1504
آدرس اینیستاگرام http://www.instagram.com/motavasselan1 رجز نوحه های تصویری صوتی اشعارحسینی شور ارتباط با آدمین تبادل ارسال مطلب @YaAliAkbarMadadi
هیچ کیمسه غریبلیقدا امام حسن اولماز
آند اولسون حسینه بیله مظلوم ئولن اولماز
ئوز محرمی نامحرم اولوب ایلدی مسموم
اسما کیمی بو دهریده بی رحم زن اولماز
شرم ائتمدی زهرادن اولوب عاق رسوله
ئولدوردی امامی ، بئله پیمان شکن اولماز
نصفِ شبیدی یاتمیشیدی اهل مدینه
بیر فاجعه اولدی که او ایش تازه دن اولماز
رؤیادن اولوب نورِ دل فاطمه بیدار
گوردی سو اگر ایچمسه رفع محن اولماز
زینب ، باشینون اوستونه بیر مُهرلی کوزه
قویموشدی ، عطش دردین اونون تک بیلن اولماز
مظلوم آقا آهیله همان کوزه نی گوتدی
سو آدینه عالمده بئله زهر ایچن اولماز
تا ایستدی ایچسون ، دئدی معناده آناسی
اوغلوم او سودان ایچمه دؤنوب قان لَبَن اولماز
بیر زهر او سوُا توکموشدی رحمسیز اسما
تأثیرینی تعریف ائده بیلمم بیلن اولماز
ایچجک دئدی ، زینب جگریم گل اوتا دؤندی
قارداشا باجی اولماسا ، تسکین وئرن اولماز
زینب گوز آچاندا دئدی ایوای حسنیم وای
بیر حالدا گوروب یارین او حالدا گورن اولماز
گوندردی حسینون ائوینه قاصدِ آهین
عرض ائتدی حسین گل بورا سنسیز گلن اولماز
سالدی بو نِدا کوی بنی هاشمه غوغا
گلدی هامی هئچ یاسدا یئله انجمن اولماز
عباس دئدی قارداشیمون قاتلی کیمدی
کلثوم دئدی آچما بو سرّی ، علن اولماز
ناگاه حسینون گوزی بیر طشته ساتاشدی
ایوای دئدی قارداش بئله قانلی لگن اولماز
زینب الی قوینوندا باخوردی حسنینه
سسلوردی حسین اغلاما بیدار حسن اولماز
بیر آه حسین چکدی حسن گوزلرین آچدی
بلبل که سؤز اهلی اولا گُل بی سخن اولماز
باخدی دئدی قارداش باشیم اوسته اوخی قرآن
دلدن سسیوی آلماسا غم ریشه کن اولماز
قرآن سسیوه قوی باجیم الآن قولاق آسسون
گورسه باشیوی نیزه ده نازین چکن اولماز
وئر غسلیمی کفن ایله منی تُپراقا تاپشور
هر چند سنه کرب و بلاده کفن اولماز
غم چکمه ئوزوم شام غریبانیوه گلّم
یانّام دیَرم هئچ بئله باشسیز بدن اولماز
یثربدن اوزاق دوشماقیوا ایلمه غصّه
واللّهی حسین کرب و بلا تک وطن اولماز
کلامی_زنجانی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یا رضا
مدفنین روضه ی رضواندی رضا
شیعه لرحالیوه ، گریاندی ،رضا
ائتدی مامونی خطا وئردی انگور جفا
زهریلن مسموم ائدیب ایلوروخ، آه ونوا
گوزلری. یولداقالوب
زهرکین طاقت آلوب
سسلوری فریاده گل
ای جوادیم داده گل
گوزیاشی گول ئوزینه اولدی روان
لبلریندن آخوری توپراقا قان
باشینی یوخدی دیزی اوسته آلان
گوزیولا حالی پرشاندی رضا
قطع اولوردی نفسی
یوخ اونون دادرسی
سسلوری فریاده گل
ای جوادیم داده گل
گوزیولا دیده سی گریان ئولورم
گل اوغول حالی پریشان ئولورم
لبلریمدن آخوری قان ئولورم
گورماقاگول ئوزی نالاندی رضا
ای جوانیم. بالا گل
چئخدی جانیم بالاگل
سسلوری فریاده گل
ای جوادیم داده گل
دیوری داده جوانیم گله سن
ای منیم روح وروانیم گله سن
چئخوری ایندی بوجانیم گله سن
سسلوری اوغلونی نالاندی رضا
گل ئورک داغلا اوغول
گوزیمی باغلااوغول
سسلوری فریاده گل
ای جوادیم داده گل
دادینه گلدی اونون تازه جوان
باش دیزاوسته دئدی ایوای باباجان
جدیوون اولمادی بیرگویلون آلان
دوره ده لشکرعدواندی رضا
اکبری، قانه، باتوب
ایستی قوم اوسته یاتوب
سسلوری فریاده گل
ای جوانیم داده گل
کربلاده دوشوب عریان یارالی
ذبح اولوب باشینی دالدان یارالی
غسلونی ویرموش اونون قان یارالی
صاحبیلن غمینه ، یاندی رضا
وای حسین مظلوم ئولن
بیرحصیر، اولدی. کفن
سسلدی فریاده گل
ای جوانیم داده گل
حاج عباسعلی دهقان(صاحب )
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
شهادت امام حسن مجتبی (ع)
..
..
مرحوم نادری میانجی
..
..
یثربده اولان وقتده اسما دل غافل
ایچدیردی امام حسنه زهر هلال
..
..
چون زهر ستم شاه جهانه اثرایتدی
غملر آناسی زینبی تیز باخبر ایتدى
زهرا قزینی چرخ فلک خونجگر ایتدى
گوردی یخیلوب شاه زمن حالی یاماندور
عرض ایتدى اخا قلبمی یاندورما اماندور
..
..
یاتما حسنیم یرده غم و محنته قالما
دور نوگل زهرا دیزیمون طاقتین آلما
آغلار باجیوی تازه غم وماتمه سالما
دردون دیگلن روشن اولا تا منه مطلب
کیم سالدی بوحاله سنی ؟ قربان سنه زینب
..
..
فرمایش ایدوب ای باجی خلاقدی ناظر
یوخ طاقت و تابیم دَگولم دورماقا قادر
زحمتدی اگر چه باجی بیر طشت ایله حاضر
طشتی گتوروب قویدی یره زینب نالان
طشته توکولوب پاره جگر لخته قزل قان
..
..
گل سولدى یتوب ناله غم بلبله الله
توش اولدی علی سسله سی مشکله الله
دوشدی گنه زینب آدی دلدن دله الله
ووردی باشنا ناله ایدوب زینب کبرا
بیر دفعه دیدی گل قیزیوون دادینه زهرا
..
..
غم توسننی ناله ایدوب پیلدی زینب
ئولدى حسنیم سوله دى غش ایلدی زینب
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال امام حسن مجتبی(ع)
سبک
سنه من آغلاماسام ئولم حسین
تنگ اولوبدور گوزیمه دارفنا
دورباجی جعده وئروب زهرجفا
تشتی حاضرایله زینب ئولورم
ال ئورکده ائدیرم آه. ونوا
توک باجی گوزیاشیوی
اوخشا من قارداشیوی
گل باجی آغلاگیلان
گوزیمی باغلاگیلان (۲)
دوداقیمدان آخوری قان ئولورم
وئریرم یاندی ئورک جان ئولورم
قارداشیم گلسه وصیت ائدرم
گئدیرم جدیمه مهمان ئولورم
ئورگیم یاندی باجی
قلبیم اودلاندی باجی
گل باجی آغلاگیلان
گوزیمی باغلاگیلان(۲)
ای باجی ایله خبرقارداشیما
گورنه لرگتدی بوجعده باشیما
جان یتوب لبلره تئزگل ئولورم
قئل نظرگوزدن آخان قانیاشیما
ای حسین دادیمه گل
سویله فریادیمه گل
گل باجی آغلاگیلان
گوزیمی باغلاگیلان(۲)
گلدی قارداشی حسین ائتدی نوا
سویلدی آچ گوزون ای عینی اخا
غسلونی وئردی حسین قئلدی نماز
یاده دوشدی گینه ده. کرببلا
جسمیدن قان آخوری
خیمه گاهه باخوری
گل باجی آغلاگیلان
گوزیمی باغلاگیلان(۲)
قتلگهده یاراسی چوخ چوخودی
هرگلن ووردی اونا داش اوخودی
صاحب آغلور یوخودی دادرسی
زینبی سسلدی بیرکَس یوخودی
ای باجی دادیمه گل
ایندی ایمدادیمه گل
گل باجی آغلاگیلان
گوزیمی باغلاگیلان(۲)
حاج عباسعلی دهقان(صاحب)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت امام رضا علیه السلام
گریز به شهادت حضرت علی اکبر علیه السلام
..
..
..
..
مرحوم حسینی سعدی زمان
..
..
..
..
یوزین قویوب قوری توپراقه چوخ ملالیله
دیردی درد دلین بو زبانحالیله
..
..
چخوبدی عرشه فغانیم اوغول جواد ئولورم
یتوب دوداقیمه جانیم اوغول جواد ئولورم
.
ویروبله زهر جفا اود دوتوب یانار جگریم
واریمدی درد نهانیم اوغول جواد ئولورم
.
اَلیم ئورکده، یوزیم یرده، گوزلریم قاپودا
اولوبدی ورد زبانیم اوغول جواد ئولورم
.
ئولنده گَل یوزیمی باری قبلیه دوندَر
یوخومدی کیمسه گمانیم اوغول جواد ئولورم
.
ئوزوم غریب، یانیمدا باجیم عیالیم یوخ
وطن دگُل بو مکانیم اوغول جواد ئولورم
.
اَسوب سموم ستم سولدی گلشن عمریم
یاخونلاشوبدی خزانیم اوغول جواد ئولورم
.
قویوب جفائیله مامون بالالاریمی یتیم
گُل اوزلی تازه جوانیم اوغول جواد ئولورم
.
ودایع نبوینی گَل ایلیوم تسلیم
قالا یانوندا نشانیم اوغول جواد ئولورم
.
یانیمدا یوخ گوزیمی باغلیان غریبم اوغول
فراقه یوخدی توانیم اوغول جواد ئولورم
.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
سلطان‌لذاکرین
حاج_سلیم_موذن_زاده
آیریلیق آیریلیق آمان آیریلیق
هر بیر درد دن اولار یامان آیریلیق
در فراق امام زمان عج
🏴کانال هیئت متوسلین حضرت علی اکبر(ع)تبریز🏴
@motavasselan
تصنیفی درباره حضرت مهدی علیه السلام
____________________
اباصالح ای عشق زهرا
گل نرگس آل طاها
ائدوبسن آقا هاردا مأوا
گوزوم قالدی یولدا
مولا فراقون ایاقدان منِ زاری سالدی
مولا اُلونجه یولوندا گوزوم یاشلی قالدی
مولا غم هجردن گُلده سولدی سارالدی
اورکلر غم اوستن غم آلدی
________________
یرون دلده دور ای یگانه
فراقوندان ای جاودانه
گوزوم ایلیوب دانه دانه
ستاره روانه
مولا نیه رنج هجرانه پایان تاپولمور؟
مولا نیه درد عشقیوه درمان تاپولمور؟
مولا نیه سن کیمی جان جانان تاپولمور؟
نیه شاه دوران تاپولمور؟
________________
خمارم مِیِ صحبتوندن
غمینم غم و محنتوندن
ملولم اوزون غیبتوندن
غم فرقتوندن
مولا وصالون سنون باغ رضوانه وئرمم
مولا غمون شادی کون و امکانه وئرمم
مولا ولایت مِیون آب حیوانه وئرمم
سنق لیق بو پیمانه وئرمم
________________
بلا دشتینه بیر یولون سال
علی اصغرین قانینی آل
اولا قویما اول قانی پامال
ربابه ای آمال
مولا مگر دیلسیزی اُلدوره لّر لب عطشان؟
مولا مگر سودامر سو یرینه ایچر قان؟
مولا مگر شیرخواره وئرر رزمده جان؟
رباب ائتسه وار حقی افغان
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
شهادت پیامبراسلام(ص)
شهادت امام حسن مجتبی(ع)
شهادت امام رضا(ع)
..
..
..
..
مرحوم غمکش
..
..
..
..
بولمورم بو عالمین وار نه بلالی ماجراسی
آسمانه اوج ایدوبدور وامحمّدا صداسی
..
..
..
..
وامصيبتا ديولّر سربسر باتوب قرايه
دسته دسته جمع اولولار بزم محنت و عزایه
اوج ایدور نوا و ناله لحظه لحظه نُه سمايه
باشلانوبدی عالم ایچره ختم انبیا عزاسی
..
..
..
..
بیر طرفده آغلیوللار دسته دسته مصطفایه
بیر طرفده آه و ناله ایلیولّه مجتبایه
آه سینه لر شراره دولدوروبدی ماسوايه
پردۀ قرا چکوبدور عالمه بو غم فضاسی
..
..
..
..
طوسین اهلی بیر طرفده دلده وا رضا دیولّر
طوس اولوبدی کربلا تک دشت غم فضا دیولّر
وا رضا دینده آغلور ارض کربلا دیولّر
جدّی تک بونوندا واردی هر بلائیچون رضاسی
..
..
..
..
اولدی نقطۀ سناباد ارض طوس ایچینده رضوان
کربلا کیمی مزیّن عطر و گل ویرور خراسان
فخر ایدر هامی جهانه روز حشر اولونجا ایران
کشوره صفا ویروبدور بارگاهینین صفاسی
..
..
..
..🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج_ابراهیم_رهبر
حاج_محمود_کریمی
روضه حضرت علی_اصغر
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج ولی الله کلامی
عرض ارادت
یاحسین بو دللری تیر غمه توش ائیلمه
شمع عشقون قلبیده روشندی خاموش ائیلمه
هئچ محرّم اولمیوب شیعه سنی یادائتمیه
سنده محشرده بیزی مولا فراموش ائیلمه
هر کیم حسینه اولسا سرباز زیر پرچم
چیخماز ره وفادن اولماز ذلیل عالم
ای غرق بحر عصیان اول حرّ تک پشیمان
مولادن آل براتِ آزادی از جهنم
حسینون آدین الله عرشه یازدی
اونا سرباز اولانلار ، سرفرازدی
حسین قربانِ حقدی ، کل عالم
اونا قربان اولا ، واللهی آزدی
اؤ اِلهی دمه قربانم اباعبدالله
آچدیقون پرچمه قربانم اباعبدالله
گوزل آدون دئیلن یئرده بهشت عطری گلر
مجلس ماتمه قربانم اباعبدالله
حسینه عشقیمیز احساسیمیزوار
قاباقدا لحظه ی حساسیمیزوار
اگر دشمن ووروردم قدرتیندن
بیزیمده حضرت عباسیمیزوار
سویقونچولارین قلبی عجب سنگیدی قارداش
جسمون داغیدیبلار بو نئجه جنگیدی قارداش
حقِّ نمکی بیلمدی بجدل اِلی سینسین
بیلمیردیم اوزوک بارماقیوا تنگیدی قارداش
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کربلاده دولاناردوخ اودا بیر گونلریدی
هره بیر شمعه یاناردوخ اودا بیر گونلریدی
مشکین اطرافین آلاردوخ هامی پروانه کیمین
سو ایچنده اوتاناردوخ اودا بیر گونلریدی
قبر عباسه باخیب آغلامیان کور اولسون
آغلارام ایندیده گوز یاشیم اونا شاهیددی
در عباس دؤین طلعت آلار فاطمه دن
اونون ایثارنه چون خیر نسا شاهیددی
نحر علقم یانار الان دا سوسوز سقایه
سو کنارینده دوشن مشک و لوا شاهیددی
مرکب اوستون ده او ساعت کی دئدی یا زهرا
گوردی سس گلدی بالا قورخما آنا شاهیددی
...
ننه، قولوا قمچی ووراننار دی کسیب قوللاریمی
..
ننه، فدکین گتدی سنین، مشکیمه اؤخ دیدی منیم
او حدیثه بو حدیث ایندی رسا شاهیددی
ننه، تنگ نخلیستانا باخ کوچه تنگی یادا سال
جان قوشوم اوردا گزیر باد صبا شاهیددی
ننه، سنه بیر سیلی دییب دی منه بیر آهن عمود
قانلی میداندا غریبم غربا شاهیددی
سنن او کوچه دی توتدی قولووی اؤغلون حسن
گویلوم عبداللهی ایستیر بو بکا شاهیددی
یوخ ننه ایسته میرم دادمی اوغلوم گله چون
آقامین اوغلو اؤلیب...
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
احوالات حضرت ابوالفضل العباس
دئمورم نهر فرات اوسته نه طوفان اولدی
نهری آلدیم سویا باخدیم اورگیم قان اولدی
مشکی دولدرماقا اولده بیر امکان اولدی
عطشیمدن دوداقیم اسدی سویا باخدیقجا
ائله یاندیردی منی نهر فرات آخدیقجا
مشکی دولدوردوم حسین تا گتیرم خیمه لره
آتش سوز عطشدن آلیشان صود امره
دورمی آلدیلا سالسینلا سو مشکین خطره
دئمورم هر ایکی قولاریمیده سالدی عدو
آز امیدیم کی واریدی اونودا آلدی عدو
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
شاخسی
حاج محمد راستانی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
🍃🌺🍃🍃🌺🍃
احوالات حضرت علی اصغر علیه السلام
حاج اصغر فرشچی ( عدلی تبریزی)
سبک : محرم رازیم الله
نخلة دینه هسته
گلمدی سینم اوسته
یوخلامادی بشیکده
ایندی دوشوبدی خسته
دینجلوب بالام حرمله توکدی قاننی
بولدی دینه ویردی بو گونده جاننی
الله الله اولدی اصغر غنچه گول تک سولدی اصغر
قانه اوغول باتموسان
مقصدیوه چاتموسان
اوخ سنه لایلای دیدی
راحت اولوب یاتموسان
آلتی آی اولان عمرومون آخر ثمری
اوخلانوب کیمون گوربالاسی صودامری
الله الله اولدی اصغرغنچه گول تک سولدی
اُ ولسه بالاسی آنا
حقِّیدی قلبی یانا
طاقتین الدن ویرر
گورسه باتوبدی قانا
بیراوخیلن قانه باتوبدی اصغریم
بو ربابی گوزدن آتوبدی اصغریم
الله الله اولدی اصغرغنچه گول تک سولدی
مین غمه یاندوراردی
ال ایاقین چالاردی
صود ایستیردی گویا
سینمه ال سالاردی
ای سولان گولوم آچماقوی گورنمدیم
اولمادی صودوم سو بالاما ویرنمدیم
الله الله اولدی اصغرغنچه گول تک سولدی
رسمیدی بو صود امر
دورسا یوخو دان سحر
آنا بالانی گورر
سینه سینی صود گزر
سینمی ندن گزمدی صود بالام یسون
اولمادی دلی دردینی هم سوزون دیسون
الله الله اولدی اصغرغنچه گول تک سولدی
ال اوسته اُولدون علی
مقصدی بولدون علی
سرّی ندور بولمورم
اُولنده گولدون علی
پهلوان یخان اوخ ویرولوب بوغازبیچوب
بادة غمی بوگون بالا آنان ایچوب
الله الله اولدی اصغرغنچه گول تک سولدی
یانوبدی نارغمه
گلوب باخور پرچمه
ایستوری حاجت اوغول
دیلده ایدور زمزمه
سسلوری علی کربوبلاده وارگوزوم
(عدلیم ) منیم دلده اولوبدی بو سوزوم
الله الله اولدی اصغرغنچه گول تک سولدی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
قتلگاه
مرحوم استاد تقایی
ظهر وقتی دوشوب عرصه میدانه حسین
جان دوداقینده گئدور محفل جانانه حسین
شوقیله دوتدی یوزین درگه ربُ الفلقه
باشلادی گودی گودالیده تقدیس حقه
قالدی حیران ملکوت اهلی او صاحب رفقه
دیل آچوب شکر حقه قلبی یانا یانه حسین
اوخلار آلتندا ائدور عشقینی جانانه ثبوت
اخیوب عشق نمازین دوتوب البته قنوت
عرض ائدور خالقه ای صاحب جاه و جبروت
سنون عشقونده الهی بویانوب قانه حسین
ایستورم باشدا گئده باشه چاتا عهد قدم
ایستورم تز یتیشم وصله غنیمتدی بو دم
رگ اسلامه وئرم من بو بیابانیده دم
دیه لر اولدی فدا مکتب قرآنه حسین
ائدورم ایندی که بو حالیله من راز و نیاز
قیلورام بو یارالی حالیله مقتلده نماز
سن منه عبدی دیورسن ائدورم عالمه ناز
جانی نیلور یتیشور وصلت جانانه حسین
وئردیم اکبر آدووا اکبری شوقیله فدا
تشنه سقّا بویانوب قانه ، اودا دوندی سودا
آلتی آیلیق قوزی وئردوم سنون عشقونده خدا
نیه ؟ ایستوردی که پایان وئره پیمانه حسین
بو بیاباندا اسوب صرصر محنت چمنه
سن وئرنلردی که تقدیم ائلدیم منده سنه
سنده بو حالیمه باخ شیعه نی عفو ایله منه
گوزتیکوب ، سن بیلوسن رحمت رحمانه حسین
سجده حالینده دوشوب مقتله شاه شهدا
گوزلیور قاتلی فرمانده فوج سُعدا
درگه ذات خدادن یتیشوب شاهه ندا
یخلوبسان منیم عشقیمده بو میدانه حسین
باش گتور سجده دن ای پور رسول مدنی
عرشه دعوت ائدورم محفل جانانه سنی
خوشدی ذکرون یارالی حالیده ذکر ایله منی
ویرمز ارزش بو مناجاتوه بیگانه حسین
می عشقیم بو بیاباندا سنی ایلدی مست
آلدی اطرافووی تا یتمیش ایکی باده پرست
هستیدن چکدون ال‌ای شاه که‌ائتدوم سنی مست
اولدی بو وادی محنت سنه خمخانه حسین
بو قیامون نقدر مکتبه واردی ثمری
ثمری ریشه کن ایلر بلی بیداد گری
سنون ایثارووه عفو ایلیورم شیعه لری
ائده لر روضه رضوانیده کاشانه حسین
مرحوم استاد تقایی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
فرا رسیدن سالروز رحلت پیامبر اعظم اسلام و سالروز شهادت جانسوز کریم اهل بیت امام حسن مجتبی (ع)را خدمت پیروان و رهروان آن معصومین تسلیت عرض مینماییم
خادمان هیئت متوسلین حضرت علی اکبر(ع) تبریز
@motavasselan
رحلت حضرت رسول اکرم (ص)
..
..
مرحوم لعلی تبریزی
..
..
چون قویدی آل هاشمه
گردون بنای شور و شر
وقت اولدی بو غمخانه دن
رحلت قیلا خیر البشر
..
..
چون یتدی وقت رحلتی
بیله بیوردی امتی
اَودَعتُ فیکُم عترتی
أَوصَیتُ هذَا المُختَصَر
..
..
مو قدری سیزدن نارضا
قویمون اولا آل عبا
حرمت ایدون مندن صورا
بو اهلبیته سر به سر
..
..
پس یوز دوتوب باشور و شین
سویلوب حسن ای نور عین
وی پور مظلومیم حسین
جدّوز بو دنیادن گیدر
..
..
اوّل وصیت کیم عمل
قیلدی اونا قوم دغل
زهرانی قویدی بالعجل
با نالۀ شام و سحر
..
..
درگاهینه اود ووردولار
قاپوسینی یاندیردولار
پهلوسینی سیندیردولار
شیعه او قوم بدسیر
..
..
بیر ظلم ایدوب قوم لعین
اول ظلمیله خانه نشین
اولدی امیرالمومنین
بیر گوشه ده دوتدی مقر
..
..
آخرده زهر کینلن
یاران شهید اولدی حسن
اولدی او شاه ممتحن
زهریله صد پاره جگر
..
..
قلیدی او قوم بی وفا
آل رسوله مین جفا
تا که بساط کربلا
بیر یاندان اولدی جلوه گر
..
..
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
سلام بر حضرت امام رضا ( ع )
..
..
حاج نادر بابایی
..
..
بارگاه اقدسه دارالشّفایه السّلام
شهریار ملک دین موسی الرّضایه السّلام
..
..
قبریون عطرین آلان هجرانیدن آزاد اولار
قلبینون ویرانه سی هر زائرون آباد اولار
کیم گورر صحنونده کی جاه و جلالی شاد اولار
گنبد و گلدسته و طاق طلایه السّلام
..
..
صحن و ایوانونده کی دیواریوه قربان اولوم
گنبد اوستونده اوچان قوشلاریوه قربان اولوم
دسته دسته شوط ایدن زوّاریوه قربان اولوم
قبرون اوسته قوزانان آه و نوایه السّلام
..
..
ای عزیز فاطمه ، شاه و گدا قبرونده وار
دردمندون دردینه عالی دوا قبرونده وار
هم نشان عطر گُل هم کربلا قبرونده وار
شیعه لر قبرونده سسلر کربلایه السّلام
..
..
اهل عالم تربتون عنبر کیمی خوشبو دیر
هر ایکی دنیا سنه سائلرون دلجو دیر
کیمسه نون وار حاجتی یا ضامن آهو دیر
معدن جود و کرم کان وفایه السّلام
..
..
آه او ساعتدن سنی مأمون دون مظلوم ایدوب
رسم مهمانداریه جور و جفا مضموم ایدوب
زهردار انگوریله آخر سنی مسموم ایدوب
گلدی جنّتدن آنون زهرا عزایه السّلام
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زنده یاد حاج محمدباقرمنصوری
رحلت حضرت رسول اکرم (ص) و امام حسن مجتبی(ع)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
مصیبت حضرت زهرا (س) در روز عزای حضرت خاتم الانبیا(ص) و امام حسن (ع)
..
..
..
..
..
..
مرحوم فرهاد فکری اردبیلی
..
..
..
..
قرا گیوبدی فاطمه
بو گون آتا عزاسینه
توکور سرشک چشمینی
خانم حسن بالاسینه
..
..
..
..
ویروبدی قلبینه یارا پیمبرون بو محنتی
نقدر اذیّت ایلیوب او باغریقانه امّتی
سالوب توان و تابیدن اونی آتا مصیبتی
یانور غریب آتاسینون بلا و مبتلاسینه
..
..
..
..
اسیر عشق یار اولان یقین بلانی آختارار
همیشه محنت وبلا غم آشنانی آختارار
یامان گونونده قزلارون گوزی آتانی آختارار
همیشه سس وئرر آتا بالاسینون صداسینه
..
..
..
..
دیور غمونده آی بابا یانوب جهانی داغلارام
منیم که یوخدی بیر کسیم عذاره اشکی باغلارام
نه وار آتام نه قارداشیم ئوزوم سنه تک آغلارام
گرکدی صبر ائده بلی مشیّت اقتضاسینه
..
..
..
.🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
بارگاه تو چه اوصاف و عجایب دارد
چیست ایوان نجف این همه طالب دارد
سینه خیز آمده ام سوی تو و میگویم
دیدن صحن علی(ع) سجدهء واجب دارد
@motavasselan
یا ارباب...:
🌹السلام علیک یا اباعبدالله الحسین🌹
مقتلون بیر پوزولان گلشنه بنذر یارالی
دی گوروم هانسی سؤلان گل سنه بنزر یارالی
ظلمیدن اهل شقاوت نیه دویمازلا حسین
من دئدیم مندن آلان کوینگی سویمازلا حسین
نعشیوی گون قاباغیندا بئله قویمازلا حسین
تیر ظلمیله باجی قلبینی اویمازلا حسین
قلب دشمن ایله بول آهنه بنزر یارالی
آچیلوب ظلم الی قارداش سارالان گللریوه
یری وار فاطمه قان آغلیا نسگللریوه
باجون ئولسون دی گوروم بس نه گلوب اللریوه
قوی آچوم ساچلاریمی سایه سالوم پیکریوه
پیکروه غارت اولان مسکنه بنزر یارالی
تانیا بولمدیم اول سنی بو پیکریله
باش که یوخدور بدنونده تانییدیم سریله
گوردوم اللرده گئدوب غارته انگشتریله
یازاجاق نوحه کریمی سنه اشگ تریله
سنسیز عالم اونا بیر گلخنه بنزر یارالی
کریمی مراغه ا ی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
رحلت حضرت رسول اکرم(ص) زبانحال حضرت زهرا(س)
آچ گوزون دانیشدور سن بودل غمینی
دشمنین ایچینده قویما تک علینی
اولموشام بابا گریان
فاطمه سنه قربان
آچ گوزون اماندور(۲)
گیتمه بوجهاندان. ای بابا اماندور
عترتین گورورسن غمده باغریقاندور
عارضه بوگوزیاش گورنئجه رواندور
دشمنین جفاسی گون کیمین عیاندور
قویماتک قالا عترت
ترک ایدربیزی امّت
آچ گوزون آماندور(۲)
گوربابا حسنله آغلوری حسینین
دوزموری فراقه نورهردو عینین
آرتوروب غمینده ناله سی علینین
فاطمه اوجالدوب ناله وانینین
اولمویور منه چاره
باشیما سالوم قاره
آچ گوزون اماندور(۲)
غسل ائدورعم اوغلوم گورنه يانه يانه
زینبیله کلثوم دوندی باغریقانه
دشمنین الینده دویدون ایندی جانه
غصب اولوب خلافت آیری بیرزماندور
کوچه ده دگر سیلی
بوئوزیم اولارنیلی
آچ گوزون اماندور(۲)
یومدی گوزلرینی خاتم رسالت
مرتضی علیدن غصب اولوب خلافت
باب وحیه حمله ایلویوب جماعت
فاطمه دوگولدی اولدی چوخ جسارت
قمچی ووردی چوخ ثانی
سینه ده آخوب قانی
آچ گوزون اماندی(۲)
سجده ده علینون یاره دن آخوب قان
آل مصطفانی اولدی دیده گریان
کربلاده اوغلی گئچدی باش وجاندان
صاحبیله سیفی اولدولار پریشان
قان اولوبدی گوزیاشلار
نیزه یه گئدوب باشلار
آچ گوزون اماندور(۲)
حاج عباسعلی دهقان(صاحب)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کربلایی عدالت جباری
۹۸/۷/۲۷
اربعین یعنی تجلای عزای اولیاء
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
گوزلریم قربان ابالفضل نگران گوزلروه
قانلی میداندا هراسان دولانان گوزلروه
یا ابالفضل نظر ائد درده گرفتارم آقا
بیر گوز آلتی منه باخسون ساغالار یارم آقا
احتیاجیم وا آقا قانلا دولان گوزلروه
ای سو اوستونده دوشن ساق و سولی
لطف ائله سن بیل علی اصغروون باغلی قولی
یوزومه باغلانیب هر یئردن آقا چاره یولی
جان فدا اولسون اوجا اوسته آخان گوزلروه
سالمیشام بوینوما عشقونده آقا آق کفنی
سسلرم داده ابالفضل مین امیدیله سنی
سنی زینب باجوون عصمتی سیندیرما منی
آغلارام قان آقا یولاردا قالان گوزلروه
یاده سالام او زمانون باشوا دئگدی یارا
مرکب اوسته بدنون لنگر ائدیب ساغه سولا
نه روا آهن عمود قولسوزا بیر قوللی ویرا
پرده چکدی او بیابانیده قان گوزلروه
اودی هر ایلده محرمده قرا من گیئرم
کیم دئسه قولارا قربان من ابالفضل دیئرم
یازا خنجر آدووی باشیمه فریاد ائدرم
قوی تصدق اولا باشیم جان آلان گوزلروه
زاهدا حکم جزا عاشیقه باطلدی اینااااان
عاشیقین زینتی دور باشدان آخان قرمزی قان
ننگیدور عاشیقه عشق اوسته اگر ورمسه جان
عالم عاشیقدی او حسرتله باخان گوزلروه
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کوی عشقینده حسین زار و پریشان گزرم
عاشقم مرقد شش گوشوه نالان گزرم
غم هجرانين حسین طاقتیمی ألدن آلب
هی حسین وای دیه رم دیده سی گریان گزرم
کعبه عشقیدی عشاقه سنین بارگهون
منده اول بارگهه عاشقم حیران گزرم
قبروین توپراقی هر درده دوادی آقاجان
منده بیمار سنین عشقوم درمان گزرم
مولا جان لطف ائله سن گلسم أگر درگهوه
منده پروانه صفت شمعوه سوزان گزرم
شوق دیدارون آقا بیزلری مجنون ائلیوب
غرق دریای غمم سر به گریبان گزرم!
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
نام مقدسون بیزه عنواندی یا حسین
سسلور هامی که جان سنه قرباندی یا حسین
من بیلمورم آدوندا نه وار یابن فاطمه
هاردا آدون گلور اورا طوفاندی یا حسین
بیر لحظه عشقیوی ایکی دنیایه ویرمرم
هر کیم ساتا بو گوهری ناداندی یا حسین
بیر عمریدور سنی چاغیروب یا حسین دیدیم
عشقیم منمی جنابیوه چوخداندی یا حسین
مجنون ایدوب جماعتی عشق مقدسون
دیوانه لر قاپوندا فراواندی یا حسین
هر کیم قاپوندا خادم اولوب افتخاری وار
گلسه گدا بو درگهه سلطاندی یا حسین
هر یرده یا حسین دیوب ذکر اولا آدون
اهل ولایه روضه رضواندی یا حسین
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کربلایی حسین عینی فرد
شیعه حیدر
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
جنگ شاهزاده حضرت علی اکبر (علیه السلام) با بکر (علیه اللعنه)
او یزیدین دئدی رفتارینی سر مشق ائلرم
بو دئدی منده ابوالفضل عموما عشق ائلرم
اودئدی سعی ائدرم کاسه صبرین جالارام
بودئدی غیضه گلم پیکریوه اود قالارام
اودئدی امر ائلسم لشکریم اطرافون آلار
بو دئدی اصغرین آهی جانوا رعشه سالار
اودئدی دقتیله باخ یوزومه بکرم من
بودئدی دشمن سرسخت ابوبکرم من
او دئدی مشکله سالام سنی ای ماه لقا
بودئدی مشکله دوشسم دیرم یازهرا
اودئدی ایندی سنی ئولدوررم یا ئولرم
بودئدی پیکریوی اورتادان الآن بولرم
اودئدی واریری من سوزلریوه ایندی گولم
بو دئدی گردنوی ورماسام اکبر دگولم
بکره اکبر دئدی الآن اورگین قان ائدرم
سنی بیرضربتیله وارد نیران ائدرم
نحس انداموی شمشیریله منشق ائدرم
اوجهنمده کی اجدادیوه ملحق ائدرم
بکریله شبه پیمبر او قدر جنگ ایلدی
بکره آخرده علی عرصه گهی تنگ ایلدی
باطل ائتدی اوجفا پیشه نون آینده سینی
آخرین ضربتیله باغلادی پرونده سینی
عطش افسوس او مولانی ایاقدان سالدی
بی حیا کوفه لیلر دورینی فورا آلدی
مرکبیندن یره شام اهلی او مولانی سالوب
اوخ وران نیزه ورانلار اونون اطرافین
هرطرفدن آقانون یولارینی باغلادیلار
خامس آل عبانون اورگین داغلادیلار
صلوات
گر ايسته سوز تاپاسوز هر ايکی جهاندا نجات
ديون محمد و آل محمده صلوات
گئدوبدی رفرفيلن گويلره رسول انام
گوروبدی عرشيده وار اون ايکی امام همام
کی اون بيری اوتوروبدور بيری ائدوبدی قيام
به ياد اون ايکی نور و به نور مه وَجَنات
ديون محمد و آل محمده صلوات
علی وصی بلا فصل مصطفادی بيلون
تمام شيعه لره اولين آقادی بيلون
نجفده اول آقانین قبری با صفادی بيلون
اونون اَليله اولوب محو، لات و منات
ديون محمد و آل محمده صلوات
جناب فاطمه نون آدينه اولوم قربان
همان او فاطمه کی قلبینی ائدوبلر قان
گونوز ئولوب، گئجه دفن ايليوب شه مردان
وئروبدی فاطمه نون آدينه خدا برکات
ديون محمد و آل محمده صلوات
گوزل آقادی امام حسن بقيعده ياتوب
جفای زهريله مظلوم ئولن بقيعده ياتوب
فدا اولوم او غريب وطن بقيعده ياتوب
مزاری گون قاباقيندا قالوبدی چوخ سَنَوات
ديون محمد و آل محمده صلوات
ديار کرب و بلانی چوخ ايستيور گوگلوم
شهيد تشنه لبانی چوخ ايستيور گوگلوم
ابالفضل آدلی آقانی چوخ ايستيور گوگلوم
گرکدی گوزياشيم آخسين عُذاره مثل فُرات
ديون محمد و آل محمده صلوات
امام زين العبادين وفاسينه قربان
گوزل یوزينده او نورِ جلاسينه قربان
نماز و راز و نياز و دعاسينه قربان
اولوبدی شاهد اونون هر دعاسينه خَلَوات
ديون محمد و آل محمده صلوات
امام باقره قربان اودور بئشمجی امام
جناب جابره امر ايليوب رسول انام
يتور منيم طرفيمدن اونا، گورنده سلام
همان اماميدی که اولدی شافع عرصات
ديون محمد و آل محمده صلوات
دولوبدی عشق ولائيله قلب اَطيَبيميز
هامی مکاتيب ايچينده گوزلدی مکتبيميز
امام صادق اولوبدور رئيس مذهبيميز
ائدوبدی شيعه لرين حقّينی جهاندا ثبات
ديون محمد و آل محمده صلوات
بيزی ائدوبدی خدا شمع عشقه پروانه
گرک اورکلريميز غمده اود دوتوب يانه
امام موسی کاظم دوشوبدی زندانه
تاپوبدی خالق يکتا يانيندا چوخ درجات
ديون محمد و آل محمده صلوات
وئروبدی زهريله جان حضرت امام رضا
دوادی دردلره اول تُربت امام رضا
اورکده نيسگيل اولوب غُربت امام رضا
اونی زيارت ائدن کس گورر بوقت ممات
ديون محمد و آل محمده صلوات
خدايه شکر اولا کی شيعه و مسلمانم
سخا و جود امام جواده قربانم
هميشه سفره ی جودينده منده مهمانم
قيامتين گونی آلاّم اَليمه برگ برات
ديون محمد و آل محمده صلوات
امام هادی اونومجی اماميميزدی بيزيم
سپهر عشقيده بدر تماميميزدی بيزيم
اونون مرامی جهاندا مراميميزدی بيزيم
وئرر مُحبّ لره لُطف حقدن آب حيات
ديون محمد و آل محمده صلوات
امام عسکرينون روحينه اولوم قربان
چکوبدی چوخلو جفا يا ديوم چکوب زندان
تاپالاّ اهل ولا، سُرَّمَن رَآده نشان
او حضرت ايلدی اسلامه چوخ گوزل خدمات
ديون محمد و آل محمده صلوات
گوزللرين گوزلی حضرت امام زمان
او حضرتين يوزونون نورينه بپادی جهان
اگر چه گونتک عياندی ولی اولوبدی نهان
ئوپور قدملرينی ايلده وادیِ عَرَفات
ديون محمد و آل محمده صلوات
بو شعره بانی محمّد، مرادی اولدی، ولی
کمک ليق ايلدی الحق علیّ و آل علی
«بشير»ه وار اولارین لطفی هر زماندا بلی
تاپار يقين ايکی دنياده کلّ شيعه نجات
ديون محمد و آل محمده صلوات
اللهم صل علی محمد و آل محمد
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw