زلمـه
حتماً عليها الـ مات ... الله يـــرحــمـه
باچر تِطفـي النـار ... لطـمة يـميــنه
______
كلها قصور وياج... عذريها الاحباب
لا ما وفـيــنــه ويــاچ ... من عصــرة البـاب
يالزهره نظــره نــريد ... من عين ابـو تراب
خير الله من عيــناه ... يمـطـر علـينــه
______
خيمه عله الخدام ... يا بـيـت الأحـزان
مدرسه اليدخِل بيه ... يتخَـرَّج انـسان
اليكنِس عزائچ صار ... يالزهره سلطان
شما نِنصه بين الناس ... باچر عِـلينه
_____
انطيتينه هالتوفيق ... أوضح عـلامات
نبچي عليچ و صار ... بثـلـث روايـــات
شبسـرعه هالايــام ... خلصت حرامات
شما ننتهي ويـاچ ... يعــني بديــنـه
______
مثل الرحىٰ الايام ... لو ظـلــت اتــدور
ما تنشَف الدمعات ... يا فاطــمه اتفور
من هسه متحضرين ... جايينه عاشور
هاي الحرارة تزيد ... ما تطفه بيـنه
الشاعر حاتم صبري الكاظمي
https://youtu.be/yd76289yogo?si=x3sWAebeq7L6wssj
Читать полностью…
شيسكت نَحـيبـه ... الي غـايب حبيبه
وعيـوني بفرگتك ... أبـد ما تِنــــام
يبو دمعه حمره ... عليكَ السلام
_______
أني الي عمري ثمنطعش ... و ضلوعي متكسره
أني الصِحِتْ يا با الحَسن ... رَجــعوني بالسطره
عالگـــــاع ما عــندي گبر ... و بگـــبري مِنتـظره
يا أخـــر أولادي صِحِـــتْ ... انــه أمك الزهــــره
وينك ... شوفه دمعي
وينك ... صاح ضلـعـي
مته بثاري تبدي ... دخيلك يمهـدي
الحيا يا بو صالح ... بدونــك حرام
يبو دمـعه حمره ... عليكَ السلام
______
امن اجذوع محروگه بحطب ... ولگلبك احچيله
وگـــــعـــت عليّه من الدَفِـع ... ألبـاب الثگــــيله
بالعَصره احس مِحـسن وِگَع ... محد إجه يشيله
و برجـله شِـفِــت افلان اجه ... يرفِس بكل حيله
يـــمتــه ... صــوتي ما غاب
اتحاسب ... الگالوا اصحاب
زَنيـــم الهويّه ... اليأذي الزچيّــه
متـه عالعِـصرني ... تِشيل الحُسام
يبو دمعه حمره ... عليــكَ السلام
______
شلونك يمن من البچي ... كل لحيـتك حمره
تنعه اعله ضلعي المنكسر ... بليل چــم مــرّه
غرگــانه أدري من الدمــع ... چَفيـتك الخضره
يم گبـــري گاعد يالولَـــــد ... لو گاعـد بصحره
ليلـك ... بس رزيّـــــه
دومك ... اتون عليــّه
أصيح بنحيبي ... اعله كيفك حبيبي
أخاف اعله روحك ... مِن الإهتضام
يبو دمـعه حمره ... عليكَ السلام
_______
يـمــي تعال بدمـعـتـك ... بون گلــبك و شوگه
( روحين ) نمشي بالحِـزن ... بأنـفاس مخنوگه
انزور الي ثوبه منسلب ... وضلوعه مسحوگه
التعبَن بناته من الركض ... و خيامه محروكه
و جسمه ... هيچي صاير
امطـــشَر ... بالحـــــوافر
السَحِگ خلّه صدره ... انطُبَگ ويه ظهره
تطوف اعله جسمه ... رِماح و سهام
يبو دمـعه حمره ... عليكَ السلام
________
أنسه مصـــابي و الجــره ... و السوته المو ناس
أنه أنعـه يوليدي أظل ... وانته الطم اعله الراس
عندي گمر عالعلگمي ... ينبــــاس ما ينــداس
من بطني لو رابع وِلَـــد ... اختار أنه العــــباس
الروحه ... كلــشي بيها
چفوفه ... امگطـــعيها
و نروح بمصيبه ... نزور الغريـــبه
انتِهَت من مصابي ... وبعد عدها شام
يبو دمـعه حمره ... علـــــيكَ السلام
الشاعر حاتم صبري الكاظمي
من القصائد التي اعتبرها هِبه من الزهراء عليها السلام كُتبت في 2019 عند قبر سادتي الجوادين عليهما السلام
Читать полностью…
قصيدة ليلة أمس | سلام الله |
الرادود المبدع | #باسم_الكربلائي |
الشاعر | #حاتم_صبري_الكاظمي |
__________________________________
ليالي شهادة مولاتي #فاطمة_الزهراء عليها السلام
الليالي الفاطمية الرواية الثانية
حسينية ام الحسن - #الفاو
https://www.instagram.com/reel/DQms95uDNik/?igsh=MXF4M2tkeHF0NzA5dQ==
آه لاوجاعك يا أمير المؤمنين يا مولاي ولكن ماذا عن ( وَجَع ) الحسين عليه السلام عند قبر الزهراء عليها السلام :
قصيدة | يا وَجَعي |
الرادود | #علي_الوائلي_الكربلائي
@ali_saeed_alwaeli
الشاعر | #حاتم_صبري_الكاظمي |
@hatam.s.k
_________________________
هيئة الشباب الرسالي - كربلاء المقدسة
الليالي الفاطمية 1447 هجريه شهادة مولاتي
#فاطمة_الزهراء عليها السلام
https://www.instagram.com/reel/DPtT7bkDEjT/?igsh=N2dvcThsY2Qwdjdz
زهرة نبيــنه ... إرضي عليــنه
_______
يا خيــــمــة الله الأمِـنه ... الناشر حنانچ بيهـا
كل فاطــــميه برأفتــچ ... خدامــــچ اتلميــها
دعــوه اعله بابچ بالدمع ... وبكل عزه نخليها
هاي الگلوب الحبتچ ... يالزهره إرضي اعليها
لأن حبـــيـنــــاچ .. برحمته البــاري
رازقنه خيرچ
صحنه ما ننساچ .. و بدمـــع جاري
ما عدنه غيرچ
ابابچ دعيـــنه ... إرضي عليــنه
_______
تـقديــر ربنــه برحـمته ... عالشيعه أنزَل نعـمه
گد ما نحبــچ من گلب ... الله رزقنـــه الخدمه
جاه البشر ما ينفعه ... و ميفيده ماله و أسمه
لو ما قِبَلتي فاطمه ... مَيقبــله رب الرحــمــه
بــاب نعمتنه .. اعلينه ما ينسَد
فاتحها ربـنه
بهاي خدمتنه .. و ثوبنه الأسود
أبيض گلبـنه
و لَطمَت إديــنه ... إرضي عليـنه
_____
ما نوگف اباب العزه ... ليــلة قــدوم امصابچ
هذه مكانــچ فاطمه ... وشگد تعشگه احبابچ
نفسه لچن أثگل بعد ... لِـذتــي وراه بعتـابچ
طگ ضلعچ انسمعه لَمَن ... يالزهره دِفعوا بابچ
بخدچ المسطور .. و بحـَمــار العــيــن
و بحزن واضح
بضلعچ المكسور .. المحسن تشوفين
عالترب طايــح
يمنه الحزيـنـه ... أرضي عليــنه
_______
( ما أُذيــت بنتُ نبي ) ... مثلچ وضاگت حسره
گوه تجرين النفس ... من ضلعچ و من كسره
الله يعيــنك يا عــلي ... عالمُـغتسـل يالزهــره
بيدچ زراگ ايشاهده ... و يشوف عينـچ حمره
يصب بدموعه .. يغسلچ بهــيده
گــوه يرفــعــچ
يلطم اضلوعه .. لَمَن حَس بيده
مِنكسر ضلعچ
بكَسـرَت وليــنه ... إرضي عليــنه
_______
كل المصـــايب هوِّنـــت ... أصعبـــها مرّت عالكون
شفـــتي الحسين بكربله ... بالرمـــح راسه يرفعون
و زينب على باب الخيم ... رَد ليـــها خالي الميمون
مگلوب سرجك صاحته ... بلا خويه ترجعلي شلون
آنــه يالمــيـمـون .. بيدي جدمتك
و انخمش گلبي
من رحت بحسين .. والله ودعتك
والباري حسبي
بگَطعت وتيــنه ... إرضي عليــنه
الشاعر حاتم صبري الكاظمي
مِــن اصعــب جروحي فارگتچ بدمعه
الفاگد حضن أمه شيصبره يالبـضـعه
بيچ شينسيني .. يا يمه كلميني
__
يا بعد العافيه وحچـايتچ نسـمه
و جرحي بفرگتچ يا بشر يفتهمه
منو ايعوِّض مكانچ يا أحن كلمه
على لســاني بعد ما گول يا يمه
من قصرت سنيـنچ انـه طِـوَل همّـي
من رحتي عن عيني صار اليتيم اسمي
شيسكت ونيني ... يا يمه كلميني
____
يخيمه وطحتي بس ما طحتي من بالي
يا هــو ايسِد مكـــانچ مـــوحش خالي
يشِـيب اللي سِـمـع وني و نِـظر حالي
شــالوا لـ الگــبر تـــابــوتـــــچ اگـبالي
شينشف دموعي يا الزهره من بعدچ
و گــبـــالي تتــراوه سطره على خدچ
احچي بدمع عيني ... يا يمه كلميني
_
تــمرني الذكريات المره والحلوه
و عليهن بالصــبر يالزهــره اتگوّه
شلون انسه السياطه اعليچ تتلوه
شلون انسه تجــــرين النفس گوه
أكبـــر جــــرح بيه يا فاطمه بوضعچ
عالمغتسل شفته حيدر لزم ضلعچ
ويا صحت تدريني ... يا يمه كلميني
_
بزوايا النوح صارت روحي مركونه
الفاگـــد امه بيش أهله يصــبرونه
حــنان الله اشوف مغمض عيونه
تمنـــيت بگــبر واحد يدفـــــنونه
الله يساعدها روحي على الفرگه
بلا أم يـزهـره حياة البشر خنگه
الهمومي عفتيني ... يا يمه كلميني
__
تفارگنه وبده لـ يوم العطش ينعَد
لـ ملـگـانــه جمر بالــروح ما يبرَد
إذا بالطــــف أنادي وماكو صوت الرَد
تجيني من على صدري الشمر يصعد
لمن تـشوفينـــي أرفـع الچ ايدي
عالشمر صحتيله لا تذبح اوليدي
و هنا أحضنيني ... يا يمه كلميني
حاتم صبري الكاظمي
غابت ورده منكم ... مو كامل ظعنكم
يا خويه زينب صدري مشتاگ لرقيــّه
______
يــوم اربـعيـنه ... أختــه الحزينــه
من السبي رجعت إله و شبگت ترابـه
ويّه أغله ناسه ... ردتـــله راســــه
شـلونـــك تگله يا حُسين و رَد جوابه
حاچـاها نحره ... و زينب تنــظره
حَد ما وِصل جرح الذي يوجع مصابه
رديتـــوا لَـــيه ... و مـــاكو رقـــيّه
گالتلــه يبن امي دفــنـــاها بخـرابـــه
ماتت بالمُصيــبه ... هاي اصغر غَريبــه
و من نحره الحسين اطلَعَت ونّــه خــفيّه
_____
مِــن ودعــتها ... تبـــچي عِــفـتـها
و بين العساكر و اني افكر بيها مِهـتَـم
و بنـص قتالـي ... و هيـّه اعله بالي
وگــفت تباوعلي عله اطراف المُخيـــم
ما أدري بــنتي ... شــافـــت ذبحتـي
من السيوف امگطع و غارگ مِنِ الدم
بذيــج المــسيّه ... ركضـت عليّــه ؟
بخـيل اعوجيّــه شافِــته صدري تِهشّم
الاب أحله حياته ... لو دلل بــناتـه
و راح الدلال و طفلتي راحت سبيـــه
______
اتجاوب ونيــنه ... بدمعه حنينــه
خويه بعد حرگ الخدر سلبوا أهلها
سلاّب إجــاها ... يركــض وراهـــا
مرعوبه نيران الخيم حرگت رِجلها
الكل حـــاوطوها ... و من چتفوها
بنتك رقــيه اخشن حبل خلّو حبلها
صاحت بالونين ... الحگلي يحسين
بعدك يبويه طفلتك ظل يا هو إلها
شحچيلك عليها ... السوط شسوّه بيها
چم مره شافت بعدك الطفله المنيه
_____
نمشي بسـبـينه ... و راسك عليــنه
ايدور عليها و عالرمح دمعك لگيــته
لاگـتـها الالام ... بالكوفــه و الشــام
خوفي عليها كل طريق الي مِشيــته
بليلي و مصابه ... اگعدنه بخرابــه
لـ بنتك رقيـّه جابوا الراس و مِنيتــه
اسمعت بنحيبي ... شلونك حبيبي
راسك يبـــويه منهو خضبله لحيتــه
فوگ الراس أحسها ... لَنْ گطعـت نَفَسها
و بدمعتي مَيــته شِـلتها بيـن اديــّه
______
لمّن شــلتها ... و من غَســلتها
گلبي انكسر بين امي بدموعي شفتها
أحمر جـفنها ... و أزرك مَـتـنها
بالگوّه ويّه أبنــك علي بيدي ادفنـتــها
بشــام الرزيــّه ... ظلّت رقــيّــه
هـاي أغله ورده بعمرك هناكه عفتها
صح هيّه فرگه ... بس بعده ملگه
بگبرك واحس گلبك جمر من فارگتها
هالليله طِفلتَك ... تحضنها بدمعتك
محله الابو وي طفلته رجعوا سويّه
الشاعر حاتم صبري الكاظمي
https://youtu.be/IpGXCJ3u0b4?si=vwS8FLbaaqq2jscG
Читать полностью…
الشمر لمتونها بسوطه يرنها
التـراچي حيل چفــيـنه يرنها
بنات الشـــام يا وسـفه يرنها
و يضحكن اذا عِـثرت رقيه
حاتم صبري الكاظمي
https://youtu.be/h6Y-WY75tgo?si=x62IcQjjkg_6Qogq
Читать полностью…
أَمْنِـي راســي يبـــاريچ
خيمه يا زينـــب اعليچ
عالرمح يخْتِي احاميچ
_____
إطمَئِـــني بالسبي موجـــود حمّــاي
يختي و بحر الظهـيره راسي الفْياي
شِـمِر لو شفتي عليچ و حرمله جاي
صيحـــي(إيْاكم) تره العَـباس ويـاي
يصيح بس أَشري عالراس
شو عَــدِل چــنّـه عــــباس
بعــينه فَـــنّه يصد لـيچ
______
عينــي ما تغْـــفِل يزينـب و لَو مَـرّه
حتى من خَـلفْ السهم طولچ أنظره
وبغَـلاتْ احجـــابِچ اعليـچ التِــجَرّه
بخزره وحده إله أكسِر يختي ظهره
والـ يمـِـسِّـچ أَنَـــدمَـه
بَعــدَه ما جـابِـتَه أمَّــه
بيّـه إنتــي وأنه بيچ
_____
يخــتي شُــبِّــهْ إلهم انتي بيدچ احــبال
حجاب الله ينــسبي لا يخسه من گال
مَلِكَه و شيباتْ راسي لـخِــدرچ ارجال
و هودَجچ جبريل فوگ اجناحه شَيّال
بلا رُمـــح ينظــــرولـي
يمچ أمشي اعله طولي
براية الغــِيره اغَطـيچ
_____
أه لو چَــــف واحد يـرِد بس إلـيّـه
ينشطُب أسم السبي و كلمة سبيّه
بالحـــمايّـــه و الــسِتر أنتي عــليّه
و علي الأكبر راسه ما يتـرُك رقـيّه
بــــس تِـأَذِيـنـــي وَنّـه
شلون اَسَكِتْهه سِكْنَه
شحچي لمّن تحاچيچ
_____
سكنه لا ما مِستعدّه يدري الأحساس
تْشوفني فوگ الرمح زينب فقط راس
من تســألچ هذه ياهو اگبال هالناس
تموت خـوفي من تگولي راس عـباس
تصيح عَـمّه و چـفوفه
ليش بس راس اشوفه
اتْبَچِّي عيني و تِبَچيچ
_____
هذه عهـدي وأنه گــدهه يالـوديعــه
أشتري خدرچ أنه و كلــشي أبيـــعه
أمـــرچ و حته بعد مــــوتي أطـيعه
فـرقتـــــنه الله لا ينـــطي الشـريعه
حته و انتي بمصابچ
أبقه حارس حجـابچ
أعــذريـــني أنـاديــچ
الشاعر حاتم صبري الكاظمي
لا سكوت .. طول السبي يحچي الجرح
كون اموت .. و ثــنينه فـــوگ الــرمـــح
_____
اوياك ضميت السـوالف بـ ألف بـير
ما شِفِـت من يوم ذبحك خويه خير
يا بو رمح العالي حَبْل ايدي گصـير
وحگ شِــيبَك جرح خوتـنه چــبيـر
كون اعيش .. ويّـــاك انه قصــة الذبـــح
كون اموت .. و ثــنيـنه فـوگ الــرمـــح
______
تدري چم مرّه ارد امـوت بهالشــهر
لفرگتــك من لـيــلة الحــادي عَشر
الرمـح لو عنــده يبــو الأكـــبر ظَهَر
چــان من اسْوالفــي اويــاك انكسَر
بدمعي باب .. بـس لـ مصــابك ينفتِــح
كون اموت .. و ثــنينه فـوگ الــرمـــح
_______
هواي بـچتــني رقــــيـــه شلــون هاي
مدري شنهو بچفها اجت تركض وراي
رغـم عطـــشــانه و تنــــاديك ابگـفاي
بويه عوف الرمــح و اشرب بيدي ماي
من الفرات .. ضمـــيته من خلّو يِشِح
كون اموت .. و ثــنينه فـوگ الــرمـــح
________
رمل حار و شوك مَتروسه الأرُض
خَلصــتها عله اعيــالك بس رَكُض
الرمح ظل يهتَز عليّــه و ينتــفُـض
لَمَن شــاف الســوط بمتوني يرُض
شرد اگول ... و مْصابي لا ما ينشِرِح
كون اموت .. و ثــنينه فـوگ الــرمـــح
________
الدنيا و الكوفه بهضمـتي تِـشْـتِـرِكْ
و ناسـها متــحــبنه أجــزم ما أشِــكْ
الشـــام گالـــوا ذيج ظلـــيت ارتبكْ
هناك نلگـه شَتِم و طبول و ضِحِكْ
هنـاكه نار ... من گلـبي لا ما تنمِسِح
كون اموت .. و ثــنينه فـوگ الــرمـــح
_____
صوتي مبحوح وخِفَتْ من الونيــن
و كِثُر ما عالتَّل صِحِتـلك يا حسين
من أجيك الشـمر : زينب گلّي وين
من البچي اعليكم بعد ما عندي عين
عندي ليل ... من فرگتك صار الصبح
كون اموت .. و ثــنينه فـوگ الــرمـــح
_____
راح اطب الشـــام واستقبل رذيل
و ما أخلي يشوفني تعبـــانه حيـل
بقصره بلساني و كلمتي عنها قيل ؟
هاي زينب تحچي لو هذه الكفيل
بـ إنتصار .. قَصره و غـروره أكتِسِـح
كون اموت .. و ثــنينه فـوگ الــرمـــح
الشاعر حاتم صبري الكاظمي
https://youtu.be/JzXJQVX0StY?si=9ZQuNdqmu4ZgWSfN
Читать полностью…
بجروحه باب ... دنيه العذاب
گلبـــــه علي ... تَحتِ التراب
عالزهره صحته بدمع العين
الله يعـيـــنك يا بو حــسين
____
هذاك الـ ينسِــــمِع يم العـرش صــوتــه
و نِجَد (خامسها بعد العَشرَه) من حُوته
الخـــيــبر مِـن قِــلـــعها ابعض من قوته
مــا شــايــل الزهــــره شـــــال تابــوتـــه
ويه الزهره عاش ... أحله حياة
و من عافـتــه ... چم مره مات
الساعه بعدها عنده سنين
الله يعـيـــنك يا بو حــسين
_______
أدور بالبــــشــر محد وصـل صبره
علي گــــدام عـــينه مـــيته الزهره
يشم گوّه الهوه من شاف هالنظره
محـروگه أديــــها و عالوجه سطره
بحاله شيصير ... ايشوف بنياح
الباب الثگـيل ... فوگــاها طاح
صوت الصبر من ذاك الحين
الله يعـيـــنك يا بو حــسين
__ـ___
عالمـغتـــسل دمعاته حِچت چَنها
صـدگ بچفـــوفك الزهره تِچفنها
اشيگول لزينب و لو ناشدت عنها؟
مكـــسورة ضلــع بالليـل دافـــنها
مدري شيگول ... لو رَد وحيد
زينــب تصــيح ... أمـــي أريــد
اتهِـز گلبه كل ما گالت وين
الله يعـيـــنك يا بو حــسين
______
علي شِـيب المَــلامح بي ألِــف فاگِـد
اليگعِـد بالسِمــه بالمگــبــره گــــاعِد
ينــــاس صواب حيدر مِكلِف و چــايد
فُـگَـــد مَنْ چــان ويا بالنَفَـــس واحد
ذاك الجـِـــــبـَـــل ... المَتهزه ريـح
اعله الزهره صار ... يوگــف يطيح
الرايحله غالي يجيــبه منين
الله يعـيـــنك يا بو حــسين
_____
علي ايفزِز الميت لو سِمَع نوحــه
غير الزهره ياهو اليعرُف جروحه
اعله خدها الازرگ اعله التُرُب مطروحه
علي يدفـــنها مدري يدفِن بروحه
نــــاداها آه ... يالروحي بيچ
من التراب ... خايــف عليچ
لا يلـــچم الخَـد و الضلعين
الله يعـيـــنك يا بو حــسين
______
رِجَـع واتخيّـــل يناديهــا من دونــچ
مكسور الظهر مِن غُمضَت اجفونچ
يلون العافــيــه و راح ابگبــر لونــچ
شسوي ابيــت ما بي فاطمه عيونچ
لو ما القضاء ... احچي بسكوت؟
يالزهره كون ... ويّـــــاچ أمــــوت
ما خَلّه عنده احباب البيــن
الله يعـيـــنك يا بو حــسين
_______
الشاعر حاتم صبري الكاظمي
أعظم نعمـه ... حُب هالخِدمه
تِكْبـَر بيــنه عشگ عام بعد عام
بيها النظره ... بكيف الزهره
لو مــا تِـرضــه فلا عِـشـنـــه خِدّام
____
عن جـميع الطــوائـف عِــليـنه
الزهره مِسحَت بديها عــلينه
لـ الوديعه..صرنه شيعه..بعشگ
شما تِطَشَــرنه عــدنه عقيــده
فاطمه اتلمنه مثل القصيــده
الدنيا هيمه..وهيه خيمه..بعشگ
و بهالعشك عاده ... نِخدِم جَـدّة الساده
ماكو أحن منها .. شالتنه بالعين
شيمه فخر تقوه ... إحنه لـ البشر قدوه
گاموا يلقبـونه .. أولاد الحْـسين
شيعه و نفخَر ... طينة حيدر
صرنه و ماصرنه من طين الاصنام
الطينه الحمره ... بكيف الزهره
لو مــا تِـرضــه فلا عِـشـنـــه خِدّام
_____
من الالفــين و التلاثـه نمشي
الطـائفيــه و لا غــــيَّــرَت شي
شگد صِمَدنه..إحنه عدنه.. علي
ايطيــحونَـه لچن نِعلَـه رايـــه
نـبقــه ليــرة ذَهَـــب بالولايه
لون اهلنه..صِحنه كلنه.. علي
مُنذُ زمن آدم ... إحنه سادَة العالم
صارت هويـتنه .. حُب حاميِ الجار
و الباري مَـيَّزنـه ... بحُبْ أم الحَسن فِزنه
لؤلؤ نوايانــه .. و الناصـــبي احجار
مو حُب چذّاب ... ما نِكسر باب
زيــن و مو زين تِـكِشــفـه الأيام
إحنه الفُـــقره ... بكيف الزهره
لو مــا تِـرضــه فلا عِـشـنـــه خِدّام
______
بيضه نيَّــتنه بس أسـود الثــوب
و اعله گصتنــه يالزهره مكتوب
عدنه هيّه..الفاطميّه.. وطن
شِجرة آل النبي امن الله رَيْــها
اعلينه مَدّت يَــدْ الزهره فَيْــهَا
الدنيا دارت..إلنه صارت.. وطن
كل خادم الـ يتبَـع ... مِن مَجلسها ما يطلع
إلّه الله غافِـرله .. و بيميـنه الكْـتاب
يستَغني عن شانه ... لخاطر أعظم انسانه
يستاهل انگلّه .. خـــــادم أبو تْراب
مجلس فاطم ... جنـة الخادِم
و بعين أهل البصيره ( ألخيام )
توفيق أمره ... بكيف الزهره
لو مــا تِـرضــه فلا عِـشـنـــه خِدّام
_____
الأفــئدة الفــارغه الـ ما تِحبها
وفاطمه الشيعه تِرسَتْ گلبها
ومن غرگنه..نحس عشگنه.. هوه
ما تِجَمعنه في هالمجالس
إله شافتــنه بالحُب عوابس
أمنه تبقه..هيــّه أنقه.. هوه
( ما الروحُ ما النَفْسُ ... ما الأرضُ ما الشَمسُ)
( ما البرُّ و البحرُ) .. عبيد الزچيّه
عالدين عالفطره ... كلنه بـطــاعة الزهرة
وأحله أسامـــينه .. ( الرافضيّه )
وشگد تدعي ... ربي بضلعي
أحفظ شيعتنه من كل الاثـام
الحلوه المرّه ... بكيف الزهره
لو مــا تِـرضــه فلا عِـشـنـــه خِدّام
_____
وين أكو شيعه تلگــانه نخـوه
لـ الوِگَع نِــفزَع ابفَــزعه حلوه
بكلشي نخطي..شيعه ننطي.. درس
انشِد ظـهر ويه ظهر بالعـوائق
الحلوه ما بـينه واحد مُنـافـق
بلا مطامع..بالتواضع.. درس
هالخدمه رَبـتــنه ... صار حسين خيمتنه
و الزهره دلَّــتنه .. الخَط الولائي
و بدمنه سجَّـلـنه ... تِـشــهد كربــله إلنه
أروع مثل عدنه .. جِهاد الكِفائي
انطانه الهمّه ... شيخ الخِدمه
چَـــفّ العبــاس يِشِد إلنه الحزام
انرف بالخضره... بكيف الزهره
لو مــا تِـرضــه فلا عِـشـنـــه خِدّام
الشاعر حاتم صبري الكاظمي
يُحكىٰ أَنَّـهـا ... يَعلُـو أَنُّــها
كُـلَّـما تَنَفَسَتْ
فـاطـِمٌ تَألَمَتْ ... وا ويلاه ... وا ويلاه
_
شايفلك بشـر مكـســور ... بالگوه الدوه اينـفــعَه
شِيحِس الذي ابســمار ... نُصـيـن انـكِـسَر ضِـلعَه
بچف مَچويه عالحايط ... تتوچه و عله الدمـعـه
الزهره تگول إلمن آه ... كسر لو عصره لو صـفعه
عاشَتْ حانيه ... ماتَتْ باكـيـه
رُوحُها تَهَدَمَتْ
فــاطـِمٌ تَألَمَـتْ ... وا ويلاه ... وا ويلاه
__
من تتوضه مدري شلون ... تِـصُــب المــاي ما تگدر
من السطره حتى الماي ... تشوفه يجري لون أحمر
تدعي بأيد وحده و إيد ... تِــلــزَم ضـلـع المـكــسَّـر
من ايشوفــها ابهالحـال ... حيـــدر صــار مو حيدر
مِنْ عُمقِ السكوت ... خافَتْ أَنْ يَموت
في بكائهِ اْنحَنَتْ
فــاطـِمٌ تَألَــمَــتْ ... وا ويلاه ... وا ويلاه
___
ما أدري بعــلي شيصير ... اگبـاله الزهـره تتلــوّه
بدمعه يختنگ لو شاف ... تجُـر النِـفَـس بالگــوّه
ابيش اتضُم زراگ الخَد .. و چفها مِحــترگ تـوّه
تگلّه اصبُر يگلها شلون ... الدنيه بعدچ اشتسوه
قالَتْ ها هُنا ... أنتَ يا أَنـا
الوداعُ و سَكتْ
فــاطـِمٌ تَألَــمَتْ ... وا ويلاه ... وا ويلاه
___
عليچ الزهره يالزهره ... يــگلها لا تعــوفينـي
تره حـيدر بلا حيـدر ... أصيــرن لو تخلـيني
يون و يگلها لا گومي ... سكوتچ لا تسمعيني
إفتحي عينچ الحمره ... إذا متي شلي بعيني
ذا عَيشي لِـمَـه ... قُومي فاطمه
حينما بَكىٰ ؟ بَكَتْ
فــاطـــِمٌ تَـألَـمَـــتْ ... وا ويلاه ... وا ويلاه
___
مـِـشــه للمُغتَسَل شايل ... روحــه شـلـــون مـا أدري
يگلها اشلون ادير الماي ... عليچ انه ارد اصُب عمري
تره اليـدري بالمـفــارَگ ... بفرگتچ والله ما يدري
للمغتـــسل مِنْ البــاب ... ألف مـرّه انكسـر ظهري
يَنـعىٰ ما أَتــاه ... وا فاطِمَـتـاه
كلُّ شَئٍ قَد صَمَتْ
فــاطـــِمٌ تَـألَـمَـــتْ ... وا ويلاه ... وا ويلاه
___
طِلــع بالليــل شايـلها ... ودمعته اطيح چنها الباب
مو فاطمه بالتابـوت ... گـلــبــه لـ المـگـابر جـــاب
مدري شلون يدفنها ... صعـبه دَفـنَـتْ الأحــبـــاب
أبو تراب بدمع روحه ... گــوه ايهِـيل بيــده اتراب
استَـوْدِعُـكِ ... قَـلــبي مَـعَـكِ
قـالَـها و انخَـتَـمَتْ
فــاطـــِمٌ تَـألَـمَـــتْ ... وا ويلاه ... وا ويلاه
الشاعر حاتم صبري الكاظمي
..
السلام عليك يا مولاي أينما تكون فقد طال الاصطبار على فراقك يبن الحسن عجل الله فرجك الشريف
#حيدر_البياتي
#حاتم_صبري_الكاظمي
https://www.instagram.com/reel/DQeRSaODHNU/?igsh=MThrcnAwY3F6Nnp0dA==
ماتَــن و ماكو فَـرِق بيـناتهِن
ضلوعهن متكسره ثنيناتهِن
وافاطمتاه ... وارُقيــتاه
______
امن اكتب فاطمه تطلَع عَلَي عصره
و من اكــتب رقــيه تـنرسـم سطره
أوجُـــه بالتشــابه مِـشَـن محــنيات
الضرب بمتونهن خــلاله چم حُـفره
تگوم كل وحده و ترد بس طايحه
و السيــاط اعليـــها جايه و رايحه
وافاطمتاه ... وارقيــتاه
______
الزهره البـاب ما قَـصّــر امچـــويها
و رقيه الجُــمر ماكـل لَحَم رجـليها
انطــبگت فوگها البــاب شيوخـرها
و رقيه الخيمه نار وطاحت اعليها
وحده تبچي دِمه ابيت أحزانها
وحده بالهــيمه تِــدور اخـوانها
وافاطمتاه ... وارقيــتاه
_______
منو اليرضه عليها و گُصته ما تِعرَگ
أمـــام النــاس خَد أُم الحسن ينطَگ
يعــالــم والله صــعبه هـــاي عـلويه
اليبوسه حسين خدها من الضرب أزرگ
هاي شــافــت دَم أخــيـر ابنينها
و ذيچ ما شافت ضلوع حسينها
وافاطمتاه ... وارقيــتاه
________
الأميره بكل لَقب راقي ينادوها
و الزهــره بشــتم طه يرَجعوها
و من تِعثر رقيه بالحبل مَتگوم !
فوگ اسياطهم گاموا يشتموها
ضلع واحد فاطــمه موضوعها
و هاي كلها امكسرات ضلوعها
وافاطمتاه ... وارقيــتاه
_______
الهَوَه امن الضَرُب چانت گوّه تِشتمه
امنين اتگــضُـها صاحـت آخ يا عمّـه
من ذاك الزمن والسوط أخو البسمار
و كَسُر أم الحسن بس حيدر ايفهمه
الزهراء : بهيده فاطم من تِسِد اعيونها
رقيه : عالتـــــراب البــارد اينومونها
وافاطمتاه ... وارقيــتاه
______
لفـــاطــم و لرقــيـه حَـگ إذا ننحِب
و اكو وحده عليها من البچي نتعـب
الأُمِّ و بت أخــوها ثنيــنــهن شافَـت
اشتِـحمل يا جــرح آ يا گــلُب زينب
مِنِ التَل صوب الأخو بأحساسها
رَكـضه وِحــده شَيبَتْ كِل راسها
وافاطمتاه ... وارقيــتاه
الشاعر حاتم صبري الكاظمي
من عـنده مـمنونين ... كلشي نطانه حسين
صرنه بـ وَلي النعمه ... أســياد بالخــدمـه
____
الزياره حانـت و صار العزه قـائـم
بتوفـيق الزچــيه و نَــظــرة القائم
بخدمته حسـين ميزنه عن الوادِم
و هنيــاله اليصير بـكــربلــه خادِم
توفقنه هذه العام ... هم ننحسب خِدام
صرنه ابخت أسمه ... أســياد بالخــدمه
_____
أجتي الاربعـين و بيــنه چـــم جابِر
يوصل لـ الحــسيــن بدمـعتــه باچر
كـلمـتــين اليحبــهن صاحها الخاطر
( عساكم ما تعبتو ) و ( هلا بالزاير )
صوت الضماير گال ... لحسين يسوه المال
و بكلشي النقدمه ... أسياد بالخدمه
______
اليمشي بخــطوه الله يبــارك بعمــره
و اليخـدم الزايـر حــــيــدر ايشـــكره
المهدي لو بده مجلس يجي ايحضره
أبو الموكــب تـــره أجــره عله الزهره
الينطيله شي بالذات ... يكثر عشر مرات
بحـسين ابو اليمه ... أسـياد بالخـدمه
_______
على خـــط الخــدامه نســتمر سنيـن
و مـــثلها خـــدمـة الزاير نحصل وين
المرض ما يمـنع و ما منّـه رفت عـين
دواء المرض كلّه مجلس اعله حسين
يتشافه كل منصاب ... لو بس يبوس الباب
و تــرابــه لـو شَـمّه ... أسياد بالخـدمــه
________
الأخــلاص بالخـدمــه أهــم عامِــل
شما يكثر تظـل بالخــدمه متواصِل
لا تـهتـم أبــد و شما حـچـي اتقـابِل
اليمشي عدل دوم بظهره ابو فاضل
الله رفـعها النــاس ... بزيــارة العــباس
من نجتمع يمّـه ... أسياد بالخدمه
الشاعر حاتم صبري الكاظمي
.
وقفت في باب الحسين | عقيل الاسدي | النجف الاشرف - محرم ١٤٤٧
https://youtube.com/watch?v=h-scJ2I5DjU&si=-wEhVYyPE60jYzPa
https://youtu.be/i6ZnCckUZbs?si=RVdDXQbic9tNfHGM
Читать полностью…
أموت وذكريات الشام بعيوني
و يا لون الشمـاته غيرت لوني
________
من نظرت حقدهم گلبي ما يفتك
نسوان و زلم تتشمت و تضـــحك
من ابچـي اباوع راســـك اتحـرك
اجي يمك يخـــويه ما يخـــلوني
_______
زينب و السبي لـ المثلي لا ميـلوگ
چم مره طحت ما اگلك من النوگ
چم علويه عـثرت بالحبل بالسوگ
من اركض عليها بسوط منـعوني
_______
الشام الصار بــيها لا أبــد ما صــار
گبال عيوني موقف وج دليلي بنار
راسك ينضرب فوگ الرمح بحجار
من فوگ السطح أسمع يشتموني
_______
أباوع و المـــتن مـن الضـرب مايـل
موقف أخذ حيلي و ريته ما حاصل
گبال عيوني ضربو راس ابو فاضل
و من الناگه اطيح بدمعي خلـــوني
______
طفل جاني و عرفته بدمعه هماله
بي ريحة اهلنه اســألنــي بحـواله
راس حسين خالي وينــه يا خـاله
وين بيــا رمــح مشــيول دلـــوني
_______
(مو هيه أظن هيه) حديث الناس
بالديـوان اسمعهم : امهبطه الراس
مو هـــاي اليسموها اخــت عباس ؟
من حنوة ضلوعي الگوم عرفوني
الشاعر حاتم صبري الكاظمي
....
جَبل صبر ... بالسبي لگوها
أم الخِــدِر ... لو عـلي أبوها
_______
ثورة نَصُــر زينـب علىٰ سبــيهم
بچفــها الحِبـال و چَتِفَتْ أديهم
ماكــو زِلـــــم كل آل اميّه بيهم
زينـــب الطبَّـــت لو علي عليهم
انهَز القصــر ... والله مِنْ حچوها
أم الخِــــــدِر ... لو عـلي أبــــــوها
_______
جيشـه المُدجج بالقــــصر يِلـــمّه
لمَّنْ تِـــذلّه مَـــرَه وِحــــده زَحمَه
بس تِرفَع إصبع لـ القــصر تِـهِدمـه
گـــدام زينــب والله ماكــــو زلــمه
أبو الفضل ... هيه مدري اخوها
أم الخِـــدِر ... لو عـلي أبـــــــوها
_____
لا ما تِـصَـغُر : نَسَــــبـي و إسِمعه
بِـــتِّ الي قـالِع خَيبـــر بـ إصـــبعه
عَرْشَك يزيـد بكلمه وِحْـدَه اقِلعَـه
راسَــك أنزله و راس اخويه ارُفعَه
كلمة نَصُر ... والله ما نِسوها
أم الخِــدِر ... لو عـلي أبـــوها
______
طف كربله الثـاني بقصرهُم شِفته
من صاح زينب شاف موته سكـته
صـَه يا يزيد بصـــوتك الخِنـگــــتـه
هوّه انته يا هوه گبال زينب انتــه
أنا التـــــي ... سِبَتْ ما سِبوها
أم الخِــدِر ... لو عـلي ابــــوها
_____
لـ الشـــام زينــــب بالقصر تگلها
( اللهُ اكبر ) ذولـــه احنه اهــلها
زينب شرف و الشـرف دَنگ الها
والـلٓه مَـذلول اليــگـــــول اذِلها
اتظل شامِخه ... و تِعلَه شاهِدوها
أم الخِـــــــدِر ... لو عـلي ابــــــوها
______
منصوره تمشي و النصــر وراها
مثل القصــــيدة بكربـــله قراها
صوت النـــحر بالاربعــين أجـاها
وين الي شَرْفَت بالسـبـي أخاها
روس الاهــل ... بهيــــبه كلمــوها
أم الخِـــــــدِر ... لو عـلي ابــــــوها
الشاعر حاتم صبري الكاظمي
تخميس الشاعر حاتم صبري الكاظمي لقصيدة الفرزدق المكتوبة في حق الامام زين العابدين ع ..
إنْ قُلتَ بـدرٌ لـقـد أَخفَيتَ فِـلقَتــَهُ
نُوراً حَوَتْ مِنْ رَسولِ اللهِ خِلْقَــتَهُ
هـذا الذي تعــرفُ العَـلياءُ سَجدَتَهُ
هـذا الذي تعــرفُ البطحاءُ وطأتَهُ
و البَيتُ يَعرِفُهُ و الحِـلُّ و الحَــرَمُ
_
قَدْ خابَ مَنْ في عُلـومِ اللهِ جَادَلَهُ
اللهُ فــي مَـــرتَــعِ الأنــــوارِ أنــزَلَهُ
قالَ اللئـــيمُ فَـمَنْ هذا؟ فَقــلْتُ لَهُ
هذا ابنُ فاطـــمَةٍ، إنْ كُنْتَ جاهِلَهُ
بِـــجَــدّهِ أنْبِــيَاءُ الله قَـــدْ خُتِمُوا
_
إنْ يَعطَشِ الليلُ يَسقِيهِ بنــاظِرِهِ
وَريثُ بيــتٍ تَــرَبىٰ في مَحاجِرِهِ
ذا خــيرُ تَقــوىٰ الإلهِ في شَعائِرِه
وَ لَيْـسَ قَـوْلُكَ: مَن هذا؟ بضَائرِه
العُرْبُ تَعرِفُ من أنكَرْتَ وَالعَجمُ
_
مــا سـامَرَ الليــلَ إلا فــي تَـعَبُّـدِهِ
إذْ ساجِدَاً قَدْ أتىٰ في يومِ مولدِهِ
فـ اللهُ جــاعِلـُــهُ وَريــــثَ أحمدِهِ
ما قــال: لا قــطُّ، إلاّ فــي تَشَهُّدِهِ
لَــوْلا التّــشَهّدُ كــانَـتْ لاءُهُ نَـعَمُ
_
كَـــريـمُ كَـــفٍ نَــعــمْ مــا رُدَّ ســائِلُها
ما كــانَ (فِعـْلاً) فـ للأســماءِ (فاعِلُها)
فِــيهِ صِــفـاتٌ لــقَـدْ قَــلَّتْ قَـــلائِلُها
إذا رَأتْـــــهُ قُــرَيْـــشٌ قـــالَ قـــائِلُها
إلى مَــكَـــارِمِ هـــذا يَنْــتَهِي الكَــرَمُ
_
ذا خَيـــرُ مُنْـــتَبذٍ فـي اللهِ ما انتَبَذَا
قــالَ الفرزدقُ فيهِ الشـــعرَ قُــلتُ لِذا
الفضلُ في الأرضِ يا ناسُ يعودُ لِذا
مَن يَشــكُرِ اللهَ يَشــكُرْ أوّلِيّةَ ذا
فالدِّينُ مِن بَيتِ هذا نَالَهُ الأُمَمُ
__
الشاعر حاتم صبري الكاظمي