1525
آدرس اینیستاگرام http://www.instagram.com/motavasselan1 رجز نوحه های تصویری صوتی اشعارحسینی شور ارتباط با آدمین تبادل ارسال مطلب @YaAliAkbarMadadi
من حسینون بو جهاندا عاشق شیداسیم
مست صَهبای حسین؛دلداده ی سقّاسیم
عاشق بزم عزای حضرت عباسیم
مجلسنده هرزمان شوره گَلیب دل داغلارام
غَملری یاده دوشه ر گوزیاشیله قان آغلارام....
گورمه الله چوخ منه دلبند زهرا عشقینی
وئرمَرم ألدَن خدا دنیاده مولا عشقینی
قلبیمه هی بَسله رم واللّهی سقّا عشقینی
بو حسینون درگهون باغ جنانه وئرمَرم
من گدایم مَنصَبیم شاه جهانه وئرمَرم....
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
گورمز بو جهاندا بیری بو محنته بیر تای
وار حقی اگر آغلیا بو نسگله مین آی
چالمادی دویونجا سودامر اوغلونا لای لای
چکموب بو غمی لیلی نه ده قاسم آناسی
چون هربیرینین اولدی جوان نازلی بالاسی
🌹🌹🌹
اوغلانلارینون قامتینی گوردیله باری
قاسم اون اوچ ایل مادرینه ایلدی یاری
اون سگیز ایل اکبر آنانون اولدی نگاری
اکبر یخیه طوی گولی گر ساچمامیش ئولدی
امّا بونون ایستکلیسی دل آچمامیش ئولدی
🌹🌹🌹
قربان سنه من قاسمیلن اکبری ویردیم
قارداشیم ابوالفضل وفاپروری ویردیم
یتمیش ایکی شهباز قوی پیکری ویردیم
امّا آنالار ایچره رباب خونجگر اولدی
قربانی اونون عفو ایله گر سودامر اولدی
@motavasselan
(عباس آناسی فاطمه اُم البنینم من)
استادحاج سلیم موذن زاده
احوالات حضرت ام البنین(س)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
فرارسیدن‌سالروز وفات مادر عمدار کربلا حضرت ام البنین(س)را تسلیت عرض مینماییم
ای عمرومون صفاسی ای دردیمون دواسی
چاتدی دوداقه جانیم گل قوللارون فداسی
ای ماه آل هاشم باتدون ندن یارالی
گل قویما باش سیز اولسون ام البنین عزاسی
@motavasselan
وفات حضرت ام البنین (سلام الله علیها)
زنده یاد استاد حاج فیروز زیرک کار
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج نادرجوادی
روضه حضرت_ام_البنین
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج محسن رستــگاری
روضه_حضرت_ام‌البنین(س)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
وفات حضرت ام البنین (س)
(سبک : میگذرد کاروان)
همسر شیر خدا ، حضرت ام البنین
عمرونه پایان ویرور ، رحلت ائدور دلغمین
دورت اوغلون مادری ، غمدن اولور تا رها
وار یئری بو محنته ، آغلیا روح الامین
سینه ده بی شمار وار غمی
محنتی یاندیرار عالمی
****
جان دوداقیندان چیخور ، یوللارا حسرت باخور
منتظر عباسینه ، اشکی عذاره آخور
هر آنانون حقی وار ، اوغلون ئولنده گوره
نار فراقه دیلین ، یاندورر هجران یاخور
سسلنور عباسیم هارداسان
گل آنون تاپشوروی حقه جان
****
بذل ایلیور جانینی ، حضرت دادارینه
فانی جهاندان گیدور ، فاطمه دیدارینه
راز دیلین فاش ائده ، فاطمیه فاطمه
سینه ده گیزلین سوزون ، عرض ائده دلدارینه
وار سوزی سینه ده بیکران
غصّه لر یورقونی باغری قان
****
اولمادی آگه بیری ، قلبینین احساسینه
گیدی قرا روز و شب ، دورت اوغولون یاسینه
هر گون عزا ساخلادی ، کرب و بلا شاهینه
وای بالا وای سسلیوب ، آغلادی عباسینه
هر سوزی اولوبدی ابوالفضل
یاحسین یاحسین عون و فضل
****
تک تکینی اوخشیور ، نوحه دئیور اکبره
اشک مصیبت توکور ، قاسیمیلن جعفره
فاطمه نون اوغلونا ، فاطمه ماتم دوتور
گوز یاشی جاری ائدور ، تشنه ئولن اصغره
اصغرین حالینه آغلییر
درد و غم قلبینی داغلییر
****
ام الشهیدان مدام ، باشه قرا باغلیوب
کرب و بلاده اولان ، حادثیه آغلیوب
قانلی منادن اونا ، سو سوزینی کیم دئیوب
ساقی یه لب تشنی یه ، آهیله دیل داغلیوب
ساقی لب تشنه وای بالا
مرقدون اولوبدی کربلا
**
بایرام قیچلوئی (غملی)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
روضه حضرت ام البنین
مزاره گوزیاشی سوغات آپاردی ام البنین
مزاره گوزیاشی سوغات آپاردی ام البنین
غم وملالیلن عمرین قوتاردی ام البنین
لایلای ننم لایلای آی ننم
آلله....اوغولسوز اولدی اللهی اوغولارین آناسی
ئوزی بقیعده یاتیب کربلاده دورت بالاسی
بو گئجه یانا یانا دِییر ابالفضل ئولورم ئولورم
(نه حالون وار؟؟..نه گوزل یاس ساخلادون ابالفضلین آناسینا...سیزی اباالفضل بومجلسدن الی بوش یولا سالماسین
آی دردی اولان ....آی امیدیلن گلنلر
آخ..آخ...اوغولسوز اولدی اللهی اوغولارین آناسی
ئوزی بقیعده یاتیب کربلاده دورت بالاسی
اباالفضل..اباالفضل .آقا آنون ئولنده بوش ائوین بوجاقینده
دیَلَّر قالموشیدی پرچمین قوجاقینده
اباالفضل او قانلی عَلَمین قویدی اورگینین باشینا
اِیله یانایانا دِییردی بالا اوجا بویووا ننون قوربان...آی ابالفضل ۳
خیالی قبریوون اوسته گونوزلرآغلاردی نجور؟؟
گلردی قبرستان بقیعه.... دَنه قبر دوزَلدردی خانم
یوزون قویاردی اوقبرلرین اوسته
دییَردی بوعونومون قبریدی..بوفضلیمین قبریدی بو جعفرین قبریدی
بودا ابالفضلیمین قبریدی
خیالی قبریوین اوسته گونوزلر آغلاردی
گئجه گلردی ائوه مشکیوی قوجاقلاردی
نه دییردی؟؟
اوغلی ئولن ننه مجلیسده اولسا منی باغیشلاسی
آلله نه چتین اولار ننه نین جوان بالاسی ئوله
ائوده نشانه سی قالا...یادگاری قالا
آی بالا یِ یِ
خیالی قبریوون اوسته گونوزلر آغلاردی
گئجه گلردی ائوه مشکیوی قوجاقلاری نه دییردی؟؟
ایله کی مشکی آلاردی قوجاقینه
یانا یانا دییَردی..اباالفضل قانه باتان مشکیوه ننون قوربان
خجالتیندن آخان اشکیوه ننون قوربان
عمروم سنه قوربان آقا--ننه وین یاسینه گلمیشوخ آقا
اَلی بوش یولاسالماآقا--جانیم سنه قوربان آقا
باخ بوسوزی کی دییرم بونی ننه لر بیله لر
بیرننه نین اگر غیرتلی،قهرمان،پهلوان اوغلی اولسا
گورَرسن آتا آناسی چوخ فخرایلر
هریئره گئدنده افتخاریلن گئدر
مدینه ده دَ ام البنین هریئره گئدردی
دییَردیلر یول ورین بونا بواباالفضلین ننه سیدی
ام البنین یانا یانا دیردی اوغول اوغول بالا
من گئدن وقتیده هرمجلیسه هرانجمنه
بالا یئر وِرَردی ننه لر،عرشه مجلسده منه
بالا هامیدان یوخالاری ننه یوز اَیلَشَردی
بالا دییردیلر یول وررون قویون اباالفضلین ننه سی گلیر
اما بالاسن ئولندن صورا بالا ظلمیدی گوردوگی گونن دالی هرکیمسه قالا
ایندی هیچ مجلیسه دعوت ایلین یوخدی بالا
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
احوالات حضرت ام البنین (سلام الله)
لیک او خاتونه ویروللر نسبتین
بو نچه اشعار درد و محنتین
اوغلونا گویا بو عنوانه قریب
نوحه ایلردی او زار غم نصیب
وار دیردی کربلادن ببر خبر
قلبیمی اودلار صحیح اولسا اگر
نقل ایدولر وای منه قوم ظلم
اوغلومون قولارین ایلوبلر قلم
قانیلن الوان ایدوبلر گوز قاشین
سندروبلر بیر عمودیلن باشین
وار یری گلسم ئولنجه شیونه
وای علمدار اوغلوما ایوای منه
سن اوغول دعوا گونی بیر شیریدون
چوخ رشادتنمد با تدبیریدون
سن امان ویرمزدون اصلا دشمنه
دشمن ال تاپسون یاخون دوشسون سنه
بس الوندن تیغیوی آلمشدیلار
قولارون ازل یقین سالمشدیلار
یوخسا اولسیدی الون سالم سنون
ایلنمزدی او ظلمی دشمنون
اولمادیم کربلاده من اوغول
نعشون اوسته ایلیم شیون اوغول
جان ویرونجه من سنی یاد ایلرم
اوخشارام قان آغلارام داد ایلرم
گه گورنده یثربون عورتلرین
دولدوروردی اشگله چشم ترین
تاپشوروردی سیز منه بوندان صورا
ایتمیون ام البنین بیرده ندا
دورت رشید اوغلوم ئولوب دل داغلیام
تا حیاتیم وار گرک من قان آغلیام
سولدوروبلا کوفیان گلزاریمی
ئولدوربلر تشنه اوغلانلاریمی
باشیمی من ایمدی قاره سالمشام
آغلارام یانام اوغلسوز قالموشام
حضرت عباسه دنیاده نشان
بیر بالا قالمشدی چوخ شیرین زبان
چرخ حسنه بیر ایشقلی ماهیدی
بش یاشندا آدی عبداللهیدی
قامتا بیر سرو دل آرامیدی
چوخ خانم ام البنینه رامیدی
بو خانم باخدوقجا اول غنچه گله
اشگین ایلردی روان بی فاصله
اوغلی عباسون قد شمشادینی
یاد ایدوب هم ذکر ایدردی آدینی
چوخ گونون شهزاده عبداللهلن
آخشام ایلردی بقیعده آهیلن
یرده دورت قبرین ایدوب شکلین بنا
هر برین نسبت ویروب بیر اوغلونا
ایله اوخشاردی او رنجور الم
هر گچن آغلاردی ساخلاردی قدم
بیر گونی مروان او بی رحم شرور
ایلیوردی مرکب اوستنده عبور
گوردی بیر ناله گلور آرام آلور
بس موثردی دله آتش سالور
(بوی دل کباب من آفاق را گرفت
این آتش درون بکند هم سرایتی)
مرکبین چکدی لجامین هولیدن
سویلدی کیمدور بیله ناله ایدن؟
قلبیمی درده گتوردی ناله سی
سنگ خارایه موثردور سسی
اوز غلامی ویردی اول شومه جواب
مادر عباسدور بو دلکباب
اول شقاوتلن او شوم کین شعار
آغلادی یاندی، دئدی چوخ حقی وار
گرچه بو عورت جهانی داغلیوب
جان ویرنجه آغلاسا آز آغلیوب
شاعر : مرحوم شهاب
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کربلایی مهدی قلندری
مقام حضرت ام البنین
فخر نسوان بنی هاشم و اولاد خلیل
شامل موهبت حضرت خلّاق جلیل
نفسینون عزتی عالی،نسبی پاک واصیل
فاطمه آدلی علینون حرم و هم نفسی
لقبی امّ بنین یعنی اوغوللار ننه سی
دهریده بو خانمون اوخشاری گلمور نظره
کیمدی دامانیده دورت شیر شجاعت بجره
عمرونون زحمتینی قویمادی گئتسون هدره
چیخدی دنیای فنائیله عجب کشمکشه
وئردی غیرت صودونی ساقی دشت عطشه
دامنیندن یتیشوب کرب و بلایه برکات
فدیه گاه حقه بو مادر علّیّه صفات
دورت فدا یوللادی بیردن ائلدی هاجری مات
آنالار ایچره مگر امّ بنینون تایی وار
او مناده خانمون هامّیدان آرتیق پایی وار
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت ام البنین (س) در مدینه
مرحوم انور
خیالیمه سالارام عون و جعفر و فضلی
ئولونجه اوخشیارام شیردل اباالفضلی
باشینون اوسته ئولن وقته اولمادیم نیلوم
آچوب بو زلف پریشانی یولمادیم نیلوم
اگر اولیدیم او چولده قیامت ایلردیم
بالاما دشت بلاده حمایت ایلردیم
نقدر ائدیدوم اگر آه و ناله دویمازدیم
کسیلن اللرینی توپراق اوسته قویمازدیم
همان او قوللاری جان تک سینمده ساخلاردیم
گلینجه قارداشی داده اؤپردیم آغلاردیم
حسینیمه او کسوک اللری وئرردوم ئوزوم
دیردوم آل بولاری ساخلا یوخدی منده دوزوم
فغان و آهیمیلن کائناتی داغلاردیم
حسین دینده بئلیم سندی منده آغلاردیم
قولاق وئرردیم اونون دقّتیله نوحه سینه
سسیمی منده قوشاردوم حسینیمون سسینه
دینده آچ گوزون عبّاس نور عینیم وای
دیردوم اوندا یقین منده وای حسینیم وای
او باشی اوسته نوا ایلینده آغلاردیم
ایاق طرفده ده من چکمه سین قوجاقلاردیم
یارالی سینه سی اوستن چکنده پیکانی
تزلزله گتورنده او دشت و صحرانی
دیردوم آغلا بالا اوخلارا ال آتما حسین
یاتوبدی نازیله عبّاسیمی اویاتما حسین
چتین اولوب سنه گر چه بو نوعی یانما بالا
باشینون اوسته اباالفضلیمون یوبانما بالا
سن آغلاسون غمیوه کوفیان ائدلَّه طرب
گئدک خیامه منیلن گوزتلیور زینب.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
🌹زبانحال حضرت ام البنین🌹
💠💠💠💠💠💠
فدای حضرت زهرا ئوزوم بالالاریم
حسینه عاشقم حتی ئوزوم بالالاریم
علوی غیرتیوه آی بالا آنان قربان
مرام و نیّتیوه آی بالا آنان قربان
سنی بویوتموشدوم حیدری سوئوندورسن
بله اصالتیوه آی بالا آنان قربان
باخاندا سرولره قدّ و قامتون گوررم
او سرو قامتیوه آی بالا آنان قربان
آتاننان اولماز ابوالفضل بیرده سندن اولا
وجود ندرتیوه آی بالا آنان قربان
آنانین ئولسه جوان اوغلی یاندیرار قلبین
حیات و رحلتیوه آی بالا آنان قربان
اوتوز بش ایل بویُوا باخدیم آغلادوم قورخدوم
فراق و هجرتیوه آی بالا آنان قربان
مثلدی دهریده قورخان گوزه دَیَر صدمه
گوزیوه صورتیوه آی بالا آنان قربان
دیردی دردینه خلقین گوزون سوزون هم ئوزون
ادب و همتیوه آی بالا آنان قربان
نجه یخلدون آت اوستن یره قولون یوخدی
او غملی حالتیوه آی بالا آنان قربان
قلج وران الیوه هم علم دوتان الیوه
سسیوه صولتیوه آی بالا آنان قربان
وطنده قالدی گوزی یولدا اوغلون عبدالله
شبیه خلقتیوه آی بالا آنان قربان
اوغول جوان ئوله قالسا بالاسی مشکل اولار
قالان امانتیوه آی بالا آنان قربان
قاپی آچقدی ولی یوخدی منزله گئت گل
غمین عمارتیوه آی بالا آنان قربان
منه دیوللر اوغوللار آناسی یوخ اوغلوم
دل و دیانتیوه آی بالا آنان قربان
___________________
استاد عینی فرد
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
مرحوم سید جواد ذاکر
هییت متوسلین حضرت علی اکبر(ع)تبریز
/channel/motavasselan
صاحب عصر میز عالمده امان اولسا گلر
غیبتیندن ، اگر ، امت نگران اولسا گلر
اوچ یوز اون اوچ نفرین کامل اولا تعدادی
بئش علامتدن اگر نام و نشان اولسا گلر
وار خبر شامیده طغیان ائده جک سفیانی
اولارین ظلمیلری قیمت جان اولسا گلر
سید پاک یمانی الکی اتدی خروج
کفریلن جنگی اونون ورد زبان اولسا گلر
مکه ده قتله یئتر نفس زکیه اوزمان
کوفه ده قان یئرین اوستونده روان اولسا گلر
آخرین واقعه بیرسسدی که گوگدن گلجک
خلق اوسسدن یرین اوسته نگران اولسا گلر
روش دینیله تنظیم ائدک اعمالمیزی
شوق دیدارینه شوروهیجان اولسا گلر
کوفه نین اهلی بیزه مایه عبرتدی اگر
محضر حضرته دوز نامه یازان اولسا گلر
سرو سامان وئریله صورت بازارمیزه
دانشقلاردا اگر صدق بیان اولسا گلر
شجر کینه و نفرت گونی گوندن اوجالیر
هرزمان بوآغاجین برگی خزان اولسا گلر
خلقی ابلیس آپارور دوزخه جنت آدینا
مین نفردن بئشی گراهل جنان اولسا گلر
(احسان) آنداولسون علینین شرف و عزتینه
صاحب عصرمیزهر یرده نهان اولسا گلر
بدرخانی میانجی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زینبم دریای غمدن چخمادیم بیر ساحله.
کوفده گوردیم بیر ایش آدیم دوشوب دلدن دیله.
قانیلن یازدیم اوصول عشقی چوب محمیله.
باش یاروب بیر کهنه عشقه تازه معنا ورمیشم.
هییت متوسلین حضرت علی اکبر(ع)تبریز
/channel/motavasselan
🔹🔹اللهم عجل لولیک الفرج🔹🔹
اللـرین سـالـدی ربـابیـن بـوینـونـا ام البنیـن .سویلـدی ای حضرت زهـرایـه ایستکلی گلین
بـاشیـوی سالمـا اَشاقـه. قلبـی یاندیـرمـا رباب بسـدی دای .ام البنینـی چـوخ اوتاندیرما رباب.
دورد جوان اوغلوم ئولوب شرمنده لیخ بسدور منه. گوزلریـن قربانیَـم بیـر خواهشیـم واردور سینه.
السـا امکـان سیـل اشکـی لطفیلـه سـد ایلمه.اللهـا خاطـر منیــم بـو عَـرضیمـی رَد ایلمه.
گوزلـریـم قـربـان سنـه منلـه مَقـال ایله رباب.اولســا امکـانـی ابوالفضلـی حـلال ایلـه رباب.
عُمـرومی وئـرم سنون گـوزدن آخان گوزیاشیوه.اوغلـومی عَفو ایلـه سـن دورام دولانان باشیوه.
https://telegram.me/joinchat/BQ1CKT3x959rXnaj_Kjibw
هنگامےڪه بشیر خبر شهادٺ حضرٺ عباس و دیگر فرزندان حضرت ام البنین رو آورد به بشیر گفٺ:
فرزندانِ من و آنچه در زیر آسمان اسٺ، فدای حسینم باد.
سالروز وفاٺ این بانوی بزرگ تسلیت باد
@motavasselan
شادروان استادسلیم موذن زاده
حضرت ام البنین (س)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج_بهرام عراقی_زاده
وفات حضرت ام البنین
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج محمد_باقر_منصوری
وفات حضرت ام البنین
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
وفات_حضرت_ام_البنین(س)
سنگ صبور حیدری
تو فاطمه ی دیگری
محمودکریمی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
درد دل حضرت امّ البنین (س) با حضرت عبّاس (ع)
گل کربوبلادن منه بیر آغلا ابالفضل
یانمیش سینوی محنتیمه داغلا ابالفضل
جان اوسته آنان ،قبر ائوینه گئتمه میش اوغلوم
گل الّریویله گوزومی باغلا ابالفضل
—------------------
پایانه چاتوب عمروم اوغول دادیمه تئز گل
گل حالِ پریشانیمی سن ایله محوَّل
هیجرونده اوغول ساچلاریم آغ اولدی مدلّل
بیر الّریوی قوی سینمه سوهرا ده دینجل
گل کربوبلادن منه بیر آغلا ابالفضل
گل الّریویله گوزومی باغلا ابالفضل
—------------------
هئچ بیلمزیدیم اوغلی اولَنلَر نه چکیلّر
یانمیش سینییه غملی بلادن نه اکیلّر
هر صبح مسا آخشاماجان قان یاش اَلیلّر
بیلدیم کی نیه سینه لرون غمده دَلیلّر
گل کربوبلادن منه بیر آغلا ابالفضل
گل الّریویله گوزومی باغلا ابالفضل
—------------------
عبدوالَّهیوه من دئمیشیدیم گله جاقسان
نازین ده چگیب، گوز یاشینی هم سیله جاقسان
بیر گون اولاجاق کی آتاویله گوله جاقسان
هئچ بیلمزیدیم کربوبلاده اوله جاقسان
گل کربوبلادن منه بیر آغلا ابالفضل
گل الّریویله گوزومی باغلا ابالفضل
—-------------------
زینب گتیروبدور منه سندن علم اوغلوم
فیکرون منی هئچ قویمادی بیر دم گولم اوغلوم
شرح ائتدی نجور قولّارین اولدی قلم اوغلوم
بیر بیله مصیبتده گرگدیر اولم اوغلوم
گل کربوبلادن منه بیر آغلا ابالفضل
گل الّریویله گوزومی باغلا ابالفضل
—------------------
فخر ایلیورم اوغلوم علمدار حسیندور
من نوکر زهرا او مددکار حسیندور
هم عاشق دلبسته دی،غمخوار حسیندور
هم کربوبلاده او سپه دار حسیندور
گل کربوبلادن منه بیر آغلا ابالفضل
گل الّریویله گوزومی باغلا ابالفضل
جواب حضرت ابالفضل (ع)
اوچ پر دیوب اوخ گوزلریمه آغلیا بیلمم
چارم ندی پس سینه میده داغلیا بیلمم
نهر اوسته آنا مشکه گوره مشکله دوشدوم
قولّا ر کسیلیب گوزلریوی باغلیا بیلمم
—------------------
شرمنده دی اوغلون آنا اصغر آناسیندان
گوز کولگه لیدور حضرت زهرا بالاسیندان
نهر اوسته یاتوب قانی آخور هی یاراسیندان
شرمنده دی اوغلون گوزوون باغلاماسیندان
اوچ پر دیوب اوخ گوزلریمه آغلیا بیلمم
قولّار گسیلیب گوزلریوی باغلیا بیلمم
—------------------
زینب یئته جک دادیوه ای اٌمِّ علمدار
چوخ غم یئمه آغلار عوضیمدن سنه دلدار
داغلار سینه سین حالِ پریشانیوه ، غمخوار
باغلار گوزووی من بیلورم هم سنه اوخشار
اوچ پر دیوب اوخ گوزلریمه آغلیا بیلمم
قولّار گسیلیب گوزلریوی باغلیا بیلمم
—------------------
عبدالَّهیمه سویله بابان گلمیه جاقدور
دای آغلاماسین گوز یاشینی سیلمیه جاقدور
غملرده یانوبدور اورگی گولمیه جاقدور
گوزلور یولووی هرکئجه فیکرینده اویاقدیر
اوچ پر دیوب اوخ گوزلریمه آغلیا بیلمم
قولّار گسیلیب گوزلریوی باغلیا بیلمم
اصغر الماسی اهری
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت ام البنین(س)
بهزاد قاسمی
سبک ها: الهی یانمیوم نجه ...
گلوب فغانه آغلارام
گزوب بهانه آغلارام
الهی دورت بالام منیم
باتوبدی قانه آغلارام
ئورگیم یانور اسور اللریم
منی گوزدن آتدی گوزللریم
بهارغمده سولموشام
بولوط مثالی دولموشام
اوغوللارین آناسیام
ولی اوغولسوز اولموشام
وطنیمده کیم یتیشور منه
دئیور آغلاما قره گون ننه
ائدر منه اثر گجه
اولار چتین سحر گجه
دولاننام ائوده صبحه جک
عصا الیمده هرگجه
بالا فکرینی آتا بیلمرم
نچه آیدی کی یاتا بیلمرم
گلوم سارالدی بیتمه دی
غمیم اورکده ایتمه دی
سفردن ای خدا منیم
گئدنلریم قییتمه دی
ئورک اوتلانار اولا گر سینیق
بلیمی بوکوب منیم آیریلیق
همیشه سینه داغلارام
باشیما قاره باغلارام
سوسوز ئولوبدی دورت بالام
سَرین سو گورسَم آغلارام
سسیمی سکوت عزا کسر
سو آدین دئینده دیلیم اسر
گرک که شال غم سالام
ئولونجه خونجگر قالام
یاتوبدی خیردا قبریده
دیولّه قهرمان بالام
علمین ئوپوب سینه داغلارام
باخارام سو مشکینه آغلارام
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت ام البنین
سبک : چوگیسوی تو ...
ئولور غملی آنون ای دردیمه درمان ابالفضل
چیخور خسته بدنن بو یورولان جان اباالفضل
گل ای ماه منور
وئرور جان غملی مادر
سنون هجرون ائدوبدی
یانان قلبی مکدر
گل ای نور عین
مه عالمین
قالوبدی یولدا گوزلر
غلام حسین
مه عالمین
قالوبدی یولدا گوزلر
ائدوب درد فراقون قلب زاری قان ابالفضل
اولا جان دوعالم آدوه قربان ابالفضل
منیم ای قهرمانیم
شجاعتلی جوانیم
سنی یاده سالاندا
آخور اشک روانیم
آنون خسته دی
سفراوسته دی
گوزوم نوری تز
چاتوبدی اجل
حسینیله گل
منه آغلیان یوخ
گوزوم یولدا قولاقیم سسده هاردا قالموسان گل
منی سن درد جانسوزفراقه سالموسان گل
گل ای ماه مدینه
دولوبدی غمله سینه
اوزون قولارون اولدی
ستون دین مبینه
آدوا فدا
اولوم آی بالا
باشیمی چوخ اوجاتدون
سن ای باوفا
یل کربلا
باشیمی چوخ اوجاتدون
ائشیتدیم لشگر کینه یولون اوسته دوروبلار
جانیم چیخسین بالا شهلا گوزونن اوخ وئروبلار
نجه من آغلامیوم
سینمی داغلامیوم
جماله اشک ماتم
نجه من باغلامیوم
وجودیم یانور
اورک اودلانور
گل ای نوردیده
گوزوم باغلانور
سینم داغلانور
گل ای نور دیده
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت ام البنین
ایخدا جان اوستیم نام ونشانیم گلمدی
گلشن عمروم سولور سرو روانیم گلمه دی
نهر علقمده یاتان شیر ژیانیم گلمدی
صاحب اون یدی منصب پهلوانیم گلمه دی
منتظر قالدی گوزوم آرام جانیم گلمدی
قهرمانلار قهرمانی قهرمانیم گلمه دی
ایخدا دل تنگه گلدی دلبریمدن یوخ خبر
صون نفسده عون و فضل و جعفریمدن یوخ خبر
جان دوداقیمدن چیخیرهیچ ایل لریمدن یوخ خبر
قاسمیم دن یا علی اکبریمدن یوخ خبر
زاده زهرا حسین تک سروریمدن یوخ خبر
یوخ منه چاره ابوالفضل جوانیم گلمه دی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت ام البنین(س)
مرحوم زایر تبریزی
بیرده خطاب ائتمیون امّ البنین منه
اوغلانلاریم ئولوبدی بو اولدی یقین منه
عبّاس و عون و جعفر و فضلین وجودینه
وئرمیشدی بو کنیتی حَبل المتین منه
معلوم اولور ئولوبله او نورس جوانلاریم
اولسون گرک انیس ئولنجه اَنین منه
دورت اوغلومی سوسوز یتوروبله شهادته
ماتم سرا اولوبدی بو روی زمین منه
هر دوردینون غمی اثرایلر منه ولی
عبّاسیمین او حالی اولوب دلنشین منه
ایوای منه دیولَّه سو اوسته دوشوب قولی
بیرده محال خوش گله یاد معین منه
ایلوب خسوف برج بنی هاشمون آئی
تیره ائدوب بو عالمی اول مه جبین منه
قطعه بقطعه دوغرانوب اعضاسی اوغلومون
بیرده قرار و صبر دل اولسون چتین منه
اوغلوم ئولوب یاتوب علمی مشکی اوخلانوب
ارسال ائدوبله قانه باتان پرچمین منه
هل من معین دیوبدی اولاردان صورا حسین
ایلر اثر ئولنجه او هل من معین منه
تا وار حیاتیم آغلارام ابر بهار تک
بیت الحزن جهانی ائدوب اهل کین منه
صد شکر اولا امامه اولار جان نثار اولوب
اوغلانلاریمدی ،ال ، گوز، امام مبین منه
صدمه گوزه گلنده ائدر دفع شر ال
تعلیم ائدوب بونی شه عرش آستین منه
دین اوسته جان ویروبدیله حقّیم حلال اولا
ائتموشدی کشف بو سوزی سالار دین منه
من «زایرم» یوخومدی لیاقت بو سوزلره
الهام ائدوبدی حضرت روح الامین منه
خالقدن ایسترم شب و روزی بو جمعیله
ائتسون نصیب بیر اولارین مدفنین منه
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حضرت ام البنین
سنه عباس اوغول دائم آنان ام البنین آغلار
سالار بلبل کیمی یاده پوزولموش گلشنین آغلار
اولا سندن صورا دنیا بوئی عمریم یوزوم گولمز
ئولونجه آغلاسام یانسام یانان دل سوزیم اسگیلمز
اوغول داغین اوغول اوغلی ئولندن اؤزگه سی بولمز
او آنلار بو نیه قویموش اورک اوسته الین آغلار
منیم فصل بهارینده گلستانیم خزان اولموش
جفای خاریدن باغریم بسان غنچه قان اولموش
ئولوبدور دورد جوان اوغلوم الف قدّیم کمان اولموش
منیم احوالیمی دشمن اگر گورسه یقین آغلار
بلا دشتینده اولسیدیم بو قدری نسگل اولمازدی
بیانِ نسگلیمدن عاجز و قاصر دل اولمازدی
بقیعون غملو قبرستانی دائم منزل اولمازدی
گذاری بو مزارستانه دوشسه هر کیمین آغلار
آناسیز اولماقون سالّام خیاله ایلرم شیون
او چولده اولمادیم دعوا ائدنده تا دیَم احسن
دیوللر چوخ شجاعت چوخ رشادت خرجه وئردون سن
حلال اولسون سودیم قویدون آناسین دشمنین آغلار
سن ئولدون یوخ سوزوم آغلار ئولونجه بو آنان قالدی
سمندر تک آلیشمیش دوشموش اودلاره یانان قالدی
یرون بوش قالمادی سندن نشانه بیر بالان قالدی
اودا من تک ائدر دائم سنه آه و انین آغلار
سن آل هاشمون ماهی بو چرخ حیدره اختر
اوجا بویلی اوزون قوللی شیرین دیللی قمر منظر
اوشاقلیقدان هامی رفتار و گفتاری سنه بنزر
سنی یاده سالور دوشسه گوزی هر کیمسه نین آغلار
گوزومدن قویمارام بیر آن کناره من بو ناشادی
کنارینده گل اهلی ، سُوَر چون سرو آزادی
اگر چه قویمارام چیخسون سپهره ناله و دادی
گوزیمه گوز تیکوب منله بِلَه بو مه جبین آغلار
دوشنده گوزلرینه گوزلریم ساللام گوزون یاده
دانشسا گَلسه گفتاره دوشر شیرین سوزون یاده
گلر گاهی دله آدون سالارسان اوز اوزون یاده
قویار گاهی گوزون قاشون گهی لعل لبین آغلار
منیم تک آتش هجره گمانیم یوخ یانان اولسون
خوشام بو یانماقا دلدن گرکمز که نهان اولسون
حسینه اولموسان قربان سنه قربان آنان اولسون
اگر چه ظاهراً اولموش پریشان و غمین آغلار
بو دورد اوغلومدان آرتوخ یاندیران نسگل حسینیمدور
حسینیم مهجۀ دلدور امیدیم نور عینیمدور
حسینیم علّت فریاد و داد و شور و شینیمدور
نه من تک آغلارام بلکه سماوات و زمین آغلار
حسین ئولدی چراغ خاندان مصطفی سوندی
حسین ئولدی پوزولدی عیشیمیز دورانیمیز دوندی
حسین ئولدی چوخ آغزین تلخ طعمه لذّتی چوندی
حسینون ئولماقیندان قالدی یکسر اهل دین آغلار
حسینون گورمیوب گورمز نظیرین عالَمِ فانی
حسینون ئولماقی ویرانه قویدی ملک بطحانی
حسینون ئولماقی درده گتوردی کون و امکانی
ائدر نوحه حسینه باش آچوخ روح الامین آغلار
سنی ای (حافظی) هر نه بولر شاه و گدا بولسون
سُوَر اهل حقیقت سؤموری اهل ریا اولسون
رجوعون اولماسین مخلوقیله سن بول خدا بولسون
اونی بول مؤمن منصف جزاده چوخ چتین آغلار
مرحوم حافظی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
السَّلاَمُ عَلَيْكِ يا صاحِبَ الزَّمانِ (عج)
مهدي‌اي‌کشتي‌عشقين ناخداسي هارداسان
مهدي اي طاها گلي زهرا بالاسي هارداسان
يوخدي هجرانه دوزوم جانا قوتار هجرانووي
گل مريض عشقووَم، دردلر دواسي هارداسان
وصفوه عاجزدي حالـيم اي گوزلّردن گوزل
بارگاه حسنده، ديلر صفـاسي ، هـارداسان
بارش باران رحمت، گـوز ياشوندا، مهديـا
گوزلرون‌قرباني اي‌گوزلرضياسي‌هارداسان
اي وجـودي خلقته باعث ايا صاحب زمان
اي حسينين باشينين ني‌ده نواسي هارداسان
خالووه قربان، اگـــرمين يوسف کنعان اولا
آزدي‌اي‌ارض‌وسماخالون فداسي‌هارداسان
اي خدانون جلوه گاهي ، اي علينون دلبري
معــــني آيات حقّين انتهاسي ، هارداسان
شوکتيم،شأنيم،جلاليم،اي اميديم،اي نگار
غربتيم وارعبدووَم‌عزّت‌خداسي هارداسان
خم‌غمينن‌جاميمي دولدورغمون محتاجيم
سائلم غم خانوه، غم مبتلاسي، هارداسان
هرگئجه گوندوز دالونجاکاتب‌عشقونن ملر
قويما‌چوخ محزون اولادل‌آشناسی هارداسان
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
سلام به امام زمان
اي امام منتظر مرآت يزدان السلام
گل ئوزون ائيله بودنياني چراغان السلام
السلام اي مهدي صـاحـب زمان
السلام اي جـدينون قانيـن آلان
سن او وجه الله باقي سن که اي شاه غيور
طلعت حسنوندن ائيلر ماه و انجم کسب نور
آتش هجرونده ياندوخ ائيله تعجيل ظهور
ابرغيبتـده قالان اي مـاه تا بان السلام
يئر يوزون دولدوردي جور و ظلم ياصاحب زمان
گلستان دينه هر دمده اَسور باد خزان
کسمه لطفون گُل لروندن اي وفالي باغبان
قيل نظر گلـزار دينه اولدي خندان السلام
غيبتون طول اولدي اي شمس هدي والا مقام
مدّت عمرون اولوب مين يوز اوتوز بير ايل تمام
شيعه لردائم فراقوندا سيزيلدار صبح و شام
اي وجودي پيـکر قرآن ايچون جان السلام
کشتي دينه ازلدن سنسن آخر ناخدا
دم بدم موجه گلور دريا کيمي بحر بلا
کشتي دين آزقالور غرق اولسون اي شمس هدا
السلام اي ناجي کشتـي قرآن السلام
انتظار مقدمونله اولدي بو ديللرکباب
هانسي ساعتدور اولا بوقانلي ديللر کا مياب
قيل ظهور اي چرخ دينه بير ايشقلي آفتاب
اي جمالين روحبخش مهر رخشان السلام
اسم پاکي حجّت حق مهدي قائم لقب
آغليان جدي حسينون ماتمين ده روز و شب
قويما جدّون قاني قالسون يئرده اي والانسب
السلام اي منتقم وي صاحب قان السلام
ايليوب ايما (اشاره) بومعنايه خداي لاينام
هرکسي مظلوم اُله آلسين وليسي انتقام
يئرده قالسين تابکي خون امام مستظام
اي ايدن عدليله بوعالمده ديوان السلام
ظلم دشت کربلادن اي اولان خونين جگر
روز شب غمدن توکن گُل عارضه اشک بصر
قيل ظهورون اي وليّ حق امام منتظر
وي ظهوري شيعيانه لطف شايان السلام
حاج جواد آدلو بوشعره باني اولدي مدحيا
قسمتي اولسـا سنيله گـرديـار کربـلا
اوردا بئيله ذکر ائله اولسون سنيله همصدا
عرض ائله ياحجت الله شاه عطشان السلام
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw