مُلهَـــم💛

25 Jun 2023 11:08

كلشي بالحياة اله معادلة لازم تحقق شروطها لتجيب النتيجة يلي بدك ياها

اذا بدك تاخد الجواب 2 بالآلة الحاسبة، لازم تحط 1+1 او 2+0

ومو مهم شقد بتشتغل او بتتعب ولو حتى حطيت 1000+ 1000000 مارح توصل للشي يلي بدك ياه

لحتى تنجح مابكفي تشتغل وتتعب، لازم تعمل الشي الصح يلي رح يوصلك للنتيجة.

مُلهَـــم💛

21 Jun 2023 16:01

كنت قاعد لحالي بالجامعة جنب البنك الساعة ١٢ الضهر وماسك الموبايل بإيدي، جنبي عاليمين مشروع التخرج يلي جبته من شوي من المكتبة. في رجال بيطلع عمره ٥٠ سنة منزل راسه لتحت وعم يمشي شوي شوي بعد ماطلع من البنك ومبين عليه كتير زعلان وهلق هو عم يجي لعندي، أكيد رح يروح لبعيد مستحيل يجي يحكي معي لانو مابيعرفني بس بعدها فجأة وقف قدامي وقلي: ٢٤.

- نعم عمو؟ مافهمت عليك.
- ٢٤ الف راتبي بالشهر. (مع ابتسامة صغيرة وراها في خيبة أمل💔).
سألني انت اش بتدرس قلتله طب بشري بعدها قلي راتبك رح يكون 90 الف.


كتير ايام مابحسن بنام بالليل لأنو بكون عم بدور على طريقة لأشتغل فيها واكون شخص احسن واسبق كل الناس. ومن اكتر الاسباب يلي بتخليني أكره الجامعة هو انو بالجامعة مابعلمونا شي عن المصاري وبس بحفظونا شغلات غبية مارح تفيدنا بشي وبيقنعونا انو هاد هو النجاح بالحياة مع انو هنن بكونوا فاشلين أصلا بحياتهم وفي كتير عالم عنجد بتصدق وبينغسل عقلها بسهولة. في كتير شغلات بشعة متل الفقر ومشاكل نحن السوريين انفرضت علينا بسبب الحرب. بس مستحيل أرضى ولو لثانية اني اعيش حياة مالي فخور فيها. اخر فترة تعرفت على كتير ناس اجانب وعم بطلع عليهم اغلبهم ناس عاديين كتير ومالهم أحسن مننا بأي شي بالعكس نحن منقدر نعلمهم مليون درس عن الحياة بسبب ظروفنا. لهيك مارح أرضى شخص تاني عايش ببلد تانية يعيش حياة أحسن مني. رح أدمرهم كلهم بسهولة انشالله.

وهلق رح أسألكم؟ هل هي هية النهاية يلي بدكم ياها؟ تتوظفوا بشي مشفى او بشي شركة وترضوا بالراتب القليل وتتقبلوا الواقع؟ ولا عندكم خطة بديلة؟

مُلهَـــم💛

20 Jun 2023 14:02

✅ فريق Capstone من المنصات الطبية المسؤولة عن نشر المعلومات الطبية
✅ ويقدم خدمة إعداد الأبحاث والترجمة الطبية للطلاب المقبلين على التخرج
✅ اذا كنت مهتم بمعرفة:
🔹 تصحيح الأخطاء الطبية الشائعة.
🔹 نشر أحدث المعلومات الطبية مرفقة بالمصادر.
🔹 شرح وافي لكثير من الأمراض.

🔶 لمعرفة المزيد عن محتوى القناة:
🔹️هل تؤثر ممارسة العادة السرية على الأنثى أثناء الحمل
🔹علاقة الروائح بالعاطفة
🔹علاج برودة القدمين
🔹التفاح مفتاحك لقوام رشيق
🔹التخلص من وجع الرأس بحبة سيتامول واحدة
🔹سلبيات البوتوكس
🔹سلبيات العدسات اللاصقة

🔶 رابط القناة بالأسفل وتجدون بالوصف روابط صفحاتنا على تطبيقي Facebook و Instagram

CAPSTONE 4 MED

مُلهَـــم💛

17 Jun 2023 17:01

4 خطوات كتير بساعدوني لحتى انظم حياتي كل مابحس حالي ضايع:


🧮 احذف كل التشتت من حياتك:
قبل مانعمل خطة، حتى ولو كان عندك أحسن خطة بالعالم فمارح تقدر تلتزم فيها اذا انت متشتت طول الوقت، لازم تكون لحالك مع افكارك. لهيك احذف التشتت( سوشل ميديا، اصدقاء سلبيين، تلفزيون وأي شي تاني مابخليك تركز)
شوفوا هاد البوست فيه طريقة عملية لحذف السوشل ميديا: اضغط هنا


📝 اعمل خطة:
كل الشركات الناجحة عندهم خطة سنوية وخطة شهرية واهداف يومية مع انه عندهم كتير الموظفين، وانت لحالك ماعندك ولا موظف وعايش بدون خطة. جرب اسال اي حدا بتعرفه اش هي اهدافك لهاد الاسبوع؟ غالبا مابيعرف اصلا اش بده يعمل اليوم.
شلون نعمل خطة طيب؟ رح أعطيك أفضل خطة بالعالم، أفضل خطة هي انك انت تطلع على الخطط السابقة يلي نجحت معك وترجع تعمل متلها وتطورها، لانو عالانترنت كل حدا رح يحكيلك خطته بس خطته مارح تناسبك، انت تذكر اكتر وقت كنت عم تأنجز فيه وتذكر اش كنت تعمل بالتفصيل واعملهم هلق مرة تانية⭐️
وهلق رح احكيلكم عن خطتي للناس المهتمين بس اذا مالك مهتم روح عالخطوة يلي بعدها: بحب اخلي الموضوع كتير بسيط لهيك عندي بس اهداف سنوية واهداف يومية (مابحب احط اهداف شهرية واسبوعية بشتتوني بدل مايساعدوني فلهيك بركز عالسنة وعاليوم بس) اكتب اهدافك للسنة بكل المجالات بحياتك (دراسة شغل تطوير ذات رياضة دين)وبعدين كل يوم الصبح اعمل خطتك لهاد اليوم واكتب الشغلات يلي لازم اليوم تعملها لحتى تحقق خطتك الكبيرة السنوية مثلا لازم كل يوم اقرأ 30د لحتى بآخر السنة اقرأ 50 كتاب، كل يوم الصبح لازم يبلش بكتابة خطة، اذا ماعملت هيك مبروك اليوم هاد رح ينكب متل يلي قبله. انا كتير بحب استخدم قاعدة ال66% يلي اخترعتها من فترة وكتير حبيتا صارت أساسية بحياتي: اضغط هنا🌄


⚡️ فوراً نفّذ الخطة بغض النظر عن مشاعرك:
انت ماعم تعمل رياضة مو لانو انت مكتئب، انت مكتئب لانك ماعم تعمل رياضة. لحتى تغير مشاعرك غير تصرفك، لهيك لما بتحس بشعور ملل فمعناتا اخر كم ساعة ماكنت عم تعمل شي لهيك بس تعمل شي جديد بتتغير مشاعرك.


🧩 التزم بالأساسيات:
اذا انت ماعم ترجع لورا كل يوم، هاد الشي بيعني انو انت عم تمشي لقدام وعم تنجح. مثال: كل يوم عندي هدف اقرأ نص ساعة، بس خلينا نقول انو ابدا مالي مشتهي أقرأ اليوم او ماعندي وقت فالشي يلي بعمله اني بقرأ دقيقتين او خمسة وبوقف بعدها، واذا صار عندي طاقة اكتر بكمل اكتر، وفي ايام بكون كتير مشتهي أقرأ فبضل ساعتين تلاتة عم بقرأ، بس أقل أقل أقل الشي هو قراءة 5 دقايق باليوم وهيك بحافظ على العادة وبتضل شغالة، وبس كانت العادة شغالة حتى ولو دقيقتين باليوم ف انت باليوم يلي بعده رح تشتهي تعملها مرة تانية، اما اذا اليوم ما عملت رياضة فبكرا رح تحس حالك كمان مالك مشتهي ومارح تفرق كلها يومين وبعدين بصيروا 3 ايام واشهر وسنين، بس اذا اليوم عملت رياضة 5 دقايق بكرا رح تشتهي تعمل رياضة كمان 5 دقايق وبتقدر تتخيل شلون رح يصير جسمك بعد 6 سنين ^_^


⭐️ أسأل نفسك دومااا دوماااا:
هي يمكن احلى نصيحة بتعلمها من اخر 3 كتب بقرأهم، السبب يلي بخليك تعرف تعطي نصائح حلوة لغيرك لأنو هنن بيسألوك وبالتالي عقلك ببلش يدور على اجابات، بس بحياتك الشخصية انت بتعدي بمشاكل ومابتسأل حالك اصلا شلون بقدر بحلها. لهيك دوما بأي مشكلة بتصير معك اسال حالك شلون بقدر بنجح فيها؟ شلون بقدر بستمتع اكتر بالدراسة؟ شلون بقدر بنشر محتوى بشكل اسرع؟ شلون بقدر بخلي اهلي فرحانين اليوم اكتر؟ شلون بقدر بلاقي شغل؟ في هاد التمرين كتييير حلو جربوه هلق وشوفوا شلون رح يفيدكم، بعد ما تسألوا حالكم السؤال جيبوا ورقة وقلم واكتبوا 20 جواب، اول 10 بكونوا شوي سهلين بس بعدها بصير الموضوع اصعب بس رح تخطرلكم افكار كتيييير حلوة ورح يصير عندكم 20 حل لمشكلة وحدة وبعدها بتطبقوهم وشوفوا النتائج الحلوة. اذا ماسألت حالك ف عقلك مارح يعطيك أجوبة. هاد التمرين غيرلي حياتي وكل يوم بعمله.

مُلهَـــم💛

16 Jun 2023 20:50

For children

Lifehacks💡

مُلهَـــم💛

13 Jun 2023 23:33

يمكن أكتر شي مشتقله بالعالم هلق اني ارجع اعمل فيديوهات يوتيوب ☀️
عنجد بفرح كتير كل مابعمل فيديو بحس كأني رجعت للحياة 🏠

الناس الجداد عالقناة ومابيعرفوا القصة: بلشت اعمل فيديوهات بالعربي من 4 سنين وعملت شي 150 فيديو عن الدراسة والتخطيط ونصائح من كتب وكورسات بس بالاخير حذفت القناة لسبب مابدي كتير احكي فيه وبلشت قناة جديدة بالانجليزي ونشرت عليها كم فيديو لحد الآن. حاليا كتير مشغول بحياتي وعم بشتغل اكتر من شغل مع بعض وبدرس فماعم تكون صناعة المحتوى أولولية عندي مع اني بعشق اعمل فيديوهات، رح احاول بالفترة الجاية ارجع اعمل فيديوهات🤍

وفي فيديو مصوره من شهر ونص بكرا رح أنشرلكم ياه الساعة 4 🌄

مُلهَـــم💛

10 Jun 2023 17:02

🟨 تكديس العادات:
⬜️ اربط العادة المرغوبة بعادة حالية.
⬜️ بعد العادة الحالية سأقوم بالعادة المرغوبة.

◼️ بعد ان استلقي في السرير للنوم سأقوم بتخيل اهدافي واحلامي
◼️ بعد ان اصب فنجان القهوة في الصباح سوف اكتب خطة اليوم

مُلهَـــم💛

09 Jun 2023 11:20

تخيل انو كلشي حكولك ياه طلع كذب
تخيل انو كل مبرراتهم كذب
تخيل انو كلشي بتعرفه عن الحياة كذب
تخيل انو كلشي بتعرفه عن النجاح كذب
تخيل انو كلشي بتعرفه عن المصاري كذب
تخيل انو كذبوا عليك كل هالسنين

اش رح تعمل؟

مُلهَـــم💛

06 Jun 2023 10:06

هلق خلصت دراسة لغة على بابل📝
حطيت هدف انو كل اسبوع لازم اخلص 7 دروس⏳

هالتطبيق احسن من أي تطبيق تاني لتعلم اللغات لأنه فورا بيعطيكم جمل واقعية من الحياة اليومية وبتحفظوا الجملة كاملة⭐️ بدون مايحفظكم كلمات وانتو بدكم تربطوهم متل دولينغو🤦🏻

وفيه اله تطبيق عالموبايل كمان🍩

البرنامج مدفوع بس انا عم بدرس فيه مجانا بعد ماسجلت بالمنحة: اضغط هنا🏠

المنحة بدها شهر ليوصلكم إيميل القبول 🌄

مُلهَـــم💛

05 Jun 2023 18:41

اعلان لكورس الكتابة الأكاديمية 👆🏻رح يساعدكم لحتى تبلشوا بطريق الشغل عالنت اذا انتو مهتمين بالكتابة الاكاديمية📝

بنصحكم تشوفوه وفي جلستين تعريفيات مجانيات عاليوتيوب❤️☀️ رابط الغروب: اضغط هنا

مُلهَـــم💛

05 Jun 2023 06:45

هي يمكن أول مرة بحياتي بضل متشطح 7 ساعات مغمض عيوني ومابحسن بنام ولا بنعس ابدا


بس يلا مو مهم هلق عندي شغل مالي فاضي للنوم عطيته لجسمي فرصة يرتاح بس هو ما استغل الفرصة. لهيك مالازم يزعل مني لانو مافي نوم لل12 بالليل

مُلهَـــم💛

04 Jun 2023 19:00

⬜️ كل قرار مناخده رح يغير حياتنا فورا🤍

من فترة حذفت قناتي اليوتيوب بعد 4 سنين شغل عليها وحسيت كأني خسرت كلشي اشتغلت عليه بحياتي كلها وماعاد عندي امل بشي وضيعت 4 سنين من حياتي عاليوتيوب وبالاخير راح كلشي، هالشي خلاني أزعل وبلش يأثر على حياتي، صرت اقول لحالي انو مارح تفرق اذا اليوم عملت رياضة او ماعملت جسمي اصلا مارح يتغير بهاليوم وانا اصلا خسرت 4 سنين من حياتي لهيك معلش اليوم ما اعمل رياضة او ما أقرأ كتاب او....

بس بعدين شفت انو اذا اليوم ماعملت رياضة، بكرا غالبا رح اتكاسل كمان ومارح اعمل رياضة، وبعد بكرا غالبا مارح اعمل رياضة وبتقدروا تتخيلوا اش رح يصير بعد 6 سنين

اما اذا اليوم عملت رياضة دقيقتين بس، فبكرا رح اقول لحالي انو امبارحة كنت مالي مشتهي ومع هيك عملت رياضة شوي فخليني اعمل كم دقيقة، واليوم اللي بعده غالبا رح اعمل رياضة 10 دقايق وبتقدروا تتخيلوا شلون النتيجة رح تكون بعد 6 سنين

مُلهَـــم💛

03 Jun 2023 23:10

مسخرة عنجد

خلص يقولوا بدنا موظفين ببلاش مو احسن من الكذب، انا لما اشتغلت مترجم عالنت كنت اشتغل وبالمقابل آخد مصاري سبحان الله بس هون بدك تشتغل مترجم وببلاش وبدك تكون مبسوط فوقا لأنو هي فرصة تطوعية مابتتعوض يعني مادوما بصحلك حدا يستغلك ويضحك عليك ببلاش😇

مُلهَـــم💛

03 Jun 2023 17:15

لهلق بتذكر كنت متدايق وانا بالغرفة لحالي انو ليش دوما مامعنا مصاري وقلت لحالي بدي احل هالمشكلة.

كنت وقتها سنة تانية بكلية الطب، كنت مزعوج ومعصب وزعلان فدخلت عالنت وشفت اكتر من 100 فيديو عاليوتيوب عن الشغل عالانترنت وتعلمت عن كل المجالات وبالاخير وصلت لخلاصة انو اكتر شي ناسبني هو الفريلانس (العمل الحر) وهو بشكل عام أنسب شي للطلاب. وخلال اول اسبوع اجاني اول شغل ترجمة، وبعدا بلشت اشتغل بالتصميم والمونتاج والتصوير وشوي شوي الموضوع بلش يكبر مع انه اخد وقت كتير مني ما انو كان سريع بس الحمدلله انا كتير فرحان اني مشيت بهالطريق وهلق حتى بلشت اشوف نتائج حلوة وكل ماله الموضوع عم يتطور لهيك بنصحكم تبلشوا من بكير لانو الموضوع بده شوية وقت. بعدها تركت الفريلانس بس لساتني لحد الآن بشتغل عالنت بطرق تانية وبالنسبة الي كانت البداية من خلال الفريلانس لهيك اذا بتحبوا بلشوا انتو كمان واستغلوا فترة الجامعة☀️

مُلهَـــم💛

02 Jun 2023 12:45

في كتير ناس بفكروا انو اليوم هو 24 ساعة بس هاد الشي غلط

ممكن يومك يصير 100 ساعة او 1000 ساعة

كل ماكان في ناس عم تشتغل معك لتحقق اهدافك هيك بتزيد ساعات يومك، بدل ما انت تتعلم 5 كورسات، انت وخمسة من رفقاتك كل واحد يتعلم كورس ويلخصه للباقيين هيك بتكونوا كلكم تعلمتوا خمس كورسات بوقت كورس واحد♥️ ونفس الشي اذا عندك موظفين فانت هون بتكون عم تشتري وقتهم وتضيفه لوقتك لتحقق هدفك

مُلهَـــم💛

24 Jun 2023 11:01

بآخر شهرين بلشت أعمل اعلانات على قناتي التيليغرام واخدت فيهم 145,000 ل.س من الإعلانات فقط:
الشهر الأول: 35,000
الشهر التاني: 110,000

خلال هالاسبوع رح أضيف دروس جديدة مجانيّة على كورس التيليغرام: اضغط هنا🏠
ورح أعلمكم بالتفصيل اش لازم تعملوا لتكبروا قنواتكم ولحتى تبلشوا تطالعوا مصاري منها🤍

شغلوا الإشعارات لحتى يوصلكم أول ماينزل المنشور🏆

مُلهَـــم💛

20 Jun 2023 16:00

https://poe.com/Sage

هاد الموقع رائع، متل chatGPT ومابده vpn🍿

دوما بستخدمه لكتير شغلات بيعطيني الخلاصة فورا بدون ما ادور على غوغل 🍰🍕

مُلهَـــم💛

18 Jun 2023 12:52

⬜️━━ • سلسلة نصائح الجامعة🏠
‏┃
‏┛━━━ • اضغط هنا⭐️🤍

مُلهَـــم💛

16 Jun 2023 21:39

"إن يعلَم الله في قُلُوبِكم خيراً يؤتِكُم خيراً"❤️

مُلهَـــم💛

14 Jun 2023 15:05

⬜️ قم ببناء عادات جديدة بطريقة لم تسمع بها من قبل

⬜️ رابط الفيديو: اضغط هنا🏠

بخيارات الفيديو بتقدروا تشغلوا الترجمة للعربي للي بحب☀️🤍

مُلهَـــم💛

11 Jun 2023 23:29

الحلم لا يموت، فقط يذهب لشُجاع آخر.
اضغط هنا❤️

مُلهَـــم💛

09 Jun 2023 12:58

اليوم الصبح خلصت هالكتاب
من أسوأ الكتب يلي بقراها

احلى شي فيه هو العنوان، وكمان الفصل الاول فكرته حلوة شوي، عم يقول بالفصل الأول انو مالازم تلحق شغفك وتعمل شي بتحبه، لانو حتى ولو عم تعمل شي مابتحبه بعد بفترة بس يصير عندك خبرة كبيرة فيه رح تبلش تحبه وهالشغلة بالفعل صح.


بس هيك هي ملخص الكتاب🤣 ضيعت وقتي فيه.

مُلهَـــم💛

07 Jun 2023 00:04

بكرا اول امتحان بكالوريا💎

صرلكم 12 سنة عم تدرسوا وقدمتوا فيهم آلاف الإمتحانات، لهيك مارح يكون صعب عليكم كم امتحان بسيط. رح تدمروهم بسهولة انشالله❤️☀️

مُلهَـــم💛

06 Jun 2023 06:13

‏يعتقد الناس أنهم سيكونون سُعداء إذا ذهبوا للعيش في مكان آخر، لكن الأمور لا تجري بهذه الطريقة، لأنك أينما ذهبت فستصطحب نفسك معك.

مُلهَـــم💛

05 Jun 2023 18:39

— ممكن تحصل على #شهادة تثبت إنك كاتب أكاديمي؟؟
— حابب يكون اسمك موجود بمثل هي الشهادة ؟؟

نعم هاد الشي ممكن 🔥😌


رح يتم تقديم #شهادات لجميع الطلاب في كورس الكتابة الأكاديمية، بعد إتمامهم للمستويات الثلاثة، أي عند تخرجهم من التخصص كاملاً 👏


✅ شهادة الكترونية بكود خاص، تُرسل على شكل pdf بدقة عالية.


لسا التسجيل متاح ومعك فرصة لتكون كاتب أكاديمي 📝🔥


🛑 المقاعد محدودة للحفاظ على عدد نموذجي، واليوم هو الأخير لتأكيد التسجيل، سارع بحجز مقعدك❗️
/channel/+NOWAq4ESwHI5Yzc0

مُلهَـــم💛

04 Jun 2023 19:25

شكل جسمك هلق سواء كان حلو او بشع هو بسبب الشي يلي كنت عم تعمله اخر 30 يوم، اذا كنت كل يوم عم تعمل رياضة وتلتزم بالاكل هلق رح تبلش تشوف الفرق☀️

وأي شي بحياتك بتبلش بتعمله اليوم، مارح تبلش تلاحظ النتائج الا لبعد كذا اسبوع او شهر عالاقل🏠

لهيك اذا حياتك ماحلوة هلق، هي اشارة الك انو تغير الشي يلي تعمله مشان الشهر القادم يكون احسن🌄

مُلهَـــم💛

04 Jun 2023 16:41

لسا معك فرصة #لتتميز عن غيرك وتكون #كاتب_أكاديمي.. قادر يشارك بالأبحاث الطبية، قادر يشتغل بالترجمة وكتابة المقالات الأكاديمية...📝🔥


مازال التسجيل متاح بكورس الكتابة الأكاديمية... ومع هدية لليوم فقط ❤️‍🔥

لمن يأكد تسجيله اليوم يحصل على الكورس بتكلفة 140 ألف بدلاً من 150

كن السبّاق دوماً 😌👏



لتفاصيل أكثر عن التسجيل او أي استفسار آخر، انضم لغروب اللغة الانكليزية :
/channel/+NOWAq4ESwHI5Yzc0

مُلهَـــم💛

03 Jun 2023 18:25

— كسب المال والعمل في مجال الكتابة الأكاديمية... 💰هل هو شي موجود؟؟؟

— نعم موجود صديقي بس انت عيونك مغمضة عن كتير مجالات 😌😆

— يعني هاد الكورس ممكن يعود عليي بأضعاف تعبه وتكلفته؟

— أي نعم 🔥

— طيب كيف وشو مجالات العمل؟؟

— هاد الشي يلي رح نعرفه بكورس الكتابة الأكاديمية

— اذا انت متابع #جديد وحابب تعرف اكتر عن الكورس ⬅️ وفرنالك الجلستين #التعريفيات المجانيات على #اليوتيوب لتحضرهن بسهولة

1. الجلسة الأولى
2. الجلسة الثانية


لتفاصيل أكثر عن التسجيل او أي استفسار آخر، انضم لغروب اللغة الانكليزية :
/channel/+NOWAq4ESwHI5Yzc0

مُلهَـــم💛

02 Jun 2023 15:25

بالنسبة الي القراءة مملة وبشعة وبطيئة

لهيك الشي يلي بعمله اني بسمع كتب، اذا الكتاب ماحبيته ومبين الكاتب عم يحكي حكي فاضي من اوله مابكمله وبروح على واحد تاني عنده خبرة اكتر. انا شخص كتير سريع بحب اخلص شغلي بسرعة ماعندي وقت اضيعه مع حدا او بقراءة كتاب واضل فيه شهور لهيك بسمع الكتب بسرعة 2X وبكتب ملخص للشغلات المهمة وهيك كل اسبوع بخلص كتابين وبطبقهم فورا بحياتي. الهدف الرئيسي من القراءة هو انه ناخد خبرة هالاشخاص ونطبقها بحياتنا ونجيب نتائج بسرعة. ولهيك لما بلشت اشوف كتب كتيير حلوة وعم تفيدني بلشت احب القراءة كتير واتعلم منها باستمرار. وصارت عادة لانو ممتعة وبتجيب نتائج حلوة وخصوصي انو حاذف اغلب برامج السوشل ميديا من عندي والباقي حاططلهم مؤقت يومي لهيك الطريقة الوحيدة لحتى اتسلى هي اني اسمع كتابين بالاسبوع.

في عندي طريقة سحرية بعملها لحتى اتذكر كلشي بقرؤوه من الكتب: اضغط هنا🌄

مُلهَـــم💛

01 Jun 2023 21:05

🔴 قناة الطب النفسي بالعربي

⭕️ حالات سريرية في الطب النفسي.
⭕️ أسئلة وأجوبة مع تفسير الإجابة.
⭕️ معلومات مهمّة لطلّاب الطب وعلم النفس.

📝 أهم ما في القناة:
✅ حالات سريرية
✅ لماذا يجب أن تأخذ تخصص الطب النفسي بعين الاعتبار
✅ اضطراب الهوية التفارقي
✅ قصة وأسئلة | فوبيا الدم
✅ تقنية EMDR لمعالجة الصدمات النفسية
✅ اختبار لتقييم الاكتئاب

أهلاً وسهلاً بكم 💚