1504
آدرس اینیستاگرام http://www.instagram.com/motavasselan1 رجز نوحه های تصویری صوتی اشعارحسینی شور ارتباط با آدمین تبادل ارسال مطلب @YaAliAkbarMadadi
راه شام
زبانحال حضرت رقیه (س)
.
.
آسال اردبیلی
.
.
باشه اکبرین قراسین سالمیشام بو چولده یارب
کاروان گیدوبدی یالقوز قالمیشام بو چولده یارب
.
.
دادیمه یتیش خدایا ای آدامسیزون پناهی
شاهزادییم داغیلدی شاهیمون ولی سپاهی
من یتیم بینوایم چاره قیل منه الهی
بو قدر بلایه اولماز من کیمون قیزون دوامی
یوخدی بیر نفر بو چولده گورسده صراط شامی
.
.
نچه گونده من آییردیم یار و دشمنی بوچولده
داده ای حق یگانه سسلورم سنی بو چولده
زجر اگر دالیمجا گلسه ئولدورر منی بو چولده
باشیمی آغارتدی یارب طفل وقتی غم فشاری
کاش بیلوب یولی گیدیدیم بیرده کربلایه ساری
.
.
ناقه اوسته زینب عمم نازیمی جانا آلاردی
بستریمیدی قوجاقی لایلایی منه چالاردی
هرگجه کی من یاتاردیم صبحه جک اویاق قالاردی
عممه دیینده هر سوز سوز باشیندا جان دیوبدی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ای کوفه لیلر ای قانیلن اللری رنگین
تاریخی بوتون ننگ و جنایاتیله ننگین
حقّوزدی که قان آغلیاسوز شام و سحرگاه
قان آغلاماقوزدان سیزی قورتارماسون الله
ساکت اولون آز آغلیون ای ملّت مکّار
بی جا بو عبث آغلاماقوزدا نه اثر وار
سیز مرتکب اولدوز او جنایاته نه اغیار
بیر ایله جنایت که جهان مثلینی گورمز
تا وار بو جهان پیر و جوان مثلینی گورمز
سیز مثل او گُلسیز که اولار مزبله یرده
برگینده کثافات اوتورار پرده به پرده
موجودیّتوز دست جنایات بشرده
سیز اسلحۀ جنگ سوز اشرارین اَلینده
شمشیر و سپرسوز هامی کفّارین اَلینده
اوز دینوزی دنیایه نه آز قیمته ساتدوز
آزادگی و عزّتوزی ذلّته ساتدوز
انسانیتی یک سره وحشیّته ساتدور
سیز ملّت آییلماز ائله غفلتده یاتوبسوز
شخصیّتوزی قولا روزا مفت ساتوبسوز
افسوس او پیغمبره که امّتی سیزسوز
وای اولسون او بیر مملکته ملّتی سیزسوز
ویران اولا بو شهری که جمعیّتی سیزسوز
سیز عاطفه سیز ملّته انسان دیماق اولماز
سیز ملّت بی دینه مسلمان دیماق اولماز
وار هانسی دیانتده ایا دین سیز امّت
مهمان آدینا امّت امامین ایده دعوت
مهمانین آلوب دورین ایده قتلینه سبقت
قتلینده ز بس چوخلی جسارت لر اولوندی
ئولدوردوله صبریله جنایتلر اولوندی
ای دعوی اسلام ایلین قوم منافق
بی رحم و شقی، سنگدل و فاجر و فاسق
نفرین ایده جاق سیزلری هر لازم و لاحق
دنیاده سیز ایتدوز او فجایعله جنایت
دنیا بویی جانی لر ایده لّر سیزه لعنت
هیچ بُلدوز اَیا دین سیز امّت نلر ائتدوز
اسلاموزون ارکانینی زیر و زبر ائتدوز
اسلامه اَلوزدن نه جفا گَلدی سیز ائتدوز
بو سهلیدی قویدوز اوزوز اوز خانه زی ویران
ویران اولونوب ظلموزوله خانۀ ایمان
اوز ظلموزی عالم لره بُلدورموسوز ای قوم
اسلام گلستانینی سولدورموسوز ای قوم
پیغمبروزون اوغلونی اَلدورموسوز ای قوم
یخدوز اوزونی ایستی قوم اوستونده لب عطشان
کَسدوز سو کنارینده سوسوز قوچ کیمی قربان
ای کاش فقط قوچ کیمی قربان کَسیلِیدی
ای کاش فقط باشی لب عطشان کَسیلِیدی
بیر ضربتیله فدیۀ جانان کَسیلِیدی
بیر خنجرینه اون ایکی ضربت وورولِیدی
نه پیکرینه سُمّ عداوت وورولِیدی
مرحوم ذهنی زاده
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ـــــــ یاقاسمـ ابن الحسن ـــــــــــــ
اون اوچ ياشدا بير پهلوان دلير
جوان رشيد و يل بي نظير
به عشق شهنشاه نعم الامير
جدلگاه عشقه رجزخوان گلير
او گلدیکجه یر گوئیا ترپنیر
باخور صاق صولا ، مغربه ، مشرقه
اونی جنت اهلی ايدور بدرقه
اسور كربلا دشتنون يللری
گيدور صاق صولا قاسمون تللری
ایدوب خلقی حیران ، مه انوری
وقاری سالوب حيرته لشكری
سالور ياده يول گيتمگي حيدری
آتور هر قدم لرزه ميدان ايدور
شجاعت وجودينده طغيان ايدور
ديوللر بو گور نه جسارتليدی
بو كيمدور كه بير بيله قدرتليدی
علی تک شجاع و شهامتلیدی
امام حسن تك صلابتليدی
اباالفضل تك چوخ شجاعتليدی
بو کیمدوركه فتاح خيبر كيمی
زره سيز گيدور جنگه حيدركيمی
ــــــــــ ابوالفضل فرهنگے ــــــــــــــــ
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال و شهادت حضرت رقیه(س)
..
..
..
..
موسی آقایی اردبیلی
..
..
..
..
بابا گتیردی منی جانه حسرت هاردیدون
بیانه گل منه ایله عنایت هاردیدون
..
یوزون گوزون بوغازون لبلرون باتوب قانه
مگر کیچن گیجه ای روح طاعت هاردیدون
..
گوز آچ که اورگنه غمزه گوزوندن آهولر
لب آچ یاغا دوداقوندان لطافت هاردیدون
..
اجازه ویر که توکوم گوز یاشین یووم قانی
تاپا دوباره جمالون طراوت هاردیدون
..
اگر چه توز بوریوبدی هلالی قاشلارووی
گینه کمانیله ایلور رقابت هاردیدون
..
گورنده آلنووی گون گیزلنردی خجلتدن
ایدوبدی بس نیه داشلار اصابت هاردیدون
..
ویراندا لبلرووه بوسه مست اولاردی نبی
آغاج ندن ایلیوبدی جسارت هاردیدون
..
بیزی اوقورخولی چولده قویوب هارا گیتدون
یاناندا خیمه قوپاندا قیامت هاردیدون
..
ایاق یالین هره بیر سمته سوزدی اولدوز تک
آچاندا ال بیزه اهل عداوت هاردیدون
..
چوخی توخاندی قاچان وقته آتلارین دوشونه
یخلدی جانی چیخان اولدی راحت هاردیدون
..
اولار که دین رسول خدایه قایلیدی
ووروردیلار نیه قرانه ضربت هاردیدون
.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج نادر جوادی
روضه حضرت رقیه(س)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کربلایی عدالت جباری
۹۸/۷/۱۷
احوالات حضرت زینب(س)درفراق حضرت رقیه(س)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
من زینب‌دییَنده...
هاردا زینبدن گلور آد اوردا قرآن آغلیور
اهل دیل زینب دییَنده عرش رحمان آغلیور
زینبین قلبینده دریادن درین بیر درد وار
حمکت اوُل دردین گزور دورینده لقمان آغلیور
جانماز اوستونده یازمیش زینب آدین مصطفی
ذکر ائدور بین الصّلاتین اول آدی قان آغلیور
زنده‌دور الاندا عکسی آسماندا مقتلین
جنگ ائدور شمریله زینب کفر و ایمان آغلیور
زینبین بارماقلاریندان تپراقا سوزموش قانا
نهر علقم ناله ایلور قانلی میدان آغلیور
زینبین طوفاندا گئتمیش ائلرینندن قصّه‌لر
نقل ائدیر باد سیه، سولموش گلستان آغلیور
ذات باری اشک و افغاندان بریدور یوخسا من
عرض ائدردیم ماتم زینبده سبحان آغلیور
بیلمورم شامین یولوندا وار نه اسرار و حکم
ایندیده اوردان کئچنده باد و طوفان آغلیور
(شاهی) من زینب دییَنده تک سن ائتمورسن نوا
آند اولا بو دورد حرفه دورد ارکان آغلیور
ایندیده زینب دیور ای اوچ یاشیندا هم قطار
توزلی زلفون یاد ائدنده سنبلستان آغلیور
زینبه قربان اولوم معنای غیرتدور آدی
مات ائدیب عارفلری سرفصل حیرتدور آدی
@motavasselan
تقدیم به عاشقان دلسوخته حضرت ابی عبدالله الحسین(ع)
حسینون آدی گلنده صفا تاپار اورگیم
هوای گلشن خیره النساتاپار اورگیم
حسینون آدی گلنده گوزوم دولار بوشالار
آخار سرشکیم عذاره جلا تاپار اورگیم
حسینون آدی گلنده سمایه روحیم اوچار
او آدیلن کی رموز خدا تاپار اورگیم
حسینون آدینه قربان دینده اطیب آدین
ملک ئوپر دوداقیمنان ضیا تاپار اورگیم
همای طبعیم اوچاندا سمای علقمیه
نوالی نی کیمی غملی نواتاپار اورگیم
باخاندا دیده قلبیم اوقانلی صحرایه
شکوه عشقیدن آیری نما تاپار اورگیم
کربلایی غفوررجبی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
چون اسیر ایتدی بنات مصطفانی اهل شام
باشلیوب یول شامه، امّا سرعتیله صبح و شام
جاده دن بیراهه دن گوندوز گجه یولّار اوزاق
آج سوسوز اطفال خسته، ناقه لر عریان تمام
شدّت جوع و ضمادن گل کیمی سولموشدولار
رنگلر تغییر تاپموشدی هوادن بالتّمام
گوئیا گل اوسته شبنم اوستون آلموشدی غبار
اشکبار اوزلرده اگلشمیشدی ازبسکه قتام
از قضا بیر گون ایله شدّـ تاپوب گون ایسّیسی
اود ویروردی یر دیسم مطلبده یوخ جای کلام
ناقه آت آتلی پیاده ساربان ناقه سوار
مَشیه قادر اولمادی هرقدر ایتدی اهتمام
عاقبت ویردی امیر قافله امر نزول
نصب ایدوب بیر نچّه قرخ آرشین چادر اشرار شام
سو تاپوب اطرافیدن گتدی قوشون سقّالری
آه یاصاحب زمان اولموب زمان انتقام
بویلانوب قیزلار باخاردی سو ویرن سقّالره
یول گلوب تشنِیدی ازبس آل شاه تشنه کام
بو مصیبت سختیدور، نه اوخ قلج کیفیّتی
حشر اولونجا سینه ده تاپماز بو یاره التیام
سو ویرردی آتلارا لشکر، باخاردی اهل بیت
دولدوروردی اشک حسرتله گوزون مانند جام
سپدیله آرتوخ سویی سُمّ سمنده اشقیا
بولدولر آل رسول اکرمه امّا حرام
من نجه عرض ایلیوم یافاطمه شرم ایلورم
سن بولورسن ایتدیلر اولادیوه نه احترام
دینجخوان لشکر چادردا استراحت ایلدی
گون قباقینده قالوب اطفال شام مستظام
بعضی ناچاراً آپاردی بوته ی خاره پناه
دالدالاندی بعضی پشت سنگیده یاندی رُخام
ایتسه سن شاهد اگر بو مطلبه عرض ایلرم
اونداکی یولّاندی لشکر، کاروان تاپدی نظام
کاروان گیتدی، او چولده قالدی بیر خوردا اوشاق
فکر ایله گور هاردا قالموشدی او طفل خوش کلام
یوخلاموشدی یا که ضعف ایتموشدی گویا بولمدی
لشکرین کوج ایتماقین اول دختر نیکو مرام
حاله گلدی ناگهان گوردی ایا صاحب زمان
نه اثر وار کارواندان نه او نصب اولموش خیام
سسلدی ایوای منه قالدیم بو چولده بی پناه
یاتدی بختیم تک گوزوم، آه ای خدای لایَنام
اضطرابیله قاچوب صاق و صولا چکدی فغان
اوز باجیسین سسلدی بو دللریله بی دوام
ناقه دن دوشدوم اماندی گیتمه من قالدیم باجی
ناقه نی ساخلا دایاندور، گیتمه من قالدیم باجی
قورخولوق بیراهه یول، تاریک شب، یالقوز اوشاق
گور نولی حالی عیاندور گیتمه من قالدیم باجی
قدرتیم یوخ قاچماقا واردور ایاقیمده قابار
خاصّه قلبیم ناتواندور گیتمه من قالدیم باجی
یا خبر ویر عمّمه گلسون اوزی، یا بیر زمان
کاروان اهلین دایاندور گیتمه من قالدیم باجی
حالیمی بولسه خانم عمّم یقین گیتمز دورار
چون منه چوخ مهرباندور گیتمه من قالدیم باجی
تنگه گلمیشدون باجی جان سنده نالمدن مگر؟
یوخسا بو رسم جهاندور؟ گیتمه من قالدیم باجی
یانماسان سن حالیمه بس کیم یانار احوالیمه
کیم دیر اشکی رواندور گیتمه من قالدیم باجی
گورموسن آیا جدا اوسته آتام باشی دوروب
مندن آخِر ناگراندور گیتمه من قالدیم باجی
شانیه بیر روضه خوان دم ویردی من ایتدیم مدد
سوز اودور چوخ خوش بیاندور گیتمه من قالدیم باجی
دلده کی ثابت علاقه ناله نی جذب ایلدی
دل جوابه اولدی گویا ایتدی آغاز کلام
ساربان ساخلا قطاری گیتمرم قالدی باجیم
قلبیمون وار انتظاری گیتمرم قالدی باجیم
هم ردیفیمدور منه کوچ ایلینده کاروان
تاپشیروب عمّم او زاری گیتمرم قالدی باجیم
آغلیوب سسلور اماندور گیتمه من قالدیم باجی
وار غریبه آه و زاری گیتمرم قالدی باجیم
یا قویون گیتسون خانم عمّم اوزی تاپسون اونی
یا سالون لنگه قطاری گیتمرم قالدی باجیم
قورخورام قالسون بو چولده قورخودان اولسون هلاک
کوهسار اولسون مزاری گیتمرم قالدی باجیم
تازیانه قورخوسوندان سس اوجالدانمور داخی
قالمیوب صبر و قراری گیتمرم قالدی باجیم
گلمسه سالّام اوزیمی ناقه دن منده یره
آخِر اولّام همجواری گیتمرم قالدی باجیم
سوز بو تیزلیقدا گله نظمه عجبدور شانیا
او دیدی ساخلا قطاری گیتمرم قالدی باجیم
بو ایکی شیرین زبانون ناله سی ایتدی اثر
نیزه باشیندا دایاندی راس شاه مستظام
ویردیلر بو ماجرانی عابد زاره خبر
هر نهان بیر سرّه چون عالِمدور عالَمده امام
سویلدی خوردا اوشاقلاردان بیری یرده قالوب
گوزلر ایستکلی بالاسین، گلمسه گیتمز بابام
یوز دوتوب زجر ابن قیس بی حیایه شمر شوم
غیظیله ایتدی خطاب اول مرتد بی ننگ و نام
تاپماسان گر بو یتیمی بول بودور مطلب گرک
حشر اولونجا کاروان ایتسون بو صحراده مقام
راوی مطلب دیر یاندیم او طفلین حالینه
تاپسا بولدوم اُلدورر سردسته ی قوم لِئام
منده گیتدیم زجریله باهم، نه گوردوم اول یتیم
تا بیزی گوردی دوروب قاچدی چو کبک خوش خرام
سسلدیم قاچما بالا بیز سندن اوتری گلمیشوخ
وورسا مامورون سنی اینجیتسه قوخما قویمارام
تا گوروب بو رافتی مندن قِییتدی قاچمادی
اولدی اول کعبه غزالی لاجرم صیّاده رام
سویلدیم گل کاروان گیتدی سوار اول ترکیمه
تیز یتیش مقصود قلبه ایت گیلن تحصیل کام
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کربلاده دولانیردوق اودا بیر گونلریدی
سیدمحمد عاملی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یا قمر بنی هاشم(ع)
چوخ سوزی یا فاطمه گزلتدیم عریان یازمادیم
سجدگاهین نه حالا سالمشدی پیکان یازمادیم
اوخ یریندن گوزلره اخدی نجه قان یازمادیم
باش نه حالدیدی نه حالدا دوشدی اتدان یازمادیم
گور عمود اول باشی سندیردی ویا سندیرمادی
هیچ باشین دردی اوباش تک زینبی یاندرمادی
بیر حالا قالدی اونی هیچ کس جدایه ورمادی
وردیلار شاید جدا اوسته سینان باش دورمادی
سوز اغیردی ارزیاب ایلر حسین عاشقلری
https://telegram.me/joinchat/BQ1CKT3x959rXnaj_Kjibw
شام هجرانیم خدا نصف اولدی ماهیم گلمدی
رزمگهدن اکبر آهو نگاریم گلمدی
بوینینا گرچه کفن سالدیم رضایتله اوزوم
اوغلومی میدانه گوندردوم قالوب یولدا گوزوم
یا یتور بیرده بالامی صاغ گوروم یا ویر دوزوم
دادیمه سن یت الهی دادخواهیم گلمدی
مایلم بیرده جمال عالم آراسین گورم
دوشمه مش تپراقه سروقد بالاسین گورم
قان خسوفه سالمامیش بیر ماه سیماسین گورم
قامتیم غمدن هلاله دوندی ماهیم گلمدی
راضیم هرچند کوی عشقده اولسون شهید
ایسترم گلسون اُلنجه بیرده ایلوم بازدید
هیچ کیمون یارب امیدین ایلمه سن ناامید
قالدی میداندا گوزوم امیدگاهیم گلمدی
قانلی میدانه او وقتدن کیم بالام اکبرگیدوب
اولموری آرام قلبیم طاقتیم یکسر گیدوب
قالمیوب روحیم بدنده اکبره هَمرَه گیدوب
گلسه روحیمده گلور عادل گواهیم گلمدی
دولدوروب دشت عراقی شوریله غوغا سسی
اوج ایدوب افلاکه لشگر نعره سی آت شیحه سی
سن اوزون تشویشدن قورتار خدا بو بیکسی
بی پناهم بی کسم پشت پناهیم گلمدی
بیله بیر غوغادن آیا ایلمز اندیشه دل
قانه دونمز گوزدن آخماز صبری ایلر پیشه دل
سسلنور تیز ألدورون لشگر دوشور تشویشه دل
ملک دلده خیل صبره سر سپاهیم گلمدی
بو سببدندور که سوز آهیم افلاکه چخار
هرکیمون اُلسه جوان اوغلی اولور دنیاده خوار
چون آنالار اوز جوان اوغلیله ایلر افتخار
افتخاریم اعتباریم عزّ و جاهیم گلمدی
هجر اودیله اودلانوب دل آهیم آتشبار اولوب
شعله آهلمه خرگه مطلع انوار اولوب
گوزلریم میدانه باخماقدان خدایا تار اولوب
بخت و روزیم تک گوزی زلفی سیاهیم گلمدی
بیر بالام الدن گیدوب مین دل اونون پا بسته سی
بیر امامتدن صورا هر منصبون شایسته سی
اولما دوشدی چنگ گلیچنه او بیر گلدسته سی
باغ عمریمده گویرمیش گل گیاهیم گلمدی
اوندا که عزم ایلدی اوغلوم اُلوم میداننه
شوقیله اوز جاننی ایتسون فدا جاناننه
حسرتیله بیر قدر باخدیم ره رخشاننه
دوتمادی دل سهلدور دلدنده آهیم گلمدی
گلسه دعوادن بالام یعنی امان ویرسه سپاه
اشکیله سیللم اگر دوتسا جمالین گرد راه
بولمورم نه وار باشیندا حال دل اولدی تباه
صبریمون غارتگری طاقا تباهیم گلمدی
انتظارنده نه تک آغلار آناسی خیمه ده
گوز تیکوب میدانه جمله اقرباسی خیمه ده
دشمنی چوخدور قالوب یالقوز آتاسی خیمه ده
شاهزاده انتظاری قالدی شاهیم گلمدی
گتدی یثربدن بورا شوق علی اکبر منی
محمله میندیردی هر یرده او مه پیکر منی
گر اسیر ایلوب آپارسا شامه بو لشگر منی
بس منه کیم رهنما دور شاهراهیم گلمدی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
باشوندا وار يارا قارداش
قولون دوشوب هارا قارداش
سيد محمد عاملى
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یا عباس (ع)
ای مشکی پاره پاره میداندا میر لشگر
بو شیعیان اباالفضل آدون هرایه سسلر
سن بیل رقیه جانی یا شیر خواره اصغر
ایله بیزه نگاهی دنیاده یا اباالفضل
آهن عمودین آلتدا ای دوز دوران دلاور
سردار کربلا سن ای شیعیانه لنگر
غیرتلن ایلدون سن کرب و بلاده محشر
سسلور سنی مریضلر فریاده یا اباالفضل
ای دل یول آچ نوالی میدان کربلایه
عباس سویله مولا اولسون قسم خدایه
الدن الیم ئوزولموش عباس گل هرایه
بلکه سنیله گلدی زهراده یا اباالفضل
هییت متوسلین حضرت علی اکبر(ع)تبریز
/channel/motavasselan
واردی باشیمدا یاحسین هوای بین الحرمین
سالیر بهشتی یادیمه صفـای بین الحرمین
گؤرمه میشم بهشتـی من منزلتین ائشیتمیشم
یوخدی بهشته حاجتیم کــرب و بلایه گئتمیشم
من کی بهشت آقاسینا عرض ارادت ائتمیشم
کَمدی مگــر بهشتدن بهای بین الحرمین
تلله چئخاندا آغـلادیــم ناله منه رَویه دی
رهبــــرِ کــاروان دِئدی بو تَلِ زینبیه دی
ناله سسی گلیـر اُودا زمزمه رقیـــه دی
آختاریــر آشیانه سین همای بین الحـــرمین
دقتین اولسا گورسنیر خیمه لرین یانان یئری
اکبــر شاهزاده نین پیکری دوغرانان یئری
شارع صاحب الزمان اصغرین اوخلانان یئری
صحنهٔ خاطراتیدی منــــای بین الحــــرمین
آندولا قــانی تُربتـــه آندولا قــانی پرچمــه
دوشسَه یولوم گَرَه دییم شَکوَمی نهرِ علقمه
آخدی سُو چولــره ولی یانـدی عزیز فاطمه
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
روضه حضرت علی اکبر(ع)
دیوله نچه قدم گل جنازیه قالانی
یخلدی تپراقا تاپدی اومهربان بالانی
اوغول
دشمن ایچینده چوخ اوجادان آغلیانمرام
من آغلیاندا کوفه نین اهلی گولر اوغول
الله بولور کی دردین ایاقدان سالوب منی
آخر منی بو غصه لرین ئولدورر اوغول
(اله باخدی باخدی اوغول جنازه سینه)
جنازون اوسته آتان هی ورور الین الینه
عمامه سین گوتوروب ختم مرسلین الینه
سنون الین ننون ویرمدی گلین الینه
دیدی اوغول
خیامه سن گدیسن یا دیوم ننون گلسین
(اله اوندا گوردی او قانلی دوداقلار دیدی بیر بیرینه بابا منی یتیر ننمه
قارداشین چتین زمانی اولاندا گوزی قارداش آختارار اما امام یوزون دولاندردی خیمه لر سمتینه عباس گل یامان گونومدی آی قارداش عبانی سردیلر یره علینین جنازه سین قویدولار عبانین آراسیناگتیریلر خیمه لره ساری ابوالفضل آقا عبانی کنار اله دی اوغول حالین نجه دی بالا دیدی عمو منی یتیر خیمه لره خیمه لره نچه قدم قالاندا دوباره عبانی کنار اله دی دیدی عمو منی یتیر ننمه دای جان ویریرم
الله ایولریزدن اوزاق السین گوررسن جنازه قاپیا گلنده عمه لر قاچار جنازه قباقینه ننه قاچار باجی قاچار جنازه قباقینه الیکی علی اکبرین جنازه سی گلدی خیمه لر قباقینه )
نه گوردی دشمن اودم خیمه لرده طوفاندی
چادر لارین قاپسی وحشتیله قوزاندی
(بالالار عورتلر هامی قاچدلار علی اکبر جنازه سینون قباقینه اولده زینب گلدی )
بیری دیدی باجون ئولسون علی نه گلدی سنه
بیری دیدی بی بی قربان علی نه گلدی سنه
(زینب دیدی علی اکبر منی چوخ ایستر منی دانشدرار نقدری سسلدی نقدری دانشدردی گوردی جواب اولمادی گوردولر او خانملارین ایچینن رقیه دیور یول ویرون یول ویرون قارداشیم علی اکبر منی چوخ ایستر گلدی علی اکبرین جنازه سینون کنارینه )
علی
قزل گلون باشنا بلبل حزین دولانار
باجی دا قارداشنون سایه سینده دالدالانار
(گوردولر رقییه ده جواب ویرمدی هامی مبحوت قالدی نیه جواب ویرمدی؟)
چونکه بیگانه دینمز ننه نین اوخشاماسین
آلدلار شهدن اجازه گتیریبلر آناسین
چون عبادیدی فقط باشدا گوروب بیر یاراسین
دیدی ایندی دارامشدم بو نه کاکلدی علی
(بو رسمیدی ایکی یول آنا آتا اوغولون بویون اوخشار )
ایکی دفعه آنا ئوز اوغلونی اوخشار اوجادان
بیری داماد اولان وقتیده هر تازه جوان
باجسی عمه لری ترتیبه سالالار طویونی
اله کی یاخدی حناسین ننه اوخشار بویونی
(الیکی الین ویردی گلین الینه چکر بیر اتاقا دیر اوغول اوجا بویوا ننون قربان آی بالا)
بیرده ئولسه ننه نون تازه جوان اوغلی اگر
خیش و اقوامی گلر شمعی لری قاره بزر
اله کی غسل تمام اولدی کفن ایلدیلر
باغلیاندا کفنی حاضر ائدلر ننه نی
(لیلانی گتیردیلر دیدیلر آخرین گوروشوندی بالانان وداع اله
اگر بیرینون جوان اوغلی ئولسه گوررسن جنازه نی غسل ائدلر اوچ یردن باغلالار ایاق بندین باغلالار وسطی باغلالار باش بندین باغلیاندا دیلر چاغرون بونون دده سی ننه سی گلسین لیلانی گتیردیلر علی اکبر جنازه سینه باخدی باخدی)
دیدی اوغول
یاخاوا گل ساچارام بالا
ایویمه تازه گلین گلسه بالا
قباقه قاچارام بالا
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
شجاعت حضرت عباس
ای قلم باب الحوایجدن دانش
شرح وئر عالی نتایجدن دانش
ذکر ایله فخریله فخرالناسیدن
یاز علی اوغلی. رشید عباسیدن
بو آقا. مولایه. نور عینیدی
یکه تاز عرصهٔ پیکاریدی
نو جوانیدی. او گون. بو گلعذار
درک ایدوب اون اوچ ویا اون دورد بهار
صورت و سیرتده ممدوح ملک
گورمیوبدی مثلینی. گورمز فلک
خلقی مست ایلر کشیده قاشلاری
یول گئدنده فخر ایدر قارداشلاری
بیر گونی صفینیده دلتنگ اولوب
غیرتیندن خیمه ده گل تک سولوب
رزمگاهه ایستدی اولسون روان
ضرب شستین دشمنه وئرسین نشان
تا جمالین. گورمسون اهل عذاب
ماه یثرب. صورته سالدی نقاب
خیمدن چیخدی سپه سالار عشق
مرکب اوسته اگلشوب سر دار عشق**
ایتدی جولان مرکبی مهمیزیله
رزمه گلدی تیغ آتشباریله
تا ئوزون ویردی صفوف لشکره
میمنه سیندی داغلدی میسره
یوز فراره قویدولار صمصامیدن
الحذر قوزاندی اهل شامیدن
پوزدی نظم و انتظام دشمنی
با خبر اولدی معاویه دنی
لشکرینده واریدی بیر پهلوان
مین سواریله مقابل جان ستان
نامداریدی یل. هیجاییدی
آدی دیللرده ابو الشعثاییدی
پور سفیان قومه اخطار ایلدی
اول خبیثی فورأ احضار ایلدی
سسلدی ای مین نفر همپایه سی
لشکریمون جنگیده. سر مایه سی
بو سواره صبریمی یغما ایدور
بیلمورم کیمدی بو گون دعوا ایدور
سن قباقین آلماسان بو گون اگر
ظهر اولونجا خیمه می تاراج ایدر
اول دنی سویلوب بونه گفتاریدور
گر قبول ایتسم منه چوخ عاریدور
لشکرین باخ افسر و سر هنگینه
ننگیدور گئتسم اونون من جنگینه
باخما. اما وار قشوندا. همهمه
ناگراان اولما امیرا غم یمه
دولتونده پر ثمردور گلشنیم
رزم دیده یددی اوغلوم وار منیم
اهل شامون قلبین آرام ایلرم
من بیرین میدانه اعزام ایلرم
اول جوانین قان ایدر گوزیاشینی
صبر ایله الان گتورسون باشینی
الغرض بیر فکر باطل بسلدی
خیمه سیندن فوری اوغلون سسلدی
اول زنا کار اوغلی چون پیل دمان
یرمی بش سینینده نامی پهلوان
مرکب اوسته زور مند و کینه جو
حضرت عباسه اولدی رو به رو
سویلدی ابن ابو شعثا منم
مرد میدانم. یل هیجا. منم
سسلدی عباس اودم باغلا دیلون
مرد میدانسان دانشما. آچ الون
بحر موسانی تانیر غرق ایلمز
هر کیم اولسان اول منه فرق ایلمز
بو سوزیله باشلادی جنگ و جدل
آزمودیدی او نامرد. دغل
آتدی نیزه غفلتا تزویر ایده
ایستدی عباسی. غافلگیر ایده
سعیینی عباس. بیحد ایلدی
اگدی باشین. نیزه نی رد ایلدی
بیر هنر گورستدی پور مرتضی
رزم گهده محشر اولدی برملا
ایتدی حمله او ل خبیثه جان بکف
نیزه الده سینه سین ایتدی. هدف
وردی بیر طرزیله. خصم ناکسی
پشت سردن. چخدی. نوک نیزه سی
باخدی. اول دشمن. بد خوسینه
یغدی. نیروسین قوی. بازو سینه
بیر تکان ویردی شجاعت معدنی
زینیدن. گوتدی. هوایه دشمنی
گوردیلر سمت سمایه قوزادی
نیزه باشینده. هوایه قوزادی
نیزه عباسین الینده. غرق شور
نیزه باشینده او ملعون لاشعور
قویمادی راحت هواده جان ویره
باشی اوسته گزدیریب وسردی یره
قوپدی یردن مرکبی بی واهمه
جان ابوالفضلیم چاغوردی. فاطمه
یازدیلار عالمده دوشدی دیللره
ماشا الله. مرحبا بو اللره
بیر بیله رعنا جوان مه جبین
مرحبا ام البنینه. آفرین
دومی گلدی اولوب مرگه نشان
دوزخه اولدی شتابیله روان
سومی گلدی اودم چارم گلور
قورخودان میدانه سر در گم گلور
پنجمی و. ششمی. و هفتمین
تک به تک میدانه گلدی اولوب دوزخ نشین
کیم گلوب میداننه اولدی تلف
دوزخه یوز قویدی یددی ناخلف
بیله اوغلان بسلینمز هر آنا
یددی سینده دوزدی یرده یان یانا
خیره لندی یکسر اعدانون گوزی
گلدی میدانه ابوالشعثا ئوزی
گور اونا دلبند. حیدر نیلدی
مرکب اوسته پیکرین نصف ایلدی
فکر قیلدی. استراحت. ایلیه
سرعتیله دور. ویردی. خیمیه
محضر مولایه گلدی. شاد کام
اگدی باشین حضرته ویردی سلام
بیر به بیر جریانی تعریف ایلدی
صحنه میدانی. تعریف ایلدی
مه جبینیندن کی رد اولدی نقاب
کشف اولوندی کیمدی بو والا جناب
بو همان عباسیدی اهل عزا
روز عاشورا ایدوب. جانین فدا
قلب زهرا بی سبب داغلانمادی
کربلاده یاره سی. باغلانمادی
آلدی سو رسم وفادن گئچمدی
گوردی عطشاندور حسین سو ایجمدی
نهریدن چیخدی باخوب بیر علقمه
سرعتیله یوز قویوبدور. مخیمه
نا گرانیدی سوسوز طفلانیدن
خیمیه یول سالدی. نخلستانیدن
گئتدی قولار قلب زارین سخدیلار
شیری قولسوز تپراق لوسته یخدیلار
سسلدی قارداش اماندور داده. گل
یخدیلار. عباسیوی امداده گل
سیدی عطرون اوزاقدان آلمیشام
ال یتور میداندا السیز قالمیشام
حاج داود صادقی تبریزی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت ابوالفضل ع خطاب
به حضرت فاطمه الزهرا (س)
عرض ائدوب سقا اورکده نسگیلیم چوخدور ننه
آغلادان عباسی نه شمشیر نه اوخدور ننه
سیلی ردین یوزده گیزلت طاقتیم یوخدور ننه
سن منه اوغلوم دیدون توکدون عذاره گوزیاشی
ایندی بیلدیم اولموشام مظلوم حسینون قارداشی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حضرت رقیّه (س)
شامیده فلک سالاندا باشیمی بلایه عمّه
بو خرابه یرده گلّم نی کیمی نوایه عمّه
من بابامدان آیریلاندا گوزیاشیم دونوبدی قانه
ظلمیله منی آییردی شمر الینده تازیانه
ایندیده یوزومده عمّه وار او ظلمیدن نشانه
هانسی قیز دوزر منیم تک بیر بئله جفایه عمّه
کربلاده ظلم الیله عیش گلشنیم پوزولدی
دمبدم بو خسته گویلوم غصّه و ملاله دولدی
افّ اولا بو روزگاره مسکنیم خرابه اولدی
آغلارام ئولونجه نالم اوج ائدر سمایه عمّه
آج سوسوز خرابه یرده آتش غمیله یانّام
بولسم اکبریم که ساقدی هر مصیبته دایانّام
گلسه قارداشیم سفردن باشینه دوروب دولانّام
اوزگه بیر علاقه منده وار او مه لقایه عمّه
قارداشیمندان آیریلاندا یوز وئروب بلا و محنت
بولمرم نه وار باشیندا گلمدی او ماه طلعت
دمبدم بو شامون اهلی ایلوری منه شماتت
وار یری گلنده اکبر ایلسم گلایه عمّه
من او بلبلم چمندن دوشموشم بیله کناره
توش ائدوب منی زمانه ظلم الیله جور خاره
یوخدی قارداشیم یانیمدا کیم قویار منی مزاره
کیم منه وئرر تسلّی کیم گلر عزایه عمّه
من همان بالا دگولدوم قیدیمه هامی قالاردی
نازیله منی قوجاقه عمّه جان عموم قالاردی
قارداشیم قیزی دئیردی بوینوما قولون سالاردی
خوش دلیله دیندیرردی اوندا باخ وفایه عمّه
یادیمه دوشر او گونلر شاد اولوب نه نوع گولّم
گورمرم ائله بیر عزّت بو خرابه یرده بولّم
قارداشیم عموم گلینجه قالمارام من عمّه ئولّم
چاره سیز گرک دوزم من ظلم اشقیایه عمّه
هانسی بیر قیزون الیندن من کیمی گئدوب جلالی
غصّه جسمینی اریتدی اولدی قلبدن یارالی
سنده یاز مزاریم اوسته ئولدی اکبرین مارالی
عالم اهلینه بولوندور دوزدوم هر قضایه عمّه
بیرده یاز بو قیز ئولنده دائماً یولا باخاردی
ماسوانی بو یتیمون آهی یاندیریب یاخاردی
دلدن اصغر آدی گوزدن اشک حسرتی آخاردی
شرح اولونسا انتظاری یتمز انتهایه عمّه
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یاحسین بدرقه ائتدیم هامی یولداشلاریمی
یولاسالدیم گله پابوسوه قارداشلاریمی
قسمت اولمادی گلوب عرض ارادت ائلییم
یوللادیم تحفه گوزل قبرووه گوزیاشلاریمی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یا حسین ایله کرم قبریمون اول گجه سی
انتظاررون چکرم قبریمون اول گجه سی
من که بیـرعمـریدی مجلـسلری گریان گزورم
غملرون یاد ائدوب احـوالی پریشان گزورم
اورگیم غصه و غمـلردن اولو ر قان گزورم
معصیت چوخدی ؛ عمل یوخدی هراسان گزورم
بوسببدن اسرم قبریمون اول گجه سی
انتظارون چکرم قبریمون اول گجه سی
لطف خلاقیله پیس وعده لره اویمامشام
جامه عشقوی تندن آقاجان سویمامشام
هیئتوندن صورا هر بزمه قدم قویمامشام
آغلاماقدان هله عباس جانی دویمامشام
گلمه سون نیلییرم قبریمون اول گجه سی
انتظارون چکرم قبریمون اول گجه سی
منکه بیرعمریدی هریرده حسین وای دئمیشم
سنه گون قارداشون عباسه آقا آی دئمیشم
گلمز عالمده منیم رهبریمه تای دئمیشم
اصغرین یاده سالوب چوخ گجه لای لای دئمشم
سنده بیر ایله کرم قبریمون اول گجه سی
انتظارون چکرم قبریمون اول گجه سی
تز چخار یاددان ئوللنلر بیری یاده سالماز
دفن ائدنلرده گیدللر بیری حتی قالماز
قبرین اطرافین عملدن صورا بیرزاد آلماز
قاپوسی اولسادا قبرین گنه بیر کس چالماز
قدموندن اوپرم قبریمون اول گجه سی
انتظارون چکرم قبریمون اول گجه سی
یوخ منیم بیر کسیم اوردا که منی یاد ایلسین
خانه قبریمی یوخ مونسیم آباد ایلسین
روح ناشادیمی هانسی عملیم شاد ایلسین
حری گوندر منی غم ، غصه دن آزاد ایلسین
نیلیوم دربدرم قبریمون اول گجه سی
انتظارون چکرم قبریمون اول گجه سی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
السلام علیک یا ابا عبدالله
کوچ ایتدی او گونکه اسرا کرب وبلادن
میدان بلا خالی اولوب اهل جفادن
اوچ گون شهدا نعشی قالوبدور قوری یرده
سالمشدی حسینون یاراسی عالمی درده
گوداله طرف یوز قویوب اول پرتو آفاق
بیر جفت کسوک ال ایلدی طاقتنی طاق
گوردی کسیلوبدور گنه بیر خرداجا بارماق
ملحق ایلدی نعشه سووردی باشا تپراق
بیردن دیدی بابا بله دردو محن اولماز
هئچ جنگیده والله بیله صدپاره تن اولماز
یاندیم یارالی سن کیمی الده ئولن اولماز
بیر مرقد شش گوشه درست ایتدی او مولی
قبر ایچره ولی ئوز آتاسین قویمادی تنها
دفن ایتدی ایاق سمته علی اکبری گویا
قویدی صودامر اصغری شه سینه سی اوسته
گل برگی یاتوب معرفت آئینه سی اوسته
چون فارغ اولوب گزدی اومیدان بلانی
فکر ایلدی اولسون شهدا قبرینه بانی
بیر قبره قویوب اکثرنعش شهدانی
یوز دوتدی بنی اسده سید بیمار
آلدی خبرآیا گنه بوچولده قالان وار
عرض ایتدیله شاها هله چوخ دردومحن وار
شاماته گیدن باشلاریجا پاره بدن وار
دریای فرات اوسته ده بیرالده ئولن وار
بیرسرویدی خوللاری بدندن کسیلو بدور
دعواده اوزون قوللاری تندن کسیلوبدور
مرحوم استاد منزوی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
راه شام
زبانحال حضرت رباب سلام الله علیها
او اوخ آتان کی سنی قانیله خضاب ایلیوب
اوخون آتاندا منیم قلبیمی کباب ایلیوب
دگنده اوخ ، ئورگیم بولدی خیمه ده، گوردوم
قزشدی قلبیمی اود دوتدی التهاب ایلیوب
او اوخ یخوب ایویمی روزگاریمی چووروب
سنی اگر چه فرات اوسته کامیاب ایلیوب
او گون گون اورتا چاقندان ایتیرمیشم ئوزومی
کرخدروبدی منی فکریمی خراب ایلیوب
نجه اوخیمیش او اوخ بولمورم دیوله ولی
همان اوخون تایی سقانی دلکباب ایلیوب
سحراولونجا او گون آغلادوم ددیم بالا وای
نه خاطره سنه ده اوچ پر انتخاب ایلیوب
یتیشمیشم بویره فکریمی اولوب آزاد
مقام عشقده چون قهرمان حساب ایلیوب
گه آغلورام سنه گاهی باخوب فرحلنیرم
یوزونده نور خدا گور نه بازتاب ایلیوب
او قان دولان گوزیوه گوزلریم اولا قربان
دوباره قانلی باشون نی ده انقلاب ایلیوب
صبا آلور گوزل عطرون مشامیمه یترور
خمار و نشعه منی عطر و بوی ناب ایلیوب
مشامیمه یتیشن عطریوه اوزوم قربان
او اوچ پر اوخ گولومی ایله بیر گلاب ایلیوب
اوجاتموسان باشیمی عرشه سن ایوین آباد
منی شهید آناسی هر گورن خطاب ایلیوب
ولی ئورکده منیم نچه نیسگیلیم واردور
خدا بولور کی نجه روحیمه عذاب ایلیوب
بیری بودور کی سو اوستونده باغلادوم الیوی
آنان خیال ایلیردی اوغول ثواب ایلیوب
ولی دیوله او اوخ سانجلاندا هنجریوه
الی کی قونداقا باغلیدی پیچ و تاب ایلیوب
اودم سوتوم یوخودی ناعلاج قالمیشدوم
دیمه آنام الیمی بسته طناب ایلیوب
گلوبدی سینمه سوت ایندی منتین چکیرم
سالوبدی جانیمه اود قلبیمی کباب ایلیوب
وریدیلر او باشی سینم اوسته ساخلاردوم
هزار حیف اولا کی ایستدیم جواب ایلیوب
نیون یوخوندی سنون (ساده) دار فانی ده
بو بس کی اصغر آدی دیده وی پرآب ایلیوب
https://telegram.me/joinchat/BQ1CKT3x959rXnaj_Kjibw
دیر راهب
استاد حاج سلیم موذن زاده
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
راه شام
.
ساخلا ناقه‌می کاروانیدن
واردی بیر قالان گیتمه ساربان
گرتاپولماسا سویگلی بالام
گیتمرم دایان گیتمه ساربان
.
.
.
آخر وداعنده قارداشیم
تاپشوروب منه بیربیر عترتین
ایتمرم فراموش اؤلونجه من
قارداشیم حسینون وصیّتین
شه اوزی بولوردی یقین همین
شاهزاده‌نین بیله ساعتین
ناقه‌دن ییخار ساربان قالور
چولده باغْریقان گیتمه ساربان
.
.
.
چُوخدی گرچه اوز اهل‌بیتنه
اُول شه رَؤفون محبّتی
وارخصوص بو نازنینله
شاه بی‌کسون اوزگه اُلفتی
نیزه‌ده یارالی باشی دوروب
گیتموری او اُلفتدی علّتی
گیتمز اوز بالاسی تاپولماسا
حَشره‌دین اینان گیتمه ساربان
.
.
.
گورموسن نجه سوز آهله
کلِّ عالمی یاندیرور یاخور
نیزه‌ده آچورقان دولان گوزون
متّصل گَلن یولّارا باخور
توز کُوله بَلَشمیش جمالینه
اشگ دیده‌سی دمبدم آخور
من دؤزنمرم ایتسه قارداشیم
گوز یاشین روان گیتمه ساربان
.
.
نیزه اوسته حسرتله صاق صولا
قانلو گوزلرین هی دولاندیرور
اوز بالاسینون چولده قالماقین
سیزه‌لره او رَمزیله آندیرور
گر دایانماساز سیز اوباش دورار
اهل کاروانی دایاندیرور
سانما بیر کسیک باشدی نیزه‌ده
بولمه ناتوان گیتمه ساربان
.
.
.
کیم بولور اونون اقتدارینی
هر باخان گورور بیر یارالی باش
چوخ چالیشمیون بیجهت قویون
من ایدیم سیزه ماجرانی فاش
ویرمیون عَبث نیزیه تکان
ایتمیون عبث کوشش و تلاش
نه گیدر او باش نه قویار اولا
کاروان روان گیتمه ساربان
بولمورم ییخوب ایمدی ساربان
.
.
.
یا یئره دوشوب ناقه‌دن گیجه
گرگیجه دوشوب بوگیچن گیجه
صبحه‌دین بالام صبح ایدوب نجه
تیز گیدون اونی آختارون تاپون
سرعت ایلیون قویمیون گیجه
چوخ یوبانسا قورخوم بودور ویره
چوللّر ایچره جان گیتمه ساربان
.
.
.
گر آلام اَله قانلو زلفومی
کلّ عالمی زایل ایلرم
اشگیله بو صحرانی ایسلادوب
کاروانی پا بَر گِل ایلرم
کاروانی لنگ ایلیوب سیزه
گیتماق امرینی مشکل ایلرم
بیر قدم قدمدن گوتورمسون
ناقه ساربان گیتمه ساربان
.
.
.
گرچه بو بالا قید عشقله
تار زلف اکبرده بسته‌دور
لیک قالمیوب مَشیَه طاقتی
یول گلوبدی یورقوندی خسته‌دور
ناله‌سی گلور هی قولاقیمه
صبریمی آلور دلشکسته‌‌دور
گه بابا بابا سسلنور گهی
عمّه عمّه جان گیتمه ساربان
.
.
.
بو یتیمه قیزلار آرا بونون
ناله‌سینده وار اوزگه اختصاص
نالیه گلنده سبب اودور
حالینه یانار جمله عام و خاصّ
رنج و زحمت تازیانه‌دن
ایستیوب اونی ایلسون خلاص
ناقه‌دن ییخوب ساربان یئره
وار بیله گمان گیتمه ساربان
.
.
.
داغلانوب دل داغداریمیز
اودلانان زمان خیمگاهیمیز
یوخدی گیتماقا اختیاریمز
گیتمسه اگر شاهِ راهمیز
قالمیوب داخی غمگسارمیز
نیزه‌ده او باشدور پناهیمیز
تا دوروب او باش بیزده بوچولی
ایلروخ مکان گیتمه ساربان
.
.
.
من فدا او باشون وفاسینه
گور وفا یولون گوزلر آشکار
بیر سپاهی لنگ ایلیوب دوروب
اؤز بالاسینی گوزلر آشکار
بنزمور عبث نوک نیزه‌ده
منتظر گوزه گوزلر آشکار
گورمیوب بیله مهربان آتا
دیدۀ جهان گیتمه ساربان
.
مرحوم استاد شانی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یاعلی‌اصغـــــ‌ع‌ـــــــر
_______________________
دوزگتدی فلک حرمله‌نین تیروکمانین
آخرنه اوخین اگدی نه سیندیردی کمانین
سال یادووه ششماهه بالانون اوزمانین
بیچدی بوغازین زهریلی اوخ قلبی آلیشدی
بیرذبح اولونان قوش کیمی جان اوسته چالیشدی
💠💠💠
روحی پرآچوب قالدی قفس خالی وخاموش
جنّتده اولوب محسن مظلومه هم آغوش
پیکانی اموب ایلدی پستانی فراموش
مظلوم آتاسی چکدی اوخی دینمدی اصلا
گویلرده گوزون یومدی ملکلر دیدی احسن
https://telegram.me/joinchat/BQ1CKT3x959rXnaj_Kjibw
کربلایی عدالت جباری
۹۸/۷/۱۷
احوالات حضرت زینب در فراق حضرت رقیه
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کوفه
زبانحال حضرت زینب (س)
.
.
مرحوم محمود توتونچی (بهار تبریزی)
.
.
ای جمال اللهه مظهر کیم یوزون مستور ایدوب
دوتقون آی تک نیزه داری نیزه نی مشهور ایدوب
.
.
گورسنور مرآت رویونده حسین اوصاف حق
دمبدم ایلر تجلی لمعۀ ربّ الفلق
گورسه موسی نور وجهُ الله سالوب بیله شفق
درک ایدر اوندا که سینانی بو نورون طور ایدوب
.
.
وادی حیرتده من زینب آدینلی بیر تکم
غم بساطین سیرین ایتماقلیقدا زهرا مسلکم
بو بیانه شاهدیم بیر سن اوزون وارسان حکم
گوندوزی غم گوزلریمده لیلۀ دیجور ایدوب
.
.
دولدوروبدور سینمی درد و مصیبت مایه سی
نقد جان تحلیل ایدر خسرانیمون یوخ پایه سی
منشی کلک قضا زینب آدین غم دایه سی
صفحۀ اوّلده گویا دفتره مسطور ایدوب
.
.
کلمۀ اِنّی اَنَا الحق نیزه ده ایتموش ظهور
کوکب دُرّ کمالون ایلیوب ظلماتی نور
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
نه غمیم وار
(حسینچی لر دیلیجن)
من بلبل گلزار حسینم نه غمیم وار
یار گل بی خار حسینم نه غمیم وار
نالایقم اما صف عشّاقه قوشولدوم
یعنی که خریدار حسینم نه غمیم وار
یوخ نسخه و دارو و اطبّایه نیازیم
بیر عمریدی بیمار حسینم نه غمیم وار
عقباده الیمدن یاپیشار ال سیز اباالفضل
دنیاده گرفتار حسینم نه غمیم وار
دنیاده حسینون غمینی شادلیقا وئرمم
شادم بونا غمخوار حسینم نه غمیم وار
گلمور بوتون اعمالیمه بیر ذرّه گمانیم
امّا چوخ امیدوار حسینم نه غمیم وار
هر مشکله دوشسَمده اباالفضل ائدر آسان
چون یار علمدار حسینم نه غمیم وار
جان اوسته اونی گورسم اولار ذکر زبانیم
محو گلِ رخسار حسینم نه غمیم وار
واردور یئری اولسا کفنیم بو قره کؤینک
من محرم اسرار حسینم نه غمیم وار
بیر عدّه شب اوّلِ قبره نگراندی
من یوخ، چون عزادار حسینم نه غمیم وار
یاد ایلیورم لبلرین ایچدیقجا سرین سو
چون تشنۀ دیدار حسینم نه غمیم وار
هر مشکله دوشسمده اباالفضل ائدر آسان
چون یار علمدار حسینم نه غمیم وار
هر بیر گئجه قلبیمده دی ششگوشه مزاری
هر بیر گئجه بیدار حسینم نه غمیم وار
فخر ایلییر عالمده هره بیر زادا، منده
فخریم بودی زوّار حسینم نه غمیم وار
من مرثیه خوانم دئمیون آدیمه عالِم
بیر راثی ایثار حسینم نه غمیم وار
یاز گوز یاشیلان صفحه‌ی رخساره «بشیر»ا!
من شاعر دربار حسینم نه غمیم وار
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
شاه شهدا خیمه ده عباسی گوروب تک
ایلور رجز انشاد دیور دشمنه وِیحَک
شمشیرین ایتیلدور توکی باشدان بولَه نی تک
سسلور سو ایچوبسن سن اگر قدرتون اولسون
عباسون او احوالنه شاهون گوزی دولدی
گون داخل اولوب خیمیه ماهون یوزی سولدی
صبح اولمامش آی گون نجه گور قول بویون اولدی
سسلندی اخا یوزده قمر طلعتون اولسون
بیز گلممیشوق جنگ ایلیک سلطنت اوسته
سیم و زر و خاک و وطن و مملکت اوسته
قرآنه گوره جنگ ایدیروک مصلحت اوسته
جان نقدینی قوی اوجوا تا جنّتون اولسون
دشمن سنه یازمشدی و اِلّا ئوزی دعوت
گیتسیدون اگر هر نه اولاردی سنه قسمت
قلبونده سنون چون یوخودی عشق ریاست
ویردون اونی شمره دیدون آل نکبتون اولسون
یاندیردی امان نامه سوزی قلب فکارین
سندیردی سکوتین گنه ده آلدی قرارین
ترک ایلمرم جنّتون عرض ایتدی جوارین
قارداشلقمزدا منه خوش نیّتون اولسون
گر مصریله شاماته منی ایتسه له سلطان
یا ثروت قارون اولا عباسوه ارزان
یا درگهمه یوسف کنعان اولا دربان
ویرّم سنه مملوک درِ دولتون اولسون
گوردی شهدا اوّل شب ئوز درجاتین
درک ایلدیلر حجّت حقّون برکاتین
گوردوم من ئوزوم سنده بهشتون جلواتین
هر کیم که اینانمور اونیچون حجّتون اولسون
چکمه محکه سن منی ای ماه مدینه
سندن صورا یِر ویرمیوب هچ عشقه بو سینه
گولدورمَرَم اغیاری آنام امّ بنینه
من نوکرم امر ایله آنام کلفتون اولسون
دورّام گوزوم اوخلانسا سحر من سوزوم اوسته
ویرّم سوا بیر باش ایکی اَل بی گوزوم اوسته
لطف ایله سحر سنده قدم قوی گوزوم اوسته
تشریفون ابوالفضله بیوک خلعتون اولسون
مرحوم_منزوی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw