وأن تمنيت شيئآ فئنت كل التمني #ياصاحب الزمان $
قصيده بحق عبدالله الرضيع
أمنية عبدالله الرضيع ع في المهد
يالكاروك.. اريد اكبر.. اريد اترس الماي بجربة العباس واتمشه عله طول البر
اريدن خيمه يم خيمه ابوي حسين
اريدن يوم أسير يم على الاكبر
أريدك يامهد لابني واضمك خاف تتكسر
يالكاروك اريد امشي انه ازغر نحر قربان
بس استحي من الله هواي
اريد اكبر ولكن خايف عله الطف
اذا ما انذبح يزغر
مضيف النحر.. حي الله السهم خطار
فشله الساده عالخطار تتعذر
سهمهم يابس من اسنين ويدور مجان اخضر
يالكاروك اذا ذبحوني وين اتروح
هم تشتاكلي وتنهز هم تريد توصلني
اذا طشرت جسمي الخيل هم وياي تطشر
هم تحترك روحك من تجيك النار
هم تنكلب مثلي وتبقه تتحسر
اذا بليل ماهزوك هم اتحس اكو غربه
اكو بروحك فراغ يصير اذا بليل ماتفتر
يالكاروك هم تتعذب عله امي
اذا ذبحوا دللولك اتحس روحك بدت تخسر
اذا بس الكماط وياك هم تشتمه يلا تنام
هم اتغار اذا شال الرمح راسي هم تناغي للمنحر؟
هم تتمنه امنيتي من تكبر اسنيني وياها هم تكبر
هم تعطشلي هم ادور عله الماي هم تحتر
يالكاروك اضمك وين
راح انذبح وانته الراح تتكسر؟
باسم مولاي الرضيع ع
محمود الموسوي
اذاني وبجاني..درب الشام..بس الام
...
أنه زين العابدين وتجري دمعاتي
بالسلاسل كيدوني وي عماتي
وي راسي احسين اسولف كل مناجاتي
ورأس ابوي ايكلي صارت حمره شيباتي
اتعثر واتحسر..عالايتام..بس الام
...
أنه شجره وبالخرابه ذبلت اوراقي
كلشي من بالي يسافر والحزن باقي
ابجي عالضامي حسين وابجي عالساقي
وتطلع الدمعه يشيعه وتحرك اعماقي
أذوني وراووني..هالضلام..بس الام
...
لونبي ايصير ابدالي ينعدم صبره
آنه ابوي احسين شفته امن انكطع نحره
والحوافر عشره اجنه ايدوسن ابصدره
وآنه لميته ابحصيره وجهزت كبره
واريته..وخليته..ابكبره اينام..بس آلام
...
القتل للساده عاده خل يقتلونه
بس خدر هاي الفواطم لا يمسونه
عمتي عالناكه ومتنهه من يضربونه
راس ابوفاضل اشوفه اتدخن اعيونه
مسبيه..العلويه.. وتبجي اخيام. بس آلام
....
من محرم خامس وعشرين أعدائي
جابو السم واجوني وسمو أحشائي
ونصبو المآتم عليه اهلي وابنائي
حيدري يبقه مصابي ويبقه زهرائي
وعالضامي..ايامي..ياخدام..بس آلام
بگلبي المشلوع..بجبدي الموجوع
بيدي من الگاع..لميت ضلوع
جابتها الخيل الخيماتي
غسلت ضلوعه بدمعاتي
بگلبي المشلوع
……………………
بليل العاشر فزت روحي اعله بن الزهره
گمت بدمعي وشاهدت ضلوع ترفه وحمره
اكعدت ولميت لني اشتميت بيهن عطره
الخيماتي الخيل جابتهن حين سحگت صدره
بيدي ولميت..ضلوعه وحنيت
گعّدت الليل..گدما ونيت
اشبگهن گمت بآهاتي
غسلت ضلوعه بدمعاتي
بگلبي المشلوع
……………………
شلت ضلوعه بحضني واصرخ يابو اليمه
بليل الوحشه تدوره عيوني ارد اشتمه
مشتاگتله ومحتاجتله يرد لخيمّه
انطي حيلي وايدي ترجّع ضلوعه الجسمه
مابين وبين..دمعات العين
ويه التربان..ممرود حسين
فززت جروحه بوناتي
غسلت ضلوعه بدمعاتي
بگلبي المشلوع
……………………
اگعدت بنوحي وطلعت روحي بگربه وتنحب
شفته مگطع شفته موزع شفته مسلب
شفته موذر شفته مطشر شفته مترب
شفته تحرك من گتله انه اختك زينب
ناديت بنوح..يابعد الروح
تجاوب شكواي..انت ومذبوح
مگطع ويجاوب چلماتي
غسلت ضلوعه بدمعاتي
بگلبي المشلوع
……………………
ظليت ابچي ظليت احچي ظيم البيه
من طحت انت الخيمه احترگت كلها اعليه
اركظت اعله التل هلبت فازع يفزع ليه
وفزعتلي الخيل وشيجيب الحيل للمسبيه
حرگتنه النار..وصار الماصار
والخيل كبار..وايتامي صغار
واركظ لطفالي وخياتي
غسلت ضوعه بدمعاتي
بگلبي المشلوع
……………………
تانيت الليل يوصل واطلع واشهد وضعك
روحي تودعك خافن باجر صعبه تودعك
ظلت حاجه وگطعت گلبي وخاف توجعك
من بست ايدك شفت بعيني طايح صبعك
يحسين النوب .. شظل مامسلوب
لاخنصر ظال..ولاظل الثوب
فدوه اللوعاتك لوعاتي
غسلت ضلوعه بدمعاتي
بگلبي المشلوع
……………………
الشاعر
حسين حيدر الكربلائي
كربلاء المقدسة٢٠٢٣/٨/٩
قصيدة بحق السجاد عليه السلام
نجري الدمع عالسجاد جد وابو والاحفاد
من يمر يوم ابن حسين عـــن الحزن تحچي العين
-------------------------------
اعله فطرتنة نحب حسين واولادة
وتعلمــنة من اهلنة نخدم السادة
النبي ســيد علينة هوة واحفادة
سادتنــــة وأئمتنة ولنة القادة
علمني ابوي وجدي للهادي اوفي بعهدي
اعله ابنة نظل حزنـــاين عـــن الحزن تحچي العين
--------------------------------
رظعنة من صــدر امنة محبتهم
وهلنة علمونة شـــلون خدمتهم
نحزن من تمر بينة مـــصيبتهم
اهل بيت النبي والدنيا خانتهم
زين العباد الليلة دمع الحزن يجريلة
لمصابة حزنان الدين عن الحزن تحچي العين
---------------------------------
صبر صَبر وتعدة كل وصف صبرة
شاف اشـــلون ابية منكَطع نحرة
وعمة ابلا جفـوف ومرمي عالغبرة
وشاف عظيـدة الاكبر جثة متوذرة
وبعينة شاف القاسم أمخلي عرسة ونايم
بالدمع كَظاهه ســــنين عن الحزن تحچي العين
--------------_---------------------
ما بطل ونينة ولا دمـع عينة
وتعلمنة الحزن من حزنة والينة
نريد انساعد المظلوم بــونينة
نقيم ابكل سنة وننصب تعـازينة
نقيم العزة للمظلوم وللحشر هالعادة ادوم
يومك علي ماناسيـــن عـــن الحزن تحجي العين
------------------------------
شاف من الزمان امصايب واهوال
وحمل من المصايب والقهر اشكال
حزن البيه ماتكَدر تحمــلة جبال
الم حزنه شديد ايشيب الاطـــفال
خالد يظل ما ننساه بكل سنة نجدد ذكراه
شما انقدم احنة مقصرين عن الحزن تحچي العين
-----------------------------------------
لبس ثوب الحزن وتحمل الآهات
شكثر كَلبة حمل من دنيته شوغات
ليل انهار عينة تسچب الدمعــات
مجرة دموع صار ابوجهه مرسومات
دموعة تصب ليل انهار بخدودة حفرت انهار
حزن الكلب عالطيـــبين عـــن الحزن تحچي العين
-------------------------------------------
اسالكم الدعاء
رائد الاسدي
هذا العليل الما طفت نيرانه
للطف حظر يدفن هله بحزانه
دمعاته دمعاته ماتنشف دمعاته
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
هذا علي ومن عينه تجري الدمعه
لمن وصل للطف تغير وضعه
شاف الاجساد اعله الترب متگطعه
ويم الجثث بني اسد متجمعه
ناشدهم وعينه بدمع غرگانه
للطف حظر يدفن هله بحزانه
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
گلهم تعالوا حفروا اهنا حفره
ويم جسم ابوه حسين صاح بحسره
اني الاشيله واني انزله ابگبره
وعبدالله جابه وسداه ابصدره
يابويه بعدك اظلمت دنيانه
للطف حظر يدفن هله بحزانه
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
الله اليعينه الفگد كل حبابه
صبح ومسيه دمعته سچابه
مكسور ظهره ومنفجع بمصابه
وبحفره وحده دفن كل اصحابه
شحاله الفگد ناسه وهله وخوانه
للطف حظر يدفن هله بحزانه
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
مذهول واگف منفجع وتحير
ايشوف اخوه اعله التراب موذر
يابني اسد گالهم مااگدر
ويه الانصار اهنا خلو الاكبر
والقاسم وياهم يصير امچانه
للطف حظر يدفن هله بحزانه
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
بها الحالة هاي ودمعته المذروفه
يمشي ويطيح الناس كلها تشوفه
اتعنه الشريعه وغايته معروفه
يدفن چفيل العايله وچفوفه
عمي الوكت لمن غبت اذانه
للطف حظر يدفن هله بحزانه
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
رادو يعرفونه منو حس منهم
من بعد ما تم الدفن گاللهم
انه العليل واهلي جيت ادفنهم
باچر اذا زاير يناشد عنهم
دلوه الهم كل گبر عنوانه
للطف حظر يدفن هله بحزانه
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
حسين كاظم الطائي
اادفن
ماحچت بس اشرتلي ابأيدها
تريد اسألك عمه عن اوليدها
++++++++
صوت ماعدها الحچي من عدها غاب
هاي ثلث ايام ماتحچي الرباب
گاعده اتلولي الحضنها بالتراب
اتشيل اديها وحيل تحضن جيدها
++++++++
بالبالخرابه چي سگف بيها اعله هاي
اتكترت ماترضه تگعد بالفياي
اشرتلي اتگول ساگي اوليدي ماي
لو بعد جثته العذب شيفيدها
++++++++++
اتگول وين ادفنته چا عبد الله وين
الهسه ملفوفات بگماطه الادين
الوحده دافن ابني لو وي الحسين
والگبر وحشه اعله ابني ايزيدها
++++++++++
نـام ابـنـها بالتراب الغالي نـام
فوگ صدر حسين مابين السهام
شالهن ذرعانه وافهمت الكلام
من بچه عبد الله امه ايريدها
++++++++++
ويه ابوه حسين وبنفس الحصير
حته جسم حسين هم صاير زغير
ما امـّيز بيـن الاول والاخـير
لا تساليني وبعد ماعيدها
++++++++
عمه من عبد الله مگطوع النصيب
خل تبطل من دللول الحبيب
الراح مايرجع ولا حته النحيب
ايرد اهلنه هناك سكنت بيدها
ثائر الربيعي
( ليلة الوحشه).
ليلـة وحـشـه وكـسرة خـاطـر
بـيـهـا شـسـوه ظـهـر الـعـاشـر
المحشومه بين اخوتـها
ضلت وحدها بغـربـتـها .. كسرت خاطر ..
………………………..
من ذبحو عالغبره الضامي وداست صدره الخيل حسين
ومن طـاح اعله الشاطي الكـافـل سهـم بعينه بـلا چفين
ذيـچ الخـيـل وذاك العـسكـر عـالحـره انـدارت صـوبـيـن
وبـين اطفال ونسـوه احـتارت تركـض زينب بيـهم ويـن
ويـن تروح بذيـچ الخــدر
نـار وخـيل ورهـبـة عسكر
زينب محـتاره بحالـتها
ضلت وحدها بغـربـتـها .. كسرت خاطر ..
………………………..
وعگب الصار بحال الوالي گـصدو ليـهـا بـذيـچ النـار
وخيـل وعسكـر دارعـليها وضاعت منها اطفال ازغار
حرمه ومهظومه وهم ثكله مگطع شافت راعي الدار
تگصدمـن تشكيله الحـاله لامها الزهـره لحامي الجار
ياهـو اليفـزع ليـها ويحضر
وفـوگ الغـبره حسين موذر
ياهـو يساعدها بمحنتها
ضلت وحـدها بغـربـتـها .. كسرت خاطر ..
………………………..
وضلت زينـب هـاي الليله وحـدها تـلـم بالنسوان
ومابين المذبـح والشاطي تگـوم وتوگـع عالتربان
ولاخـيمه الضلت تسترها التـهمت خيمتها النيران
تعبـانـه وتـتـنـفـس گــوه خـانـگ ريـتـها الـدخـان
تراب ودخـان الطـف جـوه
ومخـتـنـگـه وضلت تـتـلوه
غـبره ودخـان ابريـتـها
ضلت وحدها بغـربـتـها .. كسرت خاطر ..
………………………..
الله يساعدهـا بهليله بيـها شـسـوه طـف عاشـور
تلـم بالعيله، تگـعد تبچي، عالميت ضامي ومنحور
تدور اطفال الضاعت منها، تبقه عله الخدر ناطور
تداوي المچـويه برجليها، لو عـظم البطـگ مكسور
وكـفت ذيـچ الليله بحـيره
مهضومـه ومدمعـها تديـره
وشـتسوي بهايه حيرتـها
ضلت وحـدهـا بغـربـتـها .. كسرت خاطر ..
………………………..
عگب الكافـل حـيـف ووسفـه يحـرسـها صـار الذبـاح
يحـاچـيـها الذبـاح وشـامت زيـنب كـافـل خـدرج راح
مگطوعه چفوفه عله الشاطي وسهم بعينه الكافل طاح
وحـسيـنـچ طايـح عالغـبره بـسـيـوف مگـطـع وارماح
وضحكـات الشامت تهـظمها
ومـا گـدرت دمعـتـها تظمـها
وسالت فوگ الخد دمعتها
ضلـت وحـدهـا بغـربـتـها .. كسرت خاطر ..
………………………..
الله يساعـدها بمحـنـتها ويالوعـه وياهـم اتحمله
يسبوهـا لو صبح باچـر وبـلا هـودج تركـب هـزله
بالخدر باچـر تـتمحن چم طفل العدها وچم طفله
من الطف لقصر الكوفه صعبه لقصر الشام الرحله
زيـنب بـاچـر مـن يسـبـوها
هـواي المحشومه يعـذبوها
بالغربـه تهـظم وحـشتـها
ضلـت وحـدهـا بغـربـتـها .. كسرت خاطر ..
الشاعر عقيل الحسناوي..
عباس اگعد طفي الخيمه
*****
طبو علخيم عباس گوم النه
وينك يا بو فاضل خويه تسمعنه
هاي النار وصلت گام تتدنى
كلهه اتهد مامش حمايه
***
وين اهل الحميه وأهل الملاگه
اجتنه الناس يهلي النار حراگه
آنه الونيت ونه وبچت الناگه
چا وينك شيال الرايه
****
شبت نار بخيامي وتمنيتك
يتامى وياي چا جيت وتعنيتك
طلعنه گبالهم يا خويه ناخيتك
من عين الشامت دارينه
****
چفوفك ما تصح حاچيني يلكافل
عالو علحرم تسمع يبو فاضل
أگلهم ما يموت ويرجع يقاتل
گوم افزع جتنه الغزايه
****
يبو فاضل دگوم وشيل ذرعانك
يمخلي الاثر بوجوه عدوانك
تركض بالحرب چا ليش نسوانك ؟
عباس اختك عالو بيهه
**
هاي اخيامكم يا حيد وصلوهه
العاشت بالدلال بالسوط ضربوهه
وين اخوان زينب چلمه گالوهه
خل يلحگ زينب شتموهه
كلمات الخادم / رعد الفريجي
محرم الحرام
أوگف يا بعد عمري
وحط راسك على صدري .. يالأكبر
بعدك يا هوى الريه
ما تلگه نفس بيه .. يالأكبر
&&
يبني البيه أشوف الهادي جدي
بغلاة النفس وأكثر أنت عندي
بيّه موادعك للگبر يحدي
وگبل سهم المثلث زرف چبدي
من درت الوجه .. رايح
تعنالي سهم جارح .. يالأكبر
وطاحت روحي مغشيه
ما تلگه نفس بيه .. يالأكبر
&&
العرب عاداتهم الرايح بأمره
طاسة ماي تشمر وره ظهره
وأنه يا ماي عندي حتى اشمره
حتى دموعي صارت يبني حمره
أول مره أحس روحي
صارت أزغر جروحي .. يالأكبر
وصارت عيني معميه
ما تلگه نفس بيه .. يالأكبر
&&
گلبي أتخايله گدام مهرك
يتلگاك لا واحد يعثرك
علي يا علي يا بويه شخبرك
بس الموت يجبر هذا كسرك
يمي انت وصحت وينك
اشوف الدنيا من عينك .. يالأكبر
الزمن غادرني تاليه
وما تلگه نفس بيه ..
_&&_
قبل لا اگلك توكل يعمري
الكسر من صدري وانشاف اعله ظهري
يبو طول اليصفن العين .. تدري
چنت أتمنى توگف فوگ گبري
وتقره الفاتحه بدمعه
وزينب يمك وتنعه .. يالأكبر
الگلب ماتت أمانيّه
ما تلگه نفس بيه .. يالأكبر
&&
أشوفك يا علي للحرب تمشي
وراك الروح ركضت مدري نعشي
الدموع وصورتك وگفن برمشي
علي بلياك ظل يجرحني أي شي
ما چني أبو اليمه
جدمي اتعثّره النسمه .. يالأكبر
ودمعي نشف جاريه
ما تلگه نفس بيه .. يالأكبر
&&
على الدنيا العفا بعدك يالأكبر
الرحت منه بعد شيخاف يخسر
يل من العطش گلبك تفطر
أمي اتاني جيتك على الكوثر
بچف الزهره من تشرب
يبني اذكر عطش زينب .. يالأكبر
وگلب عبد الله ورقيه ..
ما تلگه نفس بيه .. يالأكبر
&&
أحمد هادي الشمري
@HxzEU1
#قناه_نشر_القصائد_المنبريه
( أن تنكروني فأنا شبل الحسن )
سبُط النبي الطاهر والمؤتمن
ْْْْْْ........
يله شدو اعنانكم... وقدمولي أرجالكم ...
أنه أبد ما هابكم ... عمي عباس
وين اليلاويني ... خل يجي أيلاكيني ....
وحك ربي وديني .... ما يظل راس
شبل حيدر اني ... والمجد عنواني ....
ابو فاظل ثاني .... غيرة وحساس
ناصراً للعم كافل للضعن
ْْ.......
انه القاسم اني ... وينه التحداني
ثابت ابميداني ... والمفر وين
صح زغير بسني ... بس جبير بفني ...
علي شاهد ذني ... جفوفي الاثنين
السطرة ما ثنيها .... جيوشكم امحيها
يبقى بس طاريها ... يل ملاعين
لا يبقى حياً الا من فرَ وجن
ْْْْْْ........
بية ابوي امفاخر .... وانه ابنه الكاسر
الا اطيب خاطر ... كلبه هاليوم
الا اكسر اضلوعكم .... الا اهيل ادموعكم
الا اطشر اجموعكم .... با مري ملزوم
صولتي امن ابديها .... ما بشر ينهيها
رايتي امعليها .... بعلو الانجوم
شبلُ العرينِ هازمِاً جمعُ الفتن
.......
جدي قالع خيبر ... امطر عليكم حر
زودي زود الاكبر ... ما تنكرون
سيفي عاشك للدم ... عالحروب امعلم
من زغر واتبسم .... لليوافون
ما اخالف عهدي .... وقعيته بمهدي
انطي كلشي العندي ...الهاي الضعون
اِن سال دمي فهو الفخرٌ اذن
ْْْْْْْ........
قسما بالهادي ... الا اذل كل عادي
اليوم افرح اجدادي ... بعرس الاطفوف
وجه ابوي وامي .... الا ابيضه ابدمي
فدوة روحي العمي ... الكله معروف
للشهادة ارجالها ... وانه من ابطالها
ياهله بخيالها ... اتصيح الالوف
(عرسٌ الشهادة كربلائيِ الوطن)
......
الحمد الله رب العالمين
...اللهم صل على محمد وال محمد .
.. موسى الخادم
اليله التاسعه
خوفي من عين العساكر خافن يحسدونك
يلجمالك مانة هين بلنبي يشبهونك
بلحرز لبسولة
ابني فدوة لطولة
.............................................
داخل بنص العساكر ياعِماد لداري
ضنهم النازل مُحمد هذا الاكبر ثاري
من يباوع ابتسملة وجوة تكبر ناري
لساني ميفارك دعوتي تحرسة عين الباري
لله ارفع ايدي
ربي رد وليدي
ادعي من الله يلاكبر سالم يرِدونك
يلجمالك مانة هين بلنبي يشبهونك
.................................................
نازل بسيفة ويقاتل حلكة يابس بلضمة
ابني عطشان ويحارب سوة بيهم ملحمة
الماي لو شاربله كطرة ترعد الارض وسمة
كربلة يكلبهة بيهم يناثر الروس ودمة
والعطش غدارة
بجبدة تلهب نارة
منك تخاف آل امية وماي ميروونك
يلجمالك مانة هين بلنبي يشبهونك
..................................................
يبني يلاكبر ييمة مالي بعدك والي
يمة بس انت بقيت وتمشي اول تالي
لشيبي من اكبر ييمة ضنتي تبرالي
تخطر ابالي ضحكتة الموت مو يم بالي
ضنتي تجواية
لشيبي يمة وياي
بالي مرسومة ضحكتك بالي ميقتلونك
يلجمالك مانة هين بلنبي يشبهونك
...........................................
اكعد وحاجيني جيتك انه امك ليلة
زينب يكفي حزنهة وحزني ياهو اشكيلة
رماد متروسة العباية وحرك بيهة الشيلة
وهذا ابوك حسين ميت محد يفييلة
هلشمس تاذيكم
والسهام البيكم
ليش بسهام ورماح لجسمك يترسونك
يلجمالك مانة هين بلنبي يشبهونك
..........................................
هذا أمرك يا اللهي والك سلمت الامر
علي الاكبر راح مني وفكدة عاصرني عصر
ربي مشكور اعله كلشي ومطلبي منك صبر
طلب ثاني من اموت يمرني طيفة للكبر
النعش هو يشيلة
ترابي بيدة يهيلة
اندفن كبلك يريت و كبل ميدفنونك
يلجمالك مانة هين بلنبي يشبهونك
..........................................
تمت بعون الله وفاطمة الزهراء وصاحب الزمان
منار الهدى
القصيدة مخولة لتغيير حروف او تغيير كلمة لتناسب اللفظ والطور الذي يناسبكم
اليله التاسعه
كعده ختاميه مجلس
يبني علي * * * * يبني علي
============================
روحي راحت من طحت يل غالي
يا أبن گلبي وبقااايه اماااالي
انته يل تشبه رسول الله بجمال
طولي صار اهلال عگبك تالي
وانه اندب = ضهري حدب
زينب اتلگيني باهت لوني
ابني شايل = حيلي مايل
راح من ايدي وخسرت اضنوني
يبني علي * * * * يبني علي
============================
الابو وي وليده من يگعد سوه
الاضلم ابمكعادهم صاير ضوه
شلون يل أكبر صفت بس ذكريات
جرحك ابگلبي ولا صحله دوه
هاي هيه = شلون بيه
ليش عايفني يبويه بحالي
من توذر = شيبي خضر
والله يبني من كسر دلالي
يبني علي * * * * يبني علي
==============================
هيه معروفه الورد وي النده
لو يطر فجر الله المغازل بده
ردلي يبني الهجر مو وكته تعال
خل ترد والعشگ ذاك انجدده
لا تهاجر = انه اناطر
ردلي خل نرجع لأايام الزمان
ذاك وكتي = وكلشي يبدي
كل سوالف دافيه وبيهه حنان
يبني علي * * * * يبني علي
==============================
عيني مابيهه تعاين عل شباب
شلون تنضر ونته صاحبة التراب
گمت اغصن بل هوه لمن مشيت
كل مصاب ايهون بس هاذه المصاب
ما اگدره = شلون اعبره
ونته مو يمي ينبضات الگلب
علي يبني = راح مني
حيلي والدمعات توجعني وتصب
يبني علي * * * * يبني علي
============================
اخر احچايه يبويه والسلام
هاي اول مره مكسور الامام
اليفگد اوليده بعد مابي يعيش
هاي خلصت ونهدم عش الحمام
هاي هيه = للمنيه
رايح انته وچن سمه بلايه گمر
باقي وحدي = لربي ادعي
ربي انطيني الصبر ثم الصبر
يبني علي * * * * يبني علي
=============================
كرار العطوي
اليله التاسعه
نزال
يوليدي الهيبه الهيبه راس ابن غانم جيبه
___
علجيش الاكبر من دخل حيرهة ذيج القاده
صاحو دخيلك يا علي حيرهم ابن الساده
عبالهم حيدر نزل اتذكرو صولاته
كال افتخر جدي علي وحيرهم المشراده
الجيش انصاب ابعين
ضل خايف منه اسنين
____
احتار ابن غانم من نضر علاكبر وصولاته
كله دخيلك يا علي ومرعوب من خزراته
كص راسه الاكبر علنهر من فدوه الريشاته
وداه العباس الكمر متباهي ابصولاته
شايل غيره امن حسين
وصلهم مدري الوين
____
نزلو الاكبر والكمر بلطف وعدهم غايه
والشمر من شاف الوضع ضيع طريقه ورايه
عباس عمي يل كمر الجيش اذله ومايه
وكلاله نذبح حرمله وعباس شال الرايه
امن الاكبر ولكفال
بلطف ما ضل رجال
_
ايشبهونه ابجده حيدره وبغيرته المعروفه
من فدوه اروح الهيبته والرايته الملفوفه
ضل واكف اعله المشرعه ويصطر صطر بجفوفه
يكطع الروس اعله النهر ويشمرهة فوك الكوفه
وبشمراته المعروفه
ايشمر الروس اعله الكوفه
_
تمت بحمد لله
سيد صادق الموسوي
اليله التاسعه
نزال
هذا شيخ الطف حمل لو علي الاكبر نزل
من يدخل الحرايب تتراجف الكتايب
****
اتخيل المهره وتعنه وبكمر هاشم حلف
وذبت القاده رتبها وبكر ابن غانم رجف
عالنهر صارت خزرته والنهر ريجه نشف
والله لو راخصله يهجم بيها يوصل للنجف
براس ابن غانم رجع صوته بالحومه ارتفع
اجمل هديه جايب وتتراجف الكتايب
****
جرد السيف بيمينه وشكل اعليهم خطر
راد يمحي اجيوش اميه بكربله وربك ستر
من لبس لامت قتاله الجمع كدامه انكسر
ضيك الحومه عليها وعالزلم ضاع المفر
جنه سبع الكنطره سوه عالشط سيطره
وبيده لوه الشوارب تتراجف الكتايب
****
اتوسط الميدان الاكبر والحرب مالمته
وكربله من كد قتاله اتعجبت من شافته
هوس بنص المعاره وكلها سمعت هوسه
يحرك اليابس والاخضر من يفوت برايته
وكلها صاحت الهوه من حمل بيده اللوه
يتحده اجه المصاعب تتراجف الكتايب
*
تدخل انذار العساجر من يخوض الملحمه
بالحرب لو شد عليها اتخاف حته الموزمه
امن النهر للخيمه الاكبر سوه نهر امن الدمه
صاحت الفرسان اشردو نزل حماي الحمه
حيدر وليهم طلع بيده جم خيبر قلع
وبيهم بده يحاسب تتراجف الكتايب
*
هذا ملك الموت اجاهم والسبع بيهم شرد
تنترس بيهم جهنم لو حمل حمله بعد
ونس حسين بقتاله وعزمه ما ينقاس ابد
من علي وارث صفاته والاسد خلف اسد
كاشخ بذاك اللبس جنه طالع للعرس
وبغيرته يحارب تتراجف الكتايب
*
هذا الاكبر لو محمد كلها بمره تحيرت
وكربله من كد جماله اجفوف اديها اتشككت
انسحبت اجيوش ال اميه ومن خزرته اتراجعت
غيمت سوح الحرايب والطفوف اتزلزلت
بوجها عباس ابتسم من رجع صوب الخيم
بدين النبي يطالب تتراجف الكتايب
**
تمت
تحسين الخفاجي
اليله التاسعه
نزال
اليـوم الاكبر شد عليها حزامه
وكام يـرعد وانثنت جدامه
ــــــــــــــــــــــــــــــــــــــ
شد عليها حزام عمه وحيل ابوه
توه كال انه علي بنصهم لكوه
هوه اجاهم مادرو لوهمه اجوه
مشتهي يحز الركب صمصامه
ــــــــــــــــــــــــــــــــــــــ
انا علي صاح واصتك الفضا
ملبيــا ماشــاء ربــي وقضـى
فصار في القوم خلاف وشضا
كــالو الكــرار عــاد ايــامـــه
ــــــــــــــــــــــــــــــــــــــ
علي صاح وصفن الريح ووكف
رجف وترادم العسكر واختلف
هذا حيدر شنهي جابه منالنجف
اختاض والعسكر نوه اعلى اعدامه
ــــــــــــــــــــــــــــــــــــــ
كأنه الليث اتناها وانبرى
وجانبته البيض لما زمجرا
فصاحت الناس اتاها حيدرا
تراجفت من صيحته الوهامه
ــــــــــــــــــــــــــــــــــــــ
كرها شبل حسين ماكـــرة عليه
شما يضهضب تنهزم ما بين اديه
يصيح وين ابطالكم محـــد يجيه
شمــا يكرها اطيح حدر اجدامــه
ــــــــــــــــــــــــــــــــــــــ
كل مــا كــر رآهــا تنجلــي
صاح ياقـــوم كفــا من وجـل
انا علي ابن الحسين ابن علي
مـوش حيدر زلمه مــن زلامـــه
ــــــــــــــــــــــــــــــــــــــ
سمعته وردت تلاجيه الـزلم
وكام يثلم روسها بسيفه ثلم
بكيفه يثنيها ويطشرها ويلم
حيد مدرع والحروب ولامه
ــــــــــــــــــــــــــــــــــــــ
جنــدل الابطــال واجتث النحــور
يفرق الهامــات منهــم والصدور
ابن من في الحرب ذو قلب جسور
اســـد مــاخذ هيبته منعمـــامـــه
ــــــــــــــــــــــــــــــــــــــ
هذا ابن صكارها وسهمه الجبير
واليجهبــه معبس بـــروحه يحير
ساعه حيدر ساعه ابوفاضل يصير
مـــايثنـــي ويطبــــر منالهــامــه
ــــــــــــــــــــــــــــــــــــــ
فمـلا منهــا هضابـا وسفـوح
وابـــو الفضل بكفيــه يلــوح
غاص فيها لايبالي بالجروح
يطوف بيها ودرعه صار حرامه
رائد الناشي
مأسات الامام السجاد روحي فداه
يابويه الكسرت گلبي وأذتني اهواي
خلوك ابحر الهيمه واتصيح الـماي
كلشي بعيوني شفت
امن الرمح حد الطشت
واتصيح الماي
ــــــــــــــــــــــــــــــــــــــ
آنه الوجعان..وانته العطشان
ابحر التربان..نحرك يابس
ايطلبونك بيش..جابولك جيش
وابصدرك ليش ..خيل اترافس
شمسوي وهيچ اتموت..يحسيني
واتظـل ابلا تابوت..يحسيني
وگمت اسمع منك صوت..يحسيني
ياناس اوداعة جدي اتگلهم عطشان
وآنه اشما الطم راسي تبچي النسوان
بويه ليش اتطشرت
امن الرمح حد الطشت
واتصيح الماي
ــــــــــــــــــــــــــــــــــــــ
اشلونك يحسين..چنك موزین
داسن مرتين..الخيل بصدرك
ذباحك ذاك..ترفس خلاك
والسيف اذاك..إشسوه بنحرك
وانته بآخر لحضات ..يابويه
ظهرك شابع طعنات..يابويه
وعينك عالعلـويات..يابويه
اتگوم وتوگع عله وجهك ماعندك حيل
طبگن صدرك وي ظهرك رجلين الخيل
وآنه چم موته متت
امن الرمح حد الطشت
واتصيح الماي
ــــــــــــــــــــــــــــــــــــــ .
معقوله الچان.. هيبة ديوان
كلش گصران..طولك صاير
صبعك مگطوع..صدرك مشلوع
چتفك مخلوع..من الحافر
نبچي وهمه ايضحكون..ياويلي
ابراسك ليش ايهوسون..ياويلي
وبزينب يتشمتون..ياويلي
والعلويات ايصيحن وين السجاد
لاتوصل نار الثوبه وايصير إرماد
وآنه إلمن التفت
امن الرمح حد الطشت
واتصيح الماي
ــــــــــــــــــــــــــــــــــــــ
اسال بام عون..ياعمه اشلون
هذا الـميمون..ردلچ خالي
ميمون احسين..بيه اتشمين
حگچ تبچين..راح الغالي
ولمن شفتي الذباح..ياعمه
من عينچ مدري شطاح ..ياعمه
شيبتي وحيلچ راح..ياعمه
الخيل ايركضن وايعثرن بهدوم احسين
وآنه الوجعان شبيدي وانتي اتصرخين
اصعب أيامي عشت
امن الرمح حد الطشت
واتصيح الماي
ــــــــــــــــــــــــــــــــــــــ
آه امن الشام.. غربه وألام
وراسك گدام.. يمشي اويانه
وملتمه الناس..تضرب بالراس
وعين العباس.. دم مليانه
گام ايونن عالنوگ..عماتي
مستحيات امن السوگ..عماتي
گلبي اعليهن محروگ..عماتي
يابويه وشفت اجبينك صابوه بحجار
ولو طگو اي مسبيه راسك يندار
وآنه باحزاني ضعت
امن الرمح حد الطشت
واتصيح الماي
ــــــــــــــــــــــــــــــــــــــ
ظليت إوحـيد.. أصفگ بالايد
وبقصر ايزيد..وإمچتفيني
سعفه ابنص ريح..ايوگفوني واطيح
وادموعي اتصيح.. آه يحسيني
ظليت ابلا خوّان..ياروحي
صرت آنه الهم دفان..ياروحي
وكسرن گلبي النسوان..ياروحي
الماتو كل اهله اگباله اتموته المأسات
وجهي اعليكم يابويه شابع طگات
امن البواچي ماجزت
امن الرمح حد الطشت
واتصيح الماي
محمد الجماسي
#اللهم_عجل_لوليك_الفرج
مأسات الامام السجاد روحي فداه
يابويه الكسرت گلبي وأذتني اهواي
خلوك ابحر الهيمه واتصيح الـماي
كلشي بعيوني شفت
امن الرمح حد الطشت
واتصيح الماي
ــــــــــــــــــــــــــــــــــــــ
آنه الوجعان..وانته العطشان
ابحر التربان..نحرك يابس
ايطلبونك بيش..جابولك جيش
وابصدرك ليش ..خيل اترافس
شمسوي وهيچ اتموت..يحسيني
واتظـل ابلا تابوت..يحسيني
وگمت اسمع منك صوت..يحسيني
ياناس اوداعة جدي اتگلهم عطشان
وآنه اشما الطم راسي تبچي النسوان
بويه ليش اتطشرت
امن الرمح حد الطشت
واتصيح الماي
ــــــــــــــــــــــــــــــــــــــ
اشلونك يحسين..چنك موزین
داسن مرتين..الخيل بصدرك
ذباحك ذاك..ترفس خلاك
والسيف اذاك..إشسوه بنحرك
وانته بآخر لحضات ..يابويه
ظهرك شابع طعنات..يابويه
وعينك عالعلـويات..يابويه
اتگوم وتوگع عله وجهك ماعندك حيل
طبگن صدرك وي ظهرك رجلين الخيل
وآنه چم موته متت
امن الرمح حد الطشت
واتصيح الماي
ــــــــــــــــــــــــــــــــــــــ
معقوله الچان.. هيبة ديوان
كلش گصران..طولك صاير
صبعك مگطوع..صدرك مشلوع
چتفك مخلوع..من الحافر
نبچي وهمه ايضحكون..ياويلي
ابراسك ليش ايهوسون..ياويلي
وبزينب يتشمتون..ياويلي
والعلويات ايصيحن وين السجاد
لاتوصل نار الثوبه وايصير إرماد
وآنه إلمن التفت
امن الرمح حد الطشت
واتصيح الماي
ــــــــــــــــــــــــــــــــــــــ
اسال بام عون..ياعمه اشلون
هذا الـميمون..ردلچ خالي
ميمون احسين..بيه اتشمين
حگچ تبچين..راح الغالي
ولمن شفتي الذباح..ياعمه
من عينچ مدري شطاح ..ياعمه
شيبتي وحيلچ راح..ياعمه
الخيل ايركضن وايعثرن بهدوم احسين
وآنه الوجعان شبيدي وانتي اتصرخين
اصعب أيامي عشت
امن الرمح حد الطشت
واتصيح الماي
ــــــــــــــــــــــــــــــــــــــ
آه امن الشام.. غربه وألام
وراسك گدام.. يمشي اويانه
وملتمه الناس..تضرب بالراس
وعين العباس.. دم مليانه
گام ايونن عالنوگ..عماتي
مستحيات امن السوگ..عماتي
گلبي اعليهن محروگ..عماتي
يابويه وشفت اجبينك صابوه بحجار
ولو طگو اي مسبيه راسك يندار
وآنه باحزاني ضعت
امن الرمح حد الطشت
واتصيح الماي
ــــــــــــــــــــــــــــــــــــــ
ظليت إوحـيد.. أصفگ بالايد
وبقصر ايزيد..وإمچتفيني
سعفه ابنص ريح..ايوگفوني واطيح
وادموعي اتصيح.. آه يحسيني
ظليت ابلا خوّان..ياروحي
صرت آنه الهم دفان..ياروحي
وكسرن گلبي النسوان..ياروحي
الماتو كل اهله اگباله اتموته المأسات
وجهي اعليكم يابويه شابع طگات
امن البواچي ماجزت
امن الرمح حد الطشت
واتصيح الماي
محمد الجماسي
#اللهم_عجل_لوليك_الفرج
استشهاد الامام السجاد ع
جرحي لو جرحك يلكبر
ياهو بيهن يوجع اكثر
خناجر كربله
وجروح السلسله
+++++++++
هذا اول واحد انته بگبري يا خويه الاجالي
اعرض جروحك يلكبر وانته قارنها اويه حالي
مو عطش ماي بدليلي گلبي عطشان اعله غالي
من إخوتي اليبچي فوگي ويحني ظهره ما بقالي
لا اخو يحضن اخيه
وينكسر گلبه عليه
ودموعه هامله
وجروح السلسله
++++++++++
تذكر الخيمه يالاكبر بيها اجيت او ودعتني
بالمرض ثگلانه جدمي ونار اجتني حاوطتني
صارت العوچيه جمره والزمت بيها چوتني
وبين دخان المخيم عمتي تسحبني اجتني
هيه تسحبني بأديها
والسياط اتدگ عليها
ابهظمها مايله
وجروح السلسله
++++++++
ما اقارن انته تحكم ياهو بينه الجرحه اكبر
انته برماح وخناجر والطعن جسمك توذر
لو الف سيف اعله نحري اولا حبل بچفوفي وانجر
آه يا صوت اليصيحه ابوجهي من اجدامي تعثر
زلمه مو سهله بچفوفه
احبال واعياله تشوفه
سبيها العايله
وجروح السلسله
++++++++++
عن رمح خاصرتك ابلغ لو الم حچي الشماته
اشينزف امن اعروگه گلي التنضرب يمه خواته
آه ماصاحن عليه حال اخوهن عاذراته
امضيّگين ابگيده عنقي اتجرحه ابسط التفاته
مادرت عيني عليهن
ساكت واسمع بچيهن
بچي لمدلـله
وجروح السلسله
++++++++++
الشام آ يالشام بيها ابگلبي چن محترگه خيمه
بكل نفس تطلع واردها روحي من گد الهظيمه
ديره ديره ايدخلونه وليه يولوها اليتيمه
واسمع ايصيحوني هذا عايش وسلبوا حريمه
ياكبر چلمه الحچوها
روحي بيها گطعوها
چبيره المسأله
وجروح السلسله
++++++++++
اسنيني والفتره وراكم غربه يا خويه العشتها
الدمعه لحسين ومصابه ليله ابد مافارگتها
من اجت ساعة وفاتي الكربله اعيوني درتها
خويه يالاكبر چفوفك تحمل النعشي ردتها
هسه اجيت واني يمك
ضمني ياخويه واضمك
بقدومك يا هله
وجروح السلسله
ثائر الربيعي
ياأيُها السلاسلْ صلِ لهُ نوافلْ
لا تجرحـي معصم القرآن
الله اكبر عظمهُ بان
ياأيُها السلاسلْ
ــــــــــــــــــــــــــــــــــــــ
ياسلاسل ذوبي من شدة بلائه
بالمباشر هذا وي الله دعائه
هذا ابن السلبو بالطف ردائه
مثل حيدر جان بس لله انحنائه
كجدهِ الوصيُ عليٌ من عليّ
وخلفهُ تُصرخ النسوان
اللهُ اكبر عظمهُ بان
ياأيُها السلاسلْ
ــــــــــــــــــــــــــــــــــــــ
ياسلاسل طلع عظمه من رگبته
لاتلجمينه حرام اتصب دمعته
بالسياط اكباله ويطگون عمته
والحوافر بايكه اعيونه وصفنته
حنَّ على اباهُ بحزنهِ ينعاهُ
والسوط لا يرحمهُ كان
الله اكبر عظمهُ بان
ياأيُها السلاسلْ
ــــــــــــــــــــــــــــــــــــــ
كل عليل وعلته ماالهه نهايه
هذا طبعاً راحه يحتاج وعنايه
چا علي السجاد سوّه ياجنايه
بالخرابه ايشوف عمّاته سبايه
وظهرهُ تقوس امامنا المقدس
وشابَ من شدةٌ الاحزان
اللهُ اكبر عظمهُ بان
ياأيُها السلاسلْ
ــــــــــــــــــــــــــــــــــــــ
آه يادرب الصحاري اشگد يتعبه
ايطيح من الناگه بس محّد يرگبه
لا عشيره ولا اهـل والديره غربه
ذاكه الايشتمه بقه وهذا اليضربه
بئساً لتلكَ الامه من غربة الأئمه
فذا عليٌ خيرُ برهان
اللهُ اكبر عظمهُ بان
ياأيُها السلاسلْ
ــــــــــــــــــــــــــــــــــــــ
دمه يجري امن الحديد ومايمسحه
عله احسين ايباوع وحزنه يذبحه
الحادي حبل الناگه يتعمد يفتحه
حته بالسجّاد من تعثر تطيحه
والناقةُ السريعه لأمرهِ مطيعه
ياويلكم يابني سُفيان
الله اكبر عظـــــمهُ بان
ياأيُها السلاسلْ
ــــــــــــــــــــــــــــــــــــــ
بالقصر شاهد رقيه الكلهه حيره
أمن الحسين امتانيه النظره الاخيره
صاح ارحمو هذه الطفله الصغيره
هاي ابوها احسين شالوه ابحصيره
والرأس مّذ اتاها فكلّمت اباها
ياابتي موتي لقد حان
الله اكبر عظمهُ بان
ياأيُها السلاسلْ
محمد الجماسي
ليلة من السبي. وي ضعن النبي
كعدت وي الاطفال زينب بت علي
==========
ليلة من ليل الالم. بهيمة وبلايا خيم
الليل خيم عالضعن ليل الرزيه
ليل وبلايا گمر. بس مناحه وبس قهر
عمه ناموا يالسبايه الليل اذيه
هالوضع عمه يطول. ناموا وارتاحوا تگول
وبعد درب الشام ياعمه منيه
ناموا ابلاخيم. ماعدنا علم
عمه هواي الاهوال الحداي اجنبي
==========
طفل يسأل عمته. ويحجي كوه بلوعته
وين ابو فاظل يعمه مايجينه
عمه هسه لو يجي. إنام وإنبطل بچي
احنه متعودين هوه وي الضعينه
بشوفته نشرب امان. خل ندوره بيا مكان
عمه خل اندور الكَفّالْ وينه
بس يرجع انام. يحجي بهل كلام
عمه ورايچ إشگال عمه لمطلبي
==========
طفله تسأل عن جرح. منهو ذاك اعل الرمح
گمر هذا اعل الرمح ورسومه حلوه
يلتفت طول الدرب. متنج شما ينظرب
عمه گليلي الشخص منهوه فدوه
لوالدي يشبه تره. ضوه شع إبمنحره
ومن يضربونج يعمه راسه يهوه
عمه المنذبح. يهوه امن الرمح
لوضربوج الانذال. اسمع ياعلي
==========
والبجي صوته اعتله. خل نرد لكربله
عمه ابوي هناك عفته عمه مذبوح
بلكي احاجيه ويرد الرمح اطلعه من الجبد
بلكي يكعد من اكله گلبي مجروح
مايردلي اي طلب. ليل والشوف انحجب
ارد ارد عمه اعل جثته تطلع الروح
وبحضنه اموت. يكتلني السكوت
همي بكبر الاجبال روحي بلا هلي
==========
طفله من بين الضعن تسأل بدمع وشجن
لسه ادور عن ابوي الضيعيته
طَوَّلْ عليه السفر. گلبي يالحره انكسر
دورت عنه شكثر بس مالگيته
راسه ماهو اعل الرمح. بكربله مامنذبح
غاب عني ومن حنيني عاتبيته
ليلي ابلاصبح. شحمل ياجرح
ماودالي مرسال. ودموعي اتهلي
==========
الشاعر علي النائلي
بيا ذنب طايح ذبيح عمامتك سلبوها
الليله وحدي شلون ابات والخيم حركوها
خويه يا كفالي
كوم لم عيالي
الليله وحدي شلون ابات والخيم حركوها
_
ديره غربه وناس غربه وين راح الليله ابات
ونته طايح عالشريعة والجفوف مكطعات
وفوك كل هاي المصايب خوية تسألني البنات
وين عمنه الكال رايح ورجع بماي الفرات
الناس ما تعرف غريب ولا صغار كبالها
عذبو زينب ياخوي وطشو اعيالها
خويه لاتخليني لو عدل حاجيني
الليله وحدي شلون ابات والخيم حركوها
_
العذباني هواي خويه مو ندور عالمنام
لما سحك علنار جفه كام يسحك عالسهام
الطاح شلته وراح مني وتيهت حته الكلام
كون ميته ويه الجفوني وقراء عالدنيه السلام
كثرن وياي الجروح وانا عدله كبالكم
وما يهمني شما يصير بس حرت بعيالكم
خويه عندي حجايه كوم شيل الرايه
الليله وحدي شلون ابات والخيم حركوها
____
ساعت الليل اللفتني يابوفاظل كلبي حار
شلون اجيلك للشريعه لو اظل يم الصغار
وين اخليهم ياخويه لاكو بيت ولا كو دار
بين خيل وناس غربه وبين كوم وبين نار
وانا عاين من بعيد ونظر على الحاله
خويه يا اول شهيد يعذب بجتاله
كوم شيل جفوفك وخلي عيني تشوفك
الليله وحدي شلون ابات والخيم حركوها
_
اسمع يكولون خويه كطعو جفوف الذبيح
عيوني تربي وما نسيتك وهسه يرجع كمت صيح
وانا ما بي حيل اجيلك مره اوكف مره طيح
هذا حالي عالجفاني لاتظن ساعه استريح
لاتظن ساعه ستراح من الهجر تعبانه
شما بقت خويه الحياة راح اظل حزنانه
الله يعلم بيه شكد شلت حنيه
الليله وحدي شلون ابات والخيم حركوها
_
الليله ما مرت عليه وعام مو مثل السنين
يابو فاظل فرقونا انته وين وانا وين
بروحي الك ظلت امانه وراح اظل مطلوبه دين
ما انساك ولا اعوفك ولا اتيهنه الونين
راح ارسمنك خيال وبقه أتاني كباله
وراح أشعل بيه نار شما شفت خياله
عيني دم هماله وراح اذل جتاله
الليله وحدي شلون ابات والخيم حركوها
_
ابو هاجر المجراوي 07807808421
ليلة السابعه
عباس وينك وصلت الخياله
لخيام اخوك وروعوهه اعياله
.....................
حيهم يسبع الگنطره وحامينه
من غبت هذا الجيش گرب لينه
عتب الفواطم ليك يا والينه
والاشد طلعت من خيمهه سكينه
وين الكفيل العمر عشنه ابجاله
عباس وينك وصلت الخياله
......................
يمجندل الفرسان وسط الحومه
واهل الشجاعه السولفت بعلومه
مهضومه بعدك صبرت مهضومه
هاي الشريعه بالزلم ملزومه
والحرم خدر يالتعرف الحاله
عباس وينك وصلت الخياله
..........................
من نومتك عباس وافزع ليهه
جم حره طلعت مالگت واليهه
زينب ولوهه گوم الحگ بيهه
واجفوفه گصهه الي يمدهه اعليهه
وخل صطرتك عباس تتراواله
عباس وينك وصلت الخياله
.......................
عوف النهر عباس واتعناهه
زينب تدور والاعيال اواهه
شفت الوكت زينبكم اشراواهه
هاي الگبل خيمتهه من يدناهه
وياهو اليخلي الصار هذا اباله
عباس وينك وصلت الخياله
........................
حيهم يسبع الگنطره ونخوتهه
اتعنه طفي النار البخيمتهه
عباس شده ومن يحل شدتهه
ياهضم حرمه وموته كل اخوتهه
ويرفع الراس اكبالهن چتاله
عباس وينك وصلت الخياله
........................
يگطع ابنحره وما يهم ذباحه
وتارس الدنيا الشمر من اصياحه
اگلوب ال اميه اليوم كل مرتاحه
عباس يم زينب يجر اسلاحه
تبجي وتلم بحسينهه وبعياله
عباس وينك وصلت الخياله
........................
وفيتهه الخوه ومثلهه احروفك
عباس محد ينتقص معروفك
بحر الوفه رويته من جروفك
داينت هالدنيا وزمنهه اجفوفك
والطيب وي طولك ولم تفصاله
عباس وينك وصلت الخياله
خادم اهل البيت علي الزرگاني.
اشـعدها الخـيل خويه اتطلبك
داســت حيـل لـيــش بـكـلـبــك
جا راسك وين ... حاجـينـي حسين
يــبــن أمـــي
ــــــــــــــــــــــــــــــــــــــــــــــــــــــــــــــــــ
اجيتك أركض من النار اجيت اخيامي محترگه
اجيت اتعثر بممشاي اريــد حسين ابو الملگه
دخان الخيم يحسين زيـنـب مـنـه مخـتـنـگه
لگيتك خويه عالتربان اثــر مابــاقي للـشـبگه
جيت انخاك وانـت مطـبـر
رأسـك ويــن عـن الـمـنحـر
ومغـمـض العـين ... حاجـينـي حسين
يــبــن أمـــي
ــــــــــــــــــــــــــــــــــــــــــــــــــــــــــــــــــ
اول مره أصيح حسين ما يگعـد يحــاجـيني
غريبه بـين هـــاي الـنـاس وحـدي لا تخليني
ماضلت خـيم يـاخــوي اروحـن ويـن دليـني
تقبل تالي عمري ايصير نار اخيامي يچويني
هواي اجروح شفت بجسمك
حـــار السـيـف غـيــر رسـمك
اخ مــن الـبـيـن... حاجـينـي حسين
يــبــن أمـــي
ــــــــــــــــــــــــــــــــــــــــــــــــــــــــــــــــــ
ما معقوله هذا حسين من شفته صحت يمه
اريدج بالطف تحظـرين وتشوفين ابـو اليمه
ريحانة نبــي الله يــنـــزف عــالتــرب دمـه
چا شفتي الأخو بلا راس واني بمنحره اشتمه
بـيـن الـنـاس وانـي بـحـيـره
مـاضـل حـيل وانـي جـبـيـره
ما ضـل مـعيـن ... حاجـينـي حسين
يــبــن أمـــي
ــــــــــــــــــــــــــــــــــــــــــــــــــــــــــــــــــ
الله يعيـنك عالـصـار بـيـدك ذبـحـو اولـيـدك
شفت اچفوفك عله الگاع ضايع اصبع من إيدك
دورت ولـكـيتـه بعـيـد جـبـته اوبتـك تريدك
رقيه بلا خيم يحـسيـن مـن همومي مازيدك
ريت الــعـين عميه اخلافك
يـبـچـي عليك كـل الشافـك
وين اهل الديــن ... حاجـينـي حسين
يــبــن أمـــي
ــــــــــــــــــــــــــــــــــــــــــــــــــــــــــــــــــــــــــــ
شفت الشمر من بعيد لگيته عالصدر كــاعـد
راسك عالرمح شالوا ومن واحد لـعـد واحـد
گلت وسفه يبو السجاد تبجي عيوني وتشاهد
حرت من شفتك بهالحال يمك رحت اضل مارد
ابـقــه اويـاك لـو ردلــهـم
عـنـدي ايـتام ياهو الألهم
وهلي بعيديـن ... حاجـينـي حسين
يــبــن أمـــي
ــــــــــــــــــــــــــــــــــــــــــــــــــــــــــــــــــ
الشاعر خالد جودي العارضي
(موشح) على طريقة التراث الاصيل
گوم شيل الـرايـه يـامـوعـودهـه
وركب اچفوف الگـمـر لـزنـودهـه
*---------------*---------------*
عَـمــك الــعـبـاس طـاحـت رايـتـه
يابوصالـح والـعـمـد شگ هـامـتـه
أدري تـاذيـك امن أسولـف حالـتـه
هاي تلگه اعله الشريعه اشهودهه
*---------------*---------------*
هـذا عـمـك هـاذ سـبـع الـگنـطـره
مـثـل يــومـه لا وحـقـك مــاجـره
أخـذ ثـاره وبـالـنصـر سـر نـاظـره
خـلـي حـمـلاتـك يسولف زودهـه
*---------------*---------------*
انـظـر الـحـال الـكـفـيـل بـکربـلـه
ظـل ثـلـث تـيـام مـحـد غـسـلـه
الحيد ينتظرك يـراعي الـمـرجلـه
ثور لأجله أعله الكـفـر وجنودهه
*---------------*---------------*
صـول وأخـذ الـثـار يـامـهـديـنـه
وأبـو فاضل گـوم ضـمّـد عـيـنـه
نـنـتـظــر يـوم الـنـصـر تـدريـنـه
أمحي كل اهل الظلم ووجودهـه
*---------------*---------------*
شــيـل جـــود الـكـافـل ورد مـايـه
تدري راعي الجـود منطي احچايه
وفّــي عـنــه الـديـن انـتــه بـهـايـه
والـحـرايـر مــاي روي اچـبـودهــه
*---------------*---------------*
شلـون صابـر والچفوف مگـطـعـه
وأنت تدري الصار يـم الـمـشـرعـه
ما أخبرك عـن گـمرنـه ومـصـرعـه
الغَيبه طالت ما كسرت اقـيـودهه
*---------------*---------------*
✍ خادم الحسين ع
الشاعر رعد الجريخي
*السلام عـلى ساقـي الـخيـام*الـسلام عـلى سـاقي عـطاشـه كـربلاء*
Читать полностью…اليله التاسعه
يايمه الاكبر == يايمه الاكبر
يل اكبر = ما اعيش ابدونك
ييمه = فدوه اروح الونك
يمحلاك = هاشمي اشوفونك
يمه يابعد العمر
بعد مابيه انتظر
========================
جنت اوياك = اكعد اويوميه
حلوه هواي = كعدت العصريه
هسه شلون = يمه مالك جيه
يمه ما احمل هجر
بعد مابيه انتظر
=========================
يل احنين = ياربات الشيمه
عكبك راح = انه اطر الهيمه
راح اتناك = ما اطب الخيمه
احلف ابراس الكمر
بعد مابيه انتظر
=========================
والحسين = يمه رايح حيله
فز اوكوم = تعبت امك ليله
وبممشاي = والله صارت ميله
امشي كلساع انهطر
بعد مابيه انتظر
========================
شو تانيت = يابعد دمعاتي
وتأذيت = يمه من حسراتي
عاده اتصير = اسمك او أهاتي
شلون امك تستقر
بعد مابيه انتظر
==========================
كرار العطوي السماوي
اليله التاسعه
نزال
..................................................................
حي الله الاكبر شيخ المراجل
حي الله الاكبر چنه أبوفاضل
..................................................................
چنـــه عباس يهل الناس يشبهه بصولته
محير الگوم هالجيدوم والله بوگفتـــه
مدوخ الناس والارجاس بالحرب مالاگته
محــد تدنالــــــه الجيش بهذل حاله
الخيل والخيالـه تخاف مـــــــن خياله
بالحومه يشبه عباس لمن ينازل
..................................................................
علي الاكبر تحضر نزل للساحه
حالف اليوم عالگوم ماتشوف الراحه
الشرد رداه أوخلاه يذب سلاحــــه
الشهم وأبن الشهم گباله ماتوگف زلم
يشبـه لراعي العلم الزلم منه تنهزم
بالحرب چنـــــه عباس لمن يقاتل
..................................................................
علي هاليوم أوبالگوم سوه ملحمه
الجيش شافوه أوضنـوه علي حماي الحمه
الجيش لماه اوطشاه لمن هاجمه
الفحل وأبن الفحل لسوح الحرايب هالوصل
للمعاره مــــــن نزل چنـــــــــه عبـــــاس البطل
بالحومه الاكبر هاليوم ذل الجحافل
..................................................................
بيده السيف أوبالكيف يگص بروسهم
ايگص الارگاب أوبالتراب چثثها يدوسهم
بسوح الحرايب يحارب ماتخوفه جيوشهم
بالحرب لمن هتف الجيش وضعه أختلف
شاربــــه لمن يرف الگاع بيهـــــم تنخسف
الف زلمــــــــــــه الاكبر والله يعادل
..................................................................
سيفـــــه سلاه والـلاگاه سالم مايرد
بسيف يدوس أوبالروس يحصد حصد
دزولــي ألفين والحسين مااهم بالعدد
الاكبر بسوح بالحرب تجدح عيونه غضب
بالحومه لورايد يطب الجيش ميت ينحسب
وعلي بالحومـــه اليوم مايبقه عايل
..................................................................
الشاعر عماد محمد الدراجي
اليله التاسعه
رئيسيه
ويلي عالأكبر ومصابه
ــــــــــــــــــــــــــــــــــ
علي الأكبر شبيه المصطفى جـدّه
وارث كل صفاته الحلوه من عنده
ابن الي نزل جبريل هـــــــز مهده
ظل اعـــله الترايب جثه متوسده
والجسد بالدم أخضابه
ويلي عالأكبر ومصابه
ــــــــــــــــــــــــــــــــــ
لمصابه الگلب مــــن حگه يتفطر
بكل عاشور نسمع من على المنبر
چـــن ليله تصيح بدعوة المضطر
يمن رديت يوسف رد علي الأكبر
تدعي بالدمعه السچابه
ويلي عالأكــبر ومصابه
ــــــــــــــــــــــــــــــــــ
علي أول شهيد امن الهواشم چان
شجــاع وسولفت حملاته العدوان
اذا عمّه يعرفــــــــــونه گمر عدنان
مثل عمّه نزل واتوســـــط الميدان
لو وگف عدوانه اتهابه
ويلي عالأكبر ومصابه
ــــــــــــــــــــــــــــــــــ
الله يعين گلب حسين ابو اليمه
لمن شاف الاكــــبر طايح امدمه
عظم ياناس ماظل سالم بجسمه
وابو اليمه تمـــــــدد يمه ويشمه
يشعر بطبرات صوابه
ويلي عالأكبر ومصابه
ــــــــــــــــــــــــــــــــــ
كلها تهــون ومصاب الولد كسره
كسر ما اظن واحد يگدر ايجبره
بالعـــاشر ابو اليمه انكسر ظهره
يوم الشـــــاف ابنه توسد الغبره
وانفگـــــد اول احبابه
ويلي عالأكبر ومصابه
ــــــــــــــــــــــــــــــــــ
حيدر بشار الدراجي
اليله التاسعه
نزال
حيو الاكبر من نزل ميدانهه
الحومة ضلت ترتجف فرسانهه
¶¶¶¶¶¶¶¶¶¶¶¶¶¶¶¶¶¶¶¶¶¶¶
رجف حته الكون من طب للنزال
تنطره امن ابعيد وتهابه الرجال
عرف بنفسه يجاوب للسؤال
الخوف عاليهه وخطف بالوانهه
¶¶¶¶¶¶¶¶¶¶¶¶¶¶¶¶¶¶¶¶¶¶¶
لا وحگ من ردت بجفه الشمس
صوت واحد مني اخلسهم خلس
راح اسن هاليوم قانون ودرس
وخل تبين اليوم كل شجعانهه
¶¶¶¶¶¶¶¶¶¶¶¶¶¶¶¶¶¶¶¶¶¶¶
حصد روس الگوم راعي المرجله
من سطوته الشمر خاف وحرمله
بالجثث والدم غطاهه كربله
الحومه غصت بالجثث تربانهه
¶¶¶¶¶¶¶¶¶¶¶¶¶¶¶¶¶¶¶¶¶¶¶
ورث هذا الزود من جده علي
جده ابو الحسنين مولانه الولي
نزله الباري بأشرف منزلي
غيرته غيرة علي عنوانهه
¶¶¶¶¶¶¶¶¶¶¶¶¶¶¶¶¶¶¶¶¶¶¶
تنشد العدوان يا فارس هجم
علي الاكبر هذا لو راعي العلم
ياهو يتعناه صاحو ما سلم
علي الاكبر هذا لو كفالهه
¶¶¶¶¶¶¶¶¶¶¶¶¶¶¶¶¶¶¶¶¶¶¶
كلمن يشوفه يصيح المغفره
ربي عذرن هذا يوم الاخره
يا الاه الكون خفف ما جره
والخزرها ضيعت امالهه
¶¶¶¶¶¶¶¶¶¶¶¶¶¶¶¶¶¶¶¶¶¶¶
وين گال لراد يوصل للخيم
خل يراويني المراجل والهمم
وداعتك بويه لسويهم غنم
ذراعي هذا وخل تمد ذرعانهه
¶¶¶¶¶¶¶¶¶¶¶¶¶¶¶¶¶¶¶¶¶¶¶
علي الأكبر شاد حيله بيا علي
علي ءانه يصيح والكلفات الي
والله وسفه حسين ابويه ينولي
گلهم انه البالحرب زلزالهه
¶¶¶¶¶¶¶¶¶¶¶¶¶¶¶¶¶¶¶¶¶¶¶
خادم الأمام الحسين عقيل حسين الطائي
اليله الثامنه
نزله للقاسم… .
ياويلهم گـــــوم الرجس ياويلهم
زلزال طب شبل الحسن ياويلهم
*
دگت اطبول العســــاكر ونفـخ بوق الحرب
طبهم العريس جاسـم ومتلو خوف ورعب
حاصر الجيش أبساله وسد عليهم كل درب
انهار گدامه ورگد كل حيلهم
*
كســر قمده وركض غاضب ونثنت گــــدامه
دخنت حرحارت ايـــده مــن لزم صمصــامه
الگاع ترجف حدره ضلت خوفن امن اجدامه
فرو اگباله وبقت بس خيلهم
الگوم تتــــرادم جعلهه وتيهت مشــــــرادهه
وحـــــده گام ايحوش بيهه ولجهــنم گادهه
ضلمه سوه الطف عليهه وگص رگب قوادهه
مايعرفون الصبح من ليلهم
*
الجيش صار ابعينه افعه من حمل گص راسهه
شتت اصفوف العســـاكر والشـــوارب داســـهه
جــــنه عزرائيل مــن طب خمـــدلهه انفاســهه
وبحسامه اعله الاجل يوميلهم
**
نار شب الغاضــريه والحطب عـــــدوانه
ابزوده تشهد كـــربلاء وثبتت عنــــــوانه
تشبه الكرار حيـــــدر وگفته ابميــــــدانه
عن بطولت جده ضل يحجيلهم
****
الخــادم
كامل السعيدي