1504
آدرس اینیستاگرام http://www.instagram.com/motavasselan1 رجز نوحه های تصویری صوتی اشعارحسینی شور ارتباط با آدمین تبادل ارسال مطلب @YaAliAkbarMadadi
راه شام
..
..
محیر اردبیلی
..
..
ندندی چرخ همیشه عزیزی خوار ایلیور
دنی صفتلری عالمده کامکار ایلیور
..
سالور دمیر قفسه عندلیب شیدانی
ولی چمنده گولی همنشین خار ایلیور
..
دچار ایدر گوزل آهونی دام صیّاده
ولیک روبه مکّاری هوشیار ایلیور
..
تعجبّم نیه باغلور قولینی مظلومین
ندندی ظالمی بس صاحب اقتدار ایلیور
..
ایدر شقاوت ایچون پروریده نمرودی
خلیل حقّی ولی همجوار نار ایلیور
..
جهاندا قدرت بازو ویرور یهود لره
دوتوب مسیحی جفائیله سربدار ایلیور
..
حمایت ایلور همیشه ابولهب لردن
رسول اکرمی محتاج کوه و غار ایلیور
..
امیر امت اسلام ایدر معاویه نی
على قالور اونی خلقه زمامدارایلیور
..
حسین فاطمه نی ایلیور جلای وطن
یزیدی تخت حکومتده برقرار ایلیور
..
یارالی باشین اونون تاج ایدور جدا باشینا
منای عشقه آخور قانی لاله زار ایلیور
..
گوروم بو چرخی دایانسون مدار و سیریندن
کیمیله دشمن اولور کیمله سازگار ایلیور
..
خانملیقینی الیندن آلور على قزینون
دولاندیرور باش آچوق تیره روزگار ایلیور
..
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
بیر سوزوم واردی باجی عمده وصیّتدی سنه
سویگلی نازلی رقیَّم چون امانتدی سنه
جان سنون جان بالامون گرچه اذیّتدی سنه
آغلارام نالیه گورسم من او دردانه گلور
گوردی شه آز قالوری عمر گُلُستانی سولا
گل رضا اولمادی بلبل گوزی اشکیله دولا
خیمیه بیر دلیله زینبی سالدی یولا
ایله قارداش باجی گور عالم امکانه گلور؟
دیمه قارداشدان او دمده باجی دویدی گیدوری
جسمیدن مهر و وفا رختینی سویدی گیدیری
قتلگه ایچره ولی روحینی قویدی گیدیری
خیمه ده قارداشینا قورسون عزاخانه گلور
خیمه ده گوردیله گون باتدی قرا یللر اسر
بیر بیره سویلدی میداندا قیامتدی مگر
گوز تکوبلر یولا حیران گوره لر وار نه خبر
گوردولر زینبین اللر بویانوب قانه گلور
یتدی خرگاهه خانم دوره سین آلدی بالالار
باغبان اولماسا واضحدی که گُللر سارالار
دیه بولمور شه ئولوب، قلب لرین غم یارالار
بو محن ایله گران زینب نالانه گلور
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کربلایی عدالت جباری
۹۷/۱۰/۱۹
مدح امام زمان (عج)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
راه شام زبانحال حضرت رقیه
کوفیان گور نجه یاندردی منی
اشک محنتله بویاندردی منی
بی بی زینب منه رحم ایله دایان
کاروان گئتدی آدامسیز قالدیم
عمّه من چرخ حیا اولدوزیام
خاندانِ علوینون دوزویام
هامیدان یاخچی تانورسان منی سن
آتامون من دیلی شیرین قیزیام
بی بی زینب ...
بو فنا دهره کی گلدیم آنادان
منی نازیله یاراتدی یارادان
سیرِ اقبالیمی دؤندردی فَلَک
خوش گونوم گئتدی تماماً آرادان
چرخِ دون سالدی بلایه باشیمی
آتا قارداش منیم آتدی داشیمی
صود امر جیرانیما دلخوشودوم
اوچیلار اوخلادی غم یولداشیمی
سندروب چرخ دنی شهپریمی
حبس ائدوب دیلده شیرین سوزلریمی
باخورام قورخولی صحرایه مَلول
توکورم دامَنَه اشکِ تریمی
عمّه سن مندن اوزاق یاتمازیدون
درد و غم یولداشیوی آتامزیدون
ئولمَسِیدی منیم اللرده آتام
سن بو تئزلیکده منی آتمازیدون
سنه قربان بئله تک قویما منی
قورخورام اینجیده بو قوم دنی
یول قرانلوق من ئوزوم خردا اوشاق
یورقونام ساخلا گئدن قافله نی
شمر الیندن یایاقیم یارَه لَنوب
تشنه لیکدن دوداقیم پارَه لَنوب
ایستورم قافلیه ساری قاچام
یره گلمور ایاقیم یارَه لَنوب
سینه ده تنگه دوشوبدور نفسیم
بو فنا عالم اولوبدور قفسیم
بیر دایان قوللاریوی بوینوما سال
واردی آغوشیوه دلدن هوسیم
آز قالور قلبیمی غم تیری بُوله
بیر ترحُّم ائله بو خسته دله
منی چوللرده قویوب گئتسون اگر
ایلَرَم جدّیمه محشرده گله
غصّه دن ساغر صبریم جالانوب
تللریم گرد و غباره بویانوب
سسلورم هر کیمی من یوخدی جواب
اوره گیم لاله مثل پارچالانوب
عمر شیرینه چاتوب دستِ عدم
آتورام صحنۀ مُحنتده قدم
غرق دردم نه دوا وار نه طبیب
نیلیوم بس بو چوله نابَلَدم
بختی قاره اوشاقام خونجگرَم
برگ گل تک غم الینده اَسَرَم
یتشون دادیمه اللهه گوره
یوخدی الدن دوتانیم دربدَرَم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ای نگار عالمین زهرایه نور دو عین
گینه دوشوب باشیما شوق بین الحرمین
حاج_امیر_بالایی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
عشقینده گلوب قانلارمز جوشه اباالفضل
قسمت ائله قبرین آلاخ آغوشه اباالفضل
اون یئدی گوزل منصبی شأن و لقبین وار
الله دا چوخ ایستر سنی بس که ادبین وار
احسانوه قربان هاممزدان طلبین وار
عالملره عشق ئورگدن عالم سنی سسلر
درد اهلی گورنده قره پرچم سنی سسلر
یاران سیه پوش محرم سنی سسلر
سقای حرم عشقوه عشق اولسون اباالفضل
دریای کرم عشقوه عشق اولسون ابالفضل
❤️یا ابوالفضل العباس❤️
https://telegram.me/joinchat/BQ1CKT3x959rXnaj_Kjibw
کوچ از قتلگاه
✍هوشمند تبریزی
ائتدی دین یولوندا آخان قانین
کربلا چولون با صفا حسین
زینبین گئدیر کوفیه قوناق
بیله یاتما دور سال یولا حسین
جانیمیز بو جانه فدا حسین (۲)
دور ایاقه بیر خواب نازیدن
ای منیم پناهیم نه یاتمیسان
بستر ائتمیسن قانلی توپراقی
زینبی غمینده قوجاتمیسان
کربلا چولون ائیلدین وطن
حقه باش وئریب باش اوجاتمیسان
ای اومید عالم اویان ندن
اهل بیتوی گوزدن آتمیسان
باغریمیز دونو ب قانه غصه دن
یوخدی بیر نفر آشنا حسین
دور ایاقه سال زینبی یولا
درد و غصه دن باغریقان گئدیر
شام و کوفیه جبریله بو گون
سندن آیریلیر کاروان گئدیر
دفن ائدنمدی نعشیوی باجین
هر یئره گئده ناگران گئدور
قتگاهه باخدوقجا قلبیمه
غم گلیر اورکدن توان گئدور
یوخ امان اقلی باجون سنه
قتلگهده دوتسون عزا حسین
وار یئری بو غم واردی تا نفس
آل حیدری یاندیرب یاخا
ویرمدي سنه قاتلین سودان
چوللره فراتی آخا آخا
یوخدی جسمیده صاف یئرین حسین
اولموسان نشان نیزیه اوخا
بیر کس اولمادی یاراولا بیزه
دفن ایداخ سنین نعشیوی اخا
هاردا واردی سن تک فدا اولان
یا کی کربلا تک منا حسین
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
آرزوی زیارت و عرض ارادت به امام حسین علیه السلام
اولموشام مدّتدی قبروندن حسین دور آغلارام
ئولمه سم گلّم، اورکده وار بو منظور آغلارام
روحیمی غم منجنیقی ای خلیل حق سخار
صبر سرحدّین فراقونده گوزوم یاشی یخار
کربلا آدی گلنده هوش باشیمدن چخار
اشکیله اسمون قیلوب صورتده مسطور آغلارام
هر کس اولدی دهریده بیر مه لقانون عاشقی
منده اولدون بیر حسین بیر کربلانون عاشقی
رسمیدور عاشق اولار نی تک نوانون عاشقی
اولموشام سرپنجه ی عشقونده مقهور آغلارام
غصّه دن قانیله دولموش گوگلومون پیمانه سی
اولموشام عشقونده من بیر نحویله غم خانه سی
آدیمی سسلر حسینیلر حسین دیوانه سی
ایلیوب عشقون منی دیوانه مشهور آغلارام
من گدا، سن بیرجه شاهنشاه گردون بارگاه
گیزلین عشقیم وار سنه آگهسن ای سرّ اله
گر گدا شاهه اولا عاشق دگل شاها گناه
عشق جرم اولسا وارام جرمیمده معذور آغلارام
من گنه کاری آقا درک ایتمه میش پیک اجل
گوشه ی چشمیله بیر لطف ایله ای صبح ازل
یا منی ایسته گَلیم، یا جان ویرن وقتیمده گَل
گورسون عزرائیل الیمده واردی منشور آغلارام
گر منی ایتسه مخیّر کردگار ذوالمنن
کربلانی ایستوسن یا روضه ی رضوانی سن
ایسترم کرب و بلانی، نیلورم فردوسی من
قبریوه قالّام مجاور تا دم صور آغلارام
بیرده گورسیدیم تاپوب کام دلیم کامل حصول
دورموشام شاها رواقوندا، گوگل زار و ملول
دیده گریان، سینه سوزان، ایستورم اذن دخول
لذّت وصلوندن اولّام شاد و مسرور آغلارام
ایلورم بیر عمریدور شش گوشه قبرون آرزو
شوط ایدم قبرون، قیلام اشکیله گردین شست‌و‌شو
محشره بو خدمتیله اخذ ایدم بیر آبرو
اولماسام بو خدمته ای شاه مامور آغلارام
بیرده گورسیدیم اگر بالای سرده دورموشام
کاسه ی چشمی سرشک چشمیله دولدورموشام
اکبره پائین پاده بزم ماتم قورموشام
فاش ایدوب قویمام قالا بو عشق مستور آغلارام
رحم ایله بو بی پناهین دیده ی گریانینه
قویما ممزوح اولسون اشک حسرتی دل قانینه
گوگلوم ایستور قبریوی آند اولسون اکبر جانینه
یتمسم وصله گوزیمده واردی تا نور آغلارام
سن دگلدون سخت دل ای معدن رحم بشر
چوخ ووروبلار قلبیوه اوخ فرقه ی بی دادگر
قلبون اوخلار ایلوب آهن، گوز یاشیم ایتمور اثر
آغلارام قیلّام سنی تا رحمه مجبور آغلارام
نیلیوم یتمور الیم ای شهریار مُستظام
بوینی چیگنینده دوروب ویرّم اوزاقدان بیر سلام
السّلام ای جان ویرن کرب و بلاده تشنه کام
ایلرم قبرون مجسّم زار و رنجور آغلارام
السّلام ای حق یولوندا جاه و عزّتدن گیچن
السّلام ای سو یرینه لخته لخته قان ایچن
السّلام ای اوز الیله اوغلونا خلعت بیچن
وصل اکبردن ایدن لیلانی مهجور آغلارام
السّلام ای سو ویرن قانی بلا صحراسینه
السّلام ای آدی زینت هر بلا طغراسینه
السّلام ای غرق اولان کشتیسی قان دریاسینه
سالدی ساحلدن مخالفلر سنی دور آغلارام
السّلام ای ذات پاک کردگارین مظهری
السّلام ای لفظ ثاراللهین عالی مصدری
السّلام ای وتر موتورین مترجم مُضمری
قان ایدوب گوزیاشیمی بیر وتر موتور آغلارام
السّلام ای سو کنارینده لب عطشان جان ویرن
السّلام ای قوملار اوسته جسمی بی غسل و کفن
السّلام ای نیزه ده گون تک باشی شامه گیدن
یاد ایدوب احوالیوی ای نحری منحور آغلارام
السّلام ای مصرعی قانیله دریا تک دولان
السّلام ای غسلی قانی توپراقی کافور اولان
السّلام ای نعشی اوسته زینبی زلفین یولان
زینب آدی آرتیرور باشیمده مین شور آغلارام
مُلتجی دور بو «حسینی» یا حسین آگاهسن
بیر گدای رو سیه دور، سن سخی بیر شاهسن
ای قتیلُ العبره، اشک چشمه خاطر خواهسن
ایستورم سنلن اولام محشرده محشور آغلارام
مرحوم استاد حسینی (سعدی زمان)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حسینه ای یار مهربان، یاتما دور گیداخ قارداش
آچـگوزلرون باغریم اولدی قان، یاتما دورگیداخ قارداش
خیام و خرگاه عصمتدن ایندی تا سسون آلدیم
گلیردیم امدادیوه چاتان یول بویول اوستن سالدیم
گوردوم یولدا قولارون دوشوب بولدوم قارداشسیز قالدیم
داخی دیزیم گلموری اینان یاتما دور گیداخ قارداش
یولوی گوزلور باجیم زینب ایندی قارداش پیور آغلور
یانایانا گلعذاریمه سیل اشکینی باغلور
دورور یولا ناگران باخور قارداشیم دیور آغلور
نه بی مروتدی اوخ آتان یاتما دور گیداخ قارداش
دیمدیم نهری گیدوب خیمه لره دوندره سن
یاکه بیر مشک سوا بیرگوز ایکی قول ویره سن
اوخ آتان گر چوخودی مشکی آتیدون یره سن
اولماسیدی سو اورک بیربیله چیرپینمازدی
نه او قولار کسیلردی نه بیلیم سینمازدی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
صحبتهای شنیدنی شادروان سید جواد ذاکر
@motavasselan
شجاعت حضرت زینب کبری (س)
مرحوم حاج بیوک آقا اعظمی تبریزی
کوفه ده زهرا قیزی محشر نمایان ایلدی
باشلادی بیر ایله خطبه خلقی حیران ایلدی
ادامه در ادامه ی مطلب
کوفه ده زهرا قیزی محشر نمایان ایلدی
باشلادی بیر ایله خطبه خلقی حیران ایلدی
استقامتله او دم صدّیقه ی کبری قیزی
اوج همّتده آچوب پرچم شه بطحا قیزی
ایتدی اوّل باشدا محکم معجرین زهرا قیزی
آی کیمی گون صورتین ابر آتدا پنهان ایلدی
دُر نثار ایتسون حیانین با ادب گنجینه سی
باشلیوب بیر خطبه زهرا قلبینون آئینه سی
آل سفیانین او دم تعطیل اولوب کابینه سی
حقّ و حقّانیّتی دنیایه اعلان ایلدی
گوردی کوفه ازدحامین زینب والا مقام
سسلنوبدور اُسکُتوا، آیا ندور بو ازدحام
قطع اولوب سسلر، دوشوب سسدن جرسلرده تمام
حیدر کرّار گویا عزم میدان ایلدی
بیر شجاعت گوستروب اول دمده دخت بوتراب
کوفه نین وضعین دگیشدی زینب علیا جناب
دگدی کوفه بیر بیره باشلاندی شور و انقلاب
بو وقایع آل سفیانی پشیمان ایلدی
کوفه ده ظاهر اولوبدور صولت شیرخدا
بیر بیره سویلوب گلوب یوخسا علیّ المرتضی
کیمدی بو محملده سالموش عالمه شور و نوا
نطقیله بنیان ظلمی بیله ویران ایلدی
نوری ظلمتده گورن سویلوب گونوزدی شبدی بو
بو جسارتده اسیر اولماز عجب مطلبدی بو
واضح اولدی خلقه تا زهرا قیزی زینبدی بو
عشقینی تصدیق اهل کون و امکان ایلدی
زینبیکه درس عشقی مرتضادن مشق آلا
بیر وجودیکه اونی باشدان ایاقه عشق آلا
کیم شهادت ایستسه اوندان گرک سرمشق آلا
کیم دیر عشقینده زینب ذرّه نقصان ایلدی
ایستدی گفتاریله شخصیّتین ویرسون نشان
گلشن زهراده سویلوب بیر گلم عنبرفشان
زینبم جدّیم پیمبر، کیمده وار بو عزّ و شان
خارجی آد قویدی قوم دون نه عنوان ایلدی
دین یولوندا دستگیرم خوشدی خون دل ییم
اگنیمه رخت اسارت دینیم امر ایلوب گیم
ناقه اوسته سیزلره هر یرده درس دین دیم
چون منه بو حکم شرعی حیّ رحمان ایلدی
گوهرم گنجینه ی عصمتده من زهرا روش
ایلیوب زهرا منی بو گوندن اوتری پرورش
ایلیم اثبات حق ای کوفیان بدمنش
هانسی بیر ملّت امامین قانه غلطان ایلدی
اول کسوک باش که گورورسوز شاه عطشان باشیدور
مصطفی دلبندی زهرا جسمینه جان باشیدور
هیکل توحیددور معنای قرآن باشیدور
اصل قرآن اوسته مظلوم اهل قرآن ایلدی
لعل لب آچدی او دمده شاه عطشان نیزه ده
خلقی تبلیغات ایدوردی دینه هر آن نیزه ده
باشلیوبدور بیر گوزل صوتیله قرآن نیزه ده
ناطق قرآن سسی دنیانی حیران ایلدی
گوردولر آیات حقّی حجّت یزدان اوخور
بیر بیره سویلوب کسوک باش گور نجه قرآن اوخور
خارجی اولسا ندن بس آیه ی سبحان اوخور؟
بو حسیندور جان و مالین دینه قربان ایلدی
گوردی زینب صوتیله قرآن اوخور شاه زمن
سسلنوب به به بو دلکش صوتیوین قربانی من
ایتماقا قارداش تماشا صف چکوبلر مرد و زن
خلقه آندور اهل کین ظلمینده طغیان ایلدی
سن کسوک باشیله من قول باغلی ای شاه حجاز
ایلیاق هر نحویلن اسلام و دینی سرفراز
سن حسین قرآن اوخی من خطبه اولسون کشف راز
بولسون عالم بیزلره ظلم آل سفیان ایلدی
نیزه ده باخدی گوروب عشقین قطاری لنگ اولوب
درد و غمدن وسعت دنیا گوزونده تنگ اولوب
ووردی باشین محمله قارداشیله همرنگ اولوب
دلده کی عشقین او گون دنیایه اعلان ایلدی
باجی قارداش دین یولوندا ایلیوبلر اتّحاد
حقّی اثبات ایتدیلر رسوا اولوب اهل عناد
بولدولر دینین ایوین ویران ایدوب ابن زیاد
بو اسفلی حاله دشمنلرده افغان ایلدی
کمترین بیر نوکرم من اعظمی دور شهرتیم
یازدیقوم اشعاریدن گرچه واریمدور خجلتیم
بو ملک درگاهه امّا ظاهراً وار نسبتیم
باطناً گورسم نظر شاه لب عطشان ایلدی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
_مرحوم_انور
ورود_به_شام
قرا گونه او زمان قالدي زينب عليا
قريب شامه يتشدي قطار آل عبا
نجه يتيشديله سوز چوخدي شرحي مشكلدي
ديوم عريضه ويريم گر چه عمده نسگيلدي
حسين باشي گونه بنذر دالندا اولدوز وار
گلن او باش داليسيجا نچه اوغولسوز وار
علي قيزي اوتوروبدور شكسته محملده
تكوبدي گوز اونا بير عده خيرداجا قيز وار
اوزاق سفر ايليوبلر چكوبله درد فراق
سولوبدي رنگلري يوزلرين دوتوب تپراق
او خورداجا بالالار شمر دون طلسمينده
باخان دئير بولارون روحي يوخدي جسمنده
ز بس كه شمر ستمگر قويوبدي ظلمه اساس
اوجا سسي ائشيدن وقته ايليولر هراس
رقيه ني خبر آلما نه حالدا رنگي قاچوب
گورنده شمر اوني هر يرده تازيانه آچوب
دئنمورم تيكان اوستونده هي قاچوب يخيلوب
دوه نون اوسته او بيچاره قوش كيمي سيخيلوب
باخار جداده گوز آلتيجا اكبرين باشينا
سوزون دينميور اما يارالي قارداشينا
او وقته شمر دني ترك كاروان ائتدي
يزيد حضورينه كسب اجازيه گيتدي
ويروبدي مژده فتحين او مرد خون آشام
دئدي ايدوم نجه آل عباني داخل شام
او بي حيا دئدي من غرفه ده رجاليلن
اوتورمشام باخورام شوكت و جلاليلن
گيدوب حسين حرمين قزلارين گتور شامه
ورودي ده گرك اجرا اولا بو برنامه
بو داش اولان اورگيمده بير آيري نيت وار
توقف ايله او دروازه ايكه ساعت وار
گر ايسته سون ايده سن فكريمي منيم راحت
اسيرلر گرك اوردا دايانسون اوچ ساعت
حسين باشيني جدا اوسته ساخلياندا ئوزون
باخوب بو غرفه نون اوسته منه دوشنده گوزون
خدنگ ظلم او زمان قلب عالمه دگسون
جداني اگ منه زهرا بالاسي باش اگسون
باش اگمدي منه چون ساغليقيندا سبط علي
بو آرزومي گرك ايندي ائلييم عملي
باجيسينا نه قدر نسگيل اولسادا اولسون
بالاجا قزلاري باشيني يولسادا يولسون
يوزينه نازلي بالالارينون ويرون سيلي
بالاجا گوزلري قانيله دولسا قوي دولسون
او بي حيايه ايليكي يتيشدي بو فرمان
جفا و ظلم و عداوتده قويمادي نقصان
گرك بو يرده سرشك بصر دونه نهره
گورك نه حاليله زينب گلوبدور اول شهره
علي قزيدي گورك كيم گيدوبدي پيشوازه
و يا او غمكشه مسكن اولوبدي دروازه
يوخيدي ذره اي نقصاني طمطراقينده
حسين گلور باجيسي زينبون قباقينده
داياندي قافله ساعتده اضطرابيله
همان زمانيده شمر لعين شتابيله
اراده ايتدي جفا تيري عالمه دگسون
جدا باشيندا حسين تا يزيده باش اگسون
همان زمانيده معجز نما كسوك باشدان
تلالو ايلدي نور خدا كسوك باشدان
يزيد چشمنه گويا بير اوخ چخوب دگدي
به فوري دوشدي يوز اوسته حسينه باش اگدي
دئين يوخيدي او شمره اوتان حيا ايله
عزيز فاطميه ظالم آز جفا ايله
مجازي اوخ بلي لوح حقيقته دگمز
حسين جداده ده اولسا يزيده باش اگمز
اوتانمادي گنه اول شمر بي حياي شرور
بير آيري ظلم ايلسون ايلدي ئوزون مامور
دوشوب بو فكره دل كايناتي يانديرسون
بنات فاطمه ني شهريده دولانديرسون
حسين عياليني گور شهر چار راهينده
قالوبدي يوزلري ابر سيه پناهينده
بو سوزي عرض ائدورم گر ئورك داش اولسا يانور
ياخونلاشان اولارا خارجي دئور دايانور
امام ئولوب اوزينه خون كبريا ياخيلوب
نيه او شاميده بس اللره حنا ياخيلوب
نيه علي قيزينون يوخدي سس وئرن سسينه
نيه چكوله قطاري يهود كوچه سينه
حسين كه نيزه نون اوستونده كشف ايدور اعجاز
نيه او قانلي باشي داشلار ايليور پيشواز
لباس قاره اونون خيردا بير قيزي گئينوب
نيه او شامون اوشاقلاري قرمزي گئينوب
امام ساجده باخ رخت محنته بوكولور
مريضدور باشينا باملردن اود توكولور
حسين كه قاسمه طوي ائليوب او غملي چاقي
عروسي ناقه نون اوسته هاني عروس اطاقي
گوروله اوغلي ئولوب محنت و غمي چوخدور
نيه او غمزده ليلاني دينديرن يوخدور
دئين او منقذه يوخ اودلانور فراقينده
اوغول باشين آنانون ساخلاما قباقينده
وئروب او غمزديه دل ياراسي ائنجيتمه
جدانون اوسته دي نورس بالاسي ائنجيتمه
او قدري سسليوب اكبر گلنده يوللاردا
رمقي يوخدي باتوبدور صداسي اينجيتمه
او باشي وئر آناسي پاك ائدوب يوزين سيلسون
گلوب ترحمه الله رضاسي انجيتمه
اوغول باشي سينه سي اوسته شهرده گزسون
بله هامي بودور اكبر آناسي ائنجيتمه
ويرنده جان ملك الموته گل بويور شاها
بو ((انورون)) واريدور چوخ خطاسي ائنجيتمه
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زنده یاد حاج محمدباقر منصوری
امان او وقتیدن الله که شمر بی ایمان
(روضه قتلگاه)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
دیر راهب
..
..
..
..
شهاب پور اهری
..
..
..
..
ای قویان عالملری عشقینده حیران یاحسین
قویما زهرانی بیله چوللرده ویلان یاحسین
..
..
..
..
نیزه باشینده گزن ای چوللری شام و سحر
داغ هجرون ایلیوب من غمکشی خونین جگر
آچ او قانلی گوزلرون احوالیمه قیل بیر نظر
اولموشام صبح و مسا زار و پریشان یاحسین
..
..
..
..
هر یئره گنتسن اوغول گلّم دالینجا دربدر
کوفه و شاماته یول سالّام گوزومده اشگ تر
جنّتی ترک ائتمیشم سنله اولام تا همسفر
وار باشیمدا چون بولورسن عهد و پیمان یاحسین
..
..
..
..
دیر ترسادور بورا یا بزم عشق عارفان
طور سینادور کلیسا نور حق اولموش عیان
آی طلوع ائتموش بو یئرده انجم انتموش آشیان
نطقه گل ایله اؤزون بو سری اعلان یاحسین
..
..
..
..
ای عزیز فاطمه وی محنتی لا ینتهی
ناله ی ناقوسدن تاپدی تزلزل نه سما
قانلی باشیندن گرک عیسی و یحیی درس آلا
جبرئیل اولسون گرک بو یئرده دربان یا حسین
..
..
..
..
راهبی قانلو باشون سرّی مسلمان ایلدی
پیرو اسلام و دین هم اهل قرآن ایلدی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
روضه حضرت علی اکبر
مرحوم_سیامک_رزمی
https://telegram.me/joinchat/BQ1CKT3x959rXnaj_Kjibw
حضرت ابوالفضل علیه السلام
دور ایاقه آی ابالفضل ای امیر لشگریم
قالمیشام میداندا یالقیز دور وفالی یاوریم
آی منیم آرخام ائلیم
غصه دن سئندی بئلیم
ای بنی هاشم هلالی ای علمداریم اویان
ای فرات اوسته حسینون گؤزلرین آغلار قویان
ائللرین معشوقی سن سن عاشقم قارداش سنه
دور بئلیم سئندی ابالفضل ال چالور دشمن منه
آی منیم آرخام ائلیم
غصه دن سئندی بئلیم
انتَ نورُ انتَ بدرُ فی السمائِ عترتی
انت محبوب الحسین یا اخی یا حیلتی
سن گونشسن آیدین آیسان سن حسینین یاریسن
سن حریم مصطفانین یار و پرچمداریسن
آی منیم آرخام ائلیم
غصه دن سئندی بئلیم
آلدیم ادرکنی صداسین خیمه دن دوشدوم یولا
یئرده نخلستاندا گؤردوم قان سپوبسن صاق صولا
آند وئررم مرتضایه آند وئررم جدیمه
دور اخا قانلی گؤزون آچ باخ بوکولموش قدیمه
آی منیم آرخام ائلیم
غصه دن سئندی بئلیم
آسمان محنتیمده وای اولا اولدوزلارا
آیریلور روحین بدندن وای منه وای قیزلارا
باشوی قوی سینم اوسته آغلیوب ایوای دیوم
سن منه آغلا ابالفضل من سنه لایلای دیوم
آی منیم آرخام ائلیم
غصه دن سئندی بئلیم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
عباسم علی اوغلی علی صولتیم من
سیمای سخا روح وفا صورتیم من
گنج شرفین گوهریم ثروتیم من
شریان شرافتده کی قان غیرتیم من
غیرتده علی دولتینون عزتیم من
دیباچه دین و شرفم سیر صفایم
سرمایه صلح حسنم صبره صدایم
کعبه مدی حسین بن علی قبله نمایم
بازوی علی زور علی دست خدایم
یعنی او یدالله علینون قدرتیم من
@motavasselan
السَّلاَمُ عَلَيْكِ يا صاحِبَ الزَّمانِ (عج)
مهدي اي کشتي عشقين ناخداسي هارداسان
مهدي اي طاها گلي ، زهرا بالاسي ، هارداسان
يوخدي هجــرانه دوزوم جانا قوتار هجرانووي
گل مريض عشقووَم،دردلر دواسي ، هارداسان
وصفوه عاجزدي حالـــيم اي گوزلّردن گوزل
بـارگـاه حسنـده، ديلـر صفـاسي ، هـارداسان
بارش باران رحمت ، گـوز ياشوندا ، مهديـا
گوزلرون قرباني اي گوزلر ضياسي ،هارداسان
اي وجــــودي خلقته باعث ايا صاحب زمان
اي حسينين باشينين، ني ده نواسي، هارداسان
خالووه قربان ، اگـــرمين يوسف کنعان اولا
آزدي،اي ارض و سماء،خالون فداسي،هارداسان
اي خدانون جلوه گاهي ، اي علينون دلبري
معــــــــني آيات حقّين انتهاسي ، هارداسان
شوکتيم، شأنيم، جلاليم، اي اميديم، اي نگار
غربتيم وار، عبدووَم ، عزّت خداسي ، هارداسان
خم غمينن جاميمي دولدور،غمون محتاجيم
سائلم غم خانوه ، غــــم مبتلاسي ، هارداسان
هرگئجه گوندوز ،دالونجا ،کاتب عشقونن ملر
قويما، چوخ محزون اولا ،دل آشناسي،هارداسان
هییت متوسلین حضرت علی اکبر(ع)تبریز
@motavasselan
پنجشنبہ است
" شاخه گلے" بفرستيم
براےتمام آنهايے
ڪہ دربين مانيستند
ولے"دعاهایشان" هنوزڪارگشاست
و يادشان هميشه با ماست
"روحشان شاد ويادشان گرامےباد"
@motavasselan
سید_جواد_ذاکر
بین تمومه شاهان شاهم فقط حسینه
روحش شاد و یادش گرامی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
سردار شرف صاحــــب صـــــــولتي ابوالفضل
فرمانــــــــــده اوردوي امامـــــــــــــتي ابوالفضل
باشدان ايــــــــــــــاقه علم و فضــيلتي ابوالفضل
حولرين انگشترينه حـــــــــــــــــــك ابوالفــــضل
سر درب بهشته يازيليب تكتـــــــــــي ابوالفضل
اكثيــــر ادب جوهر تقـــــــــــــــــــوادي ابوالفضل
غيــــرت اوزي بير قطره دي دريـــــــا دي ابوالفضل
فردوســـــي يازيبــــدور ولي افســــانه دي رستم
رســـــتم لري حيـــــرت ده گويــــــوب فاتح القـــــم
دقــــــت الســـــــــين شاعــــر و مداح و معــــــمم
چوخ گورمـــلي داش وار ولي المــــاس اولا بولـــــــمز
مين رســتم دستــــان گله عبـــــــاس اولا بولمـــــز
https://telegram.me/joinchat/BQ1CKT3x959rXnaj_Kjibw
دور ای شکوفه گلزار بوتراب قیزیم
سزا دگل اولا گل بستری تراب قیزیم
بو کاروان گیدیری کربلا زیارتینه
دایانما گیتماقا سنده قیل شتاب قیزیم
نه شمر وار سنه قمچی وورا، نه زجر و سنان
نه قید و بند نه وحشت نه اضطراب قیزیم
سن ای غزاله چرخ وفا، غزال حجاز
بو شام شومی ندن ایتدون انتخاب قیزیم
دور ای شهیده هجران عشق گور نجه وار
خیال وصلیله هر دلده التهاب قیزیم
سن ای طراوتی نزهت فزای هر گلشن
سن ای سرشگی صفا بخش هر گلاب قیزیم
سن ای ستاره تابان آسمان ادب
سن ای یوزی فلک حسنه ماهتاب قیزیم
بو لعلین ارزشینی اهل شام بولمدیلر
اولار بو گوهره تاریخ ارزیاب قیزیم
جهاندا اولسا نه اندازه بیر عفیفه خانم
حیا و شرمی ایدر سندن اکتساب قیزیم
ئولونجه یاندیراجاق عمه وی، که یولدا سنون
گل جمالیوی یاندیردی آفتاب قیزیم
سنون حضورون ایدر بو خرابه نی آباد
ولی یزید اولاجاق خانمان خراب قیزیم
آتان مزارینه گوز یاشلی باغریقان گیدروق
ویراق او قبره سرشگیله آب و تاب قیزیم
بابان شوروشسا اگر بس هانی رقیه قیزیم
اونون سوالنه وار منده نه جواب قیزیم
یزیدی ایلدی رسوای روزگار ئولومون
اگر چه بیر نچه گون اولدی کامیاب قیزیم
اولوب بو سلسله نین سندن آیریلان گوندن
غذاسی خون جگر، گوز یاشی شراب قیزیم
اولار که ایتدیله آل اللهی خرابه نشین
جفا و جوردن ایتمزله اجتناب قیزیم
عجبدی ظلمه بولار قصد قربت ایلدیلر
خطای محضی حساب ایتدیلر صواب قیزیم
یارالی قلبیمه بیر تیر زهردار اولدی
بو شمر دون که سنه ایتدی هر عتاب قیزیم
گلنده نالیه یولاردا، آه پرشررون
ایدردی اهل حرم قلبینی کباب قیزیم
اولار جهاندا مگر هانسی بیر اسیره قیزین
امیر سلسله سی بسته طناب قیزیم
بش اون گون اولدی یزیدین حکومتی اما
هامی جهاندا بیزوق مالک الرقاب قیزیم
بیزیله ایتمدی سازش جهان محاسبه ده
یقین ایله که غلط اولماز احتساب قیزیم
آتاندان ایسته گلوب(خوندله) عنایت ایده
گوزینده تپراق اولان وقتده نقاب قیزیم
که یعنی قبرده تک قویماسین صلاح اولسا
گلن زمان ایکی مامور باشتاب قیزیم
یارب بو غم نه غمدی که دلدن توان گیدر
طاق سمایه صوت انین و فغان گیدر
معلوم اولان که آل علی شام شومدن
عزم حجاز ایدوب وطنه باغریقان گیدر
محمللرون تمامنون اورتوکلری قرا
ماتم لباسینه گینوب بانوان گیدر
ببربیر خانملاری اوزی زینب سوار ایدوب
بو امردن تفکره کروبیان گیدر
گوردی حسین قیزی فاطمه دن یوخدی بیر خبر
آه نهانی عرش خدایه عیان گیدر
ویرانه دن ایشتدی که بیر سس گلور، او سس
الدن آلور قرار و دل ناتوان گیدر
قبر رقیه اوسته آچوب باشنی فاطمه
گویا دئر حجازه باجون، باجی جان گیدر
یاتما خرابه ده قوری یرلرده دور گیداق
اکبر مزاری اوسته هامی زائران گیدر
آسوده لقدی دور گیدیروخ بیز مدینیه
نه شمر وار بیزیله باجی نه سنان گیدر
نه وار یانوندا باشوا قمچی وران باجی
فکر ایلمه همان او شقی ساربان گیدر
چوخ نسگل ایلورم سنه اکبر زیارتین
شش گوشه قبری اوسته هامی آغلیان گیدر
هم محملم، باجی سندن شام یولارین
ایندی منیله بس کیم اولور همعنان گیدر
زینب رقیه قبرینی باسدی باغرینا
فرمایش ایتدی دور بالا بو بیکسان، گیدر
لنگ ایتمه کاروانی دایاندورما دور گیداخ
عزم وطن ایدوب باجون عممون آنان گیدر
عمم دئمه خرابده قویدی منی گیدور
سن سیز نجه بو زینب بی خانمان گیدر
شام اهلنون بو شامده ظلمی تمام اولوب
ویرانه دن ایدوب هامی نقل مکان گیدر
ناچار آیریلوب هامی قبر رقیه دن
بیربیر اولوب سوار، او یردن چخان گیدر
القصه دوشدیلر یولا اول کاروان غم
الده گوتورمش هر بیریسی بیر نشان گیدر
زینب النده قارداشنون قانلو کوینگین
زهرا مزارینه آپارور ارمغان گیدر
دورت مین یارالی کوینگینه باخدوقجا دمبدم
ایلر عذاره سیل سرشگین روان گیدر
اکبر عمامه سین گوتوروب لیلی حزین
گوز یاشلی سینه داغلی چکر الامان گیدر
کلثوم النده ماتم ایچون بیر قرا علم
یوزده سرشگ حسرتی ایلر فغان گیدر
بیر قانلی قونداقی باسوب آغوشنه رباب
اشگی آخار عذارینه مویه کنان گیدر
صحافه قبر پاکون اگر قسمت ایله سن
زواریون یاننجا دوشوب نوحه خوان گیدر
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کلامی زنجانی
من زینبم داغلی سینه گلمیشم
آهیله بو سرزمینه گلمیشم
آنام اوغلی دور ایاقا پیشوازا
زواریوم اربعینه گلمیشم
آی کربلا آی محبت کعبه سی
سندن گلور حسینون لبیک سسی
من گلمیشم قارداشیما آغلیام
خلوت اولسا حرمینون دوره سی
آی کربلا آی قانیلن دولان یر
مقدس تپراقی تربت اولان یر
تربتیوی باشا سپوب دیرم
بو یردی فاطمه گلی صولان یر
آی کربلا آی قربانلار مناسی
سنده باتوب قانا عشق آشناسی
گهواره تک تتره اصغر اویانسون
صود گتوروب اونا رباب آناسی
آی کربلا سال یادیوا او حالی
حسین بوردا یخلمشدی یارالی
باشین کسوب نیزه لره وردیلار
بدن قالدی یرده، باشدان آرالی
آی کربلا سن لاله لی چمن سن
عاشقلره نه عالی انجمن سن
جان سنون جان بو اوغولسوز غریبین
خوش حالیوا حسینمه وطن سن
آی کربلا درده درمان سنده دی
یتمش ایکی سوسوز قربنان سنده دی
حسینون کوینگی منیم سینمده
اما ئوزی یاتوب عریان سنده دی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج محسن رستگاری
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
راه شام
زبانحال حضرت رقیه سلام الله علیها
.
سبک_کربلا_قبله_عشقیمدی_منیم
.
سید تقی سیفی
.
کوفیان گور نجه یاندردی منی
اشک محنتله بویاندردی منی
.
بی بی زینب منه رحم ایله دایان
کاروان گئتدی آدامسیز قالدیم
.
.
.
.
عمّه من چرخ حیا اولدوزیام
خاندانِ علوینون دوزویام
هامیدان یاخچی تانورسان منی سن
آتامون من دیلی شیرین قیزیام
.
.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کوفه دن یولاندی شامه کاروان کربلا
قول قولا باغلی گئدوردی اهل بیت مصطفی
دوندی بیر شهره باخوب زینب سرشگین سیلدی
کوفه لیلردن خانم بیله گلایه ایلدی
من عزالیدیم دئدی هیچ یانمادوز احوالیمه
الره یاخدوز حنانی گلدوز استقبالیمه
سیز همان ملت سوز هیچ ظلم و جفادن دویمادوز
طعنه ویردوز چالدوز ال حرمت قوناقه قویمادوز
هیچ دئموردیم رحم ائدیدوز گوزده کی گوزیاشیمه
بی وفالر لا اقل کول توک میییدوز باشیمه
شامه دونسون تاجهان وار دی ایشیقلی گوندوزوز
گوزلروز قان آغلاسین هیچ گولمسین اصلا یوزوز
دائما روشن گونوز غم غصه دن اولسون گجه
دادگاه عدله محشرده گله جاقسوز نجه
داش ویروب اول حسین باشینه قلبی داغلادوز
ائتدیگوز ظلمه صورا ای بی وفا لر آغلادوز ؟
شاهد اول ای کوفه قلب مرتضانی سویدولار
خارجی آد اهل بیت مصطفایه قویدولار
الغرض دل داغلی قیزلار اولدولار ناقه سوار
باشدا قاره گوزده قانیاش کوفه دن آیریلدیلار
نیزه لرده شامه اون سگز کسیلمیش باش گئدور
زینبه شمر جفا پرور اولوب یولداش گئدور
نچه یردن سینمیشیدی قولسوز عباسین باشی
نیزه ده صاف دورمادی آغلاتدی یکسر داغ داشی
وئردیله آهسته رخصت قیز گلین گوزیاشینه
کیم اوجادان آغلادی ویردیلا قمچی باشینه
قوزانور دی قیزلارین قلبیندن عرشه زمزمه
آغلیوردی قان او احواله عزالی فاطمه
بیر سه ساله قیزواریدی نازنین شیرین زبان
ساکت اولموردی ائدوردی نی کیمی آه و فغان
بیر کجاوه گوشه سینده غرقیدی اشک تره
گه علی اکبره آغلوردی گاهی اصغره
اولدی یارب قلب عالم بو بیوک محنتده خون
تازیانیله اونی ساکت ائدوردی شمردون
ایلیوردی ناله ی جانسوزی هرقلبی کباب
داغلانان قلبینده واریدی ملال بی حساب
ناله سین عرشه اوجالدیردی گورن ساعتده، آب
زینب هرنه یالواروردی ساکت اولموردی رباب
اوخ کیمی قلبه گرک بوسوزگجه گوندوز دیه
دمبدم لای لای دیوردی خالی بیر گهواریه
قاسمین هجرینده داغلوردی سریه سینه سین
کهکشانه قوزامیشدی وای اوغول ای وای سسین
بو غم قامت شکن قلب جهانی داغلادی
چون آناسی اولمادی عباسه زینب آغلادی
بیر نچه فرسخ خلاصه شامه ساری گئتدلر
یورقون اولدی کاروان بیر یرده اتراق ائتدیلر
بیر نچه ساعت موقت استراحتدن صورا
سالدیلار آهو کیمی دل داغلی قیزلاری تورا
باغلادی خیردا اوشاقلاری دوباره قول قولا
کاروانی شمر ظالم سالدی قمچیله یولا
هرنه ایش گوردی عدو نیزه دایاندی گئتمدی
اول مکانی راس خونین حسین ترک ائتمدی
ایلدی آغلار گوزون زهرا عزیزی سلسبیل
ایستدی سجادیدن اول مشکله زینب دلیل
حضرت سجاد او اثناده توکوب گوزیاشینی
گلدی گفتاره دانیشدیردی حسینون باشینی
اولدورور دشمن دیدی سویله آماندی آی بابا
یاره لی باشون نیه بیر دن دایاندی آی بابا
یاره لی باش سسلدی باشه بلا سایه سالوب
گئتمرم نازلی رقیه یم قورخولی چولده قالوب
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زینبین دوشدی گوزی بیردن حسینون باشینا.
وردی رخصت اوزمان قانه دونن گوزیاشینا.
بیر باخوب مردم شهره بیر حسین قارداشینا.
دیدی قارداش بو محن گوزیاشیمی قانه قاتور.
سن دعا ایلدیگون کوفه لیلر دور داش آتور.
باجوون قلبینه بو منظره لر اوت سالدی.
او تشکر ایلینلرده بیزه ال چالدی.
بیله فکر ایتمه حسین واقف مطلب دگلم.
گورورم باشدا یارون واردی موذب دگلم.
یارماسام باشیمی باشون کیمی زینب دگلم.
علوی قانی قیزیشدی خانمون دوندی حالی.
چوبه محمله باخدی بیر آزی گتدی دالی.
یاحسین سسلدی چالدی باشینی باش یارالی.
غصه لی قلبینی بیر آنیده طوفان گوتدی.
زینبی محملی عریان دوه نی قان گوتدی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
تازیانه ویریلیب زجر ستمکار الینه
شامه جه وردی اوظالم دینه نی دینمیه نی
دولادی قمچیسینه اصغره لای لای دینی
زجری گورجک ایاقا دوردی سلام ایلمگه
(سلامن جوابی واجبدی، سلامن جوابنا باخ)
زجر سیلیسی دینده اوانیس محنه
(بیر دفعه باخدی اویان بویانا)
دیدی الله عموم عباسی یتور فوری منه
بیوک ال دیسه دوشر گورنه حالا خرداجا قیز
(یوز اولا رقیه نین او بالاجانازلی یوزی ال اولا زجرین آغر الی ،یوزی اوستونده دوشدی تیکانلارین اوستونه، تیز دوردی ایاقا دیدی)
منی ئولدورمه ردیف اسرادن چخلام
بیر کسیم یوخدی پناهینده اقلا سخلام
یرتیکانلخدی ویرورسان بئله ورما یخلام
نجه عرب که اونون قلبی سخدیدی داشدان
غذاسی مارو ملخ بادیه نشین زاده
ایاق یالین قاچا عادت ایدیبدی چولرده
گچیریب عمرونی وحشیلریله بیداده
اوقدری هرزه گیاهی یالین الیله قازب
زغال سنگه دونوب ال ایاقی صحراده
او الریله ورا رقیه نی گور نیلر
گلور هوا باشما یاحسین یتیش داده
قیز یامان گونده هرایه چاغرار ئوز ننه سین
(گوردولر اوبالاجا بالا الین قویدی یوزونه، یوزون دولاندردی بقیعه طرف،)
گل ننه یاندی یوزوم قالدی یاخام الرده
سن دوشن درده دوچار اولدی بالان چولرده
اوخی بو عرضه می ای سیده پاک تبار
سنیلن عرصه محنتده منیم فرقیم وار
(نیه بالا؟سنینده یوزوه سیلی وروبلار منیمده)
ورولانان صورا سن منزلیوه گلدین آنا
خیمه لریاندی ایویم یوخدی گدیم من هایانا
نجه سه ساله عاشقی من اوخشادیم اوشاقلارا
اوشاق مگر باخا بیلر قانا باتان دوداقلارا
سلام او راه شامیده قاباراولان ایاقلارا
ادبله سالک وفا رقیه دامنین دوتار
رفیق زجر دیور قالمادی توان منده
آلاندا قمچی سینی زجرکین شعار الینه
هواده قمچینی دوتدوم اوقیز اورکلندی
(دیر من که قمچینی دوتدوم ایوی داغلان نه ایشین واردی گورورسن یورولوبدی ورولوبدی قارداشی ئولوب دده سی ئولوب نیه ورورسان بوبالاجا بالا بئله بئله اورکلندی گلدی منیم مرکبیمین ترکینه دیزلریمین آلتنا
دیدی آی شیخ سن یاخجی آداما اوخشورسان،قوی سنون حقینده بیر دعا ایلیوم، دییر گوردوم بالاجا الرین قاخیزدی دیدی آی عرب الله سنون بالاوی منیم گونومه قویماسون، الله بالاوی دده سیز المسین، دیدیم خانم قافله لنگه دوشوب گل سواراول ترکیمه ، باباوون یارالی باشی دایانوب سنی آختارور)
ویردی جواب یاخجی مروتلی شخص سن
اما بویرده منطقیوین اشتباهی وار
نامحرمیله بیرآتا مینمز حسین قیزی
عمم دیوب بو بیر عملین چوخ گناهی وار
(دیدیم بالاجا بالا یول اوزوندی سنده ایاق یالن نینیه جکسن)
دیدی
بوتیکانلق آراسنان ئوزومه یول آچارام
سیز سورون آتلارزی منده پیاده قاچارام
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج رضا اکبری
روضه قتلگاه
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
پیام نهضت خونین کربلا
و گریز به خطبه حضرت زینب کبری (سلام الله) در کوفه
نهضت خونین عاشورا حساب اوستونده دور
هم نماز اوستونده هم حفظ حجاب اوستونده دور
قانیله کرب و بلانین دشتی یکسر دولماقی
گلشن حریتین سوز عطشدن سولماقی
اصغرین حلقی نشان تیر عدوان اولماقی
هم نماز اوستونده هم حفظ حجاب اوستونده دور
قتلگاه شاه دین قانیله دریا اولماقی
جلوه اسرار حقدن طور سینا اولماقی
سینه سی آماج تیر قوم اعدا اولماقی
هم نماز اوستونده هم حفظ حجاب اوستونده دور
بیر قولاق ویر زینبین فریاد و واویلاسینه
جان و دل یاندور شرار شعله ی آواسینه
دستگیر اولماقلیقی دشت بلا اعداسینه
هم نماز اوستونده هم حفظ حجاب اوستونده دور
اکبرین توپراقلار اوسته خون پاکی آخماقی
یاندیروب قلب جهانی نار هجری یاخماقی
چشم خون باری آنایه نوک نِیده باخماقی
هم نماز اوستونده هم حفظ حجاب اوستونده دور
قاسم شهزاده نین آمادۀ جنگ اولماقی
جسمی آماج خدنگ قوم پر ننگ اولماقی
ظلمیله مقتول اولوب قانیله همرنگ اولماقی
هم نماز اوستونده هم حفظ حجاب اوستونده دور
آچ گوزون ای مدّعی عبّاسه عاشقسن اگر
بول ندن اوتری اولوب عنقا کیمی بی بال و پر
چشم بینا کیمده وار بو سرّی یاخشی درک ایدر
هم نماز اوستونده هم حفظ حجاب اوستونده دور
نوک نی ده هر باشی محصور ائدن قان هاله سی
هر گوله بنذر یوزون خون دل اولماق ژاله سی
قوللاری باغلی ربابین وای اوغول وای ناله سی
هم نماز اوستونده هم حفظ حجاب اوستونده دور
ای ساتانلار دینی دنیایه یاتانلار قصرده
عاقبت بیر گون اولار سیزده یاتارسوز قبرده
قول حقّی درک ائدون شرط شفاعت حشرده
هم نماز اوستونده هم حفظ حجاب اوستونده دور
شاه گلگون پیکرین باشدان جهانی آتماقی
دلده شور وصلِ دلداریله قانه باتماقی
طائر عرش آشیانین توپراق اوسته یاتماقی
هم نماز اوستونده هم حفظ حجاب اوستونده دور
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw