4016
السلام عليكم الى الرواديد الكرام تم نشر قصائد الليالي الفاطميه 1444 هـ بتوفيقٍ من الله عز وجل ونظره من صاحب الزمان عج #نسألكم_الدعاء #الشاعر_حاتم_صبري_الكاظمي
خير العـــباد ... باب المـــراد
تلگه شـتريد ... عند الجــواد
____
هذه بــــاب الله الفلا خيـبله سائِل
مثل حيدر أســــمه حلاَّل المشاكل
ينطي حاجه وأبد ما يطلب مُقابِل
الكرم مستورثه من چف ابو فاضل
إسمه المَثيل ... ثاني كفــيل
مَـأوه الطريد ... عند الجواد
___
لا تهِم لو دهــرك ايبــاريك هَـمّه
أبو الــهادي و النــعم گد الـمُهمه
يعرف اهمــومك و لا حاجه تِكَلمه
كل صعاب الدنيه تسهل والله يمّه
بس كلّه جيت ... امرادك لگيت
تطـــلع سعـيد ... عند الجـــواد
__
أه يا ريحة صحن أبن الزچــيّه
حلوه ممزوجه بعطور الغاضريّه
بتاسع أنوار السلاله الهاشمــيّه
الله أَنزَل رحمـــته بالكاظــميّه
ادعينه الاله ... ارزقنه رضاه
مَـــدْينَه أيد ... عند الجــواد
__
شمس گبته وما يغَيْب الليل شـمسه
مرهـــم جـــروحك لون بـابه تلـمسه
فدوه نفسي لـ البِذل من أجلي نفسه
لا حرمني الله الســـواد اعليه ألبسـه
دمعـــي بأديــهْ ... صَلّه عَليـــهْ
امقـَـدم الوريد ... عند الجــواد
___
تُـفتَرج كل نايباتي و همي غـاثه
نهر يجريله الدمع ماكو استراثه
أَخَذ من حسين هالشي بالوراثه
بلا دفن ميّـــــت بقه ليالٍ ثلاثه
مَـحّـــد أجاه ... و اســيداه
الون ما يهيد ... عند الجواد
_
الـ گـــــالو بلا نــــاصِر بـــهايه أقَـــنعَه
شـــوف چم زاير اجه بحزنه يــشَيّعه
المهدي ويانه اجه و بعــــيونه دمعَــه
يم ضريحه بمجـلسه حاضره البضعه
بضلع الجريح ... يبني تصيـــح
أُم الـشــهيـــد ... عند الجواد
الشاعر حاتم صبري الكاظمي
ها يعشاگ الجــواد
أقصُدوا باب المراد
____
گبره مَهبط لـ الغرام
أبْ إمــام و ابن امام
العافه بالدنيـه حرام
تلبية حُب كل فؤاد
أقصدوا باب المراد
____
مختصر وافي و مُفيد
ما يخيب الـ مَدلـه أيد
احنه يـم بـــابه عبيــد
مرجع لـ الكل العباد
أقـصدوا باب المراد
__
هوّه لطالب مُجـيب
هوه للفاگــد حبيب
هوه للمرضه طبيب
حچايته لـ الفقره زاد
أقصدوا باب المراد
____
( جـنّه ) بــــابــه صايرَه
لـ النـــفــوس الحــايره
الله بـــــــارَك زايـــــره
يلگه شنــهو الـ منها راد
أقصـــدوا باب المراد
__
بابــه ظــاهِــرها خِشَب
لكن اغـــله من الذهب
المهدي فوگاها كِــتـب
يالتــريــدون السَــــداد
أقصدوا باب المراد
__
هالكــريم ابــن الكـريم
گــبره جنّه من النعــيم
الزاره ( ذو حظٍ عظيم )
عدنه معنه الاعتقاد
أقصدوا باب المراد
____
ذِكــــره تــطــهـير النَفِـس
مــا وصـــل گــبــره رِجس
اشـطلع ابـ ليــل الشَـمِـس ؟
هاي گبــته الضيها زاد
أقصدوا باب المراد
_
المــيِّــت ايرد و يصــيح ؟
بس يشم عطـر الضريح
ويـــاكم ايزور المســيح
أعلن انجِيـــله بـ حداد
أقــصـــدوا باب المراد
__
حاضِر المهدي حزيـــن
شاف مگطــــوع الوتين
الســــلام اعله الحسين
كِتـَب دمعه اعله الوهاد
أقصدوا بــاب المراد
الشاعر حاتم صبري الكاظمي
يا زمن أمرك عجيب .. ما زرعت ويانه طيب
شتتـنه و ارد أسألك .. أنه لو إنته الغريب
_____
ما يضُم غيمك شموس .. و لا يــضُم ليلك گمر
رغُم أنـفــك إحنــه نور .. و جدنه رحمه للبشر
احــــنه اولاد الرســول .. ناسي لو عــندك خبر
انـته أسألك من تكون .. و أنه ابن فارس مضر
كلـشي النه بالوجـود ... وانعرف بينه الخلود
ذوله اهلي منهو اهلك ... أنه لو إنته الغريب
_____
بعطفـه ميـزنه الإله ... الراده الله عدنه صار
علم ما كان و يكون ... و إلامــامــه بإقــتدار
بكل وطن النه ضريح ... صار لـ العــالم مزار
هاي نبذه من شـموخ ... كلشي النه بأختصار
بينه حبل الله المتين ... احنه اولاد الحسين
الدنيه توصلنه شوصلك .. أنه لو انته الغريب
_______
راح اسولف بالدموع ... و ارجه من جدي السماح
أنه ابــن اول غـريب ... بــكربله و عطــشان صاح
اسهام مو ماي السگوه ... الخير فوگ الغبـره طاح
بـيده يتلــگه السيوف ... و تشگف ضلوعه الرماح
يگوم و تمنعه السهام ... يريد يوصل للخيام
توگف المفروض اگلك ... أنه لو انته الغريب
_______
انه ابن زيــن العــباد ... بالســـلاســل شـبگــوه
العلگوا فوگ الرماح ... راس عمه و راس ابوه
مَدري ينــظر لنساء ... لو يحاچي راس أخـوه
و باله يم رأس الرضيع .. من الرمح واگع لگوه
آ يشــام الــنايــبـات ... بيها جدي هوايه مات
دمعي البعيني كتبلك ... أنه لو انته الغريب
________
سنين اهلنه بس ضياع ... ما رحم بينه الدهر
واحد استشهد سجين ... واحد ايذبـحه النهر
و والدي بالغــربه مات ... گلبي شاب من القهر
غالي يـــومــيه يروح ... چم ظهر النه انكسر
والله ما رحمت هَلَي ... الدنيه ظُلمت چم علي
بيا يا جرح رايد أدلّك ... أنه لو انته الغريب
________
وأنه مــنــك يا زمــــان ... بالامامه أزغر جرح
بالعطش والسم اشوف ... ليل بعيوني الصبح
حسين جدي عالتراب ... وأنه مرمي عالسطح
لكن امــصابي يهـــون ... راسـي ما شاله رمح
بأخر انفاسي و صـــيح ... آه يا جدي الذبيح
بموتت العز جدي أذلّك ... أنه لو انته الغريب
خادم الحسين الشاعر ناجي العتابي
(قصيدة في ذكرى ولادة الامام الرضا ع)
.
ياعلي ابن موسى الرضا
مولاي يا علي
...........
كل كلمه بمحبتك قاصره
شما بيها اتنغّم
لو گتلك " دِلَم " لو " چَشم "
لو يا سيدي " جونم "
ضامن ... غزاله
روحي ... فداله
فدوه ... لجماله ... ولـ عينه و لـ عينه
"دوسَت دورم" ندانه غِده
من حفــلنه إلى مَشهده
مولاي يا علي
..........
بانغام الولاده بالولاده
غردت روحي
سلطان النفوس محبتـه
هية دوه جروحي
افراح..مســرات
أرض...وسموات
صـاحت..هتافات ... غالينه غالينه
بالشــمع و الورد هالحــفل
بفرحة المهدي بس يكتمل
مولاي ياعلي
........
ابابك كلشي بيه بالفرح يا سيدي صله
عاشگ ثم عاشگ ثم عاشگ
يالرضا والله
والفرحه..عنــوان
ورده...اعله بيبان
ابابــك...يسلطان ... والينه والينه
بليلتك تزدهي مشهدك
والبشر فرحت ابمولدك
ملاي ياعلي مولاي
..........
قانون المشاعر بيه شاعر حبك الغالي
هامت بيه روحي وانته روحي و
ساكن ابالي
نجمه...بسمائك
روحي..بــــولائك
بفرحة...مسـائك ... نادينه ناديـنه
أمنية كل شخص و المُنه
زايرك ينــكتب كل ســنه
مولاي يا علي
........
هالليله الولاده بهالولاده
الدنيـه فرحانه
وبهذه الحفل ام الحسن
فرحانه ويانه
بدر...السعادة
نور...بــــــلادة
بيوم....الولادة ... هنينه هنينه
بمولدك هالفرح يبتدي
سيدي يالرضــــا سيدي
مولاي ياعلي
2015/8/2
(حاتم صبري الكاظمي)
https://youtu.be/pW8zc_EZW9s?si=VRklHBiKXZt51viU
Читать полностью…
حِچينه بدمع العيون .. إلىٰ الموت
بعشگــنه صـادِقـيون .. إلى الموت
الله يشهد ... عالعهد
_____
الحُب نِحِسبه ثنَعَش مَركز...بيه عالكُــل نرتــقـي
المَركز السادِس ( لَدينا )... هُوه الحُبْ الصادقي
الدمــع أقــوَه من الأدلّه و الوثائِق
ألعِشِگ معناه بس (جعفر الصادق)
ألا يــا نــاس تِـدرون .. إلىٰ الموت
بعشگــنه صـادِقـيون .. إلى الموت
الله يشهد ... عالعهد
______
إحنه مِن فاضِل الطينه ... يعني أشراف النَسَبْ
فَحَم ذيچ الناس كـلهـا ... و احنه طِينَـته ذَهَـبْ
الدنيه ضاعَت لولَه شِبل النبي و عِلمه
يعــني خَـلــف اللّٰه علىٰ شــيـخ الإئِمـه
بـ عِلِم ما كانْ ويكون ... إلىٰ الموت
بعشگــنه صـادِقـيون ... إلى الموت
الله يشهد ... عالعهد
______
الجيم جايبنــه بمحبته...العين عين الله هُـوه
الفاء فَضله شگد علينه...الراء ريحــان الهَــوه
خير چيس الزهره كل مجلس نحضره
يزيـــد خيــره اعلينــه الله شما نِشُكره
بدون احساب ينطون ... إلىٰ الموت
بعـشگــنه صـادِقـيون ... إلى الموت
الله يشهد ... عالعهد
_______
ها يشيعه كونــوا زيناً ... الصادق اينَــبِه تره
لا تكونوا شِين احذروا ... تِخـسرون الآخـره
نعم گلناله و طِلعنه الشـيعه نصفين
صـرنه لو زوار لو خِــدام الحـســين
شحلات بحبنه الجنون ... إلىٰ الموت
بعــشــگــنه صـادِقـيون ... إلى الموت
الله يشهد ... عالعهد
_______
أمِس دمنه الطاح فدوه ... و خل نطيح اكثر بعد
انصيح مهما مر عليـنه ... مدد يالصادق مدد
خل تزيد أسبــابها اعلينه المنــيّه
احنه من مدرسة شيخ الغاضرية
بحِمِه المهدي اليخدمون ... إلىٰ الموت
بعــشگــنه صـادِقـيون ... إلى الموت
الله يشهد ... عالعهد
الشاعر حاتم صبري الكاظمي
الى من لا شرف لهم و أسمونا ( عبـ.ّ.ادة القبـ..ور ) نيابة عن كل شيعة أمير المؤمنين عليه السلام:
قصيدة | دولة المهدي |
الرادود | #علي_سعيد_الوائلي |
@ali_saeed_alwaeli
الشاعر | #حاتم_صبري_الكاظمي |
@hatam.s.k
_______
ذكرى تهديم قبور الائمة سلام الله عليهم في البقيع
عزاء #واهب_العين 1445 هجريّه
#نسألكم_الدعاء
https://www.instagram.com/reel/DIE7M7UMbKZ/?igsh=OWJsejE5MHcwa3cz
بالبقيع ... نبني أجمل صَحَن
بالبقيع ... اتحبّه جنَّــة عَـدن
بالبقيع ... بصاية ابن الحسن
_____
مــو حِــلِم و أن شا الله باچـر نزور
مــرقـد شمحــلاته بيه أربــع قبــور
يفــوح بي عطر الدمــع لا مو بخور
المهدي بيده يسجل أسماء الحضور
و الضريح ... بروعته جـوهري
و الضريح ... باقــري جعفــري
و الضريح ... عدنه مثل الوطن
_______
من قــبور الاربــعه لـ طــهَ الأميــن
تصير گعــده چنــها بين الحــرمين
شَبَه من شارع السـدره يصير ويـن
اگبال شباچه ( عليَّ ابنَ الحُسين )
و الدموع ... بالمُحب تــرتـقي
و الدموع ... چنها تَل صادقـي
و الدموع ... من الضماير جِرَن
________
الــهَدَّم اگبــور الإئمــه و القِــبــاب
يجي يوم اعظامه ينـفُـرْها التُراب
العادَه أهل البيت الله يگول خـاب
ذولــه إلهم بالسـمه و بالگـاع بـاب
مستحيل ... يفــلَح النـاصبــي
مستحيل ... يمحـي آل النبــي
مستحيل ... تبقىٰ اهل الفِـتِـن
________
الدمعه ترسم رابع اصحاب العَـبَـه
بالزَبَـرجَـدْ يزهــي گبــر المُـجـتبىٰ
بيه باب القبـله عِـطـره اشمَطيــبَه
و الضريح المَهــدي بـيده امْذَهِبَـه
الله شاء ... ايذِل يد المجرمه
الله شاء ... ايعِز بنــي فاطـمه
الله شاء ... تعــتلـي بكل زمن
_______
صحن بيه الماي وَزعــوا سَلـسبـيـل
مِــنّه ما تِعــطَش إذا تِشــرَب قليــل
بي طعم چف ابو فاضل مدري هيل
( إشــربوا المــاءَ ثَــوابــاً لـ الكفيل )
والله ماي ... بي عــطر غـِـيرته
والله ماي ... اتبَــرَعه لـ شِـيعته
والله ماي ... انطانه گلبه الأحَنْ
_______
بجانب الاربعه انحِس رأفه و حنين
يغــمُر اگــلوب التحِــب ماله قــرين
اعليها رايه و بيها مطبوعــات إدين
هـــذه قَــبــر السَــيــده أم البــنــين
بالوفاء ... نعمه ترفُض قَحَط
بالوفاء ... يمها و أوگف فقَط
بالوفاء ... كل إسمـها اقـتِـرَنْ
_______
ينبـني المرقــد و سِــرّه ينطــوي
بيد ابو التـاج الأمــامــي النَــبَوي
صحن يشبه گلبـه كلشي يحتوي
ما يدخــله إله مُــؤمِــن عَــلـــوي
ما يطيح ... حتى لو ينـهـدِم
ما يطيح ... أعـلَه مِنّ النجِـم
ما يطيح ... و اليطيح الوثَـنْ
الشاعر حاتم صبري الكاظمي
كل عام وأنتم بخير و تقبل الله اعمالكم جميعا و جعل الله أيامكم فرحاً و سروراً و رزقكم رؤية مولانا الأمام الحجّة المهدي القائم من آل محمد عجل الله فرجه الشريف وجعلنا و إياكم من التابعين و المتشرفين بنُصرته و خدمته العظيمه
حاتم صبري الكاظمي
https://youtu.be/8pmQczp_a1U?si=EXKAI11M_ozHhkd5
Читать полностью…
غــابَ نـورُ اللهِ و المحرابُ ناحا
جِبْرئيلٌ في سماءِ الحُزنِ صاحا
ماتَ ويلاهُ علي ... ماتَ ويلاهُ علي
______
بالسمه صوت الــمآسي ... مِلَه كلشـي بنبرِتــه
كلشي حي ويه الجماد ... بحزن سالت دمعته
اليوم محـراب الـجلاله ... طفو بالدم شـمـعته
راح أميـــر المــؤمنـين ... بسيف طبرو هامته
ديـــن الباري بعيونه
عجيبه من يطبرونه
طَبَرو مِنِ العُلا لـ العَرشِ هــاما
مَــنْ لها من بعــدهِ هذي اليتاما
ماتَ ويلاهُ علي ... ماتَ ويلاهُ علي
______
الله مــن گد ما يحـبه ... خَـلَّه باسْمـَه مَقدِره
(ياعلي) بالعطش ماي ... تكَـفي كل العالـثره
چبير حيل اچبير حيدر ... حــاير بهاذي تره؟
يندفن كْوٓنْ الله عُجبه...ما سمـــــعنه بمگبره
راح الخيـــر عن گاعــه
علي يا مَصعَب اوداعه
دونَهُ الدنيا على الناسِ كئيــبه
و حبيبٌ راح ينعىٰ عن حبيبه
ماتَ ويلاهُ علي ... مات ويلاهُ علي
______
أنه ما كاسرلي گلبي ... و عيشاني بالشجن
راح عن الفــقره كلها ... الچان للفقره وطن
لكن الهيـجلي دمعي ... زيَّــد اعليه المحن
حسين يبچي آيويلي ... و حاضن وياه الحسن
يبچي و يلطم الهامه
أبوو ممـــدود گدامه
صاحَ بالدمـعِ حســينٌ مَذْ رَآهُ
لا تمتْ أرجوكَ لا يا (أَبَــتـــاهُ)
ماتَ ويلاهُ علي ... ماتَ ويلاهُ علي
_______
شلت دمعي ورحت أسمع ... نبـــره جــداً مـــؤلــــمه
هـــذي زينـــب آه زينــــب ... تبچي يم حامي الحمه
تصيـــح راح الأبــــو عـني ... دنيـــه صارت مـــظلمه
راح منـــي اليوم حيــــدر ... أمـــس راحت فـــاطمه
الدنيه شـرايده مني
يتيمه من زغر سني
يا تُرىٰ ما حــالها و ما تَصيحُ ؟
إِنْ رَأَتْ حُســــينَها دامٍ ذبيحُ
ماتَ ويلاهُ علي ... ماتَ ويلاهُ علي
_______
شلون حال الحره زينب ... لو تشاهد هالجــره
الشمر گاعد عله صدر ... حسين يگـطع منحره
و من بعد هذه تشـاهد ... خيــل كلها امحضره
تركـض اعليه و تخلي ... ضلوعه كلها امكسره
و خدر الله يسلـبونه
و ستر الله يشوفونه
إنَّ ما يُشجيْ : نِسا خيرَ البرايا
أخَــذوهُنَّ إلىٰ الشـــامِ ســبايا
ماتَ ويلاهُ علي ... ماتَ ويلاهُ علي
الشاعر حاتم صبري الكاظمي
گلبك متعـوب ... بي چـم أيـوب
صوت جروحه الچبيره
يالمـهـدي اعله الأميـره
بذيچ الصرخـه الأخيره
هِلّيِ الدمعات ؟ ... يا زينب مات
حيدر راح شيجيبه
آخِــر كلمه بنحـيبه
لا تنـسون الغـريبـه...باچر طف
_____
يصايــم مِنـفـجِع ... و فطورك عالدمِع
يمــهدي شلــونه گلــبك هــذه رمضان
بدعائـك تِفتـتح ... الك ثـــاني جــرِح
عــلي بس هالفــجــر تسمعـــله الاذان
يطيح الما وگع يومه ... و دمائه اتغرِّگ هدومه
كِتَب دَمَّه بضرب سيف التعدي
علي طِــبــروه أدركنـي يمهدي
بسيف الشيطان ... طبــروا قرأٓن
الـ لا ( رَحمن ) انتِقامه
( حـتىٰ يُرضي قُطـامَه )
هَـــدَّم سَـگــف اليتامه
يالمهدي شلون ... من تدري ام عون
وَجه الباري و حنانه
بـاچــر يفــرغ مكانه
و يتــانيــها الحـبيبه ... باچر طف
______
تِشوفه و تختنـگ ... علي هذه صِدِگ
( وَجِه أصفر ) يمهدي و ( شِيبه أحْمَر )
يگــلهُم بالبــچي ... عله حسين انتچي
حيــدر هــسـه لا مـــو ذاكه حـــيـــدر
يگول من النَزِف مُتعَب ... خاف تشوفني زينب
و تصيح هنا عليه( يالمِجبلين )
هذه( الشـايليــنه وياكم منيـن )
صــاح و مِنهــار ... أنه الكــرار
ايوچــد خطواته هيـده
حمره اعيـون الصميده
بالگــــوّه يـــرفَـــع ايده
صاحت بالباب ... يا داحي الباب
لا تِلـچــم جَــرحه مِنّه
لا مـــا گِدرت تِحُـضنَه
عُرفت من هالمصيبه ... باچر طف
_______
بدَمع ما جَفْ يكِت ... صدگ تالي وكت
بعــد يالمــهدي ما تِشــبُــگ ابـــوها
اعله عمتك كلشي حَنْ ... تحاچي بالحسن
أبوي شــلـــونه : مَيــجــاوب اخـوها
الأبن لو ذَب العمامه؟ ... أبوه اشـويه أيــامه
يگلها ها يزينب يختي اصبري
أبــويه لو يريـد انطــيه عمري
الينطينه الحيل ... ايون طول الليل
وين اچـفوف التــرافَـه
يدعــيله الهيچي شـافه
جرحه براســه ايتشـافه
طيّــب نلــگاه ... و نصــلي ويـــاه
تدعي امْ روح الحَنونه
يرجــع ســــالم ابـــونه
بعــــد اليلــه رهيـــبه...باچر طف
_____
وِضَع چَف اعله چَف ... ونين الغالي خَـف
علي ايوصي الابن شافت دمعتك
يگــله و گلبــه حَن ... عــزيز ام الحســن
زينـــب يا أبو الغِــيــره برگبـــتك
عندك وادري تستاهل ... امانه يا أبو فاضل
ابقه اوياها للمـــوت الوديــعه
(حتىٰ) توگع اچفوفك گطيعه
و ما بين و بين ... عينه اعله حسين
ادمـوعه ايخَفِّـيها عنه
ابلا راس ايشوفه چنه
امگَطع زينب تِحضـنه
يالمــهدي اتنوح ... تبــچي ليا روح
راس من الطبره دامي
الثاني يذبحـونه ظامي
العــنــــدك اكثر قريبه ... باچر طف
_______
تطوف بحجـرته ... و تبوس اعمامته
وعلىٰ زينب گلب حيدر تسمعه :
الجرح گلـها سهل ... وراچ انتي هِــزِل
و تشوفين الحسين انطِحَن ضِلعه
خيم محروگه گدامچ ... و شِمر شمسوي بيتامچ
و ندائچ تِـعله اهاته أو ونينه
علي بويه علي الحَگ علينه
برُمْح تنظرين ... ايظل راس حسين
اتراب الطَـفِ بجـــفــونه
و الحَـــر غـَــيـــرله لـونه
بــس يم زينب عيــــونه
ايضربون الناس ... براس العباس
بعسكر مَرجـونه هيمـه
اتلم زيــنــب چـم يتـيمه
حيــدر الها اشيـجيـــبه ... باچر طف
_____
الشاعر حاتم صبري الكاظمي
قصيدة : ميمر الخدمه
الرادود : الشيخ الحبيب #كرار_ابو_غنيم
@karrar_abughneem
الشاعر : #حاتم_صبري_الكاظمي
@hatam.s.k
_____________________
عزاء احباب ام البنين - الشطرة
#النجف_الأشرف #كربلاء_المقدسة #الكاظمية_المقدسة #الشطره #الناصريه
https://www.instagram.com/reel/DHD8sixMUZb/?igsh=ajYwZ2h5dTBieGp1
قصيدة | هاي الدنيا |
الرادود : الحبيب الحاج #باسم_الكربلائي
الشاعر : #حاتم_صبري_الكاظمي
#كربلاء_المقدسة #الكاظمية_المقدسة #النجف_الأشرف #سامراء_المقدسة
https://www.instagram.com/reel/DGlY5DiMfoW/?igsh=bmR3Y3ExNWo4OHhs
مــو قَــيـده بچّــاله العين
الكاظم ينوح اعله حسين
الكاظميّه ... الغاضريّه ... بعيونه
__
بحياطين السجن مرســوم گدامـه
حـسيـن ايباوع ايحرگـون بخـيامه
طعنه فوگ طعنه شيحجي الالامه
گــوّه اجروحه يمسحـهن بالعـمامه
من العطش ذاب هواي
ماي الله حرمـوه الماي
بيا منيّه ... الغاضريّه ... بعيونه
___
نِسه ثگل القيــود و كل هضُم حاله
و جرح عاشور ابد ما طاح من باله
عله طاري الحوافر تبــچــي أغلاله
شما يذكــر حـسين اتسحگه خيّاله
بي چم رمح ظل مغروس
چم حافر بصـدره ايدوس
و چم رزيّه ... الغاضريّه ... بعيونه
___
أكل چفّــه الحديد و هـذه ما هَـمّـه
يگول حسيــن هاين كل جرح يـمّـه
يا ويــلي السِهــام امكسره ابجسـمه
اضلوعه مطشره و محد إجه ايـلمّه
يا كلــمه لـ جـروحه تـلوگ
صدره اويه ظهره مطبوگ
بـ هالقضيّه ... الغاضريّه ... بعيونه
____
يگـول انه أموت و جسمي عالقبله
و أكو ناس التجي تابوتي و تحمله
ثلث تيــام عــاري جدي مـو سهـله
محد شيـَّعـه من النـاس بـس قـلّه
رحــمة البـاري القــيّوم
جسمه بحصيره ملموم
جروحه بيّه ... الغاضريّه ... بعيونه
____
چم ديــره و سجــن مَر بيـها بأهاتــه
تــذكــر عالهــزل مِــن سِــبوا عـمــاته
و ضرب السوط مرسوم اعله دمعاته
و شِـمّات العـقيــله اليـوم شــمــاتـــه
تــجــرح اعيـون الشـمّــات
منـهن گــلــب زينــب مـات
زينبيّــه ... الغاضريّه ... بعيونه
الشاعر حاتم صبري الكاظمي
يابو صالح ... شـلونك وشخبار حالك
يابو صالح ... شَـيَّبـِـتْ حته بــخيالك
يابو صالح ... عيني مشتاگه لـ هِلالك
___
الســــلام اعله المُســـافر طــول عمره
وبين خطوه وبين دمعه بروحه كسره
شلونك و شخــــبار عينك ليش حمره
لـ الضلع لـ الطبره لـ المَحـــــزوز نحره؟
يا حبيبي ... شلونك وشوضاع صِحْتَك
يا حبيبي ... ليش مـِــحـــتَرگه دَمـعتَك
يا حبيبي ... يا جَـــرح مَــر اعله بالك
___
الـ عاش مِثلك دِنيتـَـه بســنينه فجْوَه
إنته عِـــند الله فَقَط دَمعـــتك تســوَه
صَــبرك ايحَشـِّـــم بجَرْحَــك گَلّه تگْوَه
عافيــــتنه تروح إلك يالمـــهدي فدوَه
و بغيابك ... عُمر چم يعگوب عشْتَه
و بغيابك ... هوسَة المَوجوع سكْتَه
و بغيابك ... ينتهي گلّي شبقالك
___
وينَك و چم وينــك انگول و تِعِيدَك
هواي مشتاگ اليحبـك بوسة أيدك
لو نسينــه ادري ما تنسه عبيدك
شنو الدنيــه لو تــگـــلِّي ما أريدَك
لو أشوفك ... من فرحتي يموت نبضي
لو أشوفك ... امبَـخِّتْ و يا كُبـُر حضِّي
لو أشوفك ... بيه أعمل ما بدالك
___
فَرَجَكْ مثل البَحـــــر و الـنُدبه سـاحِل
الـ يعْطَـــــشَك لازم ابروحه أبو فاضِل
وشَرِط گلبه محِتـرِگ مثل المَحــــامِل
وريحه من گبر الحُسين بروحه شـايِل
أنه روحي ... الحِزن يصرخ بيّهه أَشعُر
أنه روحي ... سيدي ( مــاتَ التَــصبُر)
أنه روحي ... حيدر الحلَّي و قرالك
___
اليوم يم تاسع جرح نحضر سويّه
جـــايْبَك جمـــر المُــــصاب بهالرزيّه
ساعــــد الله گلبك و گلب الــــزچيّه
تَلـگِـتَك مـَــحنيّه بأرض الكــاظـميّه
و بضِلعهه ... تْلگِتَك توگَـــف و توگَع
و بضِلعهه ... لو مِشَتْ طَگِـتَه تِسْـمَع
و بضلعهه ... صاحتك يبني فدالك
___
من السطح من انرمَه جدّك ذِكرتَه
چنت تتــــــمنّه على صَدرك حِــضنتَه
لـ الجـــواد و چَنّك بْـروحَــــك شُبگتَه
أزرَگْ مْن الـسَّمْ يويلي جسمَه شـفتَه
واعله جدَّك ... دمعه دمعه و ونّه ونّه
واعله جدّك ... يبچي جـبريل المَحنّه
واعله جدّك ... بجرحك يأذن بلالَـك
الشاعر حاتم صبري الكاظمي
دلم: قلب
چشم : عيني
جونم : روحي
دوست دورم : احبك
رفع راية السيدة زينب عليها السلام بين القبتين الكاظميتين
Читать полностью…
" من حيث لا تحتسب "
نعم أنهُ رزقُ آل محمد صلوات الله عليهم أجمعين
منَّ الله عليَّ بالمشاركَ في تشيع الجنازة الرمزيّه بمولاي الأمام جعفر بن محمد الصادق صلوات الله عليه
بمشاركة خدم العتبة الكاظمية المقدسة و مواكب الكاظمية الطيبين .
#حاتم_صبري_الكاظمي
الزمن عالعتره كل الوضع داراه
و لا أسم النبوه بحفــــظ داراه
شجه الصادق اباله بحرگ داراه
خيام و زينب و كلمة ســبيه
هذاك المنهل لكل عـِلِم علماه
ننوحه الچان هو ينوح علماه
السادس للهواشم طاح علماه
و كسروا بي گلب أمّه الزچيه
حاتم صبري الكاظمي
قصيدة من بداياتي الشعرية لـ البقيع :
ريحة نحر ريحة ضلع
اشتمهن بعطر الدمع
چف بي ورد چف بي شمع
(زار المدينة)
...........
بنايبات الليلة هيئه تكتسي ابنور
وَفِد من الغاضرية زار الكبور
والعظيمة فاطمة وياهم تزور
چفوف شالت للعلم گدام النحور
لهدم القبور وناتجة
بجمرة مآسي هايجة
وسبعطش نحر الاجه
(زار المدينة)
...........
لظليمة ولفعل كوم الظلالة
سبعطش نحر الاجه ويمشي بجلالة
حسين بس جثة ونحر ياحالة حالة
ورجعت لعباس چفينه بخيالة
چفينه تتبع لنحر
من تمشي تتقفه الاثر
حته الكمر ويه الكمر
(زار المدينة)
............
وكفت انحور القداسة اعله الترايب
والبقيع اتحولت دار النوايب
كل نحر حاضن كبر يحجي المصايب
والله يامحلاهه لمتهه الحبايب
ومصيبة ومصيبة صعب
من تلتقي بعد الغرب
كل كربله صارت قلب
(زار المدينة)
.........
آلحرك لخيام بارض الغاضرية
ابنه هدم معولة كبور الحمية
والمناحرمن آجت وشلون جية
للقبور الاربعة بهيئة عزية
يستنكرون آلفعلته
معول امية وجرئته
حته الرضيع ابدمعته
(زار المدينة)
........
عالائمة الاربعة تناثر دمعهه
فاطمة ومحنية من كسرت ضلعهه
تسولفلهم عالقبور وعن وضعهه
كل النحور الخبر هذه فجعهه
بهاذه حديث الفاجعة
كلشي بزيارة جامعة
لهاي القبور الاربعة
(زار المدينة)
........
حسين يم ابنه علي من خله صدرة
بالعلم عباس يمسح فوك ظهرة
حال الاكبر كل قلب والله يفطرة
بآيدة عبد الله الرضيع بلاية نحرة
وكل النحور بكل شجن
عالباقر الصادق بچن
القاسم حضن كبر الحسن
(زار المدينة)
........
(كلمات حاتم الكاظمي)
قريباً ...
قصيدة | دولة المهدي
#علي_سعيد_الوائلي
#حاتم_صبري_الكاظمي
https://www.instagram.com/reel/DH-o-insWCy/?igsh=MXg4Zmh3N3J0OHRwNw==
شلون ليله .. تروح و تخلينه
شلون ليله .. و ما تمر اعلينه
لا لا تسافر صــــعبه نفتــــقدك تره
گلوب اليتامه تلوگ الك مو مگبره
__
لا تسافر .. ياعلي تروح وتخلينه بحزنّه
صعبه صعبه
لا تسافر .. العافيّه تتوفه من تروح عنّه
نعيش غُربه
ما نستحـــمل اغـــــيابك...يا مــاي اليــروينه
علي شيسوه العمر لولاك...وياك نموت خلينه
يابو الحساس ... خيمة الله احساسك
تموت الانفاس ... من تغـــيب أنفاسك
وجهك صعب يفتقده اليحب ناظره
گلوب اليتامه تلوگ الك مو مگبره
____
وين رايح .. ها يماي گلوبنه الـ بفراگه صَحَره
هجرك جروح
وين رايح .. الليل مـتعود تدگ بيبـــان فقره
فــدوه لَتروح
ياصاحب نجوم الليل ... بأنفاسك تنـــاغيها
الدنــــيّه ياعلي بليّاك ... ما تسوه نظل بيها
صدگ ترحل ... اعقولنه مذهوله
صدگ ترحل ... يا علي معقــوله
حتى الدمـــوع وياك تمشي مسافره
گلوب اليتــــامه تلوگ الك مو مگبره
__
ها يبونه ... يامن يصلّي الهوه لو باس رمشك
بيك لو مَـر
ها يبونه ... صدگ راح تموت ويشيعون نعشك
لا يحـــيدر
عافيـــةْ الله بچفــوفك...رحمته بمٕسحَة الچفين
بحنّيةْ الله من عيــناك...معيشنه يبو الحسنـــين
أنته و أحنه ... يا علي مجروحنه
أنته و أحنه ... البقـــيّه بـــروحنه
شيبقه بـــعد لمن تغــــادر يا تُره ؟
گلوب اليتـامه تلوگلك مو مگبره
_
من غيابك .. العمر كله يا علي بعدك نصــومه
نلبس اسود
من غيابك .. المات من فراگك والله ما نلومه
يصبر شگـد
بوجهك يا علي نفطر ... لمن نستـمع صوتك
يتامه و ما نصــدگهه ... نشيع اليوم تابوتك
رحمة الله ... يبو حسين عيونك
رحمة الله ... صعبه و يشيعونك
لا ما يلوگ نخلي جـــسمــك بـالثره
گلوب اليتـامه تلوگ الك مو مگبره
_
الله وياك ... و الگلوب بمدفنك صــايره الدفان
بهــالرزيّه
الله وياك ... ناس تلطم ناس تقره اعليك قرأن
بهالمسيّه
روح ويـــــاك يا حيدر ... سلمــــــنه عله الزهره
بقه بس عطرك ويانه ... خلصت ياعلي العِشره
هاي هيّه ... وانــتهى ملگانه
هاي هيّه ... و شـــبقه ويانه
هذه الحــديث و ناتـــجه من أخِره
گلوب اليتـامه تلوگ الك مو مگبره
الشاعر حاتم صبري الكاظمي
https://youtu.be/NjNk0u23Lvw?si=ER3IqR_0HGpSdiQr
Читать полностью…
وداعاً ... أبو الأيتام صيحوله وداعاً
بقت بس النوايح ... أبو الحسنين رايح
_______
علىٰ بابه الدمـع يكتــب كلمتين
بس هالليله و يسافر أبو حسيـن
عله الـفـقره حنانه يحصل منين
شتشوف العين لو يرحل ضوه العين
أويـلاه ... عمة عيني علىٰ زينب اويلاه
گلبها الليله صايح ... أبو الحسنين رايح
______
وداع و چانت من الفقره صيحات
يا خيــمتــنه يا حــيـــــدر سلامات
ثواني و صوت يجرح بالگلب فات
البقيه بروحكــم حــيدر علي مات
علي مات ... بعد يا دنيه تنفعنه علي مات
دمع بالعين طافِح ... أبو الحسنين رايح
______
صريخ ايتامه : يلّــي تجــهزونه
نريــد انــودعه يلّي اتودعــــونه
تِشـيعه ادموعــنه من اتشيعونه
بالتــابــوت خل انشــيل ابــونه
أبو تراب ... بالتراب اندِفَن وسفه أبو تراب
الىٰ الجنّات نازح ... أبو الحسنين رايح
_____
فـــرگة عـــلي ما مَصـعب بلاها
ظلام الدنيه من ســــافر ضواها
خنـــگه ارواحنـــه و هـوه هواها
وفـــاتك ريـــت ما عشـنه وراها
عله الأيتام ... بعد عينك منو يسأل عام الأيتام
الحِزِن معناه واضح ... أبو الحسنين رايح
______
علي من حَضنِته فُرغت اديــنه
و بعد منبوسها اچفوفه الحنينه
و اعله ابــيــوتــنه ميمــر علينه
چانـت خيمــه عالايـــتام عيــنه
فگدناه ... حنان الله بعد روحه فگدناه
أحَن و اعظم مُسامح ... أبو الحسنين رايح
الشاعر حاتم صبري الكاظمي
قصائد في حق أمير المؤمنين علي ابن أبي طالب عليه السلام
Читать полностью…
شهر مبارك عليكم جميعا جعلكم الله من الفائزين بحسناته و من الراغبين و المؤيدين بعبادته و من الناصرين لصاحبه مولانا صاحب العصر و الزمان عجل الله فرجه
شهر رمضان مبارك
حاتم صبري الكاظمي
تخميس الشاعر حاتم صبري الكاظمي لقصيدة الفرزدق المكتوبة في حق الامام زين العابدين ع ..
إنْ قُلتَ بـدرٌ لـقـد أَخفَيتَ فِـلقَتــَهُ
نُوراً حَوَتْ مِنْ رَسولِ اللهِ خِلْقَــتَهُ
هـذا الذي تعــرفُ العَـلياءُ سَجدَتَهُ
هـذا الذي تعــرفُ البطحاءُ وطأتَهُ
و البَيتُ يَعرِفُهُ و الحِـلُّ و الحَــرَمُ
_
قَدْ خابَ مَنْ في عُلـومِ اللهِ جَادَلَهُ
اللهُ فــي مَـــرتَــعِ الأنــــوارِ أنــزَلَهُ
قالَ اللئـــيمُ فَـمَنْ هذا؟ فَقــلْتُ لَهُ
هذا ابنُ فاطـــمَةٍ، إنْ كُنْتَ جاهِلَهُ
بِـــجَــدّهِ أنْبِــيَاءُ الله قَـــدْ خُتِمُوا
_
إنْ يَعطَشِ الليلُ يَسقِيهِ بنــاظِرِهِ
وَريثُ بيــتٍ تَــرَبىٰ في مَحاجِرِهِ
ذا خــيرُ تَقــوىٰ الإلهِ في شَعائِرِه
وَ لَيْـسَ قَـوْلُكَ: مَن هذا؟ بضَائرِه
العُرْبُ تَعرِفُ من أنكَرْتَ وَالعَجمُ
_
مــا سـامَرَ الليــلَ إلا فــي تَـعَبُّـدِهِ
إذْ ساجِدَاً قَدْ أتىٰ في يومِ مولدِهِ
فـ اللهُ جــاعِلـُــهُ وَريــــثَ أحمدِهِ
ما قــال: لا قــطُّ، إلاّ فــي تَشَهُّدِهِ
لَــوْلا التّــشَهّدُ كــانَـتْ لاءُهُ نَـعَمُ
_
كَـــريـمُ كَـــفٍ نَــعــمْ مــا رُدَّ ســائِلُها
ما كــانَ (فِعـْلاً) فـ للأســماءِ (فاعِلُها)
فِــيهِ صِــفـاتٌ لــقَـدْ قَــلَّتْ قَـــلائِلُها
إذا رَأتْـــــهُ قُــرَيْـــشٌ قـــالَ قـــائِلُها
إلى مَــكَـــارِمِ هـــذا يَنْــتَهِي الكَــرَمُ
_
ذا خَيـــرُ مُنْـــتَبذٍ فـي اللهِ ما انتَبَذَا
قــالَ الفرزدقُ فيهِ الشـــعرَ قُــلتُ لِذا
الفضلُ في الأرضِ يا ناسُ يعودُ لِذا
مَن يَشــكُرِ اللهَ يَشــكُرْ أوّلِيّةَ ذا
فالدِّينُ مِن بَيتِ هذا نَالَهُ الأُمَمُ
__
الشاعر حاتم صبري الكاظمي
مَـلاذ الدنــيه بَعـتـــابَه
كريـم و ما يسِــد بـابه
الحوائج بينه من تكـثر
بأمانة موسىٰ بن جعفر
_____
أنصحَـك لو يشِد حربه على گلبك زمانك
إذا تختـنگ روحك لو يضيگ بهم مكانك
إذا شِفـت البـشـر ضِدّك تعنّــه و بحـنانك
دخيلك گلّه عندي و الي ما عندي بأمانك
عد عينك .. حُب ابو طِـلبه وطَـن
لـ سنينك .. ماكــو من گــلبه أحن
بيمـيـنك .. ينطي كلشي بلا ثمَــن
يوگفــلك .. ما يعــوفك لـ الـزمَـن
بعـطر جــنة عَــدَن داره
يسمو صاحِــب الشــاره
همــوم الوكت من تِكــبر
بأمانة موسى بن جــعفر
______
المريض الي يطب صحنه يشــافي منّـه عِلتْـه
و الـ ما يمشي بس ينخاه يرجع يمشي شفتـه
الكفـيف اعيونه ترجَع لو دِعه موسـى بدمعته
يـ الزايـر تِــرِد مــســرور گــبــره لــو شبــگـته
لتــعــوفــه ... هوه مفتاح الشدد
بحــروفــه ... قــل هــو الله أحد
من اطوفه ... أطلب و أكثــر بعد
بمــعروفـه ... خالي ما ترجع أبـد
و لا يكسر أبد خاطِر
يگُر اعيــون كل زاير
بـ جــوابـــه لا ميـتأخر
بأمانة موسى بن جعفر
____
عِشِت من زغري جوّه خيمته وروحه الرؤوفه
أبويــه يگــودني لـ گـبره و يگــلــي لا تعــوفه
إذا صــدري يضيگ ارتاح لو بـس مرّه أشـوفه
أحس فاتحــلي بابـه مَــدري فاتــحلي چفوفه
سألـوني ... بحبه مقياس العـشگ
عرفوني ... روحـي دونه تخــتنگ
يدروني ... برحمـــته نبـضي يدگ
بعيـوني ... عندي بس هو الصدگ
اكتَبِت بالمدمــع الهايم
أحِب راهب بني هاشم
علــيه الدنيــه من تفــتَر
بأمانة موسى بن جــعفر
_____
بلاد البيها گـبره كل خطــر ما يبــقه لو مَـر
العراق بفضله و ألطافه أبد ميمسـه كل ضَر
اليزوره بدمعه يم فاطمه شانه وجاها يكبَر
سلام الله عليك اينادي يا موسى بن جعفر
خلانـي ... عايش أنه برحـمته
سواني ... و انرزقـت ابنعـمته
دلانــي ... واعتـكفت بخـيمته
عـلاني ... سـيدي في خـدمته
وحق الباري و املاكـه
بيــت الــروح شــباكه
صده الدمعــات يتكــرر
بأمانة موسى بن جعفر
_____
اجيـته و گـتله انته بحالتـي مــولاي عـالـِـم
الشـغــله من أذبـها يـمك أطــلع بيــها سالـم
يتــغــيـرون و أنه باقــي مَـيغــيرني واهِــم
خير براسي سـويت و صرتلك خوش خادِم
بحنيتك ... ما يهمني كل خطـر
عافيتك ... عوضَتني من البـشر
تربيـتك ... شايل اسمك يا فخر
و بيتك ... يحله بالخدمه السهر
صحت وافتخر عنواني
أســد بغــداد سلــطاني
نخيـته بكلشي ما قـصَّر
بأمانة موسى بن جعـفر
الشاعر حاتم صبري الكاظمي
..