4016
السلام عليكم الى الرواديد الكرام تم نشر قصائد الليالي الفاطميه 1444 هـ بتوفيقٍ من الله عز وجل ونظره من صاحب الزمان عج #نسألكم_الدعاء #الشاعر_حاتم_صبري_الكاظمي
(قصيدة في ذكرى ولادة الامام الرضا ع)
.
ياعلي ابن موسى الرضا
مولاي يا علي
...........
كل كلمه بمحبتك قاصره
شما بيها اتنغّم
لو گتلك " دِلَم " لو " چَشم "
لو يا سيدي " جونم "
ضامن ... غزاله
روحي ... فداله
فدوه ... لجماله ... ولـ عينه و لـ عينه
"دوسَتْ دورم" ندانه غِده
من حفــلنه إلى مَشهده
مولاي يا علي
..........
بانغام الولاده بالولاده
غردت روحي
سلطان النفوس محبته
هية دوه جروحي
افراح..مســرات
أرض...وسموات
صاحت..هتافات....غالينه غالينه
بالشــمع و الورد هالحــفل
بفرحة المهدي بس يكتمل
مولاي ياعلي
........
ابابك كلشي بيه بالفرح
يا سيدي صله
عاشك ثم عاشك ثم عاشك
يالرضا والله
والفرحه..عنــوان
ورده...اعله بيبان
ابابك...يسلطان...والينة والينه
بليلتك تزدهي مشهدك
والبشر فرحت ابمولدك
ملاي ياعلي مولاي
..........
قانون المشاعر بيه شاعر
حبك الغالي
هامت بيه روحي وانته روحي
وساكن ابالي
نجمة...بسمائك
روحي..بــــولائك
بفرحة...مسائك...نادينة نادينة
أمنية كل شخص و المُنه
زايرك ينــكتب كل ســنه
مولاي يا علي
........
هالليلة الولاده بهالولاده
الدنية فرحانه
وبهذه الحفل ام الحسن
فرحانه ويانه
بدر...السعادة
نور...بــــــلادة
بيوم....الولادة...هنينة هنينه
بمولدك هالفرح يبتدي
سيدي يالرضــــا سيدي
مولاي ياعلي
(حاتم صبري الكاظمي)
أذوب ابـ هواه ... علي لا سِواه
...........................
علي بالـــروح..أذكره...وأبد ما نــــاسي
علي مــــولاي..حبيبي...أمير احساسي
علي بالحـــب...مِلكني...ومِلٙك أنفاسي
أنحنـــيله...وأصيحه...يـ تاجي براسي
قِسٙمت بـ عُلاه ... أذوب ابـ هواه
...........................
عـــمري هوّه...وحياتي...قٙسٙم ما بيـــعه
وبـ هــٙويةِ الـ...ولايــــه...جـــِعٙل توقيـعه
غيره هيهات...أمـــامي...أبد ما طِــــيعه
يبقه حــــبي...وغرامي...أميـــر الـشيعه
ضميري حِيياه ... أذوب ابـ هواه
...........................
أسمه للـحب...ربيـــعه...التصــدّق راكع
علي غــٙوّثي...ومغاثي...دعــائي سـامع
لثاني غٙــيره...للـ مماتي...أبـد ما بـــايع
عـــلي أول...أكــــرهه...الـــيگول الرابع
ألـ يحبّه الإله ... أذوب ابـ هواه
...........................
مالك الروح ... بلــياه...عُمر مــاريـده
والــــيتبعه ... بزمانه...ضِمن تخليده
لو رُفعت ايدي أشعُر ... لِزمْــها بأيده
العاف حيدر...يــــعالم...بعد شيفيده
ضِي الله ضياه ... أذوب ابـ هواه
...........................
فـٙتّٙحــِتها ..اعله حـبه.. أمــيري عيني
من تُــرابه.. أبو تـراب .. تِـكوّن طيني
أغله معشوگ..عِشــگتٙه..گبل تكـويني
حيدري..من الروافــض..أنه مسميني
ولا مِثله جاه ... أذوب ابـ هواه
...........................
عِشْگه مو يوم...واتركه...وخلص مـفعوله
عن غـــــــرامه...الألـهي...الـنٙفِس مٙسؤُوله
بعـــــــــنفـوان...المحبه...علي گلـــــــــوله
مايغـــــــيرون...مسيري..النواصــب ذوله
علي بــ محتواه ... أذوب ابـ هواه
.الشاعر حاتم صبري الكاظمي
الذكرى السنوية لرحيل والدي
رحم الله من قرأة سورة الفاتحة لروحه و لأرواح خدمة الحسين عليه السلام جميعا
السلامُ علىٰ الــصائمِ الغائِب
____
غايب او حــانيّه الـنايبــه ضلوعك
اشلـونه گلبك دِ عيشني موجوعك
صِدِك يالمهدي يالعــايش ابطوعك
تفطِر بحزنك و تِــشــرَب ادموعك
ضامي ماي الصبر أصبحت شارِب
____
گلــي كــل مَــــغربيّه شنو حـــالك؟
المــاي لمَّـن تشوفه اشيجي ابـالك
مشرعه و خيمه محروگه أوحـالك
عالرمح راس الحسين اجه اگبالك
شاب لكن عالحسين صرت شايب
____
وسفه عافـوك يمهدي نِسَو چنهُم
قِلَّه يالمــــهدي گلـــبك مَواطنهُم
شما يبــعدون تجي تقترب منهُم
وانته تســـتغفِر من الذنب عنهُم
قِلّه تشــــتاگك و المن تعاتب
__
يا حســــافه بعــضنه لون شفته
عافك و صار يـدوِّرها مَصـلحته
عيـــونك الما يعوفك مَـــعايفته
ولو غِلَط مرّه يالمهدي سامحته
واليندبك فلا يوم يرد خايب
_
بروض عطــــفك يمولاي دخلـيني
يا دمعتي و بدونــك شِلِـي بعـيني
امـــرّوتك سـيدي لا تـــجافيــــني
نظره من عين حَنانك تِــكَــفِــيني
بدمعي أدركني يالمنـتظر كاتب
__
بأسمك اتسبح أنفـاسي و احزانك
ونبضي چم مرّه دگ والله بيبانك
أرد اجي بشـوگي دلينــي بمچانك
وين صايم صحـت هذه رمضانك
شلونه حالك دليلي إلك نادب
الســـلامُ على الــصائمِ الغائِب
الشاعر حاتم صبري الكاظمي
بكــربله ... عــينك عليها ... يوليدي عـــباس
بغيرتك ... بَخُّـــــر أديها ... يالكلك أحساس
انطيها بختك ... أحرس أختك ... يوليدي عباس
_
خلّي بعيونك خِيمها ... يالـبچفك ينحلِف
غيرتك طـشها عليها ... أنه اعرفنك ترِف
هالــــمهمّه .. أنته گــدهه
يالرموشك .. سور حدهه
الله رادك ... وانه أريدك
بالســـمه .. اخـتاروك كافل ... اتكفي ابغيابي
فاطـــمه .. گالت بو فاضل ... يحمي حجابي
گدهه شفتك ... أحرس أختك .. يوليدي عباس
_
سوّي بعـــيونك سـترها .. و رايتك عدهه الرمِش
ولو عِطش يبني خدرها .. غِيرتك عالخيمه طِـش
انطي حيلك .. إلهه أتعب
صـــير يبني .. عبد زينب
بعــــين الله .. هاي وأيدك
بــالخِــيَّم ... من ينـتـــــخولك ... غيث التحشـــمك
والعـــــلم ... يلوگ اعله طولك ... من فدوه لأسمك
بهايّه ردتك ... أحرس أختك ... يوليدي عباس
_
انه وفاطم سولفينه ... منو لخدر الله يصِح
گبل ما تـنولد ردناك ... لعِشرة الــخــوّه ملِح
هيّه گالــت ... واني ناطِــق
أبو فــاضل ... أي مــوافِــق
تكون إلهه ... و لــعضيدك
ضيغمي ... بالغاضــريّه ... بوجــهك محمد
فاطمـي ... لثاني زچيّه ... لستر الله يا حَد
بظهري صحتك .. أحرس أختك ... يوليدي عباس
_
خاف رادت مــاي منك ... اعصر اعيونك نـهر
خاف يظلَم طف عليها ... صير بالخيــمه گمر
شما تِمنَّت ... هيّه باچر
يالعقـيله ... گلهه حاضر
لزينب أحني ... يبني جيدك
تكتــفي ... من تبقه يــمهه ... تأمِن أهلـــنّـه
يا وفـي ... وتارس خيمهه ... بعطر المحـنّه
هيّه ذمتك ... أحرس أختك ... يوليدي عباس
__
فتـره و تــروح انته منهه ... وگلب زينب ينلچِم
و خيمة أختك يحرگوهه ... گبال راسـك تنشتِم
من يجوهه ... يلوعوهه
ايسلبـوهه ... يضربوهه
وتنزف الغيره ... بوريدك
عالرمح ... فَـيّك تريــده ... ابحَر الظـــهيره
تنـجرح ... يضربها بيده ... الما عنده غيره
يالعذرتك ... أحرس أختك .. يوليدي عباس
الشاعر حاتم صبري الكاظمي
السلام عليك يا مولاتي الغريبة ( أربعين السيدة زينب ع )
قصيدة #وين_اهل_زينب
الرادود #علي_سعيد_الوائلي
@ali_saeed_alwaeli
الشاعر #حاتم_صبري_الكاظمي
@hatam.s.k
______________________________
ذكرى أربعين السيدة زينب عليها السلام
الحسينية الفاطمية - هيئة ثأر الله
العراق - الديوانية #اكسبلور
https://www.instagram.com/reel/DUv6SLMDD7T/?igsh=MWZ4N2l3b3ZsOGtwZg==
هوسات:
نزل جبــــــريل وجناحه...ينثـر نور عالكونين
خٙبٙر من العرش حامل..يبلغ سادته الطيبين
لمحمد صاح هالمولد...الله يگول سمي حسين
(والهادي سماه حسيني)
...............
ساعة مَنولد عباس...حيـــدر شال المـرتب
شد الراية بگماطة...وخلّه بحضنه المذٙهب
نادة بذمتك أختك...بس أشـــر على زينب
(لگماطة گطع عباس)
...................
أول منولد عـبـاس ... چانت بيه هـالشيمه
يضحك لو سمع رايه..يبچي لو سمع خيمه
علي من ايفز ابوفاضل... چان سلوب تعليمه
(بـرٙنات السيف يلوليـله )
الشاعر حاتم صبري الكاظمي
مستهل وبيتين من الشعر الفصيح في الامام أبي الضيم سيد الشهداء الحسين ع :
خُذْ ما تَشَـا يا سَيدَ العِشقِ المُرَمَّلْ
خُذْ ما تَشَـا ناجاكَ قلبي ثــمَّ رَتَّــلْ
حسين .. فيكَ يا مـولايَّ أبقىٰ
حسين .. مُــدَّني حُباً و عِشقا
___
يا وليــداً .. كلَّ يَــومٍ يُــولَــدُ
يا شهيداً .. لكَ جُرحي يشْهَدُ
قدْ أحيْيّتَ ضمير .. كُلُ صغير .. فِيكَ كبير
دَمُكَ الطاهِرُ كَسَّرَ سَيفَ الصَنَمْ
مـَوتُكَ أَمسـىٰ في التأرِيخِ ولاده
تبقـىٰ مَـــلـِكاً فَذاً صَـلْـــبُ إراده
مُذْ كُنتَ طِفـلاً ما رأينـــاكَ صَــــغيرا
مُذْ كُنَتَ طِفـلاً كُنتَ في المهدِ أميرا
حسين .. كلُّ عبدٍ فيكَ يرقىٰ
حسين .. مُــدَّني حُباً و عِشقا
____
يا كَـلِيـماً ... كلَّ شَــئٍ كَــلَّمَـا
يا رحيماً ... سَيفهُ كانَ الدِما
نَحرُكَ صارَ سَماء .. غَيمكُ جاء .. سورةُ ماء
قِربَةُ عَطفٍ تسقي قَلَبَ خِيمْ
عابسُ يحيَّا في الأرواحِ جنونا
كَـوثرُ حُــبٍ قدْ فجَّرت عيــونا
يا ضامِئاً ما ذاقَ ماءاً و رَوانا
يا ضامِئاً ما ماتَ قلَباً و لِسانا
حسين .. حُقَّ أَنْ أهواكَ حَـقــا
حسين .. مُــدَّني حُبـاً و عِشقا
الشاعر حاتم صبري الكاظمي
مــو قَــيـده بچّــاله العين
الكاظم ينوح اعله حسين
الكاظميّه ... الغاضريّه ... بعيونه
__
بحياطين السجن مرســوم گدامـه
حـسيـن ايباوع ايحرگـون بخـيامه
طعنه فوگ طعنه شيحجي الالامه
گــوّه اجروحه يمسحـهن بالعـمامه
من العطش ذاب هواي
ماي الله حرمـوه الماي
بيا منيّه ... الغاضريّه ... بعيونه
___
نِسه ثگل القيــود و كل هضُم حاله
و جرح عاشور ابد ما طاح من باله
عله طاري الحوافر تبــچــي أغلاله
شما يذكــر حـسين اتسحگه خيّاله
بي چم رمح ظل مغروس
چم حافر بصـدره ايدوس
و چم رزيّه ... الغاضريّه ... بعيونه
___
أكل چفّــه الحديد و هـذه ما هَـمّـه
يگول حسيــن هاين كل جرح يـمّـه
يا ويــلي السِهــام امكسره ابجسـمه
اضلوعه مطشره و محد إجه ايـلمّه
يا كلــمه لـ جـروحه تـلوگ
صدره اويه ظهره مطبوگ
بـ هالقضيّه ... الغاضريّه ... بعيونه
____
يگـول انه أموت و جسمي عالقبله
و أكو ناس التجي تابوتي و تحمله
ثلث تيــام عــاري جدي مـو سهـله
محد شيـَّعـه من النـاس بـس قـلّه
رحــمة البـاري القــيّوم
جسمه بحصيره ملموم
جروحه بيّه ... الغاضريّه ... بعيونه
____
چم ديــره و سجــن مَر بيـها بأهاتــه
تــذكــر عالهــزل مِــن سِــبوا عـمــاته
و ضرب السوط مرسوم اعله دمعاته
و شِـمّات العـقيــله اليـوم شــمــاتـــه
تــجــرح اعيـون الشـمّــات
منـهن گــلــب زينــب مـات
زينبيّــه ... الغاضريّه ... بعيونه
الشاعر حاتم صبري الكاظمي
وين اهل زينب مدمعي ناده
ماتت غــريبــه عـمة السـاده
_____
أسمَـع امصايح عِلَه بدمـعــة مصـيبه
العدها ابو فاضل صدگ ماتت غريبه ؟
صدگ زينـــب شيعوها نــاس غُــربه
العدها اخو مذبوح يا ناس اشيجيبه
العدها النياحه و الدمع عاده
ماتــت غريــبه عــمة السـاده
______
زينب ايسولف دمعها بمحجر العين
لو يجي عباس حتى ابلايه چفيــن
موكب التشيــع بس من بني هاشم
ارضه لو شَيعني الي بلا راس الحسين
حي بني أهل الكرم و اجواده
ماتــت غريــبه عــمة السـاده
_____
العنده أخ يتباها حتى بيوم موتــه
وشيسوي المات بس مو يم إخوته
ما يحِس بجرح زينب فـقط واحد ؟ (منو)
الـبدخان الخـيم مبــحوح صـــوته
وچفـها لَـهَــسه يشكي أقياده
ماتــت غريــبه عــمة السـاده
_______
ياهو غسل زينب و حطها بچفنها
و الچفافي الخضره لسه ما لِـفنها
كلــفه لو علـــويّه غُـربه اشيعوها
صعبه ابو فاضل إذا غيره دِفنها ؟
هوايه الزمن وي زينب اتماده
ماتــت غـريــبه عــمة السـاده
_____
حته هــيّه و مَيِته تنتـظر جيـتـه
يا حَلات الأخو من يوگف لَخيته
هواي لِچموا زينب بكلــمة غريبه
و ثاري كلمة (خويه) ويَّه ام عون مَيته
الضـايگ الفَرگه يا صبر فاده
ماتــت غريــبه عــمة السـاده
______
مو نفِس ذيچ الچـفوف الـ دَلِلتها
زيـنب اعـيون الشــماته شَـيعتها
و هيّه بالتـابوت مشتاگه لأخوها
كـسرت العــباس زينـــب عذبتها
يستقـبلوها حســين و أولاده
ماتــت غريــبه عــمة السـاده
_______
شالوا التابـــوت بس ما شـالوا الالام
ركضت التل و الشريعه و نار الخيـام
اليـــوم أول مره زيـــنب هيــه ترتـاح
بس بقت عايشــه هيه و ماتت الشام
عاشَـت أميـره الذَلَّت القــاده
ماتــت غريــبه عــمة السـاده
الشاعر حاتم صبري الكاظمي
..
يا مـوتي يم أخواني وَدينـــي
بالشـــام وَحدي لا تخــلينـي
و يصــير يم عباس و حسيني
گبري .. گبري
____
بديرة غرُب ... يموت الگلب ... من دون خِلانه
يسوه الصبُر ... عاليــحتـضُر ... ما بيـن خــوّانه
شلــون اليفـارگ أهله يسـتراح
طاحوا أخوتي وفوگي بيتي طاح
من بيـن اديه كلشـي غالي راح
خِلصت سنيني بعالم أحزاني
شلّي بحياتي و ماتوا أخواني
ما بيـنهم ينحــفُر يكـفـــــيني
گبري ... گبري
____
رحـــلة حِـزِن ... فوگ الجِفِــن ... كِـتبتها الالامي
شحچي جرح ... عن الذبح ... لو حَرگت اخيامي
كل يـــوم ذاكِـــرتـــي عله الونيـن
يا موت أشـــوف الما تِشوفه عين
بسيفه الشمر مِنْ يذبح الحُسين
يوميه أشوفه بحلمي و احساسه
حرمـــله شال اعله الرمُـح راسه
يم مَــذبحه اخــتـاره بونــــــيـــني
گبري ... گبري
____
بفــگد اخوتـي ... يا غُربتــي ... كل ذكرياتي سهام
و بكربله ... اليدفِــن هَلَه ... خل يدفِـن الـ بالشـام
أهلي بعــيده و شامتــي قريب
بس الغريـب ايحن عله الغريب
ما عندي بس واحد بگه سليب
شيجيــبه يمي ويهمل دموعه
بالخيل كلها امطشره ضلوعه
ويبني بتراب الطف ضوه عيني
گبري ... گبري
____
چنت بحمه ... أهل الضِمه ... و هسه أنه من دونه
ايدفنه منو ... الما عنده أخو ... لو غَمّـــض اعيونه
راح انسه بيدي اشسوّت الحبال
و ما انسه ذاك الچان إلي خَـيال
لـ الشــام ها يا بالفــضـــل تعـال
روحــــه إجتنـي فــدوه لحروفه
بس من إجاني امگطَعه چفوفه
يا روحــه أتـــــمنه تــنــزلينـــي
گبري ... گبري
_____
هذه الأمل ... بين الأهـل ... تاخـذني ها يا بين
نِرحـــل إله ... بنُص كربله ... تِدفنـي يم حسين
لو ما خذتنــي هنانه الله شاء
و الشام تصــــبح ثاني كربلاء
زواري بيـــهـا اتقيم إلي عزاء
زينب غريبه اگلوبهــم تقره
بهذه العزه ويّـاهم الزهره
گــبـرچ يمسبــيّه تنــادينـي
گبري ... گبري
الشاعر حاتم صبري الكاظمي
يوالينه .. يوالينه
غيرك و لا حبينه
يوالينه
حبك ملك وجداني ... يوالينه
ما ريد غيـــرك ثاني ... يوالينه
___
حبــيـــتــك بأول نــفــس ... و أول نـبــضـــتـيـن
يا من اذا عافــك بـشـــر ... يــطلَــع من الديــــن
أربـع أســــامي تـــنرسم ... بالگــلـــب و العــيــن
اعشگ علي و المرتضى ... و حيدر و أبو حسين
أسامينه ... أسامينه
أكبر شرف خدامك
اسامينه
بگلبي صحت و لساني ... يوالينه
ما ريد غيـــرك ثاني ... يوالينه
____
سديت ابواب العـشگ ... بيه الوكت عاب
و گلبي فتحته بس الك ... يا قالــع البــاب
علانــه الله اعله البشر ... و الرايد اجواب
تراب احنه يعني بالاصل ... منك يبو تراب
وسط عينه ... وسط عينه
شيسوي بيها الما صرت
وسط عينه
بميلادك اهتف اني ... يوالينه
ما ريد غيـــرك ثاني ... يوالينه
____
يا علي صحت بهالحفل ... و بنغم الاحساس
يالشلتك بروحي و بعد ... شلتك عله الراس
بالدنيــه شيسوي بعد ... شـيســـوي بالنـاس
العنده علي و عنده الحسين و عنده عباس
مجانينه ... مجانينه
گالو هذوله بحب علي
مجانينه
و رديتهم بإيماني ... يوالينه
ما ريد غيـــرك ثاني ... يوالينه
حاتم صبري الكاظمي
يوميه تموت ام عون بالشام
السلام على الغريبه .. الگلب محروگ عليج مولاتي
يا ريتج يمنه يا بضعة الزهراء
الرادود #علي_سعيد_الوائلي
الشاعر #حاتم_صبري_الكاظمي
#الشام #السيدة_زينب
https://www.instagram.com/reel/DSvNXFXDLQR/?igsh=MThiYTh1ejNxd3l5ZA==
نعي لمولاي الصادق عليه السلام:
يبن العـجـــيــد الكاشـف كروب
ذاك اليســـمــوه داحــي البوب
و بسيــفه لاوي جيـد الحــروب
والله اصطفــاه بعلم الغــيــوب
يا جـــد بِجِــيَـتــكُم المحـجـوب
بيتــك تشـوفــه بنــار مشــبوب
يـالصـــادق بگلـبــك المعطـوب
تنــظر بنــاتــك خايـفــه تلـــوب
شتذكرت و دموعــك ســـروب
عمـــــاتـــك يركـضـن بالدروب
حــرگوا عليـهم كل الطــنـــوب
و من الركاض الجدم مـتعـوب
راحن لعند الـ ما هو معــتـوب
لحسين دمع الروح مســـچوب
شافنـــه فوگ الغــبره مگلـوب
بلا راس و مسـلـبيـه لـ الثــوب
صاحن بصيحــه تملــــخ گلوب
الله اكـــبر بيــــش مــطــلــوب
الزمن عالعتره كل الوضع داراه
و لا أسم النبــوه بحفــــظ داراه
شجه الصادق اباله بحرگ داراه
خيام و زينب و كلمة ســبيه
هذاك المنهل لكل عـِلِم علماه
أنوحه الچــــان هو ينـوح علماه
السادس للهواشم طــاح علماه
و كسروا بي گلب أمّه الزچيه
حاتم صبري الكاظمي
فكرة قصيدة تتضمن بعض مستهلات القصائد الخالده للامام علي عليه السلام ..
أقرالك جـــروح ... سيدي
عن بالي متروح ... سيدي
يا صـاحب الثار ... سيدي
_
يالعــايش جــروح الزمن ... يالـ قِــلّه ليذكـرونك
زحمه اسألَك يابو الدمـع ... يا غيرة الله شلونك
شخبارك بطــــــبرة علي ... حمره عليه اعيونك
أيــــتامك بـــهذه الـخبر ... اسمـــعهم اينادونك
(حمزه الزغير)
دار الوحي مرجونه ... ولحيدر ايودعونه
والفلك وضعه اتغيير ... والملك دمعه اتفجَّر
و لحيدر ايشعونه
محنــيّه الضلوع ... فاطمه
تمسحلك ادموع ... فاطمه
بحوالك اشصـار ... سيدي
_____
أني أدري روحك بالحزن...مهمومه طول اسنينك
تِــشبه الطـير الكَـــسِرَت...دموع الســهر جنحينك
من خلَّو اعله المغـتسل...والد حســــن و حسينك
شگلتلهم وشفت الدمه...يالمهــــدي يجري بعينك
(ابو بشير النجفي)
حيدر علي بهـــداي ... يالتغسلونه
وبراضه ديرو الماي ... لا تلچمونه
متوسع امصابه ... فجعونه بمصابه
لا تغسلونه
بروح الدمع جاي ... بالحزن
غَسَّـــلتَه بالــماي ... بالحزن
دم حامي الجار ... سيدي
_____
روح المشـــاعر تتــجه...لحَضرت علي و أعتابه
نلگــاك گاعد بالصــحن...تبچي دمه اعله صوابه
تقره نعي بطـور الدمـع... آ يا علـــي و مـــصابه
وياك صِـــحنه يا علي ... لــمن وگفـــــنه ابــابـه
(حمزه الزغير)
صفينه ... يابالحسن ... صفينه
بالأخره و دنيّه حساب ... ما عدنه غيرك طلّاب
يابالحسن ... صفينه
صفينه الگــلوب ... يالولي
يا أغله محبوب ... يالولي
يالـ مـا إلك دار ... سيدي
____
التَـمت سوالف دمعتــي...اليفهمـــهه بس الهايم
دورتك ابديرة بخـــــت...يالـ عن فرحتك صايم
من كثر ما أبچــــي إلك...لامــوني والله الوادم
گلتــلهم أنه من المـــهد...أمــــي انذرَتني خادم
(حمزه الزغير)
أسأل من المعبود ... لا عذب أمي
رضعتني من حب الوصي...وحب الوصي غذاني
و گلتلهه وعدي ... أنصُرك
يالمهدي جندي ... أنصُرَك
احسبني من الانصار ... سيدي
___
الله يريحــــة كـــــــربله ... ما فـــــــارگلتي الريّــه
يالمهدي خيمه وتحترگ ... روحي اعله كل مسبيّه
انكسر من أســمع صـده ... حرمله ايسب عــــلويّه
وليل السبي روحي قرَت ... يالمـــهدي هالگــعديّه
(طور هاي دار النوايب)
وين زينب خذوهه ميـسريهه
وينه عباس أخوهه ما يجيهه
تصيح ما تسمع جوابه
گعدونه ابنص خــرابه
حيل ماكو بعد وشيبـگه بيهه
وين عباس أخوهه ما يجيهه
بــدار الرزيّــه ... عمتك
ماتــت رقــيّه ... عمتك
گلبك غده نار ... سيدي
الشاعر حاتم صبري الكاظمي
قصائد أمير المؤمنين علي ابن ابي طالب عليه السلام ☝️
Читать полностью…
شلون ليله .. تروح و تخلينه
شلون ليله .. و ما تمر اعلينه
لا لا تسافر صــــعبه نفتــــقدك تره
گلوب اليتامه تلوگ الك مو مگبره
__
لا تسافر .. ياعلي تروح وتخلينه بحزنّه
صعبه صعبه
لا تسافر .. العافيّه تتوفه من تروح عنّه
نعيش غُربه
ما نستحـــمل اغـــــيابك...يا مــاي اليــروينه
علي شيسوه العمر لولاك...وياك نموت خلينه
يابو الحساس ... خيمة الله احساسك
تموت الانفاس ... من تغـــيب أنفاسك
وجهك صعب يفتقده اليحب ناظره
گلوب اليتامه تلوگ الك مو مگبره
____
وين رايح .. ها يماي گلوبنه الـ بفراگه صَحَره
هجرك جروح
وين رايح .. الليل مـتعود تدگ بيبـــان فقره
فــدوه لَتروح
ياصاحب نجوم الليل ... بأنفاسك تنـــاغيها
الدنــــيّه ياعلي بليّاك ... ما تسوه نظل بيها
صدگ ترحل ... اعقولنه مذهوله
صدگ ترحل ... يا علي معقــوله
حتى الدمـــوع وياك تمشي مسافره
گلوب اليتــــامه تلوگ الك مو مگبره
__
ها يبونه ... يالـ يصلّي الهوه من يبوس رمشك
بيك لو مَـر
ها يبونه ... صدگ راح تموت ويشيعون نعشك
لا يحـــيدر
عافيـــةْ الله بچفــوفك...رحمته بمٕسحَة الچفين
بحنّيةْ الله من عيــناك...معيشنه يبو الحسنـــين
أنته و أحنه ... يا علي مجروحنه
أنته و أحنه ... البقـــيّه بـــروحنه
شيبقه بـــعد لمن تغــــادر يا تُره ؟
گلوب اليتـامه تلوگلك مو مگبره
_____
من غيابك .. العمر كله يا علي بعدك نصــومه
نلبس اسود
من غيابك .. المات من فراگك والله ما نلومه
يصبر شگـد
بوجهك يا علي نفطر ... لمن نستـمع صوتك
يتامه و ما نصــدگهه ... نشيع اليوم تابوتك
رحمة الله ... يبو حسين عيونك
رحمة الله ... صعبه و يشيعونك
لا ما يلوگ نخلي جـــسمــك بـالثره
گلوب اليتـامه تلوگ الك مو مگبره
_____
الله وياك ... و الگلوب بمدفنك صــايره الدفان
بهــالرزيّه
الله وياك ... ناس تلطم ناس تقره اعليك قرأن
بهالمسيّه
روح ويـــــاك يا حيدر ... سلمــــــنه عله الزهره
بقه بس عطرك ويانه ... خلصت ياعلي العِشره
هاي هيّه ... وانــتهى ملگانه
هاي هيّه ... و شـــبقه ويانه
هذه الحــديث و ناتـــجه من أخِره
گلوب اليتـامه تلوگ الك مو مگبره
الشاعر حاتم صبري الكاظمي
ابداع العتبة الكاظمية المقدسة شرفونا ☝️
إلى الزائرين الكرام الموقع موجود في الفديو .
إن كان موسىٰ !
طريقَ البحـرِ يَصنعهُ
بكفهِ ؟
كافلُ الحوراءِ يرفَـعهُ
و لو أشارَ الحسينُ لَاستجابَ لهُ ؟
لَـ قامَ يَفلِقُ أرضَ الطفِّ .. إصِبعهُ
الشاعر #حاتم_صبري_الكاظمي
متباركين بولادة مولاي قمر العشيرة أبو الفضل العباس عليه السلام
#كربلاء_المقدسة #العتبة_العباسية_المقدسة
https://www.instagram.com/p/DT5jwVJDF5S/?igsh=MTJoMzFuOG8xcjVqZw==
الليلة ميلادك حبيبي الغالي)
...........................
ســـــــارح بأروع معاني للعشگ وفنونه
يامن بروعة ضريحك ضحكتي مفتونه
خادمك هالليلة طبعا ماطبگـــهه عيونه
بيك يامولاي تبـــــقه رويحتي مجنونه
(ياحلم ما غادرت من بالي)
..........................
علگــــــــت روحي هدية سيدي ابيبانك
يالعطر جنة بضريحك روحك وريحانك
يامَلِك والكــــون ساجد يرتوي بايمانك
ياحبيبي ياحبيبي نورت شـــــــــعبانك
(ماكو غيرك سيدي بدلالي)
..........................
الله خصـصلك كرامة يا شمس اسلامه
يعتبر كلمن يبغـــضك فاشل بايـــــامه
واليحبك جنة يربح تنفـــــــتح گدامه
حور ولدان التخــدمه والمَلَــك خدامه
(يامراتب حبك الخلالي)
.....................................
انثر اوردك حبيـــــبي بحتفالي اوياسك
اخوتي تشاركني كلهه ياحسين وناسك
ينغمر قلبي بهواك وعشگـْك واحساسك
لو ذكرت بيــــــومك أنه سيدي عباسك
(وابو فاضل غايتي وامالي)
(كلمات حاتم صبري الكاظمي)
أركضلك بِشِر حافي...بگلبي مو عله اچتافي
نعـشَـك أشـيله .. يا موسىٰ بن جعفر
___
يا قريب من الگلب ... واعله نسياني بعيدْ
شما يقل بيه العمر ... شـوگي للملگـه يزيدْ
هوّه عالمثلك صبر ... يا حبيبــي ما يفــيدْ
شلون اعيش وانظرك ... جْنازه مِتگيده بحديدْ
گالـو أنته من دونه .. واحد تَـيّهْ اعيـونه
بفرگة خليله .. يا موسى بن جعفر
___
ما يلِم شوگي حضن ... مثل حضنك ما لگيت
أنته عايش بالسـجن ... و فوگ راسي انه بيت
شـلون اتهــنّه بعـذِب ... وانته بالسَم انسگيت
وصَل گيـدك للعـظـم ... گــوه بالگـوه مشـيت
من ثگـله وَزِن گيدَك .. رادَت تنكِسِر إيـدَك
صعبـه تزيلـه ... يا موسى بن جعفر
___
مِـثْـل المـضـيّــع هـلَـه ... سنيـني تلگـاها سَراب
وجهي بيه كَسرَة جَرِح ... كافـي يالكاظم غياب
من كـثُر شـوگي إلك ... گمـت أشم حتى التراب
هيچي أندلَـك و أجي ... بـ يا هَـلا تفتحلي باب
أسأل سيدي شلونك ... شو سطره عله عيونك
كلش ثجيله ... يا موسى بن جعفر
___
روحـك بـلا عــافِــيــه ... لحالك اتمَلكني خوف
ليش يالتگضي الشـدد ... تِنهَض و توگع أشوف
گـمر و ابطْنِ الســجـن ... وجهك بحالة خِسوف
و مو ســواد اعمامتك ... هذه دم من الچـفوف
كل چَف تِنزِف اعظامَه ... تِمسَحـهِن بالعْمـامَه
اتضَـمِد مَسيله ... يا موسى بن جعفر
___
كـربلــه بشـيبَك شِــفِت ... والحَبِس چنْ خيمتك
مثــل جــدك بالعــطـش ... يـابِـسَــه يا شِـفِّـتَــك
صِرِت مِنْ سجن لسجن ... بالصـحاري مَشْــيتـك
الضـرَب مَـتْنَـك سيدي ... ضِـرَب زيــنب عـمِتَـك
مِـنِّ اسياطه مَحـنيـّـه ... عمتك كلفه مَسبيّـه
فوگ الهزيله ... يا موسى بن جعفر
____
روحي تركُــض بالحِـزِن ... تـعـثَـر تگــوم و تطـيح
گلت أشــوفك يا ضــوه ... و انصِدَم گلبي الجريح
طولـَــك اگـبالي انچـفه ... متـت لكن گمـت أصيح
جسمك بنــعشــه سِلَم ... مو مثــل جــدّك ذبيــح
مو مثله عله الذاري ... جسمك ما بقه عاري
ليله اعله ليله ... يا موسى بن جعفر
الشاعر حاتم صبري الكاظمي
..
اللهم ارزقني أزور الغريــبه
______
هـوّه المــحتـــرگ مــو إلّه بالنــار
و غلطـــان اليگلكم يطفـه بالمـاي
آنــه المــحتـــرگ يا ناس لـ الشام
سنه ما زِرِت زينب و السنه هواي
ودوني إلهـا ... مشتاگ إلها
ياريت اوصل ... وي كافــلها
و ازور .. عله اجناح الألم
مِـثــل .. حَـمامَة الحَــرم
اللهم ارزقني أزور الغريــبه
_______
اللهـم وفــقــنــه الســنــه انــزور
و يم الباب الأخضر ننصُب اخيام
صعبــه اتمُر سنه و نظل بعيدين
هم ترجع غريبــه أمنــه بالشـام ؟
ويّه اليرحـون .. ما حُضنه شلون
مشتاگ اشتَم .. شـــباچ ام عون
واطوف .. كـــأني عالخيــم
مِــثِــــل .. حَـمامَة الحَــرم
اللهم ارزقني أزور الغريــبه
_______
أركــض بالصحن مثل المضيعين
الغُــربه البيها زينب تلچــم العين
امن اباوع وحشة الشباچ لـ الناس؟
من الشباچ طالع شيب الحسين
صِرْت امصَدُگ .. الغُــربه تخنـِـگ
گــلت لـ زينب .. گلبــچ ميطِگ؟
لخـــوچ .. التگطع و انهشم
مِــثِــــل .. حَـمامَة الحَــرم
اللهم ارزقني أزور الغريــبه
______
إشبُگ باب زينــب شِــم خِـشبها
تِـعرفــها اشكثر حـــرگوا گلبــها
يوميّــه تمــوت ام عـــون بالشام
عالعــبــاس مــن يبـــدي عَتَــبها
يالعاذرتــك .. و منـاطرتـك
وي زواري .. و ازور اختك
واشوف .. يِــرِف بيدك عَـلَم
مِــثِــــل .. حَـمامَــة الحَــرم
اللهم ارزقني أزور الغريــبه
_______
الحارگ خيمتچ و الخِـدر فرهَد
أولاده إجــوا طــبـــوا المَــرقَــد
عِــمَـت عـــيني رقيــــه فــززوها
و زينب يا غريبه انصيحچ شگد؟
يمّــچ نرجَـع ... نـرد نتجمّع
ماكو ازيـــاره ... زينب توجَع
عليچ .. خفگ گلب الخَدَم
مِــثِــــل .. حَـمامَة الحَــرم
اللهم ارزقني أزور الغريــبه
______
بقصــر الشام وگفوني سبــيـه
يشيعه بگبري هم وگفوا عليّـه
الكتبوا (ترحلين) اليوم رِجعوا
و صــاحوا محـد يزورچ رقـــيه
القَبْر امصابه ؟ ... سَدوا بابــه
طفله و صاحت ... وينك بابــه
بنياح .. الشمر هم رد هِجَم
مثــل .. حــمـامــة الحَـــــرم
اللهم ارزقني أزور الغريــبه
______
الشاعر حاتم صبري الكاظمي
hatam.s.k/video/7584906738256760085?_r=1&u_code=dag55i511m2i9m&preview_pb=0&sharer_language=ar&_d=e5a9ije11hhd88&share_item_id=7584906738256760085&source=h5_m&timestamp=1766578264&user_id=6787081470722802693&sec_user_id=MS4wLjABAAAAvwDmes45YBVXGb8sj8wD3uJ6_uw0t_vrONOTFaZy4AVfbVmy_CMs_x_D2CmTfqE_&item_author_type=1&social_share_type=0&utm_source=telegram&utm_campaign=client_share&utm_medium=android&share_iid=7587301320345388817&share_link_id=88a63cec-b4b8-4422-b3e7-ac7a1118f578&share_app_id=1233&ugbiz_name=MAIN&ug_btm=b8727%2Cb2878&link_reflow_popup_iteration_sharer=%7B%22click_empty_to_play%22%3A1%2C%22dynamic_cover%22%3A1%2C%22follow_to_play_duration%22%3A-1.0%2C%22profile_clickable%22%3A1%7D&enable_checksum=1" rel="nofollow">https://www.tiktok.com/@hatam.s.k/video/7584906738256760085?_r=1&u_code=dag55i511m2i9m&preview_pb=0&sharer_language=ar&_d=e5a9ije11hhd88&share_item_id=7584906738256760085&source=h5_m&timestamp=1766578264&user_id=6787081470722802693&sec_user_id=MS4wLjABAAAAvwDmes45YBVXGb8sj8wD3uJ6_uw0t_vrONOTFaZy4AVfbVmy_CMs_x_D2CmTfqE_&item_author_type=1&social_share_type=0&utm_source=telegram&utm_campaign=client_share&utm_medium=android&share_iid=7587301320345388817&share_link_id=88a63cec-b4b8-4422-b3e7-ac7a1118f578&share_app_id=1233&ugbiz_name=MAIN&ug_btm=b8727%2Cb2878&link_reflow_popup_iteration_sharer=%7B%22click_empty_to_play%22%3A1%2C%22dynamic_cover%22%3A1%2C%22follow_to_play_duration%22%3A-1.0%2C%22profile_clickable%22%3A1%7D&enable_checksum=1
Читать полностью…