1504
آدرس اینیستاگرام http://www.instagram.com/motavasselan1 رجز نوحه های تصویری صوتی اشعارحسینی شور ارتباط با آدمین تبادل ارسال مطلب @YaAliAkbarMadadi
زبانحال حضرت ام البنین
سبک : چوگیسوی تو ...
ئولور غملی آنون ای دردیمه درمان ابالفضل
چیخور خسته بدنن بو یورولان جان اباالفضل
گل ای ماه منور
وئرور جان غملی مادر
سنون هجرون ائدوبدی
یانان قلبی مکدر
گل ای نور عین
مه عالمین
قالوبدی یولدا گوزلر
غلام حسین
مه عالمین
قالوبدی یولدا گوزلر
ائدوب درد فراقون قلب زاری قان ابالفضل
اولا جان دوعالم آدوه قربان ابالفضل
منیم ای قهرمانیم
شجاعتلی جوانیم
سنی یاده سالاندا
آخور اشک روانیم
آنون خسته دی
سفراوسته دی
گوزوم نوری تز
چاتوبدی اجل
حسینیله گل
منه آغلیان یوخ
گوزوم یولدا قولاقیم سسده هاردا قالموسان گل
منی سن درد جانسوزفراقه سالموسان گل
گل ای ماه مدینه
دولوبدی غمله سینه
اوزون قولارون اولدی
ستون دین مبینه
آدوا فدا
اولوم آی بالا
باشیمی چوخ اوجاتدون
سن ای باوفا
یل کربلا
باشیمی چوخ اوجاتدون
ائشیتدیم لشگر کینه یولون اوسته دوروبلار
جانیم چیخسین بالا شهلا گوزونن اوخ وئروبلار
نجه من آغلامیوم
سینمی داغلامیوم
جماله اشک ماتم
نجه من باغلامیوم
وجودیم یانور
اورک اودلانور
گل ای نوردیده
گوزوم باغلانور
سینم داغلانور
گل ای نور دیده
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت ام البنین
ایخدا جان اوستیم نام ونشانیم گلمدی
گلشن عمروم سولور سرو روانیم گلمه دی
نهر علقمده یاتان شیر ژیانیم گلمدی
صاحب اون یدی منصب پهلوانیم گلمه دی
منتظر قالدی گوزوم آرام جانیم گلمدی
قهرمانلار قهرمانی قهرمانیم گلمه دی
ایخدا دل تنگه گلدی دلبریمدن یوخ خبر
صون نفسده عون و فضل و جعفریمدن یوخ خبر
جان دوداقیمدن چیخیرهیچ ایل لریمدن یوخ خبر
قاسمیم دن یا علی اکبریمدن یوخ خبر
زاده زهرا حسین تک سروریمدن یوخ خبر
یوخ منه چاره ابوالفضل جوانیم گلمه دی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت ام البنین(س)
مرحوم زایر تبریزی
بیرده خطاب ائتمیون امّ البنین منه
اوغلانلاریم ئولوبدی بو اولدی یقین منه
عبّاس و عون و جعفر و فضلین وجودینه
وئرمیشدی بو کنیتی حَبل المتین منه
معلوم اولور ئولوبله او نورس جوانلاریم
اولسون گرک انیس ئولنجه اَنین منه
دورت اوغلومی سوسوز یتوروبله شهادته
ماتم سرا اولوبدی بو روی زمین منه
هر دوردینون غمی اثرایلر منه ولی
عبّاسیمین او حالی اولوب دلنشین منه
ایوای منه دیولَّه سو اوسته دوشوب قولی
بیرده محال خوش گله یاد معین منه
ایلوب خسوف برج بنی هاشمون آئی
تیره ائدوب بو عالمی اول مه جبین منه
قطعه بقطعه دوغرانوب اعضاسی اوغلومون
بیرده قرار و صبر دل اولسون چتین منه
اوغلوم ئولوب یاتوب علمی مشکی اوخلانوب
ارسال ائدوبله قانه باتان پرچمین منه
هل من معین دیوبدی اولاردان صورا حسین
ایلر اثر ئولنجه او هل من معین منه
تا وار حیاتیم آغلارام ابر بهار تک
بیت الحزن جهانی ائدوب اهل کین منه
صد شکر اولا امامه اولار جان نثار اولوب
اوغلانلاریمدی ،ال ، گوز، امام مبین منه
صدمه گوزه گلنده ائدر دفع شر ال
تعلیم ائدوب بونی شه عرش آستین منه
دین اوسته جان ویروبدیله حقّیم حلال اولا
ائتموشدی کشف بو سوزی سالار دین منه
من «زایرم» یوخومدی لیاقت بو سوزلره
الهام ائدوبدی حضرت روح الامین منه
خالقدن ایسترم شب و روزی بو جمعیله
ائتسون نصیب بیر اولارین مدفنین منه
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حضرت ام البنین
سنه عباس اوغول دائم آنان ام البنین آغلار
سالار بلبل کیمی یاده پوزولموش گلشنین آغلار
اولا سندن صورا دنیا بوئی عمریم یوزوم گولمز
ئولونجه آغلاسام یانسام یانان دل سوزیم اسگیلمز
اوغول داغین اوغول اوغلی ئولندن اؤزگه سی بولمز
او آنلار بو نیه قویموش اورک اوسته الین آغلار
منیم فصل بهارینده گلستانیم خزان اولموش
جفای خاریدن باغریم بسان غنچه قان اولموش
ئولوبدور دورد جوان اوغلوم الف قدّیم کمان اولموش
منیم احوالیمی دشمن اگر گورسه یقین آغلار
بلا دشتینده اولسیدیم بو قدری نسگل اولمازدی
بیانِ نسگلیمدن عاجز و قاصر دل اولمازدی
بقیعون غملو قبرستانی دائم منزل اولمازدی
گذاری بو مزارستانه دوشسه هر کیمین آغلار
آناسیز اولماقون سالّام خیاله ایلرم شیون
او چولده اولمادیم دعوا ائدنده تا دیَم احسن
دیوللر چوخ شجاعت چوخ رشادت خرجه وئردون سن
حلال اولسون سودیم قویدون آناسین دشمنین آغلار
سن ئولدون یوخ سوزوم آغلار ئولونجه بو آنان قالدی
سمندر تک آلیشمیش دوشموش اودلاره یانان قالدی
یرون بوش قالمادی سندن نشانه بیر بالان قالدی
اودا من تک ائدر دائم سنه آه و انین آغلار
سن آل هاشمون ماهی بو چرخ حیدره اختر
اوجا بویلی اوزون قوللی شیرین دیللی قمر منظر
اوشاقلیقدان هامی رفتار و گفتاری سنه بنزر
سنی یاده سالور دوشسه گوزی هر کیمسه نین آغلار
گوزومدن قویمارام بیر آن کناره من بو ناشادی
کنارینده گل اهلی ، سُوَر چون سرو آزادی
اگر چه قویمارام چیخسون سپهره ناله و دادی
گوزیمه گوز تیکوب منله بِلَه بو مه جبین آغلار
دوشنده گوزلرینه گوزلریم ساللام گوزون یاده
دانشسا گَلسه گفتاره دوشر شیرین سوزون یاده
گلر گاهی دله آدون سالارسان اوز اوزون یاده
قویار گاهی گوزون قاشون گهی لعل لبین آغلار
منیم تک آتش هجره گمانیم یوخ یانان اولسون
خوشام بو یانماقا دلدن گرکمز که نهان اولسون
حسینه اولموسان قربان سنه قربان آنان اولسون
اگر چه ظاهراً اولموش پریشان و غمین آغلار
بو دورد اوغلومدان آرتوخ یاندیران نسگل حسینیمدور
حسینیم مهجۀ دلدور امیدیم نور عینیمدور
حسینیم علّت فریاد و داد و شور و شینیمدور
نه من تک آغلارام بلکه سماوات و زمین آغلار
حسین ئولدی چراغ خاندان مصطفی سوندی
حسین ئولدی پوزولدی عیشیمیز دورانیمیز دوندی
حسین ئولدی چوخ آغزین تلخ طعمه لذّتی چوندی
حسینون ئولماقیندان قالدی یکسر اهل دین آغلار
حسینون گورمیوب گورمز نظیرین عالَمِ فانی
حسینون ئولماقی ویرانه قویدی ملک بطحانی
حسینون ئولماقی درده گتوردی کون و امکانی
ائدر نوحه حسینه باش آچوخ روح الامین آغلار
سنی ای (حافظی) هر نه بولر شاه و گدا بولسون
سُوَر اهل حقیقت سؤموری اهل ریا اولسون
رجوعون اولماسین مخلوقیله سن بول خدا بولسون
اونی بول مؤمن منصف جزاده چوخ چتین آغلار
مرحوم حافظی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
السَّلاَمُ عَلَيْكِ يا صاحِبَ الزَّمانِ (عج)
مهدي‌اي‌کشتي‌عشقين ناخداسي هارداسان
مهدي اي طاها گلي زهرا بالاسي هارداسان
يوخدي هجرانه دوزوم جانا قوتار هجرانووي
گل مريض عشقووَم، دردلر دواسي هارداسان
وصفوه عاجزدي حالـيم اي گوزلّردن گوزل
بارگاه حسنده، ديلر صفـاسي ، هـارداسان
بارش باران رحمت، گـوز ياشوندا، مهديـا
گوزلرون‌قرباني اي‌گوزلرضياسي‌هارداسان
اي وجـودي خلقته باعث ايا صاحب زمان
اي حسينين باشينين ني‌ده نواسي هارداسان
خالووه قربان، اگـــرمين يوسف کنعان اولا
آزدي‌اي‌ارض‌وسماخالون فداسي‌هارداسان
اي خدانون جلوه گاهي ، اي علينون دلبري
معــــني آيات حقّين انتهاسي ، هارداسان
شوکتيم،شأنيم،جلاليم،اي اميديم،اي نگار
غربتيم وارعبدووَم‌عزّت‌خداسي هارداسان
خم‌غمينن‌جاميمي دولدورغمون محتاجيم
سائلم غم خانوه، غم مبتلاسي، هارداسان
هرگئجه گوندوز دالونجاکاتب‌عشقونن ملر
قويما‌چوخ محزون اولادل‌آشناسی هارداسان
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
سلام به امام زمان
اي امام منتظر مرآت يزدان السلام
گل ئوزون ائيله بودنياني چراغان السلام
السلام اي مهدي صـاحـب زمان
السلام اي جـدينون قانيـن آلان
سن او وجه الله باقي سن که اي شاه غيور
طلعت حسنوندن ائيلر ماه و انجم کسب نور
آتش هجرونده ياندوخ ائيله تعجيل ظهور
ابرغيبتـده قالان اي مـاه تا بان السلام
يئر يوزون دولدوردي جور و ظلم ياصاحب زمان
گلستان دينه هر دمده اَسور باد خزان
کسمه لطفون گُل لروندن اي وفالي باغبان
قيل نظر گلـزار دينه اولدي خندان السلام
غيبتون طول اولدي اي شمس هدي والا مقام
مدّت عمرون اولوب مين يوز اوتوز بير ايل تمام
شيعه لردائم فراقوندا سيزيلدار صبح و شام
اي وجودي پيـکر قرآن ايچون جان السلام
کشتي دينه ازلدن سنسن آخر ناخدا
دم بدم موجه گلور دريا کيمي بحر بلا
کشتي دين آزقالور غرق اولسون اي شمس هدا
السلام اي ناجي کشتـي قرآن السلام
انتظار مقدمونله اولدي بو ديللرکباب
هانسي ساعتدور اولا بوقانلي ديللر کا مياب
قيل ظهور اي چرخ دينه بير ايشقلي آفتاب
اي جمالين روحبخش مهر رخشان السلام
اسم پاکي حجّت حق مهدي قائم لقب
آغليان جدي حسينون ماتمين ده روز و شب
قويما جدّون قاني قالسون يئرده اي والانسب
السلام اي منتقم وي صاحب قان السلام
ايليوب ايما (اشاره) بومعنايه خداي لاينام
هرکسي مظلوم اُله آلسين وليسي انتقام
يئرده قالسين تابکي خون امام مستظام
اي ايدن عدليله بوعالمده ديوان السلام
ظلم دشت کربلادن اي اولان خونين جگر
روز شب غمدن توکن گُل عارضه اشک بصر
قيل ظهورون اي وليّ حق امام منتظر
وي ظهوري شيعيانه لطف شايان السلام
حاج جواد آدلو بوشعره باني اولدي مدحيا
قسمتي اولسـا سنيله گـرديـار کربـلا
اوردا بئيله ذکر ائله اولسون سنيله همصدا
عرض ائله ياحجت الله شاه عطشان السلام
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
مداحی بسیار زیبای زنده یاد حاج محمد باقر منصوری
احوالات زائر دیوانه امام حسین (ع)
@motavasselan
مدح و شهادت حضرت فاطمه سلام الله علیها
.
حاج اصغر فرشچی( عدلی تبریزی)
.
هانسی دیلده گر اولا مهر و ولای فاطمه
روز محشرده اولار تحت لوای فاطمه
.
دست قدرت وادی ایمن یازوبدی درگهین
عاشقانه کعبۀ دل دور سرای فاطمه
.
حق ویروب گور نه جلالت جبرئیل دور خادمی
حوریانه توتیادی خاک پای فاطمه
.
نطق گویا سیله آچدی شاهراهی اُمّته
مثل قرآن دلنشین دور خطبه های فاطمه
.
منطقی ارشاد خلق حق باطلدن جدا
دشمنی ایلوبدی رسوا ادّعای فاطمه
.
اورگدوب درس حجابی بانوان عالمه
مکتب قرآن دور دانشسرای فاطمه
.
سورۀ کوثر که نازلدی خدای حیّ دن
ایلیوب اول سوره ده حمد و ثنای فاطمه
.
بارها فرمایش ایتدی اول حبیب لم یزل
میوۀ قلبیمدی زهرا جان فدای فاطمه
.
بیر بیله عزّ و جلالت صاحبی مظلومه دور
قلبیدن گیتمز هله درد و بلای فاطمه
.
اوندا کی ثانی ویروب درگاه وحیه اود یانوب
قان توکولموش یر اولوب کرب و بلای فاطمه
.
قامتی غمدن خمیده اولدی هر آن آغلادی
قورتولا کسدی شجر دشمن بُکای فاطمه
.
قدرینی بولموبله لیل قدر تک افسوس اُمم
اولدی پنهان جلوۀ احمد نمای فاطمه
.
اجر و مزد احمد مرسلدی حُبّ عترتی
پس رضای حق سبحاندور رضای فاطمه
.
روز محشر که اولار عزّ و جلالی آشکار
غملی اولماز شیعۀ غم آشنای فاطمه
.
واردی طومار شفاعت اوندا چون روز مَهیل
اهل جنّت دور او گونده اولیای فاطمه
.
اولیانی دشمن ایچره بیر به بیر ایلر جدا
شامل احبابیدی لطف و عطای فاطمه
.
خادم درگاهنون وار دور مقام شامخی
خوش او کیمسه حالینه اولدی گدای فاطمه
.
اللری اوسته گتورسه سود امر باشسیز بالا
محشر اهلین یاندورار آه و نوای فاطمه
.
بو اشاریدی غمینده من توسل ایلدیم
گر یازام چوخ دور رِثای غم فزای فاطمه
.
لوح تقدیر وار قیامت عرصه سینده «عدلیا»
کیمسه کی ذکرین ایده حمد و ثنای فاطمه
.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
مرحوم حاج عبدالعظیم ذهنی زاده ( سائل )
یا فاطمه (س)
.
ای یگانه گوهر گنج حیا یا فاطمه
عصمتی عین مراد کبریا یا فاطمه
.
.
نور ذاتون ایتمه سِیدی خلق اگر خلق آفرین
بیر یارانموش خلق اولونمازدی ولو عرش برین
سنله سایدی علّت ایجادی جبریل امین
بو بیانی شرح ایدر فصل کسا یا فاطمه
.
.
آتشین دریای حُسنوندن مگر بیر قطره آب
چشمه ی خورشید عالم تابه ویرموش آب و تاب
سیر ایدر دنیانی هر گون بو امیده آفتاب
بیرده بیر قطره او دریادن آلا یا فاطمه
.
.
اولماسِیدون سن اگر ای سوم اهل کسا
کیمسه اولمازدی هامی دنیاده کفِّ مرتضی
اولماسِیدی مرتضی اولمازدی کفّون مطلقا
ای سنون کفّون فقط بیر مرتضی یا فاطمه
.
.
سن جلالتده خانم حاشا بو دنیایه گله
مِثلوَه هیهات مامِ خلقت اولسون حامله
بحر وصفونده دایاندی کشتی عَقلیم گله
غرقه ی گرداب حیرت ناخدا یا فاطمه
.
.
سن او بانوسن که مثلون بیرده گَلمَز عالمه
مایه ی فخریّه سن عالمده نسل آدمه
سن فداهایه مخاطب سن رسول خاتمه
بو خطابی وحیا ایتموش مصطفی یا فاطمه
.
.
گلشن پیغمبرین تک بیر گل رعناسی سن
بوستانِ اصطفی سرو چمن آراسی سن
باغ فردوس حیا و عصمتین طوباسی سن
سندن اخذ ایلر حیا هر با حیا یا فاطمه
.
.
سن او بانوسن که چرخ عصمته تک ماهیدون
کاملاً احکام شرعه عامل و آگاهیدون
دودمانون ایچره ده محجوبه هر بیر گاهیدون
اولمادی چادر باشوندان آیریلا یا فاطمه
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
قاپوسین کیم دوگه ای دل نظر ایلر زینب
نظر ایتسه سوزومی پر اثر ایلر زینب
سائل درگهینی مفتخر ایلر زینب
مس جان قابل فیض ائلسا زر ایلر زینب
عاشق بی خبری با خبر ایلر زینب
قلبلر ملکنی زیر و زبر ایلر زینب
باب زینب در رحمتدی دینن یازینب
آتاسی شاه ولایتدی دینن یازینب
آناسی محور خلقتدی دینن یازینب
ئوزی دریای کرامتدی دینن یازینب
من دیسم کیمدی که برج شرفه کوکبیدی
سن دینن شیر زن کرب و بلا زینبیدی
صاحب منطق برّان کیمیدی؟ زینبیدی
پرچم دینی اوجالدان کیمیدی؟ زینبیدی
حافظ مکتب قرآن کیمیدی؟ زینبیدی
اوکه حقّی ایدوب اعلان کیمیدی؟ زینبیدی
شهدا قانینه آمِن کیمیدی؟ زینبیدی
اسرا جانینه ضامن کیمیدی؟ زینبیدی
قورخودار جنگیده هر عورتی قان منظره سی
قتلگاهین قانیدی، میمنه و میسره سی
شادلیق ایلورده قوشون بیر باش النده هره سی
گوردی مین خنجر ایشین بیر خانمین حنجره سی
نطق ادوب حقّی دیریلدن کیمیدی؟ زینبیدی
آل سفیانی کیچیلدن کیمیدی؟ زینبیدی
کیمدی زینب باشی طوفانلی علمدار قیام
حَسنی خوی و حسین پیشه و عباس مرام
یِدّی معصومیله هم عصر، سخن گوی امام
آناسندان صورا یوخ ئوزگه خانمدا بو مرام
دستپروردۀ زهرا کیمیدی؟ زینبیدی
دانش آموز تولّا کیمیدی؟ زینبیدی
زینبون پاک آدی هر یرده یازیلسا علمه
با وضو گَل ایله بیل وارد اولورسان حرمه
غفلت ایتمه یازیلار مین حسنه هر قدمه
نیلیوبدی گور او بانوی ملائک خدمه
جمع نسواندا سرآمد کیمیدی؟ زینبیدی
حامی دین محمّد کیمیدی؟ زینبیدی
ای قلم یازما نلر چکدی حسینون باجیسی
قلبیده تخم وفا اکدی حسینون باجیسی
زین اب، فاطمه مسلکدی حسینون باجیسی
عشقیده مرتبه ده تکدی حسینون باجیسی
ایله تک قالدی گیدوب قید آرادان آغلاماقا
بیر نفر اولمادی حتی گوزونی باغلاماقا
دللره سالماقا طوفان فلک ایتدی عجله
بو ترابین قیزینی سالدی کمند اجله
دولدی جان اوسته گوزی گلمدی مقصودی اله
باجیدی حسرتی وار قارداشی تشییعه گله
هی صاقا باخدی صولا باخدی دیدی جان یارالی
نگران باجی یولا باخدی دیدی جان یارالی
هارداسان ای آدی خاطرده محبت سندیم
منتظر عاشقیوم گوز یاشی غربت سندیم
آغاران باشدی فراقونده فراغت سندیم
قمچی لر ردّی وجودیمده شهادت سندیم
قوی دیسونلر حرمندن اوزاق ئولدوم قارداش
من او گودالیده سندن قباق ئولدوم قارداش
آند اولا فاطمه نین باشدا قرا معجرینه
آند اولا کوچه هاشمده قوپان محشرینه
بلورم ثبت اولوب آدیم اسرا دفترینه
آخر خطده قوشولّام شهدا لشکرینه
عاشقم ایستمورم عشقیمی قلبمده بؤلم
بویودی عهدیم حسین قمچی لر آلتندا ئولم
آخ گوروم مکتبوین یاری چوخ اولسون یارالی
عشقیوین رونق بازاری چوخ اولسون یارالی
قبریوین عاشق دیداری چوخ اولسون یارالی
یاز ئوزون تذکره زواری چوخ اولسون یارالی
کعبه مولودینون اوغلی، نه نیازون گلنه
قره احرامیله کعبه ئوزی زائردی سنه
@motavasselan
حاج محمد باقر منصوری
احوالات حضرت علی اصغر(ع)
کربلایی عدالت جباری
۹۸/۹/۲۰
مدح امام زمان(عج)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زمان عصریدی قتل حسین تاپوب پایان /لباسینی آپاروب نعشین ائتدیلر عریان /قوشون او وقتده غارت اجازه سین آلدی/سوار اولان آتینا خیمه گاهه آت سالدی/سواره لر دالیسیجاق گلوب پیاده نظام /محاصره اولوب آتلو پیاده ایله خیام/قاچاق یولی کسیلوب ممکن اولمادی قاچماق /آراده قالدی بیر عده اسیر عورت اوشاق/عرب اولا سوزی قانماز اوزی بیابانی/گوره طلاو جواهر حریر و دیبانی/عرب که گورممیش عمرینده خیمه قبه سی زر/الینه فرصت غارت دوشنده گور نیلر /اوشاقلارین ال آتوب دوتدیلار گریبانین /سویوندوروبلا ازلجه لباس الوانین /صورا آلوبلا خلخال و گوشواره لرین /سویولمامیش اولان قویمادیلا بیر نفرین /او دم حرملره برپا قیامت ایلدیلر / حرمسرانی داغیتیدیلا غارت ایلدیلر /حرمسراده حرملرده ظلم یغمادن /قوتاردی قالمادی بیر زاد اومال دنیادن/بو شرحی عالم و فاضل سلاله الطیاب/بویوردی حضرت سید غنی حمیده مآب/نئجه قوشوون یوواسین تارومار ائدر صیاد/دوشر یئره بالاجا قوشلار ایلیور فریاد /او قوشلارون آناسی ایلیور هواده تلاش/اوچار گوگه بالالار اوستونه انور بیر باش/وورار داشا آغاجاخول بوداقه شهپرینی/انور هراسیله چنگالینه وورار بیرینی/او بچه مرغلری دام ظلمدن قوتارار /اوزین وئرور ئولومه بیربه بیر دوتوب آپارور /اونون تک ائتدیله سوزان حسین خانه سینی/داغیتیلاربالا قیزلارون آشیانه سینی/داغیلدی چوللره صیاددن قاچان قیزلار/اتکلرینده آلودان قناد آچان قیزلار/اگر چه دوتدی دومان توسدی زینبون گوزینی/گینه اوحالدا او خاتون ایتورمدی اوزینی/اوزینی قمچی لر آلتدا هلاکته سالدی /اوچوب قنادین او قوش تک داغا داشاچالدی/آتان زمانیده صیاد اونا جفا داشی/خانم قباقه وئرردی قولونی یا باشینی/تلاش قیلدی او شهباز او قدری چیرپیندی /دئمک اولار توخانوب داشه شهپری سیندی/اوچوب دوشوب یئره صیادیلن ائدوب دعوا /اله گلن قیزی گیزلتدی شهپری آلتدا /آچوبدو ساچلارینی توکدی قیزلارون باشینا/اوتوردی دامنینی چکدی قیزلارون باشینا
https://telegram.me/joinchat/BQ1CKT3x959rXnaj_Kjibw
زبانحال مولا علی علیه السلام
در فراق حضرت زهرا(س)
الهی دفن ایدیم نجه اوز اللریمله یاریمی
مزاره تاپشورام گرگ گجیله من نگاریمی
بو درده یوخدور الیمده چاره
قویوم نه نوعی یوزون مزاره
جنازه سین گتورمیشم گجیله گورمسون بیری
نهان قالا بو شهریده همیشه قبرینون یری
عجبدی ئولمیوب قالوب بو غمده مرتضی دیری
نهان ایدیم گیدیم نجه بو در شاهواریمی
ئولونجه یانام آغلارام نه غملی ماجراسی وار
جفای روزگاریدن اورگده چوخ یاراسی وار
قویوم نه نوعی تپراقا ایوینده دورت بالاسی وار
تیکوبله گوزلرین یولا چکوله انتظاریمی
تمام اولوبدی دوقوز ایل قوتاردی عمرموز بجه
قویوم بو چولده یاریمی دوروم گیدیم ایوه نجه
گل ای اجل هایانداسان قوتار علینی بو گیجه
ئولیدیم ایندی کاش منیم قازیدیلار مزاریمی
ویرن زماندا غسلونی ایدوبدی مه عیان یوزون
او قدری با حیائیدی ایدردی تز نهان یوزون
ئولنجه ویرمدی منه او با وفا نشان یوزون
آلوبدی قلب زاریدن بو نسگلی قراریمی
قویاندا قبره جسمینی او عرصه گاهیلر یلی
عیان اولوبدی قبریدن پیمبرون ایکی الی
ندا گلوبدی صبر ایله دایان عم اوغلی یا علی
بو نوعی ویرمدیم سنه جهاندا یادگاریمی
گوزتله چوخ دیدیم سنه آناسی یوخ بلالیدی
گوزینده قانلی لکه وار ندن شکسته بالیدی
قابیرقالاری ظلمیلن سینوب نیه یارالیدی
سولوب گتورموسن علی گجیله گل عذاریمی
فرهاد فکری
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
شادروان سیدجواد ذاکر-ابوالفضل رشیدم
https://telegram.me/joinchat/BQ1CKT3x959rXnaj_Kjibw
کربلایی مهدی قلندری
مقام حضرت ام البنین
فخر نسوان بنی هاشم و اولاد خلیل
شامل موهبت حضرت خلّاق جلیل
نفسینون عزتی عالی،نسبی پاک واصیل
فاطمه آدلی علینون حرم و هم نفسی
لقبی امّ بنین یعنی اوغوللار ننه سی
دهریده بو خانمون اوخشاری گلمور نظره
کیمدی دامانیده دورت شیر شجاعت بجره
عمرونون زحمتینی قویمادی گئتسون هدره
چیخدی دنیای فنائیله عجب کشمکشه
وئردی غیرت صودونی ساقی دشت عطشه
دامنیندن یتیشوب کرب و بلایه برکات
فدیه گاه حقه بو مادر علّیّه صفات
دورت فدا یوللادی بیردن ائلدی هاجری مات
آنالار ایچره مگر امّ بنینون تایی وار
او مناده خانمون هامّیدان آرتیق پایی وار
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت ام البنین (س) در مدینه
مرحوم انور
خیالیمه سالارام عون و جعفر و فضلی
ئولونجه اوخشیارام شیردل اباالفضلی
باشینون اوسته ئولن وقته اولمادیم نیلوم
آچوب بو زلف پریشانی یولمادیم نیلوم
اگر اولیدیم او چولده قیامت ایلردیم
بالاما دشت بلاده حمایت ایلردیم
نقدر ائدیدوم اگر آه و ناله دویمازدیم
کسیلن اللرینی توپراق اوسته قویمازدیم
همان او قوللاری جان تک سینمده ساخلاردیم
گلینجه قارداشی داده اؤپردیم آغلاردیم
حسینیمه او کسوک اللری وئرردوم ئوزوم
دیردوم آل بولاری ساخلا یوخدی منده دوزوم
فغان و آهیمیلن کائناتی داغلاردیم
حسین دینده بئلیم سندی منده آغلاردیم
قولاق وئرردیم اونون دقّتیله نوحه سینه
سسیمی منده قوشاردوم حسینیمون سسینه
دینده آچ گوزون عبّاس نور عینیم وای
دیردوم اوندا یقین منده وای حسینیم وای
او باشی اوسته نوا ایلینده آغلاردیم
ایاق طرفده ده من چکمه سین قوجاقلاردیم
یارالی سینه سی اوستن چکنده پیکانی
تزلزله گتورنده او دشت و صحرانی
دیردوم آغلا بالا اوخلارا ال آتما حسین
یاتوبدی نازیله عبّاسیمی اویاتما حسین
چتین اولوب سنه گر چه بو نوعی یانما بالا
باشینون اوسته اباالفضلیمون یوبانما بالا
سن آغلاسون غمیوه کوفیان ائدلَّه طرب
گئدک خیامه منیلن گوزتلیور زینب.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
🌹زبانحال حضرت ام البنین🌹
💠💠💠💠💠💠
فدای حضرت زهرا ئوزوم بالالاریم
حسینه عاشقم حتی ئوزوم بالالاریم
علوی غیرتیوه آی بالا آنان قربان
مرام و نیّتیوه آی بالا آنان قربان
سنی بویوتموشدوم حیدری سوئوندورسن
بله اصالتیوه آی بالا آنان قربان
باخاندا سرولره قدّ و قامتون گوررم
او سرو قامتیوه آی بالا آنان قربان
آتاننان اولماز ابوالفضل بیرده سندن اولا
وجود ندرتیوه آی بالا آنان قربان
آنانین ئولسه جوان اوغلی یاندیرار قلبین
حیات و رحلتیوه آی بالا آنان قربان
اوتوز بش ایل بویُوا باخدیم آغلادوم قورخدوم
فراق و هجرتیوه آی بالا آنان قربان
مثلدی دهریده قورخان گوزه دَیَر صدمه
گوزیوه صورتیوه آی بالا آنان قربان
دیردی دردینه خلقین گوزون سوزون هم ئوزون
ادب و همتیوه آی بالا آنان قربان
نجه یخلدون آت اوستن یره قولون یوخدی
او غملی حالتیوه آی بالا آنان قربان
قلج وران الیوه هم علم دوتان الیوه
سسیوه صولتیوه آی بالا آنان قربان
وطنده قالدی گوزی یولدا اوغلون عبدالله
شبیه خلقتیوه آی بالا آنان قربان
اوغول جوان ئوله قالسا بالاسی مشکل اولار
قالان امانتیوه آی بالا آنان قربان
قاپی آچقدی ولی یوخدی منزله گئت گل
غمین عمارتیوه آی بالا آنان قربان
منه دیوللر اوغوللار آناسی یوخ اوغلوم
دل و دیانتیوه آی بالا آنان قربان
___________________
استاد عینی فرد
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
مرحوم سید جواد ذاکر
هییت متوسلین حضرت علی اکبر(ع)تبریز
/channel/motavasselan
صاحب عصر میز عالمده امان اولسا گلر
غیبتیندن ، اگر ، امت نگران اولسا گلر
اوچ یوز اون اوچ نفرین کامل اولا تعدادی
بئش علامتدن اگر نام و نشان اولسا گلر
وار خبر شامیده طغیان ائده جک سفیانی
اولارین ظلمیلری قیمت جان اولسا گلر
سید پاک یمانی الکی اتدی خروج
کفریلن جنگی اونون ورد زبان اولسا گلر
مکه ده قتله یئتر نفس زکیه اوزمان
کوفه ده قان یئرین اوستونده روان اولسا گلر
آخرین واقعه بیرسسدی که گوگدن گلجک
خلق اوسسدن یرین اوسته نگران اولسا گلر
روش دینیله تنظیم ائدک اعمالمیزی
شوق دیدارینه شوروهیجان اولسا گلر
کوفه نین اهلی بیزه مایه عبرتدی اگر
محضر حضرته دوز نامه یازان اولسا گلر
سرو سامان وئریله صورت بازارمیزه
دانشقلاردا اگر صدق بیان اولسا گلر
شجر کینه و نفرت گونی گوندن اوجالیر
هرزمان بوآغاجین برگی خزان اولسا گلر
خلقی ابلیس آپارور دوزخه جنت آدینا
مین نفردن بئشی گراهل جنان اولسا گلر
(احسان) آنداولسون علینین شرف و عزتینه
صاحب عصرمیزهر یرده نهان اولسا گلر
بدرخانی میانجی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حضرت امام زمان (عج)
نیلیوم یارب صفای قلب زاریم گلمدی
مایه آرامش جان فکاریم گلمدی
گوزلریم یولدا گیجه گوندوز نگاری گوزلرم
گوزله ماقدان جانه دویدوم گلعذاریم گلمدی
نه ئوزی گلدی نه بیر نامه نه بیر نام و نشان
اعتباریم شهرتیم نام و نشانیم گلمدی
یاریمون هجرینده دوندی شام تاره گوندوزوم
غصه دن قان اولدی قلب داغداریم گلمدی
آدی دلده یادی دلده عشقی یورقون سینه ده
منتظر قالدیم ولی افسوس یاریم گلمدی
انتظار اولماق چتین بیر دردیدی هر عاشقه
آه و صد افسوس باشه انتظاریم گلمدی
عزتیم شانیم جلالیم شوکتیم تاج سریم
جان جانانیم منیم دار و نداریم گلمدی
سایه سالدی ابر ظلمت گلشن امیدیمه
باغ امیدیم خزان اولدی بهاریم گلمدی
طلعت رخشان حُسنین گورماقا شام و سحر
بیقرار و دیده گریانم قراریم گلمدی
گوزده گوز یاشیم گلور موجه بسان بحر غم
کاسه صبریم جالاندی غمگساریم گلمدی
یاریمون یارب غمینده دلده یارا قالمادی
طاقتیم الدن اولوبدور اختیاریم گلمدی
هجر ایوینده روز و شب زار و پریشان دیده تر
یوللارا باخدیم گله نازلی نگاریم گلمدی
مسجدیم دیریم کلیسا و کنشتیم معبدیم
صومعه م کعبه م ولیّ کردگاریم گلمدی
«یاسری» سالدی ایاقدان یوسف زهرا غمی
کاسه خون اولدی چشم اشکباریم گلمدی
شاعر : کربلایی یاسر رستگار
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کربلایی عدالت جباری
۹۸/۹/۲۰
روضه حضرت زینب(س)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زینبون مدحتی وسعتلیدی چون اقیانوس
زینبون مدحتی وسعتلیدی چون اقیانوس.جان سبوسینده یراولماراوناظرفیتده.هرکس اوزفهمینون اندازه سی تعریف الییور.دانیشورعقلی قدراولنجبانسبتدن.ایستیورهامی حسین مثلی حسینون باجیسین
بیردی چون بوباجی قارداش ایکیسی خصلتدن.ایکیسی ساقی معنادن الوب بیرساغر.مست اولوب هرایکیسی میکده ی وحدتدن.قارداش اولدی شهدازمره سینون سالاری.باجی اولدی اسراراهبری همتدن.حرم طاهرنی گوزلدی گوزدن ارتوق.اینجیدی شکوه ولی ایلمه دی زحمتدن.شیرزن شامه یتوردی اسراقافله سین.روحی خستیدی بدن دوشمیشیدی طاقتدن
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ای پناه بی پناهان
سبک: من مانده ام تنها ی تنها
ای پناه بی پناهان یابن زهرا یابن زهرا
زینت اقصار رضوان یابن زهرا یابن زهرا
جوروظلمیله بو دنیا دولدی مولا دولدی مولا
گل گلن یولارا قربان یابن زهرا یابن زهرا
رهبر اهل جهانسان پور حیدر پور حیدر
منتظردی اهل ایمان یابن زهرا یابن زهرا
گل عدالت پرچمین سن سرفراز ایت سرفراز ایت
ظلم ایدوب دنیاده طغیان یابن زهرا یابن زهرا
شیعه لر ایلیور غم احساس ای حسینون یادگاری یادگاری
جان سنه قربان آقاجان یابن زهرا یابن زهرا
جان ویروب نهر اوسته سقا زنده قالسون دین قرآن
اولدی بوغمده اورک قان یابن زهرا یابن زهرا
شیعه نون آرام و جانی گل آقاجان گل آقاجان
ای اولان عالمده سلطان یابن زهرا یابن زهرا
پرچم قرآن الینده گل بیزی قورتار بو غمدن
شیعه نی یوردی بو هجران یابن زهرا یابن زهرا
منتظر گوزلر قالوبدی یولدا مولا یولدا مولا
یول گوزتلور اهل قرآن یابن زهرا یابن زهرا
سن گلن یولاره قربان یابن زهرا یابن زهرا
شمع سن پروانه بوجان یابن زهرا یابن زهرا
مهدی ملکی زنجانی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
🔰سید جواد ذاکر طباطبایی🔰
رقیه نازلی صورتین
https://telegram.me/joinchat/BQ1CKT3x959rXnaj_Kjibw
حاج غلامرضا عینی فرد
https://telegram.me/joinchat/BQ1CKT3x959rXnaj_Kjibw
اولمشام ایللردی من عاشق صفای زینبه
حاضرم جان بذل ایدم واللهی پای زینبه
ويرسه لر مین دُرّ اعلادن دولی گنجینه نی
اولمیوب اولماز یقین قیمت وفای زینبه
بو قرا پرچمده که عشق اهلی یازینب یازوب
سلطنت تاجیندن افضلدور گدای زینبه
حشریده دوشمز حسینه آغلیان عاشق اودا
شرطی وار شامل اولا روحی دعای زینبه
من او مستم جام زینبدن مِی ناب ایچمیشم
گلمشم سس قوشماقا بوردا نوای زینبه
ساتمشام سرمایه ی دنیانی، دلدار عشقینه
رَحموز اولسون ورمیون داش آشنای زینبه
دانه ی یاره کبوتردنده آرتیق قانعم
عاشقم نیلوم در دولتسرای زینبه
سَپ گلاب اشکوی، دامانوه گل عطری یای
دعوت ایت زهرانیده گلسون عزای زینبه
بزم ماتم زینبوندی نوحه خوان لازم دگُول
هرکیم عاشقدور توکر گوزیاشی پای زینبه
https://telegram.me/joinchat/BQ1CKT3x959rXnaj_Kjibw
یازهرا(س)
حیرتدیم بیان ایلیم غم مطالبین
شرح ایلیوم نه طرزیله زهرا مصائبین
تاب ایلیوب جهاندا او قدری مصیبه
قورتارمیان بلاسی سالور فکری حیرته
فکر ایلدوکجه عقل دوشور پیچ و خم یولا
عقلیم چتین مصائبینه بس محیط اولا
امر محاله ایلمرم وقتیمی هدر
شرح ایلورم مصیبتنی بیلدیگیم قدر
اول گرک عریضه ویرم شأن و شوکتین
امّ الائمه عصمت کبری جلالتین
چوخدور نجه مصائب و اندوه محنتی
اونداندا چوخ علاوه دی اجلال و عزتی
مرضیه و عفیفه و عین نجیبه دی
شمس حیا و ذات خدایه حبیبه دی
کنز حقیقتون گهر پر بهاسیدور
پیغمبرون امیدی حسینون آناسیدور
مغلوب ایدور جلالی زبان محرّفی
الله اوزی اولوبدی بتولون معرّفی
وار مدرکیم قَویدی کلام خدایه باخ
گر ایسته سن جلالین حدیث کسایه باخ
زهرا نجه خانمدی بلور کردگار اوزی
بو وصفلن جهاندا ولی گولمدی یوزی
گوز یاشینی جگر قانینا قاتدی روزگار
گولدورمه دی آز عمریده آغلاتدی روزگار
پیغمبر خدا ایله که رحلت ایلدی
زهرانون آرتدی درد و غمی شدت ایلدی
باب امیدی دست جفا چکدی باغلادی
دولت سراسین ائتدی عزاخانه آغلادی
فرش سکوتی بزم عزاده سالانمادی
حقیندن اوتری هر یره گتدی آلانمادی
هر قدر ظلم ایدوبله دیمه قانع اولدیلار
دوتسون عزا ایوینده گلوب مانع اولدیلار
قویمادیلار انسیه حوراده اختیار
بزم عزانی دایر ایدوب شهردن کنار
شعله چکوبدی مجمر غم سینه داغلادی
قویمادیلار ایوینده گیدوب چولده آغلادی
هر گون خانم گیدردی ایکی نور عینلن
مسموم اولان حسنلن عزیزی حسینلن
بیر نخل سایه سین ایلیردی پناهگاه
جاری ایدوب سرشکنی دلدن چکردی آه
ظلمی یتشدی بیر یره قوم منافقین
پیغمبری ایدوبله مزارینده دلغمین
ظلم ایتدوقیجا ظلم ایلسونلر تلسدیلر
بر گون گلوب او خ رما آغاجندا کسدیلر
جام ستم یتیشدی ستملن لبالبه
بسدور سوزون مقدمه سی آغلا مطلبه
کام بتوله گرچه بو دوران دولانمادی
ثانی نقدری ظلم ایلیوبدور اوتانمادی
شدت ویروبدی فاطمه نون سوز آهنه
اود ووردی تا که درگه عالم پناهنه
ظلمون اودی ایدوب غلبه باب اقدسه
یاندی قاپی آچیلدی گلوب فاطمه سسه
مسمار باتدی سینه سینی ائتدی زخمدار
سندی قابورقاسی یخلوب گتدی اختیار
صدمه یتوب وجودینه سقط اولدی محسنی
گول غنچه سینده آچمادی تئز سولدی محسنی
ضعف حالتینده مهر وجودین نفسلدی
ناچار اولوبدی فضه نی امداده سسلدی
زهرا چاغوردی فضه نی امداده یوخ سوزوم
بیر نکته وار خیاله دوشور آغلیور گوزوم
تاب ایلمز بو محنته کیم اولسا معنوی
اولدی قزی بلا گونی زهرایه پیروی
اشک تریله ریشه ی اندوهی بسلدی
کرب و بلاده فضه نی زینبده سسلدی
هانسی زماندا یوم بلاگون باتان زمان
مقصودینه او شمر ستمگر چانان زمان
سعد اوغلی ایستیوردی یانان قلب لر یانا
امر ایتمشیدی نعش شهیدان ایاقلانا
زینب گلوب گولونی گلستاندا گورمسون
لیلا گزنده اوغلونی میداندا گورمسون
مشکل اولوب بو محنتی امّ المصائبه
احضار ایدوبدی فضّه نی زهرایه نائبه
دردین دیوب کنیزینه ایتدی مشاوره
سرعتله گیت آماندی گمانون گلن یره
آز قالدی غم بو زینبی سالسون ثباتیدن
زهرا قزینا ایسته کمک جنگلاتیدن
تاب ایتمرم بو ظلمه جفا اهلی ال تاپا
اوراق اولان جنازه لرون اوسته آت چاپا
غم گلشنی بو چولده آچا آیری منظره
صدمه یته چمنده پراکنده گوللره
علیاجنابی فضه گوروبدور فغانیده
بیر شیر واردی عرض ایلدی نیستانیده
ای فاطمه عزیزه سی بانوی محترم
ویرسون اجازه من اونی امداده سسلرم
ائتدوم سوزی خلاصه گله مطلبیم اله
آلدی اجازه سرعتلن قاچدی جنگله
نه حالیله قاچوردی مجسّم ایله حالین
اللر باشندا قلبی اسردی ایاق یالین
سرعتله تا یتیشدی نیستانه سسلدی
بو دللریله شیری یانا یانه سسلدی
مشکل گشا قزینی سالوب شمر مشکله
امیدینون سفینه سی مغروقیدور گله
بیکس قالوب کمک لیکه اول بی پناهه گل
ترک ایلیوب مقامووی دور قتلگاهه گل
فضه سوزین ایشتجک او حیوان بی نظیر
شیر خدا قزینا حمایت ایدوبدی شیر
گلدی منایه قاچدی صاقا گه قاچوب چپه
گوداله یتدی باشینه توپراق سپه سپه
دُر ولایتون دیمه قدرینی بیلمدی
باشسیز قالان جنازه نی مقتلده ایگلدی
هر ایلدوکجه نعره چکوب ئوپدی یاره سین
گچدوم سوزی ولی سوزیمون آل اشاره سین
واردور یری حسین آناسی فخر بانوان
شیری ایدوب مخاطب ایده بو سوزی بیان
ایله کمک حسینه حسین وای دیه دیه
آهسته ئوپ یارالارینی قویما اینجیه
اوراق ایدوبدی پیکرینی تیغ جانستان
شمر اینجیدوبدی سینه سی اوسته چخان زمان
سایسیز یارا دگوبدی بو جسم مقدسه
زحمت ویروبدی قاتلی باشین کسه کسه
انور مصیبته بو قدر آچما منظره
یازدوقجا سوز سوزی چکه جک آتشین یره
مرحوم استادانور
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کربلایی عبادی طارمی
من سرای عشقیده سن سیز خمار اولمام حسین
تا ادون وارسینه ده اغیاره یار اولمام حسین
من سنیلن مین زمستاندا اگر سیر ایلسم
عاشق فصل دل ارای بهار اولمام حسین....
وار یقینیم بو جهانه پادشاه اولسام دا گر
محشر کبری ده سن سیز نامدار اولمام حسین
خلق ایچینده اوخشیام شاید دلی دیوانیه
عشقوون سرمستیم چون هوشیار اولمام حسین....
آغلیار مال و منال و منصبه بیر عده لر
من غموندن دلخوشام دنیایه زار اولمام حسین
بوستان عشقیده سولمام سنون عشقینله لیک
طعنه ویرّام گوللره عالمده خار اولمام حسین....
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw