مُلهَـــم💛

01 Jun 2023 09:53

🟨 الفرق التطوعية بالجامعة كلها فاشلة 🌄


ماتضيعوا وقتكم بالفرق التطوعية الغبية الموجودة بالجامعة، هنن بدهم حدا يشتغل عندهم ببلاش وبيكتبولكم (تم فتح باب التطوع بالفريق) على أساس انو هي فرصة العمر وبحاولوا يضحكوا عليكم من خلال الكلمات انو هي الفرصة مابتتعوض بس الحقيقة هنن بدهم حدا يشغلوه عندهم ببلاش ويضحكوا عليه ويقنعوه انو هو عم يفيد المجتمع وهالحكي الفاضي لهيك ماتكبوا حياتكم ببلاش. انا مرة وحدة تطوعت بفريق بالجامعة وندمت وكله توتر وبدون أي مقابل. اذا بدك شي تتطوع فيه مشان تحطه بالCV انت اعمل مشروعك التطوعي مثلا انا عندي قناة لطلاب فئتي هي هية: اضغط هنا بنشر عليها كلشي ملفات للدراسة وملخصات وهيك هي بقدر بحطها بالسي في انو هي مشروع تطوعي عملته لحتى أفيد رفقاتي وبحط رابطها وانو عم يستفيد منها 700 شخص.

نفس الشغل يلي انت عم تعملو ببلاش لفريق تطوعي بتقدر تاخد عليه مصاري بمكان تاني، يعني بالاخير انت عم تشتغل شغل حقيقي وببلاش. انا بالنسبة الي مابحب اكب وقتي ببلاش عالقليلة بكبه بشي رح يفيدني او باني اعمل مشروع لإلي او شي يجبلي مصاري او شي يفيدني بالمستقبل او اتعرف فيه على ناس ناجحين حتى ولو بدون مقابل مادي معلش لانو العلاقات هي يلي بتجيب المصاري بس الفرق التطوعية مافيها اي فائدة من هدول.

ساعدوا رفقاتكم يلي بحاجة هالكلام وابعتولهم البوست🤍

⬜️━━ • سلسلة نصائح الجامعة🏠
‏┃
‏┛━━━ • اضغط هنا⭐️🤍

مُلهَـــم💛

31 May 2023 19:54

⬜️ قناتي الانجليزّية: @MulhamMuslim ☀️

مُلهَـــم💛

31 May 2023 01:22

هلق خلصت كتاب كتيير حلو، ياريت لو قريته من 5 سنين كان خلاني اختصر كتير خطوات بحياتي، من أحلى المقولات بالكتاب انو معظم الناس بيمشوا خطوة خطوة، بيدرسوا جامعة بيتخرجوا بيشتغلوا وهيك هنن بشوفوا النجاح بيجي خطوة خطوة، بس الناس الناجحين مابيقتنعوا بهالحكي وبيختصروا كتير خطوات لينجحوا فورا مثلا بروحوا بيتعرفوا على شخص بيعرف حدا وهالحدا بيعرف شخص تاني وهالشخص بيعرف شخص كتير ناجح وهيك فورا بيوصلوا لهالشخص الناجح وبيستفيدوا منه، كل ماعم بقرأ كتب اكتر عقلي عم يتغير وعم بفهم انو النجاح ماله حظ يا ملهم، في طريقة. في طريقة.☀️

مُلهَـــم💛

30 May 2023 15:44

مرحبا أصدقائي 🌄 شفتو بآخر يومين الاعلانات لكورس تخطيط القلب الكهربائي☀️

كورسات الدكتور عباس الكل بينصح فيها وحتى بالبداية تعرفت عليه من خلال تعليقاتكم الحلوة عن كورساته

اليوم اخر يوم للتسجيل للي بحب يتواصل معه🏠👆🏻

وفي حسم لكل حدا بيجي من قناتي 20 الف بس قلوله انو جيتوا من عند ملهم

مُلهَـــم💛

29 May 2023 09:00

🔺 قال لي أحد الطلاب
" حابب سجل بكورس تخطيط القلب الكهربائي ..
ولكن ما قدرت احضر الجلسة الأولى شو الحل؟🥲"

🔺 وبعد الاستفتاء يلي صار عالقناة شفت في عدد منيح ما قدر يحضر الجلسة

أكيد مارح نترك هالعدد من الطلاب بدون ما يحضر الجلسة ❤️

🎁 الجلسة أصبحت متوافرة على اليوتيوب 🎁

بإمكانك حضورها و تسجيل ملاحظاتك عليها

⏰ مدة الجلسة: 45 دقيقة
⬜️ المطلوب منك:
🔺 تجيب دفتر و قلم
🔺 تحضر الجلسة
🔺 تسجل ملاحظاتك
🔺 تعلق بمهتم لاستكمال التسجيل بالكورس

و أهلاً وسهلاً بالجميع ❤️

🔴 رابط الجلسة على اليوتيوب:
https://youtu.be/0z4Nusv4Q9k


🟠 رابط الكروب : 
/channel/+VYRMZToOSQo4Y2Nk


#make_A_Difference
#AbbasKatti

مُلهَـــم💛

28 May 2023 19:01

حين أجد نفسي عاجزا عن إحراز التقدم، أذهب وأشاهد قاطع الأحجار وهو يضرب الصخرة، ربما مئة مرة من دون أن يظهر بها ولو شق واحد. لكن عند الضربة الأولى بعد المئة تنشق الصخرة، وأعلم حينها أن الضربة الأخيرة لم تكن هي المتسببة في ذلك، وإنما كل ماسبقها من ضربات.

مُلهَـــم💛

27 May 2023 14:22

حبيتوا آخر بوست عن الخطبة والزواج بالجامعة؟

ابعتولي هون رأيكم ☀️ @Molham_ads_bot

واللي بحب كمان يشارك تجربته يبعتلي بعد فترة بنزلهم ^_^

مُلهَـــم💛

27 May 2023 13:01

🟨 الخطبة والزواج في الجامعة - البوست التاني
🟨 لقراءة بقية البوستات: اضغط هنا🏠

⬜️⬜️⬜️⬜️⬜️⬜️⬜️⬜️⬜️⬜️⬜️⬜️⬜️⬜️

بما اني مخطوبة من سنتين فحبيت شارك تجربتي معكن ليستفيد غيري
بداية انا سنة خامسة طب بالبعث وخطيبي سنة خامسة طب بدمشق
فكرة انو يكون شريك حياتك بشاركك نفس المعاناة اليومية وبحس فيك بكلشي عم تعيشه فكرة كتير حلوة وبتساعدك انك تتخطى الايام الصعبة بالاخص لما بكون كل هالتعب مجبول بالحب بصير مافي تعب
بنظري فكرة الخطبة من شخص بيفهمك وبيستوعبك وبشاركك اهدافك وطموحاتك فكرة كتير حلوة وبتساعد الانسان وبتحسن من مستواه فعليا لانو بصيرو يتبادلو المعارف سوا
كل الفكرة باي مرحلة من حياة الشخص سواء دراسة وخطبة او اي مشروع تاني انو الانسان يختار الشخص الصح
لما بكون الاختيار صحيح هوي رح يساعدك انو توصل وتحقق اهدافك وتكون شخص متميز دوما

⬜️⬜️⬜️⬜️⬜️⬜️⬜️⬜️⬜️⬜️⬜️⬜️⬜️⬜️

قدمت البكلوريا وبعد النتائج تمت خطبتي وزواجي بعد شهرين من الخطبة
يعني انا درست سنتي الأولى بالجامعة وانا متزوجة
الحمدلله كانت نتائجي كويسة وزوجي ساندني ودعمني
بالسنة الثانية درست الفصل الأول وانا حامل وهون صار عندي مرض اخي الوحيد الي عمرو١٠ سنوات سرطان بالدم صابني ضغط نفسي مجرد ما اني عبشوف اخي الصغير قدام عيني عم يتوجع وما فيني اعمل شي .. بعد فترة اشهر توفى اخي وبعد وفاته اهلي اضطرو للسفر برا البلد وهون كنت مقدمة الامتحان الفصل الأول مو نجحانة غير بمادتين واجا الفصل الثاني واجت بنتي معو طبعا انا ساكنة بعيد عن الجامعة وصعوبة مواصلات .. داوم بالجامعة وبنتي عمرا أشهر اخدا معي ايام المطر .. ايام الشوب .. للاسف مضت سنتي الثانية ما حسنت اترفع
رسبت وتحطمت .. وبلشت اسأل حالي معقول انا ما مكاني هالفرع .. معقول انا فاشلة ... وصرت أفكر انو عيلتي وبنتي هنو السبب لتقصيري وساءت حالتي النفسية ونويت خلص بقلب الفرع .. عدا عن الكلام الي كنت اتلقاه من الناس ع قولت مافي دكتور بيرسب .. وما بصير بيت وأولاد وطب بصراحة كان هاد الكلام يحطمني وبنفس الوقت فكر فيه وقول مافي شي مستحيل .. ولا يكلف الله نفسا الا وسعها وقرأت عن العديد من النساء المتزوجات وكان إلهم أثر واضح بالمجتمع وإني لو ما حربت وكافحت عشان حلمي هون انا بكون فاشلة
قررت أني أعيد السنة وعدتها وانا متعلمة من اخطاءي الماضية اني اعطي كل شي حقو وغياب أهلي علمني اعتمد على نفسي بكل أمور حياتي وكيف أوفق
وأهم الشي إن حسنت اتخلص من هوس مواقع التواصل
والحمدلله نجحت بالسنة الثانية
وانتقلت للثالثة وانا اقوى وارادتي اكبر وبنتي الي الناس بتشوفا أنها عائق قدامي انا بشوفا إنها ملهمتي رسوبي هالسنة علمني كتير وسع مداركي للواقع خلاني أعرف وين الخلل بحياتي وين وقتي عم يروح وبالنهاية وأن ليس للإنسان إلا ما سعى ويتقنت وأن ربما ضارة نافعة

⬜️⬜️⬜️⬜️⬜️⬜️⬜️⬜️⬜️⬜️⬜️⬜️⬜️⬜️

ساعدوا رفقاتكم يلي بحاجة هالكلام وابعتولهم البوست🤍

🟨 لقراءة بقية البوستات عن الخطبة والزواج في الجامعة: اضغط هنا🏠

مُلهَـــم💛

18 Jan 2021 02:50

موقع نوشن بتقدر من خلالو تنظم حياتك وترتب حياتك يعني وتعمل خطط وتتبع عاداتك وتتحدى اصدقاءك مين بأنجز اكتر وهيك ..

مُلهَـــم💛

17 Jan 2021 19:57

Everyone is taught how to write the same way but everyone ends up with different handwriting.💫

مُلهَـــم💛

15 Jan 2021 19:08

حكينا بالفيديو 👆 عن :

🛑كيف بتقدر تستخدم موقع نوشن لحتى تسهل وتنظم حياتك💛
🛑واجهة الموقع
🛑تطبيقات عملية عن كيفية عمل وانشاء تقريبا اغلب الاشياء داخل الموقع
🛑كيف تستخدم نوشن على الهاتف
🛑افكار عن كيف تستطيع استخدام نوشن من اجل دراستك وتضع معادلات رياضية بسيطة جداً تجعله يحسب لك مجموع علاماتك ومعدلك وهكذا وتنظم دراستك
🛑وكيف تقوم بعمل صفحات مشتركة مع الاصدقاء لتتسابقوا وتشجعوا بعضكم على الدراسة او العمل بحيث تستطيع انت واصدقاءك التدخول الى الصفحة والتعديل عليها ^ _ ^
🛑واشياء مفيدة اخرى


🍇الفيديو طويل شوي ولكن حبيت اني اعمل فيديو واحد يكون شامل بنسبة كبيرة لهاد الموقع ان شاء الله ^ _ ^

ياريت تعطوني رأيكم 🌸

⬜️رابط فيديو شرح نوشن ^_^ : https://youtu.be/4AFczIPb2C8


⬜️ تطبيق عملي على نوشن للطلاب ^_^

⬜️ رابط تحميل نوشن Notion للموبايل :
🟨 غوغل بلاي
🟨 متجر 9apps

مُلهَـــم💛

15 Jan 2021 16:36

كتير حلو انو نتعلم شلون ننجح بشي نحنا عم نعاني فيو هلأ ومو بس نخليه على وضعو الحالي السيء ونتعايش معو..

🛑يعني مثلا دراستنا مالا منيحة ، طيب ليش ما مندرس هالموضوع ومنبحث عن طرق دراسة تانية ونتعلم شلون نتعلم ؟

🛑انا شخص مالي اجتماعي ابدا وبدي اصير اجتماعي واتعلم شلون احكي مع الناس؟
ليش ما ندرس شلون نكون اشخاص اجتماعيين ونفهم شلون نتعامل مع الناس ونكون محترفين بهالشي ؟

سواء من قراءة كتب او مشاهدة فيديوهات عاليوتيوب(طريقتي المفضلة) عن هالموضوع اللي بدنا نطور حالنا فيو وهيك مع الوقت بتلاقي حالك بمكان تاني❤️

دوما كلشي الو حل بس نتحرك ونلاقي الحل🎯✅💛

مُلهَـــم💛

14 Jan 2021 02:20

🔥🔥صباح الخير والانجاز

مُلهَـــم💛

13 Jan 2021 14:04

للي عم يسأل عن البرنامج اللي بستخدمو للدراسة حكينا عنو هون بالفيديو 💛

مُلهَـــم💛

11 Jan 2021 20:46

اللّٰه يعوضنا عن كل شي كنا مفكرينو حلو، وما طلع إلا أذى لقلوبنا 🖤

مُلهَـــم💛

31 May 2023 20:04

⬜️ ملخصات مُلهَـــم :
‏┃
‏┫━━ كتاب العادات الذرية
‏┃
‏┫━━ كتاب Never Finished
‏┃
‏┫━━ كورس كتابة السيرة الذاتية
‏┃
╯━━ ‌‏كتاب The Magic of Thinking Big


----> مُلهَـــم⭐️🤍

مُلهَـــم💛

31 May 2023 13:01

🟨 دخلت بفرع بكرهه وندمت ✏️

احكيلكم شغلة بصراحة؟ تقريبا كل كم يوم بندم لأني دخلت طب وأحيانا كل يوم📝 بس هلق ماعندي خيار الا اني اكمل هاد احسن قرار منطقي بقدر باخده بهاللحظة وحتى لما كنت بكالوريا الطب كان اكتر خيار منطقي ووقتا ماكنت بعرف اش هو الفرع يلي بحبه لهيك مافرقت معي قلت خلص مجموعي بدخلني كلشي خليني ادخل احسن فرع وخلصنا مافكرت كتير بالموضوع.

ماعم بنصحكم انو ماتدرسوا طب. اكيد لا، ادرسوا طب اذا بدكم لانو هو احسن فرع بسوريا حاليا. وماضروري تدخلوا بفرع بتحبوه مثلا بتعرفوا بسوريا احسن شي الطب واكتر شي بجبلك مصاري هو الطب بغض النظر اذا بتحبه او لا مشاعرك مالها مهمة بس اذا انت بتهمك مشاعرك وبدك تنبسط بالجامعة كتير فكمل قراءة البوست: لما بتدخل بفرع بتكرهه رح تكره حياتك وكل يوم رح تندم على هالقرار، لما بتدخل بالفرع يلي بحبوه أهلك رح تتفاجأ انو مو اهلك هنن يلي رح يدرسوا ولا هنن يلي رح يقضوا 12 سنة دراسة واختصاص لبين مايبلشوا يشتغلوا ولا هنن يلي رح يعيشوا حياتك يلي رح تعاني فيها كل يوم بسبب هالقرار. انت يلي رح تعيشها. بتقدر تنجح بأي مجال ماضروري حصرا تصير دكتور لتنجح انسى هالافكار يلي بيحكولنا ياها أهلنا. قبل كان يخطرلي انو مهنة الطب بترضي رب العالمين لهيك لازم احبها، بس المفاجأة انو أي مهنة انت بتعملها وبتفيد فيها غيرك بترضي رب العالمين وبتساعد فيها الناس ماضروري حصرا تصير دكتور لترضي رب العالمين، الا شوي انا كنت افكر انو اذا مابدرس طب رح اكون عم بعمل ذنب كبير والله هيك كنت افكر بسبب ضغط المجتمع حولي😂🤦🏻🤦🏻 بحسسوك انو رح تصير كافر اذا مابتدرس طب😂😂😂 ماتخلي الناس يضخمولك الطب انو هو كلشي حلو بالعالم(طلع عليهم هنن بكونوا مكتئبين اصلا وحياتهم بتقرف وهنن دكاترة وبس بيحكولك انو الطب حلو، لو كان كل هاد حلو ليش انتو حياتكم كئيبة هيك؟)

لهيك بتشوفوني دوما بعمل كتييير شغلات بعيدة عن الطب مشان اعبي حياتي شغلات حلوة وبحبها وبالاضافة الها بدرس طب يلي هي شغلة ماكتير بحبها بس مضطر اعملها هلق ماعكيفي وهيك بصير في توازن بحياتي بين الشغلات الحلوة والبشعة.

كنت بتمنى لو حدا حكالي هاد الحكي بس الكل كان عم يقلي صير دكتور مشان تطالع مصاري ومكانة اجتماعية ولما مابجيب علامة منيحة الكل بقلي مابصير هيك ياملهم هيك عم تتراجع ولازم دوما تجيب علامات عالية واذا بتنقص علامة معناتا انت عم تفشل والباقي عم يسبقوك(بعدين عرفت انو هالحكي كله كذب وحكي فاضي واللي عم يحكي معي هيك هو فشل بحياته بعد مادرس كتير وجاب علامات منيحة وبالاخير مازبطت معه ماحقق احلامه وماصار معه مصاري وهالعلامات العالية مانفعوه واكتشف انو العلامة هي مجرد رقم غبي مكتوب على ورقة فبده يقلك انو انت ادرس منيح مشان تتحقق احلامك بلكي بتزبط معك، لو كان كلامه صح كان هو هلق مبسوط بحياته ومعه كتير مصاري، طلع عليه، هل هو عنجد ناجح ولا بس عم ياكل هوا وعم يكذب عليك؟) ماحدا حكالي كون مبسوط ياملهم وادخل بشي انت بتحبه او ادخل طب بس بنفس الوقت اعمل شغلات تانية بتحبها جنب الطب وماعندك غير هالحياة لهيك حط اهداف انت بتحبها ومكانتك مابتتحدد بشهادتك بالجامعة وعلاماتك مالهم أي علاقة بنجاحك ولا حدا حكالي انو رح اضل اقل الشي 10 سنين محبوس بهالسجن ولا حدا حكالي انو رح اندم كل يوم. انا بصراحة مابحب الطب وبنفس الوقت ماكتير بكرهه يعني وسط بتقدروا تقولوا في مواد شوي بحبها وفي مواد بكرهها لانو بعرف انو عم بضيع وقتي بدراستها ومارح تلزمني بشي. لهيك بتشوفوني دوما بعمل شغلات برات الطب متل قنواتي mulhammuslim">عاليوتيوب و التيليغرام وبشتغل عالنت وبقرأ كتير كتب وبعمل رياضة وبقوي شخصيتي وبطالع مصاري وبتعرف على ناس من غير دول لأنو مابدي كلية الطب تسيطر علي انا يلي رح أسيطر عليها ورح أفرجيها مين انا، انا مالي دكتور، انا ملهم وعندي احلام واهداف كتيرة واغلبهم مالهم علاقة بالطب ورح اعملهم كلهم إن شاء الله.

اذا في شي بحياتك بتكرهه متل مثلا الدراسة بهالجامعة ف انت عبي حياتك بكتير شغلات تانية بتحبها وهيك حياتك بتصير 90% حلوة و10% بشعة اما اذا بس عم تعمل الشي يلي بتكرهه طول الوقت معناتا حياتك 100% كئيبة ورح تضل هيك لبين ماتبلش تضيف أنشطة تانية حلوة وكمان هلق عم بقرأ كتاب عم يحكي انو انت ممكن تدخل بالاول بمجال بتكرهه وبعدين شوي شوي لما بصير عندك خبرة فيه بتبلش بتحبه لهيك ماحدا منكم يزعل اذا عم يدرس شي بيكرهه ممكن بالمستقبل تغير رأيك وخليك مكمل فيه وخصوصي اذا كان هالفرع ناجح ببلدك متل الهندسة والطب عنا بضلوا احسن خيار يعني بغض النظر عن مشاعرنا

لهيك اذا انت كمان دخلت بفرع بتكرهه ومضطر حاليا تكمل لأنو هاد احسن خيار منطقي عندك حاليا وبدك تتخرج مشان تسافر او تشتغل فمعناتا صرت بتعرف قوانين اللعبة وبتعرف هدفك منيح واش لازم تعمل لحتى توصله ^_^


ساعدوا رفقاتكم يلي بحاجة هالكلام وابعتولهم البوست🤍

⬜️━━ • سلسلة نصائح الجامعة🏠
‏┃
‏┛━━━ • اضغط هنا⭐️🤍

مُلهَـــم💛

30 May 2023 19:00

🟨 ماعاد عندي قدرة أنظم يومي من لما دخلت عالجامعة 🗓


بوعدكم اذا بتطبقوا هالخطوات بالترتيب حياتكم رح تتصلح فورا من أول يوم🤍 هدول الخطوات وصلتلهم بعد سنين من التجارب والخطط وهلق كاتبهم عندي على الحيط مشان كل يوم أقرأهم لهيك احفظوهم عندكم📝


🧮 احذف كل التشتت من حياتك:
قبل مانعمل خطة، حتى ولو كان عندك أحسن خطة بالعالم فمارح تقدر تلتزم فيها اذا انت متشتت طول الوقت، لازم تكون لحالك مع افكارك. لهيك احذف التشتت( سوشل ميديا، اصدقاء سلبيين، تلفزيون وأي شي تاني مابخليك تركز)
شوفوا هاد البوست فيه طريقة عملية لحذف السوشل ميديا: اضغط هنا


📝 اعمل خطة:
كل الشركات الناجحة عندهم خطة سنوية وخطة شهرية واهداف يومية مع انه عندهم كتير الموظفين، وانت لحالك ماعندك ولا موظف وعايش بدون خطة. جرب اسال اي حدا بتعرفه اش هي اهدافك لهاد الاسبوع؟ غالبا مابيعرف اصلا اش بده يعمل اليوم.
شلون نعمل خطة طيب؟ رح أعطيك أفضل خطة بالعالم، أفضل خطة هي انك انت تطلع على الخطط السابقة يلي نجحت معك وترجع تعمل متلها وتطورها، لانو عالانترنت كل حدا رح يحكيلك خطته بس خطته مارح تناسبك، انت تذكر اكتر وقت كنت عم تأنجز فيه وتذكر اش كنت تعمل بالتفصيل واعملهم هلق مرة تانية⭐️
وهلق رح احكيلكم عن خطتي للناس المهتمين بس اذا مالك مهتم روح عالخطوة يلي بعدها: بحب اخلي الموضوع كتير بسيط لهيك عندي بس اهداف سنوية واهداف يومية (مابحب احط اهداف شهرية واسبوعية بشتتوني بدل مايساعدوني فلهيك بركز عالسنة وعاليوم بس) اكتب اهدافك للسنة بكل المجالات بحياتك (دراسة شغل تطوير ذات رياضة دين)وبعدين كل يوم الصبح اعمل خطتك لهاد اليوم واكتب الشغلات يلي لازم اليوم تعملها لحتى تحقق خطتك الكبيرة السنوية مثلا لازم كل يوم اقرأ 30د لحتى بآخر السنة اقرأ 50 كتاب، كل يوم الصبح لازم يبلش بكتابة خطة، اذا ماعملت هيك مبروك اليوم هاد رح ينكب متل يلي قبله. انا كتير بحب استخدم قاعدة ال66% يلي اخترعتها من فترة وكتير حبيتا صارت أساسية بحياتي: اضغط هنا🌄


⚡️ فوراً نفّذ الخطة بغض النظر عن مشاعرك:
انت ماعم تعمل رياضة مو لانو انت مكتئب، انت مكتئب لانك ماعم تعمل رياضة. لحتى تغير مشاعرك غير تصرفك، لهيك لما بتحس بشعور ملل فمعناتا اخر كم ساعة ماكنت عم تعمل شي لهيك بس تعمل شي جديد بتتغير مشاعرك.


🧩 التزم بالأساسيات:
اذا انت ماعم ترجع لورا كل يوم، هاد الشي بيعني انو انت عم تمشي لقدام وعم تنجح. مثال: كل يوم عندي هدف اقرأ نص ساعة، بس خلينا نقول انو ابدا مالي مشتهي أقرأ اليوم او ماعندي وقت فالشي يلي بعمله اني بقرأ دقيقتين او خمسة وبوقف بعدها، واذا صار عندي طاقة اكتر بكمل اكتر، وفي ايام بكون كتير مشتهي أقرأ فبضل ساعتين تلاتة عم بقرأ، بس أقل أقل أقل الشي هو قراءة 5 دقايق باليوم وهيك بحافظ على العادة وبتضل شغالة، وبس كانت العادة شغالة حتى ولو دقيقتين باليوم ف انت باليوم يلي بعده رح تشتهي تعملها مرة تانية، اما اذا اليوم ما عملت رياضة فبكرا رح تحس حالك كمان مالك مشتهي ومارح تفرق كلها يومين وبعدين بصيروا 3 ايام واشهر وسنين، بس اذا اليوم عملت رياضة 5 دقايق بكرا رح تشتهي تعمل رياضة كمان 5 دقايق وبتقدر تتخيل شلون رح يصير جسمك بعد 6 سنين ^_^


⭐️ أسأل نفسك دومااا دوماااا:
هي يمكن احلى نصيحة بتعلمها من اخر 3 كتب بقرأهم، السبب يلي بخليك تعرف تعطي نصائح حلوة لغيرك لأنو هنن بيسألوك وبالتالي عقلك ببلش يدور على اجابات، بس بحياتك الشخصية انت بتعدي بمشاكل ومابتسأل حالك اصلا شلون بقدر بحلها. لهيك دوما بأي مشكلة بتصير معك اسال حالك شلون بقدر بنجح فيها؟ شلون بقدر بستمتع اكتر بالدراسة؟ شلون بقدر بنشر محتوى بشكل اسرع؟ شلون بقدر بخلي اهلي فرحانين اليوم اكتر؟ شلون بقدر بلاقي شغل؟ في هاد التمرين كتييير حلو جربوه هلق وشوفوا شلون رح يفيدكم، بعد ما تسألوا حالكم السؤال جيبوا ورقة وقلم واكتبوا 20 جواب، اول 10 بكونوا شوي سهلين بس بعدها بصير الموضوع اصعب بس رح تخطرلكم افكار كتيييير حلوة ورح يصير عندكم 20 حل لمشكلة وحدة وبعدها بتطبقوهم وشوفوا النتائج الحلوة. اذا ماسألت حالك ف عقلك مارح يعطيك أجوبة. هاد التمرين غيرلي حياتي وكل يوم بعمله.


ساعدوا رفقاتكم يلي بحاجة هالكلام وابعتولهم البوست🤍

⬜️━━ • سلسلة نصائح الجامعة🏠
‏┃
‏┛━━━ • اضغط هنا⭐️🤍

مُلهَـــم💛

30 May 2023 10:03

🔺 حصار .. انقلاب .. تزحل .. رفرفة

🔺 روق هي مو مصطلحات عسكرية 😂
🔺 إنما مصطلحات كثيراً ما نسمعها في تخطيط القلب الكهربائي

🌟⭐️ كورس تخطيط القلب الكهربائي ⭐️🌟

🔺 إذا كنت ممن سمع هذه المصطلحات ولم يفهمها جيداً

✅ فإن كورس تخطيط القلب الكهربائي مصمم ليساعدك في هذا الموضوع و أكثر

⬜️ طيب شو تفاصيل هالكورس؟ وغيرها من الاسئلة جاوبنا عليها بالتجميعة تحت بإمكانكم الاطلاع عليها❤️


⬜️ مهتم بالكورس؟
⬜️ وتريد التسجيل؟

⭐️ علق ب مهتم/interested واحصل على طريقة التسجيل بتفاصيلها كاملة

🔻🔻🔻🔻🔻🔻🔻🔻
#make_A_Difference
#AbbasKatti

مُلهَـــم💛

28 May 2023 20:16

🔺أي أي تماماً 😂
🔺تذكرت هداك الموقف وقت عطوك ورقة تخطيط قلب و صفنت؟🥲

ما تاكل هم الحل بسيط تابع معنا...

⭐️ كورس تخطيط القلب الكهربائي || المستوى المبتدئ ⭐️

✅ صمم خصيصاً لك 🔥

🔺طيب تعو نحكيلكم شوي شو رح نتعلم بالمستوى المبتدئ

⁃ منحني تخطيط القلب الكهربائي
⁃ القياسات في تخطيط القلب
⁃ الاتجاهات القلبية
⁃ النظم الجيبي الطبيعي
⁃ المحور القلبي
⁃ القطعة ST
⁃ الضخامة البطينية
⁃ الضخامة الاذينية
⁃ احتشاء العضلة القلبية

🔺 وأكيد في تمارين و أمثلة خلال الجلسة وكويزات بعد الانتهاء من الدرس

🔥 بــــاقي التفـاصيل قريبــــاً 🔥

✅ انضموا:
🟥 القناة
🟥 الكروب

#make_A_Difference
#AbbasKatti

مُلهَـــم💛

28 May 2023 12:44

🟨 بتدرس بالجامعة وعايش بمكـان بعيـد عـن أهلك؟


بما اني ماجربت هالموضوع لهيك طلبت من رفقاتي بالجامعة يلي عاشوا فترة طويلة بعيد عن اهلهم انو يساعدوني بكتابة البوست ^_^

🟨 التجربة الأولى:
⬜️ أول سنة كانت أصعب سنة، مكان جديد.. ناس جدد و جو جديد، مسؤولية كبيرة بعمر صغير. ماحسيت بالوحدة لأنو فورا بتبني صداقات باللاشعور خصوصي بالسكن المشترك.
⬜️ أكيد موضوع السكن بيلعب دور كبير بالغربة.. لهيك لازم تختار رفقاتك بعناية! ومع هيك أنت معرّض ل أنو تصادف كتير ناس مو مناح مشكل ملون و رح تعيش مشاكل بس بتعاملك الذكي و لطفك و أخلاقك بتقدر تتجنب هالشي قدر الإمكان.
⬜️ بعد 4 سنين غربة تعودت عنمط الحياة و الاستقرار و تأقلمت و حسيت هون بيتي التاني لأنو هاد البيت والجو المريح أنا بنيتو عمدى هالسنين.

⬜️ بالنهاية حلوة الحياة العملية و المسؤولية رغم صعوبتا بس بتعلمك و بتقويك لأنو رح تبعد عن جو بيت الأهل اللي بكون متوفرلك فيه كلشي.
و نصيحتي للكل : أهم العوامل اللي بتلزم بالغربة هي
🔹 قوة الشخصية
🔹ما نبين نقاط ضعفنا لحدا
🔹 ونحط حدود للجميع و المحافظة على الخصوصية و الأسرار
و تذكر أنو مو الكل بيتمنالك الخير متل أهلك.
...... اي وبس هيك ^_^

🟨 التجربة التانية:
صباح الخير ملهم كيفك👋
بصراحة قصتي غير مساعدة ابدا لاني لحد الآن عم بعاني من هالمشكلة 😂🥲
مع اني بضل يومين او تلاتة بالكتير بس انا قبل بيوم من الطلعة بصيبني ارق مابقدر نام وبضل عم فكر بالروحة بكل تفاصيلا الطلعة وشو رح اكل وكيف رح ارجع والف تفصيل مابيخطر عبال حدا بس يعني يلي بهون علي هو اني بروح عغرفة فيها رفقاتي بتسلى معهن بغير جو بس مع هيك بصير نومي متقطع هنيك
هي رابع سنة ولساتني على نفس الحالة للاسف😂💔
بهالسنة امتحانات الفصل الاول
بفترة الامتحانات قعدت اول ٢٠ يوم كاملين بالسكن انا وتنتين من رفقاتي يمكن حسيت بالاستقرار اكتر من لما روح يومين وارجع عالبيت لانو خلص عرفانة اني رح ضل بهالمكان لفترة.. كانت فترة كتير حلوة صح مسؤولية طبخ ودراسة وتشاركية مع رفقاتك(انا حدا استقلالي فالتشاركية عندي صعبة شوي😂)
بصراحة الوقت مرق بسرعة يمكن لانو نفس الروتين كل يوم وسباق مع رفقاتك بالدراسة لانو الكل عندو امتحانات
هلق يعني تأقلمت نوعا ما.. بالسنة التانية كنت بدي اترك الجامعة قد ما تعبت نفسيا واتعذب بالروحة والجية والله🥲
بصراحة الأهل الهن دور يعني كبرنا ولحد البكالوريا اصغر مشوار نطلع مع اهلنا ومافي اعتمادية كل واحد عحالو وبعدين فجأة انت صرت مسؤول عن حالك وروحاتك وجياتك وبمكان كبير وبعيد ولحالك
تقيلة بتحس كأنو صرت وحيد وكبرت فجأة



🟨 بعد ماقرينا الأجوبة ❤️ خليني أحكيلكم الشي يلي بلاحظه على رفقاتي اللي جايين على حلب وأهلهم بغير محافظة، اول سنة بتكون اصعب الشي عليهم وبحسوا شوي بوحدة بس بعدها بمجرد مايتعرفوا على كم رفيق من الفئة بتصير حياتهم احسن وبعدها بسنة سنتين خلص بصير الموضوع عادي تماما وكتير بتقوى شخصيتهم لانو عم يتحملوا مسؤولية كبيرة، فهو صح موضوع صعب بس كتير بفيدنا لنعتمد على حالنا متل ما الحرب خلتنا اقوى او اي مشكلة بحياتنا خلتنا اقوى، كمان هاد التحدي بخلينا نصير أقوى لهيك ماتزعل اذا انت هلق بعيد عن اهلك وعم تحس بشعور بشع، اجباري حياة الابطال رح تكون بدايتها بشعة مشان تكون النهاية حلوة، مو هيك؟💎🌄



ساعدوا رفقاتكم يلي بحاجة هالكلام وابعتولهم البوست🤍

⬜️━━ • سلسلة نصائح الجامعة🏠
‏┃
‏┛━━━ • اضغط هنا⭐️🤍

مُلهَـــم💛

27 May 2023 13:07

🟨 الخطبة والزواج في الجامعة

⬜️ البوست الأول
⬜️ البوست التاني


━━ • سلسلة نصائح الجامعة🏠

مُلهَـــم💛

18 Jan 2021 02:50

بدكن كمان فيديوهات عن نوشن ؟
شغلات كمان منقدر نعملها بهالموقع ؟
@molhamhafez_bot

مُلهَـــم💛

17 Jan 2021 19:59

كل شيء ينقص إذا قسمته على اثنين،
إلا السعادة فإنها تزيد إذا تقاسمتها مع الآخرين.💛☺️

مُلهَـــم💛

16 Jan 2021 20:44

قناة تناقش ما نعيشه داخل ذواتنا التي تعتبر فضاء كاملاً بأكمله
/channel/Addesses

مُلهَـــم💛

15 Jan 2021 19:08

⬜️ رابط فيديو شرح نوشن ^_^ : https://yt6.pics.ee/46m5ll
⬜️ لعمل حساب على نوشن : https://notion.grsm.io/molham
بسوريا يجب تشغيل vpn عند التسجيل بس اما بعدا بيشتغل بدون vpn
⬜️ تطبيق عملي على نوشن للطلاب ^_^
⬜️ رابط تحميل نوشن Notion للموبايل :
🟨 غوغل بلاي
🟨 متجر 9apps

مُلهَـــم💛

15 Jan 2021 00:49

صباح الخير💛
اخر فيديو حكينا عن التخطيط للسنة الجديدة وعملت خطتي بالفيديو على موقع اسمو نوشن

اليوم يوم الجمعة الساعة 8 المسا انشالله في فيديو شرح كامل عن موقع نوشن بالتفصيل وشلون بتقدر تستخدمو لحتى تنظم حياتك او لكتير شغلات حلوة💛 وكمان حكينا شلون بتقدر تستخدمو عالموبايل اذا مابدك تشغلو عالكمبيوتر

مُلهَـــم💛

13 Jan 2021 14:05

اسم البرنامج سلطة الانجاز

رابط:
https://apkpure.com/p/com.ama.psalad

وهي على غوغل بلاي

https://play.google.com/store/apps/details?id=com.ama.psalad

مُلهَـــم💛

13 Jan 2021 13:54

شلون دراستكم؟ انشالله تمام؟ ❤️

انا هي دراستي اخر كم يوم مشان نشجع بعض✨

مُلهَـــم💛

09 Jan 2021 19:52

ادرسوا منيح❤️✨

بالتوفيق جميعا ^_^